• Ezekiela 25:15-17
    Ny Soratra Masina—Fandikan-tenin’ny Tontolo Vaovao

    • 15 “Izao no tenin’i Jehovah Tompo Fara Tampony: ‘Nankahala ny Israely foana ny Filistinina, ka nanao teti-dratsy hamaliana faty sy handringanana azy.+ 16 Izao àry no tenin’i Jehovah Tompo Fara Tampony: “Hanatsotra ny tanako hamely ny Filistinina+ aho, ka horinganiko ny Keretita,+ ary haripako ny mponina sisa any amoron-tsiraka.+ 17 Hataoko mahita faisana izy ireo rehefa mamaly faty azy aho, ka hanamparako ny hatezerako izy rehefa faiziko. Dia tsy maintsy ho fantany fa izaho no Jehovah, rehefa mamaly ny nataony aho.”’”

  • Amosa 1:9, 10
    Ny Soratra Masina—Fandikan-tenin’ny Tontolo Vaovao

    •  9 Izao no tenin’i Jehovah:

      ‘Tsy hovako ny didim-pitsarako satria nikomy intelo i Tyro,+ inefatra mihitsy aza.

      Nataony babo mantsy ny olona rehetra dia natolony an’i Edoma,

      Ary tsy tsaroany ny fifanekena nataon’ny mpirahalahy.+

      10 Dia handefasako afo ny mandan’i Tyro,

      Ka ho levon’ny afo ny tilikambony voaro mafy.’+