തെരു​വു​സാ​ക്ഷീ​ക​രണം ഫലപ്ര​ദ​മായ വിധത്തിൽ

1. നമുക്ക്‌ യേശു​വി​നെ അനുക​രി​ക്കാ​നാ​കുന്ന ഒരു വിധ​മേത്‌?

¹ ഭൗമിക ശുശ്രൂ​ഷ​ക്കാ​ലത്ത്‌, പാത​യോ​ര​ങ്ങ​ളി​ലും പൊതു​സ്ഥ​ല​ങ്ങ​ളി​ലും കണ്ടുമു​ട്ടിയ ആളുക​ളോട്‌ സാക്ഷീ​ക​രി​ക്കാൻ യേശു തെല്ലും മടികാ​ണി​ച്ചില്ല. (ലൂക്കോ. 9:57-61; യോഹ. 4:7) രാജ്യ​സ​ന്ദേശം കഴിയു​ന്നത്ര ആളുക​ളു​മാ​യി പങ്കു​വെ​ക്കാൻ യേശു ആഗ്രഹി​ച്ചു. ഇന്ന്‌, ദൈവി​ക​ജ്ഞാ​നം സമ്പാദി​ക്കാൻ ആളുകളെ സഹായി​ക്കാൻ പറ്റിയ നല്ലൊരു മാർഗ​മാണ്‌ തെരു​വു​സാ​ക്ഷീ​ക​രണം. (സദൃ. 1:20) ആളുകളെ സമീപി​ക്കാൻ മുൻ​കൈ​യെ​ടു​ക്കു​ക​യും നല്ല വിവേകം പ്രകട​മാ​ക്കു​ക​യും ചെയ്യു​ന്നെ​ങ്കിൽ, ഫലകര​മായ വിധത്തിൽ ഈ വേല നിർവ​ഹി​ക്കാൻ നമുക്കാ​കും.

2. തെരു​വു​സാ​ക്ഷീ​ക​ര​ണ​ത്തിൽ നാം മുൻ​കൈ​യെ​ടു​ത്തു പ്രവർത്തി​ക്കേ​ണ്ടത്‌ എങ്ങനെ?

² മുൻ​കൈ​യെ​ടു​ക്കുക: ആളുകൾ നമ്മളെ സമീപി​ക്കാ​നാ​യി കാത്തു​നിൽക്കു​ന്ന​തി​നു​പ​കരം നാംതന്നെ മുൻ​കൈ​യെ​ടുത്ത്‌ അവരുടെ അടു​ത്തേക്കു ചെല്ലു​ന്ന​താണ്‌ അഭികാ​മ്യം. പുഞ്ചി​രി​ക്കുക, ആളുക​ളു​ടെ മുഖത്തു​നോ​ക്കി ഊഷ്‌മ​ള​ത​യോ​ടെ സംസാ​രി​ക്കുക. മറ്റു പ്രസാ​ധകർ ഒപ്പമു​ണ്ടാ​യി​രി​ക്കാ​മെ​ങ്കി​ലും, ഒറ്റയ്‌ക്ക്‌ ആളുകളെ സമീപി​ക്കു​ന്ന​താ​യി​രി​ക്കും നല്ലത്‌. താത്‌പ​ര്യം കാണി​ക്കു​ന്ന​വരെ വീണ്ടും കാണാ​നുള്ള ക്രമീ​ക​ര​ണങ്ങൾ ചെയ്യാ​നും നാം മുൻ​കൈ​യെ​ടു​ക്കേ​ണ്ട​തുണ്ട്‌. ഉചിത​മെ​ങ്കിൽ സംഭാ​ഷ​ണ​ത്തി​ന്റെ അവസാനം, വീണ്ടും കാണാൻ എന്തു ചെയ്യാ​നാ​കു​മെന്ന്‌ നയപൂർവം ആ വ്യക്തി​യോ​ടു ചോദി​ക്കുക. ചില പ്രസാ​ധകർ പതിവാ​യി ഒരേ സ്ഥലത്ത്‌ തെരു​വു​സാ​ക്ഷീ​ക​രണം നടത്തുന്നു; ആദ്യം കണ്ടുമു​ട്ടിയ വ്യക്തി​കളെ വീണ്ടും കാണാ​നും അവരുടെ താത്‌പ​ര്യം വളർത്താ​നും അത്‌ സഹായി​ക്കു​ന്നു.

3. തെരു​വു​സാ​ക്ഷീ​ക​ര​ണ​ത്തിൽ ആയിരി​ക്കെ നമുക്ക്‌ എങ്ങനെ വിവേകം കാണി​ക്കാം?

