Skeda għal-Laqgħat tas-Servizz
Ġimgħa li Tibda 10 taʼ Diċembru
13 min: Avviżi lokali. Avviżi magħżulin minn Il-Ministeru tas-Saltna. Inkuraġġixxi lil kulħadd biex jara l-vidjo To the Ends of the Earth (Sa Truf l-Art) bħala preparazzjoni għad-diskussjoni fil-Laqgħa tas-Servizz għall-ġimgħa taʼ l-24 taʼ Diċembru. Uża s-suġġeriment f’paġna 8, u ħejji turija taʼ preżentazzjoni qasira dwar kif tħalli It-Torri taʼ l-Għassa tal-15 taʼ Diċembru.
12 min: “Mur Lura Malajr Fejn Issib l-Interess.”a
20 min: “Barkiet Meta Nuru Apprezzament għall-Imħabba taʼ Jehovah—It-Tieni Parti.”b Meta tkun qed tiddiskuti paragrafi 2-6, stieden lil dawk fil-kongregazzjoni biex jirrakkontaw xi esperjenzi li kellhom meta kienu qed jagħtu kliem taʼ faraġ u tama lil uħud dipressi jew inkwetati minħabba d-diżastru li seħħ dan l-aħħar u l-effetti li ħalla warajh. Ipprepara minn qabel biex issir turija taʼ x’ġara f’waħda jew tnejn minnhom.
Għanja 222 u talba taʼ l-għeluq.
Ġimgħa li Tibda 17 taʼ Diċembru
8 min: Avviżi lokali. Rapport tal-kontijiet. Iddiskuti fuq fuq l-arranġamenti speċjali tas-servizz taʼ l-għalqa għall-25 taʼ Diċembru u l-1 taʼ Jannar.
20 min: “Uża l-Kelma t’Alla Sew.”c Inkludi turija realistika tal-preżentazzjoni f’paragrafu 4. Ukoll, uri preżentazzjoni effettiva li ntużat lokalment biex tinkuraġġixxi jew tfarraġ lin-nies li jinsabu mnikktin minħabba s-sitwazzjoni dinjija bħalissa. Tistaʼ tingħad xi esperjenza fil-qosor. Staqsi lil dawk fl-udjenza biex jikkummentaw dwar għala jħossuhom li meta jużaw il-Bibbja x-xiehda li tingħata tkun iktar effettiva.
17 min: “Ħeġġeġ il-Ġiri Wara Miri Spiritwali.” Diskussjoni maʼ l-udjenza li għandha tingħata minn anzjan. Wara li tikkunsidra paragrafu 6, intervista pubblikatur eżemplari li bħala żagħżugħ wieġeb għall-inkuraġġiment biex jiġri wara miri spiritwali. Kif ġie inkuraġġit? Meta tikkunsidra paragrafu 7, enfasizza benefiċċji prattiċi li jistgħu jirriżultaw għall-ġenituri u ż-żgħażagħ meta jirrivedu kapitli 22, 38, u 39 tal-ktieb Iż-Żgħażagħ Jistaqsu.
Għanja 225 u talba taʼ l-għeluq.
Ġimgħa li Tibda 24 taʼ Diċembru
10 min: Avviżi lokali. Spjega x’inhi l-offerta tal-letteratura għal Jannar u liema kotba l-kongregazzjoni għandha maħżunin. Uża s-suġġerimenti f’paġna 8, u ħejji turija taʼ żewġ preżentazzjonijiet qosra bir-rivisti, u f’waħda uża It-Torri taʼ l-Għassa taʼ l-1 taʼ Jannar u fl-oħra uża Stenbaħ! tat-8 taʼ Jannar. Ara li xi ħadd żagħżugħ jagħmel waħda minnhom.
10 min: “L-Iskola tal-Ministeru Teokratiku għall-2002.” Taħdita mill-indokratur taʼ l-iskola. Ħeġġeġ lil kulħadd biex jagħmel sforz kbir biex iwettaq l-inkarigi tiegħu.
