A ZEREMI SEBRE
1 Ad a Hilkiya biig a Zeremi* goamã. A Hilkiya ra yaa maan-kʋʋd sẽn be Anatote,+ Bẽnzame soolmẽ wã. 2 A Zeova goma ne a Zeremi, Zida rĩm a Amo+ biig a Zoziyas+ wakatẽ wã, a naamã yʋʋm piig la a tãab-n-soabã pʋgẽ. 3 A le goma ne-a Zida rĩm a Zoziyas biig a Zowakim+ wakatẽ wã, n tãag Zida rĩm a Zoziyas biig a Sedesiyaas+ naamã yʋʋm piig la a ye soabã baasgẽ, n tãag b sẽn tall Zerizalɛm nebã n kẽng yembd kiuug a nu soabã pʋgẽ wã.+
4 A Zeova goma ne maam n yeel yaa:
Mam kɩtame tɩ fo lebg m no-rɛɛs buud toɛy-toɛy yĩnga.”
6 La mam yeelame yaa: “Kayto, Zu-soab sẽn ka to a Zeova!
Mam pa mi goam ye.+ Mam yaa biig* bala.”+
7 Rẽ la a Zeova yeel maam yaa:
“Ra yeel tɩ f yaa ‘biig bal’ ye.
Bala fo segd n kẽnga neb nins fãa nengẽ mam sẽn na n tʋm foomã.
Fo segd n togsa bũmb ning fãa mam sẽn na n yeel foomã.+
8 Ra bas tɩ b yalẽ wã kẽes-f rabeem ye.+
Bala ‘mam bee ne foo, n na n fãag foo.’+ Yaa a Zeova n yeele.”
9 Rẽ poore, a Zeova tẽega a nug n sɩɩs mam noorã.+ A Zeova yeela maam yaa: “Mam ninga m goamã fo noorẽ wã.+ 10 Ade! Rũndã, mam kõo foo tõog buud toɛy-toɛy la rĩung toɛy-toɛy zutu, sẽn na yɩl tɩ f võ la f tus n lubi, n sãam la f wã, n me la f sele.”+
11 A Zeova le goma ne maam n soke: “Zeremi, fo nee bõe?” Tɩ mam leok yaa: “Mam nee amand tɩɩg willi.”*
12 A Zeova yeela maam yaa: “Sɩd yaa woto. Bala mam gomdã na pids yĩnga, mam pa gõe ye.”
13 A Zeova le goma ne maam naoor a yiib-n-soab n soke: “Fo nee bõe?” Tɩ mam leok yaa: “Mam nee rʋk* sẽn kɛɛde,* t’a noorã kɩll sẽn sɩng rɩtg n tees goabga.” 14 Rẽ poore, a Zeova yeela maam yaa:
“Yel-beed n na n yi rɩtg
n wa soolmã nebã fãa zugu.+
15 Bala ‘mam boonda buud nins fãa sẽn be rɩtg rĩung toɛy-toɛyã pʋsẽ wã.’ Yaa a Zeova n yeele.+
‘B na n waame. B ned kam fãa na n lugla a geer
Zerizalɛm rignoyẽ wã,+
n gũbg a lalsã n zab ne-a,
la a zab ne Zida tẽnsã fãa.+
16 Mam na n kaoo b bʋʋd n ning-b taal b tʋʋm-wẽnsã fãa yĩnga,
bala b basa maam,+
n maand maoong sẽn nusd bug-zõos* n kõt wẽnnaam-dãmb a taaba,+
la b wõgemded b nusã tʋʋm taoore.’+
17 La fo segd n segla f meng n maan bũmbu.*
Fo segd n yik n togs-b-la bũmb ning fãa mam sẽn na n yeel foomã.
Ra zoe rabeem b yĩnga,+
sẽn na yɩl tɩ m da wa kẽes-f rabeem b taoor ye.
18 Bala rũndã, mam kɩtame tɩ fo lebg wa tẽng sẽn gũbg lalga,
kut ra-luk la zũud lalga, sẽn na yɩl tɩ f tõog n yals soolmã fãa taoore.+
Yaa Zida rĩm-dãmbã ne a nanambsã taoore,
la a maan-kʋʋdbã ne soolmã nin-buiid taoore.+
19 Sãmbg kae tɩ b na n zaba ne foo,
la b pa na n tõog foo ye.
Bala ‘mam bee ne foo n na n fãag foo.’+ Yaa a Zeova n yeele.”
2 A Zeova goma ne maam n yeel yaa: 2 “Kẽng n tɩ moon Zerizalɛm nebã tʋbẽ n yeel-b yaa: ‘Ad goam nins a Zeova sẽn yeele:
“Mam tẽra fo sẽn da nong maam* to-to f bi-bɩɩlem wakatã+,
fo sẽn da nong maam to-to f sẽn wa n pʋlem tɩ f na n kẽe kãadem ne maamã,+
fo sẽn da tũud maam to-to we-raoogẽ wã,
soolem b sẽn pa bʋd bõn-buud a pʋgẽ wã.+
3 Israyɛll ra yaa sõng a Zeova nifẽ.+ A ra yaa a dẽenem kood biisi.”’
‘Neb nins fãa sẽn da maand-a wẽng paamda taale.
Yel-beed ra wata bãmb zutu.’ Yaa a Zeova n yeele.”+
4 A Zakoob yagense, kelg-y-yã a Zeova gomdã.
Yãmb a Israyɛll yagensã rotã fãa, kelg-y-yã.
5 Ad a Zeova sẽn yeele:
“Bõe kongr la yãmb yaab-rãmbã yã mam nengẽ,+
hal n zãag b mens ne maam
n tɩ tũ bõn-naands sẽn ka yõodo,+ tɩ bãmb mensã lebg neb sẽn ka yõodo?+
6 B pa sok yaa: ‘A Zeova bee yɛ?
Yẽ sẽn yaa soab ning sẽn yiis tõnd Ezɩpt soolmẽ wã,+
Soab ning sẽn wilg tõnd sor tɩ d pasg we-raoogã,
soolem sẽn yaa we-rasempʋɩɩs+ la bogdo,
soolem sẽn yaa koɛɛng+ la lik bida,
soolem ned sẽn pa kẽngde,
la zĩig neb sẽn ka be wã.’
7 Mam talla yãmb n kẽng soolem sẽn tar tɩ-womds pʋgẽ,
sẽn na yɩl tɩ y rɩ soolmã biisã la a bõn-sõma wã.+
La yãmb kẽe mam soolmã pʋgẽ, n dẽgm-a.
Yãmb kɩtame tɩ mam pʋɩɩrã lebg wa bũmb sẽn ka tar yõodo.+
8 Maan-kʋʋdbã pa sok yaa: ‘A Zeova bee yɛ?’+
Sẽn segd n zãms-b nebã Tõogã pa bãng maam ye.
Rũm-kɩɩmbã kɩɩsa maam.+
No-rɛɛsdbã togsa bãngr-goam a Baal yʋʋr yĩnga.+
B tũu wẽnnaam-dãmb sẽn pa tõe n kɩt tɩ b naf ye.
9 ‘Rẽ n so tɩ mam na n kell n ning yãmb taale.’+ Yaa a Zeova n yeele.
‘Mam na n ninga yãmb kambã kamb taale.’
10 ‘Rʋʋg-y mogrã n kẽng Kitim+ soolem nins sẽn be mogrã noorã* n tɩ gese.
Tʋm-y tɩ b kẽng Kedaar+ n tɩ ges neere.
Ges-y bõn-kãngã buud sã n maana be.
11 Buud beeme n tek a wẽnnaam-dãmb ne sẽn pa wẽnnaam-dãmb bɩ?
La mam meng nebã teka mam ziirã ne bũmb sẽn ka yõodo.+
12 Yãmb a saase, ges-y rẽ tɩ ling-yã.
Rig-y ne rabeem-kãsenga.’ Yaa a Zeova n yeele.
13 ‘Bala mam nin-buiidã maana bõn-wẽns a yiibu:
B basa mam sẽn yaa vɩɩm ko-bundg zĩigã,+
Yaa ko-bao sẽn tar võy tɩ koom pa tõe n yals b pʋsẽ ye.’
14 ‘A Israyɛll yaa tʋm-tʋmd bɩ, bɩ a yaa yamb sẽn dog a zu-soab zakẽ?
La bõe yĩng tɩ b bas tɩ b zɛ a teedã?
15 Gɩgem-poal n kelemd n dat n maan-a wẽnga.+
B zẽka b koeese.
B kɩtame t’a soolmã lebg bũmb sẽn kẽesd rabeem.
B ninga a tẽnsã bugum, tɩ ned pa le be b pʋsẽ ye.
16 Noof*+ ne Tapanɛɛs+ nebã rɩta fo zug tẽn-sʋka.
17 Pa foo n kɩt tɩ bõn-kãensã wa f meng zugu,
fo sẽn bas f Wẽnnaam a Zeova,+
wakat ning a sẽn da wilgd foo sorã sɩda?
19 Fo wẽnemã segd n demsa foo.
B segd n sɩbga foo f sẽn pa maan sɩdã yĩnga.
Ad bũmb f sẽn segd n bãng la f sak n deege: Fo sã n bas f Wẽnnaam a Zeova,
yaa wẽnga, la wat ne toog wʋsgo.+
Fo pa wilg tɩ f zoeta maam ye.’+ Yaa tãb-biis naab a Zeova sẽn yaa Zu-soab sẽn ka to wã n yeele.
20 ‘Hal daar zãra, mam kaooga fo yubl-balgdgã,+
la m tõs f sẽbdsã.
La fo yeelame yaa: “Mam pa na n sak yãmb ye.”
Bala kunkubr sẽn zãnt fãa zugu, la tɩ-bedr sẽn tar vãad wʋsg fãa tẽngre,+
fo yɛɛd n gãeeme, n yooda.+
21 Mam sela foo wa viyn tɩɩg sẽn yaa miuug+ n yaa sõma wʋsgo, t’a bõn-buudã fãa yaa sõma.
La maana wãn tɩ fo wa toeem n lebg viyn-sãang wil sẽn yaa wẽns mam taoore?’+
22 ‘Baa fo sã n so koom ne zẽem* la ne safãnd wʋsgo,
fo na n kell n yɩɩ rẽgd mam nifẽ, f kongrã yĩnga.’+ Yaa a Zeova sẽn yaa Zu-soab sẽn ka to wã n yeele.
23 Fo na n yɩɩ wãn n yeel tɩ f ‘pa rẽgem f menga,’
la tɩ f ‘pa tũ Baal-rãmba’?
Ges sor ning fo sẽn tũ longẽ wã.
Tags f sẽn maanã zugu.
Fo yaa wa yʋgem-yãang sẽn yaa poll sẽn tʋʋle,
n zoet yaar bal n kẽnd poorẽ la taoore,
24 wa we-bõang sẽn minim we-raoogã,
n yũbsd vɩʋʋgã a sẽn dat rʋʋb yĩnga.*
Ãnda n tõe n gɩdg-a, a sã n wa rat rʋʋbo?
Neb nins sẽn baood-a wã baa a ye pa na n yɛ ye.
A rʋʋbã wakate,* b na n yã-a lame.
25 Bas zoeese, sã n pa rẽ f na n lebga na-zaala,
tɩ f koeesã me kʋɩ.
La fo yeelame yaa: ‘Mam pa na n toeem yam ye!+
26 B ninga a Israyɛll yagensã yãnde,
wa wagdr b sẽn yõke.
Yaa bãmb ne b rĩm-dãmbã la b nanambsã,
ne b maan-kʋʋdbã la b no-rɛɛsdbã.+
27 Bãmb yeta tɩɩg yaa: ‘Fo yaa mam ba,’+
la b yet kugr yaa: ‘Foo n dog maam.’
B wẽnemda b kãy n tees maam lakae, pa b nensã ye.+
La b yel-beedã wakate, b na n yeelame yaa:
‘Yik-y n fãag-y tõndo!’+
28 Masã, yãmb wẽnnaam-dãmbã y sẽn maan y mens yĩngã bee yɛ?+
B sã n tõe n fãag yãmb y yel-beedã wakat bɩ b yiki,
bala Zida neba, yãmb wẽnnaam-dãmbã sõor lebga wa yãmb tẽnsã sõore.+
29 ‘Bõe yĩng tɩ yãmb ket n ningd maam taale?
Bõe yĩng tɩ yãmb fãa kɩɩsd maam?’+ Yaa a Zeova n yeele.
30 Mam sɩbga y kambã la pa yãk neng ye.+
B pa na n sak kiblg baa bilf ye.+
Yãmb mensã sʋʋs n kʋ y no-rɛɛsdbã,+
wa gɩgemd sẽn gilgd n baood rũng sẽn kʋʋd to-to wã.
31 Zãmaanã neba, bɩ yãmb mensã tags a Zeova gomdã zugu.
Mam lebga wa we-raoog Israyɛll nebã nifẽ bɩ,
bɩ mam lebga soolem sẽn yaa lik bida n namsd neba?
Bõe yĩng tɩ nin-kãensã sẽn yaa mam nebã yeel tɩ b ‘saadame n pa yɛɛsdẽ,’
la tɩ b ‘pa na n le wa mam nengẽ’?+
32 Pa-kuil tõe n yĩma a fan-teed yell sɩda?
Pʋg-paal tõe n yĩma a yãoog sẽbdg bɩ?*
La mam meng nin-buiidã yaool n yĩma mam yell hal daar zãra.+
33 Foom a paga, ad fo mii f sẽn na n maan to-to n paam rap sẽn na n nong foo!
Yaa wẽnemã maaneg la fo zãms-yã.+
34 Fo fuugã noor tẽgsa ne naong rãmb sẽn pa tar taal zɩɩm.+
Baa mam sẽn pa yã tɩ b kaood fo roogã,
mam yãa b zɩɩmã sẽn mad fo fuugã noor fãa wã.+
35 La fo yetame yaa: ‘Mam pa tar taal ye.
Sãmbg sẽn kae, Wẽnnaam sũur sẽn da yik ne maamã sigame.’
Masã, mam na n kaoo fo bʋʋd n sɩbg-fo,
bala fo yetame: ‘Mam pa maan yel-wẽnd ye.’
36 Bõe yĩng tɩ fo tagsdẽ tɩ f yamã sẽn yuusdã pa yelle?
37 Woto yĩng me, fo na n kʋka f zug n yi,+
bala a Zeova raaga f sẽn da teeg b rãmbã n base.
B pa na n kɩt tɩ f yɛlã yãk neng ye.”
3 Neb n sokd yaa: “Rao sã n bas a pag t’a loog n tɩ lebg ned a to paga, raoã segd n le tɩ peeg-a lame n maan a pag yɛs bɩ?”
Soolmã pa rẽgem zãng sɩda?+
“Fo sẽn yo ne rap wʋsgã,+
fo segd n le waa mam nengẽ sɩda?” Yaa a Zeova n yeele.
2 “Zẽk f neng n ges kunkub nins baa fʋɩ sẽn pa yitẽ wã.
Yɛ la b pa yõg foo?
Fo ra zĩi soayã noy n gũud-ba,
wa ned sẽn yeebd* sẽn zĩ we-raoogẽ.
Fo kell n talla soolmã sãoong
ne f yoobã la f wẽnemã.+
3 Woto yĩnga, b gɩdga saagã t’a ra ni ye.+
Yaoolem saag pa le niid ye.
Fo sẽn get to-to wã wilgdame tɩ f pa zoet yãnde, wa pag sẽn yoode.
Fo zãgsame tɩ f kõn zoe yãnd ye.+
4 La masã, fo boonda maam n yetẽ:
‘M Ba, yãmb yaa mam tũud-n-taag hal m bi-bɩɩlem wakatẽ!+
5 Ned segd n puuga a sũur wakat fãa yĩnga,
wall a tall sũ-kẽk wakat fãa bɩ?’
Fo yeta woto,
la f yaool n ket n maanda wẽng ning fãa f sẽn tõe n maane.”+
6 Rĩm a Zoziyas wakatẽ wã,+ a Zeova yeela maam yaa: “‘Fo yãa Israyɛll sẽn yaa tõatã sẽn maanã bɩ? A tɩ rʋʋ tãn-lug-lug fãa, la a kẽng tɩ-bedr sẽn tar vãad wʋsg fãa tẽngr n tɩ yo.+ 7 Baa a sẽn maan bõn-kãensã fãa wã poore, mam da yet-a lame t’a lebg n wa mam nengẽ,+ la a pa lebg n wa ye. La Zida ra geta a tãoã sẽn yaa zãmb soabã.+ 8 Mam sẽn yã rẽ wã, mam kõo Israyɛll sẽn yaa tõatã basg sebr+ n kɩt t’a looge, a yoobã yĩnga.+ La a tão a Zida sẽn yaa zãmb soabã pa yɛɛs ye. Yẽ me yi n yoome.+ 9 A pa ges t’a yoobã yaa wẽng ye. A ra ket n dẽgemda soolmã, la a yood ne kug la tɩɩse.+ 10 Baa ne rẽ fãa, a tão a Zida sẽn yaa zãmb soabã pa lebg n wa mam nengẽ ne a sũur fãa ye. Yɩɩ ne noor bala.’ Yaa a Zeova n yeele.”
11 Rẽ poore, a Zeova yeela maam yaa: “Israyɛll sẽn yaa tõatã wilgame t’a* yaa tɩrg n yɩɩd Zida sẽn yaa zãmb soabã.+ 12 Kẽng n tɩ moon rɩtg soolmẽ wã+ n yeel yaa:
“‘“Israyɛll sẽn pa maand sɩda, lebg n wa.” Yaa a Zeova n yeele.’+ ‘“Mam pa na n sulg n ges foo ne sũ-yikr ye.+ Bala mam yaa sɩd soaba.” Yaa a Zeova n yeele.’ “‘Mam sũurã pa na n kell n puud wakat fãa yĩng ye. 13 Sak n deeg bal tɩ f tara taale, bala fo kɩɩsa f Wẽnnaam a Zeova. Fo kell n yoo ne sãamb* tɩ-bedr sẽn tar vãad wʋsg fãa tẽngre, n pa kelg mam koɛɛgã ye.” Yaa a Zeova n yeele.’”
14 “Yãmb a kamb sẽn pa maand sɩda, lebg-y n wa-y-yã.” Yaa a Zeova n yeele. “Bala mam lebga yãmb zu-soab meng-menga.* Mam na n yãka yãmb ned a yembr tẽng fãa pʋgẽ, la neb a yiib buud fãa pʋgẽ, n tall n wa Siyõ.+ 15 Mam na n kõo yãmb rũm-kɩɩmb sẽn maand sẽn zems mam daabo.*+ B na n dɩlga yãmb ne bãngr la yam-vẽenem. 16 Wakat kãnga, yãmb na n fɩɩg n lebga wʋsg soolmã pʋgẽ.” Yaa a Zeova n yeele.+ “B pa na n le yeel yaa: ‘A Zeova kaoolã koglgo!’ B pa na n tags a yell wall b tẽeg a yell ye. A yamleoog me pa na n le yõk-b ye. B pa na n ka a to me ye. 17 Wakat kãnga, b na n boola Zerizalɛm t’a Zeova naam geere.+ B na n talla buud toɛy-toɛyã fãa n wa Zerizalɛm sẽn na yɩl tɩ b pẽg a Zeova yʋʋrã.+ B pa na n le tũ b sũyã sẽn diglim la sẽn yaa wẽnsã raab ye.”
18 “Wakat kãnga, Zida nebã ne Israyɛll nebã na n naaga taab n kẽnda, n yɛgl taaba.+ B na n naaga taab n yi rɩtg soolmẽ wã, n kẽng soolem ning mam sẽn kõ y yaab-rãmbã tɩ yaa b pʋɩɩrã pʋgẽ.+ 19 Mam tagsa m sũurẽ yaa: ‘Ad mam sũur yɩɩ noog wʋsg m sẽn wa n naagd yãmb m kom-dibli wã sʋka, n kõ yãmb tẽng sẽn be yamleoogo, pʋɩɩr ning sẽn yaa neer n yɩɩd buud toɛy-toɛyã sʋkã!’*+ Mam tagsame me tɩ yãmb na n boola maam tɩ ‘y Ba!’ la tɩ y pa na n bas mam tũub ye. 20 ‘Hakɩɩka, yãmb a Israyɛll neba, yãmb zãmba maam wa pag sẽn zãmb a sɩd* n loog n bas-a to-to wã.’+ Yaa a Zeova n yeele.”
21 Rãamd n yit kunkub nins baa fʋɩ sẽn pa yitẽ wã zutu.
Yaa Israyɛll nebã yãbr la b se-yõkr dãamde,
bala b golma b soayã.
B yĩma b Wẽnnaam a Zeova yelle.+
22 “Yãmb a kamb sẽn pa maand sɩda, lebg-y n wa-y-yã.
M na n sõng-y lame tɩ y lebg neb sẽn maand sɩda.”+
Hakɩɩka, tõnd na n yeelame yaa: “Ad tõndo! Tõnd waa yãmb nengẽ,
bala yãmb a Zeova n yaa tõnd Wẽnnaam.+
23 Sɩd-sɩda, kunkubã la tãensã zut zũnd-zãndã yaa zaalem.+
Sɩd-sɩda, Israyɛll fãagrã yita tõnd Wẽnnaam a Zeova nengẽ.+
24 La hal tõnd yãadmẽ, wẽn-faoogã sãama tõnd yaab-rãmbã tʋʋmã biisi,+
rat n yeel tɩ b rũm-bõonegã la b rũm-bɛdã,
b kom-dibli wã la b kom-pugli wã.
25 Bɩ d gãand d yãndã pʋgẽ,
la bɩ d paoogrã lud tõndo,
bala, hal tõnd yãadmẽ n tãag rũndã, tõnd beega tõnd Wẽnnaam a Zeova.+
Yaa tõnd ne d ba-rãmbã.+
Tõnd pa sak d Wẽnnaam a Zeova koɛɛgã ye.”
4 A Zeova yeelame: “Israyɛlle, fo sã n lebg n wa,
fo sã n lebg n wa mam nengẽ,
la f yiis f bõn-naandsã sẽn yaa bõn-yoodã mam taoore,
fo pa na n yɩ ned sẽn lamsd ye.”+
2 Fo sã n yeel yaa:
‘M wẽenda ne a Zeova sẽn vɩ wã!’ ne sɩda, tɩrlem la zemsgo,
buud toɛy-toɛyã na n paama bark yẽ maasem yĩnga,
la b pẽg b mens a pʋgẽ.+
3 Bala ad a Zeova sẽn yet Zida la Zerizalɛm nebã bũmb ninga:
“Ko-y tẽng sẽn sakd koobo,
la y ra ket n bʋt gõos sʋk ye.+
4 Yãmb a Zida la Zerizalɛm neba,
kẽes-y y mens bãong a Zeova yĩnga,+
la y kẽes y sũyã bãongo,
sẽn na yɩl tɩ m sũ-puugrã ra wa widg wa bugum
n dɩtẽ tɩ ned kae n kiisd-a,
yãmb tʋʋm-wẽnsã yĩng ye.”+
5 Gom-y rẽ yell Zida, la y moon-a Zerizalɛm.
Kaas-y la y peeb baorg soolmã tõre.+
Zẽk-y y koees n yeele: “Tigm-y taaba.
Bɩ d zoe n kẽng tẽns sẽn gũbg lals pʋsẽ.+
6 Zẽk-y bãnd* sẽn wilgd Siyõ sore.
Bao-y solgr zĩiga, la y ra yasẽ bal ye.”
Bala mam na n kɩtame tɩ yel-beed yi rɩtg sẽnes n wa.+ Na n yɩɩ sãoong sẽn yaa kãsenga.
A yii a zĩigẽ wã n na n kɩt tɩ yãmb soolmã lebg bũmb sẽn kẽesd rabeem.
Yãmb tẽnsã na n lebga raboodo, tɩ ned pa le be b pʋsẽ ye.+
8 Woto wã, bɩ y yeelg boto,+
n maan sũ-sãang* la y wiisi,
bala a Zeova sũ-pu-kãsengã ket n bee tõnd zutu.
9 A Zeova yeelame: “Baraare, rĩmã na n komsa raoodo.*+
Nanambsã me na n komsa raoodo.
Maan-kʋʋdbã na n yɛɛsa wʋsgo. Yɛlã na n linga no-rɛɛsdbã me.”+
10 Dẽ, mam yeelame: “Kayto, Zu-soab sẽn ka to a Zeova! Sɩd-sɩda, yãmb belga buudã neb+ ne Zerizalɛm fasɩ, n yeele: ‘Yãmb na n zĩnda bãane,’+ tɩ sʋʋg yaool n be tõnd koakoayẽ.”*
11 Wakat kãnga, b na n yeela buudã neb ne Zerizalɛm yaa:
“Sob-tʋʋlg sẽn yit we-rasempʋɩɩgã kunkub nins baa fʋɩ sẽn pa yitẽ wã
n na n sig mam nin-buiidã zugu.
A pa wat yelgre, bɩ yɩlgr yĩng ye.
12 Sobgã sẽn fugd ne pãngã saka mam noorã n yi zĩ-kãens n watẽ.
Masã, mam na n wilga b sẽn segd ne sɩbgr ninga.
A wed-moosã tʋʋlame n yɩɩd sɩlse.+
Toog bee tõnd zutu, bala tõnd yãa bõne!
14 Zerizalɛm, pek f sũurã n yiis wẽnemã, sẽn na yɩl n paam fãagre.+
Fo na n talla tags-wẽns hal tɩ ta dabʋre?
15 Bala koɛɛg n yit Dan n togsd kibarã.+
A bee Efrayim tãensẽ wã n moond yel-beedã koɛɛga.
16 Togs-y buud toɛy-toɛyã neb bõn-kãnga.
Moon-y yel-beedã koɛɛg Zerizalɛm.”
“Gũusdb* n yi soolem sẽn zãrẽ n watẽ.
B na n kaasa zabr kaasg Zida tẽnsã zutu.
18 “B na n kɩtame tɩ fo manesmã ne f tʋʋm-tʋmdɩ wã lebg n wa f zugu.+
Ad fo yel-beedã sɩd yaa toaaga,
bala a tata fo sũurã menga!”
19 Yɩɩr wʋsg n tar maam! Yɩɩr wʋsg n tar maam!
Toog wʋsg n be mam sũurẽ wã.*
Mam sũurã kiuusda m pʋgẽ.
20 Yaa yel-beed woo yel-beed kibay la b togsda,
bala b sãama soolmã tõre.
B sãama mam fu-rotã zĩig pʋgẽ.
B sãama mam fu-roogã pɛɛl nif kamsg pʋgẽ.+
22 Bala mam nin-buiidã yaa yalemba.+
B maanda b toog kae ne maam.
B yaa kamb sẽn yaa yalemb n pa tar bãngr ye.
Sã n yaa ne wẽngã maanego, b tara yam tɩ seke,
la b pa mi b sẽn na n maan sẽn yaa sõma to-to ye.
23 Mam gesa soolmã, n mik t’a yaa vɩʋʋg tɩ baa fʋɩ ka be a pʋgẽ ye.+
Mam gesa saasã, la b vẽenemã ra pa le be ye.+
24 Mam gesa tãensã, n mik tɩ b rigimdedame,
tɩ kunkubã rĩmsdẽ.+
25 Mam gesame n mik tɩ ned baa a ye pa le be,
la tɩ saasẽ bõn-yɩgdɩ wã fãa loogame.+
26 Mam gesame n mik tɩ tɩ-womdsã zĩig lebga we-raoogo,
la t’a tẽnsã fãa siigame.+
Ra yaa a Zeova yĩnga,
a sũ-pu-kãsengã yĩnga.
27 Bala ad a Zeova sẽn yeele: “Soolmã tõr na n lebga vɩʋʋgo,+
la m pa na n sãam-a zãng-zãng ye.
29 Wed-rʋʋdbã ne sẽn tãood-b tãbdã rãamd kɩtame
tɩ tẽngã tõr neb zoetẽ.+
B kẽeda kãgẽ,
la b rʋʋd pĩig kuga.+
Tẽnsã fãa lebga vɩɩdo,
tɩ ned baa a ye pa le be b pʋsẽ ye.”
30 B sẽn sãam foo masã wã, fo na n maana wãna?
Fo ra minim n yera fu-moaama,
n nagsd f meng ne sãnem fan-teedo,
la f rẽegd f ninã kɩrʋ.
La yaa zaalem la fo sẽn da manegd f mengã,+
bala sẽn da rat-b foomã pa le rat-f ye.
31 Bala mam wʋma bʋʋr sẽn wõnd pag sẽn ka laafɩ bʋʋre,
kũsg sẽn yaa wa pag sẽn dogd a pipi biig sẽn kũsd to-to wã.
Yaa Siyõ bi-puglã n sesd n pa satẽ ye.
A tẽega a nusã n yetẽ:+
“Toog bee mam zugu, bala nin-kʋʋdbã kɩtame tɩ mam* pãngã sa!”
5 Saag-y Zerizalɛm soayã zutu.
Gilg-y zĩig fãa n gese.
Gẽes-y-yã a zãma wã zĩisẽ n ges
y na yã ned sẽn maand sẽn yaa tɩrga,+
ned sẽn baood n yɩ sɩd soaba.
Y sã n yã ned a woto, m na n kõo Zerizalɛm sugri.
2 Baa b sã n yeele: “M wẽenda ne a Zeova sẽn vɩ wã!”
b baasd n wẽename n togs sẽn yaa ziri.+
3 Zeova, pa sẽn maand-b sɩdã la yãmb baood sɩda?+
Yãmb wẽ-b lame, la pa maan-b bũmb ye.*
Yãmb sãama neb wʋsg b sʋka, la b zãgsame tɩ b kõn sak
kiblg ye.+
B kɩtame tɩ b nensã lebg kɛgems n yɩɩd pĩig kugri.+
B zãgsame tɩ b kõn lebg n wa yãmb nengẽ ye.+
4 La mam tagsa m sũurẽ yaa: “Sãmbg sẽn kae, yaa nin-talsã la woto.
B maanda yalemdo, bala b pa mi a Zeova sorã ye.
B pa mi b Wẽnnaamã noyã ye.
5 M na n kẽnga nin-kãsemsã nengẽ n tɩ gom ne bãmba,
bala b tog n mii a Zeova sorã.
B tog n mii b Wẽnnaamã noyã.+
La b fãa kaoo yubl-balgdgã,
la b tõs sẽbdsã.”
6 Yaa rẽ yĩng la kãgrã pʋgẽ gɩgemd sẽn zabd ne-ba,
tɩ we-rasempʋɩɩg sẽn yaa tẽn-nabr pʋgẽ we-baag wãbd-b wakat fãa,
tɩ ãbg gãe b tẽnsã noy n pa gõe wã.
Ned sã n yi tẽnsã pʋsẽ, b tɛt-a lame n tõse.
Bala b beegrã yaa wʋsgo.
Yaa naoor ka tɛk la b pa maan sɩda.+
7 M na n yɩɩ wãn n kõ yãmb sugr bõn-kãngã yĩnga?
Yãmb kom-dibli wã basa maam,
n wẽend ne bũmb sẽn pa Wẽnnaam.+
Mam kõ-b-la bũmb nins b sẽn datã,
la b ket n yoodame,
la b sũud taab pʋg-yoodr doogẽ.
8 B yaa wa wed-moos sẽn pẽdgd n dat n dʋ,
tɩ b ned kam fãa yãbd n pʋgd a to paga.+
9 A Zeova yeelame yaa: “Mam pa segd n sok-b bõn-kãensã poorẽ sɩda?
Mam* pa segd n dok m sũur ne buud a woto sɩda?”+
10 “Kẽ-y Zerizalɛm viyn pʋtã n sãam-ba,
la y ra sãam-b zãng-zãng ye.+
Kɛ-y-yã a wil nins sẽn tãoodã,
bala b pa a Zeova rẽnd ye.
11 Bala Israyɛll nebã ne Zida nebã
pa maan pʋ-peelem baa bilf ne maam ye.” Yaa a Zeova n yeele.+
Yel-beed pa na n paam tõnd ye.
D pa na n yã zabr wall kom ye.’+
13 No-rɛɛsdbã gomda gom-vɩɩdo.
Wẽnnaam gomdã pa be b pʋsẽ ye.
Bɩ b lebg zaalem wa b goamã sẽn yaa to-to wã!”
14 Rẽ wã, ad a Zeova sẽn yaa tãb-biis Wẽnnaamã sẽn yeele:
“Nin-kãensã sẽn yet woto wã yĩnga,
mam na n kɩtame tɩ mam goamã lebg bugum fo noorẽ wã,+
tɩ buudã neb yɩ raado.
A na n dɩ-b lame.”+
15 “Israyɛll neba, mam na n kɩtame tɩ buud yi zĩ-zãrgẽ n wa zab ne yãmba.”+ Yaa a Zeova n yeele.
“Yaa buud sẽn sɩng n be hal daar zãra,
16 Buudã neb lokã yaa wa yaoog sẽn pake.
B fãa yaa gãndaado.
17 B na n dɩɩ y koodã ne y rɩɩbã.*+
B na n wãba y kom-dibli wã ne y kom-pugli wã.
B na n wãba y rũm-bõonegã ne y rũm-bɛdã.
B na n dɩɩ y viyn tɩɩsã biis la b rɩ y kankamã.
B na n sãama y tẽns nins sẽn gũbg tɩ y teegã ne sʋʋse.”
18 A Zeova yeelame yaa: “Baa wakat kãnga, mam pa na n sãam-y zãng-zãng ye.+ 19 La b sã n wa sok yaa: ‘Bõe yĩng tɩ tõnd Wẽnnaam a Zeova maan tõnd bõn-kãensã fãa?’ Fo segd n leok-b lame yaa: ‘Yãmb sẽn bas maam n tũ wẽn-sãang y soolmã pʋgẽ to-to wã, yãmb na n tʋma woto me n kõ sãamba, soolem sẽn pa yãmb rẽnd pʋgẽ.’”+
20 Ad bũmb ning fo sẽn na n togs a Zakoob yagensã,
la f moon Zida soolmẽ wã:
21 “Yãmb a yalemb la neb sẽn pa tar yam,*+ kelg-y-yã:
22 A Zeova yeelame yaa: ‘Yãmb pa zoet maam la?
Yãmb pa segd n dig rabeem mam taoor sɩda?
Yaa maam n dʋʋg bĩisrã tɩ yaa mogrã toadga.
Yaa noor sẽn paad wakat fãa tɩ mogrã pa tõe n zʋʋg ye.
Baa a ko-wĩisã sẽn lengdã, b pa tõe-a ye.
Baa b maand bʋʋre, b ket n pa tõe n zʋʋg-a ye.+
23 La buudã neb sũy riglmame tɩ b yaa tõatba.
B bʋdgame n dɩk sor ning b sẽn date.+
24 B pa tags b sũyẽ wã yaa:
“Bɩ d zoe tõnd Wẽnnaam a Zeova masã,
soab ning sẽn kɩtd tɩ saagã niid a wakatã,
rat n yeel tɩ dẽenem saagã la yaoolem saagã.
Yẽ n yaa soab ning sẽn kɩtd tɩ d paamd kẽebg wakatã.”+
25 Yaa yãmb mensã kongr n gɩdg bõn-kãensã tɩ b pa wa ye.
Yaa yãmb mensã yel-wẽn n kɩt tɩ y kong sẽn yaa sõma.+
26 Bala nin-wẽns n be mam nin-buiidã sʋka.
B gũusda wakat fãa wa liuun-bẽtb sẽn wat n wũga.
B bẽta bẽdg sẽn kʋʋda.
Yaa ninsaalb la b yõgda.
27 B rotã pida ne zãmb paoongo,+
wa koyong sẽn pid ne liuuli.
Yaa rẽ n kɩt tɩ b lebg pãens rãmb la arzɛgs rãmbã.
28 B nobame n salge.
B pida ne wẽnem.
29 A Zeova yeelame yaa: “Mam pa segd n sok-b bõn-kãensã poorẽ sɩda?
Mam* pa segd n dok m sũur ne buud a woto sɩda?
30 Bũmb sẽn kẽesd rabeem la sẽn yaa wẽng wʋsg n maand soolmã pʋgẽ:
31 No-rɛɛsdbã togsda bãngr-goam sẽn yaa ziri,+
tɩ maan-kʋʋdbã tikd tõog ning b sẽn tarã n weoogd nebã.
Mam nin-buiidã meng nonga yɛlã sẽn yaa woto wã.+
La saabã sã n wa ta, yãmb na n maana wãna?”
6 Yãmb a Bẽnzame yagense, zãag-y ne Zerizalɛm n tɩ bao soondg zĩiga.
Bala yel-beed n yi rɩtg n watẽ. Yaa yel-beed meng-menga.+
2 Siyõ bi-puglã wõnda pʋg-neer sẽn nong a menga.+
3 Rũm-kɩɩmbã na n waa ne b rũmsã.
4 “Segl-y y mens n zab ne-a!
Yik-y-yã, tɩ d zab ne-a wĩnto-sʋka!”
“Toog bee tõnd zugu, bala wĩndgã kɩlldame.
Bala zaabrã maasem lebgda wogdo!”
5 “Yik-y tɩ d zab yʋngã,
n sãam a gasdã sẽn tar pãngã.”+
6 Bala ad tãb-biis naab a Zeova sẽn yeele:
“Kɛ-y raado, la y gũbg Zerizalɛm n zab ne-a.+
A yaa tẽng sẽn segd n kolg n togse.
Bũmb ka be a pʋgẽ wã n zʋʋg maan taab pãng ye.+
7 Wẽnem yita a pʋgẽ,
wa ko-maasg sẽn bund bulg pʋgẽ to-to wã.
B wʋmda nen-kɛglem la sãoong rãamd a pʋgẽ.+
Yaa bãas la tood bal la mam ne-yã.
8 Zerizalɛm, kelg keoogrã, sã n pa rẽ, m* na n daaga foo n bas la m kisg-fu.+
Mam na n kɩtame tɩ fo lebg raboogo, tẽng ned baa a ye sẽn pa be a pʋgẽ.”+
9 Ad tãb-biis naab a Zeova sẽn yeele:
“B na n yiisa Israyɛll neb nins sẽn kellã fãa wa b sẽn yiisd viyn biis to-to wã.
Le tẽeg f nug wa ned sẽn wobd viyn biisi.”
10 “Ãnda la mam na n gom ne la m keooge?
Ãnda n na n kelge?
Ade! B tʋbã yẽdame,* tɩ b pa tõe n kelg ye.+
Ade! A Zeova gomdã lebga bũmb b sẽn yaande.+
B pa paamd sũ-noog baa bilf a pʋgẽ ye.
11 A Zeova sũ-puugrã pida maam,
hal tɩ m ya n pa le tõe n sĩnd ye.”+
B yeela maam yaa: “Kiig-a biigã sẽn be sorã zugã zugu,+
la kom-bɩɩsã sẽn tigim taabã zutu.
12 B rotã na n lebga neb a taab rẽnda,
n paas b pʋtã la b pagbã.+
Bala mam na n tẽega m nug n zab ne tẽngã nebã.” Yaa a Zeova n yeele.
13 “Bala b ned kam fãa baooda zãmb paoongo,+ sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã.
B ned kam fãa wẽgda a taaba,+ sẽn sɩng ne no-rɛɛsdbã n tãag maan-kʋʋdbã.
Tɩ laafɩ yaool n kae ye.+
15 B zoeta yãnd ne b sẽn maan bũmb nins mam sẽn kisã sɩda?
B pa zoet yãnd baa bilfu!
B pa mi yãn-zoeer meng ye!+
Yaa rẽ yĩng la b sẽn na n lʋɩ sẽn zoe n lʋɩ-bã sʋkã.
M sã n wa na n sɩbg-ba, b na n lags n lʋɩɩme.” Yaa a Zeova n yeele.
16 Ad a Zeova sẽn yeele:
“Yaas-y sotiisã zut n gese.
La b leokame yaa: “Tõnd pa na n kẽn a zug ye.”+
La bãmb leokame yaa: “Tõnd pa na n kelg ye.”+
18 “Woto wã, yãmb a bu-zẽmsã, kelg-y-yã!
Yãmb a nin-buiidu, bãng-y
bũmb ning sẽn na n paam-bã.
19 Foom a tẽnga, kelge!
Mam na n kɩtame tɩ yel-beed wa nin-kãensã zutu,+
tɩ yɩ b mag-wẽnsã biisi,
bala b pa kelg mam goamã ye.
B zãgsa mam tõogã* tũubu.”
20 “Yãmb sẽn tar wisd sẽn yaa pɛɛlg n yit Saba n watẽ wã,
la y tar raad sẽn tar yũ-noog n yit zĩ-zãrgẽ n watẽ wã, mam toog be ne rẽ sɩda?
Yãmb maand sẽn yõogd bugmã pa tat mam yam ye.
Yãmb maandã pa noom maam ye.”+
21 Woto yĩnga, ad a Zeova sẽn yeele:
“Ade! Mam dɩgenda bũmb toor-toor sẽn tõe n kɩt tɩ ned lak n lʋɩ, nin-kãensã yĩnga.
B na n lagsa bõn-kãense.
Yaa ba-rãmbã la kambã fãa,
la ned ne a tũud-n-taaga.
B fãa na n sãamame.”+
22 Ad a Zeova sẽn yeele:
“Ade! Buud n yi rɩtg soolmẽ wã n watẽ.
Bu-kãseng n na n nek hal tẽngã zĩ-zãrsẽ.+
23 B na n zãa tãbd la kãna.
B yaa nin-toose, n pa na n zoe ned nimbãaneg ye.
B koeesã rãamd na n sãda wa mogrã rãamde.
B zaoo wed-moose.+
Siyõ bi-pugla, b tonga taab zabr yĩng wa gãndaoog n na n zab ne foom.”
24 Tõnd wʋma rẽ kibare.
Tõnd nusã kiime n pa le tar pãng ye.+
Toog n tar tõndo.
25 Ra yi-y n kẽng-y weoogẽ wã ye.
Ra kẽn-y sorã zugu,
bala bɛyã tara sʋʋga.
Zĩig fãa yaa rabeem.
26 Mam neba,
yeelg-y boto,+ la y bilim tompɛglem pʋgẽ.
Maan-y sũ-sãang n yãb ne sũ-toogo,+ wa ned sẽn yãbd a bi-ribl-yend kʋʋre.
Bala sãamdã na n waa yãmb zug zĩig pʋgẽ.+
27 “Mam kɩtame tɩ fo* lebg wa ned sẽn yɩlgd sãnem la wanzuri,
bala fo segd n yɩlga mam nin-buiidã.
Fo segd n maagda f yĩng n get-ba, la f gũusd n get bũmb nins b sẽn maandã.
B yaa wa zũud la kutu.
B fãa maanda wẽnga.
29 Bũmb nins b sẽn tar n zugdẽ wã rɩɩ bugum.
Yaa namd n yit bugmẽ wã.
30 Hakɩɩka, nebã na n boond-b lame tɩ wanzuri b sẽn pa le rate,
bala a Zeova raag-b lame n base.”+
7 Ad goam nins a Zeova sẽn taas a Zeremi wã. A yeelame: 2 “Tɩ yaas a Zeova roogã rignoorẽ n moon n yeel yaa: ‘Yãmb a Zida nebã fãa sẽn tũud rigno-kãensã n kẽed n wõgemded a Zeova taoorã, kelg-y-yã a Zeova goamã. 3 Ad Israyɛll Wẽnnaam a Zeova sẽn yaa tãb-biis naabã sẽn yeele: “Maneg-y y manesmã la y tʋʋm-tʋmdɩ wã, tɩ rẽ la m na n bas-y tɩ y kell n pa zĩ-kãngã.+ 4 Ra teeg-y zirẽ-be-goam n yeele: ‘Yãoã yaa* a Zeova roogo! Yaa a Zeova roogo! A Zeova roogo!’+ 5 Bala yãmb sã n sɩd maneg y manesmã la y tʋʋm-tʋmdɩ wã, yãmb sã n kaood nebã bʋʋd tɩrga,+ 6 yãmb sã n pa weoogd sãamba, kɩɩbs* la pʋg-kõapa,+ yãmb sã n pa raagd bʋʋm dãmb zɩɩm zĩ-kãngã, la y pa tũ wẽnnaam-dãmb a taab n wã y mense,+ 7 dẽ, mam na n basa yãmb tɩ y kell n pa zĩ-kãngã, soolem ning mam sẽn kõ yãmb yaab-rãmbã wakat fãa yĩngã* pʋgẽ.”’”
8 “La yãmb teega zirẽ-be-goama.+ Rẽ pa na n tol n naf yãmb baa bilf ye. 9 Yãmb zuudame,+ n kʋʋda, n yooda, n wẽend n yagd ziri,+ n maand maand* n kõt a Baalle,+ la y tũud wẽnnaam-dãmb y sẽn da pa mi. 10 Yãmb tagsdame tɩ y tõe n maanda bõn-kãensã fãa mam sẽn kisã, la y wat mam taoore, ro-kãngã mam yʋʋrã sẽn be a zugã pʋgẽ, n yetẽ: ‘Tõnd na n paama fãagr’ sɩda? 11 Ro-kãngã mam yʋʋrã sẽn be a zugã lebga fãadb roog yãmb nifẽ la?+ Mam mengã yãame tɩ yaa woto.” Yaa a Zeova n yeele.
12 “‘Kẽng-y mam doog ning sẽn be Sɩlo+ wã pʋgẽ, zĩig ning mam sẽn kɩt tɩ m yʋʋrã zĩnd pipi wã,+ n ges mam sẽn maan-a bũmb ninga, Israyɛll nebã sẽn yaa mam nin-buiidã wẽnemã yĩngã.’+ 13 A Zeova yeelame yaa: ‘La yãmb ket n maanda bõn-kãensã. Baa mam sẽn gom ne yãmb naoor wʋsgã,* yãmb pa kelg ye.+ Mam da boonda yãmba, la yãmb da pa sakd ye.+ 14 Woto yĩnga, mam na n maana roog ning zug mam yʋʋrã sẽn be wã,+ roog ning yãmb sẽn teegã,+ ne zĩ-kãngã mam sẽn kõ yãmb ne y yaab-rãmbã wa mam sẽn maan Sɩlo wã.+ 15 Mam na n diga yãmb n yiis m taoore, wa mam sẽn dig yãmb ba-biisã fãa wã, rat n yeel t’a Efrayim yagensã fãa wã.’+
16 “La sã n yaa ne foo, ra pʋʋs nin-kãensã yĩng ye. Ra yãb ne maam b yĩnga, wall f pʋʋs bɩ n yõk m sɛɛg b yĩng ye.+ Bala mam pa na n kelg-f ye.+ 17 Fo pa ne b sẽn maand bũmb nins Zida tẽnsẽ wã, ne Zerizalɛm soayã zutã la? 18 Kambã wɩɩsda raado, tɩ ba-rãmbã yõgend bugum, tɩ pagbã nagd zom n na n maan buri, tɩ b kõ Saasẽ na-poakã.*+ Sẽn paase, b pʋdgda divẽ kũun n kõt wẽnnaam-dãmb a taab sẽn na yɩl tɩ m sũurã yiki.+ 19 A Zeova yeelame: ‘Yaa maam la b maand wẽng sɩda? Pa b mensã la b maand wẽnga, tɩ wat ne yãnd b mens zut sɩda?’+ 20 Woto yĩnga, ad a Zeova sẽn yaa Zu-soab sẽn ka to wã sẽn yeele: ‘Mam na n kiiga m sũ-yikrã ne m sũ-puugrã zĩ-kãngã zugu,+ ninsaalbã la rũmsã zutu, tɩɩsã sẽn be weoogẽ wã zutu, la tẽngã bõn-koaadlã biis zutu. Mam sũ-yikrã na n dɩta wa bugum n pa kiidẽ ye.’+
21 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Kell-y n dɩk-y y maand sẽn yõogd bugmã n paas y maand a taabã, tɩ y mensã wãb b nemdã.+ 22 Bala daar ning mam sẽn yiis y yaab-rãmbã Ezɩpt soolmẽ wã, mam pa gom ne-b maoong sẽn yõogd bugum la maand yelle, wall m kõ-b noor rẽ wɛɛngẽ ye.+ 23 La mam yeel-b lame yaa: “Sak-y mam koɛɛgã, tɩ rẽ la mam na n yɩ yãmb Wẽnnaam, tɩ yãmb yɩ mam nin-buiidu.+ Yãmb segd n tũu noy nins fãa mam sẽn kõ yãmbã, tɩ bũmb fãa yɩ sõma ne yãmba.”’+ 24 La b pa kelg ye. B pa kɩll b tʋb n kelg maam ye.+ B pʋd n kẽna wa sẽn zems b mag-wẽnsã,* n diglim b sũyã n tũ b sũyã sẽn yaa wẽnsã.+ B targ n leba poorẽ, n pa kẽng taoor ye. 25 Yaa sẽn sɩng daar ning y yaab-rãmbã sẽn yi Ezɩpt soolmẽ wã n tãag rũndã.+ Rẽ n so tɩ mam da tʋmd no-rɛɛsdbã sẽn yaa m tʋm-tʋmdbã fãa yãmb nengẽ. M da tʋmd-b-la beoog sẽn vẽeg fãa. M tʋm-b-la naoor wʋsgo.*+ 26 La nin-kãensã zãgsame tɩ b kõn kelg maam ye. B pa kɩll b tʋb n kelg maam ye.+ B pʋd n diglma b sũyã,* n maan sẽn yaa wẽng n yɩɩd b yaab-rãmbã!
