Skeda għal-Laqgħat tas-Servizz
Ġimgħa li Tibda 14 t’Ottubru
10 min: Avviżi lokali. Avviżi magħżulin minn Il-Ministeru tas-Saltna. Inkuraġġixxi lil kulħadd biex jaqra Numri kapitlu 25 u l-Insight, it-2 Volum, paġna 419, paragrafi 3-5, u mbagħad jara l-vidjo Warning Examples for Our Day bħala preparazzjoni għad-diskussjoni fil-Laqgħa tas-Servizz għall-ġimgħa tat-28 t’Ottubru. Billi tuża s-suġġerimenti f’paġna 8, ħejji turija dwar kif jiġi preżentat It-Torri taʼ l-Għassa tal-15 t’Ottubru. Uża t-turija biex turi mod kif wieħed iwieġeb lil xi ħadd li jipprova jwaqqaf id-diskussjoni billi jgħid “Jien diġà midħla sew taʼ xogħolkom.”—Ara l-ktejjeb Kif Nibdew u Nkomplu Diskussjonijiet Fuq il-Bibbja, paġna 12.
15 min: Bżonnijiet lokali.
20 min: “Kif l-Indokraturi taʼ l-Istudju tal-Ktieb tal-Kongregazzjoni Juru Interess Persunali.” Diskussjoni f’għamla taʼ mistoqsija u tweġiba li għandha tingħata minn indokratur taʼ l-Istudju tal-Ktieb tal-Kongregazzjoni. Fil-kummenti tal-ftuħ, spjega fil-qosor kif inbeda l-arranġament taʼ l-istudju tal-ktieb. (jv 237, par. 4) Irranġa bil-quddiem għal żewġ jew tliet pubblikaturi biex jikkummentaw dwar kif ibbenefikaw mill-interess li ntwera lilhom personalment permezz taʼ l-Istudju tal-Ktieb tal-Kongregazzjoni.
Għanja 65 u talba taʼ l-għeluq.
Ġimgħa li Tibda 21 t’Ottubru
10 min: Avviżi lokali. Rapport tal-kontijiet.
35 min: “Nibbenefikaw bis-Sħiħ mill-Konvenzjoni Distrettwali ‘Proklamaturi Żelużi tas-Saltna.’” Trid tingħata mill-ħu li jikkonduċi l-Istudju tat-Torri taʼ l-Għassa. Wara introduzzjoni taʼ minuta, kompli b’diskussjoni maʼ l-udjenza dwar il-programm tal-konvenzjoni distrettwali, billi tuża l-mistoqsijiet li hemm provduti fl-artiklu. Qassam sew il-ħin li għandek. Tistaʼ tagħmel kummenti qosra biex tfakkar il-punti ewlenin. Meta jkun xieraq, staqsi lill-udjenza kif qegħdin japplikaw dak li tgħallmu u x’benefiċċji qegħdin jaħsdu milli jagħmlu dan.
Għanja 194 u talba taʼ l-għeluq.
Ġimgħa li Tibda 28 t’Ottubru
8 min: Avviżi lokali. Inkuraġġixxi lil kulħadd biex jirrivedi n-noti li ħa fl-aħħar jum t’assemblea speċjali bħala preparazzjoni għad-diskussjoni fil-Laqgħa tas-Servizz tal-ġimgħa d-dieħla. Fakkar lill-pubblikaturi biex jitfgħu r-rapport tas-servizz taʼ l-għalqa għal Ottubru. Billi tuża s-suġġerimenti f’paġna 8, ħejji turija minn oħt li turi kif tippreżenta t-Torri taʼ l-Għassa taʼ l-1 taʼ Novembru u ħu li juri kif jippreżenta Stenbaħ! tat-8 taʼ Novembru. Wara kull turija, tkellem fil-qosor dwar xi aspett pożittiv tal-preżentazzjoni.
12 min: Esperjenzi lokali. Stieden lill-aħwa fil-kongregazzjoni biex jirrakkontaw xi esperjenzi li kellhom huma u sejrin lejn il-konvenzjoni distrettwali jew ġejjin lura, waqt il-konvenzjoni, jew f’għoti taʼ xiehda informali fuq ix-xogħol, l-iskola, meta jmorru jixtru, u f’postijiet oħrajn.
25 min: “Appell mill-Qalb biex Nagħtu Kas l-Eżempji taʼ Twissija għal Żmienna.” Illimita l-kummenti tal-ftuħ għal inqas minn minuta, imbagħad kompli b’diskussjoni maʼ l-udjenza billi tuża kull mistoqsija li hi preżentata fl-artiklu. F’Diċembru se nirrivedu l-vidjo No Blood—Medicine Meets the Challenge (Mingħajr Demm—Il-Mediċina Tilqaʼ l-Isfida).
Għanja 41 u talba taʼ l-għeluq.
