AMANANI

1 UJehova wasekhuluma loMosi enkangala yeSinayi+ etendeni lokuhlangana,+ mhlaka 1 ngenyanga yesibili, ngomnyaka wesibili bephume elizweni laseGibhithe.+ Wathi: 2 “Bala+ lonke ibandla lako-Israyeli,* umuntu munye ngamunye kusiya ngezimuli zabo langezindlu zaboyise, kusiya ngenani lamabizo abo bonke abesilisa. 3 Wena lo-Aroni kumele libhalise bonke abaleminyaka engu-20 kusiya phezulu+ abangaba ngamasotsha ko-Israyeli. Kumele libabhalise ngamaqembu* abo.

4 “Khethani indoda eyodwa esizwaneni ngasinye ukuze ilincedise njalo ngayinye izakuba yinhloko yabendlu kayise.+ 5 Nanka amabizo amadoda azalincedisa: Kwabosendo lukaRubheni kuzakuba ngu-Elizuri+ indodana kaShedewuri, 6 kwabosendo lukaSimiyoni kuzakuba nguShelumiyeli+ indodana kaZurishadayi, 7 kwabosendo lukaJuda kuzakuba nguNashoni+ indodana ka-Aminadabi, 8 kwabosendo luka-Isakhari kuzakuba nguNethaneli+ indodana kaZuwari, 9 kwabosendo lukaZebhuloni kuzakuba ngu-Eliyabi+ indodana kaHeloni, 10 kwabosendo lukaJosefa, kwabako-Efrayimi+ kuzakuba ngu-Elishama indodana ka-Amihudi, kwabakoManase kuzakuba nguGamaliyeli indodana kaPhedazuri, 11 kwabosendo lukaBhenjamini kuzakuba ngu-Abhidani+ indodana kaGidiyoni, 12 kwabosendo lukaDani kuzakuba ngu-Ahiyezeri+ indodana ka-Amishadayi, 13 kwabosendo luka-Asheri kuzakuba nguPhagiyeli+ indodana ka-Okhirani, 14 kwabosendo lukaGadi kuzakuba ngu-Eliyasafi+ indodana kaDuweli, 15 kwabosendo lukaNafithali kuzakuba ngu-Ahira+ indodana ka-Enani. 16 Laba yibo abakhethwe ebandleni, bangabakhokheli+ bezizwana zaboyise, abakhokheli bezinkulungwane zako-Israyeli.”+

17 Yikho uMosi lo-Aroni babiza amadoda la ayeqanjwe ngamabizo. 18 Mhlaka 1 ngenyanga yesibili babuthanisa ibandla lonke ukuze babhalise umuntu munye ngamunye ngebizo lakhe, langemuli yangakibo, langendlu kayise kusukela kwabaleminyaka engu-20 kusiya phezulu,+ 19 njengoba nje uJehova wayetshilo kuMosi. Ngakho uMosi wababhalisa enkangala yeSinayi.+

20 Abosendo lukaRubheni, izibulo lika-Israyeli+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa munye ngamunye. 21 Sebebonke abesizwana sakoRubheni ababhaliswayo babengu-46 500.

22 Abosendo lukaSimiyoni+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa munye ngamunye. 23 Sebebonke abesizwana sakoSimiyoni ababhaliswayo babengu-59 300.

24 Abosendo lukaGadi+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 25 Sebebonke abesizwana sakoGadi ababhaliswayo babengu-45 650.

26 Abosendo lukaJuda+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 27 Sebebonke abesizwana sakoJuda ababhaliswayo babengu-74 600.

28 Abosendo luka-Isakhari+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 29 Sebebonke abesizwana sako-Isakhari ababhaliswayo babengu-54 400.

30 Abosendo lukaZebhuloni+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 31 Sebebonke abesizwana sakoZebhuloni ababhaliswayo babengu-57 400.

32 Abosendo lukaJosefa, abadabuka ku-Efrayimi+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 33 Sebebonke abesizwana sako-Efrayimi ababhaliswayo babengu-40 500.

34 Abosendo lukaManase+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 35 Sebebonke abesizwana sako-Manase ababhaliswayo babengu-32 200.

36 Abosendo lukaBhenjamini+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 37 Sebebonke abesizwana sakoBhenjamini ababhaliswayo babengu-35 400.

38 Abosendo lukaDani+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 39 Sebebonke abesizwana sakoDani ababhaliswayo babengu-62 700.

40 Abosendo luka-Asheri+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 41 Sebebonke abesizwana sako-Asheri ababhaliswayo babengu-41 500.

42 Abosendo lukaNafithali+ babhaliswa ngamabizo abo langezimuli zabo langezindlu zaboyise. Bonke abesilisa ababeleminyaka engu-20 kusiya phezulu ababengaba ngamasotsha babalwa. 43 Sebebonke abesizwana sakoNafithali ababhaliswayo babengu-53 400.

44 Laba yibo ababhaliswa nguMosi lo-Aroni kanye labakhokheli bako-Israyeli abangu-12, ngamunye emele indlu kayise. 45 Bonke abako-Israyeli ababeleminyaka engu-20 kusiya phezulu ababengaba ngamasotsha babhaliswa ngezindlu zaboyise. 46 Sebehlangene bonke ababhaliswayo babengu-603 550.+

47 Kodwa amaLevi+ kawazange abhaliswe lezinye izizwana kusiya ngezindlu zaboyise.+ 48 Ngakho uJehova watshela uMosi wathi: 49 “Abesizwana sakoLevi yibo bodwa okungamelanga ubabhalise njalo akumelanga uhlanganise inani labo lelabanye abantu bako-Israyeli.+ 50 AmaLevi kumele uwanike umsebenzi wokunakekela ithabanikeli loBufakazi+ lazo zonke izitsha zalo kanye lakho konke okungokwalo.+ Azathwala ithabanikeli lazo zonke izitsha zalo,+ azasebenza kulo+ futhi kumele akhempe agombolozele ithabanikeli.+ 51 Loba nini lapho ithabanikeli sokumele lisuswe, amaLevi yiwo azalidiliza,+ nxa sekumele limiswe kutsha amaLevi yiwo azalimisa. Loba ngubani ongavunyelwayo* ozasondela eduze kwalo kumele abulawe.+

52 “Um-Israyeli ngamunye kumele amise itende lakhe endaweni abelwe kuyo, indoda ngayinye ibe seqenjini layo elibunjwa yizizwana ezintathu.+ 53 AmaLevi kumele akhempe agombolozele ithabanikeli loBufakazi ukuze ngingabathukutheleli abantu bako-Israyeli+ njalo amaLevi alomlandu wokunakekela* ithabanikeli loBufakazi.”+

54 Abantu bako-Israyeli bakwenza konke uJehova ayekutshele uMosi. Benza khona kanye ayekutshilo.

2 UJehova wasekhuluma loMosi lo-Aroni wathi: 2 “Abako-Israyeli kumele bamise amatende abo lapho okwabelwe khona iqembu labo elibunjwa yizizwana ezintathu,+ indoda ngayinye ibe seduze kophawu* lwabendlu kayise. Kumele bakhempe bekhangele itende lokuhlangana baligombolozele.

3 “Eceleni elisempumalanga kuzakhempa iqembu elibunjwa yizizwana ezintathu ezikhokhelwa yisizwana sakoJuda kusiya ngendawo ezabelwe kuyo;* umkhokheli wamadodana kaJuda nguNashoni+ indodana ka-Aminadabi. 4 Labo ababhaliswe ebuthweni lakhe bangu-74 600.+ 5 Eduze kwakhe kuzakhempa abesizwana sako-Isakhari; umkhokheli wamadodana ka-Isakhari nguNethaneli+ indodana kaZuwari. 6 Labo ababhaliswe ebuthweni lakhe bangu-54 400.+ 7 Abazalandela ngabesizwana sakoZebhuloni; umkhokheli wamadodana kaZebhuloni ngu-Eliyabi+ indodana kaHeloni. 8 Labo ababhaliswe ebuthweni lakhe bangu-57 400.+

9 “Esehlangene wonke amabutho abhalisiweyo akhokhelwa yisizwana sakoJuda angu-186 400, yiwo azaqala ukusuka.+

10 “Eceleni eliseningizimu kuzakhempa iqembu elibunjwa yizizwana ezintathu ezikhokhelwa yisizwana sakoRubheni+ kusiya ngendawo ezabelwe kuyo;* umkhokheli wamadodana kaRubheni ngu-Elizuri+ indodana kaShedewuri. 11 Labo ababhaliswe ebuthweni lakhe bangu-46 500.+ 12 Eduze kwakhe kuzakhempa abesizwana sakoSimiyoni; umkhokheli wamadodana kaSimiyoni nguShelumiyeli+ indodana kaZurishadayi. 13 Labo ababhaliswe ebuthweni lakhe bangu-59 300.+ 14 Abazalandela ngabesizwana sakoGadi; umkhokheli wamadodana kaGadi ngu-Eliyasafi+ indodana kaRehuweli. 15 Labo ababhaliswe ebuthweni lakhe bangu-45 650.+

16 “Esehlangene wonke amabutho abhalisiweyo azakhokhelwa yisizwana sakoRubheni angu-151 450, yiwo okumele abe ngawesibili ukusuka.+

17 “Nxa itende lokuhlangana selithwalwa+ abesizwana sakoLevi kumele babe phakathi laphakathi kwezinye izizwana.

“Izizwana lezi kumele zihambe ngendlela ezihlelwe ngayo nxa zikhempa,+ ngulowo lalowo endaweni yakhe, kusiya ngeqembu lazo elibunjwa yizizwana ezintathu.

18 “Eceleni elisentshonalanga kuzakhempa iqembu elibunjwa yizizwana ezintathu ezikhokhelwa yisizwana sako-Efrayimi kusiya ngendawo ezabelwe kuyo;* umkhokheli wamadodana ka-Efrayimi ngu-Elishama+ indodana ka-Amihudi. 19 Labo ababhaliswe ebuthweni lakhe bangu-40 500.+ 20 Eduze kwakhe kuzakhempa abesizwana sakoManase;+ umkhokheli wamadodana kaManase nguGamaliyeli+ indodana kaPhedazuri. 21 Labo ababhaliswe ebuthweni lakhe bangu-32 200.+ 22 Abazalandela ngabesizwana sakoBhenjamini; umkhokheli wamadodana kaBhenjamini ngu-Abhidani+ indodana kaGidiyoni. 23 Labo ababhaliswe ebuthweni lakhe bangu-35 400.+

24 “Esehlangene wonke amabutho abhalisiweyo azakhokhelwa yisizwana sako-Efrayimi angu-108 100, yiwo azakuba ngawesithathu ukusuka.+

25 “Eceleni elisenyakatho kuzakhempa iqembu elibunjwa yizizwana ezintathu ezikhokhelwa yisizwana sakoDani kusiya ngendawo ezabelwe kuyo;* umkhokheli wamadodana kaDani ngu-Ahiyezeri+ indodana ka-Amishadayi. 26 Labo ababhaliswe ebuthweni lakhe bangu-62 700.+ 27 Abazakhempa eduze kwakhe ngabesizwana sako-Asheri; umkhokheli wamadodana ka-Asheri nguPhagiyeli+ indodana ka-Okhirani. 28 Labo ababhaliswe ebuthweni lakhe bangu-41 500.+ 29 Abazalandela ngabesizwana sakoNafithali; umkhokheli wamadodana kaNafithali ngu-Ahira+ indodana ka-Enani. 30 Labo ababhaliswe ebuthweni lakhe bangu-53 400.+

31 “Esehlangene wonke amabutho abhalisiweyo azakhokhelwa yisizwana sakoDani angu-157 600. Yiwo azacina ukusuka+ kusiya ngeqembu lawo elibunjwa yizizwana ezintathu.”

32 Laba yibo-ke abako-Israyeli ababhaliswa kusiya ngezindlu zaboyise; sebehlangene bonke ababesezihonqweni ababhalisa ukuthi babe ngamasotsha babengu-603 550.+ 33 Kodwa amaLevi awazange abhaliswe+ ndawonye labanye abako-Israyeli+ njengoba nje uJehova wayetshilo kuMosi. 34 Abantu bako-Israyeli bakwenza konke uJehova ayekutshele uMosi. Le yiyo indlela ababekhempe ngayo kusiya ngamaqembu abo abunjwa yizizwana ezintathu+ njalo yiyo indlela ababesuka ngayo,+ umuntu ngamunye kusiya ngemuli yakhe langezindlu zaboyise.

3 Lezi yizizukulwane zika-Aroni loMosi ngesikhathi uJehova akhuluma ngaso loMosi entabeni iSinayi.+ 2 Amabizo amadodana ka-Aroni kwakunguNadabi izibulo, lo-Abhihu,+ lo-Eliyazari+ kanye lo-Ithamari.+ 3 La ngamabizo amadodana ka-Aroni ayegcotshiwe njalo abekwa ukuthi abe ngabaphristi.+ 4 Kodwa uNadabi lo-Abhihu bafa phambi kukaJehova enkangala yeSinayi ngesikhathi benikela kuJehova ngomlilo ongavunyelwayo+ njalo bafa bengakabi labantwana. U-Eliyazari+ lo-Ithamari+ bona baqhubeka bengabaphristi kanye loyise u-Aroni.

5 UJehova wasesithi kuMosi: 6 “Sondeza abesizwana sakoLevi,+ ubamise phambi kuka-Aroni umphristi ukuze bamncedise.+ 7 Kufanele benze imisebenzi okumele bamenzele yona laleyo okumele bayenzele bonke abako-Israyeli etendeni lokuhlangana, nxa besenza inkonzo yabo okufanele bayenze ethabanikeli. 8 Kumele bagcine yonke impahla+ esetshenziswa etendeni lokuhlangana njalo benze lemisebenzi yabo okumele bayenzele ama-Israyeli ngokwenza inkonzo yethabanikeli.+ 9 AmaLevi kumele uwanike u-Aroni lamadodana akhe. Ayizipho ezinikwe yena, ezivela ebantwini bako-Israyeli.+ 10 Kumele ukhethe u-Aroni lamadodana akhe njalo kumele benze umsebenzi wabo wokuba ngabaphristi.+ Loba ngubani ongavunyelwayo* ozasondela eduze kumele abulawe.”+

11 UJehova waqhubeka ekhuluma loMosi wathi: 12 “Sengikhethe amaLevi phakathi kwabantu bako-Israyeli ukuze angene esikhundleni sawo wonke amazibulo abantu bako-Israyeli+ njalo amaLevi azakuba ngawami. 13 Wonke amazibulo ngawami.+ Phela ngelanga engabulala ngalo wonke amazibulo elizweni laseGibhithe,+ ngazehlukanisela* wonke amazibulo ako-Israyeli kungelani lokuthi ngawabantu kumbe ngawezifuyo.+ Kumele abe ngawami, nginguJehova.”

14 UJehova waqhubeka ekhuluma loMosi enkangala yeSinayi+ wathi: 15 “Bhalisa amadodana kaLevi ngezindlu zaboyise langezimuli zawo. Kumele ubhalise bonke abesilisa kusukela kolenyanga eyodwa kusiya phezulu.”+ 16 Ngakho uMosi wababhalisa elandela lokho uJehova ayekutshilo, wenza khona kanye ayekutsheliwe. 17 Amabizo amadodana kaLevi kwakunguGeshoni loKhohathi loMerari.+

18 Amabizo amadodana kaGeshoni kusiya ngezimuli zawo, kwakunguLibhini loShimeyi.+

19 Amadodana kaKhohathi ngezimuli zawo kwakungu-Amramu, lo-Izihari, loHebroni kanye lo-Uziyeli.+

20 Amadodana kaMerari ngezimuli zawo kwanguMahili+ loMushi.+

Lezi yizo imuli zamaLevi kusiya ngezindlu zaboyise.

21 KuGeshoni yikho lapho okwavela khona abemuli yamaLibhini+ kanye labemuli yamaShimeyi. Lezi yizo izimuli zamaGeshoni. 22 Bonke abesilisa ababhaliswayo kusukela kolenyanga eyodwa kusiya phezulu babengu-7 500.+ 23 Abezimuli zamaGeshoni babekhempe ngemva kwethabanikeli+ entshonalanga. 24 Umkhokheli wamaGeshoni ngezindlu zaboyise kwakungu-Eliyasafi indodana kaLayeli. 25 Umsebenzi wamadodana kaGeshoni+ etendeni lokuhlangana wawungowokunakekela ithabanikeli kanye letende,+ lesembozo salo,+ lekhetheni+ elisemnyango wetende lokuhlangana, 26 lamakhetheni+ afakwe egumeni, lekhetheni+ elisegedini leguma eligombolozele ithabanikeli kanye le-alithare, lentambo zalo zetende layo yonke inkonzo ephathelane lezinto lezi.

27 KuKhohathi yikho lapho okwavela khona abemuli yama-Amramu, labemuli yama-Izihari, labemuli yamaHebroni, labemuli yama-Uziyeli. Lezi yizo imuli zamaKhohathi. + 28 Sebebonke abesilisa kusukela kolenyanga eyodwa kusiya phezulu babengu-8 600, umsebenzi wabo wawungowokunakekela indawo engcwele.+ 29 Abezimuli zamadodana kaKhohathi babekhempe eceleni eliseningizimu kwethabanikeli.+ 30 Umkhokheli wezimuli zamaKhohathi ngezindlu zaboyise kwakungu-Elizafani indodana ka-Uziyeli.+ 31 Umsebenzi wabo wawungowokunakekela ibhokisi,+ letafula,+ loluthi lwesibani,+ lama-alithare,+ lezitsha+ ezisetshenziswa endaweni engcwele, lekhetheni+ elingaphakathi kanye layo yonke inkonzo ephathelane lezinto lezi.+

32 Umkhokheli omkhulu wamaLevi kwakungu-Eliyazari+ indodana ka-Aroni umphristi, nguye owayekhangela bonke ababesenza imisebenzi endaweni engcwele.

33 KuMerari yikho lapho okwavela khona abemuli yamaMahili kanye labemuli yamaMushi. Lezi yizo imuli zamaMerari.+ 34 Bonke abesilisa ababhaliswayo kusukela kolenyanga eyodwa kusiya phezulu babengu-6 200.+ 35 Umkhokheli wezimuli zamaMerari ngezindlu zaboyise kwakunguZuriyeli indodana ka-Abhihayili. Babekhempe eceleni elisenyakatho kwethabanikeli.+ 36 Amadodana kaMerari ayekhangela amapulanka+ ethabanikeli, lemithando+ yalo, lensika+ zalo, lezisekelo zalo lazo zonke izitsha+ zalo, layo yonke inkonzo ephathelane lezinto lezi+ 37 kanye lensika ezazigombolozele iguma, lezisekelo zazo,+ lezikhonkwane zazo zetende, lentambo zazo zetende.

38 UMosi lo-Aroni lamadodana akhe yibo ababekhempe empumalanga, phambi kwetende lokuhlangana. Umsebenzi wabo wawungowokunakekela indawo engcwele bemele abantu bako-Israyeli. Loba ngubani ongavunyelwayo* owayezasondela eduze kwakumele abulawe.+

39 Sebebonke abesilisa abangamaLevi abalenyanga eyodwa kusiya phezulu ababhaliswa nguMosi lo-Aroni ngezimuli zabo, belandela umlayo kaJehova, babengu-22 000.

40 UJehova wasesithi kuMosi: “Bhalisa bonke abesilisa abangamazibulo ebantwini bako-Israyeli, kusukela kolenyanga eyodwa kusiya phezulu,+ babale njalo ubhale uluhlu lwamabizo abo. 41 Kumele ungithathele amaLevi esikhundleni sawo wonke amazibulo abantu bako-Israyeli+ njalo kumele uthathe izifuyo zamaLevi esikhundleni sawo wonke amazibulo ezifuyo zabantu bako-Israyeli.+ NginguJehova.” 42 UMosi wasebhalisa wonke amazibulo ayephakathi kwabantu bako-Israyeli njengoba nje uJehova wayemtshelile. 43 Sebebonke abesilisa abangamazibulo ababhaliswa ngamabizo abo kusukela kolenyanga eyodwa kusiya phezulu babengu-22 273.

44 UJehova waqhubeka ekhuluma loMosi wathi: 45 “Thatha amaLevi esikhundleni sawo wonke amazibulo aphakathi kwabantu bako-Israyeli, uthathe lezifuyo zamaLevi esikhundleni sezifuyo zabo njalo amaLevi kumele abe ngawami. NginguJehova. 46 Njengoba inani lamazibulo abantu bako-Israyeli lisedlula elamaLevi+ ngabantu abangu-273, ukuze ukhiphe inhlawulo yokuhlenga+ abantu laba 47 kumele ubhadalele ngamunye wabo amashekheli* amahlanu,+ alinganiswe ngeshekheli yendawo engcwele.* Ishekheli lilingana lamagera angu-20.*+ 48 Imali le kumele uyinike u-Aroni lamadodana akhe ibe yinhlawulo yokuhlenga abantu laba abedlule inani lamaLevi.” 49 Ngakho uMosi wayithatha leyomali yokuhlenga labo ababesedlula inani lamaLevi. 50 Imali leyo wayithatha kumazibulo ako-Israyeli, yayingamashekheli angu-1 365 nxa kulinganiswa ngeshekheli yendawo engcwele. 51 UMosi wasenika u-Aroni lamadodana akhe imali yokuhlenga elandela lokho uJehova ayemtshele khona, njengoba nje uJehova wayetshilo kuye.

4 UJehova wasekhuluma loMosi lo-Aroni wathi: 2 “Kumele kubalwe amadodana kaKhohathi+ phakathi kwamadodana kaLevi kusiya ngezimuli zawo langezindlu zaboyise, 3 wonke aleminyaka engu-30+ kusiya kwengu-50+ aseqenjini elikhethwe ukuthi lisebenze etendeni lokuhlangana.+

4 “Lo ngumsebenzi ozakwenziwa ngamadodana kaKhohathi etendeni lokuhlangana.+ Umsebenzi lo ungcwele kakhulu: 5 Nxa sekufanele abantu basuke, u-Aroni lamadodana akhe bazakhipha ikhetheni+ elingaphakathi bavale ngalo ibhokisi loBufakazi.+ 6 Bazalembesa ngesikhumba senyamazana yolwandle, besebeligubuzela ngelembu eliluhlaza okwesibhakabhaka bafake lezigodo zokulithwala.+

7 “Bazakwendlala ilembu eliluhlaza okwesibhakabhaka phezu kwetafula yesinkwa sokubukiswa,+ besebefaka phezu kwayo izinditshi, lamankomitsho, lemiganu kanye lamajagi eminikelo yokunathwayo.+ Isinkwa somnikelo wezikhathi zonke+ kumele sihlale siphezu kwayo. 8 Bazakwembathisa izinto lezi ngelembu elibomvu, besebezembathisa ngesikhumba senyamazana yolwandle, bafake lezigodo zokuthwala itafula.+ 9 Ngemva kwalokho bazathatha ilembu eliluhlaza okwesibhakabhaka bathandele uluthi lwesibane,+ lezibane zalo,+ lendlawu zalo,* lenkezwana zokuthwala amalahle+ lazo zonke izitsha zamafutha asetshenziswa kulo. 10 Bazagoqela uluthi lwesibane lazo zonke izitsha zalo ngesikhumba senyamazana yolwandle, besebekufaka esigodweni okuzathwalwa ngaso. 11 Kanti njalo bazakwembathisa i-alithare legolide+ ngelembu eliluhlaza okwesibhakabhaka, besebeligubuzela ngesikhumba senyamazana yolwandle njalo bafake lezigodo zokulithwala.+ 12 Bazathatha zonke izitsha+ abahlala bezisebenzisa nxa besenza inkonzo endaweni engcwele, bazifake elenjini eliluhlaza okwesibhakabhaka njalo bazembathise ngesikhumba senyamazana yolwandle, besebezifaka esigodweni sokuthwala.

13 “Kumele babuthe umlotha* e-alithareni+ njalo bendlale ilembu elenziwe ngewulu eyibubende* phezu kwalo. 14 Bazafaka phezu kwalo zonke izitsha abazisebenzisa nxa besenza inkonzo e-alithareni: inkezwana zokuthwala amalahle, lamafologwe, lamafotsholo, lemiganu, zonke nje izitsha ze-alithare+ njalo kumele balembathise ngesikhumba senyamazana yolwandle, bafake lezigodo zokulithwala.+

15 “U-Aroni lamadodana akhe kumele babe sebeqedile ukwembathisa indawo engcwele+ layo yonke impahla yayo nxa sekuyisikhathi sokuthi abantu basuke. Ngemva kwalokho amadodana kaKhohathi azangena azothwala izinto lezi+ kodwa akumelanga athinte indawo engcwele ngoba angafa.+ Lo kuzakuba ngumsebenzi* wamadodana kaKhohathi etendeni lokuhlangana.

16 “U-Eliyazari+ indodana ka-Aroni umphristi nguye olomsebenzi wokukhangela amafutha ezibane,+ lempepha enukelelayo,+ lomnikelo wamabele wezikhathi zonke kanye lamafutha angcwele.+ Nguye okumele akhangele lonke ithabanikeli lakho konke okukulo kanye lendawo engcwele lezitsha zayo.”

17 UJehova waqhubeka ekhuluma loMosi lo-Aroni wathi: 18 “Lingavumeli ukuthi isizwana sezimuli zamaKhohathi+ sitshabalaliswe phakathi kwamaLevi. 19 Kodwa benzeleni lokhu ukuze baqhubeke bephila njalo bangafi ngenxa yokusondela ezintweni ezingcwele kakhulu.+ U-Aroni lamadodana akhe bazangena banike ngamunye wabo umsebenzi wakhe kanye lalokho okufanele akuthwale. 20 AmaKhohathi akumelanga angene abone izinto ezingcwele loba okwesikhatshana nje, ngoba angafa.”+

21 UJehova wasekhuluma loMosi wathi: 22 “Kumele kubalwe amadodana kaGeshoni+ ngezindlu zaboyise langezimuli zawo. 23 Kumele ubhalise wonke aleminyaka engu-30 kusiya kwengu-50 aseqenjini elikhethwe ukuthi lisebenze etendeni lokuhlangana. 24 Nanzi izinto okumele abemuli yamaGeshoni bazinakekele njalo bazithwale:+ 25 Bazathwala amalembu etende lethabanikeli,+ itende lokuhlangana, lesembozo salo sezikhumba zenyamazana yolwandle esiphezu kwalo,+ lekhetheni elisemnyango wetende lokuhlangana,+ 26 lamakhetheni afakwe egumeni,+ lekhetheni elisegedini leguma+ eligombolozele ithabanikeli kanye le-alithare, lentambo zetende, lazo zonke izitsha kanye lakho konke okusetshenziswa enkonzweni yalo. Lo yiwo umsebenzi wabo. 27 Wonke umsebenzi ozakwenziwa ngamaGeshoni+ lezinto azazithwala, kumele kukhangelwe ngu-Aroni lamadodana akhe. Imithwalo yonke le izakuba ngumsebenzi wabo. 28 Le yiyo inkonzo okumele yenziwe ngabemuli yamaGeshoni etendeni lokuhlangana+ njalo imisebenzi yabo izakhangelwa ngu-Ithamari+ indodana ka-Aroni umphristi.

