L-​Ingaġġar Fl-​Iskola Tal-​Ministeru Teokratiku

¹ L-​Iskola tal-​Ministeru Teokratiku kienet strumentali fit-​taħriġ taʼ miljuni taʼ Xhieda taʼ Jehovah bħala ministri taʼ l-​aħbar tajba. Ħafna minna niftakru kemm ħassejna lilna nfusna beżgħanin u bla ħila meta nktibna għall-​ewwel darba f’din l-​iskola, u issa nirrikonoxxu bi gratitudni l-​irwol tagħha fl-​iżvilupp spiritwali tagħna bħala kelliema u għalliema tal-​Kelma t’Alla. (Qabbel Atti 4:​13.) Inktibt int f’din l-​iskola rimarkabbli?

² Min jistaʼ jinkiteb? Paġna 73 tal-​ktieb Organized to Accomplish Our Ministry twieġeb: “Dawk kollha li huma mseħbin b’mod attiv mal-​kongregazzjoni jistgħu jinkitbu, inklużi nies li m’ilhomx jattendu l-​laqgħat, sakemm dawn m’humiex jikkonduċu ħajja li m’hijiex fi qbil maʼ prinċipji Kristjani.” Aħna nistiednu lil kulmin jikkwalifika​—irġiel, nisa, u tfal—​biex javviċinaw lill-​indokratur taʼ l-​iskola u jitolbu biex jiġu miktubin.

³ Il-​Programm Taʼ L-​Iskola Għall-​1997: Il-​programm taʼ l-​Iskola tal-​Ministeru Teokratiku għall-​1997 ikopri varjetà vasta taʼ tagħlim u karattri Bibliċi, kif ukoll l-​istorja taʼ l-​organizzazzjoni. Flimkien maʼ li niżviluppaw l-​abbiltajiet tagħna taʼ li nitkellmu u ngħallmu, aħna nitgħallmu mill-​ħafna ġawhar spiritwali li hemm fil-​kors taʼ tagħlim taʼ kull ġimgħa. (Prov. 9:9) Jekk nippreparaw għall-​iskola, li jinkludi li nagħmlu l-​qari mill-​Bibbja taʼ kull ġimgħa, u nattendu regolarment, aħna nistgħu nisiltu benefiċċju spiritwali kbir mill-​programm.

⁴ Għall-​1997, ħafna mill-​qari tal-​Bibbja għall-​Inkarigu Nru. 2 huwa iqsar mis-​snin li għaddew. Meta jkun qiegħed jipprepara għal dan l-​inkarigu, l-​istudent għandu jara kemm jeħodlu ħin il-​qari tiegħu u mbagħad jiddetermina kemm mill-​ħames minuti mwarrbin għall-​parti tiegħu jistaʼ juża għall-​introduzzjoni u l-​konklużjoni. Dan se jip­permetti lill-​istudent li juża bis-​sħiħ il-​ħin tiegħu u biex ­jiżviluppa kemm l-​abbiltà tiegħu tal-​qari u kemm l-​arti li jitkellem spirtu pront.​—1 Tim. 4:​13.

⁵ L-​għoti taʼ xiehda informali ġiet miżjuda bħala sfond li jistaʼ jintuża għall-​preżentazzjonijiet fl-​Inkarigu Nru. 3, li huma bbażati fuq il-​ktieb Għarfien. B’hekk, oħt tistaʼ tuża jew żjara lura, jew studju tal-​Bibbja fid-​dar, jew għoti taʼ xiehda informali bħala setting għal dan l-​inkarigu. M’għandniex xi ngħidu, l-​enfasi prinċipali għandha tkompli tiġi mpoġġija fuq tagħlim effettiv u mhux fuq is-​setting.

⁶ Kemm jekk għandek il-​privileġġ li tagħti t-​taħdita taʼ istruzzjoni u kemm jekk il-​punti prinċipali mill-​Bibbja, jew xi inkarigu taʼ student, int tistaʼ turi l-​apprezzament tiegħek lejn l-​Iskola tal-​Ministeru Teokratiku billi tipprepara u tipprova l-​parti tiegħek sew, billi tippreżentaha b’mod konvint u bl-​entużjażmu, billi ma taqbiżx il-​ħin, billi tagħti widen għal u tapplika l-​parir taʼ l-​indokratur taʼ l-​iskola, u billi dejjem tipprova twettaq l-​inkarigu tiegħek bil-​lealtà. B’hekk, li tkun miktub fl-​iskola se jkun taʼ barka kemm għalik u kemm għal dawk kollha li qegħdin fl-​udjenza.