27 “Fo na n togs-b-la gom-kãensã fãa,+ la b pa na n kelg ye. Fo na n bool-b lame, la b pa na n sak ye. 28 Fo na n yeel-b lame yaa: ‘Ad buud ning neb sẽn pa kelg b Wẽnnaam a Zeova koɛɛga, la sẽn zãgs tɩ b kõn sak kiblgã. Ned sẽn maand sɩd pa le be ye. B pa le gomd maan sɩd yell b sʋk meng ye.’+
29 “Põng f zoobdã sẽn pa wõrsã* n lobe, la f rʋ kunkub nins zut baa fʋɩ sẽn pa yitã n yɩɩl sũ-sãang yɩɩlle,* bala a Zeova zãgsa zãmaan-kãngã sẽn yikd a sũurã, n na n daag-b n base. 30 ‘Bala Zida nebã maana sẽn yaa wẽng mam nifẽ.’ Yaa a Zeova n yeele. ‘B ninga b bõn-naandsã sẽn yaa bõn-yoodã roog ning mam yʋʋrã sẽn be a zugã pʋgẽ, sẽn na yɩl n dẽgm-a.+ 31 B mee zĩ-zãnts Tofɛt sẽn be a Hinom bi-riblã longẽ*+ wã, n na n yõogd b kom-dibli wã la b kom-pugli wã bugmẽ.+ Rẽ yaa bũmb mam sẽn pa kos-ba, la bũmb mam sẽn zɩ n tags m sũurẽ a bada.’*+
32 “A Zeova yeelame: ‘Rẽ n so tɩ daar n wat tɩ b pa na n le bool-a tɩ Tofɛte, wall t’a Hinom bi-riblã long* ye. B na n bool-a lame tɩ Kʋʋb longo. B na n muma kũ-rãmb Tofɛt hal tɩ vɩʋʋg wa pa le beẽ ye.+ 33 Nin-kãens kũ-rãmbã na n lebga bõn-yɩgdɩ wã sẽn yɩgd yĩngrã ne tẽngã we-rũmsã rɩɩbo, tɩ ned kae n na n yɛɛs-b tɩ b loog ye.+ 34 Zida tẽnsã pʋsẽ la Zerizalɛm soayã zutu, mam na n kɩtame tɩ kɩdeng la sũ-noog rãamd sa, la m kɩt tɩ pʋg-paal ne pʋg-paal sɩd koɛɛg ra le zĩnd ye.+ Bala b na n kɩtame tɩ soolmã lebg raboogo.’”+
8 A Zeova yeelame yaa: “Wakat kãnga, b na n bugsa Zida rĩm-dãmbã kõab b yaadẽ wã, ne a nanambsã kõaba, maan-kʋʋdbã kõaba, no-rɛɛsdbã kõaba, la Zerizalɛm nebã kõaba. 2 B na n yɛdga b kõabã wĩntoogã ne kiuugã la saasẽ ãdsã* fãa tẽngre. Yaa bõn-kãens la b ra nonga, n waoogdẽ, n tũudẽ, n baood b sõngre, la b wõgemded b taoore.+ B pa na n tigs b kõabã wall b mum-b ye. B na n lebga wa birg tẽn-gãongã zugu.”+
3 A Zeova sẽn yaa tãb-biis naabã yeelame: “Zĩis nins fãa mam sẽn na n sãeeg bu-kãngã sẽn yaa wẽngã neb nins sẽn kellã, b na n tʋlga kũum n yɩɩd vɩɩm.
4 “Fo segd n yeel-b lame yaa: ‘Ad a Zeova sẽn yeele:
“B na n lʋɩɩme n pa le yik bɩ?
Nin-yend sã n na n lebg n wa, a to wã me pa na n lebg wa sɩda?
5 Bõe yĩng tɩ nin-kãensã sẽn yaa Zerizalɛm nebã ket n pa maand sɩd ne maam?
B nonga zãmb wʋsgo.
B zãgsdame tɩ b kõn lebg n wa mam nengẽ ye.+
6 Mam da getame la m kelgdẽ, la b sẽn da gomd to-to wã pa sõma ye.
Ned baa a ye pa tek yam n bas a wẽnem, wall a sok yaa: ‘Bõe la mam maan-yã?’+
Ned fãa lebgd n kẽeda sor ning neb wʋsg sẽn tũudã, wa wed-moaag sẽn zoet n kẽed zabrẽ.
7 Baa kʋl-yaadg sẽn yɩgd yĩngrã mii a wakate.
Marwall ne sɩlaal la liuuli a taab* lebgd n wata b wakate.
La mam meng nin-buiidã pa wʋmd a Zeova noyã võor ye.”’+
8 ‘Yãmb na n yɩɩ wãn n yeel yaa: “Tõnd tara yam, la d tar a Zeova tõogã”?*
Bala sɩd-sɩda, seb-gʋlsdbã tara b gʋls-moodã+ n gʋlsd sẽn yaa ziri bala.
9 Yam dãmbã paama yãnde.+
B yɛɛsa wʋsgo. B na n yõg-b lame.
B sẽn zãgs a Zeova gomdã,
yaa bõe yam la b tara?
10 Woto wã, mam na n dɩka b pagbã n kõ rap a taaba,
la m dɩk b pʋtã n kõ neb a taaba.+
Bala b ned kam fãa baooda zãmb paoongo,+ sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã.
B ned kam fãa wẽgda a taaba,+ sẽn sɩng ne no-rɛɛsdbã n tãag maan-kʋʋdbã.
Tɩ laafɩ yaool n kae ye.+
12 B zoeta yãnd ne b sẽn maan bũmb nins mam sẽn kisã sɩda?
B pa zoet yãnd baa bilfu!
B pa mi yãn-zoeer meng ye!+
Yaa rẽ yĩng la b sẽn na n lʋɩ sẽn zoe n lʋɩ-bã sʋkã.
M sã n wa na n sɩbg-ba, b na n lags n lʋɩɩme.’+ Yaa a Zeova n yeele.
13 ‘Mam sã n wa tigim-ba, mam na n kɩtame tɩ b meneme.’ Yaa a Zeova n yeele.
‘Viyn biis pa na n pa viyn tɩɩgã zugu, kankam me pa na n pa kankangã zug ye. Vãadã na n zelgame.
B na n bõna bũmb nins mam sẽn da kõ-bã.’”
14 “Bõe yĩng tɩ tõnd zĩ ka?
Bɩ d tigim taab n kẽ tẽns nins sẽn gũbgã pʋsẽ+ n ki.
Bala tõnd Wẽnnaam a Zeova na n menesa tõndo.
A kõta tõnd koom sẽn yaa zẽnem tɩ d yũ,+
bala tõnd beega a Zeova.
15 Tõnd da tẽeda laafɩ, la bõn-sõng baa a ye pa wa ye!
Tõnd da tẽeda yolsg wakate, la yaa rabeem n wa!+
16 Hal Danne, b wʋmda bɛyã wed-moosã sẽn fĩisdi.
A wed-raadã yãbr kɩtdame
tɩ soolmã tõr rigimdidẽ.
B kẽeda soolmã pʋgẽ, n dɩt-a ne bũmb nins fãa sẽn be a pʋgẽ wã,
rat n yeel tɩ tẽngã ne a nebã.”
17 A Zeova yeelame: “Ade! Mam na n tʋma wiis yãmb sʋka.
Yaa wag-toos ned sẽn pa tõe n saoolge.
Sãmbg sẽn kãe, b na n kɛɛ yãmba.”
18 Mam sũ-sãangã pa tar tɩɩm ye.
Mam sũurã zabdame.
19 Neb n be hal tẽn-zãrgẽ n yãbd n kot sõngre.
Yaa mam buudã nebã. B sokdame yaa:
“Yaa a Zeova n pa be Siyõ bɩ,
bɩ yaa Siyõ rĩmã n pa be a pʋgẽ?”
“Bõe yĩng tɩ b yik mam sũur ne b bõn-naandsã b sẽn peesã,
b wẽn-sãamsã sẽn yaa wẽn-faadã?”
20 “Kẽebgã wakat loogame, tɩ sɩpaolgã me looge,
la tõnd pa paam fãagr ye!”
Rabeem wʋsg yõka maam.
22 Yaa bomiye kaam* n pa be Galaad bɩ,+
Bõe yĩng tɩ mam buudã nebã pa paam sãoogre?+
9 M da nongẽ lame tɩ m zugã yɩ ko-bundg zĩiga,
tɩ m ninã yɩ nintãm bulsi!+
Dẽ, mam da na n yãba wĩndg la yʋngo,
mam buudã neb nins b sẽn kʋ wã yĩnga.
2 M da nongẽ lame n tar so-toagdb gãag zĩig we-raoogẽ wã!
Dẽ, m da na n loog n basa m buudã neba, n zãag m meng ne-ba,
bala b fãa yaa yoaadba.+
B yaa zãmb dãmb sulli.
3 B segl n saame n na n yag ziri, wa b sẽn yãag tãp tɩ kell tãoobo.
Soolmã pida ne zirẽ-beedo. Maan-sɩd pa be a pʋgẽ ye.+
“B wẽnemã tara paasgo.
B toog pa be ne maam ye.”+ Yaa a Zeova n yeele.
4 “Bɩ ned fãa gũus a meng ne a to.
Ra kɩs f ba-biig meng sɩd ye.
5 Ned kam fãa wẽgda a to.
Ned baa ye pa togsd sɩd ye.
B zãmsa b zɩlma wã ziri yagbo.+
B maanda wẽng hal n wa ya.
6 Fo bee zãmb dãmb sʋka.
B zãmbã yĩnga, b zãgsame tɩ b kõn bao n bãng maam ye.” Yaa a Zeova n yeele.
7 Woto yĩnga, ad a Zeova sẽn yaa tãb-biis naabã sẽn yeele:
“Mam na n yẽneg-b lame, n mak-ba.+
Sã n pa rẽ, bõe me la m tõe n maan m nin-buiidã?
8 B zɩlma wã yaa wa pɛɛm sẽn kʋʋde, n gomd zãmb goama.
Ned noor gomda laafɩ goam ne a to,
la a sũurẽ wã, a segenda bẽdg a yĩnga.”*
9 A Zeova sokame yaa: “Mam pa segd n sok-b bõn-kãensã poorẽ sɩda?
Mam* pa segd n dok m sũur ne buud a woto sɩda?+
10 Mam na n yãbame la m wiis tãensã yĩnga,
la m yɩɩl sũ-sãang yɩɩll* rũmsã wãbneg zĩis sẽn be we-raoogẽ wã yĩnga,
bala b rɩɩ bugum tɩ ned pa le pɩʋʋgd be ye.
B pa le wʋmd rũms rãamd be me ye.
Bõn-yɩgdɩ wã sẽn yɩgd yĩngrã ne we-rũmsã zoeeme. B loogame.+
11 Mam na n kɩtame tɩ Zerizalɛm lebg kug-rʋya,+ la we-baas zĩiga,+
la m kɩt tɩ Zida tẽnsã lebg raboodo, tɩ ned pa le be b pʋsẽ ye.+
12 Ãnda n tar yam sẽn sek a na wʋm bõn-kãngã võore?
Yaa ne ãnda la a Zeova gom-yã, t’a soab tõe n togs rẽ?
Bõe yĩng tɩ soolmã sãam zãnga?
Bõe yĩng t’a yõog n lebg wa we-raoogo,
tɩ ned baa a ye pa le pɩʋʋgd be?”
13 A Zeova leokame yaa: “Yaa b sẽn zãgs mam tõogã* m sẽn kõ-bã, la b sẽn pa tũ-a la b pa sak mam koɛɛgã yĩnga. 14 B pʋd n diglma b sũyã n tũ b sũyã raabo.+ B tũu a Baal bõn-naandsã wa b ba-rãmbã sẽn zãms-bã.+ 15 Woto wã, ad Israyɛll Wẽnnaam a Zeova sẽn yaa tãb-biis naabã sẽn yeele: ‘Mam na n kɩtame tɩ nin-kãensã wãb absẽnte,* la b yũ koom sẽn yaa zẽnem.+ 16 Mam na n kɩtame tɩ b sãeeg n kẽ buud toɛy-toɛy bãmb ne b yaab-rãmbã sẽn da pa mi.+ M na n kɩtame tɩ b rig-b ne sʋʋs hal tɩ b wa menem zãnga.’+
17 Ad a Zeova sẽn yaa tãb-biis naabã sẽn yeele:
‘Bʋgs-y bũmb ning sẽn maandã zugu.
Bool-y pagb sẽn yɩɩnd sũ-sãang yɩɩl*+ tɩ b wa,
la y tʋm tɩ b bool pagb nins sẽn mi kʋʋr yãbr sõma wã,
18 sẽn na yɩl tɩ b wa tao-tao, n zẽk b koees n wiis tõnd yĩnga,
tɩ nintãm tõog n yi d ninẽ wã,
tɩ koom sodg d nin-pagdẽ wã.+
19 Bala wiisg rãamd n yit Siyõ.+ B wiisdame n yetẽ:
“Ad b sɩd sãama tõndo!
D yãndã sɩd yaa wʋsgo!
Bala tõnd yii soolmẽ wã. B tusa d rotã n lubi.”+
20 Yãmb a pagba, kelg-y-yã a Zeova goamã.
Bɩ y tʋbã reeg a noorã goama.
21 Bala kũum tũu tõnd feneta wã n kẽ.
A kẽe tõnd gasd nins sẽn tar pãngã pʋsẽ,
sẽn na yɩl n nog kambã sẽn be soayã zutã,
la kom-bɩɩsã sẽn be zãma wã zĩisẽ wã.’+
22 Yeel yaa: ‘Ad a Zeova sẽn yeele:
“Nebã kũ-rãmbã na n dʋʋga pʋtẽ wã wa birga,
wa ka-rulg ned sẽn nan kɛ n dʋʋge,
tɩ ned ka be n na n wʋk-b ye.”’”+
23 Ad a Zeova sẽn yeele:
“Bɩ yam soab ra pẽg a meng a yamã yĩng ye.+
Bɩ pãng soab ra pẽg a meng a pãngã yĩng ye.
Bɩ arzɛk soab me ra pẽg a meng a arzɛgsã yĩng ye.”+
24 “La ned ning sẽn pẽgd a menga, ad bũmb ning yĩng a sẽn segd n pẽg a mengã:
Yaa a sẽn tar yam-vẽenem la a mi maam yĩnga,+
n miẽ tɩ mam yaa a Zeova, soab ning sẽn yaa maan-neer soaba, sẽn maand sẽn yaa tɩrg la sẽn zems tẽngã zugu,+
bala yaa bõn-kãensã n noom maam.”+ Yaa a Zeova n yeele.
25 A Zeova yeelame yaa: “Ade! Daar n wate, tɩ mam na n sok ned ning fãa sẽn kẽ bãong tɩ yaool n pa bãong hakɩɩkã,+ 26 rat n yeel tɩ Ezɩpt+ nebã, Zida+ nebã, Edom+ nebã, Amon+ nebã la Mowaab+ nebã, n paas neb nins fãa sẽn põng b zutã kɩremsã n be we-raoogẽ+ wã. Bala buud toɛy-toɛyã fãa pa kẽ bãongo, tɩ Israyɛll nebã fãa me sũyã pa kẽ bãong ye.”+
10 Israyɛll neba, kelg-y keoogr ning a Zeova sẽn keoogd yãmbã. 2 Ad a Zeova sẽn yeele:
“Ra n dɩk-y bu-zẽmsã togs-n-taar ye.+
Ra n yɛɛs-y bãn nins sẽn be saasẽ wã,
bu-zẽmsã sẽn yɛɛsd bõn-kãensã yĩng ye.+
3 Bala buud toɛy-toɛyã minund yaa belgre.*
Tʋʋm-mit kɛɛda tɩɩg sẽn be kãgrẽ n lubi,
n pees-a t’a lebg bõn-naandga.+
5 B yaa wa bũmb b sẽn maan tɩ wõnd ned sẽn be kõnkõmbr pʋʋgẽ. B pa tõe n gom ye.+
Yaa tɩlɛ tɩ b rɩk-ba, bala b pa tõe n kẽn ye.+
Ra n zoe-y-ba, bala b pa tõe n maan wẽnga,
wall b maan sẽn yaa sõma baa bilf ye.”+
6 Zeova, yãmb to kae ye.+
Yãmb yaa kãsenga. Yãmb yʋʋrã me yaa kãsenga, la a tar pãnga.
7 Buud toɛy-toɛy Rĩma, ãnda n pa segd n zoe yãmba,+ rẽ sẽn togã yĩnga?
Bala buud toɛy-toɛyã yam dãmbã fãa sʋka, la b soolem toɛy-toɛyã fãa pʋsẽ,
yãmb to pa tol n beẽ ye.+
8 B fãa yaa yalemb n pa tagsdẽ ye.+
Zãmsg sẽn yit tɩɩg nengẽ yaa belgr* fasɩ.+
9 B tallda wanzuri sẽn kud tɩ lebg pakls n yi Tarsiis+ n wa, la b tɩ tall sãnem Ufaaz n wa.
Yaa tʋʋm-mit tʋʋma, yõak nus tʋʋmde.
B futã wʋga ne gĩs sẽn yaa kẽeg haoo,* la ne rũms kõbd gĩs sẽn yaa miid-miidu.
B fãa yaa tʋʋm-mitb n maane.
10 La a Zeova n sɩd yaa Wẽnnaam.
Yẽ n yaa Wẽnnaam ning sẽn vɩ wã,+ la wakat fãa Rĩmã.+
A sũ-puugrã yĩnga, tẽngã na n digimdame.+
Buud baa a ye pa na n tõog n yals a sũ-puugrã taoor ye.
11* Ad bũmb ning fo sẽn segd n yeel-bã:
“Wẽnnaam-dãmb nins sẽn pa maan saasã la tẽngã
na n menema tẽngã zugu, la saasã tẽngre.”+
12 Wẽnnaam n yaa soab ning sẽn naan tẽngã ne a pãngã,
soab ning sẽn yẽbg tẽn-gãongã ne a yamã,+
la sẽn yɛdg saasã ne a bãngrã.+
13 A sã n zẽk a koɛɛg n tãse,
ko-rãmbã sẽn be saasẽ wã gudgdame.+
A maanda sa-yãgb saagã niib yĩnga,
la a kɩtdẽ tɩ sobg yit a teedã bĩngr dotẽ.+
14 Ned buud fãa maanda yalemd n pa tar bãngr ye.
Yõak fãa na n paama yãnde, bõn-naands nins a sẽn maanã yĩnga.+
Bala bõn-naandgã a sẽn dõogã yaa zãmb bũmbu,
la vʋʋsem pa be b pʋsẽ ye.+
15 B yaa belgre,* la bũmb sẽn segd ne yaalgo.+
Daar ning b sẽn na n sok-bã sã n ta, b na n sãamame.
16 A Zakoob pʋɩɩrã pa wa bõn-kãensã ye.
Bala yaa yẽ la soab ning sẽn naan bũmb fãa wã.
A yʋʋr la tãb-biis naab a Zeova.+
17 Foom a pag sẽn be tẽng b sẽn gũbg pʋgẽ,
rɩk f dukã sẽn dɩg tẽngã.
18 Bala ad a Zeova sẽn yeele:
“Ade! Mam na n diga nebã tɩ b yi soolmẽ wã wakat kãngã,+
la m kɩt tɩ b paam toogo.”
19 Toog bee mam zugu, mam nodrã* yĩnga!
Mam nodrã pa tõe n tɩp ye.+
Mam yeelame yaa: “Sãmbg sẽn kae, yãoã yaa mam bãaga. Mam segd n tõoga toogo.
20 B sãama mam fu-roogã zãnga, la b tõs a wĩyã fãa.+
Mam kambã raaga maam n base. B pa le be ye.+
Ned ka le be n na n tilg mam fu-roogã, wall a zẽk mam fu-roogã pɛɛl ye.
Yaa rẽ yĩng la b sẽn pa tʋm ne yam-vẽenem,
tɩ b rũmsã fãa sãeegã.”+
22 Kelg-y-yã! Kibar n wate!
Yaa bʋʋr sẽn yaa kãseng n yi rɩtg soolmẽ wã n watẽ,+
n na n kɩt tɩ Zida tẽnsã lebg raboodo, la we-baas zĩisi.+
23 Zeova, mam mii vẽeneg tɩ ninsaal pa so a sor ye.
Ninsaal sẽn kẽnd pa tõe n wilg a meng sor ye.+
25 Kiig-y yãmb sũ-puugrã buud nins sẽn maand b toog kae ne yãmbã zutu,+
la buud rot nins sẽn pa pʋʋsd ne yãmb yʋʋrã zutu.
Bala b sãama a Zakoob yagensã.+
B baoome n na n sãam-b zãng menga.+
B kɩtame tɩ b ba-yirã lebg raboogo.+
11 Ad goam nins a Zeova sẽn taas a Zeremi wã. A yeelame: 2 “Bɩ yãmb fãa kelg kaool-kãngã goamã!
“Taas* gom-kãensã Zida la Zerizalɛm nebã, 3 n yeel-b yaa: ‘Ad a Zeova sẽn yaa Israyɛll Wẽnnaamã sẽn yeele: “Kãab-wẽng bee ne ned ning sẽn pa sakd kaool-kãngã goamã.+ 4 Yaa goam nins mam sẽn togs yãmb yaab-rãmbã, daar ning mam sẽn yiis-b Ezɩpt+ soolmẽ wã, wʋng sẽn tar n yẽnegd kutã pʋgẽ wã,+ n yeel-ba: ‘Sak-y mam koɛɛgã, la y maan bũmb nins fãa mam sẽn yeel yãmbã, tɩ rẽ la yãmb na n yɩ mam nin-buiidu, tɩ mam yɩ yãmb Wẽnnaam.+ 5 Yaa sẽn na yɩl tɩ m pids wẽeneg ning mam sẽn wẽen yãmb yaab-rãmbã, n yeel tɩ m na n kõ-b-la tẽng sẽn pid ne bĩisim la sɩɩdo,+ wa sẽn yaa to-to rũndã-rũndã wã.’”’”
Mam leokame yaa: “Ãmiina,* Zeova.”
6 Rẽ poore, a Zeova yeela maam yaa: “Moon gom-kãensã fãa Zida tẽnsã pʋsẽ, la Zerizalɛm soayã zut n yeele: ‘Kelg-y kaool-kãngã goamã la y tũ-ba. 7 Bala mam sagla yãmb yaab-rãmbã daar ning mam sẽn yiis-b Ezɩpt soolmẽ wã hal n tãag rũndã. Mam sagl-b-la naoor wʋsg* n yeele: “Sak-y mam koɛɛgã.”+ 8 La b pa kelg ye. B pa kɩll b tʋb n kelg maam ye. B ned kam fãa pʋd n diglma a sũur n tũ a sũurã sẽn yaa wẽngã.+ Dẽ, mam tẽeg-b-la kaool-kãngã goamã fãa mam sẽn da togs-b tɩ b tũ wã, la b zãgsame tɩ b kõn tũ ye.’”
9 Rẽ poore, a Zeova yeela maam yaa: “Zida ne Zerizalɛm nebã seta taab n na n kɩɩs maam. 10 Bãmb me konga wa b yaab-rãmbã sẽn zĩnd pĩndã, n zãgs tɩ b kõn tũ mam goamã ye.+ Bãmb me tũu wẽnnaam-dãmb a taaba, n waoog-ba.+ Israyɛll nebã ne Zida nebã kɩɩsa mam kaoolã mam sẽn da maan ne b yaab-rãmbã.+ 11 Woto wã, ad a Zeova sẽn yeele: ‘Ade! Mam na n kɩtame tɩ yel-beed paam-ba.+ Yaa yel-beed b sẽn pa na n tõog n põse. B sã n wa boond maam n kot sõngre, m pa na n kelg-b ye.+ 12 Dẽ, Zida tẽnsã neb ne Zerizalɛm nebã na n kẽnga wẽnnaam-dãmb nins b sẽn maand maand* n kõtẽ wã nengẽ, n tɩ kos sõngre,+ la b pa na n tol n fãag-b b yel-beedã wakat ye. 13 Bala Zida neba, yãmb wẽnnaam-dãmbã sõor lebga wa yãmb tẽnsã sõore. Yãmb maana tẽn-kug wʋsg wa Zerizalɛm soayã sõor n kõ wẽn-faoogã. Yaa tẽn-kug y sẽn tar n maand maand n kõt a Baalle.’+
14 “La sã n yaa ne foo,* ra pʋʋs nin-kãensã yĩng ye. Ra yãb ne maam b yĩnga, wall f pʋʋs b yĩng ye.+ Bala b sã n wa boond maam b yel-beedã yĩnga, m pa na n kelg ye.
15 Bõe yĩng tɩ mam nebã m sẽn nongã ket n be mam doogẽ wã,
tɩ wʋsg yaool n maand wẽnga?
Yel-beedã sã n wa paam foo,* b na n talla nemd sẽn yaa sõng* n kɩt t’a loog n bas-f bɩ?
Fo na n kɩdma sũ-noog wakat kãng sɩda?
16 A Zeova ra boonda foo tɩ oliiv tɩɩg sẽn tobd wʋsgo,
sẽn yaa neer la sẽn tar biis sẽn yaa sõma.
La a ninga foo bugum, bʋʋr sẽn yaa kãseng pʋgẽ.
Bɛɛbã kaoo fo wilã.
17 “Tãb-biis naab a Zeova sẽn yaa soab ning sẽn sel foomã+ yeelame tɩ yel-beed n na n wa fo zugu, Israyɛll nebã ne Zida nebã sẽn maan wẽng ningã yĩnga. B maana maand n kõ a Baalle, n kɩt tɩ mam sũurã yiki.”+
18 A Zeova togsa maam bõn-kãng sẽn na yɩl tɩ m bãnge.
Wakat kãnga, yãmb kɩtame tɩ mam yã bũmb nins b sẽn da maandã.
19 Mam da yaa wa pe-bil sẽn sakd nana b sẽn tar n dabd kodgre.
M da pa mi tɩ b magdame n na n maan maam yelle, n yetẽ yaa:+
“Bɩ d sãam tɩɩgã ne a biisã.
Bɩ d yiis-a nin-vɩɩsã soolmẽ,
sẽn na yɩl tɩ b ra le tẽeg a yʋʋrã yell ye.”
Bɩ y kɩt tɩ m yã y sẽn na n dok y sũur to-to ne-bã,
bala mam basa m yellã* ne yãmba.
21 Ad bũmb ning a Zeova sẽn yeel Anatot+ nebã wɛɛngẽ, neb nins sẽn baood n yãk mam yõorã,* la b yetẽ yaa: “Fo pa segd n togs bãngr-goam a Zeova yʋʋr yĩng ye.+ Sã n pa rẽ, tõnd mensã nus n na n kʋ foo.” 22 Woto yĩnga, ad tãb-biis naab a Zeova sẽn yeele: “Ade! Mam na n sok-b lame. B na n kʋʋ b kom-bɩɩsã ne sʋʋse,+ tɩ kom kʋ b kom-dibli wã la b kom-pugli wã.+ 23 B ned baa a ye meng pa na n kell ye. Bala mam na n kɩtame tɩ yel-beed paam Anatot+ nebã, yʋʋmd ning m sẽn na n sok-bã.”
12 Zeova, yãmb yaa tɩrlem soaba.+ Mam sã n wa togsd yãmb bũmb sẽn sãamd m sũuri,
la baa mam sã n wa gomd bʋ-kaoor yell ne yãmba, yãmb yaa tɩrlem soaba.
La bõe yĩng tɩ nin-wẽnsã yɛl yãkd nenga?+
Bõe yĩng tɩ zãmb dãmbã pa maand yɩɩre?
2 Yãmb sel-b lame, tɩ b kɩ yẽga.
B bɩɩme n wom biisi.
B wae n gomda yãmb yelle, la b sũyã zãra ne yãmba.+
3 La yãmb mii maam sõma, Zeova.+ Yãmb nee maam.
Yãmb feesa mam sũurã, n miẽ tɩ mam nonga yãmb ne m sũur fãa.+
Ning-y-b kɛɛng wa piis b sẽn welg koodg yĩnga.
Welg-y-b toor kʋʋbã daar yĩnga.
4 Soolmã na n kell n kʋɩɩme n ta dabʋre?
Wetã moodã la b tɩɩsã na n kell n kʋɩɩme n ta dabʋre?+
Neb nins sẽn vɩ be wã wẽnemã yĩnga,
we-rũmsã ne bõn-yɩgdɩ wã menemame.
Bala b yeelame yaa: “Wẽnnaam pa ne bũmb ning sẽn na n paam tõndã ye.”
Fo yamã gãee bãan soolem sẽn be laafɩ pʋgẽ.
La fo sã n wa be Zʋrdẽ kʋɩlgã wogellã kãgrẽ, fo na n maana wãna?
6 Bala baa fo ba-biisã, fo ba-roakã zak rãmb
zãmba foo.+
B zẽka b koees n kãab foo wẽnga.
Ra kɩs-b sɩda,
baa b sã n wa gomd gom-nood ne-fo.
7 “Mam loog n basa m doogã.+ Mam zoe n basa m pʋɩɩrã.+
Mam dɩka m sẽn nong a soab wʋsgã* n ning a bɛɛbã nusẽ.+
8 Mam nifẽ, mam pʋɩɩrã lebga wa gɩgemd sẽn be kãgrẽ.
A kelmame n zab ne maam.
Rẽ n kɩt tɩ m wa baas n kisg-a.
9 Ne maam, mam pʋɩɩrã yaa wa sɩlg sẽn tar kõbg toor-toore.*
Sɩls a taabã gũbg-a lame n na n zab ne-a.+
Yãmb a we-rũmsã fãa, wa n tigm-y taaba.
Wa n dɩ-y-yã.+
B kɩtame tɩ mam pʋʋgã sẽn da yaa neerã lebg we-raoog tɩ bũmb pa le be a pʋgẽ ye.
11 A lebga zĩ-vɩʋʋgo.
B kɩtame tɩ soolmã tõr lebg raboogo,
la ned baa a ye pa maand yɩɩr rẽ yĩng ye.+
12 Sãamdbã tũu soay nins fãa sẽn pasgd we-raoogã n wa,
bala a Zeova sʋʋgã kʋʋda neb soolmã kɩreng a ye n tãag
a to wã.+
Ned baa a ye* pa zĩ bãan ye.
13 B bʋda bɩle, la b kẽeba gõose.+
B tʋmame n ya, la pa naf-b ye.
A Zeova sũ-pu-kãsengã yĩnga,
b koodã yãnd na n yõk-b lame.”
14 Ad bũmb ning a Zeova sẽn yeele: “Sã n yaa ne mam yagsã fãa sẽn yaa nin-wẽnsã, rat n yeel tɩ neb nins sẽn sɩɩsd mam pʋɩɩrã m sẽn kɩt tɩ Israyɛll sẽn yaa mam nin-buiidã soogã,+ mam na n võ-b-la b soolmã pʋgẽ.+ Mam na n võo Zida buudã neb n yiis b sʋka. 15 La m sã n võ-b poore, m na n le zoee b nimbãanega, n tall b ned kam fãa n lebg n wa a rogem-pʋɩɩrẽ, la a soolmẽ.”
16 “B sã n zãms mam nin-buiidã manesmã n dɩk b togs-n-taare, la b wẽend ne mam yʋʋrã n yetẽ tɩ b ‘wẽenda ne a Zeova sẽn vɩ wã,’ wa b sẽn zãms mam nin-buiidã tɩ b wẽen ne a Baallã, b na n paama zĩig mam nin-buiidã sʋka. 17 La buud sã n zãgs t’a kõn sake, m na n võoga bu-kãng me. M na n võog-a lame la m sãam-a.” Yaa a Zeova n yeele.+
13 Ad bũmb ning a Zeova sẽn yeel maam: “Kẽng n tɩ ra lẽ gĩs sẽbdg n sẽb f sɛɛgã, la f ra los-a koomẽ ye.” 2 Dẽ, mam daa sẽbdgã wa a Zeova sẽn yeelã, n sẽb m sɛɛgã. 3 A Zeova goma ne maam naoor a yiib-n-soab n yeele: 4 “Rɩk sẽbdgã fo sẽn da n sẽb f sɛɛgã, n yik n kẽng Efrat kʋɩlgẽ wã, n tɩ solg-a pĩigã bokẽ.” 5 Dẽ, mam kẽng n tɩ solg-a-la Efrat kʋɩlgã noor wa a Zeova sẽn yeel maamã.
6 Rasem wʋsg loogr poore, a Zeova yeela maam yaa: “Yik n kẽng Efrat kʋɩlgẽ wã, n tɩ rɩk sẽbdgã mam sẽn yeel foo tɩ f tɩ solg be wã.” 7 Dẽ, mam kẽnga Efrat kʋɩlgẽ wã n tɩ buk sẽbdgã, n yiis-a zĩig ning mam sẽn da solg-a wã. M mikame tɩ sẽbdgã sãamame. A ra pa le tar yõod baa bilf ye.
8 Rẽ la a Zeova yeel maam yaa: 9 “Ad a Zeova sẽn yeele: ‘Yaa woto la m na n sãam Zida wuk-m-mengã, la Zerizalɛm wuk-m-mengã sẽn yaa wʋsgã.+ 10 Nin-wẽn-kãensã sẽn zãgsd tɩ b kõn sak mam goamã,+ sẽn diglim b sũy n tũud b sũyã,+ la sẽn tũud wẽnnaam-dãmb a taaba, n waoogd-b la b wõgemded b taoorã na n lebga wa sẽbdgã sẽn pa le tar yõod baa bilfã.’ 11 A Zeova yeelame: ‘Bala mam dɩka Israyɛll buudã tõr ne Zida buudã tõr n sẽbg m menga, wa sẽbdg sẽn sẽbd ninsaal sɛɛg to-to wã, sẽn na yɩl tɩ b yɩ buudu,+ yʋʋre,+ waoogre, la bũmb sẽn yaa neer mam yĩnga. La b pa sak maam ye.’+
12 “Fo segd n taas-b-la koe-kãngã me: ‘Ad Israyɛll Wẽnnaam a Zeova sẽn yeele: “Yʋ-bedr fãa segd n pida ne divẽ.”’ La b na n leoka foo yaa: ‘Tõnd zoe n miime tɩ yʋ-bedr fãa segd n pida ne divẽ.’ 13 Dẽ, yeel-b yaa: ‘Ad a Zeova sẽn yeele: “Mam na n kɩtame tɩ soolmã neb fãa tɩg rãam.+ Yaa rĩm-dãmbã sẽn zĩ a Davɩɩd geerã zugã, maan-kʋʋdbã, no-rɛɛsdbã, la Zerizalɛm nebã fãa. 14 M na n dɩgs-b lame n pãb taab tɩ b bedse. M na n maana woto ne ba-rãmbã la kambã me.” Yaa a Zeova n yeele.+ “M pa na n zoe b nimbãanega, wall m sãam m sũur b yĩnga, bɩ n kʋm-b ye. Baa fʋɩ pa na n kɩt tɩ m bas n pa sãam-b ye.”’+
15 Kɩll-y y tʋb n kelg neere.
Ra yɩ-y tɩtaam dãmb ye. Bala a Zeova gomame.
16 Kõ-y yãmb Wẽnnaam a Zeova ziiri,
nand t’a kɩt tɩ lik wa,
la nand tɩ y naoã lags tãensã zut zĩ-sobdo.
17 Yãmb sã n zãgs tɩ y kõn kelge,
mam* na n solgame n yãb yãmb wuk-m-mengã yĩnga.
Mam na n daaga nintãm wʋsgo. Nintãm na n yita m ninẽ wã n sodgdẽ.+
Bala b talla a Zeova piisã+ n loog yembdo.
18 Yeel rĩmã ne rĩmã ma wã yaa:+ ‘Zĩnd-y paoogr zĩigẽ,
bala yãmb maanf-rãmbã sẽn yaa neebã na n yii y zutẽ wã n lʋɩ.’
19 Goabg tẽnsã pagame,* tɩ ned kae n pakd-b ye.
B talla Zida nebã fãa n kẽng yembdo. B fãa zãnga.+
20 Zẽk f neng n ges neb nins sẽn yi rɩtg n watẽ wã.+
Rũms nins b sẽn da kõ foomã, rat n yeel tɩ fo piisã sẽn yaa neebã bee yɛ?+
21 Sã n yaa neb nins fo sẽn sɩng n get wa f zo-rãmb hakɩɩkã n sɩbgd foo,+
fo na n yeelame tɩ bõe?
Rogem toog pa na n yõk foo, wa pag sẽn wat n dogdẽ toog sɩda?+
22 Fo sã n wa tags f sũurẽ yaa: ‘Bõe yĩng tɩ bõn-kãensã wa mam zugu?’+
Yaa fo kong-kãsengã yĩng la b sẽn tak fo fuugã tẽngr n pãrge,+
tɩ fo nao-kãsenkãyã me paam toog wʋsgã.
23 Kuus tẽngã ned* tõe n toeema a yĩngã kõbg bɩ, bɩ ãbg tõe n toeema a gãongã sẽn tẽgsã?+
Sã n tõe, rẽnd yãmb a neb nins b sẽn zãms wẽng maanegã me
tõe n maana sẽn yaa sõma.
24 Rẽ n so tɩ m na n sãeeg-b wa we-rasempʋɩɩgã sobg sẽn sãeeg moodo.+
25 Yaa bõn-kãngã n na n paam foo. Rẽ n yaa pʋɩɩr ning mam sẽn kõ foomã.” Yaa a Zeova n yeele.
26 Woto yĩnga, mam na n zẽka fo fuugã n pil f nengã,
tɩ b yã f yãndã,+
27 f yoobã,+ la fo sẽn yãbd wa wed-moaag sẽn dat n dʋ wã,
rat n yeel tɩ fo sẽn koosd f meng n tʋmd tʋʋm-dẽgdã.*
Mam yãa fo manesem-yoogã+
kunkubã zut la weoogẽ wã.
Foom a Zerizalɛm, toog bee fo zugu!
Fo na n kell n yɩɩ rẽgd n ta dabʋre?”+
14 Ad goam nins a Zeova sẽn togs a Zeremi warã wɛɛngẽ wã:+
2 Zida yãbda kʋʋre.+ A kʋɩlensã põogame.
B lʋɩɩ tẽng tɩ b sũyã sãame.
Kɛleng n yit Zerizalɛm.
3 Zu-soben-dãmbã tʋmda b tʋm-tʋmdbã* tɩ b tɩ toog koom.
B kẽngda bulsẽ wã,* n tɩ mik tɩ koom kae ye.
B lebgd n waa ne lagd sẽn yaa vɩɩdo.
Yãnd ne sũ-sãang n tar-ba,
tɩ b pil b zutã.
5 Baa walg sẽn be weoogẽ wã raagda a bi-pɛɛlgã n base,
yamd sẽn pa be wã yĩnga.
6 We-bõensã yasa kunkub nins baa fʋɩ sẽn pa yitẽ wã zutu.
B sesda wa we-baase.
B ninã pãng boogdame, mood sẽn ka be wã yĩnga.+
7 Zeova, baa tõnd kongrã sẽn ningd-d taalã,
maan-y bũmb yãmb yʋʋrã yĩnga.+
Bala yaa naoor wʋsg la tõnd pa maan sɩda.+
Yaa yãmb la tõnd beeg-yã.
8 Yãmb sẽn yaa Israyɛll saagre, soab ning sẽn yaa a fãagd+ yel-pakr wakatã,
bõe yĩng tɩ yãmb yaa wa sãan soolmã pʋgẽ,
wa so-toagd sẽn yals n na n gũs yʋng bala?
9 Bõe yĩng tɩ yãmb yaa wa rao sẽn yɛɛse,
wa gãndaoog sẽn pa tõe n fãag a neba?
Ra raag-y tõnd n bas ye.
10 Ad a Zeova sẽn yeel bũmb ning nin-buiidã wɛɛngẽ: “B nonga yeebgo.+ B naoã pa tõe n yals zĩ-yɛng ye.+ Rẽ n so tɩ maam a Zeova sũur pa noom ne-b ye.+ Masã, mam na n tẽega b kongrã yelle, n sok-b b yel-wẽnã yĩnga.”+
11 Dẽ, a Zeova yeela maam yaa: “Ra pʋʋs nin-kãensã yĩng sẽn na yɩl tɩ b yɛlã yɩ sõma ye.+ 12 B sã n loe noore, mam pa kelgd b kosgã ye.+ B sã n kõt maand sẽn yõogd bugum ne kood biis kũuni, pa noom maam ye.+ Bala mam na n menes-b-la ne sʋʋga, kom, la ne bã-loangdga.”*+
13 Rẽ la mam yeel yaa: “Kayto, Zu-soab sẽn ka to a Zeova! No-rɛɛsdbã yet-b lame: ‘Yãmb pa na n yã zabr ye. Kom me pa na n yõk yãmb ye. Yaa laafɩ hakɩɩk la Wẽnnaam na n kõ yãmb zĩ-kãngã.’”+
14 T’a Zeova leok maam yaa: “No-rɛɛsdbã togsda zirẽ-be-bãngr-goam ne mam yʋʋre.+ Mam pa tʋm-b ye. Mam pa yeel-b baa fʋɩ ye. M pa gom ne-b meng ye.+ B sẽn togsd yãmbã yaa zirẽ-be-vẽnegre, bag-bʋgend sẽn pa tar yõodo, la zãmb sẽn yit b sũyã pʋsẽ.+ 15 Woto yĩnga, ad maam a Zeova sẽn yet no-rɛɛsdb nins sẽn togsd bãngr-goam ne mam yʋʋre, baa mam sẽn pa tʋm-bã, la sẽn yet tɩ zabr wall kom pa na n zĩnd soolem-kãngã pʋgẽ wã wɛɛngẽ: ‘Yaa sʋʋg ne kom n na n kʋ no-rɛɛs-kãense.+ 16 Komã la zabrã yĩnga, b na n loba neb nins no-rɛɛsdbã sẽn da togsd bãngr-goamã kũ-rãmb Zerizalɛm soayã zutu, tɩ ned kae n na n mum-b ye.+ Na n yɩɩ bãmb ne b pagbã, b kom-dibli wã la b kom-pugli wã. Bala mam na n kɩtame tɩ toog ning b sẽn segd ne wã paam-ba.’+
17 “Ad goam nins fo sẽn segd n togs-bã:
‘Bɩ m ninã sodg nintãm wĩndg la yʋng n da tol n yaas ye.+
Bala b pãba mam buudã neb ne pãng wʋsgo,+
tɩ b sãmpoagã yaa kãsemse.
18 Mam sã n yi weoogẽ wã n gese,
mam nee zabrã sẽn kʋ b rãmbã!+
Mam sã n kẽ tẽngã pʋgẽ,
mam nee neb sẽn bẽed komã yĩnga!+
No-rɛɛsdbã ne maan-kʋʋdbã fãa gilga soolem b sẽn da pa mi pʋgẽ.’”+
19 Yãmb raaga Zida n bas zãng bɩ, bɩ y* kisga Siyõ?+
Bõe yĩng tɩ yãmb wẽ tõndo, hal tɩ tɩɩm kae n na n tɩp-do?+
Tõnd da tẽeda laafɩ, la bõn-sõng baa a ye pa wa ye!
Tõnd da tẽeda yolsg wakate, la yaa rabeem n wa!+
20 Zeova, tõnd sak n deegame tɩ d yaa wẽnem dãmba,
la d sak n deeg tɩ d yaab-rãmbã kongame,
bala tõnd beega yãmba.+
21 Yãmb yʋʋrã yĩnga, bɩ y ra raag tõnd n bas ye.+
Ra paoog-y yãmb geerã sẽn tar ziirã ye.
Tẽeg-y kaool ning yãmb sẽn maan ne tõndã, la y ra sãam-a ye.+
22 Bu-zẽmsã bõn-naands sẽn ka yõodã sʋka, a ye meng tõe n kɩtame tɩ saag ni sɩda?
Saasã tõe n yãka yam b toor n kɩt tɩ saag ni bɩ?
Tõnd Wẽnnaam a Zeova, pa yãmb y ye bal n tõe n maan dẽ sɩda?+
Tõnd teega yãmba,
bala yaa yãmb y ye tãa n maan bõn-kãens fãa.
15 Rẽ poore, a Zeova yeela maam yaa: “Baa a Moyiiz ne a Sãmwɛll sã n da yas mam taoore,+ mam pa na n zoe nin-buiidã nimbãaneg ye.* Rig-b tɩ b yi mam taoore. Bɩ b looge. 2 B sã n sok foo yaa: ‘Yɛ la tõnd segd n kẽnge?’ Fo segd n leok-b lame yaa: ‘Ad a Zeova sẽn yeele:
“Ned ning sẽn segd ne bã-toaaga, bɩ a kẽng tɩ bã-toaagã kʋ-a!
Ned ning sẽn segd tɩ b kʋ-a ne sʋʋga, bɩ a kẽng tɩ b kʋ-a ne sʋʋga!+
Ned ning sẽn segd n ki kom, bɩ a kẽng tɩ komã kʋ-a!
Ned ning sẽn segd ne yembdo, bɩ a kẽng yembdo!”’+
3 “A Zeova yeelame: ‘Sẽn paase, mam na n kɩtame tɩ yel-beed a naas* wa b zutu.+ Sʋʋs n na n kʋ-ba, tɩ baas vu-ba, tɩ bõn-yɩgdɩ wã sẽn yɩgd yĩngrã ne tẽngã we-rũmsã rɩ sẽn ketã.+ 4 Mam na n kɩtame tɩ b lebg bũmb sẽn kẽesd rabeem tẽngã soolem toɛy-toɛyã fãa nifẽ,+ a Ezekɩyaas biig a Manase sẽn yɩ Zida rĩmã sẽn maan bũmb ning Zerizalɛmmã yĩnga.+
5 Zerizalɛm, ãnda n na n zoe fo nimbãanega?
Ãnda n na n kʋm foo?
Ãnda n na n yals n sok fo keelem?’
6 A Zeova yeelame yaa: ‘Fo basa maam.+
Fo kell n wẽnemda f poor n tees maam.*+
Woto wã, mam na n tẽega m nug n zab ne foo, n sãam-fo.+
Mam zoee fo nimbãaneg* n ya.
7 Mam na n yelg-b-la soolmã tẽns pʋsẽ* wa b sẽn yelgd koodo.
M na n kɩtame tɩ b kong b kambã.+
M na n sãama m nin-buiidã,
b sẽn zãgs tɩ b kõn toeem b manesmã yĩnga.+
8 B pʋg-kõapã na n lebga wʋsg mam taoor n yɩɩd mogrã bĩisri.
Mam na n kɩtame tɩ sãamd zab ne-b wĩnto-sʋka. A na n zaba ne ma-rãmbã la kom-bɩɩsã.
Mam na n kɩtame tɩ yɩɩr la rabeem yõk-b zĩig pʋgẽ.
9 Pag ning sẽn dog kamb a yopoe wã pãng saame.
A* vʋʋsmã lebga toogo.
A wĩndgã lʋɩɩme tɩ zĩigã nan pa sobge,
tɩ wat ne yãnd la paoogre.’
A Zeova yeelame: ‘B sʋkã neb bilfã sẽn ketã,
mam na n kɩtame tɩ b bɛɛbã kʋ-b ne sʋʋse.’”+
10 M ma, toog bee mam zugu, fo sẽn dog maamã yĩnga.+
Soolmã neb fãa zabda ne maam la b wẽed no-koɛɛm ne maam.
Mam pa peng neda, ned me pa peng maam ye.
