Ir-Reliġjon u l-Gwerra fl-Ukrajna—X’Tgħid il-Bibbja?

Ara x’qalu mexxejja reliġjużi importanti dwar il-gwerra fl-Ukrajna:

• “Il-kap tal-Knisja Ortodossa fir-Russja, il-Patrijarka Kirill, ma qal xejn kontra dak li qed tagħmel ir-Russja fl-Ukrajna. . . . Il-Knisja tiegħu għadha ma waqfitx tgħid stejjer foloz dwar l-Ukrajna, u fil-fatt Putin qed jużahom biex jiġġustifika l-gwerra.”—EUobserver, 7 taʼ Marzu 2022.

• “Il-Patrijarka Kirill . . . wera kemm jaqbel maʼ li qed tagħmel ir-Russja fl-Ukrajna billi qal li din il-gwerra hi parti mill-ġlieda kontra d-dnub.”—AP News, 8 taʼ Marzu 2022.

• “It-Tnejn li għadda, il-kap tal-Knisja Ortodossa fl-Ukrajna, Metropolitan Epiphanius I taʼ Kyiv, bierek lin-nies tiegħu li qed ‘jiġġieldu kontra r-Russi’ . . . [Hu] qal ukoll li mhux dnub li joqtlu lis-suldati Russi.”—Jerusalem Post, 16 taʼ Marzu 2022.

• “Aħna [il-Kunsill tal-Knejjes u Organizzazzjonijiet Reliġjużi fl-Ukrajna (UCCRO)] nappoġġaw l-armata tal-Ukrajna u n-nies kollha li qed jiġġieldu għal pajjiżna. Aħna nagħtuhom il-barka tagħna u nitolbu għalihom hekk kif jiddefendu l-Ukrajna.”—Stqarrija mill-UCCRO,a 24 taʼ Frar 2022.

Int x’taħseb? Għandhom ir-reliġjonijiet li jgħidu li jobdu lil Ġesù Kristu jħeġġu lin-nies tagħhom imorru għal gwerra? Il-Bibbja x’tgħid?

Ir-reliġjonijiet u l-gwerer matul is-snin

Matul is-snin, l-istorja wriet li r-reliġjonijiet spiss qalu li m’hemm xejn ħażin li tmur għal gwerra, li hu tajjeb, u anzi ġieli jkun hemm bżonn li tmur għal gwerra. Imma fl-istess ħin dawn ir-reliġjonijiet jgħidu li qed jaħdmu għall-paċi. Għal ħafna snin, ix-Xhieda taʼ Ġeħova għenu lin-nies jaraw l-ipokresija tar-reliġjonijiet. Ara xi eżempji mill-pubblikazzjonijiet tagħna.

• L-artiklu “The Crusades—A ‘Tragic Illusion’” juri kif il-Knisja Kattolika kienet responsabbli għall-qtil t’eluf taʼ nies b’mod krudili f’isem Alla u Kristu.

• L-artiklu “The Catholic Church in Africa” jsemmi eżempji taʼ kif ir-reliġjonijiet ma waqqfux il-ġenoċidji u l-gwerer bejn tribujiet, jew gruppi taʼ nies differenti.

• L-artikli “Is Religion to Blame?,” “Religion’s Role in Man’s Wars,” u “Religion Takes Sides” jispjegaw kif mexxejja Kattoliċi, Ortodossi, u Protestanti ssapportjaw iż-żewġ naħat f’ħafna gwerer.

Għandhom ir-reliġjonijiet Kristjani jissapportjaw il-gwerer?

Ġesù għallem: “Ħobb lill-proxxmu tiegħek bħalek innifsek.” (Mattew 22:39) “Komplu ħobbu lill-għedewwa tagħkom.”—Mattew 5:44-47.

Ġesù qal: “Is-saltna tiegħi mhix parti minn din id-dinja. Kieku s-saltna tiegħi kienet parti minn din id-dinja, il-qaddejja tiegħi kienu jiġġieldu.” (Ġwanni 18:36) “Kulmin jaqbad is-sejf, bis-sejf jinqered.”—Mattew 26:47-52.

Aħseb: Jekk il-Kristjani ma kellhomx jiġġieldu biex jipproteġu lil Ġesù, jagħmel sens li jiġġieldu għal raġunijiet oħra? Aqra l-artiklu “Imorru Flimkien il-​Gwerra u l-​Kristjanità?” biex tara kif il-Kristjani tal-bidu imitaw lil Ġesù u obdewh.

X’se jiġri lir-reliġjonijiet li jinkuraġġixxu l-gwerer?

Il-Bibbja tgħallem li Alla jobgħod reliġjonijiet li jgħidu li jimxu maʼ li qal Ġesù imma ma jobduhx.—Mattew 7:21-23; Titu 1:16.

• Il-ktieb tar-Rivelazzjoni, jew Apokalissi, jurina li għal Alla dawn ir-reliġjonijiet huma responsabbli għall-qtil “taʼ dawk kollha li nqatlu fuq l-art.” (Rivelazzjoni 18:21, 24) Biex titgħallem għala aqra l-artiklu “X’inhi Babilonja l-Kbira?”

• Ġesù qal li r-reliġjonijiet kollha li ma jogħġbux lil Alla minħabba l-affarijiet ħżiena li jagħmlu se jinqerdu. Dan l-istess bħalma “siġra li ma tagħmilx frott tajjeb titqaċċat u tintefaʼ fin-nar.” (Mattew 7:15-20) Aqra l-artiklu “It-Tmiem tar-Reliġjon Falza Huwa fil-Qrib!” biex issir taf kif dan se jiġri.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images