25 min: “Nagħtu Xiehda—Sa Truf l-Art.” Diskussjoni maʼ l-udjenza. Ħeġġeġ lil kulħadd biex jaħseb bis-serjetà dwar x’jistaʼ jagħmel biex jilħaq lill-oħrajn bl-aħbar tajba lokalment jew fejn il-bżonn huwa akbar. Irreferi għall-Ministeru tas-Saltna taʼ Lulju 2001, paġna 3. Fi Frar se nirrivedu l-vidjo Noah—He Walked With God (Noè—Hu Mexa m’Alla).
Għanja 24 u talba taʼ l-għeluq.
Ġimgħa li Tibda 31 taʼ Diċembru
Nota: Il-kongregazzjonijiet m’għandhomx iċaqalqu l-Laqgħa tas-Servizz għall-ġimgħa tal-31 taʼ Diċembru għal xi ġurnata li tiġi qabel, sakemm ma jkunx qed iżurhom l-indokratur tas-circuit.
10 min: Avviżi lokali. Fakkar lill-pubblikaturi biex jitfgħu r-rapport tas-servizz taʼ l-għalqa għal Diċembru. Jekk il-kongregazzjoni tiegħek se tbiddel il-ħinijiet tal-laqgħat għas-sena l-ġdida, b’qalb tajba ħeġġeġ lil kulħadd biex jattendi l-laqgħat regolarment fil-ħinijiet il-ġodda. Kun ċert li dawk kollha interessati u dawk inattivi jkunu jafu dwar it-tibdil.
15 min: Agħti lill-Anzjani l-Konsiderazzjoni li Tixirqilhom. Żewġ qaddejja ministerjali jew tlieta jiddiskutu t-Torri taʼ l-Għassa taʼ l-1 taʼ Ġunju, 1999, paġni 18-19. Jikkummentaw dwar il-ħafna xogħlijiet li l-anzjani jridu jieħdu ħsieb, flimkien max-xogħol sekulari, ir-responsabbiltajiet tal-familja, u l-inkarigi teokratiċi. Ikkunsidraw xi modi li bihom ilkoll nistgħu ninkuraġġuhom, intaffulhom il-piż, u nsegwu d-direzzjoni tagħhom. Il-qaddejja ministerjali jaqblu li l-anzjani qed jagħtu servizz li jiswa ħafna u jixirqilhom li nagħtuhom konsiderazzjoni kemm nifilħu.—1 Tess. 5:12, 13.
20 min: “Konvenzjoni Distrettwali tax-Xhieda taʼ Jehovah għas-Sena 2002 ‘Proklamaturi Żelużi tas-Saltna’”d Għandha tingħata mis-segretarju, u jrid jenfasizza paragrafu 4. Faħħar mill-qalb lill-membri tal-kongregazzjoni talli jagħmlu l-arranġamenti għall-konvenzjoni kmieni kemm jistaʼ jkun.
Għanja 219 u talba taʼ l-għeluq.
Ġimgħa li Tibda 7 taʼ Jannar
10 min: Avviżi lokali.
20 min: Uża Ħajtek bl-Aħjar Mod li Tistaʼ. Membri taʼ familja jiddiskutu t-Torri taʼ l-Għassa tal-15 t’Awissu, 1998 paġni 8-9. Il-missier irid li l-familja tfittex ħajja li se ġġibilha l-ferħ minflok id-diżappunt. Huma jirrivedu t-twissija taʼ l-Iskrittura fl-artiklu li turihom kif jistgħu jkunu ċerti li jiksbu l-ferħ, u jiffokaw fuq il-bżonn li jużaw id-dixxerniment, jagħmlu prijoritajiet xierqa, u jafdaw f’Jehovah. Jenfasizzaw xi aġġustamenti prattiċi li jistgħu jagħmlu bħala familja.
15 min: Ħarsa mill-Qrib Lejn is-Sala tas-Saltna Tagħna. Taħdita minn anzjan. Innota l-kundizzjoni tas-Sala tas-Saltna. Xi pjanijiet qed isiru biex issir tindifa sew qabel il-Mafkar? Liema tiswijiet iridu jsiru qabel dan? Spjega kif il-kongregazzjoni tistaʼ tgħin. Enfasizza l-bżonn taʼ li nkunu ċerti li l-post taʼ qima tagħna jirrifletti s-sbuħija u d-dinjità li tiġi assoċjata mad-dar taʼ Jehovah.—Salm 84:2 (84:1, NW).
Għanja 126 u talba taʼ l-għeluq.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
c Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
d Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.