പുതിയ സർക്കിട്ട്‌ സമ്മേളന പരിപാ​ടി

ഈ വ്യവസ്ഥി​തി എന്നേക്കും നിലനിൽക്കു​മെന്നു നാം വിശ്വ​സി​ക്കാൻ ലോകം ആഗ്രഹി​ക്കു​ന്നു. എന്നാൽ മറ്റൊ​രാ​ശ​യ​മാണ്‌ ബൈബിൾ പറയു​ന്നത്‌. (1 യോഹ. 2:15-17) ‘ഭൂമി​യിൽ നിക്ഷേ​പങ്ങൾ സ്വരൂ​പി​ക്കു​ന്നത്‌’ ഒരു പാഴ്‌വേ​ല​യാ​ണെന്നു മനസ്സി​ലാ​ക്കാൻ അതു നമ്മെ സഹായി​ക്കു​ന്നു. ദൈവ​ജ​നത്തെ ബലപ്പെ​ടു​ത്തു​ന്ന​തിന്‌ സേവന​വർഷം 2007-ലെ സർക്കിട്ട്‌ സമ്മേളനം “സ്വർഗ്ഗ​ത്തിൽ നിക്ഷേപം സ്വരൂ​പി​ച്ചു​കൊൾവിൻ” എന്ന പ്രതി​പാ​ദ്യ​വി​ഷ​യത്തെ കേന്ദ്രീ​ക​രി​ച്ചാ​യി​രി​ക്കും നടത്ത​പ്പെ​ടുക.—മത്താ. 6:19, 20.

‘ആകാശ​ത്തി​ലെ [“വായു​വി​ന്റെ,” NW] അധികാ​ര​വും അനുസ​ര​ണ​ക്കേ​ടി​ന്റെ മക്കളിൽ ഇപ്പോൾ വ്യാപ​രി​ക്കുന്ന ആത്മാവും’ എന്ന്‌ എഫെസ്യർ 2:2-ൽ പരാമർശി​ച്ചി​രി​ക്കു​ന്ന​തിൽ ഭൗതി​ക​ത്വ​ചി​ന്താ​ഗ​തി​യും ഉൾപ്പെ​ട്ടി​രി​ക്കു​ന്നു. ഏവർക്കും ശ്വസി​ക്കാ​നാ​കും​വി​ധം അക്ഷരീയ വായു എവി​ടെ​യും ഉള്ളതു​പോ​ലെ​ത​ന്നെ​യാണ്‌ ഈ വ്യവസ്ഥി​തി​യിൽ “ലോക​ത്തി​ന്റെ ആത്മാ”വും. (1 കൊരി. 2:12) അതിന്റെ സ്വാധീ​നം വളരെ ശക്തമാ​യ​തി​നാൽ അതിന്‌ ‘അധികാ​രം’ ഉള്ളതായി പറഞ്ഞി​രി​ക്കു​ന്നു. ലോക​ത്തി​ന്റെ ഭൗതി​ക​ത്വ​ചി​ന്താ​ഗതി ഒഴിവാ​ക്കാ​നും ഏറ്റവും പ്രധാ​ന​മായ സംഗതി ജീവി​ത​ത്തിൽ ഒന്നാമതു വെക്കാ​നും നമ്മെ സഹായി​ക്കു​ന്ന​താണ്‌ പുതിയ സർക്കിട്ട്‌ സമ്മേളന പരിപാ​ടി. (മത്താ. 6:33) കൂടാതെ, സമ്മർദ​ങ്ങൾക്കും പരി​ശോ​ധ​ന​കൾക്കും മധ്യേ നമ്മുടെ ശുശ്രൂഷ നിർവ​ഹി​ക്കവേ യഹോ​വ​യിൽ ആശ്രയി​ക്കാ​നും ഈ പരിപാ​ടി നമ്മെ സഹായി​ക്കും.

രണ്ടു ദിവസ​വും ഹാജരാ​കുക, പരിപാ​ടി​കൾക്ക്‌ ‘സാധാ​ര​ണ​യിൽ കവിഞ്ഞ ശ്രദ്ധ നൽകുക.’ (എബ്രാ. 2:1, NW) നിങ്ങളു​ടെ വ്യക്തി​പ​ര​മായ ജീവി​ത​ത്തി​ലും ശുശ്രൂ​ഷ​യി​ലും ബാധക​മാ​ക്കാ​നാ​കുന്ന ആശയങ്ങ​ളു​ടെ ഹ്രസ്വ​മായ കുറി​പ്പെ​ടു​ക്കുക. ആത്മീയ​മാ​യി പരിപു​ഷ്ടി​പ്പെ​ടു​ത്തുന്ന ഈ ദ്വിദിന പരിപാ​ടിക്ക്‌ ആദി​യോ​ടന്തം ഹാജരാ​കു​ന്നെ​ങ്കിൽ ‘സ്വർഗ്ഗ​ത്തിൽ നിക്ഷേപം സ്വരൂ​പി​ക്കു​ന്ന​തിൽ’ തുടരാ​നുള്ള പ്രോ​ത്സാ​ഹ​ന​വും ശക്തിയും നിങ്ങൾക്കു ലഭിക്കും.