La b fãa kãabda maam wẽnga.
11 A Zeova yeelame: “Hakɩɩka, mam na n sõnga foo.
Toogã wakate, mam na n gom n sõnga foo bɛyã taoore,
rat n yeel tɩ yel-pakrã wakate.
12 Ned tõe n kaoo kutu,
kut sẽn yit rɩtgo, la zũud sɩda?
13 Mam na n kɩtame tɩ b zɛ yãmb paoongã ne y bõn-sõmã wã+
n pa yao ligdi, yel-wẽnã y sẽn maan y soolmã fãa pʋgẽ wã yĩnga.
14 Mam na n dɩk-b lame n kõ y bɛɛbã,
tɩ b tall n kẽng soolem y sẽn pa mi pʋgẽ.+
Bala mam sũ-puugrã widga bugum
sẽn na n dɩ yãmba.”+
15 Zeova, yãmb meng mii mam namsgã.
Tẽeg-y m yelle, la y ges m yelle.
Rok-y m sũur ne sẽn namsd-b maamã.+
Ra maan-y sũ-mar ne-ba, n bas-m tɩ m ki ye.*
Bãng-y tɩ yaa yãmb yĩng la b sẽn paoogd maamã.+
16 Yãmb gomdã sẽn ta maamã, mam dɩ-a-la wa rɩɩbo.+
Wẽnnaam a Zeova sẽn yaa tãb-biis naaba, yãmb gomdã lebga bũmb sẽn kõt maam sũ-noogo, la sẽn kɩtd tɩ m kɩdemdẽ,
bala mam zãada yãmb yʋʋrã.
17 Mam pa zĩndid ne sẽn nong-b yõ-noogrã n kɩdemdẽ ye.+
Yãmb nugã sẽn be mam zugã yĩnga, mam zĩi m yembre,
bala yãmb kɩtame tɩ mam sũur yiki,*+ bõn-wẽnsã b sẽn maanã yĩnga.
18 Bõe yĩng tɩ mam toogã tõt saabo, tɩ mam nodrã pa tõe n tɩpe?
Mam nodrã zãgsa maagre.
Yãmb na n lebga wa ko-bundg zĩig sẽn pa bund koom,
tɩ ned pa tõe n teegã bɩ?
19 Woto wã, ad a Zeova sẽn yeele:
“Fo sã n lebg n wa, m na n kɩtame tɩ f le paam laafɩ.
Fo na n yalsa mam taoore.
Fo sã n welg bũmb nins sẽn yaa sõma wã ne bũmb nins sẽn ka yõodã,
fo na n lebga mam koe-taasda.*
Na n yɩɩ tɩlɛ tɩ b bao fo zĩiga,
la fo pa na n bao b zĩig ye.”
20 A Zeova yeelame yaa: “Mam na n kɩtame tɩ fo lebg zũud lalg sẽn tar pãng nin-kãensã nifẽ.+
Sãmbg sẽn kae, b na n zaba ne foo,
la b pa na n tõog-f ye.+
Bala mam bee ne foo, n na n fãag-fo, la m kɩt tɩ f paam f meng ne-ba.
21 Mam na n yiisa foo nin-wẽnsã nusẽ,
la m fãag-f nin-toosã nusẽ.”
16 A Zeova le goma ne maam n yeel yaa: 2 “Fo pa segd n kẽ kãadem, wall f rog kom-dibli la kom-pugli zĩ-kãngã ye. 3 Bala ad bũmb ning a Zeova sẽn yeel kom-dibli la kom-pugli nins sẽn dog soolem-kãngã pʋgẽ wã wɛɛngẽ, la b ma-rãmbã ne b ba-rãmbã wɛɛngẽ: 4 ‘Bã-toos n na n kʋ-ba.+ La ned baa a ye pa na n yãb b kʋʋre, wall n mum-b ye. B na n lebga wa birg tẽn-gãongã zugu.+ Zabr ne kom n na n kʋ-ba,+ tɩ b kũ-rãmbã yɩ bõn-yɩgdɩ wã sẽn yɩgd yĩngrã ne tẽngã we-rũmsã rɩɩbo.’
5 Bala ad a Zeova sẽn yeele:
‘Ra kẽng zak pʋgẽ b sẽn maand tigr kũum yĩng ye.
Ra kẽng be n tɩ yãb wall f pʋʋs kʋʋr ye.’+
‘Bala mam yiisa m laafɩ wã nin-kãens sʋka,
n paas m maan-neerã la m nimbãan-zoeerã.’+ Yaa a Zeova n yeele.
6 ‘Nin-kãsemsã ne nin-bõonesã fãa na n kii soolem-kãngã pʋgẽ.
7 Ned baa a ye pa na n kõ sẽn be-b sũ-sãang pʋgẽ wã rɩɩbo,
n na n bels-b b nebã sẽn maan kaalmã yĩng ye.
Ned baa a ye pa na n kõ-b belsg divẽ
tɩ b yũ, b ba wall b ma sẽn ki yĩng ye.
8 Ra kẽ tigr zakẽ,
n zĩnd n naag neb n dɩ la f yũ ye.’
9 “Bala ad Israyɛll Wẽnnaam a Zeova sẽn yaa tãb-biis naabã sẽn yeele: ‘Mam na n kɩtame tɩ kɩdeng la sũ-noog rãamd sa zĩ-kãngã, la m kɩt tɩ pʋg-paal ne pʋg-paal sɩd koɛɛg ra le zĩnd ye. Mam na n maana rẽ yãmb wakatã, la yãmb nifẽ.’+
10 “Fo sã n wa togs-b gom-kãensã, b na n soka foo yaa: ‘Bõe yĩng t’a Zeova yeel tɩ yel-be-kãensã fãa sẽn yaa kãsemsã na n paama tõndo? Yaa bõe kongre, la bõe yel-wẽnd la d maan n beeg tõnd Wẽnnaam a Zeova?’+ 11 Fo segd n leok-b lame yaa: ‘A Zeova yeelame: “Yaa yãmb yaab-rãmbã sẽn bas maamã yĩnga.+ B ra tũuda wẽnnaam-dãmb a taaba, n waoogd-b la b wõgemded b taoore.+ La b basa maam, n pa tũ mam tõogã ye.+ 12 Yãmb maana sẽn yaa wẽng wʋsg n yɩɩd y yaab-rãmbã.+ Yãmb ned kam fãa tũuda a sũurã sẽn yaa wẽng la sẽn diglmã, n bas mam sakre.+ 13 Rẽ n so tɩ m na n dig yãmb n yiis soolem-kãngã pʋgẽ, tɩ y kẽng soolem yãmb ne y yaab-rãmbã sẽn da pa mi pʋgẽ.+ Be, yãmb na n waooga wẽnnaam-dãmb a taab wĩndg la yʋngo,+ bala m pa na n zoe yãmb nimbãaneg ye.”’
14 “A Zeova yeelame: ‘Wakat n wate, tɩ b pa na n le yeel yaa: “D wẽenda ne a Zeova sẽn vɩ wã, soab ning sẽn yiis Israyɛll nebã Ezɩpt soolmẽ wã!”+ 15 La b na n yeelame yaa: “D wẽenda ne a Zeova sẽn vɩ wã, soab ning sẽn yiis Israyɛll nebã rɩtg soolmẽ wã, la soolem nins fãa pʋsẽ a sẽn da sãeeg-bã n tall-b n lebg n wa wã!” Mam na n tall-b lame n lebg n wa b soolmẽ wã, soolem ning mam sẽn da kõ b yaab-rãmbã.’+
16 A Zeova yeelame: ‘Mam na n boola zĩm-yõgdb wʋsgo,
tɩ b yõg-b wa zĩm.
Rẽ poore, mam na n boola tãoos-rãmb wʋsgo,
tɩ b gẽes-b tãng fãa zugu, kunkubr fãa zugu,
la pĩisã pẽgsẽ.
17 Bala mam ninã geta bũmb nins fãa b sẽn maandã.*
B pa solg ne maam ye.
B kongrã me pa solg ne maam ye.
18 Mam na n deng n keo-b-la bũmb nins fãa b sẽn segd ne wã, b kongrã la b yel-wẽndã yĩnga.+
Bala b rẽgma mam soolmã ne b bõn-naandsã sẽn yaa bõn-yood sẽn pa vɩ wã,*
la b pids mam pʋɩɩrã ne bũmb toor-toor mam sẽn kisi.’”+
19 Zeova sẽn yaa mam pãng la mam soondg zĩiga,
zĩig mam sẽn zoet n kẽngd yel-pakr wakate,+
buud toɛy-toɛyã na n yii tẽngã kɩrems n wa yãmb nengẽ,
n yeel yaa: “Tõnd yaab-rãmbã reega bũmb sẽn yaa ziri fasɩ tɩ yɩ b rogem-pʋɩɩre,
n paas bõn-vɩɩd la bũmb toor-toor sẽn pa tar yõodo.”+
20 Ninsaal tõe n maana wẽnnaam-dãmb bɩ?
A sẽn maandã pa wẽnnaam-dãmb sɩd-sɩd ye.+
21 “Woto yĩnga, mam na n kɩtame tɩ buud toɛy-toɛyã bãnge.
Wakat kãnga, mam na n kɩtame tɩ b bãng mam pãngã ne m pãn-kãsengã.
Na n yɩɩ tɩlɛ tɩ b bãng tɩ mam yʋʋr la a Zeova.”
17 “B gʋlsa Zida nebã yel-wẽndã ne kut gʋlsdga.
B talla diyama sẽn yaa sɩleng n gʋls-a b sũyẽ wã wa b sẽn gʋlsd kug-walg zug to-to wã,
la b gʋls-a b tẽn-kugã yɩɩl zutu,
2 tɩ b kom-dibli wã tẽegd b tẽn-kugã ne b ra-lugsã b sẽn lugl n pʋʋsdẽ* wã+
sẽn be tɩ-bɛd sẽn tar vãad wʋsgã seesã, kunkub nins sẽn zãntã zutu,+
3 la tãensã sẽn be weoogẽ wã zutã.
Mam na n kɩtame tɩ b zɛ yãmb paoongã ne y bõn-sõmã wã fãa.+
Mam na n kɩtame tɩ b zɛ yãmb zĩ-zãntsã* teedo, yel-wẽndã sẽn piuug yãmb soolmã pʋgẽ wã yĩnga.+
4 Yãmb mensã na n wa kong n dɩka y rogem-pʋɩɩrã mam sẽn kõ yãmbã n kõ.+
Mam na n kɩtame tɩ y tʋm n kõ y bɛɛbã, soolem yãmb sẽn pa mi pʋgẽ.+
A na n dɩɩ wakat fãa yĩnga.”
5 Ad a Zeova sẽn yeele:
6 A na n lebga wa tɩɩg sẽn yaa a yembr n be we-rasempʋɩɩgẽ.
A pa na n yã sẽn yaa sõma wã waoong wakat ye.
A na n zĩnda zĩ-koeems sẽn be we-raoogẽ wã,
tẽng sẽn yaa yamsem tɩ ned baa a ye pa tõe n vɩɩmd be ye.
8 A na n lebga wa tɩɩg b sẽn sel koom noore,
t’a tãood a yẽgã tɩ tat kʋɩlgã.
Tʋʋlgã wakat sã n ta, a pa na n bãng ye.
A vãadã na n tobda wakat fãa.+
Warã yʋʋmd me, a pa na n maan yɩɩre,
wall a bas n pa le womd ye.
9 Sũur yaa zãmb soab* n yɩɩd bũmb fãa. A yaa wẽng wʋsgo.*+
Ãnda n tõe n bãng-a?
10 Maam a Zeova feesda sũuri,+
n vaeesd tagsa nins sẽn zulmã,*
sẽn na yɩl n keo ned kam fãa wa sẽn zems a manesem,
wa sẽn zems a tʋʋmã biisi.+
11 Ned ning sẽn maand zãmb n paamd paoong
yaa wa koadeng sẽn tigsd gɛl a sẽn pa lobe.+
A paoongã na n loog n bas-a-la a vɩɩmã sẽn wat n be a pʋɩ-sʋka.
Na n wa lebga vẽeneg t’a yaa yalma.”
12 Tõnd wẽnd-doogã
yaa geer sẽn tar ziir b sẽn zẽk hal sɩngrẽ wã.+
13 Zeova sẽn yaa Israyɛll saagre,
neb nins fãa sẽn basd yãmbã na n paama yãnde.
14 Zeova, sãoog-y maam tɩ rẽ la m na n paam laafɩ.
Fãag-y maam tɩ rẽ la m na n sɩd paam fãagre,+
bala yaa yãmb la mam pẽgda.
15 Ade! Neb n sokd maam yaa:
“A Zeova sẽn da yeel bũmb ningã bɛɛ?+
Bɩ a pids wɛ!”
16 La sã n yaa ne maam, mam pa zãgs tɩ m pa na n le yɩ pe-kɩɩm n tũ yãmba,
wall m tʋlg yel-pakrã daar ye.
Yãmb mii mam noorã sẽn gom bũmb nins yellã fãa sõma.
Fãa yɩɩ yãmb nifẽ!
17 Ra kɩt-y tɩ rabeem yõk maam ye.
Yãmb yaa mam soondg zĩig yel-beed wakate.
18 Bɩ sẽn namsd-b maamã paam yãnde,+
la y ra bas tɩ b ning-m yãnd ye.
Bɩ rabeem yõk-ba,
la y ra bas tɩ b kẽes-m rabeem ye.
19 Ad a Zeova sẽn yeel maam: “Kẽng n tɩ yals nin-buiidã kom-dibli wã rignoorẽ, rignoor ning Zida rĩm-dãmbã sẽn tũud n kẽedẽ la b yitã, la f kẽng n tɩ yals Zerizalɛm rignoyẽ wã fãa.+ 20 Fo segd n yeel-b lame yaa: ‘Yãmb a Zida rĩm-dãmba, la Zida ne Zerizalɛm nebã fãa sẽn tũud rigno-kãensã n kẽedẽ wã, kelg-y-yã a Zeova goamã. 21 Ad a Zeova sẽn yeele: “Gũus-y y mense,* n da zɩ zɩɩb baa a yembr Vʋʋsg daarã, wall y tall zɩɩb n tũ rignoyã n kẽ Zerizalɛm ye.+ 22 Yãmb pa segd n tall zɩɩb n yi y zagsẽ wã Vʋʋsg daar ye. Yãmb pa segd n tʋm tʋʋmd baa a ye ye.+ Kɩt-y tɩ Vʋʋsg daarã yɩ sõngo, wa mam sẽn da yeel yãmb yaab-rãmbã.+ 23 La b pa kelg ye. B pa kɩll b tʋb n kelg maam ye. B riglma b sũyã n zãgs* tɩ b kõn sak maam, wall b sak kiblg ye.”’+
24 “‘A Zeova yeelame yaa: “Yãmb sã n sak maam ne y sũyã fãa, n pa tall zɩɩb n tũ rignoyã n kẽ tẽngã pʋgẽ Vʋʋsg daare, la y kɩt tɩ Vʋʋsg daarã yɩ sõng n pa tʋm tʋʋmd baa a ye daar-n-kãnga,+ 25 dẽ, rĩm-dãmb la nanambs sẽn zao a Davɩɩd geerã+ na n tũuda rignoyã n kẽed tẽngã pʋgẽ, n zao saar-dãmb* la wed-moose. Na n yɩɩ bãmb ne b nanambsã la Zida ne Zerizalɛm nebã.+ Sẽn paase, neb na n kell n zĩnda tẽn-kãngã pʋgẽ wakat fãa yĩnga. 26 Neb n na n yit Zida tẽnsẽ wã, zĩis nins sẽn gũbg Zerizalɛmmã, Bẽnzame soolmẽ wã,+ tẽn-nabrẽ wã,+ soolmã zĩig ning sẽn yaa tãensã la Negɛɛb* soolmẽ wã, n talld maand sẽn yõogd bugum,+ maando,+ kood biis kũuni,+ wisd sẽn yaa pɛɛlga, la bark pʋʋsg maand n wat a Zeova roogẽ wã.+
27 “‘“La yãmb sã n pa sak maam, n pa kɩt tɩ Vʋʋsg daarã yɩ sõngo, la y tar zɩɩb n tũud rignoyã n kẽed Zerizalɛm Vʋʋsg daarã, mam na n ninga rignoyã bugum. La sãmbg sẽn kae, bugmã na n dɩɩ Zerizalɛm gasd nins sẽn tar pãngã,+ la b pa na n kiis-a ye.”’”+
18 Ad goam nins a Zeova sẽn taas a Zeremi wã: 2 “Yik n kẽng yagdã zakẽ.+ Be, m na n kɩtame tɩ fo wʋm mam goamã.”
3 Dẽ, mam kẽnga yagdã zakẽ, la a ra yagda laoko. 4 La laokã yagdã sẽn da maand ne tãndã sãama a nugẽ. Dẽ, yagdã rɩka tãndã n maan laok a to, wa a sẽn tagsd tɩ zemsame.*
5 Rẽ la a Zeova gom ne maam n yeel yaa: 6 “‘Israyɛll neba, mam pa tõe n maan yãmb wa yagdã sẽn maan to-to wã sɩda?’ Yaa a Zeova n yeele. ‘Israyɛll neba, tãndã sẽn yaa to-to yagdã nugẽ wã, yãmb me yaa woto mam nugẽ.+ 7 Mam sã n yeel tɩ m na n võoga buud wall rĩungu, n tus-a n lub la m sãam-a,+ 8 tɩ bu-kãng nebã bas wẽng ning mam sẽn yeel tɩ b maandame wã, ma-me na n toeema yam* yel-beed ning mam sẽn da rat n kɩt tɩ wa b zutã wɛɛngẽ.+ 9 La mam sã n yeel tɩ m na n mee buud wall rĩung la m sel-a, 10 t’a nebã maan sẽn yaa wẽng mam nifẽ la b pa kelg mam koɛɛgã, mam na n toeema yam,* neer ning mam sẽn da rat n maan-bã wɛɛngẽ.’
11 “Masã, m bõos tɩ f yeel Zida ne Zerizalɛm nebã yaa: ‘Ad a Zeova sẽn yeele: “Mam segenda yel-beed yãmb yĩnga, la m tagsd m sẽn na n sɩbg yãmb to-to wã. M bõos tɩ y bas y manesem-wẽnsã, la y maneg y manesmã ne y tʋʋm-tʋmdɩ wã.”’”+
12 La b yeelame yaa: “Ra nams f meng ye!+ Bala tõnd na n tũu d tagsa wã, tɩ d ned kam fãa maand wa sẽn zems a sũurã sẽn yaa wẽng la sẽn diglmã.”+
13 Woto wã, ad a Zeova sẽn yeele:
“M bõos tɩ y sok bu-zẽmsã sʋk n gese.
Ãnda n zoe n wʋm bũmb a woto buudu?
Israyɛll pa-kuilã maana sẽn yaa wẽng tɩ looge.+
14 Sa-lamdã na n menema Libã pĩig kugã sigdsẽ bɩ,
bɩ ko-maasgã sẽn zoet n yit zĩ-zãrsẽ n watẽ wã na n kʋɩɩme?
15 La mam nin-buiidã yĩma mam yelle.+
Bala b maanda maand* n kõt bũmb sẽn pa tar yõodo.+
B kɩtdame tɩ neb lagsd b soayã zutu, pĩnd wẽndẽ soayã zutu,+
sẽn na yɩl tɩ b tɩ kẽn so-bugs sẽn yaa lond la kunkub zutu,*
16 la sẽn na yɩl n kɩt tɩ b soolmã lebg bũmb sẽn kẽesd rabeem,+
Ned ning fãa sẽn na n loog be na n ges-a-la ne rabeem la a gir a zugu.+
17 Mam na n sãeeg-b-la bɛ wã taoor wa yaang sobgã sẽn sãeegd wudg to-to wã.
B yel-beedã wakate, m pa na n wẽnemd m neng n tees-b ye. M na n tees-b-la m poorã.”+
18 B yeelame: “Wa-y tɩ d zems taab n maan a Zeremi wẽnga,+ bala tõogã* na n ket n bee tõnd maan-kʋʋdbã nengẽ. Sagls me na n yita yam dãmbã nengẽ, tɩ Wẽnnaam goamã yit no-rɛɛsdbã nengẽ. Wa-y tɩ d gom a yell wẽnga,* la d ra kelg a sẽn yetã ye.”
19 Zeova, wẽnemd-y n ges-y maam,
la y kelg m bɛɛbã sẽn yetã.
20 Segdame tɩ ned lebs wẽng neer yĩng bɩ?
Bala b tuka bok mam vɩɩmã* yĩnga.+
Tẽeg-y mam sẽn yaas yãmb taoor n togs bõn-sõma b wɛɛngẽ,
sẽn na yɩl tɩ y sũurã sẽn da puud ne-bã sigã.
21 Woto wã, bɩ y bas tɩ b kambã ki kom.
Kɩt-y tɩ b kʋ-b ne sʋʋse.+
Bɩ b pagbã kong b kambã, la b lebg pʋg-kõapa.+
Bɩ bã-toaag kʋ b rapã.
La bɩ b kʋ b kom-bɩɩsã ne sʋʋs zabr sasa.+
22 Bɩ kelems rãamd yi b rotẽ wã,
yãmb sã n wa kɩt tɩ fãadb wa b nengẽ zĩig pʋgẽ.
Bala b tuka bok n na n yõk maam,
la b rɩgl bẽds mam naoã yĩnga.+
23 La yãmb a Zeova,
yãmb mii magb nins fãa b sẽn magd n na n kʋ maamã sõma.+
Ra lud-y b kongrã ye.
Ra yẽes-y b yel-wẽndã yãmb taoor ye.
19 Ad a Zeova sẽn yeele: “Kẽng yagd nengẽ n tɩ ra yʋʋre.+ Tall nin-buiidã kãsem-dãmb a wãna, ne maan-kʋʋdbã kãsem-dãmb a wãn 2 tɩ y yi n kẽng a Hinom bi-riblã longẽ wã,+ Sa-peesã rignoorẽ. Be, moon goam nins mam sẽn na n togs foomã. 3 Fo na n yeelame: ‘Yãmb a Zida rĩm-dãmb ne Zerizalɛm neba, kelg-y-yã a Zeova goamã. Ad Israyɛll Wẽnnaam a Zeova sẽn yaa tãb-biis naabã sẽn yeele:
“‘“Mam na n kɩtame tɩ yel-beed wa zĩ-kãngã ka la bilfu. Ned ning fãa sẽn na n wʋm rẽ yell na n yɛɛsame.* 4 Bala b basa maam+ la b kɩt tɩ zĩigã toeem fasɩ.+ B kʋʋda maand n kõt wẽnnaam-dãmb a taab zĩ-kãngã. Yaa wẽnnaam-dãmb bãmb ne b yaab-rãmbã la Zida rĩm-dãmbã sẽn da pa mi. Sẽn paase, b pidsa zĩ-kãngã ne neb sẽn pa tar taal zɩɩm.+ 5 B mee a Baal zĩ-zãntsã sẽn na yɩl n yõogd b kambã bugmẽ, tɩ yɩ maand b sẽn yõogd bugum n kõt a Baalle.+ Rẽ yaa bũmb mam sẽn pa kos wall m gom a yelle, la bũmb mam sẽn zɩ n tags m sũurẽ a bada.”’*+
6 “‘A Zeova yeelame: “Rẽ n so tɩ daar n wat tɩ b pa na n le bool zĩ-kãngã tɩ Tofɛte, wall t’a Hinom bi-riblã long ye. B na n bool-a lame tɩ Kʋʋb longo.+ 7 Mam na n kɩtame tɩ Zida ne Zerizalɛm nebã magbã ra yãk neng zĩ-kãngã ye. Mam na n kɩtame tɩ b bɛɛbã ne neb nins sẽn baood n na n yãk b yõyã* kʋ-b ne sʋʋse. Mam na n dɩka b kũ-rãmbã n kõ bõn-yɩgdɩ wã sẽn yɩgd yĩngrã ne tẽngã we-rũmsã tɩ yɩ b rɩɩbo.+ 8 Mam na n kɩtame tɩ tẽn-kãngã lebg bũmb sẽn kẽesd rabeem, la bũmb b sẽn na n yaandẽ.* Ned ning fãa sẽn na n loog be na n ges-a-la ne rabeem, la a yaal-a tood nins fãa sẽn paam-a wã yĩnga.+ 9 Mam na n kɩtame tɩ b wãb b kom-dibli wã ne b kom-pugli wã nemdo. B ned kam fãa na n wãba a to nemdo, b sẽn gũbg-b n na n zab ne-b tɩ b pa mi b sẽn maandgã yĩnga. Na n yɩɩ wakat ning b bɛɛbã ne neb nins sẽn baood n na n yãk b yõyã* sẽn wat n karg n gũbg-bã.”’+
10 “Rẽ poore, bɩ f wãag yʋʋrã neb nins sẽn tũ foo n kẽngã taoore, 11 la f yeel-b yaa: ‘Ad a Zeova sẽn yaa tãb-biis naabã sẽn yeele: “Yaa woto la mam na n wã bu-kãngã ne tẽn-kãngã, wa ned sẽn wãad yagd laoko, tɩ pa le tol n tõe n manegã. B na n muma kũ-rãmbã Tofɛte, hal tɩ vɩʋʋg wa pa le be n na n mum-b ye.”’+
12 “A Zeova yeelame: ‘Yaa woto la m na n maan zĩ-kãngã ne a nebã, n kɩt tɩ tẽn-kãngã lebg wa Tofɛte. 13 Zerizalɛm rotã ne Zida rĩm-dãmbã rot na n lebga rẽgd wa zĩ-kãngã, rat n yeel tɩ Tofɛte.+ Yaa rot nins fãa zut b sẽn maan maand n kõ wĩntoogã ne kiuugã la ãdsã,*+ la b sẽn pʋdg divẽ kũun n kõ wẽnnaam-dãmb a taabã.’”+
14 A Zeremi sẽn yi Tofɛt sẽn yaa zĩig ning a Zeova sẽn tʋm-a t’a tɩ togs bãngr-goamã n lebg n wa wã, a tɩ yaasa a Zeova roogã samandẽ, n yeel nin-buiidã fãa yaa: 15 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Mam na n kɩtame tɩ yel-beed nins yell mam sẽn gomã wa tẽn-kãngã zugu, la a tẽn-kɩremsã fãa zutu, bala b riglma b sũyã* n zãgs tɩ b kõn sak mam goamã ye.’”+
20 A Imeer biig a Pasʋʋr sẽn yaa maan-kʋʋda, n leb n yaa a Zeova roogã tʋm-tʋmdb taoor soabã ra kelgda a Zeremi, a sẽn wa n togsd bãngr-gom-kãensa wã. 2 Dẽ, a Pasʋʋr wẽe no-rɛɛs a Zeremi, la a yõk-a n balg ra-bãongo.+ Yaa ra-bãong ning sẽn da be Bẽnzame yĩngr dignoorã sẽn tar n dabd a Zeova roogẽ wã. 3 La vẽkembeoogã, a Pasʋʋr sẽn yiis a Zeremi ra-bãongẽ wã, a Zeremi yeel-a lame yaa:
“A Zeova pa pʋd foo t’a Pasʋʋr ye. A pʋda foo t’a Rabeem sẽn yit zĩig zãnga.+ 4 Bala ad a Zeova sẽn yeele: ‘Mam na n kɩtame tɩ fo lebg bũmb sẽn kẽesd f mengã rabeem la f zo-rãmbã fãa rabeem. B bɛɛbã na n kʋ-b-la ne sʋʋs tɩ fo getẽ.+ Mam na n dɩka Zida nebã fãa n ning Babilon rĩmã nugẽ, t’a tall-b n kẽng yembd Babilonne, la a kʋ-b ne sʋʋga.+ 5 Mam na n dɩka tẽn-kãngã arzɛgsã, a laogã, a bõn-sõma wã fãa, n paas Zida rĩm-dãmbã bõn-sõma wã fãa n ning b bɛɛbã nusẽ.+ B na n yõga bãmb la b wʋk b bõn-sõma wã fãa ne pãng n tall n kẽng Babilonne.+ 6 La sã n yaa ne foom a Pasʋʋre, b na n talla foo ne neb nins fãa sẽn be fo zakẽ wã n kẽng yembdo. Fo na n kẽnga Babilon n tɩ ki be. B na n muma foo ne f zo-rãmbã fãa be, bala fo togs-b-la bãngr-goam sẽn yaa ziri.’”+
7 Zeova, yãmb belga maam. Yãmb sɩd belga maam.
Yãmb maana maam pãng n tõog maam.+
Mam lebga bũmb b sẽn laad daarã tõre.
Nebã fãa yaanda maam.+
8 Bala mam sã n wa gomd fãa, m zẽkda m koɛɛg n moondẽ yaa:
“Nen-kɛglem! Sãoongo!”
A Zeova goamã yĩnga, b tʋʋda maam la b paoogd maam daarã tõre.+
La mam sũurẽ wã, a goamã lebga wa bugum sẽn tar pãng n be mam kõabẽ wã,
hal tɩ m pa le tõe n sĩnd ye.
Yellã ra looga m nugu.+
10 Bala mam da wʋmda gom-wẽns wʋsg mam zugu.
Bũmb toor-toor n da gũbg maam n kẽesd-m rabeem.+
B yetame yaa: “Ning-y-yã-a taale! Wa-y tɩ d ning-a taale!”
Neb nins fãa sẽn da yet tɩ laafɩ zĩnd ne maamã ra gũuda mam lʋɩɩse,+
n yetẽ yaa: “Tõe t’a na n yɩɩ yaalg n tudgi,
tɩ tõnd tõog-a la d rok d sũur ne-a.”
11 La a Zeova ra bee ne maam wa gãndaoog sẽn kẽesd rabeem.+
Yaa rẽ yĩng la neb nins sẽn namsd maamã sẽn na n lags n lʋɩ, la b pa tõog maamã.+
B na n paama yãnd wʋsgo, bala b pa na n tõog ye.
B paoogrã na n yɩɩ wakat fãa yĩnga, tɩ nebã pa na n tol n yĩm a yell ye.+
12 La yãmb a Zeova sẽn yaa tãb-biis naabã feesda nin-tɩrga.
13 Yɩɩl-y-yã a Zeova yĩnga! Pẽg-y-yã a Zeova!
Bala a fãaga naong soab* tʋʋm-wẽns-maandbã nusẽ.
14 Kãab-wẽng bee daar ning mam sẽn dogã zugu!
Bɩ daar ning mam ma wã sẽn dog maamã ra paam bark ye!+
15 Kãab-wẽng bee ne rao ning sẽn wa n togs mam ba wã koe-noog n yeele:
“B roga biig n kõ foo! Yaa bi-ribla!”
n kɩt t’a sũur yɩ noog wʋsgã.
16 Bɩ nin-kãng lebg wa tẽns nins a Zeova sẽn sãam n pa maand a bãngẽ wã.
Bɩ a wʋm kɛleng yibeoogo, la a wʋm zabr peebg wĩnto-sʋka.
18 Bõe yĩng tɩ mam yi m ma wã pʋgẽ,
n na n yã toog la sũ-sãanga,
la sẽn na yɩl tɩ m vɩɩmã baas ne yãnde?+
21 A Zeova goma ne a Zeremi. Yɩɩ wakat ning rĩm a Sedesiyaas+ sẽn tʋm a Malkiya biig a Pasʋʋre,+ ne a Maaseya biig a Sofoni+ sẽn yaa maan-kʋʋdã a Zeremi nengẽ wã, tɩ b tɩ yeel yaa: 2 “D bõos tɩ f sok a Zeova tõnd yĩnga, bala Babilon rĩm a Nebukadnezaar* yika zabr ne tõndo.+ Tõe t’a Zeova na n tʋma a tʋʋm-kãsemsã a yembr tõnd yĩnga, sẽn na yɩl t’a loog n bas tõndo.”+
3 T’a Zeremi yeel-b yaa: “Ad yãmb sẽn segd n tɩ yeel a Sedesiyaase: 4 ‘Ad Israyɛll Wẽnnaam a Zeova sẽn yeele: “Mam na n kɩtame tɩ zab-teed nins sẽn be yãmb nusẽ wã wẽneg n sãam yãmba. Yaa zab-teed nins yãmb sẽn tar n zabd ne Babilon rĩmã,+ la ne Kalde nebã sẽn be lalgã poor n gũbg yãmb n na n zabã. Mam na n tigm-b-la tẽngã tẽn-sʋka. 5 Mam mengã na n zaba ne yãmb+ ne nug sẽn tẽege, la ne kang sẽn tar pãnga. Na n yɩɩ ne sũ-pu-kãseng la sũ-kãbr sẽn yaa wʋsgo.+ 6 Mam na n sãama tẽn-kãngã nebã ne a rũmsã fãa. Bã-loangdg* sẽn yaa toaag n na n kʋ-ba.”’+
7 “‘A Zeova yeelame yaa: “Rẽ poore, mam na n dɩka Zida rĩm a Sedesiyaas ne a tʋm-tʋmdbã la tẽn-kãngã nebã, rat n yeel tɩ neb nins sẽn na n põs bã-loangdgã, zabrã la komã sasa wã, n ning Babilon rĩm a Nebukadnezaar* nugẽ, b bɛɛbã nusẽ, la neb nins sẽn baood n na n yãk b yõyã* nusẽ.+ A na n kʋʋ bãmb ne sʋʋga. A pa na n sãam a sũur b yĩnga, wall a zoe b nimbãanega, pa rẽ bɩ n kʋm-b ye.”’+
8 “Fo segd n yeela nin-buiidã yaa: ‘Ad a Zeova sẽn yeele: “Mam ningda vɩɩm sor la kũum sor yãmb taoore. 9 Zabr ne kom la bã-loangdg n na n kʋ neb nins sẽn na n pa tẽn-kãngã pʋgẽ wã. La ned ning fãa sẽn na n yi n tɩ sak Kalde nebã sẽn gũbg yãmb n na n zabã na n kell n vɩɩmdame. B na n kogla a vɩɩmã.”’*+
10 “‘“Bala mam wẽnemda m neng n tees tẽn-kãngã, la pa a neer yĩng ye. Yaa sẽn na n wa ne yel-beedo.”+ Yaa a Zeova n yeele. “Mam na n dɩk-a lame n ning Babilon rĩmã nugẽ.+ A na n yõog-a-la bugum.”+
11 “‘Yeel Zida rĩmã zak rãmb yaa: Kelg-y-yã a Zeova goamã. 12 Yãmb a Davɩɩd yagense, ad a Zeova sẽn yeele:
“Kao-y bʋʋd ne tɩrlem yibeoog fãa,
la y fãag b sẽn fãad a soabã fãadbã nusẽ,+
tɩ mam sũ-puugrã ra wa widg wa bugum+
yãmb tʋʋm-wẽnsã yĩnga,
n dɩtẽ tɩ ned kae n kiisd-a ye.”’+
13 A Zeova yeelame yaa: ‘Mam zabda ne yãmb a neb nins sẽn be tẽng sẽn be longẽ,*
tẽng sẽn be tẽn-nabrã pĩig kugr zugã.
La sã n yaa ne yãmb a neb nins sẽn sokde: “Ãnda rãmb n na n wa zab ne tõndo?
Ãnda rãmb n na n wa maan pãng n kẽ d zagsẽ wã?”
14 Mam na n sɩbga yãmb
wa sẽn zems y tʋʋmã.’+ Yaa a Zeova n yeele.
‘Mam na n ninga y kãgrã bugum,
t’a rɩ bũmb nins fãa sẽn karg n gũbg-a wã.’”+
22 Ad a Zeova sẽn yeele: “Kẽng Zida rĩmã zakẽ,* n tɩ taas-a koɛɛga. 2 Fo segd n yeelame: ‘Foom a Zida rĩmã sẽn zao a Davɩɩd geerã, kelg a Zeova goamã, foo ne f tʋm-tʋmdbã la f nin-buiidã. Yaa neb nins sẽn tũud rigno-kãensã n kẽedẽ wã. 3 Ad a Zeova sẽn yeele: “Maan-y sẽn yaa tɩrg la sẽn zemse. Fãag-y b sẽn fãad a soabã fãadbã nusẽ. Ra nams-y sãana, wall y maan kɩɩb* bɩ pʋg-kõor wẽng ye.+ Ra raag-y bʋʋm soab zɩɩm zĩ-kãngã ye.+ 4 Bala yãmb sã n tũ gom-kãensã sõma, rĩm-dãmb sẽn zao a Davɩɩd geerã+ na n tũuda rignoyã n kẽed zag-kãngã pʋgẽ, n zao saar-dãmb* la wed-moose. Na n yɩɩ bãmb ne b tʋm-tʋmdbã la b nin-buiidã.”’+
5 “A Zeova yeelame: ‘La yãmb sã n pa sak mam goamã, mam wẽenda ne m meng tɩ zag-kãngã na n lebga raboogo.’+
6 “Ad a Zeova sẽn yeel Zida rĩmã zakã wɛɛngẽ:
‘Ne maam, fo yaa wa Galaade,
wa Libã tãngã zug tẽn-sʋkã.
La mam na n kɩtame tɩ fo lebg we-raoogo.
Ned pa na n le zĩnd fo tẽng baa a ye pʋgẽ ye.+
7 Mam na n yãka sãamdb tɩ b wa zab ne foo,
ned kam fãa ne a zab-teedo.+
B na n kɛɛ fo sɛɛdr tɩɩs nins sẽn yaa sõma wʋsgã,
n tus-b n lub bugmẽ wã.+
8 “‘Buud wʋsg neb na n loogda tẽngã sɛɛg n sokd taab yaa: “Bõe yĩng t’a Zeova maan tẽn-kãngã sẽn yaa bedrã woto?”+ 9 B na n leokame yaa: “Yaa b sẽn bas b Wẽnnaam a Zeova kaoolã, n wõgemd wẽnnaam-dãmb a taab taoor n waoog-bã yĩnga.”’+
10 Ra yãb-y sẽn ki-a wã yĩnga,
la y ra kʋm-a ye.
Yãb-y wʋsg b sẽn tar a soab n loogd yembdã yĩnga,
bala a pa na n le wa tẽng ning pʋgẽ a sẽn dogã ye.
11 “A Zoziyas biig a Salum*+ sẽn yaa Zida rĩm ning sẽn ledg a ba a Zoziyas+ zĩig n dɩt naamã, la sẽn yi zĩ-kãngã n loogã wɛɛngẽ, ad a Zeova sẽn yeele: ‘A pa na n le wa ka ye. 12 Bala a na n kii zĩig ning b sẽn tall-a n kẽng yembdã. A pa na n le yã soolem-kãngã yɛs ye.’+
13 Toog bee ne ned ning sẽn met a roog tɩ pa ne tɩrlem,
la sẽn met a yĩngr dot n pa tũud sẽn yaa tɩrga,
sẽn kɩtd t’a to tʋmd n kõt-a zaalem,
la sẽn zãgsd t’a kõn yao-a wã.+
14 Yaa soab ning sẽn yete: ‘M na n mee ro-yalenga,
t’a yĩngr dotã yaa yalemse.
M na n ning-a-la feneta,
la m ka a pʋgã ne sɛɛdr daado, n bolg-a goor sẽn yaa miuugu.’
15 Fo na n kell n dɩɩ naam, fo sẽn tʋmd ne sɛɛdr daad n yɩɩd neb a taabã yĩng bɩ?
Fo ba wã me ra rɩtame la a yũuda,
la a ra kaooda bʋʋd ne tɩrlem, la a maand sẽn yaa tɩrga,+
t’a yɛlã ra yaa sõma.
16 A ra kaooda b sẽn namsd b rãmbã ne naong rãmbã bʋʋd tɩrga,
tɩ nin-buiidã yɛl ra yaa sõma.
A Zeova yeelame: ‘Pa woto n wilgd tɩ ned mii maam sɩda?
17 La fo ninã ne f sũurã sẽn be bũmb nins zut bal yaa f zãmb paoongã,
bʋʋm dãmbã zɩɩm daagre,
ne wẽgb la fãabo.’
18 “Woto wã, ad a Zeova sẽn yeel a Zoziyas biig a Zowakim+ sẽn yaa Zida rĩmã wɛɛngẽ:
‘B pa na n yãb a kʋʋr n yeel yaa:
“Toogo! M ba-biiga! Toogo! M tão-poaka!”
B pa na n yãb a kʋʋr n yeel yaa:
“Toogo! M zu-soaba! Toogo! N-na!”
20 Rʋ* Libã tãngã n zẽk f koɛɛg n kelme.
Zẽk f koɛɛg Basan n kelme,
la f pa Abarim+ n zẽk f koɛɛg n kelme,
bala b sãama fo rolsen-dãmbã fãa.+
21 Mam goma ne foo fo sẽn wa n zĩ ne bãan wakate,
la fo yeelame: ‘M pa na n sak ye.’+
Fo manesmã yaa woto hal f yãadmẽ,
bala fo pa sak mam koɛɛgã ye.+
22 Sobg n na n peeg f rũm-kɩɩmbã fãa.+
B na n talla fo rolsen-dãmbã n kẽng yembdo.
Dẽ, fo na n paama yãnd la paoogre, yel-beed nins fãa sẽn na n paam foomã yĩnga.
23 Foom a soab ning sẽn be Libã,+
n yag sɛɛdr tɩɩsẽ wã,+
ad fo sɩd na n wõosa wakat ning toogã sẽn na n wa fo zugã!
24 “A Zeova yeelame: ‘M wẽenda ne m menga, tɩ baa a Zowakim+ biig a Koniya*+ sẽn yaa Zida rĩmã sã n da yaa nugbĩng sẽn tar n ningd bãnde, n be mam nug-rɩtgẽ wã, m da na n yãk-a-la be! 25 “Mam na n ning-f-la neb nins sẽn baood n na n yãk f yõorã* nusẽ, neb nins fo sẽn zoetã nusẽ, Babilon rĩm a Nebukadnezaar* nugẽ, la Kalde nebã nusẽ.+ 26 Mam na n diga foo ne f ma-roakã tɩ y kẽng soolem a to pʋgẽ. Yaa soolem y sẽn pa rog a pʋgẽ. Y na n kii be.” 27 B pa na n lebg n wa soolem ning b sẽn dat ne b sũur fãa wã pʋgẽ a bada.+
28 Koniya-kãngã yaa rʋk b sẽn kisi, la sẽn wã bal bɩ?
A yaa laok ned baa a ye sẽn pa rat bɩ?
Bõe yĩng tɩ b lob yẽ ne a kambã la a yagensã tẽnga,
la b rig-b tɩ b kẽng soolem b sẽn pa mi pʋgẽ?’+
29 Tẽnga!* Tẽnga! Tẽnga, kelg a Zeova goamã.
30 Ad a Zeova sẽn yeele:
‘Gʋls n wilg tɩ ra-kãngã pa rog biiga,
la t’a yɛlã pa na n tol n yãk neng a vɩɩmã* tõr ye.
Bala a biig wall a yageng baa a ye pa na n tõog
n zĩnd a Davɩɩd geerã zugu, n dɩ naam Zida ye.’”+
23 A Zeova yeelame: “Toog bee ne rũm-kɩɩmb nins sẽn sãamd piisã sẽn be mam rũmsã wãbneg zĩigẽ, la b sãeegd-bã!”+
2 Woto wã, ad Israyɛll Wẽnnaam a Zeova sẽn yeele, n ning rũm-kɩɩmb nins sẽn kɩɩmd a nin-buiidã taale: “Yãmb sãeega mam piisã. Yãmb ket n sãeegd-b lame, la y pa get b yell ye.”+
“Rẽ n so tɩ mam na n sɩbg yãmb y tʋʋm-wẽnsã yĩnga.” Yaa a Zeova n yeele.
3 “Rẽ poore, mam na n tigma m piisã sẽn kellã soolem nins fãa pʋsẽ m sẽn da sãeeg-bã,+ n tall-b n lebg n wa b wãbnegã zĩigẽ.+ B na n doga kamb n lebg wʋsgo.+ 4 Mam na n yãka rũm-kɩɩmb sẽn sɩd na n kɩɩm-ba.+ Mam piisã pa na n le yɛɛs wall b rig rabeem ye. B baa a ye pa na n menem ye.” Yaa a Zeova n yeele.
5 A Zeova yeelame yaa: “Daar n wat tɩ mam na n kɩt tɩ yageng* sẽn yaa tɩrg yi a Davɩɩd pendẽ wã.+ Rĩm n na n dɩ naam.+ A na n talla yam-vẽenem, n kaood bʋʋd ne tɩrlem, la a maand sẽn yaa tɩrg soolmã pʋgẽ.+ 6 A naamã wakate, Zida na n paama fãagre,+ tɩ Israyɛll zĩnd bãane.+ Ad b sẽn na n boond-a ne yʋʋr ninga: A Zeova yaa tõnd tɩrlem.”+
7 A Zeova yeelame: “Wakat n wate, tɩ b pa na n le yeel yaa: ‘D wẽenda ne a Zeova sẽn vɩ wã, soab ning sẽn yiis Israyɛll nebã Ezɩpt soolmẽ wã!’+ 8 La b na n yeelame yaa: ‘D wẽenda ne a Zeova sẽn vɩ wã, soab ning sẽn yiis a Israyɛll yagensã rɩtg soolmẽ wã, la soolem nins fãa pʋsẽ a sẽn da sãeeg-bã n tall-b n lebg n wa wã!’ B na n zĩnda b mengã soolmẽ.”+
9 Mam yeta no-rɛɛsdbã wɛɛngẽ yaa:
Mam sũurã sãamame.
Mam kõabã fãa rigdame.
Mam yaa wa ned sẽn tɩg rãam,
la wa ned sẽn yũ divẽ tɩ loog-a,
a Zeova yĩnga, la a goamã sẽn yaa sõngã yĩnga.
10 Bala soolmã pida ne yoaadba.+
Kãab-wẽngã yĩnga, soolmã bee sũ-sãang pʋgẽ,+
tɩ rũmsã wãbneg zĩis sẽn be we-raoogẽ wã kʋɩ.+
B manesmã yaa wẽnga. B maanda nebã pãnga.
11 A Zeova yeelame: “No-rɛɛsdbã ne maan-kʋʋdbã fãa rẽgma b mense.*+
Mam yãa b wẽnemã baa mam doogã pʋgẽ menga.+
12 Rẽ n so tɩ b sorã na n lebg sals la lika.+
B na n tus-b lame tɩ b lʋɩ.
Bala mam na n kɩtame tɩ yel-beed paam-ba,
yʋʋmd ning m sẽn na n sok-bã.” Yaa a Zeova n yeele.
13 “M yãa bũmb sẽn põog Samari+ no-rɛɛsdbã nengẽ.
B togsda b bãngr-goamã a Baal yʋʋr yĩnga,
n menesd Israyɛll nebã sẽn yaa mam nin-buiidã.
14 M yãa bũmb toor-toor sẽn yaa wẽns wʋsg Zerizalɛm no-rɛɛsdbã nengẽ.
15 Woto wã, ad Israyɛll Wẽnnaam a Zeova sẽn yaa tãb-biis naabã sẽn yeele, n ning no-rɛɛsdbã taale:
Bala Zerizalɛm no-rɛɛsdbã kɩtame tɩ wẽn-kɩɩsgã piuug soolmã tõre.”
16 Ad a Zeova sẽn yaa tãb-biis naabã sẽn yeele:
“Ra kelg-y no-rɛɛsdbã sẽn togsd yãmb bãngr-goamã ye.+
B belgda yãmba.
17 B yeta neb nins sẽn paoogd maamã n yɩlemdẽ yaa:
‘A Zeova yeelame: “Yãmb na n zĩnda bãane.”’+
B yeta neb nins sẽn tũud b sũyã sẽn diglmã yaa:
‘Yel-beed pa na n paam yãmb ye.’+
18 Bala ãnda n yals sẽn pẽ-b a Zeova wã sʋka,
sẽn na yɩl n yã a gomdã la a wʋm-a?
Ãnda n maag a yĩng n kelg a gomdã sẽn na yɩl n wʋm-a?
19 Ade! A Zeova sũ-puugrã na n fuga wa sob-kẽenga.
A na n siga nin-wẽnsã zutẽ wa sobg sẽn tar pãng wʋsgo.+
20 A Zeova sũ-puugrã pa na n sigi,
sã n pa a maana a raabã, la a pids-a zãng ye.
Beoog sẽn wate, yãmb na n wʋma rẽ võor sõma.