29 “Amadodana kaMerari+ kumele uwabhalise ngezimuli zawo langezindlu zaboyise. 30 Kumele ubhalise wonke aleminyaka engu-30 kusiya kwengu-50, aseqenjini elikhethwe ukuthi lisebenze etendeni lokuhlangana. 31 Nanku okufanele akuthwale+ okuphathelane lenkonzo yawo etendeni lokuhlangana: amapulanka ethabanikeli,+ lemithando yalo,+ lensika zalo,+ lezisekelo zalo,+ 32 lensika+ zeguma eligombolozele ithabanikeli, lezisekelo zazo,+ lezikhonkwane zazo zetende,+ lentambo zazo zetende, layo yonke impahla yazo kanye lakho konke okuphathelane lenkonzo le. Kumele linike ngamunye lokho azakuthwala. 33 Le yiyo indlela abemuli yamadodana kaMerari+ abazasebenza ngayo etendeni lokuhlangana beqondiswa ngu-Ithamari indodana ka-Aroni umphristi.”+

34 UMosi lo-Aroni labakhokheli+ babantu bako-Israyeli basebebhalisa amadodana amaKhohathi+ ngezimuli zawo langezindlu zaboyise, 35 wonke ayeleminyaka engu-30 kusiya kwengu-50 ayeseqenjini elikhethwe ukuthi lisebenze etendeni lokuhlangana.+ 36 Esewonke abhaliswayo ngezimuli zawo ayengu-2 750.+ 37 Laba yibo bonke abezimuli zamaKhohathi ababhaliswayo ababesebenza etendeni lokuhlangana. UMosi lo-Aroni bababhalisa belandela lokho uJehova ayekutshele uMosi.+

38 Amadodana kaGeshoni+ abhaliswa ngezimuli zawo langezindlu zaboyise, 39 wonke ayeleminyaka engu-30 kusiya kwengu-50 ayeseqenjini elikhethwe ukuthi lisebenze etendeni lokuhlangana. 40 Esewonke abhaliswayo ngezimuli zawo langezindlu zaboyise ayengu-2 630.+ 41 Laba yibo bonke abezimuli zamadodana kaGeshoni ababhaliswayo ababesebenza etendeni lokuhlangana. UMosi lo-Aroni bababhalisa belandela lokho uJehova ayekutshele uMosi.+

42 Amadodana kaMerari abhaliswa ngezimuli zawo langezindlu zaboyise, 43 wonke ayeleminyaka engu-30 kusiya kwengu-50 ayeseqenjini elikhethwe ukuthi lisebenze etendeni lokuhlangana.+ 44 Esewonke abhaliswayo ngezimuli zawo ayengu-3 200.+ 45 Laba yibo abezimuli zamadodana kaMerari ababhaliswayo, uMosi lo-Aroni bababhalisa belandela lokho uJehova ayekutshele uMosi.+

46 UMosi lo-Aroni labakhokheli bako-Israyeli babhalisa wonke amaLevi la ngezimuli zawo langezindlu zaboyise, 47 ayeleminyaka engu-30 kusiya kwengu-50 njalo ayekhethwe ukuthi asebenze etendeni lokuhlangana futhi athwale konke okuphathelane lalo.+ 48 Esewonke abhaliswayo ayengu-8 580.+ 49 Abhaliswa kulandelwa lokho uJehova ayekutshele uMosi, munye ngamunye kusiya ngomsebenzi ayewuphiwe langalokho okwakumele akuthwale, abhaliswa njengoba nje uJehova wayetshilo kuMosi.

5 UJehova waqhubeka ekhuluma loMosi wathi: 2 “Tshela abako-Israyeli ukuthi bakhiphele phandle kwezihonqo wonke umuntu olobulephero+ laye wonke umuntu ophuma ubomvu+ kanye laye wonke umuntu ongcoliswe yisidumbu somuntu.+ 3 Bakhipheleni ngaphandle kungelani lokuthi ngumuntu wesilisa kumbe owesifazana. Kumele libakhiphele ngaphandle ukuze bangangcolisi+ izihonqo zalabo engihlala phakathi kwabo.”+ 4 Ngakho abako-Israyeli bakwenza ababekutsheliwe babakhiphela phandle kwezihonqo. Benza lokho uJehova ayekutshilo kuMosi.

5 UJehova waqhubeka ekhuluma loMosi wathi: 6 “Tshela abako-Israyeli uthi, ‘Nxa umuntu wesilisa loba owesifazana angenza loba yisiphi isono esijayelekileyo ebantwini, enze ukungathembeki kuJehova, lowomuntu uyabe eselecala.+ 7 Kumele avume+ isono asenzileyo njalo alethe imbadalo elingana lecala alenzileyo futhi angezelele amaphesenti angu-20 kuyo.+ Imbadalo leyo kumele ayinike lowo amoneleyo. 8 Kodwa nxa owonelweyo engelaso isihlobo esiseduze esingemukela imbadalo leyo, kumele ibuyiselwe kuJehova njalo izakuba ngeyomphristi, ngaphandle kwenqama azahlawulela ngayo lowo owonileyo.+

9 “‘Yonke iminikelo engcwele+ elethwa ngabantu bako-Israyeli kumphristi kumele ibe ngeyakhe.+ 10 Izinto ezingcwele ezilethwa ngumuntu ngamunye zizaqhubeka zingezakhe.* Loba yini umuntu ayinika umphristi, izakuba ngeyomphristi.’”

11 UJehova waqhubeka ekhuluma loMosi wathi: 12 “Khuluma labantu bako-Israyeli uthi kubo, ‘Nxa owesifazana angaphambuka angathembeki kumkakhe, 13 alale lenye indoda+ njalo indoda yakhe ingaze yakwazi akwenzileyo futhi kuhlale kuyimfihlo, nxa ezingcolisile kodwa kungelabufakazi bokuthi ukwenzile lokho njalo engazange abanjwe, nanku okumele kwenziwe: 14 Kungelani lokuthi indoda yakhe ibe lobukhwele yamcabangela ukuthi kathembekanga yena ezingcolisile kumbe nxa ibe lobukhwele yamcabangela ukuthi kathembekanga yena engazange azingcolise, 15 indoda leyo kumele ilethe umkayo kumphristi kanye lomnikelo wakhe wefulawa yebhali, oyingxenye yetshumi ye-efa.* Akumelanga ithele amafutha kuwo kumbe ifake inhlaka yokwenza impepha kuwo ngoba ngumnikelo wamabele wobukhwele, umnikelo wamabele wokukhumbuza ukuthi kulecala elenziweyo.

16 “‘Umphristi uzamsondeza phambili, ammise phambi kukaJehova.+ 17 Umphristi uzathatha amanzi angcwele ngembiza yebumba njalo uzacupha inhlabathi phansi ethabanikeli ayifake emanzini lawo. 18 Umphristi uzamisa owesifazana lowo phambi kukaJehova, abesemthukulula inwele njalo afake umnikelo wamabele wesikhumbuzo ezandleni zakhe, okutsho umnikelo wamabele wobukhwele,+ umphristi yena uzathwala amanzi ababayo aletha isiqalekiso.+

19 “‘Umphristi uzamfungisa owesifazana lo athi kuye: “Nxa ungazange ulale lenye indoda wena ulomkakho+ njalo ungaphambukanga wazingcolisa, amanzi la ababayo aletha isiqalekiso kawangakulimazi. 20 Kodwa nxa uphambukile wazingcolisa wena ulomkakho njalo walala lenye indoda+ ngaphandle komkakho—” 21 Umphristi uzakuthi owesifazana lowo afunge isifungo esilesiqalekiso njalo uzakuthi kuye: “Sengathi uJehova angenza ukuthi ibizo lakho lisetshenziswe nxa kuqalekiswa lanxa kufungwa phakathi kwabantu bakini, njengoba uJehova esenza ukuthi ithangazi* lakho liwe* lokuthi isisu sakho sikhukhumale. 22 Amanzi la aletha isiqalekiso azangena emathunjini akho enze ukuthi isisu sakho sikhukhumale lokuthi ithangazi* lakho liwe.”* Lapho-ke owesifazana kumele athi: “Ameni! Ameni!”*

23 “‘Umphristi kumele abhale iziqalekiso lezi ebhukwini njalo agezise iziqalekiso lezo ngamanzi ababayo. 24 Ngemva kwalokho uzanathisa owesifazana lowo amanzi ababayo aletha isiqalekiso futhi amanzi lawo aletha isiqalekiso azangena kuye abangele ubuhlungu. 25 Umphristi kumele athathe umnikelo wamabele wobukhwele+ esandleni sowesifazana awuzunguze phambi kukaJehova njalo uzawusondeza eduze kwe-alithare. 26 Umphristi uzathatha umnikelo wamabele ogcwala isandla ube yingxenye emela wonke umnikelo lowo, abesewutshisa uthunqe phezu kwe-alithare.+ Ngemva kwalokho uzanathisa owesifazana lowo amanzi. 27 Nxa kuyikuthi owesifazana lowo uzingcolisile, wangathembeki endodeni yakhe, umphristi uzakuthi esemnathisa amanzi aletha isiqalekiso, amanzi lawo azangena kuye abangele ubuhlungu njalo isisu sakhe sizakhukhumala lethangazi* lakhe liwe* futhi ibizo lowesifazana lowo lizasetshenziswa nxa kuqalekiswa ebantwini bakibo. 28 Kodwa nxa owesifazana lowo ehlanzekile, engazange azingcolise, uzakhululeka esijezisweni esinjalo futhi uzakwenelisa ukuzithwala abe labantwana.

29 “‘Lo yiwo-ke umthetho ophathelane lobukhwele+ ozasebenza nxa owesifazana angaphambuka azingcolise yena elendoda, 30 loba nxa indoda ingaba lobukhwele icabangele ukuthi umkayo wenze ukungathembeki. Kumele imlethe phambi kukaJehova njalo umphristi kufanele enze konke okusemthethweni lo kuye. 31 Indoda ayisoze ibe lecala kodwa umfazi wayo uzajeziswa ngenxa yecala lakhe alenzileyo.’”

6 UJehova waqhubeka ekhuluma loMosi wathi: 2 “Khuluma labantu bako-Israyeli uthi kubo, ‘Nxa indoda loba owesifazana angenza isifungo esiqakathekileyo sokuba ngumNaziri*+ kuJehova, 3 akumelanga anathe iwayini loba eminye imihlobo yotshwala. Akumelanga anathe iviniga enziwe ngewayini loba iviniga yeminye imihlobo yotshwala.+ Akumelanga anathe loba yini enziwe ngamagilebisi kumbe adle amagilebisi amanzi kumbe awonyisiweyo. 4 Kangadli loba yini evela ezihlahleni zamagilebisi kuzo zonke izinsuku zakhe zokuba ngumNaziri, kungaba ngamagilebisi angakavuthwa kumbe amakhasi akhona.

5 “‘Kuzo zonke insuku zesifungo sakhe sokuba ngumNaziri akumelanga aphuce ikhanda lakhe ngereza.+ Kumele aqhubeke engcwele ngokuyekela inwele zakhe zikhule kuze kuphele insuku zakhe zokwahlukaniselwa uJehova. 6 Kuzo zonke insuku zakhe zokwahlukaniselwa uJehova akumelanga asondele eduzane kwesidumbu somuntu. 7 Lanxa kungaze kufe uyise loba unina kumbe umfowabo loba udadewabo akumelanga azingcolise+ ngoba uphawu lokuba ngumNaziri kuNkulunkulu wakhe lusekhanda lakhe.

8 “‘Ungcwele kuJehova kuzo zonke insuku zakhe zokuba ngumNaziri. 9 Kodwa nxa kungenzakala ukuthi umuntu afe eceleni kwakhe+ njalo angcolise inwele zakhe eziluphawu lokwehlukaniselwa uNkulunkulu,* kumele aphuce ikhanda lakhe+ ngelanga azahlanjululwa ngalo. Kumele aphuce ngelanga lesikhombisa. 10 Ngelanga lesi-8 kumele alethe amajuba amabili kumbe abantwana benkwilimba ababili kumphristi emnyango wetende lokuhlangana. 11 Umphristi uzawanikela, elinye libe ngumnikelo wesono, elinye libe ngumnikelo wokutshiswa njalo uzamhlawulela ngenxa yesono sakhe+ esiphathelane lomuntu ofileyo. Ngemva kwalokho umNaziri uzangcwelisa ikhanda lakhe ngalelolanga. 12 Ngakho uzaqalisa kutsha insuku zakhe zokuba ngumNaziri kuJehova kodwa insuku ezidlulileyo azisoze zisabalwa ngoba ungcolise ubuNaziri bakhe njalo kumele alethe imvana enduna elomnyaka owodwa ibe ngumnikelo wecala.

13 “‘Nanku umthetho ophathelane lomNaziri: Nxa angaqeda insuku zakhe zokuba ngumNaziri+ kumele alethwe emnyango wetende lokuhlangana. 14 Kumele alethe umnikelo wakhe kuJehova khonapho: lmvana enduna elomnyaka owodwa engelasici eyomnikelo wokutshiswa,+ lemvana ensikazi elomnyaka owodwa engelasici eyomnikelo wesono,+ lenqama engelasici eyomhlatshelo wobudlelwano,+ 15 lebhasikiti yezinkwa ezingelamvubelo eziyisigombolozi ezenziwe ngefulawa ecolekileyo ehlanganiswe lamafutha, lezinkwa ezingelamvubelo eziyisipatalala ezigcotshwe amafutha kanye lomnikelo wamabele+ lomnikelo wokunathwayo.+ 16 Umphristi uzaletha izinto lezi phambi kukaJehova njalo uzanikela umnikelo wakhe wesono lomnikelo wakhe wokutshiswa. 17 Uzanikela inqama yomhlatshelo wobudlelwano kuJehova kanye lebhasikiti yezinkwa ezingelamvubelo, abeseletha umnikelo wayo wamabele+ lomnikelo wayo wokunathwayo.

18 “‘Ngemva kwalokho umNaziri kumele aphuce inwele zakhe*+ emnyango wetende lokuhlangana, abesethatha inwele lezo ezakhula ngesikhathi engumNaziri aziphosele emlilweni ngaphansi komhlatshelo wobudlelwano. 19 Umphristi kumele athathe umkhono wenqama oxhwathisiweyo,+ athathe lesinkwa esisodwa esiyisigombolozi esingelamvubelo ebhasikitini kanye lesinkwa esisodwa esiyisipatalala esingelamvubelo. Izinto lezi uzazifaka ezandleni zalowo ongumNaziri nxa esephucile inwele eziluphawu lwakhe lokuba ngumNaziri. 20 Kanti njalo umphristi kufanele azunguze izinto lezo zibe ngumnikelo wokuzunguzwa phambi kukaJehova.+ Lezi yizinto ezingcwele ezinikwa umphristi ndawonye lesifuba somnikelo wokuzunguzwa lomlenze womnikelo.+ Ngemva kwalokho umNaziri usenganatha iwayini.

21 “‘Nanku umthetho ophathelane lomNaziri+ owenza isifungo: Nxa angenza isifungo njalo esenelisa ukunikela kuJehova umnikelo owedlula lokho okukhangelelweyo kuye njengomNaziri, kumele asigcwalise isifungo asenzileyo ehlonipha umthetho wokuba ngumNaziri.’”

22 UJehova wasesithi kuMosi: 23 “Tshela u-Aroni lamadodana akhe uthi, ‘Nansi indlela okumele libusise ngayo+ abantu bako-Israyeli. Kumele lithi kubo:

24 “Kwangathi uJehova angakubusisa+ njalo akuvikele.

25 Kwangathi uJehova angenza ubuso bakhe bukhazimule kuwe,+ sengathi angaba lomusa kuwe.

26 Kwangathi uJehova angakhangelisa ubuso bakhe kuwe, akunike ukuthula.”’+

27 Kumele babeke ibizo lami phezu kwabantu bako-Israyeli+ ukuze ngibabusise.”+

7 Ngelanga uMosi aqeda ngalo ukumisa ithabanikeli+ waligcoba+ njalo walingcwelisa kanye layo yonke imiceciso yalo, le-alithare lazo zonke izitsha zalo.+ Wathi eseqedile ukugcoba lokungcwelisa izinto lezi,+ 2 abakhokheli bako-Israyeli,+ ababengabakhokheli bezindlu zaboyise basebenikela umnikelo. Abakhokheli laba bezizwana ababebona ngokubhaliswa kwabantu 3 baletha phambi kukaJehova umnikelo wabo wenqola eziyisithupha ezembesiweyo lenkabi ezingu-12. Inqola eyodwa yayingeyabakhokheli ababili kanye lenkunzi* yomkhokheli ngamunye njalo baletha izinto lezi phambi kwethabanikeli. 4 UJehova wathi kuMosi: 5 “Thatha izinto lezi abazilethileyo ngoba zizasetshenziswa emsebenzini owenziwa etendeni lokuhlangana njalo kumele uzinike amaLevi, munye ngamunye kusiya ngalokho akudingayo emsebenzini wakhe.”

6 Ngakho uMosi wemukela izinqola kanye lenkomo wasezinika amaLevi. 7 Wanika amadodana kaGeshoni inqola ezimbili lenkabi ezine kusiya ngalokho okwakudingeka emisebenzini yawo.+ 8 Amadodana kaMerari wawanika inqola ezine lenkabi eziyi-8 kusiya ngalokho okwakudingeka emisebenzini yawo, ekhokhelwa ngu-Ithamari indodana ka-Aroni umphristi.+ 9 Kodwa amadodana kaKhohathi kawaphanga lutho ngoba imisebenzi yawo yayigoqela ukwenza inkonzo endaweni engcwele+ njalo ayethwala izinto ezingcwele ngamahlombe awo.+

10 Abakhokheli basebeletha-ke iminikelo yabo ngesikhathi i-alithare linikelwa+ ngelanga elagcotshwa ngalo. Abakhokheli bathi beletha iminikelo yabo phambi kwe-alithare, 11 uJehova wathi kuMosi: “Akubuye umkhokheli oyedwa ngelanga, insuku zilandelana, azokwethula umnikelo wakhe wokunikelwa kwe-alithare.”

12 Owaletha umnikelo wakhe ngelanga lokuqala nguNashoni+ indodana ka-Aminadabi owesizwana sakoJuda. 13 Wanikela ngenditshi elesisindo esingamashekheli* esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,*+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 14 lenkomitsho* yegolide engamashekheli angu-10 eyayigcwele impepha, 15 lejongosi, lenqama, lemvana enduna elomnyaka owodwa, okomnikelo wokutshiswa,+ 16 lezinyane lembuzi elomnikelo wesono,+ 17 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo kaNashoni indodana ka-Aminadabi.+

18 Owaletha umnikelo wakhe ngelanga lesibili ngumkhokheli wako-Isakhari uNethaneli+ indodana kaZuwari. 19 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 20 lenkomitsho yegolide engamashekheli angu-10 eyayigcwele impepha, 21 lejongosi, lenqama, lemvana enduna elomnyaka owodwa, okomnikelo wokutshiswa,+ 22 lezinyane lembuzi elomnikelo wesono,+ 23 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo kaNethaneli indodana kaZuwari.

24 Owaletha umnikelo wakhe ngelanga lesithathu ngumkhokheli wamadodana kaZebhuloni u-Eliyabi+ indodana kaHeloni. 25 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 26 lenkomitsho yegolide engamashekheli angu-10 eyayigcwele impepha, 27 lejongosi, lenqama, lemvana enduna elomnyaka owodwa, okomnikelo wokutshiswa,+ 28 lezinyane lembuzi elomnikelo wesono,+ 29 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Eliyabi+ indodana kaHeloni.

30 Owaletha umnikelo wakhe ngelanga lesine ngumkhokheli wamadodana kaRubheni u-Elizuri+ indodana kaShedewuri. 31 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 32 lenkomitsho yegolide engamashekheli angu-10 eyayigcwele impepha, 33 lejongosi, lenqama, lemvana enduna elomnyaka owodwa, okomnikelo wokutshiswa,+ 34 lezinyane lembuzi elomnikelo wesono,+ 35 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Elizuri+ indodana kaShedewuri.

36 Owaletha umnikelo wakhe ngelanga lesihlanu ngumkhokheli wamadodana kaSimiyoni uShelumiyeli+ indodana kaZurishadayi. 37 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 38 lenkomitsho yegolide engamashekheli angu-10 eyayigcwele impepha, 39 lejongosi, lenqama, lemvana enduna elomnyaka owodwa, okomnikelo wokutshiswa,+ 40 lezinyane lembuzi elomnikelo wesono,+ 41 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo kaShelumiyeli+ indodana kaZurishadayi.

42 Owaletha umnikelo wakhe ngelanga lesithupha ngumkhokheli wamadodana kaGadi u-Eliyasafi+ indodana kaDuweli. 43 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 44 lenkomitsho yegolide engamashekheli angu-10 eyayigcwele impepha, 45 lejongosi, lenqama, lemvana enduna elomnyaka owodwa, okomnikelo wokutshiswa,+ 46 lezinyane lembuzi elomnikelo wesono,+ 47 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Eliyasafi+ indodana kaDuweli.

48 Owaletha umnikelo wakhe ngelanga lesikhombisa ngumkhokheli wamadodana ka-Efrayimi u-Elishama+ indodana ka-Amihudi. 49 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 50 lenkomitsho yegolide engamashekheli angu-10 eyayigcwele impepha, 51 lejongosi, lenqama, lemvana enduna elomnyaka owodwa, okomnikelo wokutshiswa,+ 52 lezinyane lembuzi elomnikelo wesono,+ 53 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Elishama+ indodana ka-Amihudi.

54 Owaletha umnikelo wakhe ngelanga lesi-8 ngumkhokheli wamadodana kaManase uGamaliyeli+ indodana kaPhedazuri. 55 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 56 lenkomitsho yegolide engamashekheli angu-10 eyayigcwele impepha, 57 lejongosi, lenqama, lemvana enduna elomnyaka owodwa, okomnikelo wokutshiswa,+ 58 lezinyane lembuzi elomnikelo wesono,+ 59 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo kaGamaliyeli+ indodana kaPhedazuri.

60 Owaletha umnikelo wakhe ngelanga lesi-9 ngumkhokheli+ wamadodana kaBhenjamini u-Abhidani+ indodana kaGidiyoni. 61 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 62 lenkomitsho yegolide engamashekheli angu-10 eyayigcwele impepha, 63 lejongosi, lenqama, lemvana enduna elomnyaka owodwa, okomnikelo wokutshiswa,+ 64 lezinyane lembuzi elomnikelo wesono,+ 65 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Abhidani+ indodana kaGidiyoni.

66 Owaletha umnikelo wakhe ngelanga lesi-10 ngumkhokheli wamadodana kaDani u-Ahiyezeri+ indodana ka-Amishadayi. 67 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 68 lenkomitsho yegolide engamashekheli angu-10 eyayigcwele impepha, 69 lejongosi, lenqama, lemvana enduna elomnyaka owodwa, okomnikelo wokutshiswa,+ 70 lezinyane lembuzi elomnikelo wesono,+ 71 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Ahiyezeri+ indodana ka-Amishadayi.

72 Owaletha umnikelo wakhe ngelanga lesi-11 ngumkhokheli wamadodana ka-Asheri uPhagiyeli+ indodana ka-Okhirani. 73 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 74 lenkomitsho yegolide engamashekheli angu-10 eyayigcwele impepha, 75 lejongosi, lenqama, lemvana enduna elomnyaka owodwa, okomnikelo wokutshiswa,+ 76 lezinyane lembuzi elomnikelo wesono,+ 77 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo kaPhagiyeli+ indodana ka-Okhirani.

78 Owaletha umnikelo wakhe ngelanga lesi-12 ngumkhokheli wamadodana kaNafithali u-Ahira+ indodana ka-Enani. 79 Wanikela ngenditshi elesisindo esingamashekheli esiliva angu-130 kanye lomganu olesisindo esingamashekheli esiliva angu-70 nxa kulinganiswa ngeshekheli yendawo engcwele,+ kokubili kwakugcwele ifulawa ecolekileyo ehlanganiswe lamafutha eyomnikelo wamabele,+ 80 lenkomitsho yegolide engamashekheli angu-10 eyayigcwele impepha, 81 lejongosi, lenqama, lemvana enduna elomnyaka owodwa, okomnikelo wokutshiswa,+ 82 lezinyane lembuzi elomnikelo wesono,+ 83 waletha lenkomo ezimbili lenqama ezinhlanu, lempongo ezinhlanu kanye lemvana ezinduna ezinhlanu ezilomnyaka owodwa, okwakuzakuba ngumhlatshelo wobudlelwano.+ Lo kwakungumnikelo ka-Ahira+ indodana ka-Enani.

84 Lo yiwo umnikelo wokunikelwa+ kwe-alithare owakhitshwa ngabakhokheli bako-Israyeli ngesikhathi sokugcotshwa kwalo: Kwakuzinditshi zesiliva ezingu-12, lemiganu yesiliva engu-12, lamankomitsho egolide angu-12,+ 85 inditshi ngayinye yayilesisindo esingamashekheli angu-130 njalo umganu ngamunye wawulesisindo esingamashekheli angu-70, sesisonke isiliva okwakwenziwe ngaso izinto lezi sasingamashekheli angu-2 400 nxa kulinganiswa ngeshekheli yendawo engcwele,+ 86 lamankomitsho egolide angu-12 ayegcwele impepha, ngayinye yayingamashekheli angu-10 nxa kulinganiswa ngeshekheli yendawo engcwele, selilonke igolide okwakwenziwe ngalo amankomitsho la lalingamashekheli angu-120. 87 Sezizonke izifuyo zomnikelo wokutshiswa kwakuzinkunzi ezingu-12, lenqama ezingu-12, lempongo ezingu-12, lemvana ezinduna ezilomnyaka owodwa ezingu-12 kanye lomnikelo wamabele, lamazinyane embuzi angu-12 awomnikelo wesono, 88 sezizonke izifuyo zomnikelo wobudlelwano kwakuzinkunzi ezingu-24, lenqama ezingu-60, lempongo ezingu-60, lemvana ezinduna ezilomnyaka owodwa ezingu-60. Lo kwakungumnikelo wokunikelwa+ kwe-alithare ngemva kokugcotshwa kwalo.+

89 Loba nini nxa uMosi engena etendeni lokuhlangana esiyakhuluma loNkulunkulu,+ wayesizwa ilizwi likhuluma laye livela phezu kwesivalo+ sebhokisi loBufakazi, lalivela phakathi kwamakherubhi amabili,+ uNkulunkulu wayekhuluma laye khonapho.

8 UJehova wakhuluma loMosi wathi: 2 “Khuluma lo-Aroni uthi kuye, ‘Nxa ulayitha izibane, izibane eziyisikhombisa kumele zikhanyise indawo ephambi koluthi lwesibane.’”+ 3 Ngakho u-Aroni wakwenza lokho. Walayitha izibane ukuze zikhanyise indawo ephambi koluthi lwesibane+ njengoba nje uJehova wayetshilo kuMosi. 4 Nansi indlela uluthi lwesibane olwalwenziwe ngayo: Lwalwenziwe ngegolide elikhandiweyo,+ kusukela emqwayini walo kuze kuyefika engatsheni zalo. Uluthi lwesibane lwalwenziwe kulandelwa umbono+ uMosi ayewutshengiswe nguJehova.

