Rasem a yiib tigs-kãseng ning sẽn watã

Dũni kãngã ratame tɩ tõnd tẽ t’a pa na n tol n loog ye. La Wẽnnaam Gomdã yeta tõnd vẽeneg bal t’a na n loogame. (1 Zã 2:15-17) Wẽnnaam Gomdã leb n sõnga tõnd tɩ d bãng tɩ ‘arzɛk bĩngr dũni zug ka’ pa tar yõod ye. Sẽn na yɩl n keng Wẽnnaam nin-buiidã tẽebo, yʋʋmd 2007 rasem a yiib tigis-kãsengã gom-zug na n yɩɩ woto: “Bĩng-y y arzɛk saasẽ.”—Matɩe 6:19, 20.

Arzɛkã tʋlsem bee bũmb ning b sẽn boond Efɛɛz rãmba 2:2 wã pʋgẽ tɩ “sẽn tar-a noor ne yĩngr yellã, la sɩɩg ninga sẽn tʋmd zãgsdba fãa pʋsã” pʋgẽ. Dũniyã “sɩɩgã” bɩ a pemsmã fugda zĩig zãng wa pemsem sɩd-sɩdã sẽn be zĩig zãng tɩ b vʋʋsd-a wã. (1 Kor. 2:12) A sẽn tar pãng wʋsgã yĩnga, b yeelame t’a tara “noor” bɩ zu-sobendo. Rasem a yiib tigis-kãsengã sõss fãa na n sõnga tõnd tɩ d ra tʋlg arzɛkã wa dũniyã nebã, la d kell n tall bũmb nins sẽn tar yõod n yɩɩdã d yamẽ. (Mat. 6:33) Sẽn paase, tigis-kãsengã na n sõnga tõnd tɩ d kell n teeg a Zeova, baa ne zu-loees la makr nins d sẽn tõe seg d koe-moonegã pʋgẽ wã.

Modg-y n kẽng-y tigis-kãsengã rasem a yiibã fãa, la y modg n kelg n yɩɩg raasenkamã. (Heb. 2:1) Rɩk-y sõssã zĩis nins y sẽn na n tũ y vɩɩmã pʋgẽ wã, la y koe-moonegã pʋgẽ wã not rãmba. D sã n modg n tɩ kelg-b fãa sɩngrã n tɩ tãag b saabo, na n kenga d tẽebã n kɩt tɩ d ket n ‘bĩngd d arzɛk saasẽ.’