21 No-rɛɛsdbã ra zoetame, baa mam sẽn pa tʋm-bã.
B ra togsda bãngr-goama, baa mam sẽn pa gom ne-bã.+
22 La b sã n da yalsa sẽn pẽ-b maamã sʋka,
b ra na n togsa mam nin-buiidã m goamã.
B ra na n kɩtame tɩ b lebg n bas b so-wẽngã la b tʋʋm-wẽnsã.”+
23 A Zeova sokame yaa: “Yaa mam sẽn wat n pẽ yãmb bal la m yaa Wẽnnaam bɩ? Mam pa Wẽnnaam mam sẽn wat n zãr ne yãmb me sɩda?”
24 A Zeova sokame yaa: “Zĩig beeme tɩ ned tõe n tɩ solg tɩ mam pa yã-a sɩda?”+
A Zeova sokame yaa: “Bũmb bee saasẽ wall tẽngã zug mam sẽn pa tõe n yã bɩ?”*+
25 “Mam wʋma no-rɛɛsdb sẽn togsd bãngr-goam sẽn yaa ziri ne mam yʋʋre, n yetẽ: ‘Mam zãmsa zãmsdo! Mam zãmsa zãmsdo!’+ 26 No-rɛɛsdbã na n kell n yaga ziri hal tɩ ta dabʋre? B yaa no-rɛɛsdb sẽn togsd zãmb sẽn yit b mensã sũy pʋsẽ.+ 27 B tũnugda ne zãmsd nins b sẽn togsd taabã, n dat n kɩt tɩ mam nin-buiidã yĩm mam yʋʋrã, wa b yaab-rãmbã sẽn yĩm mam yʋʋrã a Baal yĩngã.+ 28 Bɩ no-rɛɛs ning sẽn zãms zãmsd togs zãmsdã. La sẽn tar-a mam goamã segd n togsa rẽ ne sɩda.”
“Bõe wõneg n be mood ne ka-bɛɛl sʋka?” Yaa a Zeova n yeele.
29 A Zeova sokame yaa: “Mam goamã pa wa bugum,+ la wa marto sẽn wãad pĩig sɩda?”+
30 A Zeova yeelame: “Woto wã, mam na n sɩbga no-rɛɛsdb nins sẽn zuud mam goamã no-rɛɛsdb a taab nengẽ wã.”+
31 A Zeova yeelame: “Mam na n sɩbga no-rɛɛsdb nins sẽn tar b zɩlma wã n yetẽ: ‘A yeelame!’+ wã.”
32 A Zeova yeelame: “Mam na n sɩbga no-rɛɛsdb nins sẽn togsd zirẽ-be-zãmsdo, la sẽn menesd mam nin-buiidã ne b zirẽ-beedã la b wuk-m-mengã.”+
“Mam yaool n pa tʋm-ba, wall m kõ-b noor ye. Rẽ n so tɩ b sẽn maandã pa na n tol naf nin-buiidã ye.”+ Yaa a Zeova n yeele.
33 “Nin-buiidã, no-rɛɛs wall maan-kʋʋd sã n sok foo yaa: ‘A Zeova zɩɩbã* yaa bõe?’ Fo segd n leok-b lame yaa: ‘Ad a Zeova sẽn yeele: “Yaa yãmb la zɩɩbã! Mam na n lob-y lame.”’+ 34 Sã n yaa ne no-rɛɛsa, maan-kʋʋd wall ned a to sẽn yete: ‘Ad a Zeova zɩɩbã!’* Mam na n sɩbga nin-kãng ne a zakã rãmba. 35 Ad bũmb ning yãmb ned kam fãa sẽn sokd a to wall a ba-biiga: ‘A Zeova leokame tɩ bõe? A Zeova yeelame tɩ bõe?’ 36 La yãmb pa segd n le gom a Zeova zɩɩbã* yell yɛsa, bala zɩɩbã* yaa yãmb ned kam fãa goama. Sẽn paase, yãmb toeema tõnd Wẽnnaam a Zeova sẽn yaa tãb-biis naabã goamã. Yẽ n yaa Wẽnnaam ning sẽn vɩ wã.
37 “Ad fo sẽn na n sok no-rɛɛsã: ‘A Zeova leoka foo tɩ bõe? A Zeova yeelame tɩ bõe? 38 La yãmb sã n ket n yetẽ yaa: “A Zeova zɩɩbã!”* Ad a Zeova sẽn yeele: “Yãmb yetame tɩ ‘gom-kãngã yaa a Zeova zɩɩbã,’”* tɩ mam yaool n yeel yãmb tɩ ‘y pa segd n yeele: “A Zeova zɩɩbã!”* ye.’ Woto yĩnga, 39 mam na n zẽka yãmb n lobe, tɩ y menem mam taoorã, yãmb ne tẽng ning mam sẽn da kõ yãmb ne y yaab-rãmbã. 40 Mam na n kɩtame tɩ yãmb paam yãnd la paoogr sẽn na n yɩ wakat fãa yĩnga. Nebã pa na n tol n yĩm rẽ yell ye.”’”+
24 A Zeova wilga maam kankam pet a yiib sẽn dɩg a Zeova roogã noore. Yɩɩ Babilon rĩm a Nebukadnezaar* sẽn tall a Zowakim+ biig a Zekoniya*+ sẽn yaa Zida rĩmã, n paas Zida nanambsã, nug-tʋʋm dãmbã ne sãabã n kẽng yembdã poore. A tall-b lame n yi Zerizalɛm n kẽng Babilonne.+ 2 Peoog a yembr da tara kankam sẽn yaa sõma wʋsgo, n yaa wa dẽenem kankama, tɩ peoog a to wã tar kankam sẽn põog wʋsgo. B põoga wʋsg hal tɩ ned pa tõe n dɩ-b ye.
3 Dẽ, a Zeova soka maam yaa: “Zeremi, bõe la fo ne-yã?” Tɩ mam leok yaa: “M nee kankama. Sẽn yaa-b sõma wã yaa sõma wʋsgo, la sẽn yaa-b põaasã yaa põaas wʋsgo. B põoga wʋsg hal tɩ ned pa tõe n dɩ-b ye.”+
4 Dẽ, a Zeova goma ne maam n yeele: 5 “Ad Israyɛll Wẽnnaam a Zeova sẽn yeele: ‘Mam na n maana Zida neb nins b sẽn tall n kẽng yembdã sẽn yaa sõma, wa kankam-kãensã sẽn yaa sõma wã. Yaa neb nins mam sẽn kɩt tɩ b yi zĩ-kãngã n kẽng Kalde nebã soolmẽ wã. 6 Mam ninã na n get-b-la b neer yĩnga. Mam na n kɩtame tɩ b lebg n wa soolem-kãngã pʋgẽ.+ Mam na n me-b lame, m pa na n tus-b n lub ye. Mam na n sel-b lame, m pa na n võ-b ye.+ 7 Mam na n kõ-b-la sũur sẽn na n kɩt tɩ b bãng maam, tɩ b bãng tɩ mam yaa a Zeova.+ B na n lebga mam nin-buiidu, tɩ mam lebg b Wẽnnaam,+ bala b na n lebg n waa mam nengẽ ne b sũy fãa.+
8 “‘La sã n yaa ne kankam nins sẽn põoge, n yaa põaas hal tɩ ned pa tõe n dɩ-bã+ wɛɛngẽ, ad a Zeova sẽn yeele: “Yaa woto la mam na n ges Zida rĩm a Sedesiyaase,+ a nanambsã, Zerizalɛm neb nins sẽn ket n be soolmẽ wã, la sẽn be-b Ezɩpt soolmẽ wã.+ 9 Mam na n kɩtame tɩ yel-beed paam-ba, hal tɩ b lebg bũmb sẽn kẽesd rabeem tẽngã soolem toɛy-toɛyã fãa nifẽ.+ Zĩis nins fãa mam sẽn na n sãeeg-bã+ pʋsẽ, nebã na n tʋʋd-b lame, n paoogd-ba,* n yaand-b la b kãabd-b wẽnga.+ 10 Mam na n kɩtame tɩ zabre, kom la bã-loangdg* kʋ-ba,+ hal tɩ b wa menem soolem ning mam sẽn kõ bãmb ne b yaab-rãmbã pʋgẽ.”’”
25 Wẽnnaam goma ne a Zeremi Zida nebã fãa wɛɛngẽ, a Zoziyas biig a Zowakim+ sẽn yaa Zida rĩmã naamã yʋʋm a naas-n-soabã pʋgẽ, rat n yeel tɩ Babilon rĩm a Nebukadnezaar* naamã pipi yʋʋmdã pʋgẽ. 2 Ad no-rɛɛs a Zeremi sẽn yeel Zida la Zerizalɛm nebã fãa wɛɛngẽ:*
3 “A Amo biig a Zoziyas+ sẽn yaa Zida rĩmã naamã yʋʋm piig la a tãab-n-soabã tɛk n tãag rũndã, rat n yeel tɩ yʋʋm pisi la a tãab masã, a Zeova ra gomda ne maam, tɩ ma-me ra gomd ne yãmb n yɩlemdẽ,* la yãmb ra pa kelgd ye.+ 4 A Zeova tʋma no-rɛɛsdbã sẽn yaa a tʋm-tʋmdbã fãa yãmb nengẽ. A tʋm-b-la naoor wʋsgo,* la yãmb pa kelg ye. Y pa kɩll y tʋb n kelg ye.+ 5 B ra yeta yãmb yaa: ‘D bõos tɩ y ned kam fãa bas a manesem-wẽnsã ne a tʋʋm-wẽnsã.+ Rẽ la y na n kell n zĩnd soolem ning a Zeova sẽn kõ yãmb ne y yaab-rãmbã hal daar zãrã pʋgẽ, n kaoose. 6 Ra tũ-y wẽnnaam-dãmb a taaba, n waoog-b la y wõgemd b taoore, n kɩt t’a sũurã yik yãmb nusã tʋʋm yĩng ye. Sã n pa rẽ, a na n kɩtame tɩ yel-beed paam-yã.’
7 “A Zeova yeelame: ‘La yãmb pa sak n kelg maam ye. Yãmb pʋd n kɩtame tɩ mam sũurã yik ne yãmb nusã tʋʋmã, tɩ wa ne yel-beed yãmb zutu.’+
8 “Woto wã, ad a Zeova sẽn yaa tãb-biis naabã sẽn yeele: ‘“Yãmb sẽn pa sak mam goamã yĩnga, 9 mam tʋmame tɩ b bool buud nins sẽn be rɩtgã fãa.”+ Yaa a Zeova n yeele. “Mam tʋmame tɩ b bool Babilon rĩm a Nebukadnezaar* sẽn yaa mam tʋm-tʋmdã.+ Mam na n kɩtame tɩ b wa zab ne soolem-kãngã,+ ne a nebã la ne buud nins fãa sẽn yaa b tẽn-yagsã.+ Mam na n kɩtame tɩ b sãam-ba, la m kɩt tɩ b lebg bũmb sẽn kẽesd rabeem, bũmb b sẽn na n yaandẽ,* la raboog wakat fãa yĩnga. 10 Mam na n kɩtame tɩ kɩdeng la sũ-noog rãamd sa,+ la m kɩt tɩ pʋg-paal ne pʋg-paal sɩd koɛɛg+ la neer dãamd ra le zĩndi, la m kiis fɩtl bugum. 11 Soolem-kãngã fãa na n lebga raboogo, la bũmb sẽn kẽesd rabeem. Bu-kãensã na n tʋm n kõo Babilon rĩmã yʋʋm pis-yopoe.”’+
12 “A Zeova yeelame yaa: ‘La yʋʋm pis-yopoe wã sã n wa pidi,+ mam na n soka* Babilon rĩmã ne a buudã b kongrã yĩnga.+ Mam na n kɩtame tɩ Kalde nebã soolmã lebg raboog wakat fãa yĩnga.+ 13 Mam na n kɩtame tɩ goam nins fãa mam sẽn togs soolem-kãngã wɛɛngẽ wã pidsi. Yaa bãngr-goam nins a Zeremi sẽn togs buud toɛy-toɛyã fãa wɛɛngẽ, tɩ b gʋls seb-kãngã pʋgẽ wã. 14 Bala buud wʋsg ne rĩm-kãsems+ n na n kɩt tɩ b lebg yembse.+ Mam na n keo-b-la wa sẽn zems b tʋʋm-tʋmdɩ wã la b nusã tʋʋmã.’”+
15 Ad a Zeova sẽn yaa Israyɛll Wẽnnaamã sẽn yeel maam: “Reeg sũ-puugrã divẽ sẽn be mam nugẽ wã, n kɩt tɩ buud nins fãa mam sẽn tʋm foom b nengẽ wã yũ. 16 B na n yũume n tuumi, la b maand wa gãeemse, sʋʋg ning mam sẽn na n tʋm b sʋkã yĩnga.”+
17 Dẽ, mam deega bõn-yũudlã a Zeova nugẽ, n kɩt tɩ buud nins fãa a Zeova sẽn tʋm maam b nengẽ wã yũ:+ 18 Mam sɩnga ne Zerizalɛm la Zida tẽnsã,+ a rĩm-dãmbã ne a nanambsã, n kɩt tɩ b lebg raboodo, bũmb sẽn kẽesd rabeem, bũmb b sẽn yaande,* la kãab-wẽng+ wa sẽn yaa to-to rũndã-rũndã wã. 19 Sẽn pʋgd yaa Ezɩpt rĩm a Farawõ, a tʋm-tʋmdbã, a nanambsã ne a nin-buiidã fãa,+ 20 la sãamb nins fãa sẽn be Ezɩptã, Uuz soolmã rĩm-dãmb fãa, Filisti+ soolmã rĩm-dãmb fãa, Askalonne,+ Gaaza, Ekronne, Asdood neb nins sẽn ketã, 21 Edom+ nebã, Mowaab+ la Amon nebã,+ 22 Tɩɩr rĩm-dãmbã fãa, Sɩdõ rĩm-dãmbã fãa,+ la ko-sʋk tẽngã sẽn be mogrã pʋgẽ wã rĩm-dãmba, 23 Dedanne,+ Tema, Buuz la neb nins fãa sẽn põng b zutã kɩremsã,+ 24 Araab-rãmbã rĩm-dãmb fãa,+ la bu-zẽms nins sẽn be we-raoogẽ wã rĩm-dãmb fãa, 25 Zimri rĩm-dãmbã fãa, Elam+ rĩm-dãmbã fãa, ne Meed-rãmbã+ rĩm-dãmb fãa, 26 rɩtg rĩm-dãmbã fãa sẽn pẽ la sẽn zãre, pʋgdg-pʋgdga, n paas dũniyã soolem a taabã sẽn be tẽngã zugã. Sesak*+ rĩmã n na n yũ bãmb poore.
27 “Fo segd n yeel-b lame yaa: ‘Ad Israyɛll Wẽnnaam a Zeova sẽn yaa tãb-biis naabã sẽn yeele: “Yũ-y tɩ y nensã yilmi, n wʋb la y lʋɩ n pa le tõe n yiki,+ sʋʋg ning mam sẽn na n tʋm yãmb sʋkã yĩnga.”’ 28 La b sã n zãgs tɩ b pa na n deeg bõn-yũudlã fo nugẽ wã n yũ, bɩ f yeel-b yaa: ‘Ad a Zeova sẽn yaa tãb-biis naabã sẽn yeele: “Yãmb segd n yũ-a lame! 29 Bala ges-y-yã! Mam sẽn kɩt tɩ yel-beed reng n paam tẽng ning zug mam yʋʋrã sẽn be wã,+ yãmb segd n põsa sɩbgr sɩda?”’+
“‘Yãmb pa na n põs sɩbgr ye. Bala mam na n boola sʋʋg t’a zab ne dũniyã nebã fãa.’ Yaa a Zeova sẽn yaa tãb-biis naabã n yeele.
30 “Fo segd n togs-b-la bãngr-gom-kãensã fãa la f yeel-ba:
‘A Zeova na n paa zĩ-zãntgẽ n tãse.
A na n paa a zĩ-sõngẽ wã n kɩt t’a koɛɛgã rãamd yi.
A na n zẽka a koɛɛga, n tãs sẽn be-b yẽ zĩigẽ wã.
A na n kaasa wa neb sẽn maand divẽ.*
A na n yɩɩla ne sũ-noog a sẽn tõog dũniyã nebã fãa wã yĩnga.’
31 ‘Bʋʋr n na n ta dũniyã kɩremsã fãa,
bala a Zeova tara zabr ne buud toɛy-toɛyã.
A na n kaoo ninsaalbã fãa* bʋʋd a toore.+
A na n kʋʋ nin-wẽnsã ne sʋʋga.’ Yaa a Zeova n yeele.
32 Ad a Zeova sẽn yaa tãb-biis naabã sẽn yeele:
33 “‘Daar-n-kãnga, a Zeova sẽn na n kʋ neb ninsã na n dɩga dũniyã kɩreng a ye n tɩ tãag kɩreng a to wã. Ned pa na n yãb b kʋʋre, wall a tigm-b bɩ n mum-b ye. B na n lebga wa birg tẽn-gãongã zugu.’
34 Yãmb a rũm-kɩɩmba, yãb-y la y kaase!
Yãmb a nin-buiidã* nin-kãsemse, bilm-y tẽnga.
Bala yãmb koodgã la y sãeegrã wakat taame.
Yãmb na n lʋɩɩ wa laok sẽn yaa neer wʋsgo!
35 Rũm-kɩɩmbã pa tar zĩig n na n zoe n kẽng ye.
Nin-buiidã* nin-kãsemsã me pa tõe n põs ye.
37 A Zeova sũ-pu-kãsengã yĩnga,
bũmb pa le vɩ bãan zĩisẽ wã ye.
38 A yii a zĩigẽ wã n loog wa gɩgem-polle,+
bala b soolmã lebga bũmb sẽn kẽesd rabeem,
sʋʋg ning sẽn kʋʋdã yĩnga,
la a sũ-pu-kãsengã yĩnga.”
26 A Zoziyas biig a Zowakim+ sẽn yaa Zida rĩmã naamã sɩngrẽ, a Zeova goma ne a Zeremi: 2 “Ad a Zeova sẽn yeele: ‘Tɩ yaas a Zeova roogã samandẽ wã, n gom ne Zida tẽnsã neb nins fãa sẽn wat n waoogd* a Zeova ro-kãngã pʋgẽ wã. Togs-b bũmb ning fãa mam sẽn na n yeel foomã. Ra bas baa gom-yɛng ye. 3 Tõe tɩ b na n kelgame, tɩ b ned kam fãa bas a manesem-wẽnga. Woto, mam na n toeema yam* yel-beedã mam sẽn dat n kɩt tɩ wa b zut b tʋʋm-wẽnsã yĩngã wɛɛngẽ.+ 4 Yeel-b yaa: “Ad a Zeova sẽn yeele: ‘Yãmb sã n pa kelg maam n tũ tõogã* mam sẽn kõ yãmbã, 5 la y pa kelg no-rɛɛsdbã sẽn yaa mam tʋm-tʋmdbã goamã, mam sẽn tʋmd b rãmb yãmb nengẽ n yɩlemdẽ* tɩ y pa kelgdẽ wã,+ 6 mam na n kɩtame tɩ ro-kãngã lebg wa Sɩlo,+ la m sãam tẽn-kãngã, tɩ dũniyã buud toɛy-toɛyã fãa sã n na n kãab wẽnga, bɩ b pʋd a yʋʋrã.’”’”+
7 Maan-kʋʋdbã, no-rɛɛsdbã la nin-buiidã fãa ra kelgda a Zeremi sẽn wa n togsd gom-kãensã a Zeova roogẽ wã.+ 8 A Zeremi sẽn wa n togs goam nins fãa a Zeova sẽn yeel t’a taas nin-buiidã n sa wã, maan-kʋʋdbã, no-rɛɛsdbã la nin-buiidã yõk-a lame, n yeele: “Hakɩɩka, fo na n kiime. 9 Bõe yĩng tɩ fo togs bãngr-gomd ne a Zeova yʋʋre, n yeel tɩ ‘ro-kãngã na n lebga wa Sɩlo, la tɩ b na n sãama tẽn-kãngã tɩ ned pa le be a pʋgẽ’?” Dẽ, nin-buiidã fãa gũbga a Zeremi a Zeova roogẽ wã.
10 Zida nanambsã sẽn wʋm gom-kãensa wã, b yii rĩmã zakẽ* n wa a Zeova roogẽ wã, n tɩ zĩnd a Zeova rigno-paallẽ wã.+ 11 Maan-kʋʋdbã ne no-rɛɛsdbã yeela nanambsã la nin-buiidã fãa yaa: “Ra-kãngã segda ne kũum,+ bala a togsa bãngr-goam n yeel tɩ b na n sãama tẽn-kãngã, wa yãmb mens tʋbã sẽn wʋmã.”+
12 Dẽ, a Zeremi yeela nanambsã ne nin-buiidã fãa yaa: “Yaa a Zeova n tʋm maam tɩ m togs goam nins fãa yãmb sẽn wʋmã, n wilg tɩ b na n sãama ro-kãngã ne tẽn-kãngã.+ 13 Woto wã, maneg-y y manesmã la y tʋʋm-tʋmdɩ wã, n sak yãmb Wẽnnaam a Zeova koɛɛgã. Dẽ, a Zeova na n toeema yam* yel-beed ning a sẽn yeel t’a na n kɩtame tɩ wa yãmb zutã wɛɛngẽ.+ 14 La sã n yaa ne maam, mam bee yãmb nusẽ. Maan-y maam bũmb ning fãa y sẽn tagsd tɩ yaa sõma la tɩrga. 15 Bãng-y bal tɩ y sã n kʋ maam, y na n kɩtame tɩ bʋʋm soab zɩɩm taal zĩnd y mensã zutu, tẽn-kãngã la a nebã zutu. Bala sɩd-sɩda, yaa a Zeova n tʋm maam tɩ m wa togs-y gom-kãensã fãa.”
16 Rẽ la nanambsã ne nin-buiidã fãa yeel maan-kʋʋdbã la no-rɛɛsdbã yaa: “Ra-kãngã pa segd ne kũum ye. Bala yaa ne tõnd Wẽnnaam a Zeova yʋʋr la a gom ne tõndo.”
17 Sẽn paase, soolmã kãsem-dãmb kẽer yikame, n sɩng goam n yeel nin-buiidã fãa sẽn tigmã yaa: 18 “Moresɛt rao a Mise+ togsa bãngr-goam Zida rĩm a Ezekɩyaas+ wakatẽ wã, n yeel Zida nebã fãa yaa: ‘Ad a Zeova sẽn yaa tãb-biis naabã sẽn yeele:
“B na n koo Siyõ wa pʋʋgo.
Zerizalɛm na n lebga raboogo.+
19 “Zida rĩm a Ezekɩyaas ne Zida nebã fãa kʋ-a-la rẽ yĩng bɩ? Rĩmã pa zoe a Zeova n kos a Zeova t’a zoe b nimbãanega, t’a Zeova toeem yam* yel-beed ning a sẽn da yeel t’a na n kɩtame tɩ wa b zutã wɛɛngẽ sɩda?+ Tõnd na n maaname tɩ yel-be-kãseng wa tõnd mens* zutu.
20 “Rao a to me n da togsd bãngr-goam ne a Zeova yʋʋre. Yaa a Semaya biig a Uuri sẽn yit Kiryat-yeyarimmã.+ A ra togsda goam sẽn wõnd a Zeremi goamã, n yetẽ tɩ b na n sãama tẽn-kãngã la soolem-kãngã. 21 Rĩm a Zowakim+ ne a gãndaadã la a nanambsã fãa wʋma a goamã. La rĩmã baoome n na n kʋ-a.+ A Uuri sẽn wʋm dẽ wã, zĩig pʋgẽ rabeem yõk-a lame t’a zoe n kẽng Ezɩpti. 22 Dẽ, rĩm a Zowakim tʋma a Akboor biig a Ɛlnatan+ ne neb a taab tɩ b kẽng Ezɩpti. 23 B tɩ talla a Uuri Ezɩpt n wa kõ rĩm a Zowakim t’a kʋ-a ne sʋʋga,+ n dɩk a kũumã n lob nin-buiidã yaadẽ.”
24 La a Safan+ biig a Ahikam+ sõnga a Zeremi, tɩ b pa rɩk-a n ning nin-buiidã nusẽ tɩ b kʋ-a ye.+
27 A Zoziyas biig a Zowakim sẽn yaa Zida rĩmã naamã sɩngrẽ, a Zeova goma ne a Zeremi: 2 “Ad a Zeova sẽn yeel maamã: ‘Maan yubl-balgdg sẽbds la a raado, n pid f yublã. 3 Rẽ poor bɩ f rɩk-b n kõ koe-taasdb nins sẽn wa Zida rĩm a Sedesiyaas nengẽ Zerizalɛmmã, tɩ b tall n tɩ kõ Edom+ rĩmã, Mowaab+ rĩmã, Amon nebã+ rĩmã, Tɩɩr+ rĩmã, la Sɩdõ+ rĩmã. 4 Kɩt tɩ b tɩ yeel b zu-soben-dãmbã yaa:
“‘“Ad Israyɛll Wẽnnaam a Zeova sẽn yaa tãb-biis naabã sẽn yeele, tɩ y segd n tɩ yeel y zu-soben-dãmbã: 5 ‘Yaa ne mam pãn-kãsengã, la ne m kang sẽn tar pãngã maasem la m maan tẽngã, ninsaalbã la rũmsã sẽn be tẽn-gãongã zugã. Mam dɩka tẽngã n kõ mam sẽn dat a soaba.*+ 6 Masã, mam dɩka soolem-kãensã fãa n ning Babilon rĩm a Nebukadnezaar+ sẽn yaa mam tʋm-tʋmdã nugẽ. Mam dɩka baa we-rũmsã sẽn be weoogẽ wã n kõ-a, tɩ b na n sak-a. 7 Buud toɛy-toɛyã fãa na n saka yẽ ne a biigã la a yagengã, hal n tãag a soolmã wakat sẽn na n ta.+ Yaa wakat ning buud wʋsg la rĩm-kãsems sẽn na n kɩt t’a lebg b yambã.’+
8 “‘“‘Buud wall rĩung sã n zãgs t’a kõn sak Babilon rĩm a Nebukadnezaare, la a zãgs t’a kõn pid Babilon rĩmã yubl-balgdgã, mam na n sɩbga bu-kãng ne sʋʋga,+ kom la bã-loangdga,* hal tɩ m wa kɩt t’a Nebukadnezaar menes-b zãnga.’ Yaa a Zeova n yeele.
9 “‘“‘Woto wã, ra kelg-y y no-rɛɛsdbã, y bag-bʋgdbã, yãmb neb nins sẽn bilgd zãmsd võorã, y tɩt rãmbã, la y neb nins sẽn maand yel-soalmã sẽn yet yãmb tɩ “Babilon rĩmã pa na n soog yãmbã” ye. 10 Bala b togsda yãmb bãngr-goam sẽn yaa ziri, n na n kɩt tɩ b tall yãmb n kẽng zĩig sẽn zãr ne y soolmã. Mam na n sãeega yãmba, tɩ y sãame.
11 “‘“‘La buud ning sẽn na n pid Babilon rĩmã yubl-balgdgã la a sak-a, mam na n basame t’a kell n pa* a soolmẽ wã, n ko a tẽngã la a zĩnd be.’ Yaa a Zeova n yeele.”’”
12 Mam goma ne Zida rĩm a Sedesiyaas+ me woto n yeele: “Pid-y Babilon rĩmã yubl-balgdgã, la y sak yẽ ne a nin-buiidã, tɩ rẽ la y na n kell n vɩɩmde.+ 13 Bõe yĩng tɩ sʋʋga,+ kom+ la bã-loangdg+ na n kʋ foo ne f nin-buiidã, wa a Zeova sẽn yeel buud ning sẽn pa na n sak Babilon rĩmã wɛɛngẽ wã? 14 Ra kelg-y no-rɛɛsdbã sẽn yet yãmb tɩ ‘Babilon rĩmã pa na n soog yãmbã’+ ye. Bala b togsda yãmb bãngr-goam sẽn yaa ziri.+
15 “A Zeova yeelame: ‘Mam pa tʋm-b ye. B togsda bãngr-goam sẽn yaa ziri ne mam yʋʋre, tɩ na n kɩt tɩ m sãeeg yãmb tɩ y sãame, yãmb ne no-rɛɛsdb nins sẽn togsd yãmb bãngr-goamã.’”+
16 Mam yeela maan-kʋʋdbã ne nin-buiidã fãa yaa: “Ad a Zeova sẽn yeele: ‘Ra kelg-y y no-rɛɛsdbã sẽn togsd yãmb bãngr-goam n yetẽ tɩ “ka la bilf bala, b na n talla a Zeova roogã teed n yi Babilon n lebg n wa!”+ wã ye. Bala b togsda yãmb bãngr-goam sẽn yaa ziri.+ 17 Ra kelg-y-b ye. Sak-y Babilon rĩmã tɩ rẽ la y na n kell n vɩɩmde.+ Sã n pa rẽ, tẽn-kãngã na n lebga raboogo. 18 La b sã n sɩd yaa no-rɛɛsdba, t’a Zeova goamã sɩd be ne-ba, bɩ b yõk a Zeova sẽn yaa tãb-biis naabã sɛɛga, t’a kɩt tɩ b ra wʋk teed nins sẽn ket a Zeova roogẽ wã, Zida rĩmã zakẽ wã,* la Zerizalɛm pʋgẽ wã n tall n kẽng Babilon ye.’
19 “Bala ad a Zeova sẽn yaa tãb-biis naabã sẽn yeel ra-lugsã+ wɛɛngẽ, Mogrã,*+ bilim-bilim-dãmbã,+ la teed a taabã sẽn ketã b sẽn bas tẽn-kãngã pʋgẽ wã wɛɛngẽ. 20 Yaa teed nins Babilon rĩm a Nebukadnezaar sẽn pa wʋke, a sẽn wa n na n tall a Zowakim biig a Zekoniya sẽn yaa Zida rĩmã, ne Zida la Zerizalɛm nin-kãsemsã fãa n yi Zerizalɛm n kẽng yembd Babilonnã.+ 21 Ad Israyɛll Wẽnnaam a Zeova sẽn yaa tãb-biis naabã sẽn yeele, teed nins b sẽn bas a Zeova roogẽ wã, Zida rĩmã zakẽ wã,* la Zerizalɛmmã wɛɛngẽ: 22 ‘“B na n tall-b lame n kẽng Babilonne,+ tɩ b pa be n tãag wakat ning mam sẽn na n tẽeg b yelle.” Yaa a Zeova n yeele. “Rẽ poore, m na n tall-b lame n lebg n wa, n lebs-b zĩ-kãngã.”’”+
28 Yʋʋm-kãnga, Zida rĩm a Sedesiyaas+ naamã sɩngrẽ, rat n yeel tɩ yʋʋm a naas-n-soabã pʋgẽ, kiuug a nu soabã, Gabawõ+ rao a Azʋʋr biig a Hananiya sẽn yaa no-rɛɛsã goma ne maam a Zeova roogã pʋgẽ, maan-kʋʋdbã la nin-buiidã fãa taoore, n yeele: 2 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Mam na n kaooga Babilon rĩmã yubl-balgdgã.+ 3 Yʋʋm a yiib pʋgẽ, mam na n talla a Zeova roogã teed nins fãa Babilon rĩm a Nebukadnezaar sẽn wʋk n yi zĩ-kãngã n kẽng Babilonnã, n lebg n wa zĩ-kãngã.’”+ 4 “‘Mam na n talla a Zowakim+ biig a Zekoniya+ sẽn yaa Zida rĩmã, ne Zida neb nins fãa b sẽn tall n kẽng yembd Babilonnã n lebg n wa zĩ-kãngã.’+ Yaa a Zeova n yeele. ‘Bala mam na n kaooga Babilon rĩmã yubl-balgdgã.’”
5 Dẽ, no-rɛɛs a Zeremi goma ne no-rɛɛs a Hananiya, maan-kʋʋdbã ne nin-buiidã fãa sẽn da yas a Zeova roogẽ wã taoore. 6 No-rɛɛs a Zeremi yeelame: “Ãmiina!* Bɩ a Zeova sɩd maan woto! Bɩ a Zeova pids fo bãngr-goamã, n tall teed nins sẽn da be a Zeova roogẽ wã, la neb nins fãa b sẽn tall n kẽng yembdã n yi Babilon n lebg n wa zĩ-kãngã! 7 La m bõos tɩ f kelg koɛɛg ning mam sẽn na n togs foo ne nin-buiidã fãa wã. 8 Hal pĩnda, no-rɛɛsdb nins sẽn deng maam ne foomã ra togsda bãngr-goam soolem wʋsg la rĩun-kãsems wɛɛngẽ, n gomd zabre, yel-beed la bã-loangdg* yelle. 9 No-rɛɛs sã n togs bãngr-gomd bãan wɛɛngẽ, t’a gomdã sɩd wa pidsi, b bãngdame tɩ yaa a Zeova n tʋm-a.”
10 Rẽ la no-rɛɛs a Hananiya pidg yubl-balgdgã no-rɛɛs a Zeremi yublẽ wã n kaooge.+ 11 A Hananiya yeela nin-buiidã fãa taoor yaa: “Ad a Zeova sẽn yeele: ‘Yaa woto la m na n kaoog yubl-balgdg ning Babilon rĩm a Nebukadnezaar sẽn da pid buud toɛy-toɛyã fãa wã. M na n maana rẽ yʋʋm a yiib pʋgẽ.’”+ Dẽ, no-rɛɛs a Zeremi rɩka a sor n looge.
12 No-rɛɛs a Hananiya sẽn pidg yubl-balgdgã no-rɛɛs a Zeremi yublẽ wã n kaoogã poore, a Zeova goma ne a Zeremi n yeele: 13 “Kẽng n tɩ yeel a Hananiya yaa: ‘Ad a Zeova sẽn yeele: “Fo kaooga yubl-balgdg sẽn maan ne raado,+ la yaa kut yubl-balgdg la fo na n maan n ledg-a.” 14 Bala ad Israyɛll Wẽnnaam a Zeova sẽn yaa tãb-biis naabã sẽn yeele: “Mam na n pida bu-kãensã fãa yubli wã kut yubl-balgdga, sẽn na yɩl tɩ b sak Babilon rĩm a Nebukadnezaare. Yaa tɩlɛ tɩ b sak-a.+ Mam na n kõ-a-la baa we-rũmsã sẽn be weoogẽ wã.”’”+
15 Rẽ poore, no-rɛɛs a Zeremi yeela no-rɛɛs a Hananiya+ yaa: “Hananiya, m bõos tɩ f kelge! A Zeova pa tʋm foo ye. Fo kɩtame tɩ nin-buiidã tẽ ziri.+ 16 Woto yĩnga, ad a Zeova sẽn yeele: ‘Mam na n yiisa foo dũniyã zugu. Fo na n kii rõandã, bala fo pirsa nebã sẽn na yɩl tɩ b kɩɩs a Zeova.’”+
17 No-rɛɛs a Hananiya sɩd kii yʋʋm-kãnga, kiuug a yopoe-n-soabã pʋgẽ.
29 Ad sebr ning no-rɛɛs a Zeremi sẽn pa Zerizalɛm n gʋls n tool kãsem-dãmb nins sẽn be yembsã sʋkã goama. Yaa bãmb ne maan-kʋʋdbã la no-rɛɛsdbã, n paas neb nins fãa a Nebukadnezaar sẽn tall Zerizalɛm n kẽng yembd Babilonnã la a tool-yã. 2 Yɩɩ rĩm a Zekoniya,+ rĩmã ma wã,+ a na-yirã tʋm-tʋmdbã, Zida la Zerizalɛm nanambsã, nus-tʋʋm dãmbã la sãabã sẽn yi Zerizalɛmmã poore.+ 3 A rɩka sebrã n kõ a Safan+ biig a Elaza ne a Hilkiya biig a Gemariya, neb nins Zida rĩm a Sedesiyaas+ sẽn tʋm Babilon rĩm a Nebukadnezaar nengẽ wã. A yeela sebrã pʋgẽ yaa:
4 “Ad Israyɛll Wẽnnaam a Zeova sẽn yaa tãb-biis naabã sẽn yet neb nins fãa sẽn be yembdã, neb nins a sẽn kɩt tɩ b yi Zerizalɛm n kẽng yembd Babilonnã: 5 ‘Me-y rot n zĩnd b pʋsẽ. Sel-y tɩɩs n dɩ b biisã. 6 Rɩgs-y pagb n dog kom-dibli la kom-pugli. Peeg-y pagb n kõ y kom-dibli wã, la y kõ y kom-pugli wã sɩdba, tɩ bãmb me rog kom-dibli la kom-pugli. Fɩɩg-y zĩ-kãnga, tɩ y sõorã ra boog ye. 7 Bao-y tɩ bãan zĩnd tẽng ning pʋgẽ mam sẽn tall yãmb n kẽng yembdã, la y pʋʋs a Zeova a yĩnga, bala yaa bãan sã n be a pʋgẽ la yãmb me na n zĩnd bãane.+ 8 Ad Israyɛll Wẽnnaam a Zeova sẽn yaa tãb-biis naabã sẽn yeele: “Ra bas-y tɩ y no-rɛɛsdbã la y bag-bʋgdbã sẽn be yãmb sʋkã belg-yã,+ la y ra kelg sẽn gomd-b zãmsd nins b sẽn zãmsdã yellã ye. 9 Bala ‘b togsda bãngr-goam sẽn yaa ziri ne mam yʋʋre. Mam pa tʋm-b ye.’+ Yaa a Zeova n yeele.”’”
10 “Ad a Zeova sẽn yeele: ‘Yãmb sã n zĩnd Babilon tɩ yʋʋm pis-yopoe wã wa pidi, mam na n gesa y yelle.+ Mam na n pidsa m pʋlengã, n tall yãmb n lebg n wa zĩ-kãngã.’+
11 “‘Bala mam mii magb ning mam sẽn magd yãmb wɛɛngẽ wã sõma.’ Yaa a Zeova n yeele. ‘Mam dat n kɩtame tɩ y zĩnd bãane. Pa yel-beed la m dat tɩ y paam ye.+ Yaa sẽn na yɩl tɩ y tõog n bas y yam tɩ beoog na n yɩɩ neere.+ 12 Yãmb na n boola maam. Yãmb na n pʋʋsa maam, tɩ m kelg-yã.’+
13 “‘Yãmb na n gẽesa maam n yã,+ bala y na n baoo maam ne y sũur fãa.+ 14 Mam na n basame tɩ y yã maam.’+ Yaa a Zeova n yeele. ‘Mam na n tigma yãmb neb nins sẽn yaa yembsã, la m naag-y taab n yiis buud toɛy-toɛyã fãa pʋsẽ, la zĩis nins mam sẽn da sãeeg yãmbã pʋsẽ.’+ Yaa a Zeova n yeele. ‘Mam na n talla yãmb n lebg n wa zĩig ning y sẽn da be tɩ m kɩt tɩ y kẽng yembdã.’+
15 “La yãmb yeelame yaa: ‘A Zeova kõo tõnd no-rɛɛsdb Babilonne.’
16 “Bala ad a Zeova sẽn yeel rĩm ning sẽn zao a Davɩɩd geerẽ+ wã, la neb nins fãa sẽn be tẽn-kãngã pʋgẽ, rat n yeel tɩ yãmb saam-biis nins sẽn pa tũ yãmb n kẽng yembdã: 17 ‘Ad a Zeova sẽn yaa tãb-biis naabã sẽn yeele: “Mam na n kɩtame tɩ zabre, kom la bã-loangdg*+ kʋ-ba. Mam na n kɩtame tɩ b lebg wa kankam-põaasa,* n yaa põaas hal tɩ ned pa tõe n dɩ ye.”’+
18 “‘Mam na n nams-b-la ne zabre,+ kom la bã-loangdga. Mam na n kɩtame tɩ b lebg bũmb sẽn kẽesd rabeem tẽngã soolem toɛy-toɛyã fãa nifẽ.+ Buud nins mam sẽn na n sãeeg-bã+ sʋka, nebã na n kãabd-b-la wẽnga. Ned ning fãa sẽn na n yã-b na n yɛɛsame. B na n tʋʋd-b lame*+ la b paoogd-ba. 19 Bala b pa kelg goam nins mam sẽn tʋm no-rɛɛsdbã sẽn yaa m tʋm-tʋmdbã tɩ b tɩ taas-bã ye.’ Yaa a Zeova n yeele. ‘Mam tʋm-b-la naoor wʋsgo,’*+
“‘la yãmb pa kelg ye.’+ Yaa a Zeova n yeele.
20 “Woto wã, yãmb a neb nins fãa sẽn be yembdã, neb nins mam sẽn kɩt tɩ b yi Zerizalɛm n kẽng Babilonnã, kelg-y-yã a Zeova goamã. 21 Ad Israyɛll Wẽnnaam a Zeova sẽn yaa tãb-biis naabã sẽn yeel a Kolaya biig a Akaab wɛɛngẽ, la a Maaseya biig a Sedesiyaas wɛɛngẽ, neb nins sẽn togsd yãmb bãngr-goam sẽn yaa ziri ne mam yʋʋrã:+ ‘Mam na n dɩk-b lame n ning Babilon rĩm a Nebukadnezaar* nugẽ. A na n kʋ-b-la yãmb nifẽ. 22 Bũmb ning sẽn na n paam-bã na n lebga bũmb Zida neb nins fãa sẽn be yembd Babilonnã sẽn na n tar n kãabd wẽnga, n yetẽ: “Bɩ a Zeova kɩt tɩ f yɩ wa a Sedesiyaas ne a Akaabe, Babilon rĩmã sẽn sẽ bugmẽ wã!” 23 Bala b tʋma yãn-tʋʋm Israyɛlle.+ B ra yooda ne b taab pagba, la b ra togsd goam sẽn yaa ziri ne mam yʋʋre, goam mam sẽn pa yeel-ba.+
“‘“Mam yaa soab ning sẽn mi rẽ wã. Mam maana kaset ne rẽ.”+ Yaa a Zeova n yeele.’”
24 “Fo segd n yeela Nehelam rao a Semaya+ yaa: 25 ‘Ad Israyɛll Wẽnnaam a Zeova sẽn yaa tãb-biis naabã sẽn yeele: “Fo sẽn gʋls sɛb ne f meng yʋʋr n tool neb nins fãa sẽn be Zerizalɛmmã, a Maaseya biig a Sofoni+ sẽn yaa maan-kʋʋdã, la maan-kʋʋdb a taabã fãa wã yĩng n yeele: 26 ‘A Zeova kɩtame tɩ fo lebg maan-kʋʋd n ledg maan-kʋʋd a Zehoyada, n lebg a Zeova roogã yel-gɛta, n na n ges gãeeng ning fãa sẽn maand wa a yaa no-rɛɛs yelle, n balg-a ra-bãongo, la f balg a yublã ne kutu.+ 27 Bõe yĩng masã tɩ fo pa zab Anatot+ rao a Zeremi sẽn maand wa a yaa no-rɛɛs fo taoorã?+ 28 A pʋd n toola tõnd sebr Babilon n yeele: “Y yembdã na n kaoosame! Me-y rot n zĩnd b pʋsẽ. Sel-y tɩɩs n dɩ b biisã,+ . . .”’”’”
29 Maan-kʋʋd a Sofoni+ sẽn wa n karem seb-kãngã tɩ no-rɛɛs a Zeremi kelgã, 30 a Zeova goma ne a Zeremi n yeele: 31 “Tʋm tɩ b tɩ yeel neb nins sẽn be yembdã fãa yaa: ‘Ad a Zeova sẽn yeel Nehelam rao a Semaya wɛɛngẽ: “A Semaya sẽn togs yãmb bãngr-goam tɩ mam yaool n pa tʋm-a wã, la a sẽn mak n na n kɩt tɩ yãmb tẽ ziri wã yĩnga,+ 32 ad a Zeova sẽn yeele: ‘Mam na n sɩbga Nehelam rao a Semaya ne a kambã la a yagensã. A ned baa a ye pa na n põs nin-buiidã sʋk ye. A pa na n yã bõn-sõma nins mam sẽn na n maan n kõ m nin-buiidã ye.’ Yaa a Zeova n yeele. ‘Bala a pirsa nebã sẽn na yɩl tɩ b kɩɩs a Zeova.’”’”
30 A Zeova goma ne a Zeremi n yeel yaa: 2 “Ad Israyɛll Wẽnnaam a Zeova sẽn yeele: ‘Gʋls goam nins fãa mam sẽn togsd foomã sebr pʋgẽ. 3 Bala a Zeova yeelame: “Wakat n wat tɩ mam na n tigim mam neb nins b sẽn tall n kẽng yembdã, rat n yeel tɩ Israyɛll la Zida nebã.”+ Yaa a Zeova n yeele. “Mam na n tall-b lame n lebg n wa soolem ning mam sẽn da kõ b yaab-rãmbã pʋgẽ, tɩ b le soog-a yɛsa.”’”+
4 Yaa gom-kãensã la a Zeova togs Israyɛll la Zida nebã.
5 Ad a Zeova sẽn yeele:
“Tõnd wʋma rabeem kaasg rãamde.
Yaa rabeem bala. Laafɩ kae ye.
6 M bõos tɩ y sok n ges rao sã n tõe n dogame.
Bõe yĩng tɩ nebã fãa nens ka neere?*
7 Kayto! Daar-n-kãng yaa yel-pakr daare.*+
Daar kae n wõnd-a ye.
Yaa yel-pakr wakat ne a Zakoobe.
La a na n paamame tɩ b fãag-a daar-n-kãnga.”
8 Ad a Zeova sẽn yaa tãb-biis naabã sẽn yeele: “Daar-n-kãnga, mam na n kaooga yubl-balgdgã sẽn be b yubliẽ wã, la m tõs b sẽbdsã zĩis a yiibu. Sãambã pa na n le kɩt tɩ b yɩ b yembs ye.* 9 B na n saka b Wẽnnaam a Zeova, la b rĩm a Davɩɩd mam sẽn na n yãk t’a soog-bã.”+
10 A Zeova yeelame: “Foom a Zakoob sẽn yaa mam tʋm-tʋmdã, ra zoe rabeem ye.
Foom a Israyɛlle, ra yɛɛs ye.+
Bala mam na n fãaga foo zĩ-zãrgẽ wã,
la m fãag f yagensã soolem ning pʋgẽ b sẽn be n yaa yembsã.+
A Zakoob yagensã na n lebg n wa zĩnda bãane, n pa yɛɛsdẽ,
tɩ ned kae n kẽesd-b rabeem ye.”+
11 A Zeova yeelame: “Bala mam bee ne foo, n na n fãag foom.
La mam na n sãama buud nins fãa mam sẽn sãeeg yãmb tɩ y be b sʋkã.+
La sã n yaa ne yãmba, mam pa na n sãam yãmb ye.+
12 Bala ad a Zeova sẽn yeele:
“Yãmb sãmpogrã pa tar tɩɩm ye.+
Yãmb nodrã pa tõe n tɩp ye.
13 Ned kae n na n sõng yãmb tɩ y paam bʋʋm ye.
Bũmb kae b sẽn tõe n maan tɩ yãmb nod-toaagã maag ye.
Tɩɩm pa be yãmb yĩng ye.
14 Yãmb rolsen-dãmbã fãa yĩma yãmb yelle.+
B pa le baood yãmb zĩig ye.
Bala mam pãba yãmb wa ned bɛ sẽn pãbd-a,+
la m sɩbg-y wa nin-toaag sẽn sɩbgd to-to wã,
yãmb taalã sẽn yaa kãsengã, la y yel-wẽnã sẽn yaa wʋsgã yĩnga.+
15 Bõe yĩng tɩ yãmb yãbd y sãmpogrã yĩnga?
Yãmb toogã pa tõe n maag ye!
Yaa yãmb taalã sẽn yaa kãsengã, la y yel-wẽnã sẽn yaa wʋsgã yĩng+
la mam sẽn maan-y woto wã.
B na n fãa sẽn fãad-b yãmbã.
Mam na n kɩtame tɩ b zɛ sẽn zɛɛd-b yãmb teedã teedo.”+
17 “Mam na n kɩtame tɩ y le paam laafɩ, la m tɩp y noadã.”+ Yaa a Zeova n yeele.
“Baa b sẽn boond yãmb tɩ b sẽn bas b rãmba, n yetẽ:
‘Siyõ, zĩig ning ned baa a ye toog sẽn kae ne wã.’”+
18 Ad a Zeova sẽn yeele:
“Mam na n tigma a Zakoob fu-rotã neb nins b sẽn tall n kẽng yembdã.+
Mam na n zoee a fu-rotã nimbãanega.