5 UJehova waphinda wakhuluma loMosi wathi: 6 “Thatha amaLevi phakathi kwabantu bako-Israyeli uwahlambulule.+ 7 Nansi indlela okumele uwahlambulule ngayo: Wafafaze ngamanzi okuhlambulula isono njalo kumele aphuce imizimba yawo ngereza, awatshe lempahla zawo futhi azihlambulule.+ 8 Ngemva kwalokho kumele athathe ijongosi+ kanye lomnikelo walo wamabele+ wefulawa ecolekileyo ehlanganiswe lamafutha njalo kumele uthathe elinye ijongosi elizakuba ngumnikelo wesono.+ 9 Kumele ulethe amaLevi phambi kwetende lokuhlangana njalo ubuthanise bonke abantu bako-Israyeli.+ 10 Nxa ususethula amaLevi phambi kukaJehova, abantu bako-Israyeli kufanele babeke izandla zabo phezu kwawo.+ 11 U-Aroni kumele anikele* amaLevi phambi kukaJehova njengomnikelo wokuzunguzwa+ ovela ebantwini bako-Israyeli njalo azakwenza umsebenzi kaJehova.+

12 “Ngemva kwalokho amaLevi azabeka izandla zawo phezu kwamakhanda enkunzi lezo+ njalo enye kumele inikelwe kuJehova ibe ngumnikelo wesono, enye ibe ngumnikelo wokutshiswa ukuze amaLevi athethelelwe.*+ 13 Kumele ulethe amaLevi uwamise phambi kuka-Aroni lamadodana akhe njalo uwanikele* kuJehova njengomnikelo wokuzunguzwa. 14 Kumele wehlukanise amaLevi phakathi kwabantu bako-Israyeli njalo amaLevi azakuba ngawami.+ 15 Ngemva kwalokho amaLevi azabuya azosebenza etendeni lokuhlangana. Le yiyo indlela okufanele uwahlambulule ngayo futhi uwanikele* njengomnikelo wokuzunguzwa. 16 AmaLevi ayizipho engiziphiweyo ezivela ebantwini bako-Israyeli. Ngizawathatha abe ngawami, esikhundleni sawo wonke amazibulo ako-Israyeli.+ 17 Phela wonke amazibulo ako-Israyeli ngawami kungelani lokuthi ngawabantu kumbe ngawezifuyo.+ Ngazehlukanisela* wona ukuthi abe ngawami ngelanga engabulala ngalo wonke amazibulo elizweni laseGibhithe.+ 18 Ngizathatha amaLevi esikhundleni sawo wonke amazibulo ako-Israyeli. 19 U-Aroni lamadodana akhe ngizabanika amaLevi njengezipho ezivela ebantwini bako-Israyeli. Azakwenza umsebenzi etendeni lokuhlangana+ emele abako-Israyeli njalo abahlawulele ukuze abantu bako-Israyeli bangehlelwa luhlupho+ ngenxa yokusondela endaweni engcwele.”

20 UMosi lo-Aroni kanye labo bonke abako-Israyeli bakwenza lokhu kumaLevi. Bakwenza belandela konke uJehova ayekutshele uMosi mayelana lamaLevi, lokhu yikho kanye abako-Israyeli abakwenzayo kuwo. 21 Ngakho amaLevi azihlambulula awatsha lempahla zawo,+ u-Aroni wasewanikela* njengomnikelo wokuzunguzwa phambi kukaJehova,+ wawahlawulela ukuze awahlambulule.+ 22 Ngemva kwalokho amaLevi angena ukuze enze umsebenzi wawo etendeni lokuhlangana phambi kuka-Aroni lamadodana akhe. Benza khona kanye uJehova ayekutshilo kuMosi mayelana lamaLevi.

23 UJehova wasekhuluma loMosi wathi, 24 “Nanku okufanele kwenzakale kumaLevi: Loba yiphi indoda eleminyaka engu-25 kusiya phezulu kumele ingene eqenjini lalabo abasebenza etendeni lokuhlangana. 25 Kodwa ingedlulisa iminyaka engu-50 kumele iphume eqenjini lelo futhi ngeke isayenza inkonzo. 26 Engakwenza nje yikuncedisa abafowabo nxa besenza imisebenzi etendeni lokuhlangana kodwa akumelanga yenze inkonzo kuleyondawo. Lokhu yikho okufanele ukwenze mayelana lamaLevi kanye lemisebenzi yawo.”+

9 UJehova wakhuluma loMosi enkangala yeSinayi ngenyanga yokuqala+ sekungumnyaka wesibili bephume elizweni leGibhithe wathi: 2 “Abantu bako-Israyeli kumele balungise umhlatshelo wePhasika+ ngesikhathi sawo esibekiweyo.+ 3 Kumele liwulungise mhlaka 14 ngayonale inyanga sekuhwalala,* ngesikhathi sawo esibekiweyo. Kufanele liwulungise lilandela yonke imilayo ephathelane lawo kanye lazo zonke iziqondiso ezimayelana lawo.”+

4 Ngakho uMosi watshela abako-Israyeli ukuthi balungise umhlatshelo wePhasika. 5 Lakanye bawulungisa umhlatshelo wePhasika enkangala yeSinayi, mhlaka 14 kuhwalala, ngenyanga yokuqala. Abako-Israyeli bawulungisa belandela konke uJehova ayekutshele uMosi.

6 Kodwa kwakulabantu ababengcolile ngenxa yokuthinta isidumbu somuntu+ njalo babengenelisi ukulungisa umhlatshelo wePhasika ngalelolanga. Ngakho baya phambi kukaMosi lo-Aroni mhlalokho+ 7 bathi kuye: “Singcolile ngenxa yokuthinta isidumbu. Kambe sesingaze sivinjelwe ukunikela umnikelo kuJehova ngesikhathi sawo esibekiweyo kanye labanye abantu bako-Israyeli?”+ 8 UMosi wabaphendula wathi: “Manini khonapho, ngisayakuzwa ukuthi uJehova uzakuthini mayelana lani.”+

9 UJehova wasesithi kuMosi: 10 “Tshela abako-Israyeli uthi: ‘Loba ngubani phakathi kwenu loba kuzizukulwane zenu ezizalandela ozabe engcoliswe yikuthinta isidumbu+ kumbe oyabe ethethe uhambo olude, kumele awulungise umhlatshelo wePhasika owenzelwa uJehova. 11 Kumele bawulungise mhlaka 14 kuhwalala, ngenyanga yesibili.+ Kufanele bawudle kanye lesinkwa esingelamvubelo lemibhida ebabayo.+ 12 Akumelanga batshiye inyama yawo kuze kube sekuseni+ njalo akumelanga bephule amathambo awo.+ Kumele bawulungise belandela yonke imilayo ephathelane lePhasika. 13 Kodwa nxa umuntu angayekela ngabomo ukulungisa umhlatshelo wePhasika yena ehlanzekile njalo engathathanga uhambo, kumele abulawe+ ngoba uyekele ukunikela umnikelo kaJehova ngesikhathi sawo esibekiweyo. Umuntu lowo uzajeziswa ngenxa yesono sakhe.

14 “‘Kanti njalo nxa kulomuntu wesinye isizwe ohlala lani, laye kumele alungise umhlatshelo wePhasika owenzelwa uJehova.+ Kumele awulungise elandela imilayo ephathelane lePhasika kanye leziqondiso ezimayelana lalo.+ Kufanele kube lomthetho owodwa kini kungelani lokuthi ngumuntu wesinye isizwe kumbe ngoyisizalwane elizweni.’”+

15 Ngelanga ithabanikeli elamiswa ngalo+ iyezi lasibekela ithabanikeli, okutsho itende loBufakazi, kodwa kusihlwa okwakubonakala angathi ngumlilo kwaqhubeka kuphezu kwalo kwaze kwasa.+ 16 Lokhu yikho okwaqhubeka kusenzakala: Emini iyezi lalisibekela ithabanikeli kuthi ebusuku kube khona okungathi ngumlilo.+ 17 Kwakusithi nxa iyezi lingasukuma phezu kwetende, abako-Israyeli bahle basuke bahambe+ njalo lalisithi lingama endaweni ethile abako-Israyeli bakhempe khonapho.+ 18 Abako-Israyeli babesuka nxa uJehova angathi basuke njalo babekhempa nxa uJehova angathi bakhempe.+ Ingqe nje iyezi lingasukanga phezu kwethabanikeli babeqhubeka bekhempile. 19 Nxa iyezi laliqhubeka liphezu kwethabanikeli okwensuku ezinengi abako-Israyeli babelalela uJehova bangasuki.+ 20 Kwezinye izikhathi iyezi lalisiba phezu kwethabanikeli okwensukwana nje. Abako-Israyeli babeqhubeka bekhempile nxa uJehova angathi bangasuki futhi nxa uJehova angathi basuke, babeqhubeka ngohambo. 21 Kwezinye izikhathi iyezi lalisima kuphela kusukela kusihlwa kuze kuse njalo lalisithi lingasukuma ekuseni basuke bahambe. Iyezi lalisithi lingasukuma kungelani lokuthi kusemini kumbe kusebusuku babesuka baqhubeke ngohambo.+ 22 Nxa nje iyezi lalilokhu liphezu kwethabanikeli, kungelani lokuthi zinsuku ezimbili, yinyanga eyodwa loba ukwedlula lapho, abako-Israyeli babengasuki, babeqhubeka bekhempile. Kodwa lalisithi lingasukuma labo baqhubeke ngohambo. 23 Nxa uJehova angathi bakhempe babekhempa, nxa uJehova angathi basuke babesuka. Baqhubeka belalela uJehova njalo belandela umlayo uJehova ayebanika wona esebenzisa uMosi.

10 UJehova wasesithi kuMosi: 2 “Zenzele amacilongo amabili,+ uwenze ngesiliva usebenzisa isando njalo yiwo ozawasebenzisa ukubiza abantu bako-Israyeli kanye lokubabikela ukuthi sekuhanjwa. 3 Nxa engatshaywa womabili, bonke abantu kumele bazobuthana kuwe emnyango wetende lokuhlangana.+ 4 Nxa kungatshaywa elilodwa kuphela, abakhokheli abazinhloko zezinkulungwane zako-Israyeli yibo okumele babuye kuwe.+

5 “Nxa lingatshaya icilongo kuzwakale umsindo otshintshatshintshayo, abakhempe empumalanga+ kumele basuke bahambe. 6 Nxa lingatshaya icilongo okwesibili kuzwakale umsindo otshintshatshintshayo, abakhempe eningizimu+ kumele basuke bahambe. Kufanele batshaye amacilongo ngalindlela nxa sekumele iqembu ngalinye lisuke.

7 “Nxa libuthanisa lonke ibandla lako-Israyeli, kumele litshaye icilongo+ kodwa akumelanga kuzwakale umsindo otshintshatshintshayo. 8 Abaphristi amadodana ka-Aroni, yibo okufanele batshaye amacilingo+ njalo ukusetshenziswa kwabo kuzakuba ngumlayo ozahlala ukhona kini kuzo zonke izizukulwane zenu.

9 “Nxa kumele ilizwe lenu liye empini, liyekulwa lesitha esilithwalise nzima, kumele litshaye amacilongo limemezele ukuthi kuyehlaselwa.+ Lapho-ke uJehova uNkulunkulu wenu uzalikhumbula njalo lizasindiswa ezitheni zenu.

10 “Kanti njalo kumele litshaye amacilongo phezu kweminikelo yenu yokutshiswa+ lemihlatshelo yenu yobudlelwano,+ ngezikhathi zenu zokuthokoza+ nxa lisenza imikhosi yenu,+ lalapho kuqala izinyanga zenu zomnyaka. Lokhu kuzakuba yisikhumbuzo phambi kukaNkulunkulu wenu. NginguJehova uNkulunkulu wenu.”+

11 Mhlaka 20 ngenyanga yesibili, ngomnyaka wesibili+ iyezi lasuka phezu kwethabanikeli+ loBufakazi. 12 Ngakho abantu bako-Israyeli baqala ukusuka enkangala yeSinayi, belandelana ngendlela okwakuhlelwe ukuthi benze ngayo nxa sebehamba+ njalo iyezi lama enkangala yePharani.+ 13 Kwakungokokuqala ukuthi basuke belandela lokho uJehova ayekutshele uMosi.+

14 Ngakho iqembu elibunjwa yizizwana ezintathu ezingaphansi kwamadodana kaJuda laqala ukusuka kusiya ngendawo elabelwe kuyo* njalo uNashoni+ indodana ka-Aminadabi nguye owayekhokhela iqembu lelo. 15 Owayekhokhela iqembu lesizwana samadodana ka-Isakhari nguNethaneli+ indodana kaZuwari. 16 Owayekhokhela iqembu lesizwana samadodana kaZebhuloni ngu-Eliyabi+ indodana kaHeloni.

17 Kwathi ithabanikeli selidiliziwe+ amadodana kaGeshoni+ lamadodana kaMerari+ okuyiwo ayethwala ithabanikeli, asesuka ahamba.

18 Ngemva kwalokho iqembu elibunjwa yizizwana ezintathu ezingaphansi kwabakoRubheni laqala ukusuka kusiya ngendawo elabelwe kuyo* njalo owayekhokhela iqembu lelo ngu-Elizuri+ indodana kaShedewuri. 19 Owayekhokhela iqembu lesizwana samadodana kaSimiyoni nguShelumiyeli+ indodana kaZurishadayi. 20 Owayekhokhela iqembu lesizwana samadodana kaGadi ngu-Eliyasafi+ indodana kaDuweli.

21 Ngemva kwalokho kwasuka amadodana kaKhohathi ayethwala izinto zendawo engcwele.+ Kwakumele ithabanikeli libe selimisiwe ngesikhathi efika.

22 Ngemva kwalokho iqembu elibunjwa yizizwana ezintathu ezingaphansi kwamadodana ka-Efrayimi lasuka kusiya ngendawo elabelwe kuyo* njalo owayekhokhela iqembu lelo ngu-Elishama+ indodana ka-Amihudi. 23 Owayekhokhela iqembu lesizwana samadodana kaManase nguGamaliyeli+ indodana kaPhedazuri. 24 Owayekhokhela iqembu lesizwana samadodana kaBhenjamini ngu-Abhidani+ indodana kaGidiyoni.

25 Ngemva kwalokho iqembu elibunjwa yizizwana ezintathu ezingaphansi kwamadodana kaDani lasuka kusiya ngendawo elabelwe kuyo* njalo labumba ibutho elalihamba ngemuva ukuze livikele wonke amaqembu. Owayekhokhela iqembu lelo ngu-Ahiyezeri+ indodana ka-Amishadayi. 26 Owayekhokhela iqembu lesizwana samadodana ka-Asheri nguPhagiyeli+ indodana ka-Okhirani. 27 Owayekhokhela iqembu lesizwana samadodana kaNafithali ngu-Ahira+ indodana ka-Enani. 28 Le yiyo indlela eyayilandelwa ngabantu bako-Israyeli kanye lamaqembu* abo nxa sebesuka.+

29 UMosi wasekhuluma loHobhabhi indodana kayisezala uRehuweli*+ umMidiyani wathi kuye: “Thina sesisuka lapha, sesisiya endaweni uJehova athe uzasinika yona.+ Sicela uhambe lathi+ njalo sizakuphatha kuhle ngoba uJehova uthembise abantu bako-Israyeli izinto ezinhle.”+ 30 Kodwa yena wathi kuye: “Angisoze ngihambe lani, ngizabuyela elizweni lakithi lasezihlotsheni zami.” 31 UMosi wamphendula wathi: “Sicela ungasitshiyi ngoba wena uyakwazi lapho esingakhempa khona enkangala futhi nguwe ongasitshengisa indlela.* 32 Nxa ungahamba lathi,+ loba yikuphi okuhle uJehova azasenzela khona lathi sizakwenzela khona.”

33 Ngakho basuka entabeni kaJehova+ baqala uhambo lwamalanga amathathu njalo ibhokisi+ lesivumelwano sikaJehova laliphambi kwabo phakathi kohambo lolu lwamalanga amathathu, ukuze badingelwe indawo yokuphumula.+ 34 Iyezi likaJehova+ laliphezu kwabo emini ngesikhathi besuka endaweni ababekhempe kuyo.

35 Loba nini lapho ibhokisi lesivumelwano elalisuka khona, uMosi wayesithi: “Awu Jehova sukuma,+ izitha zakho aziphaphatheke, kuthi labo abakuzondayo babaleke phambi kwakho.” 36 Nxa selibekwa phansi wayesithi: “Awu Jehova, phenduka kuzinkulungwane zako-Israyeli ezingelakubalwa.”+

11 Abantu basebeqalisa ukukhonona kakhulu phambi kukaJehova. UJehova wathi ekuzwa lokho ulaka lwakhe lwavutha njalo uJehova wathumela umlilo waqothula abanye babo ababesemaphethelweni ezihonqo. 2 Abantu baqala ukukhala kuMosi, uMosi wasencenga uJehova+ umlilo wacitsha. 3 Ngakho indawo leyo yabizwa ngokuthi yiThabhera* ngoba uJehova wabehlisela umlilo ovuthayo.+

4 Ixuku labantu abatshiyeneyo*+ elaliphakathi kwabo laqala ukuba ngamagovu lisithi lifuna ukudla okungcono+ futhi abako-Israyeli labo baphinda bakhala besithi: “Ngubani ozasinika inyama sidle?+ 5 Awu bakithi saze sakhanuka inhlanzi esasizidla mahala eGibhithe, lamakhukhamba, lamakhabe, lamalikhi, lama-onyeni kanye legalikhi.+ 6 Khathesi sesiphele amandla. Akula enye into esiyibonayo ngaphandle kwemana le.”+

7 Imana+ yayifana lentanga zekhoriyanda+ njalo ilombala onjengowenhlaka emhlophe. 8 Abantu babephuma bayeyibutha njalo babeyichola ematsheni okuchola kumbe bayigige engigeni zabo zamatshe. Ngemva kwalokho babeyixhwathisa ngezimbiza kumbe benze ngayo izinkwa eziyisigombolozi+ futhi yayinambitheka njengekhekhe eliletshukela lamafutha. 9 Kwakusithi kungaba lamazolo ezihonqweni ebusuku lemana layo ikhithike.+

10 UMosi wezwa abantu bekhala, emulini yinye ngayinye, ngamunye esemnyango wetende lakhe. Lokhu kwamthukuthelisa uJehova+ futhi uMosi laye kwamcaphula kakhulu. 11 UMosi wasesithi kuJehova: “Kungani uhlukuluza inceku yakho? Kungani ungazange ube lomusa kimi, uze ungethese umthwalo wabantu bonke laba?+ 12 Yimi umama wabantu bonke laba yini? Yimi engabazalayo yini ukuthi usungaze uthi, ‘Bathwale esifubeni sakho njengenceku ethwele usane olumunyayo,’ ubase elizweni engafunga ukulinika okhokho babo.+ 13 Ngizayithatha ngaphi inyama yokunika abantu bonke laba? Phela balokhu bekhala phambi kwami besithi, ‘Sinike inyama sidle.’ 14 Ngeke ngibathwale ngedwa abantu bonke laba; kuyangisinda lokhu.+ 15 Nxa le kuyiyo indlela ozangiphatha ngayo ngicela uhle ungibulale khathesi+ futhi nxa ngithole umusa kuwe, ungangenzi ngibone obunye ubunzima.”

16 UJehova waphendula uMosi wathi: “Ngiqoqela amadoda angu-70 phakathi kwabadala bako-Israyeli, amadoda okwaziyo ukuthi angabadala futhi angabakhokheli babantu.+ Hamba lawo etendeni lokuhlangana ufike ume lawo khonapho. 17 Ngizakwehla+ ngizokhuluma lawe khonapho+ njalo ngizathatha omunye umoya wami+ ophezu kwakho ngiwufake kuwo, futhi amadoda la azakuncedisa ukuthwala umthwalo wabantu laba ukuze ungawuthwali wedwa.+ 18 Kumele ukhulume labantu uthi kubo: ‘Zingcweliseni lamuhla ngoba kusasa+ lizayidla sibili inyama. Phela uJehova ulizwile likhala+ lisithi: “Ngubani ozasinika inyama sidle? Izinto zazingcono siseGibhithe.”+ UJehova uzalinika inyama sibili njalo lizayidla.+ 19 Alisoze liyidle okwelanga elilodwa kumbe okwamalanga amabili loba amahlanu kumbe alitshumi loba angu-20, 20 kodwa lizayidla okwenyanga yonke ize iphume ngamakhala futhi lizaze liyenyanye+ ngoba limfulathele uJehova yena ephakathi kwenu, lakhala phambi kwakhe lisithi: “Vele sasukelani eGibhithe?”’”+

21 UMosi wasesithi: “Kulamadoda angu-600 000+ angamasotsha ebantwini laba engiphakathi kwabo, kodwa wena ngokwakho uthe, ‘Ngizabanika inyama njalo bazayidla okwenyanga yonke.’ 22 Lanxa bekungahlatshwa yonke imihlambi yezimvu leyenkomo, ibingabenela yini? Kumbe nxa kungagolwa zonke inhlanzi zolwandle, zingabenela yini?”

23 UJehova wasesithi kuMosi: “Kambe isandla sikaJehova sifitshane yini?+ Khathesi uzazibonela ngawakho ukuthi engikutshoyo kuzakwenzakala yini loba hatshi.”

24 Ngakho uMosi wahamba wayatshela abantu lokho uJehova ayekutshilo njalo waqoqa amadoda angu-70 avela ebadaleni babantu bako-Israyeli futhi wathi ame agombolozele itende.+ 25 UJehova wasesehla eseyezini+ wakhuluma laye+ njalo wathatha omunye umoya+ wakhe owawukuMosi wawufaka komunye lomunye wabadala abangu-70. Umoya wathi usehlela kubo bahle baqalisa ukwenza njengabaphrofethi,*+ kodwa abazange baphinde bakwenze lokhu.

26 Kwakulamanye amadoda amabili ayelokhu esezihonqweni, amabizo awo kwakungu-Elidadi loMedadi. Umoya waqala ukwehlela phezu kwawo ngoba amabizo awo ayebhaliwe kulabo ababekhethiwe kodwa ayengazange aye etendeni. Ngakho aqala ukwenza njengabaphrofethi ezihonqweni. 27 Ijaha elithile laseligijima layabikela uMosi lathi: “U-Elidadi loMedadi sebesenza njengabaphrofethi ezihonqweni!” 28 UJoshuwa+ indodana kaNuni, owayeyinceku kaMosi kusukela eseselijaha wathi: “Nkosi yami Mosi bakhuze!”+ 29 Kodwa uMosi wathi kuye, “Ungabi lomhawu, engikufisayo yikuthi ngabe bonke abantu bakaJehova bangabaphrofethi lokuthi ngabe uJehova uyafaka umoya wakhe kubo.” 30 Ngemva kwesikhathi uMosi wabuyela ezihonqweni kanye labadala bako-Israyeli.

31 Ngemva kwalokho kwavunguza umoya ovela kuJehova, waqala ukuletha izagwaca ezivela elwandle waziwisela kuwo wonke amacele ezihonqo.+ Indawo ezagcwala kuyo emaceleni wonke yayilingana lommango ongahanjwa ngelanga elilodwa, njalo zagcwala phansi okungaba zingalo* ezimbili ukusuka phansi usiya phezulu. 32 Ngakho abantu baqeda ilanga lonke lobusuku bonke lelanga lonke elilandelayo bephithizela bebutha izagwaca. Kakho owabutha okungaphansi kwamahomeri* alitshumi njalo babelokhu bechaya izagwaca lezi kuyo yonke indawo ezihonqweni. 33 Kodwa kwathi inyama ilokhu isesemilonyeni yabo, bengakayihlafuni lokuyihlafuna ulaka lukaJehova lwavutha phezu kwabo njalo uJehova waqala ukubatshaya, kwafa abanengi.+

34 Ngakho babiza indawo leyo ngokuthi yiKhibrothi-hathava*+ ngoba bangcwaba kuyo abantu ababetshengise ukuba ngamagovu.+ 35 Abantu bako-Israyeli basuka eKhibrothi-hathava baya eHazerothi futhi baqhubeka behlala eHazerothi.+

12 UMiriyamu lo-Aroni baqalisa ukukhuluma kubi ngoMosi ngenxa yomfazi ongumKhushi ayemthethe, phela wayethethe inkosikazi engumKhushi.+ 2 Babesithi, “Kambe uJehova ukhulume esebenzisa uMosi kuphela yini? Angithi lathi uyasisebenzisa.”+ UJehova wayebalalele bekhuluma.+ 3 UMosi wayeyindoda emnene* kulabo bonke abantu+ emhlabeni.

4 UJehova wahle wakhuluma loMosi lo-Aroni loMiriyamu wathi: “Phumani lobathathu liye etendeni lokuhlangana.” Ngakho bobathathu baphuma bayakhona. 5 UJehova wehla ngensika yeyezi+ njalo wama emnyango wetende, wasebiza u-Aroni loMiriyamu futhi bobabili baya phambili. 6 Wasesithi kubo: “Ngicela lizwe engikutshoyo. Aluba ubekhona umphrofethi kaJehova phakathi kwenu, bengizaziveza kuye embonweni+ ukuze angazi njalo bengizakhuluma laye ephutsheni.+ 7 Kodwa akunjalo ngenceku yami uMosi. Indlu yami yonke ngiyibeke ezandleni zakhe.*+ 8 Ngikhuluma laye ubuso ngobuso,*+ ngendlela ecacileyo hatshi ephicayo futhi uJehova uyabonakala kuye. Manje lisithatha ngaphi isibindi sokukhuluma kubi ngenceku yami uMosi?” 9 Ngakho uJehova wabathukuthelela kakhulu wasesuka kubo. 10 Iyezi lasuka phezu kwetende njalo uMiriyamu watshaywa ngobulephero obumhlophe njengongqwaqwane.+ U-Aroni wathi etshibilika ekhangela uMiriyamu wabona ukuthi wayeselobulephero.+ 11 U-Aroni wahle wakhuluma loMosi wathi: “Ngiyakuncenga nkosi yami, ngicela ungasibeki icala ngesono lesi esisenzileyo! Senze ubuthutha. 12 Ngicela ungavumeli ukuthi uMiriyamu aqhubeke enjengofileyo, ozelwe elenyama edlekileyo komunye umhlubulo!” 13 UMosi waqala ukukhala kuJehova wathi: “Awu Nkulunkulu ngicela umelaphe! Ngiyacela!”+

14 UJehova wasemphendula uMosi wathi: “Kambe nxa uyise ubengamkhafulela ebusweni ubengasoze athwale ihlazo okwamalanga ayisikhombisa yini? Kahlaliswe yedwa ngaphandle kwezihonqo+ okwamalanga ayisikhombisa, ngemva kwalokho usengabuyiselwa.” 15 Ngakho uMiriyamu wahlaliswa yedwa phandle kwezihonqo okwamalanga ayisikhombisa,+ njalo abantu abazange baqhubeke ngohambo uMiriyamu waze wabuyiselwa ezihonqweni. 16 Ngemva kwalokho abantu basuka eHazerothi+ bayakhempa enkangala yePharani.+

13 UJehova wasekhuluma loMosi wathi: 2 “Thuma amadoda ayehlola ilizwe laseKhenani engizalinika abantu bako-Israyeli. Kumele uthume indoda eyodwa esizwaneni ngasinye futhi ngayinye kumele ibe ngomunye wabakhokheli+ besizwana sakibo.”+

3 Ngakho uMosi wawathuma amadoda lawo esuka enkangala yePharani,+ njengokutsho kukaJehova, njalo wonke ayengabakhokheli bako-Israyeli. 4 Nanka amabizo awo: Owesizwana sakoRubheni kwakunguShamuwa indodana kaZakhuri, 5 owesizwana sakoSimiyoni kwakunguShafathi indodana kaHori, 6 owesizwana sakoJuda kwakunguKhalebhi+ indodana kaJefune, 7 owesizwana sako-Isakhari kwakungu-Igali indodana kaJosefa, 8 owesizwana sako-Efrayimi kwakunguHosheya+ indodana kaNuni, 9 owesizwana sakoBhenjamini kwakunguPhalithi indodana kaRafu, 10 owesizwana sakoZebhuloni kwakunguGadiyeli indodana kaSodi, 11 owesizwana sikaJosefa+ kwabakoManase+ kwakunguGadi indodana kaSusi, 12 owesizwana sakoDani kwakungu-Amiyeli indodana kaGemali, 13 owesizwana sako-Asheri kwakunguSethuri indodana kaMikhayeli, 14 owesizwana sakoNafithali kwakunguNabhi indodana kaVofisi. 15 owesizwana sakoGadi kwakunguGewuweli indodana kaMakhi. 16 La yiwo amabizo amadoda athunywa nguMosi ukuthi ayehlola ilizwe futhi uMosi wanika uHosheya indodana kaNuni ibizo elithi Joshuwa.*+

17 UMosi wathi ewathuma ukuthi ayehlola ilizwe laseKhenani wathi kuwo: “Qansani liye eNegebhi njalo lifike liqanse liye ezintabeni.+ 18 Kumele lihlole ukuthi ilizwe lakhona linjani+ lokuthi abantu abahlala kulo balamandla yini loba hatshi, ukuthi banengi yini kumbe balutshwana, 19 kanye lokuthi ilizwe lihle yini kumbe libi, lokuthi bahlala ematendeni kumbe emadolobheni avikelwe ngemiduli. 20 Lihlole lokuthi ilizwe lakhona livundile* yini kumbe lilugwadule,+ lilezihlahla yini loba hatshi. Kufanele libe lesibindi+ njalo lithathe ezinye izithelo zalelolizwe libuye lazo.” Phela kwakuyisikhathi samagilebisi avuthwa kuqala.+

21 Ngakho amadoda lawo asuka ayahlola ilizwe kusukela enkangala yeZini+ kusiya eRehobhi+ eduze kweLebho-hamathi.*+ 22 Athi eqansa esiya eNegebhi afika eHebroni+ lapho okwakuhlala khona u-Ahimani loSheshayi loThalimayi,+ izizukulwane zama-Anakhi.+ IHebroni yakhiwa kusasele iminyaka eyisikhombisa ukuthi kwakhiwe iZowani yaseGibhithe. 23 Athi efika esigodini* se-Eshikholi,+ aquma ugatsha olwalulelixha lamagilebisi elalisinda okokuthi kwakumele luthwalwe ngamadoda amabili elugaxe esigodweni njalo akha lamaharinathi kanye lamakhiwane.+ 24 Abiza indawo leyo ngokuthi yisigodi se-Eshikholi*+ ngenxa yelixha elaqunywa ngama-Israyeli kuleyondawo.

