Kaxxa għall-​Mistoqsija

◼ Huwa xieraq li nċapċpu meta jsir avviż li xi ħadd ġie aċċettat lura?

B’qalb tajba bl-​imħabba li għandu, Alla Jehovah pprovda mod Skritturali għal persuna li tkun nidmet mill-​ħażen li tkun għamlet biex terġaʼ tikseb il-​favur tiegħu u tiġi aċċettata lura fil-​kongregazzjoni Kristjana. (Salm 51:​14, 19, [51:​12, 17, NW]) Meta dan iseħħ, aħna inkuraġġiti li nuru mħabbitna għal uħud bħal dawn li jkunu nidmu sinċerament.—2 Kor. 2:​6-8.

Minkejja dan, inkunu kemm inkunu ferħanin meta xi qarib jew xi ħadd li nafuh sew jiġi aċċettat lura, għandu jkun hemm dinjità u kwiet malli jsir l-​avviż fil-​kongregazzjoni illi l-​persuna ġiet aċċettata lura. It-​Torri taʼ l-​Għassa taʼ l-​1 t’Ottubru, 1998, paġna 17, esprima l-​kwistjoni b’dan il-​mod: “Irridu niftakru, madankollu, li l-​biċċa l-​kbira fil-​kongregazzjoni ma jkunux jafu preċiżament x’kienu ċ-​ċirkustanzi partikulari li wasslu biex individwu jitkeċċa jew biex jiġi aċċettat lura fil-​kongregazzjoni. Barra minn hekk, jistaʼ jkun hemm xi wħud li kienu effettwati jew imweġġgħin personalment—forsi b’konsegwenzi għal tul taʼ żmien—mill-​iżball taʼ dak li jkun nidem. Għalhekk, billi nkunu sensittivi fi kwistjonijiet bħal dawn, meta jsir xi avviż dwar xi ħadd li jkun ġie aċċettat lura fil-​kongregazzjoni, aħna nistgħu nifhmu għala ma nlissnux espressjonijiet taʼ merħba sakemm dawn ikunu jistgħu jsiru fuq bażi persunali.”

Għalkemm inkunu ferħanin ħafna li naraw lil xi ħadd jerġaʼ jiġi lura fil-​verità, iċ-​ċapċip meta jsir l-​avviż li dak li jkun ġie aċċettat lura ma jkunx xieraq.