Ġimgħa li Tibda 4 taʼ Novembru
10 min: Avviżi lokali. Irrivedi fil-qosor xi ftit suġġerimenti mill-insert fil-Ministeru tas-Saltna taʼ Jannar 2002 dwar kif tippreżenta l-browxer X’Jirrikjedi u l-ktieb Għarfien. Uri waħda mill-preżentazzjonijiet.
13 min: Ma Nistħux mill-Evanġelju. (Rum. 1:16) Żagħżugħa jew żagħżugħ javviċina lil missieru bi problema. Hu joqgħod lura milli juri li hu wieħed mix-Xhieda taʼ Jehovah minħabba l-biżaʼ li jiġi ridikolat minn sħabu. Il-missier jirringrazzjah għas-sinċerità tiegħu dwar il-problema. Hu jirrakkonta dwar kif darba Pietru rreaġixxa minħabba l-pressjoni minn sħabu. (Mt. 26:69-74) Il-missier joffri dan il-parir: Qatt m’għandna nistħu li nuru min aħna bħala Kristjani. (Mk. 8:38) Huwa vantaġġuż li tidentifika lilek innifsek bħala Xhud fl-iskola. Meta jkunu informati, ħafna għalliema se jirrispettaw it-twemmin tiegħek u jipprovaw ma jinvolvukx f’attivitajiet li ssib oġġezzjoni għalihom. Se jkun hemm inqas ċans li żgħażagħ bla prinċipji jipprovaw jagħmlulek pressjoni biex iwaqqgħuk f’imġiba mhix xierqa. Xi tfal oħrajn tal-klassi se jkunu iktar lesti li jifhmu għala tagħżel li ma tinnamrax, ma tipparteċipax f’attivitajiet sportivi barra mill-ħin taʼ l-iskola, jew tieħu sehem f’attivitajiet oħrajn wara l-iskola. Skond ma jippermetti l-ħin, il-missier u ż-żagħżugħ jiddiskutu punti mis-sottitlu “Stqarr Pubblikament il-Ħbiberija Tiegħek m’Alla” fil-ktieb Iż-Żgħażagħ Jistaqsu, paġni 315-18. Iż-żagħżugħ jesprimi apprezzament għall-parir tajjeb.
22 min: Oqogħdu għar-Rieda t’Alla—Ieqfu lix-Xitan. (Ġak. 4:7) Billi juża l-mistoqsijiet provduti hawnhekk, anzjan jikkonduċi diskussjoni ħajja maʼ l-udjenza dwar il-programm tal-jum t’assemblea speċjali li nżamm matul l-aħħar sena taʼ servizz. Stieden lill-aħwa fil-kongregazzjoni biex jirrakkontaw kif irnexxielhom japplikaw dak li tgħallmu. (Il-partijiet jistgħu jingħataw minn qabel.) Enfasizza dawn il-partijiet mill-programm: (1) “Noqogħdu għar-Rieda t’Alla f’Dinja Mjassra.” Għalfejn irridu noqogħdu attenti biex nevitaw in-nases taʼ Satana? (2) “Nuru li Noqogħdu għar-Rieda t’Alla Bħala Membri tal-Familja.” Għalfejn hemm bżonn urġenti fl-organizzazzjoni taʼ Jehovah biex jissaħħu r-relazzjonijiet fil-familja? Dan kif jistaʼ jsir? (3) “Għin lid-Dixxipli l-Ġodda Jieqfu Sodi fuq in-Naħa taʼ Jehovah.” Kif nistgħu ngħinu lil uħud ġodda biex jegħlbu l-ostakli li jġarrbulhom il-fidi tagħhom? (4) “Xi Jfisser li Tiqaflu lix-Xitan.” X’inhi ċ-ċavetta biex tirreżisti b’suċċess lix-Xitan? Kif tistaʼ tipproteġina l-armatura spiritwali deskritta f’Efesin 6:11-18? (w92 5/15 21-3) (5) “Żgħażagħ li Jirreżistu b’Suċċess lil Dak il-Ħażin u mill-Agħar” u “Żgħażagħ li Jibbenefikaw Għaliex Joqogħdu għar-Rieda t’Alla.” X’inhuma xi ftit mill-mezzi taʼ Satana li ż-żgħażagħ iridu jgħassu għalihom? Iż-żgħażagħ kif jiġu mberkin meta jissottomettu ruħhom lejn Jehovah? (w-MT90 11/1 9-10, pari. 15-17) (6) “Nibbenefikaw Għaliex Noqogħdu għar-Rieda t’Alla.” Spjega kif il-Kristjani juru sottomissjoni lejn awtoritajiet governattivi, dawk li jimpjegawhom sekularment, fiċ-ċirku tal-familja, u fil-kongregazzjoni Kristjana. Xi kwalitajiet se jgħinuna biex nagħmlu dan?
Għanja 185 u talba taʼ l-għeluq.