Kaxxa għall-​Mistoqsija

◼ Huwa tajjeb li titwaħħal mappa sħiħa tat-​territorju tal-​kongregazzjoni fis-​Sala tas-​Saltna?

Iva, għandha titqiegħed mappa sħiħa tat-​territorju ġo gwarniċ u titwaħħal xi mkien mal-​ħajt fis-​Sala tas-​Saltna. Il-​mappa m’għandhiex titwaħħal fuq in-​notice board. Din għandha turi sa fejn jasal it-​territorju kollu assenjat lill-​kongregazzjoni u sa fejn jasal kull territorju individwali bin-​numru assenjat tiegħu. Għandu jiġi mmarkat sa fejn jasal it-​territorju tal-​kongregazzjonijiet kollha li jużaw l-​istess Sala tas-​Saltna. Dan se jgħin lill-​pubblikaturi u wkoll lil uħud ġodda interessati biex jifhmu f’liema territorju tal-​kongregazzjoni jgħixu. Ikun t’għajnuna wkoll li fuq il-​mappa jintwerew il-​postijiet taʼ l-​Istudju tal-​Ktieb tal-​Kongregazzjoni sabiex kulħadd ikun jistaʼ jara fejn hu l-​grupp taʼ l-​istudju tal-​ktieb li huwa assenjat miegħu. Il-​mappa għandha tinżamm aġġornata.

Jekk din il-​mappa jkunu jistgħu jarawha l-​pubblikaturi kollha, din se tfakkarhom li, jekk huwa possibbli, ikun tajjeb li jkollhom territorju persunali assenjat lilhom. Il-​mappa hija t’għajnuna għal dawk li jridu jagħżlu territorju ħdejn id-​dar tagħhom. Xi drabi, permezz tagħha jistaʼ jiġi frankat il-​ħin waqt il-​laqgħat għas-​servizz, billi dak li jikkonduċi jkun jistaʼ jibgħat minnufih lil kull grupp taʼ pubblikaturi fl-​inħawi fejn ikunu assenjati li jaħdmu.

Il-mappa tagħti evidenza wkoll li l-​kongregazzjoni hija organizzata biex tippriedka bir-​reqqa l-​messaġġ tas-​Saltna fit-​territorju assenjat lilha.—Lq. 9:6.