³ വിവേ​ക​ത്തോ​ടെ പ്രവർത്തി​ക്കുക: റോഡി​ന്റെ ഏതു ഭാഗത്തു നിൽക്കണം, ആരെ സമീപി​ക്കണം എന്നൊക്കെ നിർണ​യി​ക്കു​ന്ന​തിൽ നല്ല വിവേകം കാണി​ക്കണം. കടന്നു​പോ​കുന്ന എല്ലാവ​രോ​ടും സാക്ഷീ​ക​രി​ക്കേ​ണ്ട​തില്ല. പരിസ​ര​വും ആളുക​ളു​ടെ മുഖഭാ​വ​വും മറ്റും നന്നായി നിരീ​ക്ഷി​ക്കുക. ഉദാഹ​ര​ണ​ത്തിന്‌, ഒരാൾ തിരക്കി​ട്ടു​പോ​കു​ക​യാ​ണെന്നു മനസ്സി​ലാ​യാൽ അയാ​ളോട്‌ സാക്ഷീ​ക​രി​ക്കാ​തി​രി​ക്കു​ന്ന​താ​കും ബുദ്ധി. മാത്രമല്ല, പ്രശ്‌നങ്ങൾ സൃഷ്ടി​ക്കാ​നി​ട​യുള്ള ആരെങ്കി​ലും നമ്മെ നിരീ​ക്ഷി​ക്കു​ന്നു​ണ്ടോ എന്ന കാര്യം പ്രത്യേ​കം ശ്രദ്ധി​ക്കണം. കടകൾക്കു മുമ്പിൽവെച്ച്‌ സാക്ഷീ​ക​രി​ക്കു​ന്നത്‌, കടക്കാരെ അസ്വസ്ഥ​രാ​ക്കി​യേ​ക്കാം. കടയി​ലേക്ക്‌ കയറു​ന്ന​വ​രോ​ടു സംസാ​രി​ക്കു​ന്ന​തി​നു​പ​കരം സാധനങ്ങൾ വാങ്ങി കടയിൽനിന്ന്‌ ഇറങ്ങു​ന്ന​വ​രോട്‌ സംസാ​രി​ക്കു​ന്ന​താണ്‌ പലപ്പോ​ഴും നല്ലത്‌. പെട്ടെന്ന്‌ ആളുക​ളു​ടെ അടു​ത്തേക്കു ചെന്ന്‌ സംഭാ​ഷണം തുടങ്ങു​ന്നത്‌ അവരെ ഞെട്ടി​ച്ചേ​ക്കാം. അത്‌ ഒഴിവാ​ക്കുക. പ്രസി​ദ്ധീ​ക​ര​ണങ്ങൾ സമർപ്പി​ക്കു​ന്ന​തി​ലും വിവേകം കാണി​ക്കണം. കാര്യ​മായ താത്‌പ​ര്യം കാണി​ക്കാ​ത്ത​വർക്ക്‌ മാസി​ക​കൾക്കു​പ​കരം ലഘു​ലേ​ഖകൾ നൽകുക.

4. തെരു​വു​സാ​ക്ഷീ​ക​രണം ആസ്വാ​ദ്യ​വും ഫലകര​വും ആയ ഒരു സാക്ഷീ​ക​ര​ണ​രീ​തി​യാ​ണെന്നു പറയു​ന്നത്‌ എന്തു​കൊണ്ട്‌?

⁴ കുറച്ചു സമയം​കൊണ്ട്‌ സത്യത്തി​ന്റെ കൂടുതൽ വിത്തുകൾ വിതയ്‌ക്കാൻ തെരു​വു​സാ​ക്ഷീ​ക​രണം നമ്മെ സഹായി​ക്കും. (സഭാ. 11:6) വീടു​തോ​റു​മുള്ള സാക്ഷീ​ക​ര​ണ​ത്തിൽ കണ്ടുമു​ട്ടാ​നി​ട​യി​ല്ലാത്ത ചില​രെ​പ്പോ​ലും ഈ സാക്ഷീ​ക​ര​ണ​രീ​തി​യി​ലൂ​ടെ നമുക്ക്‌ കണ്ടെത്താ​നാ​കും. ആസ്വാ​ദ്യ​വും ഫലകര​വും ആയ ഈ വേലയിൽ പങ്കെടു​ക്കു​ന്ന​തി​നു​വേണ്ട തയ്യാ​റെ​ടു​പ്പു​കൾ നടത്താൻ നിങ്ങൾക്കാ​കു​മോ?