നിങ്ങൾ അധ്യയനം നടത്തി​ക്കാ​ണി​ച്ചി​ട്ടു​ണ്ടോ?

ബൈബി​ള​ധ്യ​യനം വാഗ്‌ദാ​നം ചെയ്യു​മ്പോൾ ചില വീട്ടു​കാർ താത്‌പ​ര്യ​മി​ല്ലെന്നു പറയാ​റുണ്ട്‌. അല്ലെങ്കിൽ, ‘പള്ളിക​ളിൽ ഞങ്ങളെ പഠിപ്പി​ക്കു​ന്നുണ്ട്‌’ എന്നായി​രി​ക്കാം അവരുടെ മറുപടി. നമ്മുടെ അധ്യയ​ന​രീ​തി പരിച​യ​മി​ല്ലാ​ത്ത​തു​കൊണ്ട്‌ അത്‌ എത്ര ഉൾക്കാഴ്‌ച നൽകു​ന്ന​തും ആസ്വാ​ദ്യ​ക​ര​വു​മാണ്‌ എന്നതി​നെ​ക്കു​റിച്ച്‌ അവർക്ക്‌ ഒരു ഊഹവും കാണില്ല. അതു​കൊണ്ട്‌, ബൈബി​ള​ധ്യ​യനം വാഗ്‌ദാ​നം ചെയ്‌തി​ട്ടു​പോ​രു​ന്ന​തി​നു​പ​കരം അപ്പോൾത്തന്നെ ഏതാനും മിനി​ട്ടെ​ടുത്ത്‌ അതൊന്ന്‌ നടത്തി​ക്കാ​ണി​ക്ക​രു​തോ? ഇതേക്കു​റി​ച്ചൊ​ന്നു ചിന്തി​ക്കുക: ‘ഞാൻ ഒരു നല്ല പാചക​ക്കാ​ര​നാണ്‌, അടുത്ത​പ്രാ​വ​ശ്യം വരു​മ്പോൾ നല്ലൊരു വിഭവം തയ്യാറാ​ക്കി​ക്കൊ​ണ്ടു​വ​രാം’ എന്ന്‌ ആരോ​ടെ​ങ്കി​ലും പറയു​ന്ന​തി​ലും നല്ലത്‌ അപ്പോൾത്തന്നെ ആ രുചി നുകരാൻ അവർക്ക്‌ ഒരു അവസരം കൊടു​ക്കു​ന്ന​താ​യി​രി​ക്കി​ല്ലേ! 2006 ജനുവരി നമ്മുടെ രാജ്യ ശുശ്രൂ​ഷ​യു​ടെ 6-ാം പേജിൽ കൊടു​ത്തി​രി​ക്കുന്ന നിർദേ​ശ​ത്തി​നു ചേർച്ച​യിൽ ഏതാനും മിനി​ട്ടു​കൾകൊണ്ട്‌ ഒരു അധ്യയനം നടത്തി​ക്കാ​ണി​ക്കാ​നാ​കും. ഒരു മാതൃകാ അവതര​ണ​മാണ്‌ താഴെ കൊടു​ത്തി​രി​ക്കു​ന്നത്‌:

വീട്ടു​കാ​രന്‌ താത്‌പ​ര്യ​മു​ണ്ടെന്നു മനസ്സി​ലാ​യാൽ അദ്ദേഹ​ത്തോട്‌ ഇങ്ങനെ പറയാം: “ഈ ബൈബിൾ വാക്യ​ത്തിൽ പറഞ്ഞി​രി​ക്കു​ന്ന​തു​പോ​ലെ എന്നെങ്കി​ലും സംഭവി​ക്കു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ? [യെശയ്യാ​വു 33:24 വായി​ക്കുക. അഭി​പ്രാ​യം പറയാൻ ക്ഷണിക്കുക.] ഈ വിഷയ​ത്തെ​ക്കു​റി​ച്ചുള്ള സുപ്ര​ധാ​ന​മായ ചില വിവരങ്ങൾ ഈ പുസ്‌ത​ക​ത്തി​ലുണ്ട്‌.” ബൈബിൾ പഠിപ്പി​ക്കു​ന്നു പുസ്‌തകം വീട്ടു​കാ​രന്‌ നൽകി​യ​ശേഷം 36-ാം പേജിലെ 22-ാം ഖണ്ഡിക​യി​ലേക്ക്‌ അദ്ദേഹ​ത്തി​ന്റെ ശ്രദ്ധക്ഷ​ണി​ക്കുക. ആ ഖണ്ഡിക​യു​ടെ ചോദ്യം വായി​ക്കുക. എന്നിട്ട്‌, നിങ്ങൾ ഖണ്ഡിക വായി​ക്കു​മ്പോൾ അതിനുള്ള ഉത്തരം കണ്ടുപി​ടി​ക്കാൻ അദ്ദേഹ​ത്തോട്‌ ആവശ്യ​പ്പെ​ടുക. ഖണ്ഡിക വായി​ച്ച​ശേഷം വീണ്ടും ചോദ്യം ചോദി​ക്കുക. വീട്ടു​കാ​രന്റെ അഭി​പ്രാ​യം ശ്രദ്ധി​ക്കുക. ഖണ്ഡിക​യിൽ കൊടു​ത്തി​രി​ക്കുന്ന മറ്റൊരു തിരു​വെ​ഴു​ത്തും​കൂ​ടെ വായി​ക്കുക. മടങ്ങി​ച്ചെ​ല്ലു​മ്പോൾ ചർച്ച​ചെ​യ്യു​ന്ന​തി​നാ​യി ഒരു ചോദ്യം ചോദി​ക്കുക. എപ്പോൾ മടങ്ങി​ച്ചെ​ല്ലും എന്ന കാര്യം പറഞ്ഞു​റ​പ്പി​ക്കുക. ഇപ്പോൾ ഇതാ, നിങ്ങൾ ഒരു ബൈബി​ള​ധ്യ​യനം തുടങ്ങി​ക്ക​ഴി​ഞ്ഞു!