2023: Sena Mimlija Anzjetà​—X’Tgħid il-Bibbja?

Matul is-sena 2023, ġraw ħafna affarijiet madwar id-dinja li juru b’mod ċar li qegħdin ngħixu matul dak li l-Bibbja tiddeskrivi bħala “l-aħħar jiem.” (2 Timotju 3:1) Ara kif l-affarijiet li qed jiġru madwarna huma l-istess affarijiet li l-Bibbja qalet li se jiġru fi żmienna.

X’tgħid il-Bibbja u x’qed jiġri fid-dinja

“Gwerer f’postijiet differenti.”​—Mattew 24:6.

• “Il-ġlied u l-vjolenza qed jiżdiedu f’ħafna postijiet fid-dinja.a

“Terremoti f’post wara l-ieħor.”​—Marku 13:8.

• “Mill-bidu tas-sena 2023, madwar id-dinja kien hemm 13-il terremot b’qawwa taʼ iktar minn 7. Dan huwa wieħed mill-iżjed ammont għoli minn kemm ilhom jinżammu r-rekords.”b

“In-nies se jaraw affarijiet tal-biżaʼ.”​—Luqa 21:11.

• “Iż-żmien tal-global warming spiċċa, issa qegħdin fiż-żmien tal-global boiling.”​—António Guterres, is-Segretarju Ġenerali tal-ĠM.c

“Nuqqas taʼ ikel.”​—Mattew 24:7.

• “2023: Sena oħra mimlija anzjetà għal dawk li qed isibuha diffiċli biex jipprovdu ikel għall-familja tagħhom.”d

“Żminijiet kritiċi li diffiċli biex issib tarfhom.”​—2 Timotju 3:1.

• “Madwar id-dinja, wieħed minn kull tmienja jbati b’xi tip taʼ saħħa mentali.”e

X’nistgħu nistennew fl-2024?

Ħadd ma jaf eżatt x’se jiġri fl-2024. Imma dak li qed jiġri fid-dinja bħalissa juri li dalwaqt ġejja s-Saltna t’Alla, jiġifieri l-gvern t’Alla fis-sema. Din se tmexxi minflok il-gvernijiet li hawn fuq l-art u se tneħħi kull ħaġa li ġġib it-tbatija u l-anzjetà.​—Danjel 2:44; Rivelazzjoni 21:4.

Sadanittant, meta nħossuna anzjużi, nistgħu nfittxu l-għajnuna mingħand Alla. Il-Bibbja tgħid:

“Meta nibżaʼ, nafda fik.”​—Salm 56:3.

Kif nistgħu nuru li nafdaw f’Alla? Ninkuraġġuk biex titgħallem iżjed dwar il-wegħda tal-Bibbja għal futur mingħajr tbatija. Prova studja l-Bibbja b’xejn biex tara kif il-wegħdi tal-Bibbja jistgħu jgħinu lilek u lill-familja tiegħek.