L-​Għoti taʼ Xhieda bit-​Telefon Jistaʼ Jkun Effettiv

1. Għala l-​għoti taʼ xhieda bit-​telefon jistaʼ jitqies bħala parti importanti mill-​ministeru tagħna?

¹ Għala għandna mnejn nikkunsidraw li nagħtu xhieda bit-​telefon fil-​ministeru tagħna? Għaliex dan hu mezz ieħor kif ngħinu lil oħrajn jiksbu għarfien eżatt ħalli jiġu salvati. (2 Pt. 3:9) Għalkemm il-​metodu primarju tagħna biex inxandru l-​aħbar tajba tas-​Saltna t’Alla hu li nippritkaw minn dar għal dar, aħna lesti li nieħdu vantaġġ minn metodi oħrajn biex nilħqu lil dawk li forsi ma jinstabux id-​dar.—Mt. 24:14; Lq. 10:1-7; Riv. 14:6.

2. Kif jiġi organizzat l-​għoti taʼ xhieda bit-​telefon?

² Kif Jiġi Organizzat: Bħal fil-​każ tal-​arranġamenti għax-​xogħol tas-​servizz tal-​għalqa minn dar għal dar, anki t-​territorju għall-​għoti taʼ xhieda bit-​telefon jiġi provdut għall-​pubblikaturi. Jistaʼ jsir b’mod individwali jew maʼ grupp żgħir taʼ forsi tnejn jew tlieta min-​nies. Il-​post li jintuża għandu jkun f’kamra għall-​kwiet mingħajr tfixkil. Ħafna jsibuhom komdi li jpoġġu maʼ mejda u jkollhom quddiemhom affarijiet li normalment jużaw meta jippritkaw minn dar għal dar.

3. X’għandna nżommu f’moħħna meta nagħtu xhieda minn fuq it-​telefon?

³ Kif Tagħti Xhieda bit-​Telefon: Meta nagħtu xhieda bit-​telefon, il-​preżentazzjoni tagħna għandha tkun naturali. Xi wħud li jkunu għadhom jibdew jistgħu jaqraw preżentazzjoni lill-​inkwilin imma b’mod naturali. L-​introduzzjonijiet misjubin fil-​ktieb Reasoning, fil-​Ministeru tas-​Saltna, u fil-​fuljett Tixtieq Tkun Taf il-​Verità? jistgħu jkunu t’għajnuna f’dan ir-​rigward. Meta toħloq il-​preżentazzjoni tiegħek stess, ara x’messaġġ trid tagħti, oħloq mistoqsija, u kun lest li taqsam ftit skritturi li jipprovdu t-​tweġiba. Ġeneralment int se toffri l-​istess pubblikazzjonijiet li jkunu qed jiġu offruti minn dar għal dar. Ikkunsidra t-​tfakkiriet li ġejjin: Kun kalm u tkellem bil-​mod. Kun ġentili, paċenzjuż, u dħuli, għaliex dan jinħass minn dak li jkun fuq it-​telefon. Agħti widen meta l-​inkwilin jgħidlek x’jaħseb, imbagħad uri li smajt il-​kummenti tiegħu u esprimi l-​apprezzament għalihom. Oqgħod attent li ma ssemmix l-​arranġament tad-​donazzjonijiet, għaliex dan jistaʼ jiġi interpretat ħażin bħala xi ġbir tal-​flus bit-​telefon.

4. L-​għoti taʼ xhieda bit-​telefon x’għandu mnejn jippermettilna nagħmlu bit-​territorju inkarigat lilna?

⁴ L-​individwu li int tkellem fuq it-​telefon forsi ma jistax joħroġ mid-​dar jew forsi l-​ħinijiet tax-​xogħol tiegħu jagħmluha diffiċli biex jintlaħaq meta nkunu fil-​ministeru minn dar għal dar. Hemm oħrajn li jgħixu f’komunitajiet bil-​gradi msakkrin jew f’appartamenti fejn ħadd ma jistaʼ jidħol mingħajr permess. Għalhekk, bi sforz biex il-​ministeru tagħna jitwettaq iktar bis-​sħiħ u bir-​reqqa, ipprova uża l-​metodu effettiv tal-​għoti taʼ Xhieda bit-​telefon.