B na n lebs n mee a galʋ-tẽngã tãng ning zug a sẽn da be wã.+
A gasg sẽn tar pãngã na n yalsa zĩig ning a sẽn segd n yalsã.
19 Bark pʋʋsg yɩɩla, la laad rãamd na n yii b sʋka.+
Mam na n kɩtame tɩ b fɩɩge, tɩ b sõorã ra yɩ bilf ye.+
Mam na n kɩtame tɩ b yɩ wʋsgo.*
B pa na n yɩ bilf ye.+
20 A Zakoob yagensã na n le yɩɩ wa pĩndã.
B na n lebga buud sẽn tar pãng mam taoore.+
Mam na n sɩbga neb nins fãa sẽn namsd bãmbã.+
21 B naabã na n yɩɩ bãmb sʋkã neda.
A na n yii bãmb pendẽ wã.
Mam na n kɩtame t’a kolge. A na n pẽnega maam.”
“Sã n pa rẽ, ãnda n na n saag n pẽneg maam?” Yaa a Zeova n yeele.
22 “Yãmb na n lebga mam nin-buiidu,+ tɩ mam lebg y Wẽnnaam.”+
23 Ade! A Zeova sũ-puugrã na n fuga wa sob-kẽenga.+
A na n siga nin-wẽnsã zutẽ wa sobg sẽn tar pãng wʋsgo.
24 A Zeova sũ-pu-kãsengã pa na n sigi,
sã n pa a maana a raabã, la a pids-a zãng ye.+
Beoog sẽn wate, yãmb na n wʋma rẽ võor sõma.+
31 A Zeova yeelame: “Wakat kãnga, mam na n lebga Israyɛll buud toɛy-toɛyã fãa Wẽnnaam, tɩ bãmb lebg mam nin-buiidu.”+
2 Ad a Zeova sẽn yeele:
“Neb nins sẽn põs sʋʋgã paama lohorem we-raoogẽ wã,
Israyɛll nebã sẽn wa n dabd b vʋʋsg zĩigẽ wã.”
3 A Zeova vẽnega a meng ne maam hal zĩ-zãrgẽ n yeele:
“Mam nonga foo ne nonglem sẽn pa sate.
Yaa nonglem-kãng yĩng la mam sẽn maan yãmb neere, n tak yãmb n pẽneg m mengã.*+
4 Mam na n lebsa yãmb y zĩigẽ, tɩ y le lebg buudu.+
6 Bala wakat n wate, tɩ gũudbã sẽn be Efrayim tãensẽ wã na n zẽk b koees n yeele:
‘Yik-y-yã, wa-y tɩ d kẽng tõnd Wẽnnaam a Zeova nengẽ Siyõ.’”+
7 Bala ad a Zeova sẽn yeele:
“Kaas-y ne sũ-noog a Zakoob yĩnga.
Kɩdm-y sũ-noogo, bala yãmb yɩɩda buud toɛy-toɛyã.+
Moon-y rẽ. Pẽg-y Wẽnnaam la y yeele:
‘Zeova, fãag-y yãmb nin-buiidã, Israyɛll neb nins sẽn ketã.’+
8 Mam na n yiis-b-la rɩtg soolmẽ wã n tall n wa.+
Mam na n yiis-b-la hal tẽngã zĩ-zãrsẽ n tigmi.+
Zoens la wobs na n zĩnda b sʋka,+
n paas pagb sẽn tʋte, la pagb sẽn kʋmd rogem.
B na n yɩɩ kʋʋng n lebg n wa zĩ-kãngã.+
9 B na n waa ne yãbre.+
Mam na n lʋɩɩ b taoore, tɩ b kot maam sugri.
Mam na n kɩtame tɩ b kẽn sor sẽn maneg zug sẽn na yɩl tɩ b ra wa lak ye.
Bala mam yaa a Israyɛll Ba, t’a Efrayim yaa mam pipi biiga.”+
10 Yãmb a buud toɛy-toɛyã, kelg-y-yã a Zeova goamã,
la y moon-b ko-sʋk tẽns nins sẽn zãrẽ wã n yeele:+
“Soab ning sẽn sãeeg Israyɛll nebã na n le tigm-b lame n naag taaba.
A na n gesa b yelle, wa rũm-kɩɩm sẽn get a rũms yell to-to wã.+
12 B na n waame, n kaas sũ-noog Siyõ zĩ-zãntgẽ wã.+
B sũy na n yɩɩ noog wʋsg a Zeova sõmblmã* yĩnga,
b sẽn na n paam koodo, divẽ-paalga,+ kaam,
n paas rũm-bõonegã la rũm-bɛdã kambã yĩnga.+
13 “Wakat kãnga, pa-kuilã na n saoo ne sũ-noogo,
n paas kom-bɩɩsã ne nin-kẽembã fãa.+
Mam na n kɩtame tɩ b sũ-sãangã yãbr lebg kɩdengo.+
Mam na n bels-b lame, la m kɩt tɩ b paam sũ-noog tɩ ledg b sũ-sãangã.+
14 Mam na n kõo maan-kʋʋdbã* bũmb wʋsg tɩ seke.
Mam nin-buiidã na n dɩɩ mam sõmblmã yõod tɩ pidi.”+ Yaa a Zeova n yeele.
15 “Ad a Zeova sẽn yeele:
‘Koɛɛg rãamd la b wʋmd Rama.+ Yaa yãbr la sũ-toog kaasg rãamde:
Yaa a Rasɛll n yãbd a kom-dibli wã* yĩnga.+
A tõdgame tɩ b kõn bels-a,
bala b ka le be ye.’”+
16 Ad a Zeova sẽn yeele:
“‘Ra le yãbe, la f ra le raag nintãm yɛs ye.
Bala fo na n paama keoor f tʋʋmã yĩnga.’ Yaa a Zeova n yeele.
‘F kom-dibli wã na n yii bɛ wã soolmẽ n lebg n wa.’+
17 A Zeova yeelame: ‘Fo tõe n saagame tɩ f beoog na n yɩɩ neere.+
Fo kom-dibli wã na n lebg n waa b soolmẽ wã.’”+
18 “Sɩd-sɩda, mam wʋma a Efrayim wõosgã.
A yetame: ‘Yãmb remsa maam. Mam paama remsg
wa nag-bil b sẽn pa nome.
Kɩt-y tɩ m lebg n wa yãmb nengẽ, tɩ m na n lebg n waa tao-tao,
bala yãmb yaa a Zeova sẽn yaa mam Wẽnnaamã.
19 Bala mam sẽn lebg n wa yãmb nengẽ wã poore, mam ket n maanda m bãngẽ ne bũmb nins m sẽn da maanã.+
Yãmb sẽn sõng maam tɩ m wʋm yɛlã võorã poore, mam pãba m gerã ne sũ-sãanga.
Bũmb nins mam sẽn maan m yãadmẽ wã yĩnga,
yãnd wʋsg n yõk maam.’”+
20 A Zeova yeelame: “A Efrayim pa mam bi-nongr sẽn ta m yam sɩda?+
Bala mam sã n zab-a fãa, mam le tẽegda a yelle.
Yaa rẽ yĩng la m sẽn zoet a nimbãanegã.+
Sɩd-sɩda, mam na n kʋm-a lame.”+
21 “Ning-y bãn sorã zug y mens yĩnga,
la y lugl bãn sẽn wilgd sore.+
Ges-y so-kãsengã neere, sor ning yãmb sẽn segd n tũ wã.+
Foom a Israyɛll pa-kuili, lebg n leb tẽns nins sẽn yaa fo rẽndã pʋsẽ.
22 Foom a bi-pugl sẽn pa maand sɩda, fo na n kell n maana sãmbs tɩ ta dabʋre?
Bala a Zeova naana bõn-paal tẽngã zugu:
Pag na n pʋga rao ne a sũur fãa.”
23 Ad Israyɛll Wẽnnaam a Zeova sẽn yaa tãb-biis naabã sẽn yeele: “Mam sã n wa tall b yembsã n lebg n wa, b na n le yeela Zida soolmẽ wã la a tẽnsã pʋsẽ yaa: ‘Foom a tɩrlem zĩiga,+ foom a tãn-sõngo,+ bɩ a Zeova ning foo barka.’ 24 Zida soolmã pʋgẽ la a tẽnsã fãa pʋsẽ, ka-koaadbã ne sẽn gũud-b rũmsã fãa na n zĩnda ne taaba.+ 25 Bala mam na n kõo neb nins sẽn ya wã bũmb fãa tɩ seke, la m keng neb* nins fãa pãng sẽn boogã raoodo.”+
26 Rẽ la mam nek n puk m ninã. Mam gõeemã yɩ-m-la noogo.
27 A Zeova yeelame yaa: “Gese! Wakat n wat tɩ mam na n kɩt tɩ Israyɛll ne Zida nebã fɩɩge. Mam na n kɩtame me tɩ b rũmsã lebg wʋsgo.”+
28 “Mam sẽn ges-b sẽn na yɩl n võ, n tus n lubi, n wã, n sãam la m maan wẽng+ to-to wã, mam na n ges-b-la woto, sẽn na yɩl n me la m sele.”+ Yaa a Zeova n yeele. 29 “Wakat kãnga, b pa na n le yeel tɩ ‘yaa ba-rãmbã n dɩ viyn biis sẽn yaa miisga, tɩ kambã yẽn deeg n zãab’+ ye. 30 La ned kam fãa na n kii a meng kongr yĩnga. Ned ning sẽn dɩt viyn biis sẽn yaa miisga, yaa yẽ mengã yẽn n na n zãabe.”
31 A Zeova yeelame yaa: “Ade! Wakat n wat tɩ mam na n maan kaool-paalg ne Israyɛll la Zida nebã.+ 32 Pa na n yɩ wa kaool ning mam sẽn da maan ne b yaab-rãmbã, daar ning mam sẽn gãd b nug n tall-b n yi Ezɩpt soolmẽ wã,+ rat n yeel tɩ ‘mam kaoolã b sẽn sãame,+ baa mam sẽn da yaa b zu-soab hakɩɩkã* ye.’ Yaa a Zeova n yeele.”
33 “Bala ad kaool ning mam sẽn na n maan ne Israyɛll nebã wakat kãng loogr poorã.” Yaa a Zeova n yeele. “Mam na n ninga m tõogã b pʋsẽ.+ M na n gʋls-a-la b sũyẽ wã.+ Mam na n lebga b Wẽnnaam, tɩ bãmb lebg mam nin-buiidu.”+
34 “La b ned baa a ye pa na n le zãms a to wall a ba-biig n yeel t’a ‘bao n bãng a Zeova’+ ye. Bala b fãa na n bãnga maam, sẽn sɩng ne sẽn yaa-a bilf n yɩɩd bãmb sʋkã, n tãag sẽn yaa-a kãseng n yɩɩdã.”+ Yaa a Zeova n yeele. “Bala m na n kõo b kongrã sugri. M pa na n le tẽeg b yel-wẽndã yell ye.”+
35 Ad a Zeova sẽn yeele,
soab ning sẽn kõ wĩntoogã sẽn na yɩl t’a vẽneg wĩndga,
sẽn lugl noy kiuugã la ãdsã yĩng sẽn na yɩl tɩ b vẽneg yʋngo,
soab ning sẽn zẽkd mogrã n dãmbd a ko-pɛmã,
soab ning yʋʋr sẽn yaa tãb-biis naab a Zeova wã sẽn yeele:+
36 “‘No-kãensã sẽn pa tol n tõe n toeemã,
a Israyɛll yagensã me na n yɩɩ buud mam taoor wakat fãa.’+ Yaa a Zeova n yeele.”
37 Ad a Zeova sẽn yeele: “‘Ned sã n wa tõog n mak saasã la a vaees tẽngã yẽbgre, yaa rẽ poor bal la mam na n daag a Israyɛll yagensã fãa n base, bũmb nins fãa b sẽn maanã yĩnga.’ Yaa a Zeova n yeele.”+
38 “Wakat n wat tɩ b na n me tẽngã+ a Zeova yĩnga, sẽn sɩng ne Hananɛll gasgã+ n tãag Gõdrã zĩigẽ rignoorã.”+ Yaa a Zeova n yeele. 39 “B na n tẽega wĩirã b sẽn tar n magdã+ tɩrg n ta Garɛɛb kunkubrã, la b gõdg n tees Gowa. 40 Rũm-kɩɩmsã* la tompɛglmã* longã* tõre, n paas pʋtã fãa hal n tãag Sedrõ longã,+ hal n tãag Wed-moosã rignoorã+ gõdrã sẽn tees yaangã na n yɩɩ bũmb sẽn yaa sõng a Zeova nifẽ.+ B pa na n le võog-a wall b tus-a n lub ye.”
32 Zida rĩm a Sedesiyaas naamã yʋʋm piig soabã sẽn yaa a Nebukadnezaar* naamã yʋʋm piig la a nii-n-soabã, a Zeova goma ne a Zeremi.+ 2 Wakat kãng tɩ Babilon rĩmã tãb-biisã ra gũbga Zerizalɛm n na n zabe. Rẽ tɩ b yõka no-rɛɛs a Zeremi n pag Gũudbã samandẽ,+ Zida rĩmã zakẽ.* 3 Bala Zida rĩm a Sedesiyaas ra yõk-a lame n page,+ n yeele: “Bõe yĩng tɩ fo togsd bãngr-goam a woto? Fo yeelame: ‘Ad a Zeova sẽn yeele: “Mam na n dɩka tẽn-kãngã n ning Babilon rĩmã nugẽ. A na n deeg-a lame.+ 4 Zida rĩm a Sedesiyaas pa na n põs Kalde nebã nusẽ ye. Sãmbg sẽn kae, b na n dɩk-a lame n ning Babilon rĩmã nugẽ. A na n goma ne-a neng ne nenga, la a yã a mengã.”’+ 5 ‘A na n talla a Sedesiyaas n kẽng Babilonne, t’a pa be n tãag m sẽn na n tẽeg a yelle.’ Yaa a Zeova n yeele. ‘Baa yãmb sẽn ket n zabd ne Kalde nebã, yãmb pa na n tõog ye.’”+
6 A Zeremi yeelame: “A Zeova goma ne maam n yeele: 7 ‘Fo ba wã ba-biig a Salum biig a Hanameyɛll na n waa fo nengẽ n yeele: “Ra mam pʋʋgã sẽn be Anatotã,+ bala foo n tar sor n na n deng n da-a.”’”*+
8 A Hanameyɛll sẽn yaa mam ba wã ba-biig biigã waa mam nengẽ Gũudbã samandẽ, wa a Zeova sẽn da yeelã, n yeel maam yaa: “M bõos tɩ f ra mam pʋʋgã sẽn be Anatote, Bẽnzame soolmẽ wã, bala foo n tar sor n na n deeg-a n sooge, la f ra-a.* Woto wã, bɩ f ra-a.” Yaa rẽ la mam bãng tɩ sɩd yaa a Zeova gomde.
9 Dẽ, mam daa pʋʋgã sẽn be Anatotã mam ba wã ba-biigã biig a Hanameyɛll nengẽ. Mam maka ligdã+ n na n kõ-a. Yɩɩ sɩkl* a yopoe, ne wanzuri ligd-koeems piiga. 10 Mam gʋlsa rẽ raabã sebr zug+ n ning bãnde, la m bool kaset rãmba.+ Mam maka ligdã zɩslem makdg zugu. 11 Mam dɩka raabã sɛbã, soab ning m sẽn ning bãnd wa sẽn zems tõogã la noyã sẽn wilgã, n paas m sẽn bas a soab n pa ning bãndã. 12 Mam dɩka raabã sebr n kõ a Maseya biig a Neriya+ biig a Baruki,+ mam ba wã ba-biigã biig a Hanameyɛll taoore, kaset rãmb nins sẽn gʋls raabã sebrã pʋgẽ wã, la Zʋɩf-rãmb nins fãa sẽn da zĩ Gũudbã samandẽ+ wã taoore.
13 Mam yeela a Baruk b taoor yaa: 14 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Reeg raabã seb-kãensã, sẽn ning-a bãndã la sẽn pa ning-a bãndã, n sagl tãnd laok pʋgẽ, sẽn na yɩl tɩ b tõog n kaoos wʋsgo.’ 15 Bala ad Israyɛll Wẽnnaam a Zeova sẽn yaa tãb-biis naabã sẽn yeele: ‘B na n le raa roto, pʋt la viyn pʋt soolem-kãngã pʋgẽ.’”+
16 Mam sẽn kõ a Neriya biig a Baruk raabã sebrã poore, mam pʋʋsa a Zeova n yeele: 17 “Kayto! Zu-soab sẽn ka to a Zeova, yaa ne yãmb pãn-kãsengã,+ la ne y kangã sẽn tar pãngã maasem la y maan saasã la tẽngã. Bũmb kae n yaa kãseng ne yãmb 18 sẽn yaa soab ning sẽn maand neb tusa neere, la sẽn sɩbgd kamb b ba-rãmb kongr yĩngã ye.+ Yãmb n yaa Wẽnnaam sɩd-sɩdã, Wẽnnaam sẽn yaa kãseng la sẽn yaa pãn-kãseng soabã, soab ning yʋʋr sẽn yaa tãb-biis naab a Zeova wã. 19 Yãmb raabã* yaa kãsenga. Yãmb tʋmda ne pãnga.+ Yãmb ninã geta ninsaalbã fãa manesem,+ sẽn na yɩl n keo ned kam fãa wa sẽn zems a manesem, la wa sẽn zems a sẽn maande.+ 20 Yãmb maana bõn-bãn ne yel-soalem Ezɩpt soolmẽ wã, tɩ nebã mi rẽ hal n tãag rũndã. Rẽ kɩtame tɩ yãmb yʋʋrã yi Israyɛlle, la ninsaalbã fãa sʋka,+ wa sẽn yaa to-to rũndã-rũndã wã. 21 Yãmb tũnuga ne bõn-bãna, yel-soalma, nug sẽn tar pãnga, kang sẽn tar pãnga, la ne tʋʋm-kãsems sẽn kẽesd rabeem, n yiis Israyɛll nebã sẽn yaa yãmb nin-buiidã Ezɩpt soolmẽ wã.+
22 “Yãmb wa n kõ-b-la soolem-kãngã yãmb sẽn da wẽen tɩ y na n kõo b yaab-rãmbã.+ Yaa tẽng sẽn pid ne bĩisim la sɩɩdo.+ 23 B kẽe a pʋgẽ n soog-a, la b pa sak yãmb koɛɛgã, wall b tũ yãmb tõogã ye. B pa maan bũmb nins yãmb sẽn yeel tɩ b maanã baa a yembr ye. Yaa rẽ yĩng la yãmb sẽn kɩt tɩ yel-be-kãensã fãa paam-bã.+ 24 Ade! Neb n wa n zam tãnd n gũbg tẽngã n na n deeg-a.+ Zabrã,+ komã la ba-loangdgã*+ yĩnga, tẽngã na n lʋɩɩ Kalde nebã sẽn zabd ne-a wã nusẽ. Yãmb sẽn yeel bũmb ninsã fãa pidsame, wa yãmb sẽn ne masã wã. 25 Zu-soab sẽn ka to a Zeova, baa sẽn yaa vẽeneg tɩ Kalde nebã na n deega tẽngã, yãmb yeela maam yaa: ‘Ra pʋʋgã ne ligdi, la f bool kaset rãmba.’”
26 Rẽ la a Zeova yeel a Zeremi yaa: 27 “Mam yaa a Zeova sẽn yaa ninsaalbã fãa* Wẽnnaamã. Bũmb beeme n yaa kãseng wʋsg ne maam sɩda? 28 Woto wã, ad a Zeova sẽn yeele: ‘Mam na n dɩka tẽn-kãngã n ning Kalde nebã nusẽ, la Babilon rĩm a Nebukadnezaar* nugẽ. A na n deeg-a lame.+ 29 Kalde nebã sẽn zabd ne tẽn-kãnga wã na n kẽe a pʋgẽ n ning-a bugum. B na n yõoga tẽngã+ ne rot nins zut nebã sẽn maan maand n kõ a Baalle, la b kɩrg divẽ kũun n kõ wẽnnaam-dãmb a taab sẽn na yɩl tɩ mam sũurã yikã.’+
30 “‘Yaa sẽn yaa wẽng mam nifẽ bal la Israyɛll ne Zida nebã maand hal b yãadmẽ.+ Israyɛll nebã ket n yikda mam sũurã ne b nusã tʋʋma.’ Yaa a Zeova n yeele. 31 ‘Sã n yaa ne tẽn-kãngã, b sẽn me-a wã tɛk n tãag rũndã, a yaa bũmb sẽn wat ne mam sũ-yikr la m sũ-puugr bala.+ Rẽ n so tɩ b segd n menes-a mam taoore,+ 32 wẽng ning fãa Israyɛll ne Zida nebã sẽn maan n yik mam sũurã yĩnga. Yaa bãmba, b rĩm-dãmbã,+ b nanambsã,+ b maan-kʋʋdbã, b no-rɛɛsdbã,+ la Zida ne Zerizalɛm nebã. 33 Wakat fãa, b ra wẽnemdeda b kãy n teesd maam lakae, pa b nensã ye.+ Baa mam sẽn mak n na n zãms-b naoor wʋsgã,* b baa a ye pa kelg sẽn na yɩl n paam kiblg ye.+ 34 B ninga b bõn-naandsã sẽn yaa bõn-yoodã roog ning zug mam yʋʋrã sẽn be wã pʋgẽ, sẽn na yɩl n dẽgm-a.+ 35 Sẽn paase, b mee a Baal zĩ-zãntsã a Hinom bi-riblã longẽ* wã,+ sẽn na yɩl n dɩkd b kom-dibli wã la b kom-pugli wã n yõogd bugum n kõt a Molɛke.+ Mam pa yeel-b tɩ b maan woto ye.+ Mam zɩ n tags m sũurẽ* n na n kos-b tɩ b maan bũmb sẽn yaa wẽng a woto, n kɩt tɩ Zida nebã maan yel-wẽnd ye.’
36 “Woto wã, ad Israyɛll Wẽnnaam a Zeova sẽn yeel tẽn-kãngã wɛɛngẽ, tẽng ning yãmb sẽn yeel tɩ b na n tũnuga ne zabre, kom la bã-loangdg n kɩt tɩ Babilon rĩmã soogã: 37 ‘Mam na n tigm-b-la soolem nins fãa pʋsẽ mam sẽn sãeeg-b m sũ-pu-kãsengã la m sũ-kãbrã sẽn yaa wʋsgã pʋgẽ wã.+ Mam na n tall-b lame n lebg n wa zĩ-kãngã, n kɩt tɩ b zĩnd bãane.+ 38 B na n yɩɩ mam nin-buiidu, tɩ mam yɩ b Wẽnnaam.+ 39 Mam na n kõ-b-la sũur a yembr+ la m kɩt tɩ b tũ so-yɛnga, sẽn na yɩl tɩ b zoe maam wakat fãa, bãmb mensã neer yĩnga, la b kambã sẽn na n pʋgl bãmbã neer yĩnga.+ 40 M na n maana kaool sẽn paad wakat fãa ne-ba,+ kaool sẽn wilgd tɩ m na n maand-b-la neer n pa basdẽ ye.+ Mam na n ninga wẽn-zoeer b sũyẽ wã, sẽn na yɩl tɩ b ra wa bas maam ye.+ 41 Mam na n maana sũ-noog b yĩng la m maan-b neere.+ Mam na n lugl-b-la kãn-kãe soolem-kãngã pʋgẽ+ ne m sũur fãa, la ne m sɩɩgã* fãa.’”
42 “Bala ad a Zeova sẽn yeele: ‘Mam na n kõo nin-kãensã bõn-sõma* nins fãa mam sẽn pʋlemd-bã, wa mam sẽn kɩt tɩ yel-be-kãensã fãa sẽn yaa kãsemsã wa b zutã.+ 43 Nebã na n le raa pʋt soolem-kãngã pʋgẽ,+ baa yãmb sẽn yete: “Yaa zĩ-vɩʋʋgo, tɩ ned la rũng pa be a pʋgẽ ye. B ning-a-la Kalde nebã nusẽ.”’
44 “‘B na n daa pʋt ne ligdi, n gʋls raab sɛb n ning bãnde, la b bool kaset rãmb Bẽnzame soolmẽ wã,+ Zerizalɛm tẽn-kɩremsẽ wã, Zida tẽnsẽ wã,+ tẽns nins sẽn be soolmã zĩig ning sẽn yaa tãensã, tẽns nins sẽn be tẽn-nabrẽ wã+ la goabg tẽnsẽ wã, bala mam na n talla b neb nins sẽn yaa yembsã n lebg n wa.’+ Yaa a Zeova n yeele.”
33 A Zeova goma ne a Zeremi naoor a yiib-n-soaba. Rẽ tɩ b ket n pag-a-la Gũudbã samandẽ.+ A yeelame: 2 “A Zeova sẽn yaa tẽngã Naandã, a Zeova sẽn yaa soab ning sẽn maan tẽngã la a lugl-a kãn-kãe wã, soab ning yʋʋr sẽn yaa a Zeova wã yeelame: 3 ‘Bool maam tɩ m na n leok-f lame. M na n yɩɩ tao-tao n togs-f bõn-kãsems f sẽn pa mi, la võor wʋmb sẽn yaa toogo.’”+
4 “Ad Israyɛll Wẽnnaam a Zeova sẽn yeel tẽn-kãngã rotã la Zida rĩm-dãmbã rot wɛɛngẽ, rot nins b sẽn tus n lub n na n kogl b mens b sẽn gũbg-bã la zabrã yĩngã wɛɛngẽ,+ 5 la neb nins sẽn wat n na n zab ne Kalde nebã wɛɛngẽ. Yaa neb nins sẽn pids zĩ-kãensã ne kũ-rãmb sẽn yaa neb mam sẽn kʋ m sũ-puugrã la m sũ-yikrã pʋgẽ wã, neb nins wẽnem sẽn kɩt tɩ mam solg m neng ne tẽn-kãnga wã: 6 ‘Mam na n sãoog-a lame n kɩt t’a le paam laafɩ.+ Mam na n sãooga nin-buiidã, la m kõ-b bãan la sɩd wʋsgo.+ 7 Mam na n talla Zida la Israyɛll neb nins sẽn be yembdã n lebg n wa.+ Mam na n le kõ-b-la pãng wa sɩngrẽ wã.+ 8 Mam na n yɩlg-b lame n yiis yel-wẽn nins b sẽn maan n beeg maamã taalã fãa.+ Mam na n kõ-b-la sugr tɩ b ra le tall taale, yel-wẽnã la beegr nins fãa b sẽn maan n beeg maamã yĩng ye.+ 9 Tẽn-kãngã yʋʋrã na n kɩtame tɩ m maan sũ-noogo. A na n kɩtame tɩ dũniyã neb nins fãa sẽn na n wʋm bõn-sõma nins fãa mam sẽn kõ-a wã+ pẽg maam la b kõ-m ziiri. B na n yɛɛsame la b rig rabeem,+ bõn-sõma nins mam sẽn na n kõ-a wã, la bãan ning mam sẽn na n kõ-a wã yĩnga.’”+
10 “Ad a Zeova sẽn yeele: ‘Zĩ-kãngã yãmb sẽn na n yeel t’a yaa zĩ-vɩʋʋgo, tɩ ned wall yir dũng pa be a pʋgẽ wã, rat n yeel tɩ Zida tẽnsã la Zerizalɛm soayã sẽn yaa vɩɩd tɩ ned wall yir dũng pa le be be wã pʋgẽ, b na n le wʋma 11 kɩdeng la sũ-noog rãamde,+ pʋg-paal ne pʋg-paal sɩd koɛɛga, la b wʋm neb nins sẽn yete: “Pʋʋs-y-yã a Zeova sẽn yaa tãb-biis naabã barka, bala a Zeova yaa sõma.+ A maan-neerã paada wakat fãa!”’+
“‘B na n talla bark pʋʋsg maand n wa a Zeova roogẽ wã,+ bala mam na n talla soolmã neb nins sẽn be yembdã n lebg n wa wa sɩngrẽ wã.’ Yaa a Zeova n yeele.”
12 “Ad a Zeova sẽn yaa tãb-biis naabã sẽn yeele: ‘Zĩ-kãngã sẽn yaa vɩʋʋg tɩ ned wal yir dũng pa be a pʋgẽ wã, la a tẽnsã fãa pʋsẽ, rũms wãbneg zĩis na n le zĩndame tɩ rũm-kɩɩmbã tõe n kɩt tɩ b rũmsã gãand be n vʋʋse.’+
13 “‘Tẽns nins sẽn be soolmã zĩig ning sẽn yaa tãensã, tẽns nins sẽn be tẽn-nabrẽ wã, goabg tẽnsẽ wã, Bẽnzame soolmẽ wã, Zerizalɛm tẽn-kɩremsẽ wã,+ la Zida tẽnsẽ wã,+ rũm-kɩɩmbã na n le paam n sõda b rũmsã yɛsa.’ Yaa a Zeova n yeele.”
14 “‘Wakat n wate, tɩ mam na n pids pʋlem-nood nins mam sẽn pʋlem Israyɛll ne Zida nebã wɛɛngẽ wã.’ Yaa a Zeova n yeele.+ 15 ‘Wakat kãnga, mam na n kɩtame tɩ yageng* sẽn yaa tɩrg yi a Davɩɩd pendẽ wã.+ A na n kaoo bʋʋd ne tɩrlem, la a maand sẽn yaa tɩrg soolmã pʋgẽ.+ 16 Wakat kãnga, Zida na n paama fãagre,+ tɩ Zerizalɛm zĩnd bãane.+ Ad b sẽn na n boond tẽngã ne yʋʋr ninga: A Zeova yaa tõnd tɩrlem.’”+
17 “Ad a Zeova sẽn yeele: ‘B pa na n tol n kong a Davɩɩd pendã ned sẽn na n zĩnd Israyɛll naam geerã zug ye.+ 18 Maan-kʋʋdbã sẽn yaa Levi buudã nebã me pa na n tol n kong ned sẽn na n yals mam taoor n kõ maand sẽn yõogd bugum, n yõog kood biis kũuni, la a kõ maand ye.’”
19 A Zeova le goma ne a Zeremi n yeele: 20 “Ad a Zeova sẽn yeele: ‘Yãmb sã n tõog n sãam kaool ning mam sẽn maan wĩndgã wɛɛngẽ, la kaool ning mam sẽn maan yʋngã wɛɛngẽ wã, n gɩdg wĩndg la yʋng tɩ b pa wa b wakate,+ 21 yaa rẽ poor bal la kaool ning mam sẽn maan ne m tʋm-tʋmd a Davɩɩdã na n tõog n sãame,+ t’a pa le paam yageng sẽn na n zĩnd a geerã zug n yɩ rĩm n dɩ naam ye.+ Yaa woto me ne kaool ning mam sẽn maan ne maan-kʋʋdbã sẽn yaa Levi buudã nebã sẽn yaa mam tʋm-tʋmdbã.+ 22 Mam na n kɩtame tɩ m tʋm-tʋmd a Davɩɩd yagensã, ne Levi buudã neb sẽn tʋmd mam tʋʋmã lebg wʋsg wa saasẽ ãdsã* sẽn pa tõe n sõd n sa wã, la wa mogrã bĩisr sẽn pa tõe n makã.’”
23 A Zeova le goma ne a Zeremi n yeele: 24 “Fo pa wʋmd nin-kãensã sẽn yet t’a ‘Zeova na n daaga buud a yiibã a sẽn yãkã n basã’ sɩda? Sẽn paase, b paoogda mam nin-buiidã, n pa le get-b wa buud ye.
25 “Ad a Zeova sẽn yeele: ‘Mam sẽn lugl kaool ning mam sẽn maan wĩndgã la yʋngã wɛɛngẽ kãn-kãe to-to wã,+ la m lugl noy kãn-kãe saasã la tẽngã yĩngã,+ 26 woto me, mam pa na n tol n bas a Zakoob yagensã la m tʋm-tʋmd a Davɩɩde, n pa yãk a yageng t’a rɩ naam a Abrahaam, a Izaak ne a Zakoob yagensã zut ye. Bala mam na n tigma b neb nins sẽn yaa yembsã n tall n wa,+ la m zoe b nimbãanega.’”+
34 A Zeova goma ne a Zeremi, wakat ning Babilon rĩm a Nebukadnezaar* ne a tãb-biisã fãa, tẽngã soolem nins fãa a sẽn so wã la buud toɛy-toɛyã fãa sẽn wa n zabd ne Zerizalɛm la tẽns nins fãa a sẽn so wã,+ n yeele:
2 “Ad Israyɛll Wẽnnaam a Zeova sẽn yeele: ‘Kẽng n tɩ gom ne Zida rĩm a Sedesiyaas+ n yeel-a yaa: “Ad a Zeova sẽn yeele: ‘Mam na n dɩka tẽn-kãngã n ning Babilon rĩmã nugẽ. A na n yõog-a-la bugum.+ 3 Fo pa na n tõog n põs-a ye. Bala sãmbg sẽn kae, b na n yõka foo n ning a nugẽ.+ Fo na n yãa Babilon rĩmã mengã, t’a gom ne foo neng ne nenga. Fo na n kẽnga Babilonne.’+ 4 Foom a Zida rĩm a Sedesiyaase, kelg a Zeova goamã: ‘Ad a Zeova sẽn gom fo yell n yeele: “B pa na n kʋ foo ne sʋʋg ye. 5 Fo na n kii ne bãane.+ B na n yõoga wisd fo mumbã wakat wa b sẽn maan to-to ne f yaab-rãmbã, rĩm-dãmb nins sẽn deng foomã. B na n yãba fo kʋʋr n yeele: ‘Kayto! M zu-soaba!’ Bala ‘yaa woto la mam yeel-yã.’ Yaa a Zeova n yeele.”’”’”
6 Dẽ, no-rɛɛs a Zeremi taasa Zida rĩm a Sedesiyaas gom-kãensã fãa Zerizalɛm, 7 Babilon rĩmã tãb-biisã sẽn wa n zabd ne Zerizalɛm la ne Zida tẽns nins fãa sẽn da ketã,+ rat n yeel tɩ Lakiis+ la Azeka+ wã. Bala Zida tẽns nins sẽn da gũbg ne lalsã sʋka, yaa tẽn-kãens bal n da kete.
8 A Zeova goma ne a Zeremi, rĩm a Sedesiyaas sẽn maan kaool ne Zerizalɛm nebã fãa wã poore. A maana kaool ne-ba, tɩ b na n moon lohorem b fãa yĩnga,+ 9 n wilg tɩ ned kam fãa segd n basa a yembs nins sẽn yaa Ebre-rãmbã, pagb la rapa, sẽn na yɩl tɩ ned ra le soog a Zʋɩf-taag t’a yɩ a yamb ye. 10 Nanambsã fãa la nin-buiidã fãa sakame. B saka kaoolã sẽn wilg tɩ ned kam fãa segd n basa a yem-daad la a yem-pogse, n da le soog-b tɩ b yɩ a yembs yɛsã. B sakame n bas-b tɩ b looge. 11 La kaoosg zugẽ, b tɩ talla b yem-daadã la b yem-pogsã b sẽn da basã n wa. B le modg-b lame n kẽes yembdo. 12 Dẽ, a Zeova goma ne a Zeremi. A Zeova yeelame:
13 “Ad Israyɛll Wẽnnaam a Zeova sẽn yeele: ‘Mam maana kaool ne yãmb yaab-rãmbã+ daar ning mam sẽn yiis-b Ezɩpt soolmẽ wã, tẽng ning pʋgẽ b sẽn da yaa yembsã,+ n yeele: 14 “Yʋʋm a yopoe fãa baasgẽ, yãmb ned kam fãa segd n basa a saam-biig sẽn yaa Ebre b sẽn koos ne-a, la sẽn tʋm n kõ-a yʋʋm a yoobe. Yãmb segd n bas-a lame t’a looge.”+ La yãmb yaab-rãmbã pa kelg ye. B pa kɩll b tʋb n kelg maam ye. 15 Sẽn nan pa kaoose,* yãmb toeema yam n maan sẽn yaa tɩrg mam nifẽ. Yãmb moona lohorem y Zʋɩf-taasã yĩnga, la y maan kaool mam taoore, roog ning zug mam yʋʋrã sẽn be wã pʋgẽ. 16 La yãmb le wa n toeema yam n sãam mam yʋʋrã,+ n tɩ tall y yem-daadã la y yem-pogsã yãmb sẽn da bas tɩ b kẽng b sẽn datẽ wã n wa. Yãmb le modg-b lame n kẽes yembdo.’
17 “Woto wã, ad a Zeova sẽn yeele: ‘Yãmb pa sak maam n moon lohorem, tɩ ned kam fãa bas a saam-biig la a Zʋɩf-taag t’a loog ye.+ Woto yĩnga, mam na n moona lohorem yãmb yĩnga, m na n kõ-y-la lohorem tɩ zabr la bã-loangdg* ne kom kʋ-yã.’+ Yaa a Zeova n yeele. ‘Mam na n kɩtame tɩ y lebg bũmb sẽn kẽesd rabeem tẽngã soolem toɛy-toɛyã fãa nifẽ.+ 18 Ad bũmb ning sẽn na n paam neb nins sẽn kɩɩs mam kaoolã, n pa tũ kaool ning b sẽn maan mam taoorã goamã. Yaa kaool ning b sẽn maan b sẽn wa n pasg nag-bilã zĩis a yiibu, n tũ boag a yiibã sʋk+ n loogã, 19 rat n yeel tɩ Zida la Zerizalɛm nanambsã, na-yirã tʋm-tʋmdbã, maan-kʋʋdbã la soolmã nebã fãa sẽn tũ nag-bilã boag a yiibã sʋk n loogã: 20 Mam na n dɩk-b lame n ning b bɛɛbã nusẽ, la neb nins sẽn baood n yãk b yõyã* nusẽ. B kũ-rãmbã na n yɩɩ bõn-yɩgdɩ wã sẽn yɩgd yĩngrã ne tẽngã we-rũmsã rɩɩbo.+ 21 Mam na n dɩka Zida rĩm a Sedesiyaas ne a nanambsã n ning b bɛɛbã nusẽ, neb nins sẽn baood n yãk b yõyã* nusẽ, la Babilon rĩmã tãb-biisã sẽn bas yãmb n lebg n loogdẽ wã nusẽ.’+
22 “A Zeova yeelame: ‘Mam na n yiisa noor n kɩt tɩ b lebg n wa tẽn-kãngã. B na n zaba ne-a n deege, n yõog-a bugum.+ Mam na n kɩtame tɩ Zida tẽnsã lebg zĩ-vɩɩd tɩ ned pa le be b pʋsẽ ye.’”+
35 A Zeova goma ne a Zeremi, a Zoziyas biig a Zowakim+ sẽn yaa Zida rĩmã wakatẽ, n yeele: 2 “Kẽng Rekaab buudã neb+ nengẽ n tɩ gom ne-ba, n tall-b n wa a Zeova roogẽ wã, rɩɩbã roog* a yembr pʋgẽ. B sã n ta be bɩ f kãab-b divẽ.”
3 Dẽ, mam peega a Habaziniya biig a Zeremi biig a Yaazaniya ne a ba-biisã, a kambã fãa, la Rekaab buudã tõre, 4 n kẽng a Zeova roogẽ wã. Mam tall-b lame n tɩ kẽ a Igdaliya biig a Hanan sẽn yaa Wẽnnaam daoã kambã rɩɩb roogẽ. Yaa roog ning sẽn da pẽ nanambsã rɩɩbã roog sẽn be rigno-gũud a Salum biig a Maaseya rɩɩbã roog zugẽ wã. 5 Rẽ poore, mam dɩgla wũmbli la ko-tees sẽn pid ne divẽ Rekaab buudã neb taoore, n yeel-b yaa: “Yũ-y divẽ wã.”
6 La b yeelame: “Tõnd pa na n yũ divẽ ye. Bala tõnd yaab a Zonadaab*+ sẽn yaa a Rekaab biigã yeela tõnd yaa: ‘Yãmb ne y kambã fãa pa segd n yũ divẽ a bada. 7 Yãmb pa segd me n me roto, n bʋd bõn-buudu, n sel viyn tɩɩse, wall y tall viyn pʋt ye. Yãmb segd n zĩnda fu-rot pʋsẽ wakat fãa, sẽn na yɩl n vɩɩmd n kaoos soolem ning pʋgẽ yãmb sẽn be n yaa sãambã.’ 8 Tõnd ket n sakda d yaab a Rekaab biig a Zonadaab sẽn yeel tõnd bũmb ninsã fãa, n pa tol n yũud divẽ ye. Yaa tõnd ne d pagbã la d kom-dibli wã ne d kom-pugli wã. 9 Sẽn paase, tõnd pa met rot n na n zĩnd b pʋsẽ, d pa tar viyn pʋto, pʋt wall bõn-buud ye. 10 Tõnd bee fu-rot pʋsẽ, la d sakd bũmb nins fãa tõnd yaab a Zonadaab* sẽn yeel tõndã. 11 La Babilon rĩm a Nebukadnezaar* sẽn wa n na n zab ne soolmã,+ tõnd yeelame yaa: ‘Wa-y tɩ d kẽ Zerizalɛm, sẽn na yɩl n põs Kalde la Siiri tãb-biisã. Rẽ tɛkã, tõnd bee Zerizalɛm.’”
12 Dẽ, a Zeova goma ne a Zeremi n yeele: 13 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Kẽng n tɩ yeel Zida la Zerizalɛm nebã yaa: “B pa sagend yãmb wakat fãa tɩ y sak mam goamã sɩda?”+ Yaa a Zeova n yeele. 14 “A Rekaab biig a Zonadaab yeela a yagensã tɩ b ra yũ divẽ ye. B tũu a goamã n pa yũ divẽ hal n tãag rũndã, sẽn na yɩl n sak b yaabã noorã.+ La mam goma ne yãmb n yɩlme,* la yãmb pa sak maam ye.+ 15 Mam da tʋmda no-rɛɛsdbã sẽn yaa m tʋm-tʋmdbã fãa yãmb nengẽ. M tʋm-b-la naoor wʋsg*+ n yeele: ‘M bõos tɩ y ned kam fãa bas a manesem-wẽnsã+ la a maan sẽn yaa tɩrga! Ra tũ-y wẽnnaam-dãmb a taaba, la y waoog-b ye. Rẽ la y na n kell n zĩnd soolem ning mam sẽn kõ yãmb ne y yaab-rãmbã pʋgẽ.’+ La yãmb pa kelg ye. Y pa kɩll y tʋb n kelg maam ye. 16 A Rekaab biig a Zonadaab yagensã tũu noor ning b yaabã sẽn kõ-bã,+ la nin-kãensã pa kelg maam ye.”’”
17 “Woto wã, ad Israyɛll Wẽnnaam a Zeova sẽn yaa tãb-biis Wẽnnaamã sẽn yeele: ‘Mam na n kɩtame tɩ yel-beed nins fãa poorẽ mam sẽn da keoog Zida la Zerizalɛm nebã wa b zutu.+ Bala mam da gomda ne-ba, la b ra pa kelgd ye. Mam da boond-b lame, la b ra pa sakd ye.’”+
18 A Zeremi yeela Rekaab buudã neb yaa: “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Yãmb sẽn sak y yaab a Zonadaab noorã yĩnga, n ket n tũud a noyã fãa n maand bũmb nins a sẽn yeel yãmbã kɛpɩ wã, 19 ad Israyɛll Wẽnnaam a Zeova sẽn yaa tãb-biis naabã sẽn yeele: “A Zonadaab* yagensã sʋka, b pa na n tol n kong ned sẽn na n tʋm mam taoor ye.”’”
36 A Zoziyas biig a Zowakim+ sẽn yaa Zida rĩmã naamã yʋʋm a naas-n-soabã pʋgẽ, a Zeova goma ne a Zeremi n yeele: 2 “Rɩk seb-pindem n gʋls goam nins fãa mam sẽn togs foom Israyɛll la Zida+ ne buud toɛy-toɛyã fãa+ wɛɛngẽ wã, sẽn sɩng ne pipi daarã mam sẽn gom ne foo a Zoziyas wakatẽ wã n tãag rũndã wã.+ 3 Tõe tɩ Zida buudã neb sã n wʋm yel-beed nins fãa mam sẽn magd n na n kɩt tɩ wa b zutã, bɩ b bas b manesem-wẽnsã, tɩ ma-me kõ-b sugr b kongrã la b yel-wẽndã yĩnga.”+
4 Dẽ, a Zeremi boola a Neriya biig a Baruki,+ n togs-a goam nins fãa a Zeova sẽn yeel yẽ wã, t’a Baruk gʋls seb-pindmã pʋgẽ.+ 5 A Zeremi yeela a Baruk yaa: “B paga maam tɩ m pa tõe n kẽng a Zeova roogẽ wã ye. 6 Woto wã, yaa foo n segd n kẽng n tɩ zẽk f koɛɛg n karem a Zeova goamã mam sẽn togs foom tɩ f gʋls seb-pindmã pʋgẽ wã. Kẽng no-loeer daar n tɩ karem tɩ neb nins sẽn be a Zeova roogẽ wã kelge. Woto, fo na n karmame tɩ Zida nebã fãa sẽn yi b tẽnsẽ wã n wa wã kelge. 7 Tõe tɩ b na n basa b manesem-wẽnsã, la b pʋʋs a Zeova n kos t’a zoe b nimbãanega, bala a Zeova yeelame t’a sũ-puugrã la a sũ-kãbrã ne nin-kãensa wã yaa kãsenga.”
8 Dẽ, a Neriya biig a Baruk maana bũmb nins fãa no-rɛɛs a Zeremi sẽn yeel-a wã. A zẽka a koɛɛg n karem a Zeova goamã sẽn be seb-pindmã* pʋgẽ wã, a Zeova roogẽ wã.+
9 A Zoziyas biig a Zowakim+ sẽn yaa Zida rĩmã naamã yʋʋm a nu soabã kiuug a wɛ soabã pʋgẽ, Zerizalɛm nebã fãa, la neb nins fãa sẽn yi Zida tẽnsẽ wã n wa Zerizalɛmmã moona no-loeer a Zeova taoore.+ 10 Dẽ, a Baruk zẽka a koɛɛg n karem a Zeremi goamã sẽn be seb-pindmã* pʋgẽ wã, a Zeova roogẽ wã tɩ nebã fãa kelge. Yɩɩ seb-gʋlsd a Safan biig+ a Gemariya+ roogẽ* wã sẽn be samand ning sẽn zãntẽ wã, a Zeova roogã rigno-paallã sɛɛga.+
11 A Safan biig a Gemariya biig a Mikaya sẽn wʋm a Zeova goamã b sẽn karem seb-pindmã* pʋgẽ wã, 12 a kẽnga rĩmã zakẽ,* seb-gʋlsdã roogẽ. Nanambsã* fãa ra zĩi be. Yaa seb-gʋlsd a Elisama,+ a Semaya biig a Delaya, a Akboor biig a Ɛlnatanne,+ a Safan biig a Gemariya, a Hananiya biig a Sedesiyaase, la nanambs a taabã fãa. 13 A Mikaya togs-b-la goam nins fãa a sẽn wʋme, a Baruk sẽn wa n karemd seb-pindmã* tɩ nebã kelgdẽ wã.
14 Dẽ, nanambsã fãa tʋma a Kuusi biig a Selemiya biig a Netaniya biig a Yehuudi a Baruk nengẽ, t’a tɩ yeel-a yaa: “Tall seb-pindem ning fo sẽn karem tɩ nebã kelgã n wa.” A Neriya biig a Baruk talla seb-pindmã n kẽng b nengẽ. 15 B yeel-a lame yaa: “D bõos tɩ f zĩnd n zẽk f koɛɛg n karem tɩ d kelge.” Dẽ, a Baruk karmame tɩ b kelge.
16 B sẽn wʋm gom-kãensã fãa wã, rabeem yõk-b lame tɩ b ges taaba, la b yeel a Baruk yaa: “Hakɩɩka, tõnd segd n togsa rĩmã gom-kãensã fãa.” 17 B soka a Baruk yaa: “D bõos tɩ f togs tõnd fo sẽn gʋls gom-kãensã fãa to-to wã. Yaa a Zeremi n da togsd foo tɩ f gʋlsdẽ bɩ?” 18 T’a Baruk leok-b yaa: “A togsa maam gom-kãensã fãa, tɩ mam gʋls-b ne gʋls-koom seb-pindmã* pʋgẽ.” 19 Nanambsã yeela a Baruk yaa: “Kẽng tɩ foo ne a Zeremi tɩ solge. Ra maan-y tɩ ned baa a ye bãng yãmb sẽn beẽ ye.”+
20 Dẽ, b kẽnga rĩmã nengẽ, samandẽ wã. La b rɩgla seb-pindmã seb-gʋlsd a Elisama roogẽ wã. B tɩ togsa rĩmã bũmb nins fãa b sẽn wʋmã.
