¿Tlen kichiuas toTajtsin Dios?

Se toyolikni uelis tikiluiskej tlen ouijkayotl tikpiaj. Sekimej kijtoaj amo uelis timouikaskej iuan toTajtsin Dios porque amo tiktekipachoaj. Pero ye yokichi miak tlamantli uan noijki kachiuas nochi tlen techtlajyouiltia. ¿Tlen kichiuas toTajtsin Dios?

AYAKMO ITLAJ TECHTLAJYOUILTIS

Ayakmo itlaj techtlajyouiltis. Porque Biblia kijtoa: “Nochteh n tlaltikpaktlakah non amo kineltokah Dios kinnawatijtok n satanás” (1 Juan 5:19). Jesús okijto ye Satanás kinnauatijtok oksekimej (Juan 12:31). Itlajtlakol Satanás tikixnamikij ouijkayotl. ¿Tlen kichiuas toTajtsin Dios?

Ayakmo miak poliui Jehová kitekitiltis iKone para ‘kikixtilis iweletilis n amokualitlakatl non okinmiktiaya n tlaltikpaktlakah’ (Hebreos 2:14; 1 Juan 3:8). Biblia kijtoa ayakmo miak poliui uan kipojpoloskej Diablo (Apocalipsis 12:12). ToTajtsin Dios noijki kinpojpolos akinmej amo yolkualmej (Salmo 37:9; Proverbios 2:22).

JEHOVÁ KIKOPAS TLALTIKPAK SE XOCHITLALI

Ijkuak toTajtsin Dios kachiuas nochi tlen amo kuali, kichiuas tlen ye kineki itech tlaltikpak. ¿Ken tiyetoskej?

Tikpiaskej yolseuilistli uan kuali tiyetoskej. “Pero akinmej yolkualmej kinmakaskej tlaltikpak uan melauak yolpakiskej porque yetos miak yolseuilistli” (Salmo 37:11).

Tikpiaskej miak tlakuali. “Yetos miak xinachtli ipan tlaltikpak; ipan tepemej sapanoa tlamochiuas” (Salmo 72:16).

Timokaltiskej uan tikpiaskej tekitl. “Yejuan kinchijchiuaskej kalmej uan ompa chantiskej, kitokaskej viñas uan kikuaskej itlakilo. [...] Tekitl tlen kichiuaskej notekipanojkauan sapanoa kinyolpaktis” (Isaías 65:21, 22).

¿Mitspaktiskia tichantis itech nin kualtsin tlaltikpak? Nin melauak mochiuas.

AYAKMO TIMOKOKOSKEJ NION TIIXPOLIUISKEJ

Axkan timokokoaj uan tiixpoliuij pero satepan ayakmo ijkon techpanos. Ayakmo ijkon techpanos porque Jesús omotemakak “para nochteh akimeh kineltokaskeh amo mamoixpolokah, yej makipiakah se yankuik nemílistli non ayik tlami” (Juan 3:16). ¿Ken tiyetoskej?

Ayakmo timokokoskej. “Amikaj kijtos: ‘Nimokokoa’. Kintlapojpoluiskej nochtin akinmej chantiskej tlaltikpak” (Isaías 33:24).

Ayakmo tiixpoliuiskej. “Ye sepa kitlajtlamis mikilistli uan toTeko Jehová akin Ueyititok melauak nochtin kinmixayouajuatsas” (Isaías 25:8).

Nochipa tiyoltoskej. ToTajtsin Dios “kitetliokolia ye n nemílistli non ayik tlami keman tiseititokeh iwan Toteko Cristo Jesús” (Romanos 6:23).

Kinyolitiskej tlen yoixpolikej. “Nochteh non yomikkeh moyolitiskeh, akimeh otlájtlakolchijkeh iwa akimeh amó” (Hechos 24:15). Noijki kinyolitiskej porque Jesús inpatka omotemakak.

¿Tlen kichiuas toTajtsin Dios para ma mochiua nochi nin tlamantli?

YOKITLALI SE TEKIUAJKAYOTL

ToTajtsin Dios okitlali se Tekiuajkayotl uan okitlali Jesús ma kiyekana uan ijkon kichiuas nochi tlen kineki itech iluikak uan tlaltikpak (Salmo 110:1, 2). Ik non, Jesús okinmilui imachtijkauan ma motlatlaujtikan: “Totajtsi Dios non timoitstika ilwikak, [...] xiwalmuika xitlanawatiki” (Mateo 6:9, 10).

ITekiuajkayo toTajtsin Dios ualtlanauatis tlaltikpak uan kachiuas nochi tlen techtlajyouiltia. Nin Tekiuajkayotl kichiuas kuali ma tiyetokan. Ik non, Jesús nochipa otetlapoui uan noijki okinnauati imachtijkauan ma tetlapouikan (Mateo 4:23; 24:14, TNM).

Jehová yokijto kichiuas nochi nin tlamantli porque sapanoa techtlasojtla. ¿Amo tikneki tikixmatis uan iuan timouikas? ¿Ken mitspaleuis tla ijkon tikchiuas? Nin tikitaskej itech okse tlamachtil.