നിങ്ങളു​ടെ മനസ്സ്‌ കാത്തു​കൊ​ള്ളു​ക

1. സേവന​വർഷം 2013-ലെ സർക്കിട്ട്‌ സമ്മേള​ന​ത്തി​ന്റെ വിഷയം എന്താണ്‌, എന്ത്‌ ഉദ്ദേശ്യ​ത്തി​ലാണ്‌ അത്‌ തയ്യാറാ​ക്കി​യി​രി​ക്കു​ന്നത്‌?

¹ യഹോ​വയെ മുഴു​ഹൃ​ദ​യ​ത്തോ​ടും മുഴു​ദേ​ഹി​യോ​ടും മുഴു​മ​ന​സ്സോ​ടും കൂടെ സ്‌നേ​ഹി​ക്കാൻ യേശു തന്റെ ശിഷ്യ​ന്മാ​രോട്‌ ആവശ്യ​പ്പെട്ടു. (മത്താ. 22:37, 38) അകമേ​യുള്ള നമ്മുടെ വ്യക്തി​ത്വം രൂപ​പ്പെ​ടു​ത്താൻ സഹായി​ക്കുന്ന വിവര​ങ്ങ​ളാണ്‌ ഈ വർഷത്തെ ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലും സമ്മേള​ന​ങ്ങ​ളി​ലും ഉൾപ്പെ​ടു​ത്തി​യി​രി​ക്കു​ന്നത്‌. “നിന്റെ ഹൃദയത്തെ കാത്തു​കൊൾക!” എന്നതാണ്‌ ഈ വർഷത്തെ ഡിസ്‌ട്രി​ക്‌റ്റ്‌ കൺ​വെൻ​ഷന്റെ വിഷയം എന്ന കാര്യം നിങ്ങൾ ഓർക്കു​ന്നു​ണ്ടാ​കും. “നിങ്ങളു​ടെ മനസ്സാക്ഷി കാത്തു​കൊ​ള്ളുക!” എന്ന വിഷയത്തെ ആസ്‌പ​ദ​മാ​ക്കി​യു​ള്ള​താണ്‌ 2013 സേവന​വർഷ​ത്തി​ലെ പ്രത്യേക സമ്മേളന ദിന പരിപാ​ടി. അടുത്ത മാസം മുതൽ ആരംഭി​ക്കുന്ന സർക്കിട്ട്‌ സമ്മേള​ന​ത്തി​ന്റെ വിഷയം “നിങ്ങളു​ടെ മനസ്സ്‌ കാത്തു​കൊ​ള്ളുക” എന്നതാണ്‌; മത്തായി 22:37-നെ ആധാര​മാ​ക്കി​യു​ള്ള​താണ്‌ ഇത്‌. നമ്മുടെ ചിന്തകളെ വിലയി​രു​ത്താ​നും അവ യഹോ​വ​യ്‌ക്ക്‌ പ്രസാ​ദ​ക​ര​മാ​ക്കി​ത്തീർക്കാ​നും നമ്മെ ഓരോ​രു​ത്ത​രെ​യും സജ്ജരാ​ക്കുക എന്ന ലക്ഷ്യ​ത്തോ​ടെ​യാണ്‌ ഈ സർക്കിട്ട്‌ സമ്മേള​ന​പ​രി​പാ​ടി തയ്യാറാ​ക്കി​യി​രി​ക്കു​ന്നത്‌.

2. സമ്മേള​ന​ത്തിൽ ഏതെല്ലാം ചോദ്യ​ങ്ങൾക്കുള്ള ഉത്തരം നമുക്ക്‌ ലഭിക്കും?

² നമുക്കാ​യി ഒരുക്കി​യി​രി​ക്കു​ന്നത്‌: പിൻവ​രുന്ന ചോദ്യ​ങ്ങൾക്കുള്ള ഉത്തരം സർക്കിട്ട്‌ സമ്മേളന പരിപാ​ടി​യി​ലൂ​ടെ നിങ്ങൾക്ക്‌ ലഭിക്കും; സമ്മേളന പരിപാ​ടി​യി​ലെ പ്രധാന ആശയങ്ങ​ളാണ്‌ അവ.

• ‘മാനു​ഷിക ചിന്തകൾ’ നമുക്ക്‌ എങ്ങനെ ഒഴിവാ​ക്കാം?