21 Dẽ, rĩmã tʋma a Yehuudi+ t’a yi n tɩ rɩk seb-pindmã. A kẽnga seb-gʋlsd a Elisama roogẽ wã n tɩ rɩk-a n wa. A Yehuudi sɩnga seb-pindmã karengo, tɩ rĩmã ne nanambsã fãa sẽn yas rĩmã taoorã kelgdẽ. 22 Rẽ tɩ rĩmã ra zĩi waood wakat roogẽ wã, kiuug a wɛ soabã,* tɩ bũmb b sẽn yõgen bugum a pʋgẽ be a taoore. 23 A Yehuudi sã n da karem rulg a tãab bɩ a naas n sa, rĩmã wõrgda bab-kãng ne seb-gʋlsdã sʋʋgã n lob bugmã sẽn dɩtã pʋgẽ, hal tɩ seb-pindmã tõr wa rɩ bugmẽ wã zãnga. 24 Rĩmã ne a tʋm-tʋmdbã sẽn wʋm gom-kãensã fãa wã pa zoe rabeem ye. B ned baa a ye pa pãrg a fuug me ye. 25 Baa a Ɛlnatan+ ne a Delaya+ la a Gemariya+ sẽn yõk rĩmã sɛɛg t’a ra yõog seb-pindmã, a pa kelg-b ye. 26 Sẽn paase, rĩmã yeela a biig* a Yerameyɛll ne a Azriyɛll biig a Seraya la a Abdɛll biig a Selemiya tɩ b tɩ yõk seb-gʋlsd a Baruk ne no-rɛɛs a Zeremi, la a Zeova solg-b lame.+
27 Rĩmã sẽn yõog seb-pindem ning sẽn da tar goam nins a Zeremi sẽn togs a Baruk t’a gʋlsã poore, a Zeova le goma ne a Zeremi+ n yeele: 28 “Rɩk seb-pindem a to, n gʋls goam nins fãa sẽn da be pipi seb-pindmã pʋgẽ wã, seb-pindem ning Zida rĩm a Zowakim sẽn yõogã.+ 29 Sẽn paase, fo segd n yeela Zida rĩm a Zowakim yaa: ‘Ad a Zeova sẽn yeele: “Fo yõoga seb-pindmã la f yeele: ‘Bõe yĩng tɩ fo gʋls a pʋgẽ n yeele: “Sãmbg sẽn kae, Babilon rĩmã na n waame, n sãam soolem-kãngã la a yiis ninsaalbã la rũmsã a pʋgẽ”?’+ 30 Woto wã, ad a Zeova sẽn yeel Zida rĩm a Zowakim wɛɛngẽ: ‘A pa na n paam t’a ned zĩnd a Davɩɩd geerẽ wã ye.+ B na n basa a kũumã yɩng tɩ wĩntoogã pãb-a wĩndga, tɩ waoodã wʋm-a yʋngo.+ 31 Mam na n soka yẽ ne a kambã la a yagensã ne a tʋm-tʋmdbã b beegrã yĩnga. Mam na n kɩtame tɩ yel-beed nins fãa mam sẽn da yeel tɩ na n waa bãmb ne Zerizalɛm la Zida nebã zutã paam-ba,+ b sẽn pa kelg maamã yĩnga.’”’”+
32 Dẽ, a Zeremi rɩka seb-pindem a to n kõ a Neriya biig a Baruk sẽn yaa seb-gʋlsdã.+ A Zeremi togs-a-la goam nins fãa sẽn da be seb-pindem* ning Zida rĩm a Zowakim sẽn yõogã pʋgẽ wã, t’a gʋlse.+ B paasa goam wʋsg sẽn wõnd pipi rãmbã.
37 A Zoziyas biig a Sedesiyaas+ ledga a Zowakim biig a Koniya*+ n sɩng naam dɩɩbo, bala Babilon rĩm a Nebukadnezaar* kɩtame t’a lebg rĩm Zida soolmẽ wã.+ 2 La yẽ ne a tʋm-tʋmdbã la soolmã nin-buiid pa kelg a Zeova goamã no-rɛɛs a Zeremi sẽn taas-bã ye.
3 Rĩm a Sedesiyaas tʋma a Selemiya biig a Yehukall+ ne maan-kʋʋd a Maaseya biig a Sofoni+ no-rɛɛs a Zeremi nengẽ, tɩ b tɩ yeel yaa: “D bõos tɩ f pʋʋs tõnd Wẽnnaam a Zeova tõnd yĩnga.” 4 Rẽ t’a Zeremi ra kẽnda a yam nin-buiidã sʋka, bala b ra nan pa yõk-a n ning bãens roogẽ ye.+ 5 Wakat kãnga, a Farawõ tãb-biisã yii Ezɩpti,+ tɩ Kalde nebã sẽn da gũbg Zerizalɛm n na n zabã wʋme. Rẽ n so tɩ b loog n bas Zerizalɛm.+ 6 Dẽ, a Zeova goma ne no-rɛɛs a Zeremi n yeele: 7 “Ad Israyɛll Wẽnnaam a Zeova sẽn yeele: ‘Ad yãmb sẽn segd n tɩ togs Zida rĩmã sẽn tʋm yãmb tɩ y wa sok maamã bũmb ningã: “Na n wa yɩɩ tɩlɛ t’a Farawõ tãb-biisã sẽn wat n na n sõng yãmbã lebg n leb b soolmẽ wã, Ezɩpti.+ 8 La Kalde nebã na n lebg n wa zaba ne tẽn-kangã n deeg-a, la b yõog-a bugum.”+ 9 Ad a Zeova sẽn yeele: “Ra belg-y y mens* n yetẽ: ‘Sãmbg sẽn kae, Kalde nebã na n loog n basa tõnd’ ye. Bala b pa na n loog ye. 10 Baa yãmb sã n tõog n kʋ Kalde tãb-biisã fãa sẽn zabd ne yãmbã, tɩ yaa b neb nins sẽn poglã bal n kete, b na n yika b fu-rotẽ wã n yõog tẽn-kãngã bugum.”’”+
11 Kalde tãb-biisã sẽn wa n loog n bas Zerizalɛm a Farawõ tãb-biisã yĩngã,+ 12 a Zeremi yika Zerizalɛm n na n kẽng Bẽnzame soolmẽ wã,+ n tɩ reeg a pʋɩɩr a nebã sʋka. 13 La no-rɛɛs a Zeremi sẽn wa n ta Bẽnzame rignoorã, a Hananiya biig a Selemiya biig a Iriya sẽn yaa tãb-biis naab ning sẽn get gũudbã yellã yõk-a lame n yeele: “Fo rat n yiime n tɩ naag Kalde nebã!” 14 La a Zeremi yeelame yaa: “Pa sɩd ye! Mam pa rat n tɩ naag Kalde nebã ye.” La a Iriya pa kelg-a ye. A yõka a Zeremi n tɩ kõ nanambsã. 15 Nanambsã sũy yika wʋsg ne a Zeremi,+ tɩ b pãb-a la b pag-a+ seb-gʋlsd a Yehonatan roogã b sẽn maan tɩ lebg bãens roogã pʋgẽ. 16 B kẽesa a Zeremi bãensã roogẽ,* roog a ye sẽn yaa bok b sẽn tu pʋgẽ, t’a pa be rasem wʋsgo.
17 Rẽ poore, rĩm a Sedesiyaas tʋmame tɩ b tall-a n wa, t’a soos n sok-a a zakẽ wã*+ yaa: “A Zeova togsa foo gomd bɩ?” T’a Zeremi leok yaa: “N-ye!” La a paase: “B na n dɩka yãmb n ning Babilon rĩmã nugẽ!”+
18 Sẽn paase, a Zeremi soka rĩm a Sedesiyaas yaa: “Bõe la mam maan n beeg yãmb ne y tʋm-tʋmdbã la nin-buiidã, tɩ yãmb yõk maam n ning bãensã roogẽ? 19 Yãmb no-rɛɛsdbã sẽn da togs yãmb bãngr-goam n yeel tɩ ‘Babilon rĩmã pa na n wa zab ne yãmb la ne soolem-kãnga wã’ bee yɛ?+ 20 Masã, m dĩma, m bõos tɩ y kelge. M bõos tɩ y sak m kosgã. Ra lebs-y maam seb-gʋlsd a Yehonatan roogẽ wã ye.+ Sã n pa rẽ, m na n kii be.”+ 21 Dẽ, rĩm a Sedesiyaas kõo noor tɩ b pag a Zeremi Gũudbã samandẽ.+ Beoog sẽn vẽeg fãa, b ra tallda bur-gilg n yi bur-wẽedbã sor zug n wa kõ-a,+ hal tɩ tẽngã burã fãa wa sa.+ A Zeremi kell n paa Gũudbã samandẽ.
38 A Matã biig a Sefatiya, a Pasʋʋr biig a Gedaliya, a Selemiya biig a Yukalle,+ la a Malkiya biig a Pasʋʋr+ wʋma goam nins a Zeremi sẽn da togsd nin-buiidã fãa n yetẽ: 2 “Ad a Zeova sẽn yeele: ‘Zabr ne kom la bã-loangdg* n na n kʋ+ ned ning sẽn na n pa tẽn-kãngã pʋgẽ. La ned ning sẽn na n tɩ sak* Kalde nebã na n kell n vɩɩmdame. B na n kogla a vɩɩmã,* t’a kell n vɩɩmde.’+ 3 Ad a Zeova sẽn yeele: ‘Sãmbg sẽn kae, b na n ninga tẽn-kãngã Babilon rĩmã tãb-biisã nugẽ. Babilon rĩmã na n deeg-a lame.’”+
4 Nanambsã yeela rĩmã yaa: “Kɩt-y tɩ b kʋ ra-kãngã,+ bala yaa woto la a komsd sodaas nins sẽn ket tẽngã pʋgẽ wã raoodo,* la a komsd nebã fãa raoodo, a sẽn togsd-b gom-kãensã wã yĩnga. Bala ra-kãngã ratame tɩ yel-beed paam nin-buiidã lakae, pa b laafɩ la a rat ye.” 5 Rĩm a Sedesiyaas leokame yaa: “A bee yãmb nusẽ, bala maam a rĩmã pa tõe n maan baa fʋɩ n gɩdg yãmb ye.”
6 Dẽ, b talla a Zeremi n tɩ ning rĩmã biig* a Malkiya bulgẽ wã, sẽn da be-a Gũudbã samandẽ wã.+ B sika a Zeremi be ne wĩya. La koom da pa be bulgã pʋgẽ ye. Ra yaa bɛgd bala, t’a Zeremi sɩng bɛgdã pʋgẽ sudbu.
7 Etiyopi ned a Ebɛɛd-melɛk+ sẽn yaa sõgen-kãseng n be rĩmã zakẽ wã* wʋmame tɩ b ninga a Zeremi bulgã pʋgẽ. Rẽ tɩ rĩmã ra zĩi Bẽnzame rignoorẽ wã.+ 8 Dẽ, a Ebɛɛd-melɛk yii rĩmã zakẽ* n tɩ gom ne rĩmã n yeele: 9 “M dĩma, bũmb ning nin-kãensã sẽn maan no-rɛɛs a Zeremi wã yaa wẽnga! B lob-a-la bulgẽ wã. A na n kii be komã yĩnga, bala rɩɩb* pa le ket tẽngã pʋgẽ ye.”+
10 Dẽ, rĩmã yeela Etiyopi ned a Ebɛɛd-melɛk yaa: “Yãk rap pis-tã neb nins sẽn be ka wã sʋka, tɩ b tũ foo tɩ y tɩ yiis no-rɛɛs a Zeremi bulgẽ wã t’a ra wa ki ye.” 11 Dẽ, a Ebɛɛd-melɛk talla neb pis-tã wã, tɩ b yi rĩmã zakẽ* n kẽng roog sẽn be laogã bĩngr zĩig tẽngre.+ B baoo fu-kʋd la peen-kʋd be, n tɩ loe ne wĩy n sik bulgã pʋgẽ n kõ a Zeremi. 12 Etiyopi ned a Ebɛɛd-melɛk yeela a Zeremi yaa: “M bõos tɩ f ning fu-kʋdã ne pɛɛlã f bãgdã ne wĩyã sʋka.” A Zeremi maana woto. 13 B taka a Zeremi ne wĩyã n yiis bulgẽ wã. A Zeremi kell n paa Gũudbã samandẽ.+
14 Rĩm a Sedesiyaas tʋmame tɩ b bool no-rɛɛs a Zeremi t’a wa yẽ nengẽ rignoor a tãab-n-soabẽ wã, rignoor ning sẽn be a Zeova roogẽ wã. Rĩmã yeela a Zeremi yaa: “M dat n soka foo bũmbu. Ra solg maam baa fʋɩ ye.” 15 A Zeremi yeela a Sedesiyaas yaa: “Mam sã n leok yãmba, sãmbg sẽn kae, yãmb na n kʋʋ maam. Mam sã n kõ yãmb saglga, yãmb pa na n kelg maam ye.” 16 Dẽ, rĩm a Sedesiyaas soos n wẽename n yeel a Zeremi yaa: “M wẽenda ne a Zeova sẽn vɩ wã, soab ning sẽn kõ tõnd vɩɩmã, tɩ m pa na n kʋ-f ye. M pa na n dɩk-f n ning neb nins sẽn baood n yãk fo yõorã* nusẽ me ye.”
17 T’a Zeremi yeel a Sedesiyaas yaa: “Ad Israyɛll Wẽnnaam a Zeova sẽn yaa tãb-biis Wẽnnaamã sẽn yeele: ‘Fo sã n sak* Babilon rĩmã nanambsã, f na n fãaga f vɩɩmã.* B pa na n yõog tẽn-kãngã bugum me ye. Foo ne f zakã rãmb na n põsame.+ 18 La fo sã n pa tɩ sak* Babilon rĩmã nanambsã, b na n dɩka tẽn-kãngã n ning Kalde nebã nusẽ, tɩ b yõog-a bugum.+ Fo pa na n tõog n põsg-b ye.’”+
19 Rĩm a Sedesiyaas yeela a Zeremi yaa: “Mam yɛɛsda Zʋɩf-rãmb nins sẽn bas tõnd n tɩ naag Kalde nebã. Bala b sã n dɩk maam n ning b nusẽ, b tõe n maana maam wẽng wʋsgo.” 20 La a Zeremi yeelame: “B pa na n dɩk yãmb n ning b nusẽ ye. M bõos tɩ y kelg a Zeova koɛɛgã, n maan mam sẽn yet yãmb bũmb ningã, tɩ rẽ la bũmb fãa na n yɩ sõma ne yãmba. Y* na n kell n vɩɩmdame. 21 La yãmb sã n zãgs tɩ y kõn tɩ sak* Babilon nanambsã, ad a Zeova sẽn vẽneg maam bũmb ningã: 22 Gese! B tara pagb nins fãa sẽn da ket Zida rĩmã zakẽ wã* n dabd Babilon rĩmã nanambs nengẽ,+ tɩ b yetẽ yaa:
‘Neb nins fo sẽn da teegã belga foo n tõoge.+
B kɩtame tɩ fo naoorã sud bɛgdẽ wã.
Masã, b zoe n basa foo.’
23 B tara fo pagbã ne f kambã n dabd Kalde nebã nengẽ. Fo pa na n tõog n põsg-b ye. Babilon rĩmã na n yõka foo.+ Fo yĩnga, b na n yõoga tẽn-kãngã bugum.”+
24 Dẽ, a Sedesiyaas yeela a Zeremi yaa: “Ra sak tɩ ned wʋm bõn-kãensã, sẽn na yɩl tɩ b ra wa kʋ-f ye. 25 La nanambsã sã n wʋm tɩ mam sõssa ne foo, n wa yeel foo yaa: ‘D bõos tɩ f togs-d fo sẽn yeel rĩmã bũmb ningã. Ra solg tõnd baa fʋɩ, tɩ rẽ la d pa na n kʋ-fo.+ Bõe la rĩmã yeel foo?’ 26 Fo segd n leok-b lame yaa: ‘Mam da kota rĩmã t’a ra lebs maam a Yehonatan roogẽ wã, tɩ sã n pa rẽ, m na n kii be.’”+
27 Kaoosg zugẽ, nanambsã fãa waa a Zeremi nengẽ, n sok-a sogsgo. A yeel-b-la bũmb nins fãa rĩmã sẽn yeel-a t’a togsã. Dẽ, b pa le yeel-a tɩ bũmb ye. Bala ned ra pa wʋm yẽ ne rĩmã sõsgã ye. 28 A Zeremi kell n paa Gũudbã samandẽ,+ n tãag daar ning b sẽn deeg Zerizalɛmmã. B sẽn wa n na n deeg Zerizalɛmmã t’a keta be.+
39 Zida rĩm a Sedesiyaas naamã yʋʋm a wɛ soabã, kiuug piig soabã pʋgẽ, Babilon rĩm a Nebukadnezaar* ne a tãb-biisã fãa wa n gũbga Zerizalɛm n na n zabe.+
2 A Sedesiyaas naamã yʋʋm piig la a ye soabã kiuug a naas-n-soabã pʋgẽ, rasem a wɛ soabã daare, b pooga tẽngã lalgã.+ 3 Babilon rĩmã nanambsã fãa kẽeme, n tɩ zĩnd Tẽn-sʋk rignoorẽ wã.+ Ra yaa a Nergall-saretsɛɛr sẽn yaa Samgaarã, a Nebo-sarsekim sẽn yaa Rabsariisã,* a Nergall-saretsɛɛr sẽn yaa Rabmaagã,* la Babilon rĩmã nanambs a taabã fãa.
4 Zida rĩm a Sedesiyaas ne sodaasã fãa sẽn yã-bã, b zoee+ ne yʋng n dɩk rĩmã zẽedã zĩig sorã, n tɩ tũ rignoor ning sẽn be lals a yiibã sʋkã n yi tẽngã. B kell n dɩka Araba wã sor n zoetẽ.+ 5 La Kalde tãb-biisã rig-b lame, n tɩ paam a Sedesiyaas Zeriko we-rasempʋɩɩgã sẽn yaa tẽn-nabrẽ wã.+ B yõk-a lame n tall n kẽng Babilon rĩm a Nebukadnezaar* nengẽ Ribla+ sẽn be Hamat soolmẽ wã.+ Rĩmã kaoo a bʋʋd be. 6 Babilon rĩmã kɩtame tɩ b kʋ a Sedesiyaas kom-dibli wã a nifẽ Ribla. Babilon rĩmã kɩtame me tɩ b kʋ Zida nin-kãsemsã fãa.+ 7 Rẽ poore, a leoa a Sedesiyaas ninã, la a balg-a ne zũud bãens n tall-a n kẽng Babilonne.+
8 Kalde nebã ninga rĩmã zakã* ne nin-buiidã zagsã bugum,+ la b tus Zerizalɛm lalgã n lubi.+ 9 Gũudbã naab a Nebuzaradan+ talla neb nins sẽn da ket tẽngã pʋgẽ wã, neb nins sẽn da zoe n tɩ sak yẽ wã, la neb a taabã n kẽng yembd Babilonne.
10 La gũudbã naab a Nebuzaradan basa neb nins sẽn yaa naong rãmb n yɩɩdã kẽer Zida soolmẽ wã. Yaa sẽn pa tar-b baa fʋɩ wã. Daar-n-kãnga, a kõ-b-la viyn pʋt la pʋt sẽn na yɩl tɩ b ko.*+
11 Babilon rĩm a Nebukadnezaar* kõo gũudbã naab a Nebuzaradan noy a Zeremi wɛɛngẽ, n yeel-a: 12 “Tall-a n tɩ ges a yelle. Ra maan-a wẽng ye. Kõ-a bũmb ning fãa a sẽn na n kos foomã.”+
13 Dẽ, gũudbã naab a Nebuzaradanne, a Nebusazbãn sẽn yaa Rabsariisã,* a Nergall-saretsɛɛr sẽn yaa Rabmaagã* ne Babilon rĩmã nin-kãsemsã fãa tʋmame 14 tɩ b tɩ yiis a Zeremi Gũudbã samandẽ wã,+ n ning-a a Safan biig+ a Ahikam biig+ a Gedaliya+ nugẽ sẽn na yɩl t’a tall-a n kẽng a zakẽ wã. Woto, a zĩnda nin-buiidã sʋka.
15 B sẽn wa n pag a Zeremi Gũudbã samandẽ wã,+ a Zeova goma ne-a n yeele: 16 “Kẽng n tɩ yeel Etiyopi ned a Ebɛɛd-melɛk+ yaa: ‘Ad Israyɛll Wẽnnaam a Zeova sẽn yaa tãb-biis naabã sẽn yeele: “Mam na n pidsa m goamã tẽn-kãngã zugu, la pa a neer yĩng ye. Yaa sẽn na n wa ne yel-beedo. Daar-n-kãnga, fo na n yãa bũmb ning sẽn na n maanã.”’
17 “‘La mam na n fãaga foo daar-n-kãnga.’ Yaa a Zeova n yeele. ‘B pa na n ning foo neb nins fo sẽn zoetã nusẽ ye.’
18 “‘Bala sãmbg sẽn kae, mam na n kɩtame tɩ fo põse. B pa na n kʋ foo ne sʋʋg ye. B na n kogla f vɩɩmã,*+ fo sẽn kɩs maam sɩdã yĩnga.’+ Yaa a Zeova n yeele.”
40 A Zeova goma ne a Zeremi, gũudbã naab a Nebuzaradan+ sẽn bas-a Rama+ t’a loogã poore. A Nebuzaradan ra sẽba a nusã ne bãense, n tall-a n kẽng be. A Zeremi ra bee Zerizalɛm la Zida neb nins b sẽn tar n dabd yembd Babilonnã sʋka. 2 Dẽ, gũudbã naab talla a Zeremi n yi kɛɛnga, n yeel-a yaa: “Fo Wẽnnaam a Zeova pĩnd n togsame tɩ yel-be-kãngã na n paama zĩ-kãngã. 3 A Zeova kɩtame tɩ rẽ pids wa a sẽn da yeelã, bala yãmb maana yel-wẽn n beeg a Zeova, n pa sak a koɛɛgã ye. Yaa rẽ yĩng la bõn-kãngã sẽn paam yãmbã.+ 4 Rũndã, mam na n yãka bãensã sẽn be fo nusẽ wã n bas foo. Sã n taa fo yam tɩ f na n tũ maam n kẽng Babilonne, bɩ f wa tɩ m na n gesa f yelle. La fo sã n pa rat n tũ maam n kẽng Babilonne, bɩ f ra wa ye. Ade! Soolmã tõr bee fo taoore. Kẽng zĩig ning fãa fo sẽn date.”+
5 Nand meng t’a Zeremi yãk yam n na n lebge, a Nebuzaradan yeelame: “Lebg n leb a Safan+ biig a Ahikam+ biig a Gedaliya+ nengẽ, ned ning Babilon rĩmã sẽn yãk t’a soog Zida tẽnsã nengẽ, n pa ne-a. Zĩnd nin-buiidã sʋka, wall f kẽng zĩig ning fãa f sẽn date.”
Gũudbã naab kõ-a-la rɩɩb la kũuni, la a bas-a t’a looge. 6 Dẽ, a Zeremi kẽnga a Safan biig a Ahikam biig a Gedaliya nengẽ Mizpa,+ n tɩ pa ne-a. A zĩnda neb nins b sẽn bas soolmã pʋgẽ wã sʋka.
7 Kaoosg zugẽ, tãb-biisã nanambs nins fãa sẽn da be weoogẽ wã ne b rapã wʋmame tɩ Babilon rĩmã yãka a Ahikam biig a Gedaliya t’a soog soolmã, la t’a yãk-a lame t’a soog soolmã neb nins sẽn yaa naong rãmbã b sẽn pa tall n kẽng yembd Babilonnã. Yaa rapã, pagbã la kambã fãa.+ 8 Dẽ, b waa a Gedaliya nengẽ Mizpa.+ Yɩɩ a Netaniya biig a Ismayɛlle,+ a Kareya kamb a Zohanan+ ne a Zonatã, a Tanumet biig a Seraya, Netofa rao a Efayi kambã, ne a Zezaniya+ sẽn yaa Maakat raoã biigã, n paas b rapã. 9 A Safan biig a Ahikam biig a Gedaliya wẽename n yeel bãmb ne b rapã yaa: “Ra yɛɛs-y ne tʋm n kõ Kalde nebã ye. Zĩnd-y soolmã pʋgẽ n tʋm n kõ Babilon rĩmã, tɩ bũmb fãa na n yɩɩ sõma ne-yã.+ 10 Sã n yaa ne maam, mam na n paa Mizpa sẽn na yɩl n gomd yãmb yʋʋr yĩnga, Kalde neb nins sẽn na n wat tõnd nengẽ wã taoore. La yãmb segd n wẽka divẽ la kaam, la y wob tɩɩs biisi, n bĩng-b y rʋgdã pʋsẽ. Zĩnd-y tẽns nins yãmb sẽn deesã pʋsẽ.”+
11 Zʋɩf-rãmb nins fãa sẽn da be Mowaabe, Amonne, Edom la soolem a taabã pʋsẽ wã me wʋmame tɩ Babilon rĩmã basa neb Zida, la t’a yãka a Safan biig a Ahikam biig a Gedaliya t’a na n soog-ba. 12 Dẽ, Zʋɩf-rãmbã sɩngame n yit zĩis nins fãa b sẽn da sãeegã n wat Zida soolmẽ wã, la a Gedaliya nengẽ Mizpa. B wẽka divẽ la b wob tɩɩs biis hal wʋsgo.
13 A Kareya biig a Zohanan ne tãb-biisã nanambs nins fãa sẽn da be weoogẽ wã waa a Gedaliya nengẽ Mizpa. 14 Bãmb yeel-a lame yaa: “Fo pa mi tɩ Amon nebã+ rĩm a Baalis tʋma a Netaniya biig a Ismayɛll t’a wa kʋ foo la?”+ La a Ahikam biig a Gedaliya pa tẽ b sẽn yeelã ye.
15 Rẽ poore, a Kareya biig a Zohanan soos n yeela a Gedaliya Mizpa yaa: “Bas tɩ m kẽng n tɩ kʋ a Netaniya biig a Ismayɛlle. Ned baa a ye pa na n bãng ye. Bõe yĩng t’a na n kʋ foo, tɩ Zida neb nins sẽn tigim taab fo nengẽ wã fãa sãeege, tɩ neb nins sẽn kell Zida wã ki?” 16 La a Ahikam biig a Gedaliya+ yeela a Kareya biig a Zohanan yaa: “Ra maan woto ye. Bala bũmb ning fo sẽn yet a Ismayɛll zugã yaa ziri.”
41 Kiuug a yopoe-n-soabã pʋgẽ, a Elisama biig a Netaniya biig a Ismayɛll+ sẽn yaa na-roogã ned la rĩmã nin-kãseng a yembrã waa a Ahikam biig a Gedaliya nengẽ Mizpa,+ ne rap piiga. B sẽn wa n naag taab n dɩt Mizpa wã, 2 a Netaniya biig a Ismayɛll ne rap piigã sẽn da be ne-a wã yikame n kʋ a Safan biig a Ahikam biig a Gedaliya ne sʋʋga. Woto, b kʋʋ ned ning Babilon rĩmã sẽn da yãk t’a soog soolmã. 3 Sẽn paase, a Ismayɛll kʋʋ Zʋɩf-rãmb nins fãa sẽn da be ne a Gedaliya Mizpa wã, n paas Kalde sodaas nins sẽn da be be wã.
4 B sẽn kʋ a Gedaliya wã vẽkembeoogo, nand tɩ ned bãng rẽ, 5 neb pis-nii n yi Sikɛm+ la Sɩlo+ ne Samari+ n wa. B ra põnga b toeemsã, n pãrs b futã la b bog b yĩnsã,+ n zãad kood biis kũun la wisd sẽn yaa pɛɛlg n na n tall n kẽng a Zeova roogẽ wã.+ 6 Dẽ, a Netaniya biig a Ismayɛll yii Mizpa n na n tɩ seg-ba, n yãbd la a kẽnda. A sẽn wa n seg-bã, a yeel-b lame: “Wa-y-yã a Ahikam biig a Gedaliya nengẽ.” 7 La b sẽn kẽ tẽngã pʋgẽ wã, a Netaniya biig a Ismayɛll ne a rapã kʋ-b lame, n lob bulgã pʋgẽ.
8 La b sʋkã neb piig n yeel a Ismayɛll yaa: “Ra kʋ tõnd ye. Bala tõnd solga bɩle, orze,* kaam la sɩɩd weoogẽ wã.” Rẽ n so t’a pa naag bãmb n kʋ ne b saam-biisã ye. 9 A Ismayɛll loba neb nins fãa a sẽn kʋ wã bul-kẽeng pʋgẽ, bulg ning rĩm a Aaza sẽn tu Israyɛll rĩm a Baasa yĩngã.+ Yɩɩ bul-kãng la a Netaniya biig a Ismayɛll sẽn pids ne neb nins a sẽn kʋ wã.
10 A Ismayɛll yõga neb nins fãa sẽn ket Mizpa wã.+ Yaa rĩmã kom-pugli wã la Mizpa neb nins sẽn ketã, neb nins gũudbã naab a Nebuzaradan sẽn da ning a Ahikam biig a Gedaliya nugẽ wã.+ A Netaniya biig a Ismayɛll yõg-b lame n dɩk sor n dabd Amon nebã+ nengẽ.
11 A Kareya biig a Zohanan+ ne tãb-biisã nanambsã fãa sẽn wʋm bõn-wẽng ning a Netaniya biig a Ismayɛll sẽn maanã, 12 b peega rapã fãa n na n tɩ zab ne a Netaniya biig a Ismayɛlle. B tɩ paam-a-la Gabawõ koomã sẽn yaa wʋsgã* noore.
13 Neb nins fãa sẽn da be ne a Ismayɛllã sẽn yã a Kareya biig a Zohanan ne tãb-biisã nanambs sẽn be ne-a wã, b kɩdma sũ-noogo. 14 Dẽ, neb nins fãa a Ismayɛll sẽn da yõg Mizpa+ wã lebg n kẽnga a Kareya biig a Zohanan nengẽ. 15 La a Netaniya biig a Ismayɛll ne a rap a nii zoeeme n kẽng Amon nebã nengẽ, t’a Zohanan pa paam-b ye.
16 A Kareya biig a Zohanan ne tãb-biisã nanambs nins fãa sẽn da be ne yẽ wã peega Mizpa neb nins sẽn ketã, neb nins b sẽn fãag a Netaniya biig a Ismayɛll nugẽ, a sẽn kʋ a Ahikam biig a Gedaliya+ wã poorã. B talla rapã, sodaasã, pagbã, kambã la na-yirã tʋm-tʋmdbã n yi Gabawõ. 17 B kẽngame n tɩ sig a Kimham gãag zĩigã sẽn pẽ Betlehɛmmã,+ n magd n na n kẽng Ezɩpti,+ 18 Kalde nebã yĩnga. Bala b ra zoeta Kalde nebã, a Netaniya biig a Ismayɛll sẽn kʋ a Ahikam biig a Gedaliya sẽn yaa ned ning Babilon rĩmã sẽn da yãk t’a soog soolmã yĩnga.+
42 Dẽ, tãb-biisã nanambs fãa, a Kareya biig a Zohananne,+ a Osaya biig a Zezaniya la nin-buiidã fãa, sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã kolgame 2 n yeel no-rɛɛs a Zeremi yaa: “D bõos tɩ f sak d kosgã, n pʋʋs fo Wẽnnaam a Zeova tõnd yĩnga, rat n yeel tɩ sẽn ket-bã fãa yĩnga. Bala tõnd sẽn da yaa wʋsgã, d lebga bilf+ wa fo sẽn ne wã. 3 Bɩ fo Wẽnnaam a Zeova wilg tõnd sor ning zug d sẽn segd n kẽne, la bũmb ning d sẽn segd n maane.”
4 No-rɛɛs a Zeremi leok-b lame yaa: “Mam wʋma yãmb goamã. Mam na n pʋʋsa yãmb Wẽnnaam a Zeova wa yãmb sẽn kosã. Bũmb ning fãa a Zeova sẽn na n leok yãmba, m na n togs-y lame. Mam pa na n solg yãmb gomd ye.”
5 B leoka a Zeremi yaa: “D sã n pa maan wa fo Wẽnnaam a Zeova sẽn na n kɩt tɩ fo togs tõnd bũmb ninsã kɛpɩ, bɩ a Zeova sẽn yaa kaset soab sẽn togsd sɩd la sẽn maand sɩdã sɩbg-do. 6 A sẽn na n yeel tõndã nooma tõnd tɩ pa noom tõnd me, yaa tõnd Wẽnnaam a Zeova sẽn yaa soab ning nengẽ tõnd sẽn tʋm foomã koɛɛg la d na n tũ, sẽn na yɩl tɩ bũmb fãa yɩ sõma ne tõndo, d sẽn na n sak d Wẽnnaam a Zeova koɛɛgã yĩnga.”
7 Rasem piig poore, a Zeova goma ne a Zeremi. 8 Dẽ, a Zeremi tʋmame tɩ b tɩ bool a Kareya biig a Zohanan ne tãb-biisã nanambs nins fãa sẽn da be ne-a wã, la nin-buiidã fãa, sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã.+ 9 A yeel-b lame yaa: “Ad Israyɛll Wẽnnaam a Zeova, soab ning nengẽ yãmb sẽn tʋm maam tɩ m tɩ yõk sɛɛg yãmb yĩngã sẽn yeele: 10 ‘Yãmb sã n yãk yam n na n pa soolem-kãngã pʋgẽ, mam na n mee yãmba, m pa na n tus-y n lub ye. Mam na n sela yãmba, m pa na n võ-y ye. Bala mam na n maana m bãngẽ* yel-beed ning mam sẽn kɩt tɩ wa yãmb zutã yĩnga.+ 11 Ra zoe-y rabeem Babilon rĩmã yãmb sẽn yɛɛsdã yĩng ye.’+
“‘Ra zoe-y rabeem a yĩng ye. Bala mam bee ne yãmba, n na n fãag-yã, la m yiis yãmb a nugẽ.’ Yaa a Zeova n yeele. 12 ‘Mam na n zoee yãmb nimbãanega.+ Rĩmã me na n zoee yãmb nimbãanega, n kɩt tɩ y lebg n wa y soolmẽ wã.
13 “‘La yãmb sã n yeel yaa: “Ayo. Tõnd pa na n pa soolem-kãngã pʋgẽ ye!” Yãmb sã n kɩɩs y Wẽnnaam a Zeova koɛɛgã 14 n yeele: “Ayo. Tõnd na n kẽnga Ezɩpt soolmẽ wã,+ zĩig ning d sẽn pa na n yã zabre, n wʋm baorg rãamde, tɩ kom me pa na n yõk-dã. Yaa be la d na n tɩ zĩndi.” 15 Yãmb a Zida neb nins sẽn ketã, yãmb sã n magd n na n maana woto, bɩ y kelg a Zeova goamã. Ad Israyɛll Wẽnnaam a Zeova sẽn yaa tãb-biis naabã sẽn yeele: “Yãmb sã n yãka yam ne y sũy fãa n na n kẽng Ezɩpti, n sɩd kẽng n tɩ zĩnd* be, 16 dẽ, zabrã yãmb sẽn yɛɛsdã na n paama yãmb be, Ezɩpt soolmẽ wã. Komã yãmb sẽn zoetã me na n pʋga yãmb n kẽng Ezɩpti. Y na n kii be.+ 17 Zabre, kom la bã-loangdg* n na n kʋ neb nins fãa sẽn yãk yam n na n kẽng Ezɩpt n tɩ zĩnd be wã. B ned baa a ye pa na n põs yel-beed ning mam sẽn na n kɩt tɩ wa b zutã, wall a kell n vɩɩmd ye.”’
18 “Bala ad Israyɛll Wẽnnaam a Zeova sẽn yaa tãb-biis naabã sẽn yeele: ‘Yãmb sã n kẽng Ezɩpti, mam na n kiiga m sũ-puugrã yãmb zut wa mam sẽn kiig m sũ-yikrã ne m sũ-puugrã Zerizalɛm+ nebã zut to-to wã. Yãmb na n lebga bũmb nebã sẽn na n tar n kãabd wẽnga, bũmb sẽn kẽesd rabeem, la kãab-wẽnga. Nebã na n paoogda yãmba.+ Yãmb pa na n tol n le yã zĩ-kãngã ye.’
19 “Yãmb a Zida neb nins sẽn ketã, a Zeova goma ne yãmba. Ra kẽng-y Ezɩpt ye. Yãmb segd n bãnga vẽeneg tɩ mam keooga yãmb rũndã, 20 n wilg-y tɩ y kongrã na n tũu ne y yõore.* Bala yãmb tʋma maam yãmb Wẽnnaam a Zeova nengẽ n yeele: ‘Pʋʋs tõnd Wẽnnaam a Zeova tõnd yĩnga, la f togs tõnd bũmb ning fãa tõnd Wẽnnaam a Zeova sẽn na n yeele, tɩ d na n maaname.’+ 21 Mam togsa yãmb Wẽnnaam sẽn yeel bũmb ningã rũndã, la yãmb pa na n sak y Wẽnnaam a Zeova koɛɛgã, wall y maan bũmb ning a sẽn tʋm maam tɩ m togs yãmbã ye.+ 22 Woto wã, bãng-y vẽeneg tɩ zabre, kom la bã-loangdg n na n kʋ yãmb zĩig ning y sẽn dat n kẽng n tɩ zĩndã.”+
43 A Zeremi sẽn wa n togs nin-buiidã gom-kãensã fãa b Wẽnnaam a Zeova sẽn togs-a wã n sa n pa kell bũmbã, rat n yeel tɩ goam nins fãa b Wẽnnaam a Zeova sẽn tʋm-a t’a tɩ togs-bã, 2 a Osaya biig a Azariya, a Kareya biig a Zohanan+ ne rap nins fãa sẽn yaa wuk-m-mens rãmbã yeela a Zeremi yaa: “Fo sẽn yet bũmb ningã yaa ziri! Tõnd Wẽnnaam a Zeova pa tʋm foo tɩ f yeel yaa: ‘Ra kẽng-y Ezɩpt n tɩ zĩnd be ye.’ 3 La yaa a Neriya biig a Baruk+ n tõgd foo tɩ f gomd woto, sẽn na yɩl n ning tõnd Kalde nebã nusẽ tɩ b kʋ tõndo, wall b tall-d n kẽng yembd Babilonne.”+
4 Dẽ, a Kareya biig a Zohanan ne tãb-biisã nanambs la nin-buiidã fãa kɩɩsa a Zeova koɛɛgã, n pa kell n pa Zida soolmẽ wã ye. 5 La a Kareya biig a Zohanan ne tãb-biisã nanambs peega Zida neb nins sẽn ketã, neb nins sẽn da yi buud toɛy-toɛyã fãa pʋsẽ b sẽn da sãeegã, n lebg n wa n na n zĩnd Zida soolmẽ wã.+ 6 B peega rapã, pagbã, kambã, rĩmã kom-pugli wã, ne neb nins fãa* gũudbã naab a Nebuzaradan+ sẽn da bas ne a Safan+ biig a Ahikam+ biig a Gedaliya+ wã, n paas no-rɛɛs a Zeremi ne a Neriya biig a Baruki. 7 B sẽn pa sak a Zeova koɛɛgã yĩnga, b kẽnga Ezɩpt soolmẽ wã, hal n tãag Tapanɛɛse.+
8 A Zeova goma ne a Zeremi Tapanɛɛs n yeele: 9 “Wʋk kug-bɛd n kẽng a Farawõ zakã sẽn be Tapanɛɛsã rignoorẽ, n tɩ solg-b zĩig ning b sẽn gãneg ne tãn-koɛɛmã tẽngre, la f lud-b ne tãn-maasa. Maan dẽ Zʋɩf-rãmbã nifẽ. 10 Rẽ poor bɩ f yeel-ba: ‘Ad Israyɛll Wẽnnaam a Zeova sẽn yaa tãb-biis naabã sẽn yeele: “Mam na n tʋmame tɩ b bool Babilon rĩm a Nebukadnezaar* sẽn yaa mam tʋm-tʋmdã.+ Mam na n lugla a geerã kug-kãensã mam sẽn solgã zugu. A na n tẽega a naamã fu-roog n lud kug-kãensã.+ 11 A na n waame, n zab ne Ezɩpt soolmã.+ Ned ning sẽn segd ne bã-toaaga, bã-toaag n na n kʋ-a. Ned ning sẽn segd ne yembdo, a na n kẽnga yembdo. Ned ning sẽn segd tɩ b kʋ-a ne sʋʋga, b na n kʋ-a-la ne sʋʋga.+ 12 Mam na n ninga Ezɩpt wẽnnaam-dãmbã rot bugum.+ Babilon rĩmã na n yõog-b lame la a tall wẽnnaam-dãmbã n kẽng yembdo. A na n dɩka Ezɩpt soolmã n pil a meng wa rũm-kɩɩm sẽn pind a fuug to-to wã. A na n yii be n loog ne laafɩ.* 13 A na n wãa Bɛt-semes* sẽn be Ezɩpt soolmẽ wã kugã b sẽn lug tɩ yas sellã, la a yõog Ezɩpt wẽnnaam-dãmbã rot bugum.”’”
44 Ad goam nins Wẽnnaam sẽn yeel a Zeremi t’a taas Zʋɩf-rãmb nins fãa sẽn be Ezɩpt soolmẽ wã,+ sẽn be-b Migdoll+ ne Tapanɛɛs+ la Noof*+ n paas Patroos soolmẽ wã:+ 2 “Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Yãmb yãa yel-beed nins fãa mam sẽn kɩt tɩ wa Zerizalɛm+ la Zida tẽnsã fãa zutu, tɩ b yaa rabood rũndã-rũndã, tɩ ned pa le be b pʋsẽ wã.+ 3 Yaa bõn-wẽns nins yãmb sẽn maan n yik mam sũurã yĩnga. Yãmb da kẽnd n maanda maand+ n kõt wẽnnaam-dãmb a taab yãmb ne y yaab-rãmbã sẽn da pa mi, la y waoogd-ba.+ 4 Mam da tʋmda no-rɛɛsdbã sẽn yaa m tʋm-tʋmdbã fãa yãmb nengẽ. M tʋm-b-la naoor wʋsgo,* n yeel yaa: “M bõos tɩ y ra maan bõn-wẽn-kãngã mam sẽn kisã ye.”+ 5 La y pa kelg ye. Yãmb pa kɩll y tʋb n kelg maam n bas y wẽnemã, n pa le kõt wẽnnaam-dãmb a taab maand ye.+ 6 Rẽ n so tɩ mam kiig m sũ-yikrã ne m sũ-puugrã tɩ b rɩ Zida tẽnsã pʋsẽ la Zerizalɛm soayã zut wa bugum, tɩ b lebg rabood la zĩ-vɩɩd wa sẽn yaa to-to rũndã-rũndã wã.’+
7 “Masã, ad Israyɛll Wẽnnaam a Zeova sẽn yaa tãb-biis Wẽnnaamã sẽn yeele: ‘Bõe yĩng tɩ y na n kɩt tɩ yel-be-kãseng wa y mens* zutu, tɩ Zida rapã, pagbã, kambã, la kom-peelsã fãa sãame, tɩ y ned baa a ye pa kelle? 8 Bõe yĩng tɩ yãmb yikd mam sũurã ne y nusã tʋʋma, n kõt wẽnnaam-dãmb a taab maand Ezɩpt soolmẽ wã, yãmb sẽn tɩ beẽ wã? Yãmb na n sãamame, n lebg bũmb nebã sẽn na n tar n kãabd wẽnga. B na n paoogda yãmb tẽngã buud toɛy-toɛyã fãa sʋka.+ 9 Rẽ yĩnga, yãmb yĩma y yaab-rãmbã tʋʋm-wẽnsã, Zida rĩm-dãmbã+ ne b pagbã tʋʋm-wẽnsã,+ n paas yãmb mensã ne y pagbã tʋʋm-wẽnsã,+ tʋʋm-wẽns nins sẽn maan Zida soolmẽ wã la Zerizalɛm soayã zutã bɩ? 10 Hal n tãag rũndã, yãmb pa sik y mense,* y pa zoe maam,+ wall y tũ mam tõogã ne noy nins mam sẽn kõ yãmb ne y yaab-rãmbã ye.’+
11 “Woto wã, ad Israyɛll Wẽnnaam a Zeova sẽn yaa tãb-biis naabã sẽn yeele: ‘Ade! Mam yãka yam n na n kɩt tɩ yel-beed wa yãmb zutu, n sãam Zida nebã fãa. 12 Mam na n kɩtame tɩ Zida neb nins sẽn kellã sẽn yãk yam n na n tɩ zĩnd Ezɩpt soolmẽ wã ki be. B fãa na n sãama Ezɩpt soolmẽ wã.+ B na n kii zabr pʋgẽ. Kom n na n kʋ-ba. Zabr ne kom n na n kʋ-ba, sẽn sɩng ne sẽn yaa-a bilf n yɩɩdã n tãag sẽn yaa-a kãseng n yɩɩdã. B na n lebga bũmb nebã sẽn na n tar n kãabd wẽnga, bũmb sẽn kẽesd rabeem, la kãab-wẽnga. Nebã na n paoogd-b lame.+ 13 Yaa ne zabre, kom la bã-loangdg* la mam na n sɩbg neb nins sẽn be Ezɩpt soolmẽ wã, wa mam sẽn sɩbg Zerizalɛm nebã to-to wã.+ 14 Zida neb nins sẽn kellã sẽn tɩ be Ezɩpt soolmẽ wã pa na n tõog n zoe n yi be, wall b põs n lebg n wa Zida soolmẽ wã ye. B na n tʋlga ne b sũy fãa n lebg n wa zĩnd be, la b pa na n lebg n wa ye. Yaa neb bilf bal n na n tõog n lebg n wa.’”
15 Rap nins fãa sẽn da mi tɩ b pagbã maanda maand n kõt wẽnnaam-dãmb a taabã, la pagb nins fãa sẽn da yas be wã sẽn naag taab n yaa kʋʋngã, ne neb nins fãa sẽn da be Patroose,+ Ezɩpt soolmẽ wã+ leoka a Zeremi yaa: 16 “Tõnd pa na n kelg goam nins fo sẽn togs tõnd a Zeova yʋʋr yĩngã ye. 17 Hakɩɩka, tõnd na n maana bũmb nins fãa d sẽn yiis d noyẽ wã. D na n maanda maand n kõt Saasẽ na-poakã,* la d pʋdgd divẽ kũun n kõt-a,+ wa tõnd ne d yaab-rãmbã, d rĩm-dãmbã, la d nanambsã sẽn maan Zida tẽnsã pʋsẽ la Zerizalɛm soayã zutu, d sẽn wa n dɩt rɩɩb* tɩ sekd tõndo, la d tar arzɛk wʋsgo, tɩ yel-beed pa tol n paamd tõndã. 18 Tõnd sẽn bas n pa le kõt Saasẽ na-poakã* maandã, la d pa le pʋdgd divẽ kũun n kõt-a wã tɛka, tõnd pa le tar baa fʋɩ ye. Zabr la kom n kʋ tõndo.”
19 Pagbã paasame yaa: “Tõnd sẽn wa n kõt Saasẽ na-poakã* maandã, la d pʋdgd divẽ kũun n kõt-a wã, rẽ yĩnga, pa d sɩdbã n sak tɩ d maand bur sẽn yaa a naand n kõt-a, la d pʋdgd divẽ kũun n kõt-a sɩda?”
