Skeda għal-Laqgħat tas-Servizz
Ġimgħa li Tibda 14 taʼ Lulju
10 min: Avviżi lokali. Permezz tas-suġġerimenti f’paġna 4 jew preżentazzjonijiet oħrajn adattati għat-territorju tiegħek, ħejji turija dwar kif jiġu offruti t-Torri taʼ l-Għassa taʼ Lulju-Settembru u Stenbaħ! taʼ Lulju-Settembru.
15 min: Għandek Int “Libertà tal-Kelma”? Taħdita bbażata fuq It-Torri taʼ l-Għassa tal-15 taʼ Mejju, 2006, paġni 13-16. Enfasizza l-importanza taʼ li nippridkaw bil-qlubija.
20 min: “Għix bil-Jum taʼ Ġeħova f’Moħħok.”a Semmi xi aspetti uniċi tal-pubblikazzjoni. Irrivedi l-iskeda għall-istudju tal-ktieb u l-istruzzjonijiet misjubin f’paġna 3 taʼ din il-ħarġa tal-Ministeru tas-Saltna. Ħeġġeġ lil kulħadd biex jattendi regolarment u jieħu sehem biex jikkummenta bis-sħiħ. Intervista fil-qosor pubblikatur jew tnejn li huma magħrufin li jippreparaw sew għal-laqgħat, u staqsihom xi jqanqalhom jagħmlu dan.
Ġimgħa li Tibda 21 taʼ Lulju
10 min: Avviżi lokali. Avviżi magħżulin mill-Ministeru tas-Saltna.
15 min: Bżonnijiet lokali.
20 min: “Il-Preparazzjoni—Fundamentali għal Żjajjar Lura Effettivi.”b Inkludi turija t’erbaʼ minuti li fiha pubblikatur qed jitkellem bejnu u bejn ruħu waqt li qed jipprepara għaż-żjajjar lura tiegħu. Hu jirrivedi n-noti tiegħu u jiddeċiedi li jrid jagħmel żjara lura fuq żewġ individwi fi tmiem il-ġimgħa li ġej. Imbagħad, għal kull żjara, hu jikkunsidra dak li ddiskuta magħhom qabel, jiddeċiedi x’mira se jagħmel, u jħejji ruħu għaliha. Għal waħda minnhom, jipprepara biex joffri studju tal-Bibbja. Għall-oħra, jipprepara biex jikkultiva l-interess billi juża wieħed mis-suġġerimenti li hemm f’paragrafu 5.
Ġimgħa li Tibda 28 taʼ Lulju
10 min: Avviżi lokali. Fakkar lil kulħadd biex jagħti r-rapport tas-servizz taʼ l-għalqa għal Lulju. Aqra r-rapport tal-kontijiet u l-ittra taʼ ringrazzjament għad-donazzjonijiet. Semmi l-offerta tal-letteratura għal Awissu, u ħejji turija taʼ preżentazzjoni minnhom.
15 min: Inżommu s-Sens t’Urġenza Tagħna. Taħdita li għandha tingħata b’entużjażmu bbażata fuq It-Torri taʼ l-Għassa tal-15 taʼ Diċembru, 2006, paġni 18-19, paragrafi 17-21.
20 min: Ġenituri—Ipproteġu lil Uliedkom Permezz taʼ l-Għerf Divin. Taħdita u diskussjoni minn anzjan ibbażata fuq It-Torri taʼ l-Għassa taʼ l-1 taʼ Jannar, 2005, paġni 23-7. Ħejji turija taʼ 7 minuti li turi kif kap tal-familja eżemplari jistinka biex jilħaq qalb uliedu billi juża l-informazzjoni f’paġni 26-7.
Ġimgħa li Tibda 4 t’Awissu
10 min: Avviżi lokali.
15 min: Huma Wliedek Preparati għat-Territorju Uniku Tagħhom? Taħdita u diskussjoni maʼ l-udjenza. Semmi ftit mill-isfidi li jiffaċċjaw iż-żgħażagħ Kristjani fl-iskola. Spjega kif il-ġenituri u wliedhom jistgħu jużaw il-Watch Tower Publications Index biex isibu informazzjoni utli. Agħti xi eżempji. (Ara taħt it-titlu “Schools” [Skejjel], sottitlu “experiences” [esperjenzi].) Stieden lil dawk fl-udjenza li trabbew f’familji Kristjani biex jikkummentaw dwar kif il-ġenituri tagħhom ippreparawhom biex jiffaċċjaw l-isfidi u japplikaw il-prinċipji Bibliċi fl-iskola. Ukoll, jistgħu jsemmu kif użaw l-Awake! jew Stenbaħ! biex jippreparaw għal xi suġġetti taʼ l-iskola. Itlobhom jispjegaw kif kien taʼ protezzjoni għalihom li jaħdmu f’dan it-territorju uniku.
20 min: “Inwaqqgħu Affarijiet li Jkunu Stabbiliti fis-Sod.”c Stieden lil dawk fl-udjenza biex jikkummentaw dwar kif min studja l-Bibbja magħhom għenhom bil-paċenzja ħalli jitilqu t-twemmin reliġjuż falz li kienu jħaddnu u li kien stabbilit fis-sod.
[Noti taʼ taħt]
a Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
b Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.
c Illimita l-kummenti tal-ftuħ għal inqas minn minuta, u kompli b’diskussjoni f’għamla taʼ mistoqsija u tweġiba.