25 Ngemva kwamalanga angu-40+ aphenduka evela hlola ilizwe. 26 Ngakho afika kuMosi lo-Aroni labo bonke abantu bako-Israyeli enkangala yePharani eKhadeshi,+ ethulela bonke abantu umbiko njalo abatshengisa lezithelo zalelolizwe. 27 Nanku umbiko awutshela uMosi: “Sihambile elizweni osithume kulo, lilizwe eligeleza uchago loluju+ sibili futhi nanzi lezithelo zalo.+ 28 Lanxa kunjalo, abantu abahlala elizweni lelo balamandla, lamadolobho akhona makhulu futhi agonjolozelwe ngemiduli. Size sabona lama-Anakhi khonale.+ 29 Ama-Amaleki+ ahlala eNegebhi,+ amaHithi, lamaJebusi,+ lama-Amori+ ahlala emangweni osezintabeni njalo amaKhenani+ ahlala eduze kolwandle+ laseceleni komfula uJodani.”

30 UKhalebhi wasezama ukwenza ukuthi abantu ababemi phambi kukaMosi bahlaliseke wathi: “Kasihambeni khathesi, sizalithatha sibili ilizwe ngoba sizalinqoba loba sekutheni.”+ 31 Kodwa amadoda ayehambe laye athi: “Ngeke senelise ukuyakulwa labantu labo ngoba balamandla kulathi.”+ 32 Baqhubeka betshela abantu bako-Israyeli umbiko omubi+ mayelana lelizwe ababehambe bayalihlola besithi: “Ilizwe esifike kulo salihlola lilizwe elitshabalalisa abantu balo njalo bonke abantu esibabone khona bade okungajayelekanga.+ 33 Size sabona lamaNefilimi khonale, amadodana ka-Anakhi+ adabuka* kumaNefilimi njalo bekungathi sizintethe nje nxa sizikhangele thina ngitsho lasemehlweni awo.”

14 Ngemva kwalokho bonke abantu bako-Israyeli bahlaba umkhosi njalo baqhubeka bekhala futhi belila ubusuku bonke.+ 2 Bonke abako-Israyeli baqalisa ukukhonona ngoMosi lo-Aroni+ njalo bonke bakhuluma kubi ngabo besithi: “Ngabe sahle sazifela elizweni laseGibhithe kumbe ngabe sihle safela khonapha enkangala! 3 Kungani uJehova esilethe endaweni le ukuthi sizobulawa ngenkemba?+ Abantwabethu lamakhosikazi ethu bazathunjwa.+ Kungcono sizibuyelele eGibhithe.”+ 4 Basebesithi komunye lomunye: “Asikhetheni umkhokheli sibuyele eGibhithe!”+

5 UMosi lo-Aroni bathi bekuzwa lokho baguqa bathi mbo phansi phambi kwebandla lonke lako-Israyeli elalibuthene. 6 UJoshuwa+ indodana kaNuni loKhalebhi+ indodana kaJefune, abanye balabo abahamba bayahlola ilizwe badabula izigqoko zabo 7 njalo bakhuluma labantu bonke bako-Israyeli bathi: “Ilizwe ebesiyelihlola lilizwe elihle okumangalisayo.+ 8 Nxa uJehova ethokoza ngathi uzasingenisa elizweni leli loba sekutheni njalo uzasinika lona, ilizwe eligeleza uchago loluju.+ 9 Kodwa akumelanga lihlamukele uJehova njalo lingabesabi abantu abaselizweni leli+ ngoba sizabatshaya sibabhuqe.* Isivikelo sabo sisusiwe kubo futhi uJehova ulathi.+ Lingabesabi.”

10 Lanxa kunjalo abantu bonke basebekhuluma ngokubakhanda ngamatshe.+ Kodwa inkazimulo kaJehova yabonakala etendeni lokuhlangana kubo bonke abantu bako-Israyeli.+

11 UJehova wasesithi kuMosi: “Kuzaze kube nini abantu laba bengangihloniphi?+ Kuze kube nini belokhu bengelakholo kimi lanxa ngenze izimangaliso ezinengi kangaka phakathi kwabo?+ 12 Yekela ngibatshaye ngesifo esibuhlungu njalo ngibadudule, besengisenza wena ube yisizwe esikhulu futhi esilamandla kulabo.”+

13 Kodwa uMosi wathi kuJehova: “Wakhipha abantu bakho phakathi kwamaGibhithe ngamandla akho, yikho nxa ungenza njalo amaGibhithe azakuzwa okwenzileyo,+ 14 abesekhuluma ngakho ebantwini abahlala elizweni leli. Abantu laba labo sebezwile ukuthi wena Jehova uphakathi kwabantu bakho+ lokuthi ubonakale kubo ubuso ngobuso.+ Wena unguJehova njalo iyezi lakho limi phezu kwabo. Emini uhamba phambi kwabo usensikeni yeyezi futhi lebusuku uhamba phambi kwabo usensikeni yomlilo.+ 15 Nxa ungababulala abantu bonke laba ngasikhathi sinye, izizwe ezezwa ngodumo lwakho zizakuthi: 16 ‘UJehova wehlulekile ukuletha abantu laba elizweni ayefunge ukuthi uzabanika lona yikho ebabulalele enkangala.’+ 17 Ngakho ngiyacela Jehova, kwangathi amandla akho angaba makhulu njengoba wathembisa wathi: 18 ‘UJehova uyaphuza ukuthukuthela njalo ugcwele uthando oluqotho,+ uxolela amacala leziphambeko. Kodwa kayekeli ukumjezisa umuntu olecala njalo ujezisa amadodana ngenxa yecala laboyise kuze kufike kusizukulwane sesithathu lesesine.’+ 19 Ngicela uthethelele abantu laba isiphambeko sabo, ubatshengise uthando* lwakho oluqotho, njengoba nje ubuvele ubaxolela kusukela eGibhithe kuze kube khathesi.”+

20 UJehova wasesithi: “Sengibathethelela njengoba usitsho.+ 21 Kodwa ngifunga ngokuphila kwami ngithi, umhlaba wonke uzagcwala inkazimulo kaJehova.+ 22 Lanxa kunjalo kakho loyedwa umuntu obone inkazimulo yami lezimangaliso zami+ engizenze eGibhithe lengizenze enkangala kodwa waqhubeka engilinga+ izikhathi lezi ezilitshumi futhi engalilaleli ilizwi lami+ 23 ozalibona ilizwe engafunga ngalo kubokhokho babo. Kakho loyedwa ongangihloniphiyo ozalibona.+ 24 Kodwa ngenxa yokuthi inceku yami uKhalebhi+ itshengise ukuthi itshiyene labanye njalo ibilokhu ingilandela ngenhliziyo yonke, ngizayingenisa elizweni ehambe kulo futhi abantwabayo bazalithatha libe ngelabo.+ 25 Njengoba ama-Amaleki lamaKhenani+ ehlala esigodini, kusasa kumele libuyele emuva, liqonde enkangala ngendlela eya eLwandle Olubomvu.”+

26 UJehova wasesithi kuMosi lo-Aroni: 27 “Kuzaze kube nini abantu laba abangalunganga belokhu bekhonona bengisola?+ Ngibazwile abantu bako-Israyeli bekhonona ngami.+ 28 Batshele uthi, ‘“Ngifunga ngokuphila kwami,” kutsho uJehova, “Ngizalenza khona kanye engizwe likukhuluma!+ 29 Lizafela khonapha enkangala,+ lonke elabhaliswayo kusukela kwabaleminyaka engu-20 kusiya phezulu, lonke nje ebelikhonona ngami.+ 30 Kakho phakathi kwenu ozangena elizweni engafunga ngathi* lizahlala kulo+ ngaphandle kukaKhalebhi indodana kaJefune loJoshuwa indodana kaNuni.+

31 “‘“Abantwabenu ebelisithi bazathunjwa+ yibo engizabangenisa kulo njalo bazalazi ilizwe lelo elilalileyo.+ 32 Kodwa lina lizafela khonapha enkangala. 33 Amadodana enu azakuba ngabelusi okweminyaka engu-40+ enkangala njalo azahlawula ngenxa yezenzo zenu zokungathembeki, lize life lonke enkangala.+ 34 Lizathwala nzima okweminyaka engu-40+ ngenxa yamaphutha enu, okwesikhathi esihambelana lamalanga angu-40+ elahlola ngawo ilizwe, ilanga elilodwa limela umnyaka, lelanga elilodwa limela umnyaka ukuze likwazi ukuthi kutshoni ukuphikisana lami.

35 “‘“Mina Jehova sengikhulumile. Lokhu yikho engizakwenza ebantwini bonke laba abangalunganga ababuthane ndawonye ukuze bamelane lami: Bazafela khonapha baphelele kuyonale inkangala.+ 36 Amadoda abethunywe nguMosi ukuthi ayehlola ilizwe njalo abangele ukuthi bonke abantu bakhonone ngaye ngokubika umbiko omubi mayelana lalelolizwe,+ 37 wona kanye amadoda abuye lombiko omubi mayelana lelizwe azatshaywa afe phambi kukaJehova.+ 38 Kodwa uJoshuwa indodana kaNuni loKhalebhi indodana kaJefune abanye balabo abahambe bayahlola ilizwe bazaqhubeka bephila.”’”+

39 UMosi wathi etshela bonke abantu bako-Israyeli amazwi la baqalisa ukukhala kakhulu. 40 Kanti njalo bavuka ekuseni kakhulu bazama ukuya esiqongweni sentaba bathi: “Sonile, kodwa khathesi sesizimisele ukuya endaweni uJehova akhulume ngayo.”+ 41 UMosi wabaphendula wathi: “Kungani lisephula umthetho kaJehova? Elikwenzayo akusoze kuphumelele. 42 Lingahambi ngoba uJehova kakho phakathi kwenu futhi lizanqotshwa yizitha zenu.+ 43 Ama-Amaleki lamaKhenani alilindele ukuze alihlasele+ njalo lizabulawa ngenkemba. UJehova kasoze abe lani ngoba limhlamukele uJehova.”+

44 Lanxa kunjalo baqinisa amakhanda bakhwela entabeni+ kodwa ibhokisi lesivumelwano sikaJehova alizange lisuke phakathi laphakathi kwezihonqo futhi loMosi kasukanga.+ 45 Ama-Amaleki lamaKhenani ayehlala kuleyontaba asesehla abahlasela njalo abaxotshanisa basabalala baze bayafika eHoma.+

15 UJehova waphinda wakhuluma loMosi wathi: 2 “Khuluma labantu bako-Israyeli uthi kubo, ‘Nxa selingenile elizweni engizalinika lona ukuthi lihlale kulo,+ 3 beselinikela umnikelo otshiselwa uJehova ngomlilo ovela emihlambini yenu yenkomo loba eyezimvu leyembuzi, kungaba ngumnikelo wokutshiswa+ loba umhlatshelo wokwenza isifungo esiqakathekileyo, loba umnikelo wokuzithandela+ kumbe umnikelo eliwenza emikhosini yenu enziwa ngezikhathi ezibekiweyo,+ ukuze ube luqhatshi olumnandi kuJehova,+ 4 lowo oletha umnikelo wakhe kuJehova kumele alethe lomnikelo wamabele wefulawa ecolekileyo+ eyingxenye ye-efa* eyodwa etshumini ehlanganiswe lamafutha ayingxenye yehini* eyodwa kwezine. 5 Kanti njalo onikelayo kumele alethe iwayini eliyingxenye yehini eyodwa kwezine, ibe ngumnikelo wokunathwayo ozanikelwa lomnikelo wokutshiswa+ kumbe lomhlatshelo wemvana ngayinye enduna. 6 Nxa kuyinqama kumele alethe umnikelo wamabele wefulawa ecolekileyo ezingxenye ze-efa ezimbili etshumini ehlanganiswe lamafutha ayingxenye yehini eyodwa kwezintathu. 7 Kumele alethe lewayini elizakuba ngumnikelo wokunathwayo oyingxenye yehini eyodwa kwezintathu, kube luqhatshi olumnandi kuJehova.

8 “‘Kodwa nxa ezanikela ngenkunzi ukuthi ibe ngumnikelo wokutshiswa+ kumbe umhlatshelo wokwenza isifungo esiqakathekileyo+ kumbe ukuthi ibe ngumhlatshelo wobudlelwano oya kuJehova,+ 9 kumele ayilethe kanye lomnikelo wamabele+ wefulawa ecolekileyo ezingxenye ze-efa ezintathu etshumini, ehlanganiswe lamafutha ayingxenye yehini. 10 Kanti njalo kumele anikele iwayini eyingxenye yehini ibe ngumnikelo wokunathwayo,+ umnikelo wokutshiswa oloqhatshi olumnandi kuJehova. 11 Lokhu yikho okumele kwenziwe ngenkunzi ngayinye loba inqama ngayinye loba ngemvana ngayinye enduna loba ngembuzi ezinduna. 12 Kungelani lokuthi izifuyo elinikela ngazo zingaki, lokhu yikho okumele likwenze kwesinye lesinye isifuyo. 13 Le yiyo indlela okumele wonke umuntu ongum-Israyeli enze ngayo nxa eletha umnikelo ozatshiswa ngomlilo ube luqhatshi olumnandi kuJehova.

14 “‘Nxa umuntu wesinye isizwe ohlala lani kumbe umuntu oselesikhathi eside ephakathi kwezizukulwane zenu efuna ukunikela umnikelo wokutshiswa ube luqhatshi olumnandi kuJehova, kumele enze khona kanye elikwenzayo.+ 15 Kumele kube lomthetho owodwa kini elingamalunga ebandla lako-Israyeli lasemuntwini wesinye isizwe elihlala laye. Lo kuzakuba ngumlayo ozahlala ukhona kuzo zonke izizukulwane zenu. Umuntu wesinye isizwe kufanele afanane lani phambi kukaJehova.+ 16 Kumele kube lomthetho owodwa lendlela eyodwa yokwahlulela ezasebenza kini lasemuntwini wesinye isizwe ohlala lani.’”

17 UJehova wasesithi kuMosi: 18 “Khuluma labantu bako-Israyeli uthi kubo: ‘Nxa selifikile elizweni engilisa kulo 19 beselisidla loba yikuphi ukudla okuselizweni lelo,+ kufanele linikele umnikelo kuJehova. 20 Kumele linikele umnikelo wenu wesivuno sokuqala+ owezinkwa eziyisigombolozi ezenziwe ngefulawa engamahadlahadla. Kumele liwunikele ngendlela elinikela ngayo umnikelo wenu wesizeni.* 21 Esinye isivuno senu sokuqala sefulawa engamahadlahadla kumele lisinikele sibe ngumnikelo oya kuJehova kuzo zonke izizukulwane zenu.

22 “‘Nxa isizwe sonke singenza iphutha sehluleke ukulandela yonke imithetho le uJehova ayitshele uMosi, 23 yonke nje imilayo uJehova alinike yona esebenzisa uMosi, kusukela ngelanga uJehova alinika ngalo leyomilayo kusiya phambili ezizukulwaneni zenu, 24 njalo nxa lonke lenze iphutha lelo lingananzelelanga, isizwe sonke kumele sinikele ngejongosi libe ngumnikelo wokutshiswa oloqhatshi olumnandi kuJehova, ndawonye lomnikelo walo wamabele lomnikelo walo wokunathwayo kulandelwa lokho okufanele kwenziwe+ kanye lezinyane lembuzi elizakuba ngumnikelo wesono.+ 25 Umphristi uzahlawulela bonke abantu bako-Israyeli njalo bazathethelelwa+ ngenxa yokuthi abakwenzileyo bekuliphutha futhi balethile umnikelo wabo ozatshiselwa uJehova, baletha lomnikelo wabo wesono phambi kukaJehova ngenxa yephutha labo. 26 Ibandla lonke lako-Israyeli lizathethelelwa kanye lowesinye isizwe ohlala phakathi kwabo ngenxa yokuthi bekuliphutha elenziwe ngabantu bonke.

27 “‘Nxa loba ngubani angenza isono engananzeleli kumele anikele ngezinyane lembuzi elisikazi elilomnyaka owodwa libe ngumnikelo wesono.+ 28 Umphristi uzamhlawulela lowomuntu owenze iphutha, wenza isono engananzeleli phambi kukaJehova. Ngakho uzahlawulelwa isono sakhe abesethethelelwa.+ 29 Nxa umuntu enze iphutha engananzeleli kumele kusebenze umthetho owodwa kini kungelani lokuthi ngumuntu oyisizalwane sako-Israyeli loba owesinye isizwe ohlala phakathi kwenu.+

30 “‘Kodwa umuntu owona ngabomo+ kungelani lokuthi uyisizalwane sako-Israyeli kumbe ngowesinye isizwe, uyabe ethuka uJehova futhi kumele abulawe. 31 Lowomuntu kumele abulawe+ loba sekutheni ngenxa yokuthi udelele ilizwi likaJehova njalo wephula umthetho wakhe. Icala lakhe liphezu kwakhe.’”+

32 Abantu bako-Israyeli bathi belokhu besenkangala, basebethola omunye umuntu etheza inkuni ngelanga leSabatha.+ 33 Abantu abamthola etheza inkuni bamthatha baya laye kuMosi lo-Aroni lakulo lonke ibandla. 34 Yikho bamgcina evalelwe+ ngoba kwakungakacaciswa ukuthi kumele kwenziweni ngaye.

35 UJehova wasesithi kuMosi: “Lowomuntu kumele abulawe loba sekutheni.+ Abantu bonke kumele bamkhande ngamatshe ngaphandle kwezihonqo.”+ 36 Ngakho abantu bonke bamkhiphela phandle kwezihonqo bamkhanda ngamatshe waze wafa njengoba nje uJehova wayetshilo kuMosi.

37 UJehova wasesithi kuMosi: 38 “Khuluma labantu bako-Israyeli ubatshele ukuthi bathungele intshaka ngaphansi emphethweni wezigqoko zabo kuzo zonke izizukulwane zabo futhi bathungele intambo eluhlaza okwesibhakabhaka phezu kwentshaka ezisemphethweni wezigqoko zabo.+ 39 Kumele lithungele intshaka lezo ukuze lizibone beselikhumbula yonke imithetho kaJehova njalo liyilandele.+ Akumelanga lilandele inhliziyo zenu lamehlo enu okubangela ukuthi lingathembeki kimi.*+ 40 Lokhu kuzalinceda ukuthi likhumbule njalo lilandele yonke imithetho yami futhi libe ngcwele kuNkulunkulu wenu.+ 41 NginguJehova uNkulunkulu wenu owalikhipha elizweni laseGibhithe ukuze ngitshengise ukuthi nginguNkulunkulu wenu.+ NginguJehova uNkulunkulu wenu.’”+

16 Ngemva kwalokho uKhora+ indodana ka-Izihari,+ indodana kaKhohathi,+ indodana kaLevi+ wabambana loDathani lo-Abhiramu amadodana ka-Eliyabi+ kanye lo-Oni indodana kaPhelethi, abosendo lukaRubheni.+ 2 Bavukela uMosi belamadoda ako-Israyeli angu-250, amadoda akhethiweyo ebandleni futhi angabakhokheli babantu, amadoda adumileyo. 3 Ngakho babuthanela uMosi lo-Aroni bajamelana labo+ bathi: “Sesidiniwe ngani! Bonke abantu bako-Israyeli bangcwele,+ bonke nje, njalo uJehova uphakathi kwabo.+ Manje kungani lina liziphakamisa phezu kwebandla likaJehova?”

4 UMosi wathi ekuzwa lokho waguqa wakhothamisa ikhanda. 5 Wasesithi kuKhora labasekeli bakhe: “Ekuseni uJehova uzakwenza kucace ukuthi ngubani ongowakhe+ lokuthi ngubani ongcwele futhi okumele asondele kuye.+ Loba ngubani azamkhetha+ nguye ozasondela kuye. 6 Nanku okufanele likwenze: Wena Khora labo bonke abasekeli bakho+ kumele lithathe inkezwana zokuthwala amalahle,+ 7 lifake umlilo kuzo kanye lempepha phambi kukaJehova kusasa njalo lowo uJehova azamkhetha+ nguye ongcwele. Seledlulise amalawulo lina madodana kaLevi!”+

8 UMosi wasesithi kuKhora: “Ngicela lilalele lina madodana kaLevi. 9 Likubona kuyinto encane yini ukuthi uNkulunkulu ka-Israyeli ulikhethe phakathi kwebandla lako-Israyeli+ njalo walivumela ukuthi lisondele kuye lenze umsebenzi ethabanikeli likaJehova futhi lime phambi kwabantu ukuze libenzele inkonzo,+ 10 lokuthi ulisondeze eduze kwakhe lina kanye labo bonke abafowenu, amadodana kaLevi? Kambe selingaze lifune lokuhluthuna ubuphristi?+ 11 Ngenxa yalesisizatho wena labo bonke abasekeli bakho ababuthene ndawonye, limelane loJehova. U-Aroni yena uyini kambe ukuthi selingaze likhonone ngaye?”+

12 Ngemva kwesikhathi uMosi wathi kubizwe uDathani lo-Abhiramu+ amadodana ka-Eliyabi. Kodwa bona bathi: “Asibuyi! 13 Kuyinto encane yini ukuthi wasikhipha elizweni eligeleza uchago loluju ukuze uzosibulala lapha enkangala?+ Kambe sufuna lokuzenza umbusi* phezu kwethu? 14 Sikhuluma nje awukasingenisi elizweni eligeleza uchago loluju+ futhi awusinikanga ilifa lamasimu kanye lamasimu amagilebisi. Uzawakopola amehlo amadoda lawo yini? Asibuyi vele!”

15 UMosi wazonda kakhulu wasesithi kuJehova: “Ungawamukeli umnikelo wabo wamabele. Angizange ngithathe ngitsho loyedwa ubabhemi wabo futhi kakho loyedwa kubo engimenzele okubi.”+

16 UMosi wasesithi kuKhora: “Wena labo bonke abasekeli bakho buyani phambi kukaJehova kusasa, wena labo kanye lo-Aroni. 17 Ngamunye kumele athathe ukhezwana lwakhe lokuthwala amalahle njalo afake impepha kulo futhi kumele abuye lalo phambi kukaJehova, kube zinkezwana zokuthwala amalahle ezingu-250. Lawe lo-Aroni kufanele liphathe inkezwana zenu zokuthwala amalahle.” 18 Ngakho ngamunye wabo wathatha ukhezwana lwakhe lokuthwala amalahle, wafaka umlilo lempepha kulo njalo bama emnyango wetende lokuhlangana beloMosi lo-Aroni. 19 UKhora wathi esebuthanise abasekeli bakhe+ emnyango wetende lokuhlangana ukuthi bamelane labo, inkazimulo kaJehova yasibonakala kubo bonke abantu bako-Israyeli.+

20 UJehova wasesithi kuMosi lo-Aroni: 21 “Zehlukaniseni liphume eqenjini labantu laba ukuze ngibatshabalalise ngokuphazima kwelihlo.”+ 22 Bathi bekuzwa lokho baguqa bathi mbo phansi bathi: “Awu Nkulunkulu, wena onika bonke abantu ukuphila,+ kambe usungaze uthukuthelele ibandla lonke lako-Israyeli ngenxa yesono somuntu oyedwa nje?”+

23 UJehova wasesithi kuMosi: 24 “Tshela abantu bako-Israyeli uthi, ‘Sukani eduze kwamatende kaKhora loDathani lo-Abhiramu!’”+

25 UMosi wasesuka waya kuDathani lo-Abhiramu njalo abadala+ bako-Israyeli bahamba laye. 26 Watshela abantu bako-Israyeli wathi: “Ngicela lisuke ematendeni amadoda la angalunganga futhi lingathinti lutho lwawo ukuze lingatshabalaliswa ngenxa yesono sawo.” 27 Ngakho masinya nje bahle basuka eduze kwamatende kaKhora loDathani lo-Abhiramu kuwo wonke amacele awo njalo uDathani lo-Abhiramu baphuma bama eminyango yamatende abo kanye lamakhosikazi abo, lamadodana abo labantwababo abancane.

28 Ngemva kwalokho uMosi wathi: “Nanku okuzakwenza likwazi ukuthi uJehova nguye ongithume ukuthi ngenze izinto zonke lezi, ayisikho ukuthi ngenza okusekhanda lami:* 29 Nxa abantu laba bangafa ngendlela abantu bonke abafa ngayo futhi nxa bangajeziswa ngendlela efanana leyabantu bonke, kutsho ukuthi uJehova uyabe engangithumanga.+ 30 Kodwa nxa uJehova angenza into eyisimanga kubo, umhlaba uvuleke* ubaginye bangene engcwabeni bephila kanye lakho konke abalakho, lapho-ke lizakwazi ukuthi amadoda la amdelele sibili uJehova.”

31 Wathi eqeda nje ukukhuluma wonke amazwi la, umhlaba wavuleka ngaphansi kwabo.+ 32 Umhlaba wavuleka* wabaginya kanye lezimuli zabo labo bonke ababengabakaKhora+ layo yonke impahla yabo. 33 Ngakho bona labo bonke abangababo bangena engcwabeni bephila futhi umhlaba wabagubuzela kwahle kwaba yikutshabalala kwabo phakathi kwebandla lako-Israyeli.+ 34 Bonke abantu bako-Israyeli ababeseduze kwabo bathi bebezwa behlaba umkhosi babaleka ngoba besithi: “Sesaba ukuthi umhlaba ungasiginya lathi!” 35 Kwasekusehla umlilo ovela kuJehova+ watshisa walobisa amadoda angu-250 ayenikela impepha.+

36 UJehova wasesithi kuMosi: 37 “Tshela u-Eliyazari indodana ka-Aroni umphristi ukuthi akhiphe inkezwana zokuthwala amalahle+ emlilweni ngoba zingcwele. Mtshele lokuthi athathe amalahle ayewalahlela khatshana. 38 Inkezwana zokuthwala amalahle zamadoda afe ngenxa yokona kwawo kumele zikhandwe zibe ngamazenge alula azanamathiselwa e-alithareni+ ngoba amadoda lawo azilethe phambi kukaJehova zaba ngcwele. Kumele zibe luphawu ebantwini bako-Israyeli.”+ 39 Ngakho u-Eliyazari umphristi wathatha inkezwana lezo zekhopha ezazibuye lamadoda ayesetshiswe ngumlilo wazikhanda ukuze azinamathisele e-alithareni, 40 njengoba nje uJehova wayetshilo kuMosi. Lokhu kwakuzakhumbuza abantu bako-Israyeli ukuthi kakho umuntu ongavunyelwayo,* ongasuye wabosendo luka-Aroni okumele anikele impepha kuJehova+ lokuthi kakho umuntu okumele enze njengoKhora labasekeli bakhe.+

41 Ngelanga elilandelayo bonke abantu bako-Israyeli baqalisa ukukhonona ngoMosi lo-Aroni+ besithi: “Lina lobabili libulele abantu bakaJehova.” 42 Abantu bonke bathi sebebuthene ukuze bamelane loMosi lo-Aroni, basebetshibilika bakhangela etendeni lokuhlangana, babona iyezi ligubuzele itende futhi inkazimulo kaJehova yaqala ukubonakala.+

43 UMosi lo-Aroni basuka baya phambi kwetende lokuhlangana,+ 44 uJehova wasesithi kuMosi: 45 “Sukani phakathi kwabantu laba ukuze ngibatshabalalise ngokuphazima kwelihlo.”+ Bathi bekuzwa lokho baguqa bathi mbo phansi.+ 46 UMosi wasesithi ku-Aroni: “Thatha ukhezwana lokuthwala amalahle, wokhe amalahle e-alithareni+ uwafake kulo ufake lempepha. Ugijime masinya uye ebantwini bako-Israyeli ubahlawulele+ ngoba uJehova usethukuthele kakhulu. Uhlupho seluqalisile!” 47 U-Aroni wahle waluthatha njengokutsho kukaMosi wagijima waya phakathi kwebandla lako-Israyeli, uhlupho lwaseluvele seluqalisile ebantwini. Ngakho wafaka impepha phakathi kokhezwana lokuthwala amalahle, waqalisa ukuhlawulela abantu. 48 Waqhubeka emi phakathi laphakathi kwabafileyo labaphilayo futhi ekucineni uhlupho lwaphela. 49 Uhlupho lolo lwabulala abantu abangu-14 700 kungabalwa labo abafa ngenxa kaKhora. 50 U-Aroni wathi esebuyela kuMosi emnyango wetende lokuhlangana uhlupho lwaseluphelile.