• മനസ്സിനെ കുരു​ടാ​ക്കി​യി​രി​ക്കുന്ന മൂടു​പടം നീക്കാൻ അവിശ്വാ​സി​കളെ നമുക്ക്‌ എങ്ങനെ സഹായി​ക്കാം?

• ഏതുതരം മനോ​ഭാ​വ​മാണ്‌ നമുക്ക്‌ ഉണ്ടായി​രി​ക്കേ​ണ്ടത്‌?

• ശരിയാ​യി ധ്യാനി​ക്കു​ന്ന​തു​കൊണ്ട്‌ എന്തെല്ലാം പ്രയോ​ജ​ന​ങ്ങ​ളുണ്ട്‌?

• നമ്മുടെ ചിന്തകളെ രൂപ​പ്പെ​ടു​ത്താൻ യഹോ​വയെ എങ്ങനെ അനുവ​ദി​ക്കാം?

• കുടും​ബ​സ​ന്തു​ഷ്ടി നിലനി​റു​ത്തു​ന്ന​തിൽ ഭർത്താ​വി​നും ഭാര്യ​ക്കും മാതാ​പി​താ​ക്കൾക്കും കുട്ടി​കൾക്കും ഉള്ള പങ്ക്‌ എന്താണ്‌?

• യഹോ​വ​യു​ടെ ദിവസ​ത്തി​നാ​യി നമുക്ക്‌ എങ്ങനെ ഒരുങ്ങാം?

• പ്രവർത്ത​ന​ത്തി​നാ​യി മനസ്സിനെ ഒരുക്കുക എന്നതു​കൊണ്ട്‌ എന്താണ്‌ അർഥമാ​ക്കു​ന്നത്‌?

• പഠിച്ച കാര്യങ്ങൾ ബാധക​മാ​ക്കു​ന്ന​വർക്ക്‌ എന്തു പ്രയോ​ജനം ലഭിക്കും?

3. സമ്മേള​ന​ത്തിന്‌ രണ്ടുദി​വ​സ​വും ഹാജരാ​കു​ക​യും പരിപാ​ടി​കൾ നല്ലവണ്ണം ശ്രദ്ധി​ക്കു​ക​യും കേട്ട കാര്യങ്ങൾ ബാധക​മാ​ക്കു​ക​യും ചെയ്യേ​ണ്ടത്‌ എന്തു​കൊണ്ട്‌?

³ നമ്മുടെ ചിന്തകളെ ദുഷി​പ്പി​ക്കാൻ സാത്താൻ കഠിന​മായ പോരാ​ട്ടം​തന്നെ നടത്തി​ക്കൊ​ണ്ടി​രി​ക്കു​ന്നു. (2 കൊരി. 11:3) അതിനാൽ നാം മനസ്സിനെ കാത്തു​സൂ​ക്ഷി​ക്കു​ക​യും ചിന്തകളെ നിയ​ന്ത്രി​ക്കു​ക​യും ചെയ്യേ​ണ്ട​തുണ്ട്‌. മാത്രമല്ല, ക്രിസ്‌തു​വി​ന്റെ മനസ്സു​ള്ള​വ​രാ​യി തുടരു​ക​യും ഈ ദുഷിച്ച ലോക​ത്തി​ന്റെ സ്വാധീ​ന​ങ്ങൾക്ക്‌ വഴങ്ങി​ക്കൊ​ടു​ക്കാ​തി​രി​ക്കു​ക​യും വേണം. (1 കൊരി. 2:16) അതു​കൊണ്ട്‌ രണ്ടുദി​വ​സ​വും ഈ സർക്കിട്ട്‌ സമ്മേള​ന​ത്തി​നു ഹാജരാ​കാൻ തയ്യാറാ​കുക. അവിടെ നടത്തുന്ന പരിപാ​ടി​കൾ നല്ലവണ്ണം ശ്രദ്ധി​ക്കുക. തീക്ഷ്‌ണ​ത​യോ​ടെ രാജ്യ​വേല ചെയ്യു​ന്ന​തിന്‌ നമ്മുടെ ‘മനസ്സിനെ ഒരുക്കാൻ’ കേൾക്കുന്ന കാര്യങ്ങൾ ബാധക​മാ​ക്കു​ന്ന​തി​ലൂ​ടെ സാധി​ക്കും.—1 പത്രോ. 1:13, ഓശാന ബൈബിൾ.