Nagħtu Xiehda Lill-“bnedmin Kollha”
1 Meta Niltaqgħu Maʼ Nies Taʼ Kulturi Jew Sfondi Reliġjużi Differenti, Niftakru Li R-rieda Taʼ Jehovah Hi “Li L-bnedmin Kollha Jsalvaw U Jaslu Biex Jagħrfu L-verità.” (1 Tim. 2:4) Barra Għadd Taʼ Fuljetti U Browxers Ippreparati B’mod Speċjali, Għandna Żewġ Pubblikazzjonijiet Eċċellenti Li Jistgħu Jintużaw fi Kwalunkwe Ħin Biex Ngħinu Lin-nies Jiżviluppaw Apprezzament Akbar Għal Jehovah U Għal Ibnu, Kristu Ġesù.
2 Il-ktieb L-aqwa Bniedem Li Qatt Għex Huwa Ddedikat Esklussivament Għall-ħajja Taʼ Ġesù. Saħansitra Dawk Li Jaqraw Il-bibbja Regolarment Mhux Dejjem Jifhmu S-sekwenza Tal-ġrajjiet F’ħajtu. Billi Jagħti Prominenza Lill-ħajja Taʼ Ġesù Kristu, L-aqwa Bniedem Li Qatt Għex Jistaʼ Jgħin Lil Individwu F’li Jsir Iktar Midħla Taʼ L-iben T’alla U Jinġibed Lejh, Bħalma Għamlu Ħafna Nies fl-ewwel Seklu. (Ġw. 12:32) Il-ktieb Magħqudin Fil-qima Jagħti Fehma Profonda Lill-qarrej Tat-tagħlim Bażiku Tal-bibbja Li, Min-naħa Tiegħu, Jippromwovi L-unità fil-ħsieb U fil-qima. Kulmeta Jkun Addattat, Forsi Tixtieq Tipprova S-suġġerimenti Li Ġejjin Biex Tintroduċi Dawn Il-kotba.
3 Jekk taħseb li jkun tajjeb li toffri l-ktieb “L-Aqwa Bniedem” lil xi ħadd, tistaʼ tistaqsi:
◼ “X’jiġik f’moħħok meta taħseb fuq Ġesù Kristu? [Agħti ċans għal tweġiba.] Ħafna kittieba taʼ l-istorja jirrikonoxxu lil Ġesù bħala l-aqwa bniedem li qatt għex. [Ikkwota xi eżempju mill-introduzzjoni tal-ktieb L-Aqwa Bniedem.] Il-Bibbja turi li ħajjet Ġesù kienet mudell għalina biex nimitawh.” Aqra l-1 Pietru 2:21 u l-ewwel paragrafu fl-aħħar paġna taʼ l-introduzzjoni tal-ktieb L-Aqwa Bniedem. Jekk l-inkwilin ikun interessat f’li jitgħallem dwar Ġesù, offrilu l-ktieb. Qabel titlaq, aqra Ġwann 17:3 u staqsih, “Kif nistgħu nieħdu dan l-għarfien li jwassal għall-ħajja taʼ dejjem?” Agħmel arranġamenti definiti biex tmur lura bit-tweġiba.
4 Meta terġaʼ tmur biex tispjega kif nieħdu l-għarfien li jagħti l-ħajja, tistaʼ tgħid:
◼ “Wegħedtek li nerġaʼ niġi biex nurik kif nistgħu nieħdu l-għarfien li jwassal għall-ħajja taʼ dejjem.” Ippreżenta l-ktieb Għarfien, u billi tuża l-ewwel kapitlu, uri kif isir studju.
5 Jew, tistaʼ tgħid:
◼ “Qegħdin nistaqsu lin-nies jekk jaqblux li Ġesù Kristu kien l-aqwa bniedem li qatt għex. [Agħti ċans għal tweġiba.] M’għandniex xi ngħidu, ħafna bnedmin influwenzaw il-korsa tal-kwistjonijiet umani, u xi wħud ikkontribwew għall-progress tar-razza umana, imma innota dak li jpoġġi lil Ġesù apparti mill-bqija taʼ l-oħrajn kollha. [Aqra Ġwann 17:3.] Ħadd iktar m’għandu l-qawwa li jagħti l-ħajja taʼ dejjem lill-bnedmin. Dan hu dak li jagħmel lil Ġesù l-aqwa bniedem li qatt għex.” Sib l-istampa f’kapitlu 133 u staqsi lill-inkwilin x’jolqtu l-iktar fl-istampa. Stenna tweġiba. Finalment, aqra l-aħħar tliet paragrafi qabel ma toffri l-ktieb. Semmi l-fatt li tixtieq terġaʼ żżuru biex tispjega iktar dwar il-barkiet li s-saltna t’Alla se ġġib lill-umanità. Jekk l-inkwilin ikun interessat u jistaqsi dwar il-prezz, tinsiex issemmi l-arranġament tad-donazzjoni. Jekk l-inkwilin ma jidhirx li juri interess kbir, ipprova ħallilu fuljett addattat.
6 Meta terġaʼ tmur biex tispjega xi ftit minn dawn il-barkiet, tistaʼ tistaqsi:
◼ “Liema bidliet tixtieq tara fuq l-art?” Agħti ċans għal tweġiba. Skond it-tweġiba li tingħata, mur f’paġna addattata jew tal-browxer X’Jirrikjedi jew tal-ktieb Għarfien. Urih kif il-Bibbja tagħti tama ġenwina għal futur aħjar. Dan jistaʼ jwassal għal studju jew fil-browxer X’Jirrikjedi jew fil-ktieb Għarfien.
7 Kif Tibda l-Konversazzjoni: Hemm ħafna għajnuniet taʼ tagħlim fil-ktieb Magħqudin Fil-Qima li jistgħu jintużaw biex tinbeda konversazzjoni fiż-żjara inizjali jew fiż-żjara lura. Tistaʼ tibda konversazzjoni sempliċement billi tistaqsi mistoqsija addattata. Per eżempju, innota dawn il-mistoqsijiet u suġġetti u l-paġni fejn huma indirizzati:
“X’għandna nikkunsidraw meta naqraw il-Bibbja?” (27)
“Liema fatturi jikkontribwixxu għall-unità?” (8, 9)
“Alla għala jippermetti l-ħażen?” (kapitlu 7)
“Maʼ liema tip taʼ nies ikun irid jissieħeb Kristjan?” (44, 45)
8 Tistaʼ tmur fil-paġna(i) magħżula fil-Magħqudin Fil-Qima u tispjega l-punt li qed jiġi diskuss. Imbagħad ftiehem għal żjara lura billi tistaqsi mistoqsija rrelatata li tistaʼ titwieġeb jew mill-browxer X’Jirrikjedi jew mill-ktieb Għarfien. Kun żgur li tistieden lill-inkwilin għal-Laqgħa Pubblika u ħallilu volantin. Jekk xi ħadd jistaqsi dwar il-prezz tal-letteratura, agħti l-opportunità lill-individwi biex jikkontribwixxu għax-xogħol tagħna, forsi billi tgħid, “Xi wħud jogħġobhom jagħmlu donazzjoni żgħira għax-xogħol tagħna mad-dinja kollha.”
9 Kull xorta taʼ nies b’qalb onesta qegħdin ifittxu l-verità dwar Alla u Kristu. Nistgħu ngħinuhom fix-xogħol tagħna taʼ l-għoti taʼ xiehda. Mela, allura, ejjew inkomplu “nitħabtu u nitqabdu, għax it-tama tagħna hi f’Alla l-ħaj, li hu s-Salvatur tal-bnedmin kollha.”—1 Tim. 4:10.