17 UJehova wasesithi kuMosi: 2 “Khuluma labantu bako-Israyeli njalo uthathe intonga eyodwa yendlu ngayinye yaboyise kumkhokheli ngamunye wabendlu kayise.+ Kumele kube lentonga ezingu-12 njalo ubhale ibizo lomkhokheli ngamunye entongeni yakhe. 3 Intonga kaLevi kumele uyibhale ibizo lika-Aroni ngoba kumele kube lentonga eyodwa emele umkhokheli ngamunye wendlu yaboyise. 4 Faka intonga lezi etendeni lokuhlangana phambi koBufakazi+ lapho engihlala ngibonakala khona kuwe.+ 5 Intonga yomuntu engizamkhetha+ izahluma njalo ngizakuqeda du ukukhonona kwabantu bako-Israyeli ngami+ lokukhonona abakwenzayo ngani.”+

6 Ngakho uMosi wakhuluma labantu bako-Israyeli njalo bonke abakhokheli babo bamnika intonga zabo, ngayinye ingeyomkhokheli wabendlu kayise. Intonga lezo zazingu-12 njalo lentonga ka-Aroni yayiphakathi kwentonga zabo. 7 Ngemva kwalokho uMosi wafaka intonga lezo phambi kukaJehova etendeni loBufakazi.

8 Ngelanga elilandelayo uMosi wathi engena etendeni loBufakazi, wabona intonga ka-Aroni eyendlu kaLevi isihlumile, isikhipha amahlumela kanye lamaluba futhi isithela izithelo zama-alimondi ezivuthiweyo. 9 UMosi wasekhipha intonga lezo phambi kukaJehova waya lazo ebantwini bako-Israyeli bazibona futhi indoda ngayinye yathatha intonga yayo.

10 UJehova wasesithi kuMosi: “Buyisela intonga ka-Aroni+ phambi koBufakazi igcinwe khonapho ukuze ibe luphawu+ ebantwini abahlamukayo,+ ukuze ukukhonona kwabo ngami kuphele futhi bangafi.” 11 UMosi wahle wakwenza lokho uJehova ayemtshele khona. Wenza khona kanye ayekutsheliwe.

12 Abako-Israyeli basebesithi kuMosi: “Sizakufa siphele sibili, sonke sizaphela nya! 13 Loba ngubani ozake asondele eduze kwethabanikeli likaJehova uzakufa.+ Kambe kumele sife ngaleyondlela yini?”+

18 UJehova wasesithi ku-Aroni: “Wena lamadodana akho labendlu kayihlo lizabekwa icala ngaloba yiliphi iphutha elenziwa endaweni engcwele+ njalo wena lamadodana akho lizakuba lecala ngaloba yini ephanjaniswayo emsebenzini wenu wobuphristi.+ 2 Kanti njalo kumele ubuye labafowenu besizwana sakoLevi, isizwana sabokhokho bakho ukuze babe lawe njalo bakuncedise,+ wena kanye lamadodana akho, phambi kwetende loBufakazi.+ 3 Kumele benze yonke imisebenzi okumele bakwenzele yona laleyo okufanele bayenze kulo lonke itende.+ Kodwa akumelanga basondele ezitsheni zendawo engcwele lase-alithareni ukuze wena kanye labo lingafi.+ 4 Bazabambisana lawe njalo benze yonke imisebenzi yabo ephathelane letende lokuhlangana layo yonke imisebenzi yetende futhi kakho umuntu ongavunyelwayo* okumele asondele eduze kwenu.+ 5 Kumele lenze yonke imisebenzi yenu ephathelane lendawo engcwele+ kanye le-alithare+ ukuze ulaka lwami+ lungaphindi lwehlele abantu bako-Israyeli. 6 Mina ngokwami ngithethe abafowenu amaLevi phakathi kwabantu bako-Israyeli ukuze babe yisipho kini.+ Banikwe uJehova ukuze benze inkonzo yetende lokuhlangana.+ 7 Wena lamadodana akho lilomthwalo wokwenza inkonzo yenu yobuphristi ephathelane le-alithare kanye lalokho okungale kwekhetheni+ njalo kumele lenze inkonzo le.+ Ngilinike inkonzo yobuphristi ukuthi ibe yisipho kini. Loba ngubani ongavunyelwayo* ozasondela eduze kumele abulawe.”+

8 UJehova waqhubeka ekhuluma lo-Aroni wathi: “Mina ngokwami ngikukhethile ukuthi ukhangele yonke iminikelo enikelwa kimi.+ Wena lamadodana akho ngilinike isabelo kuzo zonke izinto ezingcwele ezinikelwa ngabantu bako-Israyeli ukuthi sihlale siyisabelo senu.+ 9 Nanku okuzakuba ngokwenu eminikelweni engcwele kakhulu etshiswa ngomlilo: Yonke iminikelo abayenzayo, kugoqela leminikelo yabo yamabele+ leminikelo yesono+ kanye leminikelo yecala+ abayiletha kimi. Kuyinto engcwele kakhulu enikwe wena lamadodana akho. 10 Kumele likudlele endaweni engcwele kakhulu+ futhi wonke umuntu wesilisa angakudla. Kuzakuba yinto engcwele kini.+ 11 Nanku okunye okuzakuba ngokwenu: Izipho ezinikelwa+ ngabako-Israyeli kanye layo yonke iminikelo yokuzunguzwa.+ Izinto lezi ngizinika wena lamadodana akho lamadodakazi akho ukuthi zibe yisabelo senu kokuphela.+ Wonke nje umuntu ohlanzekileyo kwabendlu yakho angazidla.+

12 “Wonke amafutha amahle lalo lonke iwayini elitsha elihle kanye lamabele, okutsho izithelo zabo zokuqala+ abazinika uJehova, ngikunika wena.+ 13 Izithelo zabo ezivuthwa kuqala zakho konke okuvela elizweni labo abazaziletha kuJehova zizakuba ngezakho.+ Loba ngubani ohlanzekileyo kwabendlu yakho angazidla.

14 “Konke okunikelwe ngabako-Israyeli* kuNkulunkulu kumele kube ngokwakho.+

15 “Wonke amazibulo ezinto zonke eziphilayo+ abazawaletha kuJehova kungelani lokuthi ngawabantu kumbe ngawezinyamazana azakuba ngawakho. Kodwa loba sekutheni kumele uhlenge amazibulo abantu+ njalo uhlenge lamazibulo ezifuyo ezingcolileyo.+ 16 Kumele uwahlenge nxa eselenyanga eyodwa kusiya phezulu ngentengo yokuhlenga, intengo ebekiweyo engamashekheli esiliva amahlanu,*+ kusetshenziswa ishekheli yendawo engcwele.* Ishekheli ilingana lamagera angu-20.* 17 Kodwa akumelanga uhlenge inkunzi ezelwe kuqala kumbe imvana enduna ezelwe kuqala loba izinyane lembuzi.+ Phela konke lokhu kungcwele. Kumele ufafaze igazi lezifuyo lezi e-alithareni+ njalo kufanele utshise amafutha azo abe ngumnikelo wokutshiswa, ozakuba luqhatshi olumnandi kuJehova.+ 18 Inyama yazo kumele ibe ngeyakho, njengesifuba somnikelo wokuzunguzwa lomlenze wesokudla, kufanele kube ngokwakho.+ 19 Yonke iminikelo engcwele enikelwa ngabantu bako-Israyeli kuJehova,+ ngiyinike wena lamadodana akho lamadodakazi akho ukuthi ibe yisabelo senu kokuphela.+ Lesi kuzakuba yisivumelwano sesawudo* esizahlala sikhona phambi kukaJehova, kuwe kanye labantwabakho.”

20 UJehova wasesithi ku-Aroni: “Wena awusoze uthole ilifa elizweni labo njalo akulangxenye yomhlabathi ezakuba ngeyakho phakathi kwabo.+ Mina yimi isabelo sakho lelifa lakho phakathi kwabantu bako-Israyeli.+

21 “Khathesi-ke senginike amadodana kaLevi konke okwetshumi+ okuvela ko-Israyeli ukuthi kube lilifa lawo ngenxa yenkonzo ayenzayo, inkonzo yetende lokuhlangana. 22 Abantu bako-Israyeli akusamelanga basondele etendeni lokuhlangana, ngoba bangasondela bazabe benze isono futhi bazakufa. 23 AmaLevi yiwo okumele enze umsebenzi etendeni lokuhlangana njalo yiwo azakuba lecala nxa abantu benze iphutha.+ Akumelanga abe lelifa phakathi kwabantu bako-Israyeli.+ Lo ngumlayo ozahlala ukhona kuzo zonke izizukulwane zenu. 24 Phela amaLevi ngiwanike okwetshumi okunikelwa ngabantu bako-Israyeli ukuthi kube lilifa lawo, konke abazakunikela kuJehova. Yikho ngithe kuwo, ‘Akumelanga abe lelifa phakathi kwabantu bako-Israyeli.’”+

25 UJehova wasesithi kuMosi: 26 “Khuluma lamaLevi uthi kuwo, ‘Lizakwamukela okwetshumi okuvela ebantwini bako-Israyeli engilinike khona ukuthi kube lilifa lenu+ njalo lani kumele likhiphe okwetshumi kokwetshumi elikutholileyo linikele ngakho kuJehova.+ 27 Lokhu kuzakwamukelwa njengomnikelo wenu, kube angathi ngamabele avela esizeni*+ loba isivuno esigcweleyo esivela esikhamelweni sewayini* loba esikhamelweni samafutha. 28 Ngaleyondlela lani lizanikela umnikelo oya kuJehova ovela kukho konke okwetshumi elikuphiwa ngabantu bako-Israyeli njalo ezintweni lezo kumele likhiphe umnikelo kaJehova elizawunika u-Aroni umphristi. 29 Lizanikela yonke imihlobo yeminikelo kuJehova evela kuzo zonke izipho ezinhle eliziphiweyo,+ zibe yinto engcwele.’

30 “Kanti njalo kumele uthi kumaLevi, ‘Nxa linganikela ngokuhle kakhulu elikutholileyo, kuzathathwa njengesivuno senu esivela esizeni kanye lesivuno esivela esikhamelweni sewayini* lasesikhamelweni samafutha. 31 Lina lezimuli zenu lingakudlela loba ngaphi ngenxa yokuthi kuyimbadalo yenu yomsebenzi eliwenzayo etendeni lokuhlangana.+ 32 Alisoze libe lesono ngalokhu ingqe nje linikela okuhle kakhulu kulokho elikutholileyo njalo akumelanga lingcolise izinto ezingcwele zabantu bako-Israyeli ngoba lingafa.’”+

19 UJehova waphinda wakhuluma loMosi lo-Aroni wathi: 2 “Nanku umthetho ovela kuJehova, ‘Tshela abako-Israyeli ukuthi bakuthathele inkomokazi ebomvu engelasici+ futhi engakaze ifakwe ejogweni. 3 Kumele uyinike u-Eliyazari umphristi abeseyiqhuba aye layo ngaphandle kwezihonqo futhi izahlatshwa phambi kwakhe. 4 Ngemva kwalokho u-Eliyazari umphristi uzathatha elinye igazi layo agxamuze umunwe wakhe kulo abeselifafaza kasikhombisa eliqondise phambi kwetende lokuhlangana.+ 5 Inkomokazi leyo izatshiswa phambi kwakhe. Kuzatshiswa konke, isikhumba sayo, lenyama yayo, legazi layo kanye lomswane wayo.+ 6 Umphristi uzathatha isigodo somsedari lehisophi*+ lewulu ebomvu akuphosele emlilweni okutshiswa ngawo inkomokazi leyo. 7 Ngemva kwalokho umphristi uzawatsha izigqoko zakhe njalo ageze ngamanzi, lapho-ke usengabuyela ezihonqweni kodwa uzaqhubeka engongcolileyo kuze kuhlwe.

8 “‘Lowo otshise inkomokazi leyo uzawatsha izigqoko zakhe ageze ngamanzi njalo uzaqhubeka engongcolileyo kuze kuhlwe.

9 “‘Indoda ehlanzekileyo izabutha umlotha wenkomo+ leyo iyewuthela endaweni ehlanzekileyo ngaphandle kwezihonqo njalo abantu bako-Israyeli kumele bawugcine ukuze bawuhlanganise lamanzi okuhlambulula.+ Lo ngumnikelo wesono. 10 Leyo ndoda ezabutha umlotha wenkomokazi kumele iwatshe izigqoko zayo njalo izakuba ngengcolileyo kuze kuhlwe.

“‘Lo kuzakuba ngumlayo ozahlala ukhona ebantwini bako-Israyeli lasemuntwini wesinye isizwe ohlala phakathi kwabo.+ 11 Loba ngubani ozathinta isidumbu somuntu uzakuba ngongcolileyo okwamalanga ayisikhombisa.+ 12 Umuntu lowo kumele azihlambulule ngamanzi ngelanga lesithathu njalo uzakuba ngohlanzekileyo ngelanga lesikhombisa. Kodwa nxa angayekela ukuzihlambulula ngelanga lesithathu kasoze abe ngohlanzekileyo ngelanga lesikhombisa. 13 Wonke umuntu ozathinta isidumbu somuntu ofileyo abeseyekela ukuzihlambulula uyabe engcolisa ithabanikeli likaJehova+ futhi lowomuntu kumele abulawe.+ Uzaqhubeka engcolile ngenxa yokuthi kazange afafazwe ngamanzi okuhlambulula.+ Ukungcola kwakhe kuzaqhubeka kuphezu kwakhe.

14 “‘Lo ngumthetho ozasebenza nxa umuntu efele etendeni: Loba ngubani ozangena kulo futhi wonke umuntu ozakuba ephakathi kwalo uzakuba ngongcolileyo okwamalanga ayisikhombisa. 15 Loba yisiphi isitsha esivulekileyo esiyabe singabotshelwanga isivalo singcolile.+ 16 Loba ngubani ozakuthi esegangeni athinte umuntu obulewe ngenkemba, loba isidumbu kumbe ithambo lomuntu ofileyo loba ingcwaba uzakuba ngongcolileyo okwamalanga ayisikhombisa.+ 17 Lowo ongcolileyo kumele bamthathele umlotha womnikelo wesono otshisiweyo bawufake esitsheni bathele amanzi ahlanzekileyo kuwo. 18 Ngemva kwalokho umuntu ohlanzekileyo+ uzathatha ihisopi*+ ayigxamuze emanzini lawo abesewafafaza etendeni, lakuzo zonke izitsha, lasebantwini akade bekhonapho, lakulowo othinte ithambo lomuntu ofileyo, loba umuntu obuleweyo kumbe isidumbu loba ingcwaba. 19 Umuntu ohlanzekileyo uzafafaza amanzi lawo emuntwini ongcolileyo ngelanga lesithathu langelanga lesikhombisa njalo uzamhlambulula esonweni sakhe ngelanga lesikhombisa.+ Ngemva kwalokho lowomuntu kumele awatshe izigqoko zakhe abesegeza ngamanzi futhi uzakuba ngohlanzekileyo kusihlwa.

20 “‘Kodwa nxa umuntu angayekela ukuzihlambulula yena engcolile kumele abulawe asuswe ebandleni+ ngoba uyabe engcolise indawo kaJehova engcwele. Ungcolile ngoba kazange afafazwe ngamanzi okuhlambulula.

21 “‘Lo kuzakuba ngumlayo ozahlala ukhona kubo: Lowo ofafaza amanzi okuhlambulula+ kumele awatshe izigqoko zakhe njalo lowo othinta amanzi okuhlambulula kumele abe ngongcolileyo kuze kuhlwe. 22 Yonke into ezathintwa ngumuntu ongcolileyo izangcola njalo umuntu ozathinta leyonto uzakuba ngongcolileyo kuze kuhlwe.’”+

20 Ngenyanga yokuqala bonke abantu bako-Israyeli bafika enkangala yeZini njalo baqala ukuhlala eKhadeshi.+ Lapha yikho okwafela khona uMiriyamu+ futhi wangcwatshwa khona.

2 Abantu baswela amanzi okunatha+ njalo babuthana ukuze baxabane loMosi lo-Aroni. 3 Abantu baxabana loMosi+ bathi: “Aluba sahle sazifela ngesikhathi abafowethu besifa phambi kukaJehova! 4 Kungani lilethe ibandla likaJehova enkangala le? Lisiletheleni lapha ukuthi sizofela khonapha thina kanye lezifuyo zethu?+ 5 Lasikhiphelani eGibhithe lisiletha endaweni embi kangaka?+ Le kayisiyo ndawo yokuhlanyela inhlanyelo njalo ayisiyo ndawo yamagilebisi, lamakhiwane, lamaharinathi futhi akulamanzi okunatha.”+ 6 Ngemva kwalokho uMosi lo-Aroni basuka phambi kwebandla lako-Israyeli baya emnyango wetende lokuhlangana bafika baguqa bathi mbo phansi futhi inkazimulo kaJehova yaqala ukubonakala kubo.+

7 UJehova wasesithi kuMosi: 8 “Thatha intonga yakho njalo wena lomfowenu u-Aroni bizani bonke abantu bako-Israyeli likhulume ledwala bekhangele. Idwala lelo lizakhipha amanzi futhi uzabakhiphela amanzi edwaleni ukuze bona kanye lezifuyo zabo bathole amanzi okunatha.”+

9 Ngakho uMosi wathatha intonga phambi kukaJehova+ njengoba nje wayemtshelile. 10 UMosi lo-Aroni basebebiza bonke abantu ukuthi babuye phambi kwedwala, wathi kubo: “Zwanini lina bahlamuki! Silikhiphele amanzi edwaleni leli yini?”+ 11 UMosi wasephakamisa isandla sakhe watshaya idwala kabili ngentonga yakhe kwasekuqalisa ukuphuma amanzi amanengi futhi abantu bonke kanye lezifuyo zabo baqalisa ukunatha.+

12 Ngemva kwesikhathi uJehova wathi kuMosi lo-Aroni: “Alisoze libangenise abantu laba elizweni engizabanika lona ngenxa yokuthi alizange libe lokholo kimi futhi alingingcwelisanga phambi kwamehlo abantu bako-Israyeli.”+ 13 La kwakungamanzi aseMeribha*+ lapho abantu bako-Israyeli abaphikisana khona loJehova, okwenza watshengisa ukuthi ungcwele phakathi kwabo.

14 UMosi wasethuma izithunywa zisuka eKhadeshi ukuthi ziye enkosini yako-Edomi+ ziyekuthi kuyo: “Umfowenu u-Israyeli+ uthi, ‘Ubazi kuhle bonke ubunzima esidlule kubo. 15 Okhokho bethu baya eGibhithe+ njalo sahlala khona okweminyaka eminengi*+ futhi amaGibhithe asithwalisa nzima thina kanye labobaba bethu.+ 16 Ekucineni sakhala kuJehova+ njalo wasizwa, wasethumela ingilosi yakhe+ wasikhipha eGibhithe. Khathesi silapha eKhadeshi edolobheni elisemngceleni wendawo yakho. 17 Sicela usivumele sidlule elizweni lakho. Asisoze siqume emasimini kumbe kuloba yiphi insimu yamagilebisi njalo asisoze sinathe amanzi kuloba yiwuphi umgodi. Sizahamba ngoMgwaqo Wenkosi njalo asisoze siphambukele kwesokudla loba kwesenxele size sidlule endaweni yakho.’”+

18 Kodwa u-Edomi wathi kuye: “Ungadluli endaweni yethu. Nxa ungenza njalo ngizakuhlangabeza ngizokuhlasela ngenkemba.” 19 Abako-Israyeli bathi kuye: “Sizahamba ngomgwaqo omkhulu futhi nxa thina lezifuyo zethu singanatha amanzi akho sizawabhadalela.+ Akulalutho esilufunayo ngaphandle kokwedlula nje ngenyawo.”+ 20 Lanxa kunjalo wathi: “Alisoze ledlule lapha.”+ U-Edomi wasephuma wabahlangabeza elabantu abanengi kanye lebutho elilamandla.* 21 U-Edomi wala ukuthi abako-Israyeli badlule endaweni yakhe, ngakho batshintsha indlela.+

22 Abantu bako-Israyeli, lonke nje ibandla, basebesuka eKhadeshi bahamba baze bayafika entabeni iHori.+ 23 UJehova wasekhuluma loMosi lo-Aroni entabeni iHori, emngceleni welizwe lako-Edomi wathi: 24 “U-Aroni usezakufa.+ Kasoze angene elizweni engizalinika abantu bako-Israyeli ngoba lobabili lahlamuka layekela ukulandela umlayo engangilinike wona mayelana lamanzi aseMeribha.+ 25 Thatha u-Aroni lendodana yakhe u-Eliyazari uqanse labo intaba iHori. 26 Khipha u-Aroni izigqoko zobuphristi,+ uzigqokise u-Eliyazari+ indodana yakhe njalo u-Aroni uzafela khonapho.”*

27 Ngakho uMosi wenza khona kanye uJehova ayekutshilo njalo baqansa intaba iHori phambi kwamehlo abo bonke abantu bako-Israyeli. 28 UMosi wasekhipha izigqoko zika-Aroni zobuphristi wasezigqokisa indodana yakhe u-Eliyazari. Ngemva kwalokho u-Aroni wafela khonapho phezu kwentaba+ njalo uMosi lo-Eliyazari behla entabeni. 29 Bonke abantu bako-Israyeli bathi bebona ukuthi u-Aroni usefile, yonke indlu ka-Israyeli yamlilela u-Aroni okwamalanga angu-30.+

21 Kwathi inkosi ye-Aradi engumKhenani+ eyayihlala eNegebhi isizwa ukuthi abako-Israyeli bayeza ngendlela eya e-Atharimi, yabahlasela njalo yathumba abanye babo. 2 Ngakho u-Israyeli wenza isifungo lesi kuJehova, wathi: “Nxa unganikela abantu laba esandleni sami, ngizatshabalalisa amadolobho abo loba sekutheni.” 3 Lakanye uJehova walilalela ilizwi labantu bako-Israyeli njalo wanikela amaKhenani kubo, bawatshaya bawabhuqa kanye lamadolobho awo. Ngakho banika indawo leyo ibizo bathi yiHoma.*+

4 Bathi beqhubeka ngohambo besuka entabeni iHori+ ngendlela eqonda eLwandle Olubomvu ukuze bakhekheleze ilizwe lako-Edomi,+ abantu badinwa ngenxa yalolohambo. 5 Ngakho baqhubeka bekhuluma kubi ngoNkulunkulu langoMosi+ besithi: “Kungani lasikhipha eGibhithe ukuthi sizofela lapha enkangala? Akulakudla lamanzi okunatha+ futhi sesisizonda* isinkwa lesi esingelancedo.”+ 6 UJehova wasethumela inyoka eziyingozi* ebantwini njalo zaqhubeka zibaluma abantu bako-Israyeli kwafa abanengi.+

7 Ngakho abantu baya kuMosi bathi kuye: “Sonile ngokukhuluma kubi ngoJehova kanye lawe.+ Ncenga uJehova akhiphe inyoka lezi kithi.” UMosi wasebancengela abantu.+ 8 UJehova wasesithi kuMosi: “Yenza umfanekiso wenyoka eyingozi,* uyifake phezu kwesigodo. Loba ngubani ozalunywa kuzamele ayikhangele ukuze aqhubeke ephila.” 9 UMosi wahle wenza inyoka yekhopha+ wayifaka phezu kwesigodo+ futhi kwakusithi loba ngubani angalunywa yinyoka akhangele inyoka yekhopha abesesila.+

10 Ngemva kwalokho abako-Israyeli basuka bayakhempa e-Obhothi.+ 11 Basebesuka e-Obhothi bayakhempa e-Iye-abharimi+ enkangala ekhangelane lakoMowabi ngasempumalanga. 12 Basuka lapho baqhubeka ngohambo baze bayakhempa eduze kwesigodi seZeredi.+ 13 Bathi besuka lapho bahamba baze bayakhempa esabelweni se-Arinoni+ esisenkangala esukela emngceleni wama-Amori, ngoba i-Arinoni isemngceleni wakoMowabi phakathi kwamaMowabi lama-Amori. 14 Yikho ibhuku lezimpi zikaJehova likhuluma “ngeWahebi eseSufa kanye lezigodi ze-Arinoni, 15 langeliwa elisezigodini elihamba lize liyefika emangweni we-Ari, litshaye lize liyehlangana lomngcele wakoMowabi.”

16 Ngemva kwalokho baya eBheri. Lo yiwo umthombo uJehova akhuluma ngawo kuMosi wathi: “Buthanisa abantu ukuze ngibanike amanzi.”

17 Ngalesosikhathi abako-Israyeli bahlabela ingoma ethi:

“Gobhoza we mthombo!—Wuhlabeleleni!*

Bathi besuka enkangala baya eMathana, 19 basuka eMathana baya eNahaliyeli, basebesuka eNahaliyeli baya eBhamothi.+ 20 Basuka eBhamothi baqhubeka baze bayafika esigodini esisemangweni* wakoMowabi+ esiqongweni sePhisiga+ esikhangelane leJeshimoni.*+

21 Abako-Israyeli basebethuma izithunywa kuSihoni inkosi yama-Amori besithi:+ 22 “Sicela usivumele siqume phakathi kwelizwe lakho. Asisoze siphambukele kuloba yiphi insimu kumbe insimu yamagilebisi njalo asisoze sinathe amanzi kuloba yiwuphi umgodi. Sizahamba ngoMgwaqo Wenkosi size siphume elizweni lakho.”+ 23 Kodwa uSihoni kazange avume ukuthi abako-Israyeli badlule phakathi kwelizwe lakhe. Waqoqa bonke abantu bakhe waphuma wayahlasela abantu bako-Israyeli enkangala njalo wafika eJahazi waqala ukulwa lama-Israyeli.+ 24 Lanxa kunjalo abako-Israyeli bamnqoba ngenkemba,+ basebethatha ilizwe lakhe+ kusukela e-Arinoni+ kuze kuyefika eJabhokhi+ eduze kwama-Amoni ngoba iJazeri+ isemngceleni welizwe lama-Amoni.+

25 Ngakho abako-Israyeli bawathatha wonke amadolobho la njalo baqalisa ukuhlala kuwo wonke amadolobho ama-Amori,+ eHeshibhoni lakuwo wonke amadolobho akhelane layo.* 26 Phela iHeshibhoni yayilidolobho likaSihoni inkosi yama-Amori, eyalwa lenkosi yamaMowabi yayithathela lonke ilizwe layo kwaze kwayafika e-Arinoni. 27 Lapha yikho okwavela khona inkondlo yokuchothoza ethi:

“Wozani eHeshibhoni.

