ശുശ്രൂ​ഷ​യി​ലെ നമ്മുടെ വൈദ​ഗ്‌ധ്യം വർധി​പ്പി​ക്കുക—മടക്കസ​ന്ദർശ​ന​ത്തിന്‌ അടിത്തറ ഇട്ടു​കൊണ്ട്‌

എന്തു​കൊണ്ട്‌ പ്രധാനം: താത്‌പ​ര്യം കാണിച്ച വ്യക്തി വീട്ടി​ലു​ള്ള​പ്പോൾ, നട്ട സത്യത്തി​ന്റെ വിത്തിനു വെള്ള​മൊ​ഴി​ക്കാ​നാ​യി മടങ്ങി​ച്ചെ​ല്ലാൻ നാം ആഗ്രഹി​ക്കു​ന്നു. (1 കൊരി. 3:6) ഇതിനാ​യി, തിരികെ പോരു​ന്ന​തി​നു മുമ്പ്‌ എപ്പോൾ മടങ്ങി​ച്ചെ​ല്ലു​മെന്നു തീരു​മാ​നി​ച്ചു​കൊണ്ട്‌ മടക്കസ​ന്ദർശ​ന​ത്തിന്‌ അടിത്തറ ഇടാനാ​കും. അടുത്ത സന്ദർശ​ന​ത്തിൽ ചർച്ച ചെയ്യാ​നാ​യി ഒരു ചോദ്യ​വും ചോദി​ച്ചിട്ട്‌ പോരു​ന്നത്‌ നല്ലതാണ്‌. ഇത്‌, പ്രതീ​ക്ഷ​യോ​ടെ കാത്തി​രി​ക്കാൻ വീട്ടു​കാ​രനെ പ്രേരി​പ്പി​ക്കും. നാം കൊടു​ത്തി​ട്ടുള്ള പ്രസി​ദ്ധീ​ക​ര​ണ​ത്തിൽ ആ ചോദ്യ​ത്തി​നുള്ള ഉത്തരമു​ണ്ടെ​ങ്കിൽ അദ്ദേഹം അതു വായി​ക്കാ​നുള്ള സാധ്യത കൂടു​ത​ലാണ്‌. ചർച്ചയ്‌ക്കുള്ള വിഷയം മുന്നമേ തിര​ഞ്ഞെ​ടു​ത്തു​കൊണ്ട്‌ മടക്കസ​ന്ദർശ​ന​ത്തിന്‌ അടിത്തറ പാകു​ന്നത്‌ പിന്നീ​ടുള്ള സംഭാ​ഷണം എളുപ്പ​മാ​ക്കു​ന്നു. എന്തു പ്രതീ​ക്ഷി​ക്കണം എന്ന്‌ വീട്ടു​കാ​രന്‌ ഇതുമൂ​ലം അറിയാ​നാ​കും. അദ്ദേഹത്തെ വീണ്ടും കാണു​മ്പോൾ കഴിഞ്ഞ പ്രാവ​ശ്യം ചോദിച്ച ചോദ്യ​ത്തിന്‌ ഉത്തരം നൽകാ​നാ​ണു ഞങ്ങൾ വന്നിരി​ക്കു​ന്ന​തെന്ന്‌ പറയാം.

ഇത്‌ എങ്ങനെ ചെയ്യാം:

• വീടു​തോ​റു​മുള്ള അവതരണം തയ്യാറാ​കു​മ്പോൾ അടുത്ത സന്ദർശ​ന​ത്തിൽ ഉത്തരം കൊടു​ക്കേണ്ട ചോദ്യ​വും​കൂ​ടെ തയ്യാറാ​ക്കുക. ഈ ചോദ്യം രണ്ടു വിധത്തിൽ തയ്യാറാ​കാം: (1) നിങ്ങൾ ആ ദിവസം സമർപ്പി​ക്കുന്ന സാഹി​ത്യ​ത്തിൽ ചർച്ച ചെയ്യുന്ന വിഷയത്തെ അടിസ്ഥാ​ന​മാ​ക്കി (2) അല്ലെങ്കിൽ മടങ്ങി​ച്ചെ​ല്ലു​മ്പോൾ കൊടു​ക്കാൻ ഉദ്ദേശി​ക്കുന്ന അധ്യയന പ്രസി​ദ്ധീ​ക​ര​ണ​ങ്ങ​ളി​ലെ ഏതെങ്കി​ലും ചോദ്യം.

• താത്‌പ​ര്യ​മുള്ള വ്യക്തി​യു​മാ​യി സംഭാ​ഷണം അവസാ​നി​പ്പി​ക്കു​മ്പോൾ അദ്ദേഹ​വു​മാ​യി വീണ്ടും സംസാ​രി​ക്കാ​നുള്ള നമ്മുടെ ആഗ്രഹം അറിയി​ക്കു​ക​യും തയ്യാറാ​ക്കി​യി​രി​ക്കുന്ന ചോദ്യം ചോദി​ക്കു​ക​യും ചെയ്യുക. ചില പ്രദേ​ശ​ങ്ങ​ളിൽ ആളുകൾ വളരെ തിരക്കി​ലാ​യ​തി​നാൽ രണ്ടാമത്‌ സന്ദർശി​ക്കു​ന്ന​തി​നോ​ടു വീട്ടു​കാ​രൻ മടി കാണി​ച്ചേ​ക്കാം. അങ്ങനെ​യെ​ങ്കിൽ നിങ്ങൾക്ക്‌ ഇപ്രകാ​രം പറയാം: “സാധാരണ നിങ്ങൾ ഏതു സമയത്താണ്‌ വീട്ടിൽ കാണു​ന്നത്‌? (മറുപടി പറയാൻ അനുവ​ദി​ക്കുക.) അടുത്ത ആഴ്‌ച ഇതിലെ വരു​മ്പോൾ . . . എന്ന ചോദ്യ​ത്തിന്‌ ഉത്തരം തരാം. ഞാൻ വരുന്ന സമയത്ത്‌ താങ്കൾ തിരക്കി​ലാ​ണെ​ങ്കിൽ കുഴപ്പ​മില്ല, പറഞ്ഞാൽ മതി.”

• ഒരു നിശ്ചി​ത​സ​മ​യത്തു മടങ്ങി​ച്ചെ​ല്ലാ​മെന്ന്‌ വീട്ടു​കാ​ര​നോ​ടു പറഞ്ഞി​ട്ടു​ണ്ടെ​ങ്കിൽ വാക്കു പാലി​ക്കുക. (മത്താ. 5:37) മടക്കസ​ന്ദർശനം ഉപസം​ഹ​രി​ക്കവെ അടുത്ത​തി​നുള്ള അടിത്തറ ഇടുക.

മാസത്തി​ലു​ട​നീ​ളം ഇതു പരീക്ഷി​ക്കുക:

• അവതരണം തയ്യാറാ​കു​മ്പോൾ അടുത്ത സന്ദർശ​ന​ത്തിൽ ഉത്തരം നൽകേണ്ട ചോദ്യ​വും​കൂ​ടെ തയ്യാറാ​ക്കുക. നിങ്ങ​ളോ​ടൊ​പ്പം പ്രവർത്തി​ക്കുന്ന മറ്റു പ്രസാ​ധ​ക​രോ​ടും ഇത്‌ പറയുക.