20 Dẽ, a Zeremi yeela nin-buiidã fãa, rapã ne b pagbã la neb nins fãa sẽn da gomd ne-a wã yaa: 21 “A Zeova tẽega maand nins yãmb ne y yaab-rãmbã, y rĩm-dãmbã, y nanambsã la soolmã nebã sẽn maan Zida tẽnsẽ wã, la Zerizalɛm soayã zutã yelle.+ Rẽ waa a yamẽ!* 22 A Zeova wa n pa le tõe n sĩnd n get y tʋʋm-wẽnsã ne bõn-wẽns nins y sẽn maandã ye. Rẽ n so tɩ y soolmã lebg raboogo, bũmb sẽn kẽesd rabeem la bũmb nebã sẽn na n tar n kãabd wẽnga, tɩ ned pa le be a pʋgẽ wa sẽn yaa to-to rũndã-rũndã wã.+ 23 Yaa yãmb sẽn maan maan-kãensa wã, la yãmb sẽn maan yel-wẽn n beeg a Zeova, n pa sak a Zeova koɛɛgã, la y pa tũ a tõogã, a noyã la a saglsã yĩng la yel-be-kãngã sẽn wa yãmb zutu, wa sẽn yaa to-to rũndã-rũndã wã.”+
24 A Zeremi le yeela nin-buiidã ne pagbã fãa yaa: “Yãmb a Zida neb nins fãa sẽn be Ezɩpt soolmẽ wã, kelg-y-yã a Zeova goamã. 25 Ad Israyɛll Wẽnnaam a Zeova sẽn yaa tãb-biis naabã sẽn yeele: ‘Bũmb ning yãmb ne y pagbã sẽn yiis y noyẽ wã, yãmb pidsa bõn-kãens ne y nusi, bala yãmb yeelame: “Hakɩɩka, tõnd na n pidsa d pʋlemsã, n kõt Saasẽ na-poakã* maand la d pʋdgd divẽ kũun n kõt-a.”+ Sãmbg sẽn kae, yãmb a pagbã na n pidsa y pʋlemsã. Y na n maana wa y sẽn pʋlmã.’
26 “Woto yĩnga, yãmb a Zida neb nins fãa sẽn be Ezɩpt soolmẽ wã, kelg-y-yã a Zeova goamã. A yeelame: ‘A Zeova yeelame yaa: “M wẽenda ne m yʋʋrã sẽn yaa kãsengã tɩ Zida ned baa a ye pa na n le wẽen ne mam yʋʋrã+ Ezɩpt soolmã fãa pʋgẽ, n yeele: ‘M wẽenda ne Zu-soab sẽn ka to a Zeova sẽn vɩ wã!’+ 27 Masã, mam get-b lame, la pa b neer yĩng ye. Yaa sẽn na n kɩt tɩ yel-beed wa b zutu.+ Zabr la kom n na n kʋ Zida neb nins fãa sẽn be Ezɩpt soolmẽ wã, hal tɩ b wa menem zãnga.+ 28 Yaa neb bilf bal n na n põs zabrã n yi Ezɩpt soolmẽ wã, n leb Zida soolmẽ wã.+ Dẽ, Zida neb nins fãa sẽn kellã sẽn wa n na n zĩnd Ezɩpt soolmẽ wã na n bãnga sã n yaa mam goamã n pidsi, bɩ yaa bãmb goamã!”’”
29 “A Zeova yeelame: ‘Ad bãnd sẽn wilgd tɩ m na n sɩbga yãmb zĩ-kãngã, sẽn na yɩl tɩ y bãng tɩ mam sẽn yeel tɩ m na n kɩtame tɩ yel-beed wa yãmb zutã na n sɩd pidsame. 30 Ad a Zeova sẽn yeele: “Mam na n dɩka Ezɩpt rĩm a Farawõ Hofra n ning a bɛɛbã nusẽ, la neb nins sẽn baood n yãk a yõorã* nusẽ, wa mam sẽn dɩk Zida rĩm a Sedesiyaas n ning Babilon rĩm a Nebukadnezaar* sẽn da yaa a bɛ la sẽn da baood n yãk a yõorã* nugẽ wã.”’”+
45 Ad goam nins no-rɛɛs a Zeremi sẽn yeel a Neriya biig a Baruki,+ a sẽn wa n gʋlsd goam nins a Zeremi sẽn da togsd-a t’a gʋlsd sebr pʋgẽ wã.+ Yɩɩ a Zoziyas biig a Zowakim+ sẽn yaa Zida rĩmã naamã yʋʋm a naas-n-soabã pʋgẽ. A yeel-a lame:
2 “Ad Israyɛll Wẽnnaam a Zeova sẽn yeel foom a Baruk wɛɛngẽ: 3 ‘Fo yeelame yaa: “Toog bee mam zugu, bala a Zeova kõo maam sũ-sãang n paas m toogã! Mam wõosame n ya. M pa paam vʋʋsg zĩig ye.”’
4 “Fo segd n yeel-a lame yaa: ‘Ad a Zeova sẽn yeele: “Gese! Bũmb ning mam sẽn me wã, m na n tus-a lame n lubi. Bũmb ning mam sẽn selã, m na n võog-a lame. Mam na n maana rẽ soolmã fãa pʋgẽ.+ 5 La fo baooda* bõn-kãsems f meng yĩnga. Ra le bao bũmb a woto ye.”’
“A Zeova yeelame: ‘Mam na n kɩtame tɩ yel-beed wa nebã fãa* zut ka la bilfu.+ La zĩig ning fãa fo sẽn na n kẽnge, m na n kogla f vɩɩmã.’”*+
46 Ad goam nins a Zeova sẽn yeel no-rɛɛs a Zeremi buud toɛy-toɛyã wɛɛngẽ wã:+ 2 Sã n yaa ne Ezɩpti,+ rat n yeel tɩ Ezɩpt rĩm a Farawõ Neko+ tãb-biisã sẽn da be Efrat kʋɩlgã wogellã, tɩ Babilon rĩm a Nebukadnezaar* tõog-b Karkemisi, a Zoziyas biig a Zowakim+ sẽn yaa Zida rĩmã naamã yʋʋm a naas-n-soabã pʋgẽ wã wɛɛngẽ, a yeelame:
3 “Segl-y y gãn-bõoneg* la y gãn-bɛda,
n dɩk sor n kẽng zabre.
4 Yãmb a wed-rʋʋdba, segl-y wed-moosã n zombe.
Yals-y y zĩisẽ, la y fõgen y kut pugli.
Saas-y kãnã, la y yeelg y kut futã.*
5 ‘Bõe n maan tɩ mam ne b sẽn digd rabeem?
B tard n lebda poorẽ. Bɛɛbã tõoga b gãndaadã.
B zoee ne rabeem. B gãndaadã pa lebg n wa ye.
Zĩig fãa yaa rabeem.’ Yaa a Zeova n yeele.
6 ‘Sẽn tʋʋl-bã pa tõe n zoe ye. Gãndaadã pa tõe n zoe n põs ye.
B lagsame n lʋɩ+
rɩtg soolmẽ wã, Efrat kʋɩlgã noore.’
7 Yaa ãnda la sẽn wat wa Nill kʋɩlgã,
wa kʋɩls koom sẽn zoet ne pãngã?
Mam na n sãama galʋ-tẽngã ne neb nins sẽn be a pʋgẽ wã.’
9 Yãmb a wed-moose, kẽng-y-yã!
Yãmb a saar-dãmba,* zoe-y ne tʋʋlem wʋsgo!
Bɩ gãndaadã kolge.
Yaa Kuus ne Put nebã sẽn zãad gãndã,+
10 “Daar-n-kãng yaa tãb-biis naab a Zeova sẽn yaa Zu-soab sẽn ka to wã daare, daar a sẽn na n dok a sũur ne a bɛɛbã. Sʋʋgã na n dɩɩme n tɩge, la a tɩg ne b zɩɩmã, bala tãb-biis naab a Zeova sẽn yaa Zu-soab sẽn ka to wã tara maoong* rɩtg soolmẽ wã, Efrat kʋɩlgã noore.+
Fo sẽn paas f tɩtã sõorã yaa zaalem,
bala tɩɩm kae n na n sãoog foo ye.+
12 Buud toɛy-toɛyã wʋma paoogrã fo sẽn paamã.+
Fo yãbrã rãamd pida soolmã.
Bala gãndaoog lakda gãndaoog a to,
tɩ b yiibã fãa naag taab n lʋɩ.”
13 Ad goam nins a Zeova sẽn togs no-rɛɛs a Zeremi, Babilon rĩm a Nebukadnezaar* sẽn na n wa sãam Ezɩpt soolmã+ wɛɛngẽ wã:
14 “Moon-y rẽ Ezɩpti, la y moon-a Migdolle.+
Moon-y rẽ Noof* la Tapanɛɛse.+
Yeel-y yaa: ‘Yals-y y zĩisẽ, la y segl y mense,
bala sʋʋg n na n kʋ neb nins fãa sẽn gũbg yãmbã.
15 Bõe yĩng tɩ b menes yãmb pãens rãmbã?
B pa yaas b na-bogd zug ye.
Bala a Zeova tus-b lame n lubi.
16 B neb wʋsg lagsd n lʋɩtame.
B yeta taab yaa:
“Sʋ-kʋʋdgã yĩnga,
yik-y-yã! D leb d nebẽ wã la d ba-yirã.”’
17 Be, b mooname n yeele:
‘Ezɩpt rĩm a Farawõ maanda bʋʋr zaalem bala.
18 Rĩm ning yʋʋr sẽn yaa tãb-biis naab a Zeova wã yeelame: ‘M wẽenda ne m menga,
t’a* na n waa wa Taboor+ sẽn be tãensã sʋkã,
la wa Karmell+ sẽn be mogrã noorã.
19 Foom a bi-pugl ning sẽn be Ezɩptã,
segl f teedã sẽn na yɩl n loog yembdo.
Bala Noof* na n lebga bũmb sẽn kẽesd rabeem.
B na n ning-a-la bugum,* la b kɩt tɩ ned ra le zĩnd a pʋgẽ ye.+
20 Ezɩpt yaa wa nag-sadg sẽn yaa neere,
la zõos sẽn dũmd n na n yi rɩtg n wa zab ne-a.
21 Baa a sodaas nins b sẽn dɩk tʋʋm tɩ b be a pʋgẽ wã yaa wa nag-bi-nobdse,
la bãmb me lebgame n naag taab n zoe.
B pa tõog n yaas b na-bogd zugu,+
bala b yel-beedã daar taame,
rat n yeel tɩ wakat ning b sẽn na n sok-bã.’
22 ‘A rãamdã yaa wa waaf sẽn zoet rãamde,
bala b rigd-a-la ne b pãng fãa, n zãad laya,
wa neb sẽn kɛɛd tɩɩse.*
23 A Zeova yeelame yaa: ‘B na n kɛɛ a kãgrã n lubi, baa sẽn da wõnd ned pa tõe n kẽ a pʋgẽ wã.
Bala bɛɛbã sõorã yɩɩda sʋya, tɩ ned pa tõe n sõd-b n sa ye.
24 B na n ninga Ezɩpt bi-puglã yãnde.
B na n dɩk-a lame n ning rɩtg nebã nugẽ.’+
25 “Israyɛll Wẽnnaam a Zeova sẽn yaa tãb-biis naabã yeelame: ‘Masã, mam na n wẽnemda m neng n tees No*+ wẽnnaam a Amonne,+ a Farawõ, Ezɩpti, a wẽnnaam-dãmbã+ la a rĩm-dãmbã, rat n yeel t’a Farawõ ne neb nins fãa sẽn teeg-a wã.’+
26 “‘Mam na n dɩk-b lame n ning neb nins sẽn baood n yãk b yõyã* nusẽ, rat n yeel tɩ Babilon rĩm a Nebukadnezaar*+ ne a tʋm-tʋmdbã nusẽ. La rẽ poore, neb n na n le zĩnd a pʋgẽ wa pĩndã.’ Yaa a Zeova n yeele.+
27 ‘La sã n yaa ne foom a Zakoob sẽn yaa mam tʋm-tʋmdã, ra zoe rabeem ye.
Foom a Israyɛlle, ra yɛɛs ye.+
Bala mam na n fãaga foo zĩ-zãrgẽ wã,
la m fãag f yagensã soolem ning pʋgẽ b sẽn be n yaa yembsã.+
A Zakoob yagensã na n lebg n wa zĩnda bãane, n pa yɛɛsdẽ,
tɩ ned kae n kẽesd-b rabeem ye.+
28 Woto wã, mam tʋm-tʋmd a Zakoobe, ra zoe rabeem ye. Bala mam bee ne foo.’ Yaa a Zeova n yeele.
‘Mam na n sãama buud nins fãa mam sẽn sãeeg yãmb tɩ y be b sʋkã.+
La sã n yaa ne yãmba, mam pa na n sãam yãmb ye.+
47 Ad goam nins a Zeova sẽn togs no-rɛɛs a Zeremi Filisti nebã+ wɛɛngẽ, nand t’a Farawõ sãam Gaaza wã. 2 Ad a Zeova sẽn yeele:
“Ade! Ko-rãmb n yit rɩtg n watẽ.
B na n lebga wa kʋɩlg sẽn pid n puugdẽ.
Koomã na n dɩɩ soolmã ne bũmb nins fãa sẽn be a pʋgẽ wã,
tẽngã ne neb nins sẽn be be wã.
Rapã na n yãbame,
tɩ neb nins fãa sẽn be soolmã pʋgẽ wã wiisi.
3 B sã n wʋm a wed-raadã nao-bendã rãamde,
a saar-dãmbã* bʋʋre,
n paas a saar-dãmbã naoã rãamde,
ba-rãmbã pa na n wẽnemd n ges b kambã menga,
b nusã sẽn na n ki n pa le tar pãngã yĩnga.
4 Bala daar n wat tɩ b na n sãam Filisti nebã fãa.+
Daar-n-kãnga, b na n menesa b sõangdbã sẽn ketã fãa Tɩɩr+ la Sɩdõ.+
5 Gaaza nebã zut na n kõogame.*
Askalon nebã sĩndame.+
Yãmb a neb nins sẽn be b tẽn-nabrẽ wã sẽn ketã,
yãmb na n kell n boga y yĩnsã n ta dabʋre?+
6 Foom a Zeova sʋʋga,+
dabʋr la fo na n yaa n pa sɩɩ?
Leb f wʋʋgẽ wã.
Vʋʋse, la f pa sɩɩ.
7 A Zeova sẽn kõ-a noorã,
a na n yɩɩ wãn n pa sɩɩ?
A tʋm-a lame t’a tɩ zab ne
Askalon la ne sẽn be-b mogrã noorã.”+
48 Mowaab+ wɛɛngẽ, ad Israyɛll Wẽnnaam a Zeova sẽn yaa tãb-biis naabã sẽn yeele:
“Toog bee ne Nebo,+ bala b sãam-a lame!
B ninga Kiryatayim+ yãnde, la b zab n deeg-a.
B ninga soondg zĩig meng-mengã yãnde, la b pãb-a n sãeege.+
2 B pa le pẽgd Mowaab ye.
B sɩɩga taab noor Hɛsbon+ n na n lub-a, n yeele:
‘Wa-y tɩ d sãam-a t’a ra le yɩ buud ye.’
Foom a Madmen me, fo segd n sĩndame,
bala sʋʋgã pʋgda foo.
3 Yãbr rãamd n yit Horonayim.+
Yaa sãoong la lʋɩɩs sẽn yaa kãseng rãamde.
4 B sãama Mowaabe.
A kom-bõonegã yãbdame.
5 Luyit rʋʋdgẽ wã, b yãbdame la b rʋʋda.
Sor ning sẽn yit Horonayim n sigdã zugu, neb n yãbd ne sũ-sãang sabab-wẽngã yĩnga, tɩ rãamdã yita.+
6 Zoe-y n loog-y sẽn na yɩl n fãag y yõyã!*
Yãmb segd n lebga wa zenevirie tɩɩg sẽn be we-raoogẽ wã.
7 Fo sẽn teeg f tʋʋmã la f arzɛgsã yĩnga,
b na n yõka fo-me n looge.
A Kemos+ na n looga yembdo,
yẽ ne a maan-kʋʋdbã la a nanambsã.
8 Sãamdã na n waa tẽnsã fãa pʋsẽ.
Tẽng baa a ye pa na n põs ye.+
Longã* na n sãamame,
tɩ tẽn-nabrã me sãam wa a Zeova sẽn yeelã.
9 Ning-y bãnd Mowaab nebã yĩnga,
bala a sã n wa lʋɩ n lebg raboogo, b na n zoeeme.
A tẽnsã na n lebga bũmb sẽn kẽesd rabeem,
tɩ ned pa le be b pʋsẽ ye.+
10 Kãab-wẽng bee ne ned ning sẽn tʋmd a Zeova tʋʋmd yaal-yaale!
Kãab-wẽng bee ne ned ning sẽn zãad a sʋʋg n pa rat n daag zɩɩm!
11 Hal Mowaab nebã yãadmẽ, b zĩi bãane,
wa divẽ b sẽn bas t’a tisgi.
B pa pʋdg-b n ning laok a to pʋgẽ ye.
B zɩ n kẽng yembd ye.
Rẽ n so tɩ b noosmã ket n yaa wa pĩndã,
tɩ b yũugã me pa toeem ye.
12 “A Zeova yeelame: ‘Woto yĩnga, daar n wat tɩ mam na n tʋm neb tɩ b tɩ tus-b n lubi. B na n leeb-b lame la b kɩt tɩ b lagdã lebg vɩɩdo. B na n wãa b rʋg-bɛdã zõm-zõme. 13 Mowaab nebã na n zoee yãnd ne a Kemose, wa Israyɛll nebã sẽn zoet yãnd ne Betɛll b sẽn da teegã.+
14 Bõe yĩng tɩ y saag n yeele: “Tõnd yaa gãndaad sẽn tar pãng n segl n sa zabr yĩnga”?’+
Yaa Rĩm ning yʋʋr sẽn yaa tãb-biis naab a Zeova wã n yeele.+
16 Mowaab nebã yel-beedã na n waa ka la bilfu.
B lʋɩɩsã wakat wata ne tʋʋlem.+
17 Na n yɩɩ tɩlɛ tɩ neb nins fãa sẽn gũbg-bã kʋm-ba,
neb nins fãa sẽn mi b yʋʋrã.
Yeel-y-b yaa: ‘Kayto! B kaooga raoogã sẽn tar pãngã, neermã rasaarã!’
18 Foom a bi-pugl ning sẽn be Dibonnã,+ sig n bas f ziirã,
la f zĩnd tẽng ne ko-yũudu.*
Bala Mowaab sãamdã wa n na n zaba ne foo.
A na n kɩtame tɩ fo zĩis nins sẽn gũbg ne lalsã lebg raboodo.+
19 Foom a Arowɛɛr+ neda, yaas sorã noor n gese.
Sok rao ning sẽn zoete, la pag ning sẽn zoet n na n põsã yaa: ‘Yaa bõe n maane?’
20 B ninga Mowaab yãnde, la b kẽes-a rabeem.
Yãb-y la y kaase.
Moon-y Arno+ kʋɩlgã noor n yeel tɩ b sãama Mowaabe.
21 “Sɩbgrã wakat taa tẽn-nabrã+ yĩnga, Holonne, Zahaaze,+ Mefaate,+ 22 Dibonne,+ Nebo,+ Bɛt-diblatayim, 23 Kiryatayim,+ Bɛt-gamulli, Bɛt-meyõ,+ 24 Keriyote,+ Boosra, la Mowaab soolmã tẽnsã fãa yĩnga, sẽn pẽ-b la sẽn zãr-bã.
25 ‘B kɛɛga Mowaab yɩɩllã* n kʋrge.
B kaooga a kangã.’ Yaa a Zeova n yeele.
26 ‘Kɩt-y t’a yũ rãam t’a nengã yilmi,+ bala a zẽka a meng a Zeova taoore.+
Mowaab bilimda a wʋbdẽ wã.
A lebga bũmb b sẽn get n laadẽ.
27 Israyɛll ra pa bũmb fo sẽn get n laadẽ sɩda?+
B yã-a-la wagda wã sʋk la,
tɩ fo na n gird f zug la f gomd-a wẽnga?
28 Yãmb a Mowaab neba, yi-y tẽnsã pʋsẽ n tɩ zĩnd pĩisã zutu,
la y lebg wa marwalã sẽn tʋɩt b tʋgd bogdã kɩremsã.’”
29 “Tõnd wʋma Mowaab nebã wuk-m-mengã kibare. B tɩtaamã looga noore.
D wʋma b wilg-m-mengã kibare, b wuk-m-mengã, b tɩtaamã, la b sẽn tagsd tɩ b yɩɩda b taabã.”+
30 “A Zeova yeelame yaa: ‘Mam mii b sũ-puugrã.
La b gom-vɩɩdã pa na n pids ye.
B pa na n maan baa fʋɩ.
31 Yaa rẽ yĩng la mam sẽn na n wiis Mowaab yĩngã.
Mam na n yãba Mowaab nebã fãa yĩnga,
la m wẽ sir Kɩɩr-herɛɛs+ nebã yĩnga.
Fo wilã sẽn tobd wʋsgã tãoome n zʋʋg mogrã.
B taa mogrã. B taa Yazɛɛre.
Bɛ wã sãama
fo tɩɩsã biisi, ne y viyn tɩɩsã biis y sẽn wobã.+
33 B kɩtame tɩ sũ-noog la kɩdeng sa tɩ-womdsã zĩigẽ,
la Mowaab soolmẽ wã.+
Mam kɩtame tɩ divẽ pa le zoet vẽ wẽkr bogdẽ wã ye.
Ned baa a ye pa na n tabd viyn biis la a kaasd ne sũ-noog ye.
Kaasgã pa na n le yɩ sũ-noog kaasg ye.’”+
34 “‘Kaasg rãamd n yit Hɛsbon+ n tat hal Eleyale.+
B zẽkda b koeesã tɩ tat hal Zahaaze.+
B wʋmda Zowaar nebã kaasgã rãamd hal Horonayim+ la Eglat-selisiya.
Baa Nimrim ko-rãmbã na n kʋɩɩ zãnga.+
35 Mam na n kɩtame tɩ ned sẽn wat ne maoong zĩ-zãntgẽ wã,
la ned sẽn kõt a wẽnnaam maand
ra le zĩnd Mowaab ye.’ Yaa a Zeova n yeele.
Bala paoongã a sẽn da tʋm n paamã na n sãamame.
37 B põnga zutã fãa.+
B wõrsa toeemsã fãa.
38 “‘Mowaab rotã fãa zutu,
la a zãma wã zĩisẽ fãa,
yaa wiisg bal n be be.
Bala mam wãa Mowaab soolmã
wa yʋʋr b sẽn lobe.’ Yaa a Zeova n yeele.
39 ‘Ad Mowaab sɩd yɛɛsame! Wiis-y-yã!
Ad Mowaab sɩd lebg n looga ne yãnde!
Mowaab lebga bũmb b sẽn get n laadẽ,
la bũmb sẽn kẽesd neb nins fãa sẽn gũbg-a wã rabeem.’”
40 “Bala ad a Zeova sẽn yeele:
41 B na n deega tẽnsã,
la b reeg b soondg zĩisã.
Daar-n-kãnga, Mowaab gãndaadã sũy
na n lebga wa pag sẽn dat n dog sũuri.’”
43 A Zeova yeelame yaa: ‘Yãmb a Mowaab neba,
rabeem ne bok la bẽdg n be yãmb taoore.
44 Ned ning sẽn zoet bũmb sẽn yɩkd pɛleng yĩng na n lʋɩɩ bokã pʋgẽ.
Ned ning sẽn yit bokã pʋgẽ, bẽdgã n na n yõk-a.’
‘Bala mam na n sɩbga Mowaab yʋʋmd ning mam sẽn yãkã pʋgẽ.’ Yaa a Zeova n yeele.
45 ‘Neb nins sẽn zoetã yasa Hɛsbon maasmẽ wã n pa tõe n maan baa fʋɩ ye.
Bala bugum n na n yi Hɛsbonne.
Bug-witim n na n yi Siyonne.+
A na n dɩɩ Mowaab nebã rĩyã,
la a rɩ tãb-biis nins sẽn yaa nen-kɛglem dãmbã zu-wamse.’+
46 ‘Yãmb a Mowaab neba, toog bee ne yãmbã!
A Kemos nebã+ sãamame.
Bala b yõga yãmb kom-dibli wã n kẽng yembdo.
Yãmb kom-pugli wã looga yembdo.+
47 La wakat n wat tɩ m na n lebs n tigim Mowaab neb nins sẽn kẽng yembdã.’ Yaa a Zeova n yeele.
‘Mowaab sɩbgrã na n yɩɩ woto.’”+
49 Ad a Zeova sẽn yeel Amon nebã+ wɛɛngẽ:
“A Israyɛll pa tar kamb la?
A pa tar ned sẽn na n deeg a rogem-pʋɩɩrã la?
Bõe yĩng masã t’a Malkam+ reeg Gaade?+
Bõe yĩng t’a nebã be Israyɛll tẽnsẽ wã?”
2 “A Zeova yeelame: ‘Woto yĩnga, daar n wate,
tɩ mam na n kɩt tɩ b peeb zabr peebg* n zab ne Raba+ sẽn yaa Amon nebã tẽngã.+
A na n lebga kunkubr baa fʋɩ sẽn kae a zugu.
B na n ninga tẽns nins a sẽn so wã* bugum.’
‘Israyɛll nebã na n lebs n deega soolem nins Amon nebã sẽn da reeg b nengẽ wã.’+ Yaa a Zeova n yeele.
3 ‘Foom a Hɛsbonne, wiisi, bala b sãama Ayi!
Yãmb a tẽns nins Raba sẽn so wã, yãb-y-yã.
Yeelg-y boto.
Wiis-y la y gilg yãgã b sẽn maan ne kugã* sʋka,
bala a Malkam na n kẽnga yembdo,
yẽ ne a maan-kʋʋdbã la a nanambsã.+
4 Foom a bi-pugl sẽn ka maand sɩda, bõe yĩng tɩ fo wukd f meng tẽn-nabã wɛɛngẽ?
Bõe yĩng tɩ fo wukd f meng fo tẽn-nabrã sẽn sakd koodã* wɛɛngẽ?
Fo sẽn yaa soab ning sẽn teeg a laogo,
la sẽn yet yaa: “Ãnda n tõe n wa zab ne maam?”’”
5 “Ad tãb-biis naab a Zeova sẽn yaa Zu-soab sẽn ka to wã sẽn yeele: ‘Mam na n kɩtame tɩ bũmb sẽn kẽesd rabeem
yi neb nins sẽn gũbg foomã nengẽ n wa fo zugu.
B na n sãeega yãmb ween-vɩɩsã fãa.
Ned baa a ye pa na n tigim sẽn zoet-bã ye.’”
6 “‘La rẽ poore, mam na n tigma Amon neb nins sẽn kẽng yembdã.’ Yaa a Zeova n yeele.”
7 Ad a Zeova sẽn yaa tãb-biis naabã sẽn yeel Edom wɛɛngẽ:
“Yam pa le be Teman la?+
Sẽn tar-b bãngrã sagl-sõma wã sãamame la?
B yamã pa le tar yõod la?
8 Yãmb a Dedan neba,+ zoe-y-yã! Lebg-y n wa-y-yã!
Kẽng-y n tɩ zĩnd-y zĩ-zulumsẽ wã.
Mam na n kɩtame tɩ yel-beed wa a Ezayu yagensã zutu,
wakat ning mam sẽn na n tẽeg b yellã sã n wa ta.
9 Viyn biis wobdb sã n wa yãmb nengẽ,
b kõn bas kẽer yiisgã yĩng sɩda?
Wagda sã n wa yʋngo,
b na n wʋka b sẽn dat n wʋkã bala.+
10 La mam na n kɩtame t’a Ezayu yagensã soolem lebg zĩ-vɩʋʋgo.
Mam na n pilga b zĩis nins b sẽn solgdã
tɩ b ra tõog n solg ye.
12 Bala ad a Zeova sẽn yeele: “Neb nins b sẽn pa kao bʋʋd n yeel tɩ b yũ bõn-yũudlã sã n segd n yũ-a lame, b segd n basa yãmb woto bal n pa sɩbg sɩda? B pa na n bas yãmb n pa sɩbg ye. Bala yãmb segd n yũu bõn-yũudlã.”+
13 A Zeova yeelame: “Mam wẽena ne m menga, tɩ Boosra na n lebga bũmb sẽn kẽesd rabeem,+ bũmb nebã sẽn na n tar n kãabd wẽnga, la raboogo. Nebã na n paoogd-a lame. A tẽnsã fãa na n lebga rabood wakat fãa yĩnga.”+
14 Mam wʋma koɛɛg sẽn yi a Zeova nengẽ.
B tʋma koe-taasd buud toɛy-toɛyã sʋka, t’a yeele:
“Tigm-y taab n wa zab ne-a.
Segl-y y mens zabr yĩnga.”+
15 “Kelge! Mam kɩtame tɩ fo pa le zem baa fʋɩ buud toɛy-toɛyã sʋka,
tɩ nebã kis foo.+
16 Foom a soab ning sẽn be pĩisã pẽgsẽ,
la sẽn be kunkubã zĩ-zãntsẽ wã,
fo belga f menga, nebã sẽn da zoet foomã yĩnga,
la fo sũurã sẽn pid ne tɩtaamã yĩnga.
Baa fo sẽn tɩʋ f tʋkã yĩngr wa sɩlgã,
mam na n kɩtame tɩ f yi be n lʋɩ.” Yaa a Zeova n yeele.
17 “Edom na n lebga bũmb sẽn kẽesd rabeem.+ Ned ning fãa sẽn na n loog be na n ges-a-la ne rabeem, la a yaal-a* tood nins fãa sẽn paam-a wã yĩnga. 18 Na n yɩɩ wa b sẽn sãam Sodom ne Gomoor la b tẽn-yagsã to-to wã.”+ Yaa a Zeova n yeele. “Ned baa a ye pa na n le zĩnd a pʋgẽ ye. Ned baa a ye pa na n le tilg a yir be ye.+
19 “Ned n na n wa zab ne rũms wãbneg zĩisã sẽn tar bãanã, wa gɩgemd+ sẽn yit Zʋrdẽ kʋɩlgã wogellã kãgrẽ wã, la zĩig pʋgẽ, mam na n kɩtame tɩ b* zoe n bas b tẽngã. Mam na n kɩtame tɩ ned ning m sẽn yãkã soog-a. Bala ãnda n yaa wa maam? Ãnda n tõe n gees ne maam? Rũm-kɩɩm bʋg n tõe n yals mam taoore?+ 20 Woto wã, kelg-y-yã a Zeova yam-yãkrã* Edom wɛɛngẽ, la a sẽn tagsd n na n maan Teman+ nebã bũmb ningã:
Sãmbg sẽn kae, b na n talla sẽn yaa-b bõoneg rũmsã sʋkã n looge.
Bãmb yĩnga, a na n kɩtame tɩ zĩig ning b sẽn be wã lebg raboogo.+
21 B lʋɩɩsã rãamd kɩtame tɩ tẽngã rigimdi.
Kelems rãamd n yita!
B wʋmda a rãamdã hal Mog-miuugẽ wã.+
Daar-n-kãnga, Edom gãndaadã sũy
na n lebga wa pag sẽn dat n dog sũuri.”
23 Damaas+ wɛɛngẽ b yeelame yaa:
“Hamat+ ne Arpaad paama yãnde,
bala b wʋma koe-beedo.
B sũyã bondga rabeemã yĩnga.
Nebã yaa wa mogrã sẽn gudg wʋsgã.
24 Damaas komsa raoodo.
A lebgame n na n zoe, la rabeem wʋsg n yõk-a.
A paama yɩɩr la toog
wa pag sẽn dat n doge.
25 Bõe n kɩt tɩ b pa raag pẽgr tẽngã n base,
rat n yeel tɩ sũ-noog tẽngã?
26 Bala a kom-bɩɩsã na n lʋɩɩ a zãma wã zĩisẽ,
tɩ sodaasã fãa ki daar-n-kãnga.” Yaa tãb-biis naab a Zeova n yeele.
27 “Mam na n ninga Damaas lalgã bugum,
t’a rɩ a Bɛn-hadaad gasd nins sẽn tar pãngã.”+
28 Kedaar+ ne Hazoor rĩmdã Babilon rĩm a Nebukadnezaar* sẽn sãamã wɛɛngẽ, a Zeova yeelame:
“Yik-y n kẽng-y Kedaare,
n tɩ sãam yaang kambã.
29 Y segd n deesa b fu-rotã ne b rũmsã,
n paas b fu-rotã pɛɛl ne b teedã fãa.
Tall-y b yʋgma wã n looge.
B na n yãba b poorẽ n yeel yaa: ‘Zĩig fãa yaa rabeem!’”
30 A Zeova yeelame: “Yãmb a Hazoor neba, zoe-y n zãag-y zĩiga!
Kẽng-y n tɩ zĩnd-y zĩ-zulumsẽ wã.
Bala Babilon rĩm a Nebukadnezaar* baoo a sẽn na n maan to-to n wa zab ne yãmba.
A tagsame n bãng a sẽn na n maan to-to n zab ne yãmba.”
31 “Yik-y n tɩ zab-y ne buud ning sẽn zĩ ne laafɩ,
buud ning sẽn zĩ bãanã!” Yaa a Zeova n yeele.
“A pa tar kʋɩlens wall sogds ye. A nebã welga toor n zĩẽ.
32 B na n talla b yʋgma wã n looge.
B rũmsã sẽn yaa wʋsgã na n lebga te-zɛɛdem.
Mam na n sãeeg-b-la ween-vɩɩsã fãa.*
Yaa neb nins fãa sẽn põngd b zutã kɩremsã.+
Mam na n kɩtame tɩ b yel-beedã yi ween-vɩɩsã fãa.” Yaa a Zeova n yeele.
33 “Hazoor na n lebga we-baas zĩiga.
A na n lebga zĩ-vɩʋʋg wakat fãa yĩnga.
Ned baa a ye pa na n le zĩnd a pʋgẽ ye.
Ned baa a ye pa na n le tilg a yir be ye.”
34 Ad goam nins a Zeova sẽn togs no-rɛɛs a Zeremi Elam+ wɛɛngẽ, Zida rĩm a Sedesiyaas+ naamã sɩngrẽ wã: 35 “Ad tãb-biis naab a Zeova sẽn yeele: ‘Mam na n kaooga Elam+ tãpã sẽn yaa b pãn-kãsengã yẽgrã.* 36 Mam na n kɩtame tɩ sobd a naasã yi saasã kɩrems a naasã n wa Elam zugu. Mam na n kɩtame tɩ b sãeeg n tũ sobd a naasã fãa. Buud kae Elam neb nins sẽn sãeegã sẽn pa na n kẽng ye.’”
37 “Mam na n sãama Elam nebã b bɛɛbã taoore, la neb nins sẽn baood n yãk b yõyã* taoore. Mam na n kɩtame tɩ yel-beed wa b zutu, rat n yeel tɩ mam sũ-pu-kãsengã.” Yaa a Zeova n yeele. “M na n kɩtame tɩ b rig-b ne sʋʋs hal tɩ b wa menem zãnga.”
38 “Mam na n lugla m geerã Elam+ pʋgẽ, la m sãam a rĩmã ne a nanambsã.” Yaa a Zeova n yeele.
39 “La wakat n wat tɩ m na n lebs n tigim Elam neb nins sẽn kẽng yembdã.” Yaa a Zeova n yeele.
50 Ad goam nins a Zeova sẽn togs no-rɛɛs a Zeremi Babilon+ wɛɛngẽ, Kalde nebã soolmã wɛɛngẽ wã:
2 “Moon-y rẽ buud toɛy-toɛyã sʋka. Moon-y rẽ.
Zẽk-y tãb-kaoore, la y moon dẽ.
Ra solg-y baa fʋɩ ye!
Yeel-y yaa: ‘B reega Babilonne.+
B ninga a Bɛll yãnde.+
A Merodak yɛɛsa wʋsgo.
B ninga Babilon bõn-naandsã yãnde.
A bõn-naandsã sẽn yaa bõn-yoodã* yɛɛsa wʋsgo.’
3 Bala buud n yi rɩtg n wa n na n zab ne-a.+
A kɩtame t’a soolmã na n lebg bũmb sẽn kẽesd rabeem.
Ned baa a ye pa le be a pʋgẽ ye.
Ninsaalbã ne rũmsã fãa zoeeme.
B zoe n loogame.”
4 A Zeova yeelame: “Wakat kãnga, Israyɛll nebã ne Zida nebã na n naaga taab n wa.+ B na n kẽndame la b yãbda.+ B na n naaga taab n bao b Wẽnnaam a Zeova.+ 5 B na n soka Siyõ sore, tɩ b nensã tees tẽn-kãnga.+ B na n yetame: ‘Wa-y tɩ d le lebg a Zeova nin-buiidu, n maan kaool ne-a, kaool sẽn paad wakat fãa tɩ ned pa na n tol n yĩm a yell ye.’+ 6 Mam nin-buiidã lebga bãgr piis sẽn meneme.+ Yaa b pe-kɩɩmbã mens n kɩt tɩ b meneme.+ B tall-b lame n kẽng tãensẽ wã, tɩ b gilgd tãensẽ wã la kunkubẽ wã. B yĩma b vʋʋsgã zĩig yelle. 7 Neb nins fãa sẽn yã bãmbã wãb-b lame.+ B bɛɛbã yeelame yaa: ‘Tõnd pa tar taal ye. Bala b maana yel-wẽn n beeg a Zeova. B beega a Zeova sẽn yaa tɩrlmã zĩiga, la b yaab-rãmbã sẽn da teeg a soabã.’”
9 Bala mam na n tigma bu-kãsems toɛy-toɛy sẽn yaa kʋʋng tɩ b yi rɩtg soolmẽ wã,+
n wa zab ne Babilonne.
B na n tonga taab tɩ ned kam fãa tar a zĩiga, n wa zab ne-a.
B na n deeg-a lame.
10 Kalde soolmã na n lebga te-zɛɛdem.+
Neb nins fãa sẽn zɛɛd-a wã na n paamame tɩ seke.”+ Yaa a Zeova n yeele.
Yãmb da tibda wa nag-sadg sẽn be moodẽ.
Yãmb da yãbda wa wed-raado.
12 B ninga yãmb ma wã yãnde.+
Sẽn dog-a yãmbã sũur sãamame.
Buud toɛy-toɛyã sʋka, yẽ n yaa bilf n yɩɩda.
A yaa we-raoog sẽn pa tar koom, we-rasempʋɩɩga.+
Ned ning fãa sẽn na n loog Babilon sɛɛg na n ges-a-la ne rabeem,
14 Yãmb a neb nins fãa sẽn yãagd* tãbdã,
tong-y taab tɩ ned fãa tar a zĩiga, n yi zĩig fãa n wa zab ne Babilonne.
15 Kaas-y zabr kaasg zĩig fãa n zab ne-a.
A basa zabrã.*
Rok-y y sũur ne-a.
Maan-y-yã-a wa a sẽn maanã.+
16 Yiis-y sẽn bʋt-a bõn-buud Babilonne,
n paas sẽn zãad-a goeoog tigsg wakate.+
Sʋ-kʋʋdgã yĩnga, ned kam fãa na n lebg n leba a nebẽ.
Ned kam fãa na n zoe n kuila a soolmẽ.+
17 “Israyɛll nebã yaa wa piis sẽn sãeege.+ Gɩgma n sãeeg-ba.+ Pipi, Asiiri rĩmã wãb-b lame.+ Rẽ poore, Babilon rĩm a Nebukadnezaar* wãba b kõabã.+ 18 Woto wã, ad Israyɛll Wẽnnaam a Zeova sẽn yaa tãb-biis naabã sẽn yeele: ‘Mam na n maana Babilon rĩmã ne a soolmã wa mam sẽn maan to-to ne Asiiri rĩmã.+ 19 Mam na n talla Israyɛll nebã n lebg n wa b rũms wãbneg zĩigẽ wã.+ B* na n wãba Karmell zugu, Basanne,+ Efrayim tãensã+ zut la Galaad+ n tɩge.’”
20 A Zeova yeelame: “Wakat kãnga,
b na n gẽesa Israyɛll taalã,
la b pa na n yã ye.
B pa na n yã Zida yel-wẽnã ye.
Bala mam na n kõo neb nins mam sẽn bas tɩ kellã sugri.”+
21 “Kẽng-y n tɩ zab-y ne Meratayim soolmã, la ne Pekood+ nebã.
Kʋ-y-ba, la y sãam-b zãnga.” Yaa a Zeova n yeele.
“Maan-y bũmb nins fãa mam sẽn yeel yãmbã.
22 Zabr dãamd n be soolmã pʋgẽ.
Yaa sabab-wẽng sẽn yaa kãsenga.
23 Ad b sɩd kɛɛga dũniyã fãa marto wã n lubi, la b wesg-a!+
Ad Babilon sɩd lebga bũmb sẽn kẽesd rabeem buud toɛy-toɛyã sʋka!+
24 Foom a Babilonne, mam dɩgla bẽdg fo yĩng t’a yõk foo,
la fo pa bãng ye.
B yãa foo n yõke,+
bala yaa a Zeova la fo sẽn da kɩɩsdã.
25 A Zeova paka a teedã bĩngr doogo,
n yiisd a sũ-puugrã zab-teedã.+
Bala tãb-biis naab a Zeova sẽn yaa Zu-soab sẽn ka to wã tara tʋʋmd
Kalde nebã soolmẽ.
26 Yi-y zĩ-zãrsẽ n wa zab ne-a.+
Pak-y-yã a baoã.+
Wʋk-y-yã a teedã n sam wa ka-rʋya.
Sãam-y-yã-a zãnga.+
Bɩ a ned baa a ye ra kell ye.
27 Kʋ-y a lol-poalã fãa.+
Bɩ y tall-b n tɩ koode.
Toog bee b zutu, bala b raarã taame,
wakat ning b sẽn na n sok-bã!
28 Neb nins sẽn zoetã rãamd yitame.
Yaa neb nins sẽn zoet n yit Babilon soolmẽ wã,
n na n tɩ moon b Wẽnnaam a Zeova sũ-dokrã Siyõ wã,
a sẽn dok a sũur a roogã yĩngã.+
Gũbg-y-yã-a, la y ra bas tɩ ned baa a ye põs ye.
Keo-y-yã-a wa sẽn zems a tʋʋmã.+
Maan-y-yã-a wa a sẽn maanã.+
Bala a wuka a meng n kɩɩs a Zeova.
A kɩɩsa Israyɛll Sõng soabã.+
30 Rẽ n so t’a kom-bɩɩsã na n lʋɩ a zãma wã zĩisẽ,+
t’a sodaasã fãa ki* daar-n-kãnga.” Yaa a Zeova n yeele.
31 “Foom a tõtre,+ mam zabda ne foom.”+ Yaa tãb-biis naab a Zeova sẽn yaa Zu-soab sẽn ka to wã n yeele.
“Bala fo daarã na n taame, daar ning mam sẽn na n sok foomã.
32 Foom a tõtre, fo na n lak n lʋɩɩme,
tɩ ned kae n na n zẽk-f ye.+
Mam na n ninga fo tẽnsã bugum,
t’a rɩ bũmb nins fãa sẽn gũbg foomã.”
33 Ad a Zeova sẽn yaa tãb-biis naabã sẽn yeele:
“B weoogda Israyɛll la Zida nebã.
Neb nins sẽn tall-b n kẽng yembdã gãd-b-la kãn-kãe.+
B zãgsame tɩ b kõn bas-b tɩ b loog ye.+
A yʋʋr la tãb-biis naab a Zeova.+
Sãmbg sẽn kae, a na n sõng-b lame tɩ b paam bʋʋm,+
sẽn na yɩl tɩ soolmã vʋʋse,+
la sẽn na yɩl tɩ rãmbg zĩnd Babilon nebã sʋka.”+
35 A Zeova yeelame yaa: “Sʋʋg n na n zab ne Kalde nebã,
rat n yeel tɩ Babilon nebã la ne a nanambsã la a yam dãmbã.+
36 Sʋʋg n na n zab ne gom-vɩɩdã rãmbã,* tɩ b maan yalemdo.
Sʋʋg n na n zab ne a gãndaadã, tɩ b yɛɛs wʋsgo.+
37 Sʋʋg n na n zab ne b wed-moosã la ne b zabr saar-dãmbã,*
n paas bu-zẽms nins fãa sẽn be Babilonnã.
B na n lebga wa pagba.+
Sʋʋg n na n zab ne a arzɛgsã. B na n zɛ-b lame.+
38 Sãoong n na n wa a ko-rãmbã zut tɩ b kʋɩ.+
Bala yaa bõn-naands b sẽn pees soolem.+
Sẽn paase, b vẽnegr toor-toorã sẽn kẽesd rabeemã yĩnga, b tʋmda gãeen-tʋʋma.
39 Woto wã, bõn-vɩɩs nins sẽn be we-rasempʋɩɩgẽ wã na n zĩnda be ne rũms nins sẽn yãbdã.
Naneoondã me na n zĩnda be.+
Ned pa na n tol n le zĩnd a pʋgẽ ye.
A pa na n yɩ zĩig neb sẽn na n zĩnd zãmaan woo zãmaan ye.”+
40 “Na n yɩɩ wa Wẽnnaam sẽn sãam Sodom ne Gomoor+ la b tẽn-yagsã to-to wã.”+ Yaa a Zeova n yeele. “Ned baa a ye pa na n le zĩnd a pʋgẽ ye. Ned baa a ye pa na n le tilg a yir be ye.+
42 B zãada tãbd la kãna.+
B yaa nin-toose, n pa na n zoe ned nimbãaneg ye.+
B sã n zao b wed-moosã,
b rãamdã sãta wa mogrã rãamde.+
Foom a Babilon bi-pugla, b tonga taab zabr yĩng wa nin-yɛng n na n zab ne foom.+
Toog n tar-a.
Yaa toog sẽn yaa wa pag sẽn wat n dogdẽ toogo.
44 “Ned n na n wa zab ne rũms wãbneg zĩisã sẽn tar bãanã, wa gɩgemd sẽn yit Zʋrdẽ kʋɩlgã wogellã kãgrẽ wã, la zĩig pʋgẽ, mam na n kɩtame tɩ b* zoe n bas b tẽngã. Mam na n kɩtame tɩ ned ning m sẽn yãkã soog-a.+ Bala ãnda n yaa wa maam? Ãnda n tõe n gees ne maam? Rũm-kɩɩm bʋg n tõe n yals mam taoore?+ 45 Woto wã, kelg-y-yã a Zeova yam-yãkrã* Babilon+ wɛɛngẽ, la a sẽn tagsd n na n maan Kalde nebã soolem bũmb ningã.
Sãmbg sẽn kae, b na n talla sẽn yaa-b bõoneg rũmsã sʋkã n looge.
Bãmb yĩnga, a na n kɩtame tɩ zĩig ning b sẽn be wã lebg raboogo.+
46 Babilon reegrã rãamd na n kɩtame tɩ tẽngã rigimdi.
B na n wʋma kaasg rãamd buud toɛy-toɛyã sʋka.”+
51 Ad a Zeova sẽn yeele:
2 Mam na n tʋma yɛlgdb Babilonne.
B na n yelg-a lame la b kɩt t’a soolmã lebg vɩʋʋgo.
B na n yii zĩig fãa n wa zab ne-a yel-beedã daare.+
3 Bɩ tãb-tãood ra yãag* a tãp ye.
Bɩ ned baa a ye ra yeelg a kut fuug* n yaas ye.
Ra zoe-y-yã a kom-bɩɩsã nimbãaneg ye.+
Sãam-y-yã a tãb-biisã fãa.
4 B na n kʋ-b lame tɩ b lʋɩ Kalde nebã soolmẽ.
B na n kõs-b lame tɩ b ki Babilon soayã zutu.+
5 Bala a Zeova sẽn yaa tãb-biis naabã+ pa bas Israyɛll ne Zida ye. B pa lebg wa pʋg-kõap ye.
La Kalde nebã soolem pida ne taal Israyɛll Sõng soabã nifẽ.
Bɩ y ra ki a kongrã yĩng ye.
Bala yaa a Zeova sũ-dokrã wakate.
B keood-a-la bũmb ning a sẽn maanã yĩnga.+
7 Babilon ra yaa sãnem wũmbl a Zeova nugẽ.
A kɩtame tɩ tẽngã neb fãa yũ rãam tɩ b nensã yilmi.
8 Zĩig pʋgẽ, Babilon lʋɩɩme n wã.+
Wiis-y-yã a yĩnga!+
Bao-y bomiye kaam* a toogã yĩnga, tɩ tõe t’a na n paama laafɩ.”
9 “Tõnd mak n na n tɩpa Babilonne, la a bãagã ra pa tar tɩɩm ye.
Bas-y-yã-a la y wa tɩ d looge, tɩ ned fãa kẽng a soolmẽ.+
Bala a taalã zẽk n taa saasã.