Idolobho likaSihoni kalakhiwe njalo limiswe liqine.

28 Phela kuphume umlilo eHeshibhoni, ilangabi elivela edolobheni likaSihoni.

Watshisa walobisa i-Ari yakoMowabi, amakhosi ezindawo eziphakemeyo ze-Arinoni.

29 Maye kuwe Mowabi! Awu bantu bakaKhemoshi lizatshabalaliswa!+

Wenza ukuthi amadodana akhe abe yiziphepheli lokuthi amadodakazi akhe athunjwe nguSihoni inkosi yama-Amori.

30 Asibahlaseleni!

31 Ngakho abantu bako-Israyeli baqalisa ukuhlala elizweni lama-Amori. 32 UMosi wasethuma amanye amadoda ukuthi ayehlola iJazeri.+ Bathumba amadolobho akhelane layo,* baxotsha lama-Amori ayehlala khona. 33 Ngemva kwalokho baphenduka bangena indlela eya eBhashani. U-Ogi+ inkosi yaseBhashani wasephuma lalo lonke ibutho lakhe ukuze ayekulwa labo e-Edreyi.+ 34 UJehova wathi kuMosi: “Ungamesabi+ ngoba ngizamnikela esandleni sakho yena labo bonke abantu bakhe kanye lelizwe lakhe+ futhi uzamenza khona kanye okwenze kuSihoni inkosi yama-Amori ebihlala eHeshibhoni.”+ 35 Ngakho baqhubeka besilwa laye lamadodana akhe labo bonke abantu bakhe, baze bababulala bonke baphela du+ basebethatha ilizwe lakhe.+

22 Abako-Israyeli basebesuka bayakhempa emagcekeni akoMowabi ngaphetsheya kukaJodani bekhangele iJerikho.+ 2 UBhalakhi+ indodana kaZiphori wakubona konke okwakwenziwe ngama-Israyeli kuma-Amori, 3 njalo abakoMowabi batshaywa luvalo ngoba abantu bako-Israyeli babebanengi kakhulu futhi babanjwa ngumhedehede ngenxa yama-Israyeli.+ 4 AbakoMowabi basebekhuluma labadala bakoMidiyani+ bathi: “Ibandla leli lizatshaya libhuqe zonke indawo esakhelane lazo, njengenkunzi etshabalalisa utshani egangeni.”

Ngalesosikhathi uBhalakhi indodana kaZiphori wayeyinkosi yakoMowabi. 5 Ngakho wathuma izithunywa kuBhalamu indodana kaBheyori ePhethori+ eduze komfula* elizweni adabuka kulo. Wathumela ilizwi lokuthi abizwe, esithi: “Zwana, kulesizwe esibuye lapha sivela eGibhithe njalo abantu bakhona bagcwele umhlaba wonke*+ futhi bahlezi khonapha phambi kwami. 6 Ngicela ubuye uzobaqalekisa abantu laba+ ngoba balamandla kulami. Mhlawumbe ngingabanqoba ngibadudule baphume elizweni ngoba ngikwazi mhlophe ukuthi lowo ombusisayo uyabusiswa lokuthi lowo omqalekisayo uyaqalekiswa.”

7 Ngakho abadala bakoMowabi labadala bakoMidiyani basuka bephethe imbadalo yokuhlahlula baya kuBhalamu+ bafika bamtshela umlayezo ovela kuBhalakhi. 8 UBhalamu wasesithi kubo: “Lalani lapha lamuhla njalo ngizabuya ngizolitshela loba yiliphi ilizwi uJehova azalikhuluma kimi.” Ngakho iziphathamandla zakoMowabi zalala endlini yakhe.

9 UNkulunkulu wasefika kuBhalamu wathi:+ “Ngobani amadoda la olawo?” 10 UBhalamu wathi kuNkulunkulu weqiniso: “UBhalakhi indodana kaZiphori inkosi yakoMowabi ungithumele ilizwi esithi, 11 ‘Abantu abaphume eGibhithe sebegcwele umhlaba wonke.* Woza uzongiqalekisela bona.+ Mhlawumbe ngingalwa labo ngibaxotshe.’” 12 Kodwa uNkulunkulu wathi kuBhalamu: “Ungahambi labo. Akumelanga ubaqalekise abantu besizwe leso ngoba babusisiwe.”+

13 UBhalamu wavuka ekuseni watshela iziphathamandla zikaBhalakhi wathi: “Buyelani elizweni lenu ngoba uJehova walile ukuthi ngihambe lani.” 14 Ngakho iziphathamandla zakoMowabi zasuka zabuyela kuBhalakhi zafika zathi kuye: “UBhalamu walile ukubuya lathi.”

15 Loba kunjalo, uBhalakhi waphinda wathumela ezinye iziphathamandla ezinengi njalo ezihloniphekayo kulezakuqala. 16 Zafika kuBhalamu zathi kuye: “UBhalakhi indodana kaZiphori uthe, ‘Ngicela ungavumeli lutho lukuvimbele ukuthi ubuye kimi, 17 ngoba ngizakunika udumo olukhulu njalo ngizakwenza loba yini othi ngiyenze. Yikho ngicela ubuye uzongiqalekisela abantu laba.’” 18 Loba kunjalo uBhalamu waphendula izinceku zikaBhalakhi wathi: “Lanxa uBhalakhi enganginika indlu yakhe igcwele isiliva legolide, angisoze ngenze loba yini ezakwephula umlayo kaJehova uNkulunkulu wami kungelani lokuthi incane kumbe inkulu.+ 19 Kodwa ngicela lani lilale lapha lamuhla ukuze ngizwe ukuthi kuyini okunye uJehova azangitshela khona.”+

20 UNkulunkulu wasefika kuBhalamu ebusuku wathi: “Nxa amadoda la elande ukuzokubiza hamba lawo. Kodwa kumele ukhulume lokho engizakutshela khona kuphela.”+ 21 Ngakho uBhalamu wavuka ekuseni wabophela isihlalo kubabhemi wakhe wahamba leziphathamandla zakoMowabi.+

22 Kodwa uNkulunkulu wathukuthela kakhulu ngenxa yokuthi wayesehamba njalo ingilosi kaJehova yema emgwaqweni ukuze imvimbele.* UBhalamu wayegade ubabhemi wakhe futhi wayehamba lezinceku zakhe ezimbili. 23 Ubabhemi wathi ebona ingilosi kaJehova imi emgwaqweni iphethe inkemba, wazama ukuphambuka emgwaqweni angene iganga. Kodwa uBhalamu wamtshaya ubabhemi ukuze ambuyisele emgwaqweni. 24 Ingilosi kaJehova yasisima emkotweni phakathi laphakathi kwamasimu amagilebisi, kulomduli wamatshe ngapha langapha. 25 Ubabhemi wathi ebona ingilosi kaJehova waziminyezela emdulini futhi wabandezela unyawo lukaBhalamu emdulini, uBhalamu waphinda wamtshaya.

26 Ingilosi kaJehova yaphinda yedlula yayakuma emkotweni lapho okwakungelandawo yokuphambukela kwesokudla loba kwesenxele. 27 Ubabhemi wathi ebona ingilosi kaJehova walala phansi. UBhalamu wathukuthela kakhulu futhi waqhubeka etshaya ubabhemi ngomqwayi. 28 Ekucineni uJehova wenza ukuthi ubabhemi akhulume+ njalo wathi kuBhalamu: “Kanti ngikoneleni uze ungitshaye kathathu konke?”+ 29 UBhalamu waphendula ubabhemi wakhe wathi: “Ungenza isiphukuphuku. Ngabe bengilenkemba bengizahle ngikubulale!” 30 Ubabhemi wasesithi kuBhalamu: “Angisibabhemi wakho yini obumgada okwempilo yakho yonke kuze kube lamuhla? Sengake ngakuphatha ngalindlela yini?” Yena waphendula wathi: “Hatshi!” 31 UJehova wasevula amehlo kaBhalamu+ wabona ingilosi kaJehova imi emgwaqweni iphethe inkemba. UBhalamu wahle wakhothama njalo waguqa wakhothamisa ikhanda.

32 Ingilosi kaJehova yasisithi kuye: “Ubumtshayelani ubabhemi wakho kwaze kwaba kathathu konke? Ngilapha nje ngizokuvimba ngoba indlela yakho iphikisana lentando yami.+ 33 Ubabhemi lo ungibonile wazama ukuphambuka phambi kwami kathathu konke.+ Aluba kaphambukanga phambi kwami, ngabe sengikubulele ngatshiya ubabhemi ephila!” 34 UBhalamu waphendula ingilosi kaJehova wathi: “Ngonile ngoba bengingakwazi ukuthi nguwe omi emgwaqweni ukuze uzohlangana lami. Nxa ukubona kukubi lokhu, yekela ngibuyele.” 35 Kodwa ingilosi kaJehova yathi kuBhalamu: “Hamba lawo amadoda la kodwa kumele ukhulume lokho engizakutshela khona kuphela.” Ngakho uBhalamu waqhubeka wahamba leziphathamandla zikaBhalakhi.

36 UBhalakhi wathi esizwa ukuthi uBhalamu sefikile, wahle waphuma wayamhlangabeza edolobheni lakoMowabi elisekhunjini le-Arinoni emngceleni wendawo leyo. 37 UBhalakhi wathi kuBhalamu: “Angikuthumelanga ilizwi yini? Kungani ungabuyanga? Ubucabanga ukuthi ngingehluleka ukukunika udumo olukhulu yini?”+ 38 UBhalamu waphendula uBhalakhi wathi: “Sengibuyile. Kodwa angisoze ngivunyelwe ukukhuluma loba yini engiyifunayo. Lokho uNkulunkulu azangitshela khona yikho kuphela engingakukhuluma.”+

39 Ngakho uBhalamu wahamba loBhalakhi bayafika eKhiriyathi-huzothi. 40 UBhalakhi wenza umhlatshelo ngenkomo lezimvu njalo enye inyama yakhona wayinika uBhalamu leziphathamandla ezazilaye. 41 Ekuseni uBhalakhi wathatha uBhalamu waya laye eBhamothi-bhali. UBhalamu wathi esekuleyondawo wayesesenelisa ukubabona kuhle bonke abako-Israyeli.+

23 Ngemva kwalokho uBhalamu wathi kuBhalakhi: “Ngakhela ama-alithare ayisikhombisa endaweni le+ njalo ungilungisele inkunzi eziyisikhombisa lenqama eziyisikhombisa.” 2 UBhalakhi wahle wenza khona kanye uBhalamu ayekutshilo njalo uBhalakhi loBhalamu banikela ngenkunzi lenqama e-alithareni ngalinye.+ 3 UBhalamu wasesithi kuBhalakhi: “Sala lapha eduze komnikelo wakho wokutshiswa mina ngihambe, mhlawumbe uJehova uzathintana lami. Loba yini azayiveza ngizakutshela.” Ngakho wasesuka waya phezu koqaqa.

4 UNkulunkulu wasethintana laye+ njalo uBhalamu wathi kuye: “Ngifolise ama-alithare ayisikhombisa alandelana futhi nginikele inkunzi lenqama e-alithareni ngalinye.” 5 UJehova wafaka amazwi emlonyeni kaBhalamu,+ wasesithi: “Buyela kuBhalakhi uyemtshela amazwi lawo.” 6 Ngakho wabuyela, wasebona uBhalakhi leziphathamandla zakoMowabi bemi eduze komnikelo wakhe wokutshiswa. 7 Wasehaya inkondlo wathi:+

‘Woza uzongiqalekisela uJakhobe.

Buya sibili uzochothoza u-Israyeli.+

 8 Kambe ngingabaqalekisa njani labo uNkulunkulu angabaqalekisanga?

Ngingabachothoza njani labo uJehova angazange abachothoze?+

10 Ngubani ongalubala uthuli lukaJakhobe+

Kumbe ongayibala ingxenye yesine ka-Israyeli?

11 UBhalakhi wasesithi kuBhalamu: “Kanti ungenzani? Ngikulethe lapha ukuthi uzoqalekisa abantu abayizitha zami kodwa akulalutho olwenzileyo ngaphandle kokubabusisa.”+ 12 Yena wamphendula wathi: “Akumelanga ngikhulume lokho uJehova akufaka emlonyeni wami yini?”+

13 UBhalakhi wasesithi kuye: “Ngicela siye kwenye indawo lapho ozababona khona. Awusoze ubabone bonke kodwa uzabona ingxenye yabo kuphela, ungiqalekisele bona usendaweni leyo.”+ 14 Ngakho wahamba laye egangeni leZofimu, esiqongweni sePhisiga+ njalo wakha ama-alithare ayisikhombisa, wasenikela ngenkunzi lenqama e-alithareni ngalinye.+ 15 UBhalamu wasesithi kuBhalakhi: “Sala lapha eduze komnikelo wakho wokutshiswa mina ngisaya ngale ukuze ngiyekhuluma loNkulunkulu.” 16 UJehova wasethintana loBhalamu njalo wafaka amazwi emlonyeni wakhe,+ wathi: “Buyela kuBhalakhi uyemtshela amazwi lawo.” 17 Ngakho wabuyela kuye wamthola elokhu emlindele eseduze komnikelo wakhe wokutshiswa, eleziphathamandla zakoMowabi. UBhalakhi wambuza wathi: “Utheni uJehova?” 18 UBhalamu wasehaya inkondlo wathi:+

“Bhalakhi, sukuma ulalele.

Zwana engikutshoyo wena ndodana kaZiphori.

Kambe angakhuluma ulutho angalwenzi yini?

Angakhuluma abeseyekela ukwenza akukhulumileyo yini?+

22 UNkulunkulu uyabakhipha eGibhithe.+

Unjengempondo zenkunzi yeganga kubo.+

Khathesi kungakhulunywa ngoJakhobe lo-Israyeli kuthiwe:

‘Khangela ubone osekwenziwe nguNkulunkulu!’

Asisoze silale phansi size sidle esikubambileyo

Sixhaphe legazi lababuleweyo.”

25 Ngemva kwalokho uBhalakhi wathi kuBhalamu: “Nxa kusehlula ukuthi uqalekise abantu laba, kungcono ungababusisi.” 26 UBhalamu wasemphendula wathi: “Angitshongo yini ukuthi ngizakwenza konke uJehova akutshoyo?”+

27 UBhalakhi wasesithi kuBhalamu: “Ngicela siye kwenye indawo futhi. Mhlawumbe kungaba kuhle emehlweni kaNkulunkulu weqiniso ukuthi ungiqalekisele bona ukuleyondawo.”+ 28 Ngakho uBhalakhi wathatha uBhalamu waya laye esiqongweni sePheyori esikhangelane leJeshimoni.*+ 29 UBhalamu wasesithi kuBhalakhi: “Ngakhela ama-alithare ayisikhombisa endaweni le, ungilungisele lenkunzi eziyisikhombisa lenqama eziyisikhombisa.”+ 30 Ngakho uBhalakhi wenza khona kanye uBhalamu ayekutshilo futhi wanikela ngenkunzi eyodwa lenqama eyodwa e-alithareni ngalinye.

24 UBhalamu wathi ebona ukuthi kuyamthokozisa uJehova* ukubusisa u-Israyeli kasazange aphinde asuke ayedinga imilingo yokubaqalekisa+ kodwa watshibilika wakhangela enkangala. 2 UBhalamu wathi ephakamisa amehlo wabona abako-Israyeli bekhempile kusiya ngezizwana zabo+ njalo umoya kaNkulunkulu wehlela kuye.+ 3 Wasehaya inkondlo wathi:+

10 UBhalakhi wamthukuthelela kakhulu uBhalamu, waze waqakeza izandla wathi kuye: “Ngikubizele ukuthi uzoqalekisa izitha zami+ kodwa akulalutho olwenzileyo ngaphandle kokubusisa abantu laba kathathu konke. 11 Buyela khathesi emzini wakho. Bengifuna ukukunika udumo olukhulu+ kodwa uJehova ukuphuthise udumo obuzaluthola.”

12 UBhalamu waphendula uBhalakhi wathi: “Angitshongo yini ebantwini owabathumayo ngathi, 13 ‘Lanxa uBhalakhi enganginika indlu yakhe igcwele isiliva legolide angisoze ngenze loba yini engizicabangele yona,* ngeqe umlayo kaJehova, kungelani lokuthi inhle kumbe imbi. Ngizakhuluma lokho uJehova azangitshela khona kuphela’?+ 14 Khathesi sengibuyela ebantwini bakithi. Kodwa woza ngikuncwebe indlebe ngalokho isizwe lesi esizakwenza ebantwini bakho ngesikhathi esizayo.”* 15 Ngakho wahaya inkondlo wathi:+

20 Wathi ebona u-Amaleki waqhubeka ehaya inkondlo wathi:

21 Wathi ebona amaKheni+ waqhubeka ngenkondlo yakhe wathi:

“Indawo yakho yokuhlala ivikelekile, indlu yakho imiswe phezu kwedwala.

22 Kodwa ukhona ozatshisa iKhayini ayilobise.

Kambe kuzadlula isikhathi esinganani i-Asiriya ingakakuthumbi?”

23 Waqhubeka ngenkondlo yakhe wathi:

“Maye! Ngubani ozasila nxa uNkulunkulu esekwenza lokhu?

Kodwa laye uzatshabalala.”

25 Ngemva kwalokho uBhalamu+ wasuka wabuyela emzini wakhe, uBhalakhi laye wasuka wahamba.

25 Abako-Israyeli bathi sebehlala eShithimi,+ basebeqalisa ukufeba lamadodakazi akoMowabi.+ 2 Abesifazana laba banxusa abantu emihlatshelweni yabonkulunkulu babo+ njalo abantu baqalisa ukudla kanye lokukhothamela onkulunkulu babo.+ 3 Ngakho abako-Israyeli baqalisa ukukhonza uBhali wasePheyori+ futhi uJehova wabathukuthelela kakhulu. 4 UJehova wasesithi kuMosi: “Thatha bonke abakhokheli babantu laba ubalengise phambi kukaJehova emini libalele ukuze ulaka lukaJehova oluvuthayo lusuke ebantwini bako-Israyeli.” 5 UMosi wasekhuluma labahluleli bako-Israyeli+ wathi: “Ngamunye wenu kumele abulale abantu laba abakhonze uBhali wasePheyori.”+

6 Khonokho nje kwathutsha omunye umuntu wako-Israyeli ezihonqweni elowesifazana ongumMidiyani,+ phambi kukaMosi labo bonke abako-Israyeli, ngesikhathi bekhala besemnyango wetende lokuhlangana. 7 UFiniyasi+ indodana ka-Eliyazari indodana ka-Aroni umphristi wathi ekubona lokhu wahle wasukuma phakathi kwebandla lonke wathatha umkhonto 8 wayilanda indoda yako-Israyeli etendeni wafika wabagwaza bobabili, yona lowesifazana lowo, umkhonto wabahlaba wayathutshela ngale udabula esithweni sensitha sowesifazana. Isifo esasesibehlele abako-Israyeli sahle saphela.+ 9 Isifo leso sabulala abantu abangu-24 000.+

10 UJehova wasesithi kuMosi: 11 “UFiniyasi+ indodana ka-Eliyazari, indodana ka-Aroni umphristi, ulususile ulaka lwami ebantwini bako-Israyeli ngoba kazange avumele ukuthi kube lomuntu ongathembekanga kimi phakathi kwabo.+ Ngakho lanxa ngifuna abantu bazinikele kimi kuphela angisazange ngibatshabalalise abako-Israyeli.+ 12 Yikho mtshele ukuthi sengisenza laye isivumelwano sami sokuthula. 13 Lesi kuzakuba yisivumelwano sobuphristi esizahlala sikhona kuye labantwabakhe abazalandela ngemva kwakhe+ ngoba kazange avumele ukuthi kube lomuntu ongathembekanga kuNkulunkulu wakhe+ njalo uhlawulele abantu bako-Israyeli.”

14 Kwatholakala ukuthi ibizo lendoda yako-Israyeli eyabulawa kanye lowesifazana ongumMidiyani kwakungu-Zimri indodana kaSalu eyayingumkhokheli wabendlu yakoSimiyoni. 15 Ibizo lowesifazana ongumMidiyani owabulawayo kwakunguKhozibhi indodakazi kaZuri+ umkhokheli wabosendo lwabendlu kayise koMidiyani.+

16 Ngemva kwesikhathi uJehova wathi kuMosi: 17 “Wathwaliseni nzima amaMidiyani liwabulale,+ 18 ngenxa yokuthi abelokhu elithwalise nzima ngezenzo zawo zobuqili endabeni kaPheyori+ lekaKhozibhi indodakazi yomkhokheli wakoMidiyani, eyabulawa+ ngelanga lohlupho olwabangelwa* yindaba kaPheyori.”+

26 Ngemva kohlupho*+ uJehova wakhuluma loMosi lo-Eliyazari indodana ka-Aroni umphristi wathi: 2 “Balani bonke abantu bako-Israyeli kusiya ngezindlu zaboyise kusukela kwabaleminyaka engu-20 kusiya phezulu, libale bonke abangaba ngamasotsha ko-Israyeli.”+ 3 Ngakho uMosi lo-Eliyazari+ umphristi bakhuluma labantu emagcekeni akoMowabi+ eduze komfula uJodani eJerikho+ bathi: 4 “Balani bonke abaleminyaka engu-20 kusiya phezulu njengoba nje uJehova etshilo kuMosi.”+

Amadodana ka-Israyeli aphuma elizweni laseGibhithe yila: 5 URubheni+ izibulo lika-Israyeli; abadabuka kumadodana kaRubheni+ yilaba: kuHanokhi kwavela usendo lwakoHanokhi, kuPhalu kwavela usendo lwakoPhalu, 6 kuHezironi kwavela usendo lwakoHezironi, kuKhami kwavela usendo lwakoKhami. 7 Laba yibo abosendo lwakoRubheni ngezimuli zabo njalo bonke ababhaliswayo kubo babengu-43 730.+

8 Indodana kaPhalu kwakungu-Eliyabi. 9 Amadodana ka-Eliyabi kwakunguNemuweli loDathani lo-Abhiramu. UDathani lo-Abhiramu babengamadoda akhethiweyo ko-Israyeli njalo yibo abalwa loMosi+ lo-Aroni bebambene leqembu likaKhora+ ngesikhathi besilwa loJehova.+

10 Umhlaba wavuleka wabaginya. UKhora yena wafa labasekeli bakhe ngesikhathi umlilo uqothula amadoda angu-250+ njalo baba yisixwayiso kwabanye.+ 11 Kodwa amadodana kaKhora kawazange abulawe.+

12 Amadodana kaSimiyoni+ ngezimuli zawo yila: kuNemuweli kwavela usendo lwakoNemuweli, kuJamini kwavela usendo lwakoJamini, kuJakhini kwavela usendo lwakoJakhini, 13 kuZera kwavela usendo lwakoZera, kuShawuli kwavela usendo lwakoShawuli. 14 Laba yibo abosendo lwakoSimiyoni, babengu-22 200.+

15 Amadodana kaGadi+ ngezimuli zawo yila: kuZefoni kwavela usendo lwakoZefoni, kuHagi kwavela usendo lwakoHagi, kuShuni kwavela usendo lwakoShuni, 16 ku-Ozini kwavela usendo lwako-Ozini, ku-Eri kwavela usendo lwako-Eri, 17 ku-Arodi kwavela usendo lwako-Arodi, ku-Areli kwavela usendo lwako-Areli. 18 Laba yibo abosendo lwamadodana kaGadi njalo ababhaliswayo kubo babengu-40 500.+

19 Amadodana kaJuda+ kwakungu-Eri lo-Onani+ kodwa u-Eri lo-Onani bafela elizweni leKhenani.+ 20 Amadodana kaJuda kusiya ngezimuli zawo kwakuyila: kuShela+ kwavela usendo lwakoShela, kuPherezi+ kwavela usendo lwakoPherezi, kuZera+ kwavela usendo lwakoZera. 21 Amadodana kaPherezi kwakuyila: kuHezironi+ kwavela usendo lwakoHezironi, kuHamuli+ kwavela usendo lwakoHamuli. 22 Laba yibo abosendo lwakoJuda njalo ababhaliswayo kubo babengu-76 500.+

23 Amadodana ka-Isakhari+ ngezimuli zawo kwakuyila: kuThola+ kwavela usendo lwakoThola, kuPhuva kwavela usendo lwakoPhuva; 24 kuJashubhi kwavela usendo lwakoJashubhi, kuShimroni kwavela usendo lwakoShimroni. 25 Laba yibo abosendo lwako-Isakhari futhi ababhaliswayo kubo babengu-64 300.+

26 Amadodana kaZebhuloni+ ngezimuli zawo yila: kuSeredi kwavela usendo lwakoSeredi, ku-Eloni kwavela usendo lwako-Eloni, kuJahaliyeli kwavela usendo lwakoJahaliyeli. 27 Laba yibo abosendo lwakoZebhuloni njalo ababhaliswayo kubo babengu-60 500.+

28 Amadodana kaJosefa+ ngezimuli zawo yila: UManase lo-Efrayimi.+ 29 Amadodana kaManase+ yila: kuMakhiri+ kwavela usendo lwakoMakhiri njalo uMakhiri wazala uGiliyadi,+ kuGiliyadi kwavela usendo lwakoGiliyadi. 30 Amadodana kaGiliyadi yila: ku-Iyezeri kwavela usendo lwako-Iyezeri, kuHeleki kwavela usendo lwakoHeleki, 31 ku-Asriyeli kwavela usendo lwako-Asriyeli, kuShekhemu kwavela usendo lwakoShekhemu, 32 kuShemida kwavela usendo lwakoShemida, kuHeferi kwavela usendo lwakoHeferi. 33 UZelofehadi indodana kaHeferi wayengelawo amadodana, wayezele amadodakazi kuphela.+ Amabizo amadodakazi akhe+ kwanguMahila, loNowa, loHogila, loMilikha kanye loThiriza. 34 Laba yibo abosendo lwakoManase njalo ababhaliswayo kubo babengu-52 700.+

35 Amadodana ka-Efrayimi+ ngezimuli zawo yila: kuShuthela+ kwavela usendo lwakoShuthela, kuBhekheri kwavela usendo lwakoBhekheri, kuThahani kwavela usendo lwakoThahani. 36 Amadodana kaShuthela yila: ku-Erani kwavela usendo lwako-Erani. 37 Laba yibo abosendo lwamadodana ka-Efrayimi ngezimuli zabo njalo ababhaliswayo kubo babengu-32 500.+ La yiwo amadodana kaJosefa ngezimuli zawo.

