Laqgħat Tas-servizz Għal Settembru
Ġimgħa li Tibda 7 taʼ Settembru
(Din il-ġimgħa mhux se jkun hemm laqgħa minħabba l-konvenzjoni distrettwali li se tinżamm fi tmiem il-ġimgħa)
Ġimgħa li Tibda 14 taʼ Settembru
10 min: Avviżi lokali. Rapport tal-kontijiet. Semmi li se nibdew nistudjaw il-browxer X’Jirrikjedi l-ġimgħa d-dieħla fl-istudju tal-ktieb. Inkuraġġixxi lil kulħadd biex jipprepara bil-quddiem u jattendi kull sessjoni sabiex isir familjari mal-browxer u jitgħallem kif jistudjah maʼ ħaddieħor.
20 min: Kif Morna s-Sena l-Oħra? Is-segretarju u l-indokratur tas-servizz jirrevedu r-rapport tas-servizz tal-kongregazzjoni u l-figuri taʼ l-attendenza għal-laqgħat tas-sena li għaddiet. Huma jiġbdu l-attenzjoni lejn aspetti pożittivi tar-rapport u jiffokaw fuq affarijiet li jistaʼ jsir titjib fihom. Kien hemm parteċipazzjoni mija fil-mija fis-servizz matul Awissu? Iddiskuti liema miri se jikkonċentraw fuqhom l-anzjani fix-xhur li ġejjin, inkluż li jgħinu lil kulħadd isir pubblikatur regulari. Aqsam punti addattati mill-aħħar rapport taʼ l-indokratur tas-circuit.
15 min: “Aħna Nistgħu Nagħmlu Xogħlijiet Akbar.” Mistoqsijiet u tweġibiet. Inkuraġġixxi lil kulħadd biex ipoġġi miri raġunevoli għas-sena taʼ servizz ġdida u biex jaħdem iebes ħalli jilħaqhom.—Ara Our Ministry, paġni 116-18.
Għanja 144 u talba taʼ l-għeluq.
Ġimgħa li Tibda 21 taʼ Settembru
10 min: Avviżi lokali u dawk mill-Ministeru tas-Saltna. Irrevedi l-kaxxa “Suġġeriment.”
15 min: “Pijunieri Jgħinu lil Oħrajn.” Anzjan jispjega kif flimkien mat-taħriġ ipprovdut fl-Iskola tal-Ministeru Teokratiku, sar ftehim biex il-pijunieri jgħinu lil oħrajn personalment fil-ministeru. Hu jqajjem mistoqsijiet ibbażati fuq l-artiklu u jistieden lill-udjenza biex tikkummenta, speċjalment il-pijunieri u l-pubblikaturi li kienu involuti f’dan il-programm. Ikkunsidra kif jistgħu jinkisbu l-aħjar riżultati. Il-pijunieri jistgħu jirrakkontaw kif huma ħadu pjaċir u bbenefikaw billi ħadu sehem f’li jgħinu lil oħrajn. Il-pubblikaturi li ġew megħjunin jistgħu jgħidu kif huma japprezzaw dan il-provvediment kollu mħabba u jsemmu xi punti li għenuhom jiksbu iktar suċċess u ferħ fil-ministeru.
20 min: “Sir Af lil Ħutek.” Mistoqsijiet u tweġibiet. Inkludi xi kummenti fuq it-Torri taʼ l-Għassa tal-15 taʼ Marzu, 1989 paġni 3-4. Inkuraġġixxi lil dawk preżenti biex jieħdu l-inizjattiva ħalli jsiru iktar midħla taʼ xulxin.
Għanja 34 u talba taʼ l-għeluq.
Ġimgħa li Tibda 28 taʼ Settembru
12 min: Avviżi lokali. Fakkar lill-pubblikaturi biex jitfgħu r-rapport tas-servizz għal Settembru. Stieden lill-pubblikaturi biex jesprimu kif ġew inkuraġġiti mill-programm tal-konvenzjoni distrettwali. Inkuraġġixxi lil kulħadd biex jippjana ħalli jagħmel iktar xogħol minn dar għal dar f’Ottubru biex jiżdied it-tqassim tar-rivisti. Aħbarijiet Teokratiċi.
20 min: “Indokraturi li Huma minn taʼ Quddiem—L-Indokratur tas-Servizz.” Taħdita mill-indokratur tas-servizz. Wara li jirrevedi d-dmirijiet tiegħu, hu jispjega modi speċifiċi kif il-kongregazzjoni tistaʼ tikkoopera biex jiżdiedu l-opportunitajiet u l-effettività tal-ministeru lokalment.
13 min: X’Hemm Bżonn biex Pubblikatur tal-Kongregazzjoni Jkun Tajjeb? Taħdita, b’xi parteċipazzjoni mill-udjenza. M’hemmx bżonn li wieħed ikollu abbiltajiet jew talenti superjuri; minflok, l-iktar ħaġa mixtieqa hi li lkoll kemm aħna jkollna attitudni disposta li tirrifletti mħabba, umiltà, żelu, u apprezzament. Stieden lill-udjenza biex tagħti raġunijiet għala l-affarijiet li ġejjin huma mixtiqin: (1) spirtu ferrieħi, (2) attendenza u parteċipazzjoni regulari fil-laqgħat, (3) rieda biex jiġu aċċettati u mwettqin l-inkarigi, (4) kooperazzjoni maʼ l-anzjani u maʼ l-arranġamenti li jsiru għall-kongregazzjoni, (5) interess sinċier f’li tingħata għajnuna lil oħrajn, u (6) parteċipazzjoni regulari fis-servizz taʼ l-għalqa u li jintefaʼ r-rapport mill-ewwel kull xahar.
Għanja 25 u talba taʼ l-għeluq.