A zãntlmã yaa wa sawatã.+
10 A Zeova kaoo bʋʋdã ne tɩrlem tõnd yĩnga.+
Wa-y tɩ d kẽng Siyõ n tɩ gom tõnd Wẽnnaam a Zeova tʋʋmã yelle.”+
11 “Saas-y pɛɛmã.+ Rɩk-y gãnd nins sẽn yaa gilsã.*
A Zeova sẽn dat n sãam Babilonnã,
a pirsa Meed-rãmbã rĩm-dãmba.+
Bala a Zeova na n doka a sũuri. A na n doka a sũur a roogã yĩnga.
12 Zẽk-y tãb-kaoor+ n sãam Babilon lalgã.
Paas-y gũudbã sõore. Kɩt-y tɩ gũudb yalse.
Kɩt-y tɩ rap tɩ solge.
Bala a Zeova yãka a sẽn na n maan to-to n zabã.
A na n maana bũmb ning a sẽn pʋlem t’a na n maana Babilon nebã.”+
13 “Foom a pag ning sẽn zĩ koom wʋsg zugu,+
n tar laog wʋsgã,+
fo saabã wakat taame. Wakat ning fo sẽn paamd yõodã taa a tɛka.+
14 A Zeova sẽn yaa tãb-biis naabã wẽena ne a meng* n yeele:
‘Mam na n kɩtame tɩ rap sẽn yaa wʋsg wa sʋy wa pid foo.
B na kaasa ne sũ-noog b sẽn tõog foomã yĩnga.’+
15 Wẽnnaam n yaa soab ning sẽn naan tẽngã ne a pãngã,
soab ning sẽn yẽbg tẽn-gãongã ne a yamã,+
la sẽn yɛdg saasã ne a bãngrã.+
16 A sã n zẽk a koɛɛg n tãse,
ko-rãmbã sẽn be saasẽ wã gudgdame.
A kɩtdame me tɩ sa-wat* zẽkd tẽngã kɩremsẽ.
A maanda sa-yãgb saagã niib yĩnga,
la a kɩtdẽ tɩ sobg yit a teedã bĩngr dotẽ.+
17 Ned buud fãa maanda yalemd n pa tar bãngr ye.
Yõak fãa na n paama yãnde, bõn-naands nins a sẽn maanã yĩnga.+
Bala bõn-naandgã a sẽn dõogã yaa zãmb bũmbu,
la vʋʋsem pa be b pʋsẽ ye.+
18 B yaa belgre,*+ la bũmb sẽn segd ne yaalgo.
Daar ning b sẽn na n sok-bã sã n ta, b na n sãamame.
19 A Zakoob Pʋɩɩrã pa wa bõn-kãensã ye.
Bala yaa yẽ la soab ning sẽn naan bũmb fãa,
baa a pʋɩɩrã dasaarã.+
A yʋʋr la tãb-biis naab a Zeova.”+
20 “Fo yaa zabr dasaar mam yĩnga, rat n yeel tɩ zab-teoogo.
Bala mam na n talla foom n sãam buud toɛy-toɛya.
Mam na n talla foo n sãam rĩung toor-toore.
21 Mam na n talla foo n sãam wed-moosã ne b rʋʋdbã.
Mam na n talla foo n sãam zabr saar-dãmbã* ne neb nins sẽn zao b zutã.
22 Mam na n talla foo n sãam rap la pagba.
Mam na n talla foo n sãam nin-kẽemb la kamba.
Mam na n talla foo n sãam kom-bɩɩs la pʋg-sadba.
23 Mam na n talla foo n sãam pe-kɩɩmb ne b rũmsi.
Mam na n talla foo n sãam ka-koaadb ne b rũms b sẽn balge.
Mam na n talla foo n sãam guvɛrneer-dãmb la kom-bɛɛmba.
24 Mam na n keoo Babilon ne Kalde nebã,
wẽng ning fãa b sẽn maan Siyõ pʋgẽ yãmb nifẽ wã yĩnga.”+ Yaa a Zeova n yeele.
25 “Foom a tãng sẽn wat ne sãoongo, mam na n zaba ne foom.”+ Yaa a Zeova n yeele.
“Fo yaa dũniyã fãa sãamda.+
Mam na n tẽega m nug n zab ne foo, la m tus-f tɩ f yi pĩisã zut n lʋɩ.
Mam na n kɩtame tɩ fo lebg tãng sẽn dɩ bugum.”
26 “Ned pa na n dɩk gõdr zĩigẽ kugr wall yẽbgr kugr fo zug ye.
Bala fo na n lebga zĩ-vɩʋʋg wakat fãa yĩnga.”+ Yaa a Zeova n yeele.
27 “Zẽk-y tãb-kaoor soolmã pʋgẽ.+
Peeb-y baorg buud toɛy-toɛyã sʋka.
Tigm-y buud toɛy-toɛyã tɩ b zab ne-a.
Bool-y Ararat+ rĩungã, Mini, la Askenaaz+ rĩungã tɩ b wa zab ne-a.
Bao-y ned sẽn yãkd tãb-biis t’a zab ne-a.
Kɩt-y tɩ wed-moos wʋsg wa wa sʋy-bõonego.
28 Tigm-y buud toɛy-toɛyã tɩ b zab ne-a.
Yaa Medi+ rĩm-dãmbã, a guvɛrneer-dãmbã la a kom-bɛɛmbã fãa,
n paas soolem nins fãa b sẽn so wã.
29 Tẽngã na n digimdame la a miimi,
bala a Zeova sẽn tags n na n maan Babilon bũmb ninsã na n pidsame.
A na n kɩtame tɩ Babilon soolmã lebg bũmb sẽn kẽesd rabeem, tɩ ned pa le be a pʋgẽ ye.+
30 Babilon gãndaadã basa zabrã.
B zĩi b soondg zĩisẽ wã.
B pãngã saame.+
B lebga wa pagba.+
Bɛɛbã ninga a rotã bugum.
B kaoo a sogdsã.+
31 Zoɛt a yembr zoetame n segd zoɛt a to,
tɩ koe-taasd segd koe-taasd a to,
n na n tɩ togs Babilon rĩmã tɩ b reega a galʋ-tẽngã zĩis fãa,+
32 tɩ b reega kʋɩlgã zĩis nins b sẽn tõe n kẽn n dʋʋgã,+
tɩ b yõoga koom-kogend nins sẽn maan ne rudmã bugum,
la tɩ rabeem wʋsg n yõk sodaasã.”
33 Bala ad Israyɛll Wẽnnaam a Zeova sẽn yaa tãb-biis naabã sẽn yeele:
“Babilon bi-puglã yaa wa zɛɛga.
Wakat taame tɩ b na n tab-a t’a kidbi.
Ka la bilf bala, a tigsgã wakat na n taame.”
A rɩgla maam tẽng wa la-vɩʋʋgo.
A vela maam wa wag-bedre.+
A pʋga pida ne mam bõn-sõma wã.
A peka maam ne koom n lobe.
35 Siyõ bi-puglã yeelame: ‘Bɩ nen-kɛglem tʋʋmã b sẽn tʋm maam la b sẽn tʋm mam zugã wa Babilon zugu!’+
Zerizalɛm yeelame yaa: ‘Bɩ mam zɩɩmã taal zĩnd Kalde nebã zutu!’”
36 Woto wã, ad a Zeova sẽn yeele:
Mam na n kɩtame t’a mogrã kʋɩ, la m kɩt t’a bulsã kʋɩ.+
37 Babilon na n lebga kug-rʋya,+
we-baas zĩiga,+
bũmb sẽn kẽesd rabeem, la bũmb b sẽn na n yaandẽ,*
tɩ ned pa le be a pʋgẽ ye.+
38 B fãa na n naaga taab n yãb wa gɩgem-poala.
B na n wũuna wa gɩgem-bi.”
39 “B yão-beedã sã n wa paam pãnga, mam na n maana tigr b yĩnga, n kɩt tɩ b yũ rãam tɩ b nensã yilmi,
sẽn na yɩl tɩ b kɩdme.+
Rẽ poore, b na n gũsa gõeem sẽn pa sate,
gõeem b sẽn pa na n neke.”+ Yaa a Zeova n yeele.
40 “Mam na n tall-b lame n kẽng koodgã zĩigẽ wa pe-bi,
wa pe-raad la bʋʋse.”
Ad Babilon sɩd lebga bũmb sẽn kẽesd rabeem buud toɛy-toɛyã sʋka!
42 Mogrã puug n lima Babilonne.
A ko-pɛmã sẽn yaa wʋsgã lud-a lame.
43 Babilon tẽnsã lebga bũmb sẽn kẽesd rabeem, soolem sẽn pa tar koom, we-rasempʋɩɩga,
soolem ned sẽn pa na n le zĩnd a pʋgẽ, la zĩig ned sẽn pa na n pasge.+
Buud toɛy-toɛyã pa na le kaoogd n wat a nengẽ ye.
Babilon lalgã na n lʋɩɩme.+
45 Mam neba, yi-y-yã a pʋgẽ!+
Zoe-y n fãag-y y yõyã,*+ sẽn na yɩl t’a Zeova sũ-pu-kãsengã ra paam-y ye!+
46 Ra bas-y tɩ kibar ning y sẽn na n wʋm soolmã pʋgẽ wã kɩt tɩ y koms raoodo, wall kẽes-y rabeem ye.
Yʋʋmd a ye pʋgẽ, kibarã na n waame.
Yʋʋmd ning sẽn pʋgdã, kibar a to n na n wa.
B na n gomda nen-kɛglem sẽn maand soolmã pʋgẽ yelle, la nanambs sẽn zabd taab yelle.
47 Woto wã, daar n wate,
tɩ m na n tẽeg Babilon bõn-naands nins b sẽn peesã yelle.
A soolmã tõr na n paama yãnde.
A neb nins b sẽn kʋ wã fãa na n lʋɩɩ soolmã pʋgẽ.+
48 Saasã ne tẽngã la bũmb nins fãa sẽn be b pʋsẽ wã
na n kaasa sũ-noog Babilon yĩnga,+
bala sãamdbã na n yii rɩtg n wa a nengẽ.”+ Yaa a Zeova n yeele.
49 “Babilon nebã pa kʋ Israyɛll neb bal tɩ b lʋɩ ye.+
Dũniyã fãa neb nins b sẽn kʋ wã lʋɩɩ Babilon soolmẽ wã.
50 Yãmb a neb nins sẽn põs sʋʋgã, kell-y n kẽng-y la y ra yaas sɩɩ ye!+
Pa-y zĩ-zãrgẽ n tẽeg a Zeova yelle.
Tags-y Zerizalɛm yelle.”+
51 “B ninga tõnd yãnde, bala tõnd wʋma tʋya.
Yãnd luda tõnd nense,
bala sãamb n wa n sãam a Zeova roogã zĩ-sõamyã wã.”+
52 A Zeova yeelame: “Woto yĩnga, daar n wate,
tɩ m na n tẽeg Babilon bõn-naands nins b sẽn peesã yelle.
A soolmã fãa pʋgẽ, neb nins sẽn poglã na n wõosdame.”+
53 “Baa Babilon sã n dʋ saasẽ,+
baa a sã n paas a soondg zĩisã sẽn zãntã pãnga,
a sãamdbã na n yii mam nengẽ n kẽng a nengẽ.”+ Yaa a Zeova n yeele.
54 “Kelg-y-yã! Kaasg rãamd n yit Babilonne.+
Yel-beed meng-meng rãamd n yit Kalde nebã soolmẽ wã,+
55 bala a Zeova sãamda Babilonne.
A na n kɩtame t’a koɛɛgã sẽn yaa kãsengã sĩndi.
Babilon nebã ko-pɛmã na n maana bʋrg wa koom sẽn yaa wʋsgo.
Nebã na n wʋma b koeesã rãamde.
56 Bala sãamdã na n waa Babilonne.+
B na n yõga Babilon gãndaadã n looge.+
B na n kaoo b tãbdã.
Bala a Zeova yaa Wẽnnaam sẽn keoode.+
Sãmbg sẽn kae, a na n keoome.+
57 Mam na n kɩtame t’a nanambsã ne a yam dãmbã yũ rãam tɩ b nens yilmi.+
Yaa a guvɛrneer-dãmbã, a kom-bɛɛmbã la a gãndaadã.
B na n gũsa gõeem sẽn pa sate,
gõeem b sẽn pa na n neke.”+ Yaa Rĩm ning yʋʋr sẽn yaa tãb-biis naab a Zeova wã n yeele.
58 Ad a Zeova sẽn yaa tãb-biis naabã sẽn yeele:
“B na n sãama Babilon lalgã zãnga,+ baa a sẽn yaa taokã.
B na n ninga a kʋɩlensã bugum, baa b sẽn yaa wogdã.
Buud toɛy-toɛyã na n tʋma wʋsg zaalem yĩnga.
Buud toɛy-toɛyã na n tʋmame n ya, tɩ wa yɩ bugum dɩɩb bala.”+
59 Woto n yaa goam nins no-rɛɛs a Zeremi sẽn taas a Maseya biig a Neriya+ biig a Seraya, a sẽn wa n dabd Babilon ne Zida rĩm a Sedesiyaase, a Sedesiyaas naamã yʋʋm a naas-n-soabã. Yaa a Seraya n da get rĩmã teed yelle. 60 A Zeremi gʋlsa yel-beed nins fãa sẽn na n wa Babilon zugã seb-yɛng pʋgẽ, rat n yeel tɩ gom-kãensã fãa a sẽn gʋls Babilon wɛɛngẽ wã. 61 Sẽn paase, a Zeremi yeela a Seraya yaa: “Fo sã n ta Babilonne, fo segd n zẽka f koɛɛg n karem gom-kãensã fãa. 62 Rẽ poor bɩ f yeel yaa: ‘Zeova, yãmb goma zĩ-kãngã yell n yeel tɩ b na n sãam-a lame tɩ baa fʋɩ pa le be a pʋgẽ, ninsaalbã la rũmsã fãa, la t’a na n lebga raboog wakat fãa yĩnga.’+ 63 Fo sã n karem sebrã n sa, bɩ f sẽbg-a ne kugr n lob Efrat kʋɩlgã tẽn-sʋka. 64 Rẽ poor bɩ f yeel yaa: ‘Yaa woto la Babilon na n bõr n pa le tol n yiki,+ yel-beed ning mam sẽn na n kɩt tɩ wa a zugã yĩnga. A nebã pãng na n saame.’”+
Yaa woto n baasd a Zeremi goamã.
52 A Sedesiyaas+ sẽn deeg naamã t’a tara yʋʋm pisi la a yembre, la a rɩɩ naam yʋʋm piig la a ye Zerizalɛm. A ma yʋʋr la a Hamutalle,+ n da yaa Libna rao a Zeremi bi-pugla. 2 A ra maanda sẽn yaa wẽng a Zeova nifẽ. Yẽ maana bũmb nins fãa a Zowakim sẽn maanã.+ 3 Yɩɩ a Zeova sũ-puugrã yĩng la bõn-kãensã sẽn maan Zerizalɛm la Zida pʋgẽ wã, hal t’a wa menes-b a nifẽ.+ Sẽn paase, a Sedesiyaas tõdgame t’a kõn sak Babilon rĩmã ye.+ 4 A Sedesiyaas naamã yʋʋm a wɛ soabã, kiuug piigã rasem piig soabã daare, Babilon rĩm a Nebukadnezaar* waa ne a tãb-biisã fãa n na n zab ne Zerizalɛm. B tilga b sik-zĩigã, n me lalg n gũbg tẽngã.+ 5 Bãmb gũbga tẽngã n tãag rĩm a Sedesiyaas naamã yʋʋm piig la a ye soabã.
6 Kiuug a naas-n-soabã rasem a wɛ soabã daare,+ komã wɩnga tẽngã pʋgẽ hal tɩ rɩɩb ra kae nin-buiidã sẽn na n dɩ ye.+ 7 B wa n pooga tẽngã lalg tɩ sodaasã fãa tũ rignoor ning sẽn be lals a yiibã sʋka, rĩmã zẽedã zĩig sɛɛgã n zoe ne yʋngo. Rẽ tɩ Kalde nebã gũbga tẽngã. B kell n dɩka Araba wã sor n zoetẽ.+ 8 La Kalde nebã sodaasã pʋgla rĩm a Sedesiyaas+ n tɩ paam-a Zeriko we-rasempʋɩɩgã sẽn yaa tẽn-nabrẽ wã, t’a sodaasã fãa sãeeg n bas-a. 9 Dẽ, bãmb yõka rĩmã n tall-a n kẽng Babilon rĩmã nengẽ Ribla sẽn be Hamat soolmẽ wã, t’a kao a bʋʋdo. 10 Babilon rĩmã kʋʋ a Sedesiyaas kom-dibli wã a nifẽ, la a kʋ Zida nanambsã fãa Ribla. 11 Rẽ poore, a leoa a Sedesiyaas ninã,+ la a balg-a ne zũud bãens n tall-a n kẽng Babilonne, n tɩ pag-a bãens roog n tãag a kũumã daare.
12 Babilon rĩm a Nebukadnezaar* naamã yʋʋm piig la a wɛ soabã, kiuug a nu wã rasem piig soabã daare, a Nebuzaradan sẽn yaa gũudbã naaba, n leb n yaa Babilon rĩmã tʋm-tʋmdã waa Zerizalɛm.+ 13 Yẽ yõoga a Zeova roogã,+ rĩmã zakã,* la Zerizalɛm zagsã fãa. Sẽn paase, a yõoga ro-bɛdã fãa. 14 Kalde tãb-biisã fãa sẽn da be ne gũudbã naabã tusa lals nins fãa sẽn da gũbg Zerizalɛmmã n lubi.+
15 Gũudbã naab a Nebuzaradan talla naong rãmb kẽere, ne neb nins sẽn da ket tẽngã pʋgẽ wã n kẽng yembdo. A talla neb nins sẽn da zoe n tɩ sak Babilon rĩmã, ne nus-tʋʋm dãmb nins sẽn mi b tʋʋmd sõma wã sẽn ketã me n kẽng yembdo.+ 16 La gũudbã naab a Nebuzaradan basa tẽngã neb nins sẽn yaa naong rãmb n yɩɩdã kẽere. Yẽ modg-b lame tɩ b na n yõd n kood viyn pʋtã la pʋt a taabã.+
17 Kalde nebã wãa a Zeova roogã zũud ra-lugsã,+ n paas bilim-bilim-dãmbã+ ne zũud Mogrã+ sẽn da be a Zeova roogẽ wã, la b wʋk zũudã fãa n kẽng Babilon.+ 18 Bãmb wʋka tompɛglem laasã, pell-dãmbã, teed nins b sẽn tar n kiisd fɩtl-dãmbã bugmã, la-bõonegã,+ wũmbli wã,+ la teed nins fãa sẽn maan ne zũudã b sẽn da tar n tʋmd wẽnd-doogẽ wã. 19 Gũudbã naab wʋka la-pogdã,+ bugum laasã, la-bõonegã, tompɛglem laasã, fɩtl-dogendsã,+ wũmbli wã, la la-bõoneg nins sẽn maan ne sãnem halaal la ne wanzuri halaalã.+ 20 La sã n yaa ne ra-lugs a yiibã, Mogrã, zũud lols piig la a yiibã+ sẽn da be Mogrã tẽngrã, la bilim-bilim-dãmbã rĩm a Salomo sẽn da maan a Zeova roogã yĩngã, b ra pa tõe n mak te-kãensã fãa zũudã zɩslem n bãng ye.
21 Sã n yaa ne ra-lugsã, ra-luk fãa zãntlem ra yaa kãntɩɩg* piig la a nii. B ra tõe n talla wĩir woglem sẽn yaa kãntɩɩg piig la a yiib n vilimd-a n soge.+ A taglmã ra yaa nug-bil* naoor a naase. A pʋgẽ wã ra yaa vɩʋʋgo. 22 Pugli wã sẽn da be b zutẽ wã ra yaa ne zũudu. Pugl fãa zãntlem ra yaa kãntɩɩg a nu.+ Gãmbrã ne gernaad tɩɩg biisã fãa b sẽn maan n gilg puglã ra yaa ne zũudu. Ra-luk a to wã ne gernaad tɩɩg biisã me ra yaa woto. 23 Gernaad tɩɩg biis pis-wɛ la a yoob n da gilg gãmbrã tɩ b neẽ, la fãa sã n naag taaba, ra yaa gernaad tɩɩg biis koabga.+
24 Gũudbã naab yõka maan-kʋʋdbã taoor soab a Seraya,+ n paas maan-kʋʋd a Sofoni+ sẽn yaa a pʋgdgã, ne rigno-gũudb a tãabã.+ 25 Yẽ leb n yõka tẽngã na-yirã tʋm-tʋmd a ye sẽn da get sodaasã yelle, n paas rĩmã sagendb a yopoe, ne sodaasã naab seb-gʋlsdã sẽn da yãkd sodaas nin-buiidã sʋkã, la rap pis-yoob nin-buiidã sẽn da ket tẽngã pʋgẽ wã sʋka. 26 Gũudbã naab a Nebuzaradan talla bãmb n kẽng Babilon rĩmã nengẽ Ribla. 27 Babilon rĩmã kʋʋ bãmb Ribla,+ Hamat soolmẽ wã. Yɩɩ woto la b yiis Zida nebã b soolmẽ wã, n tall-b n kẽng yembdo.+
28 Ad neb nins a Nebukadnezaar* sẽn tall n kẽng yembdã sõore: Yʋʋm a yopoe-n-soabã, yɩɩ Zʋɩf-rãmb tus a tãab la pisi la a tãabo.+
29 A Nebukadnezaar*+ naamã yʋʋm piig la a nii-n-soabã, b talla neb* kobs-nii la pis-tã la a yiib n yi Zerizalɛm.
30 A Nebukadnezaar* naamã yʋʋm pisi la a tãab-n-soabã, gũudbã naab a Nebuzaradan talla Zʋɩf-rãmb n kẽng yembdo. Yɩɩ neb* kobs-yopoe la pis-naas la a nu.+
Fãa sã n naag taaba, yaa neb* tus a naas la kobs yoob la b tall n kẽng yembdo.
31 B sẽn tall Zida rĩm a Zowakin+ n kẽng yembdã yʋʋm pis-tã la a yopoe-n-soabã, kiuug piig la a yiib-n-soabã rasem pisi la a nu wã daare, Babilon rĩm a Evɩll-merodak yiis-a lame.* Yɩɩ yʋʋmd ning a Evɩll-merodak sẽn deeg naamã la a yiis-a bãensã roogẽ.+ 32 A goma ne a Zowakin noog-noogo, la a kõ-a naam n yɩɩg rĩm-dãmb a taabã sẽn da be ne-a Babilonnã. 33 Woto, a Zowakin yeesa a bãens roog futã. Hal a yõor tɛka, yẽ ra rɩta rĩmã taoor daar fãa. 34 Babilon rĩmã ra kɩtame tɩ b kõt-a rɩɩb daar fãa n tãag a kũumã daare, rat n yeel t’a yõor tɛka.
Tõe tɩ rat n yeelame t’a “Zeova zẽkdame.”
Bɩ, “yãka.”
Ebre, “Nand tɩ fo yi pʋgẽ wã.”
Bɩ, “welga foo toore.”
Bɩ, “bi-bɩɩg.”
Ebre, “sẽn nekd a soaba.”
Bɩ, “rʋk b sẽn tar n segendẽ t’a noorã yaa yalenga.”
Ebre, “rʋk b sẽn fibda,” tɩ wilgd bugum sẽn be a tẽngr tɩ b fibda.
Ebre wã gom-bilã tõe n bilgda wisd b sẽn yõogd me.
Ebre, “sẽbga f sɛɛga.”
Bɩ, “sakd maam.”
Bɩ, “ko-sʋk tẽnsẽ wã.”
Bɩ, “n pees,” tõe tɩ yaa pĩig kugẽ.
Rat n yeel tɩ bogd b sẽn tu n ningd koom n bĩngdẽ.
Bɩ, “Menfis.”
Rat n yeel tɩ Nil kʋɩlgã naoore.
Rat n yeel tɩ Efrate.
Bɩ, “alkali.”
Bɩ, “a sɩɩgã ratem wakate.”
Ebre, “a kiuugã sasa.”
Bɩ, “wẽn-sãamse.”
Bɩ, “kãadem sẽbdg bɩ?”
Ebre, “Araab.”
Bɩ, “t’a sɩɩgã.”
Bɩ, “wẽn-sãams.”
Pa rẽ bɩ, “yãmb sɩda.”
Ebre, “sẽn zems mam sũuri.”
Ebre, “buud toɛy-toɛyã tab-biisã sʋkã.”
Ebre, “a tũud-n-taag.”
Bɩ, “tãb-kaoor.”
Bɩ, “pãb y yãad.”
Ebre, “rĩmã sũur na n komsame.”
Bɩ, “tɩ sʋʋg yaool n ta tõnd sɩɩgã.”
Yaa bũmb sẽn wõnd sarɛt tɩ wed-moos tatẽ.
Ebre, “Gũudba,” rat n yeel tɩ neb nins sẽn gũusd tẽngã sẽn na yɩl n bãng b sẽn tõe n zab ne-a wakat ning.
Ebre, “mam sũurã lalsẽ.”
Bɩ, “mam sɩɩgã.”
Pa rẽ bɩ, “zabr kaasg rãamde.”
Bɩ, “tãb-kaoorã.”
Bɩ, “maan m bãngẽ.”
Bɩ, “baooda fo sɩɩgã.”
Bɩ, “mam sɩɩgã.”
Ebre, “b pãngã pa boog ye.”
Bɩ, “Mam sɩɩgã.”
Pa rẽ bɩ, “A kae ye.”
Ebre, “burã.”
Ebre, “Yãmb a yalemb sẽn pa tar sũuri.”
Ebre, “kamb sẽn pa tar ba-rãmb.”
Bɩ, “Mam sɩɩgã.”
Bɩ, “mam sɩɩgã.”
Ebre, “B tʋbã pa kẽ bãongo.”
Ebre, “neb nins sẽn tɩg ne rasmã.”
Bɩ, “kaoondã.”
Bɩ, “zugẽ-zugẽ.”
Bɩ, “zãmsgã.”
Ebre, “rogem toog.”
Rat n yeel t’a Zeremi.
Ebre, “B yaa.” Yaa wẽnd-doogã rotã fãa yell la b gomda.
Bɩ, “kamb sẽn pa tar ba-rãmb.”
Bɩ, “zãmaan woo zãmaanã.”
Bɩ, “maand sẽn nusd bug-zõos.”
Ebre, “sẽn sãt beoog n gomdã.”
Yaa wẽn-poak Israyɛll nebã sẽn yaa kɩɩsdbã sẽn da waoogd yʋʋre. Wõnda yaa wẽn-poak b sẽn da yet t’a kõta pagbã rogem.
Bɩ, “saglsã.”
Ebre, “da sãta yibeoog fãa n tʋmd-ba.”
Ebre, “kenga b yubli wã.”
Bɩ, “f sẽn dɩk n kõ wã.”
Bɩ, “kʋʋr yɩɩlle.”
Ges-y gom-biis võor bilgrã zĩigẽ, zĩig ning b sẽn gʋls tɩ “Zeyɛnnã.”
Bɩ, “sẽn zɩ n wa mam yamẽ ye.”
Ges-y gom-biis võor bilgrã zĩigẽ, zĩig ning b sẽn gʋls tɩ “Zeyɛnnã.”
Ebre, “saasẽ tãb-biisã.”
Pa rẽ bɩ, “bulwãoog.”
Bɩ, “zãmsgã.”
Bɩ, “kaoondã.”
Bɩ, “zugẽ-zugẽ.”
Bɩ, “kaoondã.”
Yaa tɩɩs kẽer kaam sẽn tar yũ-noogo.
Bɩ, “logtor.”
Ebre, “a wũgame n gũudẽ.”
Bɩ, “Mam sɩɩgã.”
Bɩ, “kʋʋr yɩɩll.”
Bɩ, “zãmsgã.”
Absẽnt yaa tɩɩga, t’a sũmã yaa toog liga n le yaa zẽnem.
Bɩ, “kʋʋr yɩɩl.”
Bɩ, “kʋʋr yɩɩlle.”
Bɩ, “zaalem.”
Bɩ, “zaalem.”
bʋla.
Sɩngrẽ wã, b gʋlsa vɛrse 11 wã ne Arameyẽ buud-gomdã.
Bɩ, “walmã.”
Bɩ, “zaalem.”
Ebre, “a rogem-pʋɩɩrã dasaare.”
Bɩ, “kaoongã.”
Wõnda yaa a Zeremi la a gomd ne.
Bɩ, “Bɩ a yɩ woto!
Ebre, “da sãta beoog n sagend-b.”
Bɩ, “maand sẽn nusd bug-zõos.”
Rat n yeel t’a Zeremi.
Rat n yeel tɩ Zida.
Rat n yeel tɩ maand b sẽn maan wẽnd-doogẽ wã.
Ebre, “yiimã.”
Ebre, “m bʋ-kaoorã yell.”
Bɩ, “sẽn baood mam sɩɩgã.”
Bɩ, “mam sɩɩgã sẽn nong a soabã.”
Bɩ, “sẽn yaa gʋlem-gʋlme.”
Pa rẽ bɩ, “A yãbda kʋʋre.”
Ebre, “Yĩn-nems baa a ye.”
Bɩ, “mam sɩɩgã.”
Bɩ, “B gũbga goabg tẽnsã.”
Bɩ, “Etiyopi ned.”
Bɩ, “yãn-tʋʋmã.”
Bɩ, “b nin-bõonegã.”
Ebre, “bogdẽ wã.”
Bɩ, “bãaga.”
Bɩ, “y sɩɩgã.”
Bɩ, “mam sɩɩgã pa na n tees nin-buiidã ye.”
Pa rẽ bɩ, “bʋ-kaoor a naas.” Ebre, “buud a naas.”
Pa rẽ bɩ, “F kell n kẽna po-tulli.”
Bɩ, “maana m bãngẽ.”
Ebre, “rignoyẽ.”
Bɩ, “A sɩɩgã.”
Ebre, “n dɩk-m n loog ye.”
Bɩ, “yãmb kõo maam taal-ningr koɛɛga.”
Ebre, “wa mam mengã noore.”
Yaa minung bu-zẽmsã sẽn da maand kʋʋr wakate. Wõnda Israyɛll neb nins sẽn da yaa sɩdã kɩɩsdbã me ra maanda woto.
Ebre, “bee b soayã fãa zutu.”
Ebre, “kũ-rãmbã.”
Ges-y gom-biis võor bilgrã zĩigẽ.
Ges-y gom-biis võor bilgrã zĩigẽ.
Pa rẽ bɩ, “b widga yãmb wa bugum mam sũ-puugrã pʋgẽ.”
Bɩ, “pãng soab.”
Bɩ, “pãng soab.”
Bɩ, “bɛlgd.”
Pa rẽ bɩ, “A pa tar tɩɩm ye.”
Ebre, “yiimã.”
Ebre, “maamã.” Tõe tɩ yaa a Zeova yell la b sẽn gomdã.
Bɩ, “Sãam-y-b naoor a yiibu.”
Bɩ, “ne y sɩɩsã.”
Ebre, “B kenga b yubli wã.”
Yaa bũmb sẽn wõnd sarɛt tɩ wed-moos tatẽ.
Bɩ, “goabg.”
Ebre, “wa sẽn yaa tɩrg yagdã nifẽ t’a maane.”
Bɩ, “maana m bãngẽ.”
Bɩ, “maana m bãngẽ.”
Bɩ, “maand sẽn nusd bug-zõos.”
Bɩ, “sẽn pa maneg zutu.”
Ebre, “bũmb b sẽn fɩɩnd a poorẽ.”
Bɩ, “zãmsgã.”
Ebre, “pãb-a ne zɩlemde.”
Bɩ, “sɩɩgã.”
Ebre, “tʋb na n wãgame.”
Bɩ, “sẽn zɩ n wa mam yamẽ ye.”
Bɩ, “sẽn baood b sɩɩgã.”
Ebre, “bũmb b sẽn fɩɩnd a poorẽ.”
Bɩ, “sẽn baood b sɩɩgã.”
Ebre, “saasẽ tãb-biisã.”
Ebre, “kenga b yubli wã.”
Ebre, “yiimã.”
Ebre, “m bʋ-kaoorã yell.”
Bɩ, “naong soab sɩɩg.”
Ebre, “Nebukadrezaar.” Yaa yʋʋrã boolg a to.
Bɩ, “Bãag.”
Ebre, “Nebukadrezaar.” Yaa yʋʋrã boolg a to.
Bɩ, “sẽn baood b sɩɩsã.”
Bɩ, “sɩɩgã.”
Bɩ, “tẽn-nabrẽ.”
Bɩ, “na-yirã.”
Ebre, “biig sẽn pa tar ba.”
Yaa bũmb sẽn wõnd sarɛt tɩ wed-moos tatẽ.
B boond-a lame me t’a Yowakaaze.
Wõnda yaa Zerizalɛm la b sẽn gomd ne wã.
Ebre, “rogem toog.”
B boond-a lame me t’a Zowakin la a Zekoniya.
Bɩ, “sẽn baood f sɩɩgã.”
Ebre, “Nebukadrezaar.” Yaa yʋʋrã boolg a to.
Bɩ, “Soolem!”
Ebre, “rayã.”
Ebre, “tobeng.”
Bɩ, “lebga wẽn-kɩɩsdba.”
Absẽnt yaa tɩɩga, t’a sũmã yaa toog liga n le yaa zẽnem.
Ebre, “Mam pa pid saasã ne tẽngã sɩda?”
Bɩ, “koɛɛg sẽn yaa zɩsgã.” Ebre wã gom-bilã tõe n bilga bũmb a yiibu: “Wẽnnaam goam sẽn zɩse,” wall “bũmb sẽn yaa zɩsgo.”
Bɩ, “koɛɛg sẽn yaa zɩsgã.”
Bɩ, “koɛɛg sẽn yaa zɩsgã.”
Bɩ, “koɛɛg sẽn yaa zɩsgã.”
Bɩ, “koɛɛg sẽn yaa zɩsgã.”
Bɩ, “koɛɛg sẽn yaa zɩsgã.”
Bɩ, “koɛɛg sẽn yaa zɩsgã.”
Ebre, “Nebukadrezaar.” Yaa yʋʋrã boolg a to.
B boond-a lame me t’a Zowakin la a Koniya.
Bɩ, “b na n lebga yel-bũndi.”
Bɩ, “bãag.”
Ebre, “Nebukadrezaar.” Yaa yʋʋrã boolg a to.
Bɩ, “sẽn yeel Zida la Zerizalɛm nebã fãa wã.”
Ebre, “sãt beoog n gomda.”
Ebre, “ra sãta beoog n tʋmd-ba.”
Ebre, “Nebukadrezaar.” Yaa yʋʋrã boolg a to.
Ebre, “bũmb b sẽn fɩɩnd a poorẽ.”
Bɩ, “sɩbga.”
Ebre, “bũmb b sẽn fɩɩnd a poorẽ.”
Wõnda yaa Babɛl (Babilon) yʋʋr a to.
Ebre, “sẽn tabd vẽ wẽkr boko.”
Ebre, “yĩn-nemsã fãa.”
Ebre, “rũmsã.”
Ebre, “Rũmsã.”
Ebre, “rũmsã.”
Bɩ, “wõgemded.”
Bɩ, “maana m bãngẽ.”
Bɩ, “zãmsgã.”
Ebre, “da sãt beoog n tʋmd-b.”
Bɩ, “na-yirã.”
Bɩ, “maana a bãngẽ.”
Bɩ, “Wẽnd-doogã tãngã.”
Bɩ, “maan a bãngẽ.”
Bɩ, “tõnd sɩɩsã.”
Ebre, “ned ning sẽn zems ne rẽ mam nifẽ.”
Bɩ, “bãaga.”
Ebre, “vʋʋs.”
Bɩ, “na-yirã.”
Rat n yeel tɩ zũud Mogrã sẽn be wẽnd-doogẽ wã.
Bɩ, “na-yirã.”
Bɩ, “Bɩ a yɩ woto!”
Bɩ, “bãag.”
Bɩ, “bãag.”
Pa rẽ bɩ, “kankam sẽn pusi.”
Ebre, “fɩɩnda b poorẽ.”
Ebre, “da sãta beoog n tʋmd-ba.”
Ebre, “Nebukadrezaar.” Yaa yʋʋrã boolg a to.
Bɩ, “pend.”
Ebre, “pelge.”
Ebre, “ra-kãsenga.”
Ebre, “t’a yɩ b yamb ye.”
Bɩ, “rems.”
Pa rẽ bɩ, “paam waoogre.”
Bɩ, “Yaa rẽ yĩng la mam sẽn kell n maan yãmb neerã.”
Yaa bũmb sẽn wõnd gãngaoogo, tɩ b zãad ne nug n pãbda.
Bɩ, “yi n tɩ naag neb nins sẽn laadã saoogẽ.”
Bɩ, “londẽ.”
Ebre, “lebs n daa.”
Bɩ, “fãag-a.”
Bɩ, “bõn-sõma wã.”
Bɩ, “B sɩɩsã.”
Bɩ, “maan-kʋʋdbã sɩɩsã.”
Bɩ, “kambã.”
Bɩ, “sɩɩs.”
Pa rẽ bɩ, “b sɩdã.”
Ebre gom-bilã tõe n maka ninsaalb kũ-rãmb me.
Bɩ, “tompɛglem sẽn naag kaamã,” rat n yeel tɩ tompɛglmã sẽn kalem ne maandã kaamã.
Bɩ, “tẽn-nabrã.”
Ebre, “Nebukadrezaar.” Yaa yʋʋrã boolg a to.
Bɩ, “na-yirã.”
Ebre, “lebs n da-a.”
Ebre, “lebs n da-a.”
Sɩkl zemsa garam 11,4. Ges-y vẽnegr ning sẽn yaa B14.
Ebre, “saglgã.”
Bɩ, “bãagã.”
Ebre, “yĩn-nemsã fãa.”
Ebre, “Nebukadrezaar.” Yaa yʋʋrã boolg a to.
Ebre, “da sãt beoog n zãmsd-bã.”
Ges-y gom-biis võor bilgrã zĩigẽ, zĩig ning b sẽn gʋls tɩ “Zeyɛnnã.”
Bɩ, “Zɩ n wa mam yamẽ ye.”
Ges-y gom-biis võor bilgrã zĩigẽ.
Ebre, “sõmblem.”
Ebre, “tobeng.”
Ebre, “saasẽ tãb-biisã.”
Ebre, “Nebukadrezaar.” Yaa yʋʋrã boolg a to.
Ebre, “Rũndã.”
Bɩ, “bãag.”
Bɩ, “sẽn baood b sɩɩgã.”
Bɩ, “sẽn baood b sɩɩgã.”
Bɩ, “ro-pʋg.”
Yʋʋrã tõr yaa Zehonadaab.
Yʋʋrã tõr yaa Zehonadaab.
Ebre, “Nebukadrezaar.” Yaa yʋʋrã boolg a to.
Ebre, “da sãta beoog n gomda.”
Ebre, “da sãta beoog fãa n tʋmd-b.”
Yʋʋrã tõr yaa Zehonadaab.
Bɩ, “sebrã.”
Bɩ, “sebrã.”
Bɩ, “rɩɩbã roogẽ.”
Bɩ, “sebrã.”
Bɩ, “na-yirã.”
Bɩ, “Na-yirã tʋm-tʋmdbã.”
Bɩ, “sebrã.”
Bɩ, “sebrã.”
Yaa sɩpaolg kiuugã rasem piig la a nu n tãag yʋʋm-sar kiuugã rasem piig la a nu. Ges-y vẽnegr ning sẽn yaa B15.
Tõe tɩ yaa rĩmã zakã neda.
Bɩ, “sebr.”
B boond-a lame me t’a Zowakin la a Zekoniya.
Ebre, “Nebukadrezaar.” Yaa yʋʋrã boolg a to.
Bɩ, “y sɩɩs.”
Ebre, “bulgã roogẽ.”
Bɩ, “na-yirã.”
Bɩ, “bãag.”
Ebre, “yi n bʋʋg.”
Bɩ, “sɩɩgã.”
Ebre, “nusi.”
Tõe tɩ yaa rĩmã zakã neda.
Bɩ, “na-yirã.”
Bɩ, “na-yirã.”
Ebre, “bur.”
Bɩ, “na-yirã.”
Bɩ, “sẽn baood fo sɩɩgã.”
Ebre, “yi n bʋʋg.”
Bɩ, “fo sɩɩgã na n kell n vɩɩmdame.”
Ebre, “yi n bʋʋg.”
Bɩ, “Y sɩɩgã.”
Ebre, “yi n bʋʋg.”
Bɩ, “na-yirã.”
Ebre, “Nebukadrezaar.” Yaa yʋʋrã boolg a to.
Ne Ebre yaa “a Nergall-saretsɛɛre, a Samgaar-nebo, a Sarsekim, a Rabsariis.”
Bɩ, “tɩt rãmbã (ãds-bagbã) naaba.”
Ebre, “Nebukadrezaar.” Yaa yʋʋrã boolg a to.
Bɩ, “na-yirã.”
Pa rẽ bɩ, “n modg-b tɩ b tʋme.”
Ebre, “Nebukadrezaar.” Yaa yʋʋrã boolg a to.
Bɩ, “na-yirã tʋm-tʋmdbã naabã.”
Bɩ, “tɩt rãmbã (ãds-bagbã) naab.”
Bɩ, “sɩɩgã.”
Orz yaa kood sẽn wõnd bɩle.
Pa rẽ bɩ, “bãkã sẽn yaa kãsengã.”
Bɩ, “sũur na n sãama.”
Bɩ, “zĩnd wakat bilf pʋg.”
Bɩ, “bãag.”
Bɩ, “sɩɩga.”
Bɩ, “sɩɩs nins fãa.”
Ebre, “Nebukadrezaar.” Yaa yʋʋrã boolg a to.
Bɩ, “tɩ bũmb pa maan-a ye.”
Bɩ, “Wĩntoogã roogo (wẽnd-doogo,)” rat n yeel tɩ Heliyopoliis.
Bɩ, “Menfis.”
Ebre, “da sãta beoog n tʋmd-ba.”
Bɩ, “sɩɩsã.”
Bɩ, “sãam y sũyã.”
Bɩ, “bãag.”
Yaa wẽn-poak Israyɛll nebã sẽn yaa kɩɩsdbã sẽn da waoogd yʋʋre. Wõnda yaa wẽn-poak b sẽn da yet t’a kõta pagbã rogem.
Ebre, “bur.”
Yaa wẽn-poak Israyɛll nebã sẽn yaa kɩɩsdbã sẽn da waoogd yʋʋre. Wõnda yaa wẽn-poak b sẽn da yet t’a kõta pagbã rogem.
Yaa wẽn-poak Israyɛll nebã sẽn yaa kɩɩsdbã sẽn da waoogd yʋʋre. Wõnda yaa wẽn-poak b sẽn da yet t’a kõta pagbã rogem.
Ebre, “sũurẽ.”
Yaa wẽn-poak Israyɛll nebã sẽn yaa kɩɩsdbã sẽn da waoogd yʋʋre. Wõnda yaa wẽn-poak b sẽn da yet t’a kõta pagbã rogem.
Bɩ, “sẽn baood a sɩɩgã.”
Ebre, “Nebukadrezaar.” Yaa yʋʋrã boolg a to.
Bɩ, “sẽn da baood a sɩɩgã.”
Bɩ, “gũuda.”
Ebre, “yĩn-nemsã fãa.”
Bɩ, “sɩɩgã.”
Ebre, “Nebukadrezaar.” Yaa yʋʋrã boolg a to.
Yaa sẽn tãood-b tãbdã n da wae n zãad gãn-bila.
Bɩ, “gãn-tigsã.”
Yaa bũmb sẽn wõnd sarɛt tɩ wed-moos tatẽ.
Ebre, “tabd.”
Bɩ, “koodg.”
Yaa tɩɩs kẽer kaam sẽn tar yũ-noogo.
Ebre, “Nebukadrezaar.” Yaa yʋʋrã boolg a to.
Bɩ, “Menfis.”
Ebre, “wakat sẽn yãk.”
Rat n yeel tɩ sẽn na n tõog-a Ezɩptã.
Bɩ, “Menfis.”
Pa rẽ bɩ, “A na n lebga raboogo.”
Bɩ, “sẽn wɩɩsd raado.”
Rat n yeel tɩ Tebɛɛse.
Bɩ, “sẽn baood b sɩɩsã.”
Ebre, “Nebukadrezaar.” Yaa yʋʋrã boolg a to.
Bɩ, “rems.”
Yaa bũmb sẽn wõnd sarɛt tɩ wed-moos tatẽ.
Rat n yeel tɩ Kɛrɛte.
Rat n yeel tɩ b na n põnga b zutã, sũ-sãangã la yãndã yĩnga.
Bɩ, “sɩɩsã.”
Bɩ, “Tẽn-nabrã.”
Pa rẽ bɩ, “tẽn-koɛɛngẽ.”
Bɩ, “pãngã.”
Bɩ, “gudg.”
Rat n yeel tɩ wɩɩg b sẽn peebd b sẽn wat n yãbd kʋʋre.
Bɩ, “gudga.”
Rat n yeel tɩ wɩɩg b sẽn peebd b sẽn wat n yãbd kʋʋre.
Pa rẽ bɩ, “kaas zabr kaasg.”
Bɩ, “a tẽn-kɩremsã.”
Bɩ, “piisã yãg.”
Ebre, “koom sẽn zoet a pʋgẽ wã.”
Ebre, “kamb sẽn pa tar ba-rãmbã.”
Ebre, “fɩɩl a poorẽ.”
Tõe tɩ yaa Edom nebã yell la b gomda.
Bɩ, “saglgã.”
Ebre, “Nebukadrezaar.” Yaa yʋʋrã boolg a to.
Ebre, “Nebukadrezaar.” Yaa yʋʋrã boolg a to.
Ebre, “sobdã fãa.”
Ebre, “sɩngrã.”
Bɩ, “sẽn baood b sɩɩgã.”
Ebre gom-bilã tõe n dat n bilga “bĩndu.” B wae n pʋta gom-bi-kãng n na n paoog bũmb ning yell b sẽn gomdã.
Ebre, “fɩɩl a poorẽ.”
Ebre, “tabd.”
Ebre, “A rɩka a nusã n kõ.”
Ebre, “Nebukadrezaar.” Yaa yʋʋrã boolg a to.
Bɩ, “B sɩɩsã.”
Ebre, “tabd.”
Ebre, “sĩnd.”
Bɩ, “Soab ning sẽn na n lebs n da-bã.”
Bɩ, “zirẽ-be-no-rɛɛsdbã.”
Yaa bũmb sẽn wõnd sarɛt tɩ wed-moos tatẽ.
Tõe tɩ yaa Babilon nebã yell la b gomda.
Bɩ, “saglgã.”
Wõnda yaa Kalde yʋʋr a to.
Ebre, “tab.”
Bɩ, “gãn-tik.”
Bɩ, “sɩɩsã.”
Yaa tɩɩs kẽer kaam sẽn tar yũ-noogo.
Pa rẽ bɩ, “Pids-y logdã.”
Bɩ, “a sɩɩgã.”
Bɩ, “walem.”
Bɩ, “zaalem.”
Yaa bũmb sẽn wõnd sarɛt tɩ wed-moos tatẽ.
Ebre, “Nebukadrezaar.” Yaa yʋʋrã boolg a to.
Ebre, “bũmb b sẽn fɩɩnd a poorẽ.”
Wõnda yaa Babɛl (Babilon) yʋʋr a to.
Bɩ, “sɩɩse.”
Ebre, “Nebukadrezaar.” Yaa yʋʋrã boolg a to.
Ebre, “Nebukadrezaar.” Yaa yʋʋrã boolg a to.
Bɩ, “na-yirã.”
Kãntɩɩg zemsa sãntimetr 44,5. Ges-y vẽnegr ning sẽn yaa B14.
Nug-bil zemsa sãntimetr a 1,85. Ges-y vẽnegr ning sẽn yaa B14.
Ebre, “Nebukadrezaar.” Yaa yʋʋrã boolg a to.
Ebre, “Nebukadrezaar.” Yaa yʋʋrã boolg a to.
Bɩ, “sɩɩs.”
Ebre, “Nebukadrezaar.” Yaa yʋʋrã boolg a to.
Bɩ, “sɩɩs.”
Bɩ, “sɩɩs.”
Ebre, “zẽka a zugu.”