38 Amadodana kaBhenjamini+ ngezimuli zawo yila: kuBhela+ kwavela usendo lwakoBhela, ku-Ashibheli kwavela usendo lwako-Ashibheli, ku-Ahiramu kwavela usendo lwako-Ahiramu; 39 kuShefufami kwavela usendo lwakoShufami, kuHufamu kwavela usendo lwakoHufamu. 40 Amadodana kaBhela kwakungu-Aridi loNamani,+ ku-Aridi kwavela usendo lwako-Aridi, kuNamani kwavela usendo lwakoNamani. 41 Laba yibo abosendo lwamadodana kaBhenjamini ngezimuli zabo njalo ababhaliswayo kuwo babengu-45 600.+

42 Amadodana kaDani+ ngezimuli zawo yila: kuShuhamu kwavela usendo lwakoShuhamu. Laba yibo abosendo lukaDani ngezimuli zabo. 43 Bonke abosendo lwakoShuhamu ababhaliswayo babengu-64 400.+

44 Amadodana ka-Asheri+ ngezimuli zawo yila: ku-Imna kwavela usendo lwako-Imna, ku-Ishivi kwavela usendo lwako-Ishivi, kuBheriya kwavela usendo lwakoBheriya. 45 Amadodana kaBheriya yila: kuHebheri kwavela usendo lwakoHebheri, kuMalikhiyeli kwavela usendo lwakoMalikhiyeli. 46 Ibizo lendodakazi ka-Asheri kwakunguSera. 47 Laba yibo abosendo lwamadodana ka-Asheri ngezimuli zabo njalo ababhaliswayo kuwo babengu-53 400.+

48 Amadodana kaNafithali+ ngezimuli zawo yila: kuJahazeli kwavela usendo lwakoJahazeli, kuGuni kwavela usendo lwakoGuni, 49 kuJezeri kwavela usendo lwakoJezeri, kuShilemu kwavela usendo lwakoShilemu. 50 Laba yibo abosendo lwakoNafithali ngezimuli zabo njalo ababhaliswayo kubo babengu-45 400.+

51 Sebebonke abako-Israyeli ababhaliswayo babengu-601 730.+

52 Ngemva kwalokho uJehova wathi kuMosi: 53 “Ilizwe kumele labelwe abantu laba libe lilifa labo kulandelwa uluhlu lwamabizo.+ 54 Kumele wengeze ilifa lamaqembu amakhulu njalo unciphise ilifa lamaqembu amancane.+ Iqembu ngalinye kufanele liphiwe ilifa elihambelana lenani lamabizo abantu ababhalisiweyo. 55 Kodwa ilizwe kumele labiwe ngenkatho.+ Kumele bathole ilifa labo kusiya ngamabizo ezizwana zaboyise. 56 Ilifa ngalinye lizakwabiwa ngenkatho njalo lahlukaniswe phakathi kwamaqembu amakhulu lamaqembu amancane.”

57 Abesizwana sakoLevi ababhaliswayo+ ngezimuli zabo yilaba: kuGeshoni kwavela usendo lwakoGeshoni, kuKhohathi+ kwavela usendo lwakoKhohathi, kuMerari kwavela usendo lwakoMerari. 58 Lezi zimuli zamaLevi: Abemuli yakoLibhini,+ labemuli yakoHebroni,+ labemuli yakoMahili,+ labemuli yakoMushi+ kanye labemuli yakoKhora.+

UKhohathi wayenguyise ka-Amramu.+ 59 Ibizo lomka-Amramu kwakunguJokhebhedi+ indodakazi kaLevi ayizalelwa ngumkakhe eGibhithe. UJokhebhedi wazalela umkakhe u-Amramu abantwana, u-Aroni loMosi kanye lodadewabo uMiriyamu.+ 60 U-Aroni yena wazalelwa uNadabi, lo-Abhihu, lo-Eliyazari kanye lo-Ithamari.+ 61 Kodwa uNadabi lo-Abhihu bafa ngenxa yokuletha umlilo ongavunyelwayo phambi kukaJehova.+

62 Sebebonke abesilisa abangamaLevi ababhaliswayo kusukela kolenyanga eyodwa kusiya phezulu babengu-23 000.+ Bona abazange babhaliswe labanye abantu bako-Israyeli+ ngoba babengasoze baphiwe ilifa phakathi kwabo.+

63 Laba yibo ababhaliswa nguMosi lo-Eliyazari umphristi ngesikhathi bebhalisa abantu bako-Israyeli emagcekeni akoMowabi eduze komfula uJodani eJerikho. 64 Kodwa phakathi kwabo kwakungela loyedwa umuntu owayebhaliswe nguMosi lo-Aroni umphristi ngesikhathi abantu bako-Israyeli bebalwa enkangala yeSinayi.+ 65 Phela uJehova wayekhulume ngabo wathi: “Loba sekutheni bazafela enkangala.”+ Ngakho kakho loyedwa phakathi kwabo owasala ephila ngaphandle kukaKhalebhi indodana kaJefune loJoshuwa indodana kaNuni.+

27 Ngemva kwalokho amadodakazi kaZelofehadi,+ indodana kaHeferi, indodana kaGiliyadi, indodana kaMakhiri, indodana kaManase, owemuli zakoManase indodana kaJosefa asondela kuMosi. Amabizo awo kwakunguMahila, loNowa, loHogila, loMilikha kanye loThiriza. 2 Ama phambi kukaMosi lo-Eliyazari umphristi labakhokheli+ kanye labo bonke abako-Israyeli emnyango wetende lokuhlangana athi: 3 “Ubaba wafela enkangala kodwa wayengekho phakathi kweqembu labasekeli bakaKhora+ elahlangana ukuze limelane loJehova, yena wazifela ngenxa yesono sakhe njalo wayengelabantwana abangabafana. 4 Kungani kumele ibizo likababa linyamalale kwabosendo lwakhe ngenxa yokuthi wayengelamntwana ongumfana? Sicela lisinike ilifa phakathi kwabafowabo bakababa.” 5 Ngakho uMosi wethula udaba lwawo phambi kukaJehova.+

6 UJehova wasesithi kuMosi: 7 “Lokho okutshiwo ngamadodakazi kaZelofehadi kuqondile. Loba sekutheni kumele uwaphe ilifa phakathi kwabafowabo bakayise njalo udlulisele ilifa likayise kuwo.+ 8 Kanti njalo, tshela abako-Israyeli uthi: ‘Nxa umuntu angafa engelamntwana ongumfana, ilifa lakhe kumele liphiwe indodakazi yakhe. 9 Nxa engelayo indodakazi, ilifa lakhe kumele liphiwe abafowabo. 10 Nxa engelabo abafowabo, ilifa lakhe kumele lilinike abafowabo bakayise. 11 Nxa uyise engelabo abafowabo, ilifa lakhe kumele liphiwe isihlobo segazi esiseduze emulini yangakibo njalo sizalithatha libe lilifa laso. Isinqumo lesi sizakuba ngumlayo ozasebenza ebantwini bako-Israyeli njengoba nje uJehova etshilo kuMosi.’”

12 UJehova wasesithi kuMosi: “Qansa intaba le yase-Abharimi+ ubone ilizwe engizalinika abantu bako-Israyeli.+ 13 Nxa usulibonile lawe uzakufa njengomfowenu u-Aroni,+ ungcwatshwe njengabanye abantu bakini,+ 14 ngoba abantu bako-Israyeli bathi bemelana lami enkangala yeZini, langihlamukela layekela ukulandela engangilitshele khona ukuze lingingcwelise phambi kwabo ngesikhathi ngilinika amanzi.+ Lokhu kwenzakala emanzini aseMeribha+ eKhadeshi+ enkangala yeZini.”+

15 UMosi wasesithi kuJehova: 16 “Sengathi uJehova uNkulunkulu onika bonke abantu ukuphila angakhethela abantu bakhe indoda, 17 ezaphuma iphinde ingene phambi kwabo futhi ezabakhokhela nxa bephuma lanxa bengena, ukuze abantu bakaJehova bangabi njengezimvu ezingelamelusi.” 18 Ngakho uJehova wasesithi kuMosi: “Thatha uJoshuwa indodana kaNuni, indoda efaneleyo, ubeke izandla phezu kwakhe.+ 19 Ngemva kwalokho ummise phambi kuka-Eliyazari umphristi laphambi kwabo bonke abantu, umbeke ukuthi abe ngumkhokheli phambi kwabo.+ 20 Kumele umnike amanye amandla olawo*+ ukuze bonke abantu bako-Israyeli bamlalele.+ 21 UJoshuwa uzakuma phambi kuka-Eliyazari umphristi, yena ozambuzela izinqumo zokwahlulela nge-Urimi+ phambi kukaJehova. Ngomlayo wakhe bazaphuma futhi ngomlayo wakhe bazangena, yena labo bonke abako-Israyeli, bonke nje abantu.”

22 Ngakho uMosi wakwenza lokho uJehova ayekutshilo. Wathatha uJoshuwa wammisa phambi kuka-Eliyazari umphristi laphambi kwalo lonke ibandla, 23 wasebeka izandla zakhe phezu kwakhe njalo wambeka ukuthi abe ngumkhokheli,+ njengoba nje uJehova wayetshilo kuye.+

28 UJehova wasesithi kuMosi: 2 “Khuluma labako-Israyeli uthi kubo, ‘Kumele libe leqiniso lokuthi liyawunikela umnikelo wami, isinkwa sami. Iminikelo yami etshiswa ngomlilo ukuthi ibe luqhatshi olumnandi kimi kumele yenziwe ngezikhathi zayo ezibekiweyo.’+

3 “Batshele uthi, ‘Nanku umnikelo otshiswa ngomlilo elizawunikela kuJehova: Ngelanga ngalinye kumele linikele ngemvana ezinduna ezimbili ezingelasici, zibe ngumnikelo wokutshiswa owenziwa zikhathi zonke.+ 4 Enye imvana enduna lizanikela ngayo ekuseni kuthi enye enduna linikele ngayo sekuhwalala,*+ 5 ndawonye lomnikelo wamabele wefulawa ecolekileyo oyingxenye ye-efa* eyodwa etshumini ehlanganiswe lamafutha ayingxenye yehini* eyodwa kwezine akhanywe kuma-oliva.+ 6 Lo ngumnikelo wokutshiswa owenziwa zikhathi zonke,+ owaqaliswa entabeni iSinayi ukuze ube luqhatshi olumnandi, umnikelo otshiselwa uJehova ngomlilo, 7 kanye lomnikelo wawo wokunathwayo oyingxenye yehini eyodwa kwezine, ozanikelwa lemvana enduna ngayinye.+ Thela endaweni engcwele umnikelo wokunathwayo okudakayo, ube ngumnikelo wokunathwayo kuJehova. 8 Kumele unikele enye imvana enduna sekuhwalala kanye lomnikelo wamabele onjengalowo onikelwe ekuseni kanye lomnikelo wokunathwayo ofananayo. Uzakunikela kube ngumnikelo otshiswa ngomlilo, kube luqhatshi olumnandi kuJehova.+

9 “‘Kodwa ngelanga leSabatha+ kumele kunikelwe ngemvana ezimbili ezinduna ezingelasici kanye lomnikelo wamabele wefulawa ecolekileyo ehlanganiswe lamafutha ozingxenye ze-efa ezimbili etshumini, ndawonye lomnikelo wakhona wokunathwayo. 10 Lo ngumnikelo wokutshiswa ozakwenziwa ngeSabatha ndawonye lomnikelo owenziwa zikhathi zonke lomnikelo wawo wokunathwayo.+

11 “‘Ekuqaliseni kwenyanga ngayinye* kumele linikele ngamajongosi amabili lenqama eyodwa kanye lemvana ezinduna eziyisikhombisa ezilomnyaka owodwa ezingelasici,+ kube ngumnikelo otshiselwa uJehova, 12 kanye lomnikelo wamabele wefulawa ecolekileyo ehlanganiswe lamafutha ozingxenye ezintathu etshumini,+ ozanikelwa lejongosi ngalinye kanye lomnikelo wamabele wefulawa ecolekileyo ozingxenye ezimbili etshumini ozanikelwa lenqama,+ 13 kanye lomnikelo wamabele wefulawa ecolekileyo ehlanganiswe lamafutha oyingxenye eyodwa etshumini, ozanikelwa lemvana ngayinye enduna kube ngumnikelo wokutshiswa, ube luqhatshi olumnandi,+ umnikelo otshiselwa uJehova ngomlilo. 14 Umnikelo wokunathwayo ozanikelwa lejongosi ngalinye kumele ube liwayini eliyingxenye yehini+ njalo ozanikelwa lenqama kumele ube yingxenye yehini eyodwa kwezintathu,+ ikanti owemvana enduna kumele ube yingxenye yehini eyodwa kwezine.+ Lo ngumnikelo wokutshiswa ozakwenziwa nyanga zonke kuze kuphele umnyaka. 15 Kanti njalo kumele linikele ngezinyane lembuzi elilodwa libe ngumnikelo wesono kuJehova phezu komnikelo wokutshiswa owenziwa zikhathi zonke kanye lomnikelo wawo wokunathwayo.

16 “‘Mhlaka 14 ngenyanga yokuqala kuzakuba liPhasika likaJehova.+ 17 Mhlaka 15 ngayonaleyo nyanga kuzakuba lomkhosi njalo kuzadliwa isinkwa esingelamvubelo okwamalanga ayisikhombisa.+ 18 Ngelanga lokuqala kuzakuba lomhlangano ongcwele. Akumelanga lenze loba yiwuphi umsebenzi onzima. 19 Kumele linikele ngamajongosi amabili lenqama eyodwa kanye lemvana ezinduna eziyisikhombisa ezilomnyaka owodwa, kube ngumnikelo wokutshiswa owenzelwa uJehova ngomlilo. Kufanele linikele ngezifuyo ezingelasici.+ 20 Kumele lizinikele ndawonye leminikelo yamabele yefulawa ecolekileyo ehlanganiswe lamafutha.+ Owejongosi kumele ube zingxenye ezintathu etshumini, owenqama ube zingxenye ezimbili etshumini. 21 Lizaletha lengxenye eyodwa etshumini ezanikelwa lemvana enduna yinye ngayinye kuzo zonke eziyisikhombisa, 22 kanye lembuzi eyodwa eyomnikelo wesono ukuze lihlawulelwe. 23 Kumele linikele ngezinto lezi lengezelele phezu komnikelo owenziwa ekuseni, oyingxenye yomnikelo owenziwa zikhathi zonke. 24 Lizanikela izinto lezi ngendlela efananayo nsuku zonke okwamalanga ayisikhombisa zibe njengokudla,* umnikelo otshiswa ngomlilo, ube luqhatshi olumnandi kuJehova. Kumele zinikelwe ndawonye lomnikelo wokutshiswa owenziwa zikhathi zonke kanye lomnikelo wawo wokunathwayo. 25 Ngelanga lesikhombisa kumele lenze umhlangano ongcwele.+ Akumelanga lenze loba yiwuphi umsebenzi onzima.+

26 “‘Ngelanga lezithelo zenu zokuqala,+ nxa seliletha umnikelo wenu wamabele amatsha kuJehova,+ kumele lenze umhlangano ongcwele ngesikhathi sedili lenu lamaviki.+ Akumelanga lenze loba yiwuphi umsebenzi onzima.+ 27 Lizanikela ngamajongosi amabili, lenqama eyodwa kanye lemvana ezinduna eziyisikhombisa ezilomnyaka owodwa, kube ngumnikelo wokutshiswa oloqhatshi olumnandi kuJehova,+ 28 njalo lizaletha lomnikelo wamabele wefulawa ecolekileyo ehlanganiswe lamafutha, owejongosi ngalinye ube zingxenye ezintathu etshumini owenqama ube zingxenye ezimbili etshumini, 29 lengxenye eyodwa etshumini ezanikelwa lemvana enduna yinye ngayinye kuzo zonke eziyisikhombisa, 30 kanye lezinyane lembuzi elilodwa ukuze lihlawulelwe izono zenu.+ 31 Lizanikela izinto lezi lengezelele phezu komnikelo wokutshiswa owenziwa zikhathi zonke kanye lomnikelo wawo wamabele. Kumele kube yizifuyo ezingelasici+ kanye leminikelo yazo yokunathwayo.

29 “‘Mhlaka 1 ngenyanga yesikhombisa kumele libe lomhlangano ongcwele. Akumelanga lenze loba yiwuphi umsebenzi onzima.+ Kuzakuba lilanga lokutshaya amacilongo.+ 2 Kumele linikele ngejongosi elilodwa, lenqama eyodwa, lemvana ezinduna eziyisikhombisa ezilomnyaka owodwa kube ngumnikelo wokutshiswa oloqhatshi olumnandi kuJehova, zonke kumele kube yizifuyo ezingelasici. 3 Lizanikela lomnikelo wazo wamabele wefulawa ecolekileyo ehlanganiswe lamafutha. Owejongosi ube zingxenye ze-efa ezintathu etshumini, owenqama ube zingxenye ezimbili etshumini, 4 lengxenye eyodwa etshumini ezanikelwa lemvana enduna eyodwa yinye ngayinye kuzo zonke eziyisikhombisa, 5 lezinyane lembuzi eliduna elomnikelo wesono ukuze lihlawulelwe izono zenu. 6 Lokhu lizakunikela phezu komnikelo wokutshiswa owenziwa nyanga zonke kanye lomnikelo wakhona wamabele+ lomnikelo wokutshiswa owenziwa zikhathi zonke lomnikelo wawo wamabele+ kanye leminikelo yakhona yokunathwayo,+ lilandela lokho okujayele ukwenziwa, kube luqhatshi olumnandi, umnikelo otshiselwa uJehova ngomlilo.

7 “‘Mhlaka 10 ngenyanga yesikhombisa kumele lenze umhlangano ongcwele+ njalo kufanele lizihlukuluze.* Akumelanga lenze loba yiwuphi umsebenzi.+ 8 Lizanikela ngejongosi elilodwa, lenqama eyodwa lemvana ezinduna eziyisikhombisa ezilomnyaka owodwa, kube ngumnikelo otshiselwa uJehova, oloqhatshi olumnandi. Konke kumele kube ngokungelasici.+ 9 Lizaletha lomnikelo wakho wamabele wefulawa ecolekileyo ehlanganiswe lamafutha. Owejongosi ube zingxenye ezintathu etshumini, owenqama ube zingxenye ezimbili etshumini, 10 lengxenye eyodwa etshumini ezanikelwa lemvana enduna yinye ngayinye kuzo zonke eziyisikhombisa, 11 kanye lezinyane lembuzi elilodwa elomnikelo wesono, phezu komnikelo wesono wokuhlawulelwa+ lomnikelo wokutshiswa owenziwa zikhathi zonke lomnikelo wawo wamabele ndawonye leminikelo yakhona yokunathwayo.

12 “‘Mhlaka 15 ngenyanga yesikhombisa kumele lenze umhlangano ongcwele. Akumelanga lenze loba yiwuphi umsebenzi onzima njalo kufanele lenzele uJehova umkhosi okwamalanga ayisikhombisa.+ 13 Lizanikela ngamajongosi angu-13, lenqama ezimbili, lemvana ezinduna ezingu-14 ezilomnyaka owodwa, kube ngumnikelo wokutshiswa,+ umnikelo oloqhatshi olumnandi otshiselwa uJehova ngomlilo futhi konke kumele kube ngokungelasici.+ 14 Lizaletha lomnikelo wakho wamabele wefulawa ecolekileyo ehlanganiswe lamafutha. Owejongosi linye ngalinye kumele ube zingxenye ezintathu etshumini kuwo wonke angu-13, owenqama yinye ngayinye ube zingxenye ezimbili etshumini, 15 lomnikelo oyingxenye eyodwa etshumini ozanikelwa lemvana enduna yinye ngayinye kuzo zonke ezingu-14, 16 kanye lezinyane lembuzi elilodwa elomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

17 “‘Ngelanga lesibili lizanikela ngamajongosi angu-12 lenqama ezimbili lemvana ezinduna ezingu-14 ezilomnyaka owodwa futhi konke kumele kube ngokungelasici.+ 18 Lizaletha lomnikelo wakhona wamabele leminikelo yakhona yokunathwayo, owamajongosi, lowenqama, lowemvana ezinduna kusiya ngenani lakho lilandela lokho okujayele ukwenziwa, 19 kanye lezinyane lembuzi elilodwa elomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele leminikelo yawo yokunathwayo.+

20 “‘Ngelanga lesithathu lizanikela ngamajongosi angu-11 lenqama ezimbili lemvana ezinduna ezingu-14 ezilomnyaka owodwa futhi konke kumele kube ngokungelasici.+ 21 Lizaletha lomnikelo wakhona wamabele leminikelo yakhona yokunathwayo, owamajongosi, lowenqama lowemvana ezinduna kusiya ngenani lakho lilandela lokho okujayele ukwenziwa, 22 kanye lembuzi eyodwa eyomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

23 “‘Ngelanga lesine lizanikela ngamajongosi angu-10 lenqama ezimbili lemvana ezinduna ezingu-14 ezilomnyaka owodwa futhi konke kumele kube ngokungelasici.+ 24 Lizaletha lomnikelo wakhona wamabele, leminikelo yakhona yokunathwayo, owamajongosi, lowenqama lowemvana ezinduna kusiya ngenani lakho lilandela lokho okujayele ukwenziwa, 25 kanye lezinyane lembuzi elilodwa elomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

26 “‘Ngelanga lesihlanu lizanikela ngamajongosi angu-9 lenqama ezimbili lemvana ezingu-14 ezinduna ezilomnyaka owodwa futhi konke kumele kube ngokungelasici.+ 27 Lizaletha lomnikelo wakhona wamabele, leminikelo yakhona yokunathwayo, owamajongosi, lowenqama lowemvana ezinduna kusiya ngenani lakho lilandela lokho okujayele ukwenziwa, 28 kanye lezinyane lembuzi elilodwa elomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

29 “‘Ngelanga lesithupha lizanikela ngamajongosi angu-8 lenqama ezimbili lemvana ezingu-14 ezilomnyaka owodwa futhi konke kumele kube ngokungelasici.+ 30 Lizaletha lomnikelo wakhona wamabele, leminikelo yakhona yokunathwayo, owamajongosi, lowenqama lowemvana ezinduna kusiya ngenani lakho lilandela lokho okujayele ukwenziwa, 31 kanye lembuzi eyodwa eyomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele leminikelo yawo yokunathwayo.+

32 “‘Ngelanga lesikhombisa lizanikela ngamajongosi angu-7 lenqama ezimbili lemvana ezingu-14 ezinduna ezilomnyaka owodwa futhi konke kumele kube ngokungelasici.+ 33 Lizaletha lomnikelo wakhona wamabele leminikelo yakhona yokunathwayo, owamajongosi, lowenqama lowemvana ezinduna kusiya ngenani lakho lilandela lokho okujayele ukwenziwa kukho, 34 kanye lembuzi eyodwa eyomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

35 “‘Ngelanga lesi-8 kumele lenze umhlangano ongcwele. Akumelanga lenze loba yiwuphi umsebenzi onzima.+ 36 Kumele linikele ngejongosi elilodwa, lenqama eyodwa, lemvana ezinduna eziyisikhombisa ezilomnyaka owodwa kube ngumnikelo wokutshiswa oloqhatshi olumnandi kuJehova, zonke kumele kube yizifuyo ezingelasici.+ 37 Lizaletha lomnikelo wakhona wamabele leminikelo yakhona yokunathwayo, owejongosi lowenqama kanye lowemvana ezinduna kusiya ngenani lazo kulandelwa lokho okujayele ukwenziwa, 38 kanye lembuzi eyodwa eyomnikelo wesono, phezu komnikelo wokutshiswa owenziwa zikhathi zonke, lomnikelo wawo wamabele lomnikelo wawo wokunathwayo.+

39 “‘Le yiyo iminikelo elizayiletha kuJehova ngesikhathi semikhosi yenu,+ lisengezelela phezu kweminikelo yenu yezifungo,+ leminikelo yenu yokuzithandela+ ukuthi ibe yiminikelo yenu yokutshiswa,+ leminikelo yenu yamabele,+ leminikelo yenu yokunathwayo+ kanye lemihlatshelo yenu yobudlelwano.’”+ 40 UMosi watshela abantu bako-Israyeli konke ayekutshelwe nguJehova.

30 UMosi wasekhuluma labakhokheli bezizwana+ zako-Israyeli wathi, “Nanku umlayo ovela kuJehova: 2 Nxa umuntu angenza isifungo+ kuJehova kumbe enze isithembiso+ sokuthi uzazila okuthile, kumele agcwalise ilizwi lakhe.+ Kufanele enze konke athembise ukuthi uzakwenza.+

3 “Nxa intombi ingenza isifungo kuJehova kumbe ithembise ukuthi izazila okuthile yona isahlala emzini kayise, 4 uyise abesesizwa ngesifungo sayo kumbe ngesithembiso esenzileyo sokuzila into ethile futhi angaphikisani lakho lokho, zonke izifungo ezenzileyo zizaqhubeka zisebenza futhi zonke izithembiso zokuzila okuthile ezenzileyo zizaqhubeka zisebenza. 5 Kodwa nxa uyise angathi esizwa ukuthi yenze izifungo kumbe ukuthi ithembise ukuzila izinto ezithile abeseyalisa, ekufungileyo akusoze kusebenze. UJehova uzayithethelela ngoba uyise kayivumelanga.+

6 “Nxa intombi leyo ingenda ivele isingaphansi kwesifungo sayo kumbe ingaphansi kwesithembiso esenze ingacabanganga, 7 umkayo abesesizwa ngezifungo lezo kanye lezithembiso ezenzileyo zokuthi izazila okuthile kodwa angayalisi ngalelolanga azizwe ngalo, izifungo lezo zizaqhubeka zisebenza. 8 Kodwa nxa umkayo angathi ekuzwa lokho abeseyalisa ngalelolanga akuzwe ngalo, uyabe enze ukuthi isifungo leso loba isithembiso esenzileyo singasasebenzi+ njalo uJehova uzayithethelela.

9 “Nxa owesifazana ongumfelokazi kumbe odivosileyo angenza isifungo, uyabe ebophekile kukho konke akuthembisileyo.

10 “Kodwa nxa owesifazana angenza isifungo kumbe athembise ukuthi uzazila okuthile, yena engaphansi kophahla lomkakhe, 11 njalo umkakhe ekuzwile lokho futhi engazange ale kumbe aphikisane lakho, zonke izifungo azenzileyo zizaqhubeka zisebenza. Loba yisiphi isithembiso sokuzila okuthile asenzileyo asisoze sitshintshe. 12 Kodwa nxa indoda yakhe ingamalisa ngelanga ekuzwe ngalo lokho, iyabe isicitshe loba yisiphi isifungo asenzileyo kumbe isithembiso sokuzila okuthile asenzileyo, asisoze sisebenze.+ Indoda yakhe yenze ukuthi zingasebenzi njalo uJehova uzamthethelela. 13 Loba yisiphi isifungo kumbe isithembiso esiphathelane lokuzila esenziwa ngowesifazana ukuze azincitshe okuthile, umkakhe nguye ozamnika imvumo yokuthi asigcwalise yini loba hatshi. 14 Kodwa nxa insuku zilokhu ziselekana umkakhe engazange amalise, uyabe esezivumele zonke izifungo lezo kumbe zonke nje izithembiso zokuzila okuthile azenzileyo. Uvumele ukuthi zenziwe ngoba kazange amalise ngelanga amuzwa ngalo efunga. 15 Kodwa nxa angamvimbela ukwenza izifungo lezo ngemva kwesikhathi, ilanga azizwa ngalo selidlulile, umkakhe nguye ozathwala umlandu wecala elenziwe yinkosikazi yakhe.+

16 “Le yiyo imilayo uJehova ayitshela uMosi, ephathelane lendoda lomkayo kanye lobaba lendodakazi yakhe esakhulayo ehlala laye emzini wakhe.”

31 UJehova wasesithi kuMosi: 2 “Phindiselela+ abantu bako-Israyeli kwabakoMidiyani.+ Ngemva kwalokho uzakufa.”+

3 Ngakho uMosi wakhuluma labantu wathi: “Nikani amadoda aphakathi kwenu izikhali ayehlasela abakoMidiyani futhi aphindiselele uJehova koMidiyani. 4 Kumele lithathe abantu abangu-1 000 esizwaneni sinye ngasinye kuzo zonke izizwana zako-Israyeli libathumele empini.” 5 Ngakho kwathathwa amadoda angu-1 000 esizwaneni ngasinye kuzinkulungwane zako-Israyeli.+ Kwakungamadoda angu-12 000 ayehlomele ukuyahlasela.

