Nibdew Studji Tal-​Bibbja Bil-Ktieb Tgħix Għal Dejjem

¹ L-​imħabba għan-​nies għandha tqanqalna biex inkunu pronti f’li nerġgħu lura biex ngħinu lil dawk li huma bil-​ġuħ u bil-​għatx għall-​verità. (Matt. 5:6) Għandna ninnotaw u nikkultivaw kwalunkwe xrara taʼ interess li nistgħu nsibu jekk ma rridux li tintefa. Il-​preparazzjoni hija l-​qofol għas-​suċċess.

² Il-​mira tagħna għandha tkun li nibdew studji tal-​Bibbja. (Matt. 28:20) L-​ewwel stampâr tal-​ktieb Tgħix Għal Dejjem inkluda dawn il-​kummenti bħala introduzzjoni: “Dan tabilħaqq ktieb eċċellenti biex tużah f’li tistudja maʼ kulħadd, żgħar jew kbar, hu x’inhu l-​livell t’edukazzjoni tagħhom.” Huwa miktub b’mod li jagħmilha iktar faċli li wieħed jikkonduċi studji tal-​Bibbja, billi jgħin lil saħansitra pubblikaturi ġodda biex ikollhom sehem. Is-​suċċess tagħna f’li nibdew studji ġodda tal-​Bibbja jiddependi fuq kemm aħna effettivi f’li nagħmlu żjarat lura.

³ Kif Nistgħu Nibdew Studji Tal-​Bibbja? Meta nerġgħu lura, ġeneralment ikun tajjeb li nkomplu d-​diskussjoni tagħna b’xi punt jew mistoqsija li ssemmiet fiż-​żjara li għamilna qabel. Forsi ddiskutejt il-​kundizzjoni tal-​mejtin, billi ħallejt il-​mistoqsija, “X’tama hemm għall-​maħbubin mejtin tagħna?” Spjega li l-​irxoxt m’huwiex tama bla bażi; fil-​Bibbja jinsabu għadd t’eżempji taʼ rxoxt li diġà seħħew. Ara l-​istampi f’paġni 167-9. Imbagħad iddiskuti dak li huwa msemmi f’paragrafi 1 u 2 f’paġna 166. Jekk hemm l-​interess, offri biex terġaʼ tmur biex tkompli d-​diskussjoni.

⁴ Forsi int tkellimt maʼ xi ġenitur li esprima tħassib dwar il-​problemi li dejjem jiżdiedu u li ġarrab hu waqt li kien qiegħed irabbi t-​tfal. Int tistaʼ, fi kliemek, tgħid xi ħaġa bħal din:

◼ “Il-​ġenituri kollha jixtiequ l-​aħjar għal uliedhom. Il-​Bibbja fiha istruzzjoni li tistaʼ tgħin lill-​ġenituri biex iħarrġu lil uliedhom ħalli jsibu ħajja sodisfaċenti li għandha tifsir u skop. Għal dik ir-​raġuni, aħna bil-​qawwa kollha nirrikmandaw li l-​familji jistudjaw il-​Bibbja flimkien. [Irreferi għal paragrafu 23 f’paġna 246.] L-​għarfien li jinkiseb jistaʼ jġib barkiet taʼ dejjem għall-​familja kollha kemm hi.” Aqra Ġwann 17:3. Uri li int lest li tmur lura biex turi lill-​familja kif jibdew l-​istudju tagħhom.

⁵ Jekk int pubblikatur żagħżugħ jew ġdid u tkellimt fil-​qosor dwar it-​tama taʼ ġenna fl-​ewwel żjara, bil-​ktieb miftuħ f’paġna 3, sempliċement esprimi xi ħaġa bħal din:

◼ “Il-​Bibbja twiegħed li dawk li jagħmlu r-​rieda t’Alla se jħarsu ’l quddiem lejn li jgħixu f’dinja bħal din, fejn se jkun hemm hena u paċi. Dan il-​ktieb juri dak li rridu nagħmlu biex ingawdu dik il-​barka.” Fil-​qosor spjega l-​proċedura taʼ kif nagħmlu studju, u offri li turihom kif.

⁶ Bħala d-​dixxipli taʼ Ġesù, għandna obbligu li ngħinu lin-​nies. (Rum. 10:14) Jekk ħallejna letteratura jew sempliċement kellna konversazzjoni tajba, għandna r-​responsabbiltà li nikkultivaw l-​interess. (Matt. 9:​37, 38) Jekk inwettqu dan l-​inkarigu kif jixraq, nistgħu lkoll nieħdu sehem mill-​barkiet li jirriżultaw.​—1 Tim. 4:16.