Naqsmu M’Oħrajn Is-​Sigriet Taʼ L-​Hena Fil-​Familja

¹ il-​familja Hija L-​qafas Bażiku Tas-​soċjetà Umana, U Mill-​familja Joħorġu Rħula, Bliet, Stati, U Nazzjonijiet Sħaħ. Illum Il-​qafas Tal-​familja Jinsab Taħt Pressjoni Iktar Minn Qatt Qabel. Influwenzi Qawwijin Qegħdin Jheddu L-​istess Eżistenza Tal-​ħajja Tal-​familja. Kemm Aħna Grati Li Jehovah, Dak Li Fassal L-​arranġament Tal-​familja, Ipprovdielna Istruzzjonijiet Sabiex Inkunu Nistgħu Niksbu L-​hena fil-​familja! Dawk Li Jimxu Fuq Il-​linji Taʼ Gwida Tiegħu Jsibu Li L-​problemi Jonqsu U Dan Jirriżulta F’qafas Taʼ Familja Taʼ Suċċess. Matul Settembru Għandna L-​privileġġ Li Naqsmu M’oħrajn Il-​ktieb Is-​sigriet Taʼ L-​hena Fil-​familja. Ħu L-​inizjattiva Li Tavviċina Lin-​nies Fuq Is-​suġġett Tal-​ħajja Tal-​familja. Kun Dħuli, Pożittiv, U Uri D-​dehen. X’tistaʼ Tgħid?

² Tistaʼ tibda billi tqajjem xi mistoqsija bħal per eżempju:

◼ “Innotajt int li ħafna familji qegħdin isibuha diffiċli biex jissaportu l-​pressjonijiet tal-​ħajja? [Ħalli ħin għal tweġiba.] Rapporti jindikaw li ħafna nies iġarrbu xi diffikultajiet fid-​dar. X’taħseb int li jistaʼ jgħin lill-​familji biex isibu iktar stabbilità u hena? [Ħalli ħin għal tweġiba.] Peress li Alla istitwixxa l-​arranġament tal-​familja, ma taħsibx li jkun raġonevoli li neżaminaw il-​linji taʼ gwida li ta hu? [Aqra t-​2 Timotju 3:​16, 17.] Tagħlim taʼ benefiċċju bħal dan jinsab imniżżel f’dan il-​ktieb, Is-​Sigriet Taʼ L-​Hena Fil-​Familja.” Imbagħad staqsi lill-​individwu liema problema jħoss li hija komuni fil-​familja, urih il-​kapitlu li jiddiskuti dik il-​problema, u offrilu l-​ktieb.

³ Fiż-​żjara lura, tistaʼ tirsisti biex tilħaq il-​mira taʼ li tibda studju tal-​Bibbja billi tgħid:

◼ “Qgħadt naħseb fuq dak li għedt int dwar is-​suġġett tal-​ħajja tal-​familja, u ġibtlek xi ħaġa li naħseb li se tieħu pjaċir biha. [Urih il-​brochure X’Jirrikjedi, mur f’paġna 16, u aqra s-​sitt mistoqsijiet li hemm fin-​naħa taʼ fuq.] Ovvjament, kull wieħed fil-​familja jrid jagħmel il-​parti tiegħu biex jikkontribwixxi lejn l-​hena fil-​familja. Jekk għandek ftit minuti, se nurik kif tistaʼ tibbenefika bl-​aħjar mod minn din l-​informazzjoni.” Imbagħad ibda l-​istudju f’lezzjoni 8.

⁴ Mod ieħor kif tibda diskussjoni huwa billi ssemmi xi problemi, forsi billi tgħid:

◼ “Għalkemm kulħadd jixtieq iħoss sens taʼ kuntentizza u sodisfazzjon, jidher li ħafna familji ma tantx irnexxielhom f’din il-​ħaġa. X’taħseb int li jistaʼ jgħinhom isibu l-​veru hena? [Ħalli ħin għal tweġiba.] Żmien twil ilu, il-​Bibbja uriet x’tipi taʼ problemi konna se naraw fil-​familji llum. [Aqra t-​2 Timotju 3:​1-3.] Madankollu, il-​Bibbja lill-​familji tgħidilhom ukoll x’iridu jagħmlu biex isolvu dawn il-​problemi u biex jiksbu hena dejjiemi. Il-​prinċipji tagħha huma ppreżentati f’dan il-​ktieb, Is-​Sigriet Taʼ L-​Hena Fil-​Familja.” Imbagħad urih il-​kaxxa tar-​reviżjoni fit-​tmiem taʼ xi kapitlu addattat, aqraha, u offrilu l-​ktieb.

⁵ Meta tmur lura, uża l-​brochure “X’Jirrikjedi” biex tibda studju. Tistaʼ tgħid:

◼ “Bqajt impressjonat b’kemm tinsab lest li teżamina l-​prinċipji tal-​Bibbja li japplikaw għall-​ħajja tal-​familja. L-​esperjenza wriet li l-​aqwa riżultati jinkisbu billi nimxu fuq il-​pariri prattiċi misjubin fil-​Bibbja. Hawn hi spjegazzjoni sempliċi għala dan huwa minnu.” Aqra l-​ewwel paragrafu taʼ l-​ewwel lezzjoni fil-​brochure X’Jirrikjedi, billi tinkludi Salm 1:​1-3 jew Isaija 48:17, 18. Jekk iċ-​ċirkostanzi jippermettulek, ikkunsidra l-​bqija tal-​lezzjoni. Offrilu li terġaʼ żżuru biex tistudjaw il-​lezzjoni li jmiss flimkien.

⁶ Dwar Il-​Letteratura Tagħna: Billi taf li l-​letteratura tagħna kollha tiswa l-​flus u li huma involuti l-​ispejjeż biex tiġi ppubblikata, ġie li toqgħod taħsibha biex toffri rivisti, brochures, jew kotba lin-​nies li tiltaqaʼ magħhom? Kif nistgħu nkunu ċerti li m’aħniex nagħtu l-​letteratura lil nies li ma jurux apprezzament? Mod wieħed huwa billi tistaqsi lill-​individwu jekk iwiegħdekx li se jaqra l-​pubblikazzjoni li qiegħed tippreżenta.

⁷ Meta toffri l-​ktieb “L-​Hena Fil-​Familja,” per eżempju, tistaʼ tgħid hekk:

◼ “Jekk twegħedni li taqra dan il-​ktieb, inħallihulek mingħajr ħlas.” Ħalli ħin għal tweġiba. Jekk l-​inkwilin jistaqsi kif nistgħu naffordjaw dan int tistaʼ ssemmi li x-​xogħol tagħna huwa appoġġjat minn donazzjonijiet volontarji, li jagħtuna n-​nies li jixtiequ jappoġġjaw ix-​xogħol tagħna taʼ madwar id-​dinja.

⁸ Ejjew nagħmlu kull sforz biex naqsmu m’oħrajn is-​sigriet li jwassal għall-​hena fil-​familja​—billi nsegwu l-​istruzzjonijiet imniżżlin fil-​Kelma t’Alla.​—Salm 19:​8-​11.