6 Ngemva kwalokho uMosi wakhipha amasotsha angu-1 000 esizwaneni ngasinye ukuthi ayehlasela. Ayehamba loFiniyasi+ umphristi webutho, indodana ka-Eliyazari njalo nguye owayekhangela izinto ezingcwele kanye lamacilongo empi.+ 7 Bawasusela amanqe amaMidiyani njengoba nje uJehova wayetshilo kuMosi futhi babulala bonke abesilisa. 8 Phakathi kwalabo ababulawayo, kwakulamakhosi akoMidiyani u-Evi, loRekhemu, loZuri, loHuri kanye loRebha, amakhosi akoMidiyani amahlanu. Babulala loBhalamu+ indodana kaBheyori ngenkemba. 9 Kodwa abako-Israyeli bathumba abesifazana bakoMidiyani labantwana. Babutha zonke izifuyo zabo lemihlambi yabo kanye layo yonke impahla yabo. 10 Batshisa wonke amadolobho ababehlala kuwo kanye lazo zonke izindawo ababemise kuzo amatende abo. 11 Kanti njalo bathatha konke ababekuthumbile, okugoqela abantu lezifuyo. 12 Ngemva kwalokho bathatha abantu abathunjiweyo kanye lempahla ababeyitholile baya lakho kuMosi lomphristi u-Eliyazari kanye labantu bako-Israyeli ezihonqweni, emagcekeni akoMowabi+ eduze komfula uJodani, eJerikho.

13 UMosi lo-Eliyazari umphristi labo bonke abakhokheli bako-Israyeli basebephuma bayabahlangabeza ngaphandle kwezihonqo. 14 Kodwa uMosi wawazondela kakhulu amadoda akhethiweyo ayengabakhokheli bebutho, izinduna zabantu abayinkulungwane lezinduna zabantu abalikhulu ezazivela empini. 15 UMosi wathi kuwo: “Kungani litshiye bonke abesifazana bephila? 16 Phela yibo abalalela ilizwi likaBhalamu bahuga abako-Israyeli babenza bangathembeki+ kuJehova endabeni yasePheyori,+ okwabangela ukuthi abantu bakaJehova behlelwe luhlupho.+ 17 Ngakho kumele libulale bonke abantwana abangabafana laye wonke owesifazana oseke walala lendoda. 18 Kodwa wonke nje amantombazana angakaze alale lendoda+ lingawatshiya ephila. 19 Kumele lihlale phandle kwezihonqo okwamalanga ayisikhombisa. Loba ngubani phakathi kwenu obulele umuntu laloba ngubani othinte isidumbu somuntu obuleweyo,+ kumele azihlambulule+ ngelanga lesithathu langelanga lesikhombisa. Kumele lizihlambulule lina kanye labantu elibathumbileyo. 20 Zonke izigqoko, lazo zonke izinto ezenziwe ngesikhumba, lakho konke okwenziwe ngoboya bembuzi lakho konke okwenziwe ngesigodo kumele likuhlambulule esonweni.”

21 U-Eliyazari umphristi wasekhuluma lamabutho ayevela empini wathi, “Nanku umthetho uJehova awutshele uMosi: 22 ‘Igolide, lesiliva, lekhopha, lensimbi, lethini kanye lomnuso, 23 konke nje okungeke kutshe nxa kungafakwa emlilweni kumele likudlulise emlilweni njalo kuzakuba ngokuhlanzekileyo. Loba kunjalo kumele liphinde likuhlambulule ngamanzi okuhlambulula.+ Kodwa okunye okungeke kudluliswe emlilweni kumele likuhlambulule ngamanzi. 24 Kumele liwatshe izigqoko zenu ngelanga lesikhombisa, libe ngabahlanzekileyo. Ngemva kwalokho selingangena ezihonqweni.’”+

25 UJehova wasesithi kuMosi: 26 “Bala impahla ethunjiweyo, okugoqela abantu abathunjiweyo kanye lezifuyo. U-Eliyazari umphristi labakhokheli bezizwana zako-Israyeli yibo abazakuncedisa ukwenza lokhu. 27 Yehlukanisa impahla ethunjiweyo ibe zingxenye ezimbili ukuze yabelwe amasotsha avela hlasela, labantu bonke bako-Israyeli.+ 28 Kumele uthathe umthelo oya kuJehova kuwo wonke amasotsha ahambe empini, uthathe umuntu oyedwa phakathi kwabangu-500, lesifuyo esisodwa kwezingu-500 emihlambini yenkomo, lakubobabhemi, lasemihlambini yezimvu leyembuzi. 29 Kumele likuthathe engxenyeni yawo, ubusukunika u-Eliyazari umphristi kube ngumnikelo ophiwa uJehova.+ 30 Engxenyeni ezanikwa abantu bako-Israyeli kumele uthathe umuntu oyedwa kwabangu-50, lesifuyo esisodwa kwezingu-50 emihlambini yenkomo, lakubobabhemi, lasemihlambini yezimvu leyembuzi lakuyo yonke imihlobo yezifuyo. Izinto lezi kumele uzinike amaLevi+ ayiwo enza imisebenzi ephathelane lethabanikeli likaJehova.”+

31 Ngakho uMosi lo-Eliyazari umphristi benza khona kanye uJehova ayekutshele uMosi. 32 Yonke impahla ethunjiweyo, konke nje okwakuthunjwe ngamasotsha ayephume ayahlasela, kwakungumhlambi wezimvu lembuzi ezingu-675 000, 33 lomhlambi wenkomo ezingu-72 000, 34 kanye labobabhemi abangu-61 000. 35 Abesifazana ababengakaze balale lendoda+ bona babengu-32 000. 36 Ingxenye eyaba yisabelo salabo ababephume baya empini yaba zimbuzi lezimvu ezingu-337 500. 37 Imbuzi lezimvu zomthelo oya kuJehova zazingu-675. 38 Kwakulomhlambi wenkomo ezingu-36 000, kwasekuphuma ezingu-72 zaba ngumthelo kaJehova. 39 Obabhemi babengu-30 500 njalo kwaphuma abangu-61 baba ngumthelo kaJehova. 40 Kanti njalo kwakulabantu abangu-16 000 futhi kwaphuma abangu-32 baba ngumthelo kaJehova. 41 UMosi wasethatha umthelo lowo owawungumnikelo kaJehova wawunika u-Eliyazari umphristi,+ njengoba nje uJehova wayetshilo kuMosi.

42 Engxenyeni yabantu bako-Israyeli leyo uMosi ayeseyehlukanise lengxenye yamadoda ayevela empini, 43 kwakulomhlambi wezimvu lowembuzi ezingu-337 500, 44 lomhlambi wenkomo ezingu-36 000, 45 labobabhemi abangu-30 500 46 kanye labantu abangu-16 000. 47 Engxenyeni eyisabelo sabantu bako-Israyeli, uMosi wathatha umuntu oyedwa kwabangu-50 wenza njalo lasemihlambini yezifuyo. Konke lokhu wakunika amaLevi+ ayesenza umsebenzi ethabanikeli likaJehova,+ njengoba nje uJehova wayetshilo kuye.

48 Ngemva kwalokho amadoda akhethiweyo ayengabakhokheli bezinkulungwane zebutho,+ izinduna zabantu abayinkulungwane lezinduna zabantu abalikhulu aya kuMosi, 49 athi kuye: “Izinceku zakho sezibale wonke amadoda empi angaphansi kwazo njalo akula lelilodwa isotsha elingekho phakathi kwethu.+ 50 Ngakho vumela ngamunye wethu alethe akutholileyo kube ngumnikelo kaJehova, izinto ezenziwe ngegolide, amaketane agqokwa enqagaleni, lamasongo, lendandatho ezilophawu, lamacici lezinye izinto eziligugu ukuze sihlawulelwe phambi kukaJehova.”

51 Ngakho uMosi lo-Eliyazari umphristi balamukela igolide elivela kubo, yonke nje imiceciso eligugu. 52 Lonke igolide lomnikelo abaliletha kuJehova elalivela ezinduneni zabantu abayinkulungwane lezinduneni zabantu abalikhulu, lalingamashekheli* angu-16 750. 53 Indoda ngayinye eyayilisotsha yayilempahla eyayizithumbele yona. 54 UMosi lo-Eliyazari balamukela igolide elalivela ezinduneni zabantu abayinkulungwane lasezinduneni zabantu abalikhulu njalo balisa etendeni lokuhlangana ukuze libe yisikhumbuzo ebantwini bako-Israyeli phambi kukaJehova.

32 Amadodana kaRubheni+ lamadodana kaGadi+ ayelezifuyo ezinengi kakhulu njalo abona ukuthi indawo yaseJazeri+ leyaseGiliyadi yayiyindawo enhle efanele izifuyo. 2 Ngakho amadodana kaGadi lamadodana kaRubheni alanda uMosi lo-Eliyazari umphristi labakhokheli babantu bako-Israyeli athi kubo: 3 “I-Atharothi, leDibhoni, leJazeri, leNimra, leHeshibhoni,+ le-Eliyale, leSebhami, leNebho+ kanye leBheyoni,+ 4 indawo ezanqotshwa nguJehova phambi kwabantu bako-Israyeli,+ zindawo ezifanele izifuyo njalo izinceku zakho zilezifuyo ezinengi kakhulu.”+ 5 Aqhubeka athi: “Nxa sithole umusa kuwe sicela ukuthi indawo le ibe yilo ilifa lezinceku zakho. Ungasichaphisi umfula uJodani siye phetsheya.”

6 UMosi wasesithi kumadodana kaGadi lamadodana kaRubheni: “Kambe lizasala lizihlalele khonapha abafowenu besiya empini? 7 Kungani kumele lenze abantu bako-Israyeli baphele amandla bacine bedonda ukuchapha baye elizweni uJehova azabanika lona? 8 Lokhu yikho kanye okwenziwa ngoyihlo ngesikhathi ngibathuma siseKhadeshi-bhaneya ukuthi bayehlola ilizwe.+ 9 Bathi sebehambe baze bayafika esigodini se-Eshikholi+ njalo balibona ilizwe, basebesenza abako-Israyeli baphela amandla besaba ukuya elizweni uJehova ayezabanika lona.+ 10 UJehova wathukuthela kakhulu ngalelolanga waze wafunga wathi:+ 11 ‘Wonke amadoda aphume eGibhithe aleminyaka engu-20 kusiya phezulu kawasoze alibone ilizwe+ engafunga ngalo ku-Abrahama lo-Isaka loJakhobe+ ngoba kawazange angilandele ngenhliziyo yonke, 12 ngaphandle kukaKhalebhi+ indodana kaJefune umKhenizi loJoshuwa+ indodana kaNuni ngenxa yokuthi balandele uJehova ngenhliziyo yonke.’+ 13 Ngakho ulaka lukaJehova lwavutha ebantwini bako-Israyeli wasebangela ukuthi bazulazule enkangala okweminyaka engu-40,+ saze saphela sonke isizukulwane leso esasisenza okubi phambi kukaJehova.+ 14 Khathesi lani bantu abalesono selilandela khonokho okwakusenziwa ngoyihlo abaqhubeka besengezelela ulaka lukaJehova ebantwini bako-Israyeli. 15 Nxa lingayekela ukumlandela uzaphinda abatshiye abantu laba enkangala njalo lizakwenza ukuthi bonke abantu laba batshabalale.”

16 Baphinda babuyela kuye ngemva kwesikhathi bathi: “Sivumele sakhele izifuyo zethu izibaya zamatshe lapha njalo sakhele labantwabethu amadolobho. 17 Kodwa sizaqhubeka sikulungele ukuya empini+ njalo sizahamba phambi kwabantu bako-Israyeli size siyebafikisa endaweni yabo. Abantwabethu bona bazasala behlezi khonapha emadolobheni avikelweyo ukuze bavikeleke ebantwini belizwe leli. 18 Asisoze sibuyele emizini yethu wonke umuntu wako-Israyeli aze athole indawo ezakuba lilifa lakhe.+ 19 Phela asisoze sithole ilifa ndawonye labo ngaphetsheya komfula uJodani ngoba elethu ilifa sesilitholile ngapha empumalanga komfula uJodani.”+

20 UMosi wabaphendula wathi: “Nxa lizathwala izikhali phambi kukaJehova lihlomele impi,+ 21 njalo nxa ngamunye wenu ezathwala izikhali achaphe umfula uJodani phambi kukaJehova, ngesikhathi esedudula izitha zakhe phambi kwakhe+ 22 ilizwe lonke lize linqotshwe phambi kukaJehova,+ ngemva kwalokho selingabuyela+ njalo alisoze libe lecala kuJehova lasebantwini bako-Israyeli. Lapho-ke ilizwe leli lizakuba lilifa lenu phambi kukaJehova.+ 23 Kodwa nxa lingasoze likwenze lokhu, lizabe lenze isono kuJehova futhi kumele likwazi ukuthi isono senu sizalilandela. 24 Ngakho lingabakhela abantwabenu amadolobho lakhele lezifuyo zenu izibaya+ kodwa kumele lenze lokho elikuthembisileyo.”

25 Amadodana kaGadi lamadodana kaRubheni asesithi kuMosi: “Izinceku zakho zizakwenza khona kanye inkosi yami ekutshoyo. 26 Sizatshiya abantwabethu lamakhosikazi ethu lemihlambi yethu lazo zonke izifuyo zethu emadolobheni eGiliyadi,+ 27 kodwa izinceku zakho zizachapha ziye phetsheya, wonke nje amadoda ahlomele ukuyakulwa impi phambi kukaJehova,+ njengokutsho kwakho nkosi yami.”

28 Ngakho uMosi wakhipha umlayo mayelana labo wawutshela u-Eliyazari umphristi loJoshuwa indodana kaNuni lalabo ababengabakhokheli bezindlu zaboyise ezizwaneni zako-Israyeli. 29 UMosi wathi kubo: “Nxa amadodana kaGadi lamadodana kaRubheni angachapha lani aye ngaphetsheya komfula uJodani, wonke nje amadoda ahlomele impi phambi kukaJehova njalo nxa ilizwe linganqotshwa phambi kwenu, kuzamele liwanike ilizwe leGiliyadi libe lilifa lawo.+ 30 Kodwa nxa engasoze athwale izikhali achaphe lani, kuzamele ayehlala phakathi kwenu khonale elizweni leKhenani.”

31 Amadodana kaGadi lamadodana kaRubheni aphendula athi: “Izinceku zakho zizakwenza lokho uJehova akukhulumileyo kuzo. 32 Sizathwala izikhali phambi kukaJehova sichaphe siye elizweni leKhenani+ kodwa ilifa lethu esizalithola lizakuba ngapha komfula uJodani.” 33 Ngakho uMosi wanika amadodana kaGadi lamadodana kaRubheni+ lengxenye yesizwana sakoManase+ indodana kaJosefa, umbuso kaSihoni+ inkosi yama-Amori lombuso ka-Ogi+ inkosi yaseBhashani. Wawanika ilizwe lelo lamadolobho ayesezindaweni zakhona kanye lamadolobho endawo eligombolozeleyo.

34 Amadodana kaGadi akha* iDibhoni,+ le-Atharothi,+ le-Aroweri,+ 35 le-Athirothi-shofani, leJazeri,+ leJogibheha,+ 36 leBhethi-nimira+ kanye leBhethi-harani,+ amadolobho avikelwe ngemiduli njalo akhela imihlambi yawo yezimvu izibaya zamatshe. 37 Amadodana kaRubheni akha iHeshibhoni,+ le-Eliyale,+ leKhiriyathayimi,+ 38 leNebho+ kanye leBhali-meyoni,+ [amabizo amadolobho lawo atshintshwa]. Akha leSibhima futhi aqalisa ukunika amadolobho ayewakhe kutsha amabizo amatsha.

39 Amadodana kaMakhiri+ indodana kaManase ahamba ayahlasela iGiliyadi ayithumba njalo adudula ama-Amori ayehlala kuyo. 40 Ngakho uMosi wanika uMakhiri indodana kaManase iGiliyadi futhi wahle wayahlala kuyo.+ 41 UJayiri indodana kaManase wahamba wayahlasela imizi elamatende wayithumba, wayibiza ngokuthi yiHavothi-jayiri.*+ 42 UNobha wahamba wayahlasela iKhenathi wayithumba kanye lamadolobho akhelane layo* njalo wayinika ibizo lakhe wathi yiNobha.

33 Lezi yizo izigaba zohambo lwabantu bako-Israyeli ngesikhathi besuka elizweni laseGibhithe+ ngamaqembu* abo+ bekhokhelwa nguMosi lo-Aroni.+ 2 UMosi waqhubeka ebhala izindawo ababesuka kuzo kusiya ngezigaba zohambo lwabo belandela umlayo kaJehova. Nanzi izigaba zohambo lwabo besuka kwenye indawo besiya kwenye:+ 3 Abako-Israyeli basuka eRamesesi+ mhlaka 15 ngenyanga yokuqala.+ Ngalo kanye ilanga elalandela iPhasika+ baphuma ngesibindi bonke abaseGibhithe bekhangele. 4 Ngalesosikhathi amaGibhithe ayengcwaba wonke amazibulo awo ayebulewe nguJehova+ ngoba uJehova wayebahlulele onkulunkulu bawo futhi wabajezisa.+

5 Ngakho abako-Israyeli basuka eRamesesi bayakhempa eSukhothi.+ 6 Basebesuka eSukhothi bayakhempa e-Ethamu+ esemngceleni wenkangala. 7 Ngemva kwalokho basuka e-Ethamu babuyela emuva baqonda ePhihahirothi maqondana leBhali-zefoni+ basebekhempa phambi kweMigidoli.+ 8 Ngemva kwalokho basuka ePhihahirothi badabula phakathi kolwandle+ baya enkangala+ njalo baqhubeka ngohambo okwamalanga amathathu enkangala ye-Ethamu+ baze bayakhempa eMara.+

9 Basebesuka eMara baya e-Elimi njalo e-Elimi kwakulemithombo yamanzi engu-12 lezihlahla zelala ezingu-70, ngakho bakhempa kuleyondawo.+ 10 Basebesuka e-Elimi bayakhempa eduze koLwandle Olubomvu. 11 Ngemva kwalokho basuka eLwandle Olubomvu bayakhempa enkangala yeSini.+ 12 Basebesuka enkangala yeSini bayakhempa eDofikha. 13 Ngemva kwesikhathi basuka eDofikha bayakhempa e-Alusha. 14 Bathi besuka e-Alusha bayakhempa eRefidimu+ njalo endaweni leyo kwakungelamanzi okuthi abantu banathe. 15 Ngemva kwalokho basuka eRefidimu bayakhempa enkangala yeSinayi.+

16 Basuka enkangala yeSinayi bayakhempa eKhibrothi-hathava.+ 17 Basebesuka eKhibrothi-hathava bayakhempa eHazerothi.+ 18 Ngemva kwalokho basuka eHazerothi bayakhempa eRithima. 19 Basuka eRithima bayakhempa eRimoni-pherezi. 20 Basebesuka eRimoni-pherezi bayakhempa eLibhina. 21 Basuka eLibhina bayakhempa eRisa. 22 Bathi besuka eRisa bayakhempa eKhehelatha. 23 Basebesuka eKhehelatha bayakhempa entabeni iShefa.

24 Ngemva kwalokho basuka entabeni iShefa bayakhempa eHarada. 25 Basebesuka eHarada bayakhempa eMakhelothi. 26 Bathi besuka+ eMakhelothi bayakhempa eThahathi. 27 Ngemva kwalokho basuka eThahathi bayakhempa eThera. 28 Basebesuka eThera bayakhempa eMithikha. 29 Ngemva kwesikhathi basuka eMithikha bayakhempa eHashimona. 30 Bathi besuka eHashimona bayakhempa eMoserothi. 31 Basebesuka eMoserothi bayakhempa eBhene-jakhani.+ 32 Bathi besuka eBhene-jakhani bayakhempa eHori-hagidigadi. 33 Ngemva kwalokho basuka eHori-hagidigadi bayakhempa eJothibhatha.+ 34 Ngemva kwesikhathi basuka eJothibhatha bayakhempa e-Abhurona. 35 Basebesuka e-Abhurona bayakhempa e-Eziyoni-gebheri.+ 36 Ngemva kwalokho basuka e-Eziyoni-gebheri bayakhempa enkangala yeZini,+ okutsho eKhadeshi.

37 Ngemva kwesikhathi basuka eKhadeshi bayakhempa entabeni iHori+ emngceleni welizwe lako-Edomi. 38 U-Aroni umphristi waqansa entabeni iHori elandela umlayo kaJehova njalo wafela khona. Kwakumhlaka 1 ngenyanga yesihlanu, ngomnyaka wesi-40 abako-Israyeli besuke elizweni laseGibhithe.+ 39 U-Aroni wayeseleminyaka engu-123 ngesikhathi esifa entabeni iHori.

40 Inkosi yase-Aradi+ engumKhenani eyayihlala eNegebhi elizweni leKhenani yezwa ukuthi abako-Israyeli bayeza.

41 Ngokuhamba kwesikhathi basuka entabeni iHori+ bayakhempa eZalimona. 42 Ngemva kwalokho basuka eZalimona bayakhempa ePhunoni. 43 Bathi besuka ePhunoni bayakhempa e-Obhothi.+ 44 Basebesuka e-Obhothi bayakhempa e-Iye-abharimi emngceleni wakoMowabi.+ 45 Ngemva kwesikhathi basuka e-Iyimi bayakhempa eDibhoni-gadi.+ 46 Ngemva kwalokho basuka eDibhoni-gadi bayakhempa e-Alimoni-dibhilathayimi. 47 Basebesuka e-Alimoni-dibhilathayimi bayakhempa ezintabeni ze-Abharimi+ phambi kweNebho.+ 48 Ekucineni basuka ezintabeni ze-Abharimi bayakhempa emagcekeni akoMowabi eduze komfula uJodani, eJerikho.+ 49 Baqhubeka bekhempe eceleni komfula uJodani kusukela eBhethi-jeshimothi kuze kuyefika e-Abheli-shithimi+ emagcekeni akoMowabi.

50 UJehova wakhuluma loMosi emagcekeni akoMowabi eduze komfula uJodani eJerikho, wathi: 51 “Khuluma labantu bako-Israyeli uthi, ‘Selichapha umfula uJodani ukuze lingene elizweni leKhenani.+ 52 Kumele lidudule phambi kwenu bonke abantu abahlala elizweni lelo njalo litshabalalise izithombe zabo ezibaziweyo+ lazo zonke izithombe zabo ezenziwe ngensimbi+ futhi lidilize zonke izindawo zabo eziphakemeyo ezingcwele.+ 53 Lizathatha ilizwe lelo libe ngelenu lihlale kulo, ngoba loba sekutheni ngizalinika lona libe ngelenu.+ 54 Kumele labelane ilizwe ngenkatho+ libe lilifa lenu kusiya ngezimuli zenu. Amaqembu amakhulu kumele lingezelele ilifa lawo njalo linciphise ilifa lamaqembu amancane.+ Ilifa lomuntu ngamunye lizakuba sendaweni ayithole ngenkatho. Lizakwamukela indawo ezakuba lilifa lenu kusiya ngezizwana zaboyihlo.+

55 “‘Nxa lingayekela ukubadudula phambi kwenu abantu abahlala elizweni,+ labo elizabatshiya bazakuba njengokhophe emehlweni enu, lanjengameva emihlubulweni yenu njalo bazalithwalisa nzima elizweni elizahlala kulo,+ 56 futhi lami ngizalenza lokho ebengihlose ukubenza khona.’”+

34 UJehova waqhubeka ekhuluma loMosi wathi: 2 “Tshela abantu bako-Israyeli uthi, ‘Nxa selingenile elizweni leKhenani,+ lelo yilo ilizwe elizaliphiwa ukuthi libe lilifa lenu, ilizwe leKhenani kusiya ngemingcele yalo.+

3 “‘Umngcele wenu oseningizimu uzasukela enkangala yeZini eceleni kwe-Edomi futhi umngcele wenu weningizimu ngasempumalanga uzasukela emaphethelweni oLwandle Lwesawudo.+ 4 Umngcele wenu uzajika udlule eningizimu komqanso we-Akhirabhimi+ uqhubeke uze uyefika eZini njalo uzaphelela eningizimu kweKhadeshi-bhaneya.+ Uzadlula uye eHazari-adari,+ uqhubeke uze uyefika e-Azimoni. 5 Umngcele lo uzajika e-Azimoni uye esihotsheni* seGibhithe uyephelela elwandle.*+

6 “‘Umngcele wenu wentshonalanga uzakuba luLwandle Olukhulu* kanye lendawo esekhunjini. Lo kuzaba ngumngcele wenu wentshonalanga.+

7 “‘Umngcele wenu wenyakatho uzakuba yilo: Lizawufaka usukele eLwandle Olukhulu uye entabeni iHori. 8 Kusukela entabeni iHori lizafaka umngcele wenu uqonde eLebho-hamathi*+ uyephelela eZedadi.+ 9 Umngcele lo uzaqhubeka uze uyefika eZifironi njalo uzaphelela eHazari-enani.+ Lo kuzakuba ngumngcele wenu wenyakatho.

10 “‘Ngemva kwalokho kumele lidwebe umngcele wenu wempumalanga usukele eHazari-enani uye eShefami. 11 Kusukela eShefami umngcele uzaqhubeka uye eRibhila empumalanga kwe-Ayini njalo uzanaba udabule emaqaqeni asempumalanga koLwandle lweKhinerethi.*+ 12 Umngcele lo uzaqhubeka uye emfuleni uJodani uze uyephelela eLwandle Lwesawudo.+ Leli yilo okuzakuba lilizwe lenu+ kanye lemingcele eligombolozeleyo.’”

13 Ngakho uMosi watshela abako-Israyeli wathi: “Leli yilo ilizwe elizalabelana ngenkatho ukuthi libe lilifa lenu,+ njengoba nje uJehova etshilo ukuthi kumele linikwe izizwana ezingu-9 lengxenye yesinye isizwana. 14 Lokhu kungenxa yokuthi isizwana sakoRubheni ngezindlu zaboyise, lesizwana sakoGadi ngezindlu zaboyise kanye lengxenye yesizwana sakoManase sezilitholile ilifa lazo.+ 15 Izizwana ezimbili lengxenye yesinye isizwana sezilithethe ilifa lazo esabelweni esingaphetsheya komfula uJodani ngaseJerikho, empumalanga.”+

16 UJehova waqhubeka ekhuluma loMosi wathi: 17 “La ngamabizo amadoda azakwaba ilizwe elizakuba lilifa lenu: U-Eliyazari+ umphristi kanye loJoshuwa+ indodana kaNuni. 18 Kanti njalo lizathatha umkhokheli oyedwa esizwaneni ngasinye ukuze abe ilizwe libe lilifa lenu.+ 19 Nanka amabizo amadoda akhethiweyo: Owesizwana sakoJuda+ nguKhalebhi+ indodana kaJefune, 20 owesizwana samadodana kaSimiyoni+ nguShemuweli indodana ka-Amihudi, 21 owesizwana sakoBhenjamini+ ngu-Elidadi indodana kaKhisiloni, 22 owesizwana samadodana kaDani+ ngumkhokheli uBhukhi indodana kaJogili, 23 owamadodana kaJosefa,+ esizwaneni samadodana kaManase+ ngumkhokheli uHaniyeli indodana ka-Efodi, 24 owesizwana samadodana ka-Efrayimi+ ngumkhokheli uKhemuweli indodana kaShifithani, 25 owesizwana samadodana kaZebhuloni+ ngumkhokheli u-Elizafani indodana kaPhanakhi, 26 owesizwana samadodana ka-Isakhari+ ngumkhokheli uPhalithiyeli indodana ka-Azani, 27 owesizwana samadodana ka-Asheri+ ngumkhokheli u-Ahiyudi indodana kaShelomi, 28 owesizwana samadodana kaNafithali+ ngumkhokheli uPhedaheli indodana ka-Amihudi.” 29 Laba yibo uJehova abatshela ukuthi babele abako-Israyeli umhlabathi elizweni leKhenani.+

35 UJehova waqhubeka ekhuluma loMosi emagcekeni akoMowabi eduze komfula uJodani+ eJerikho wathi: 2 “Tshela abako-Israyeli ukuthi elifeni labo abazalithola+ kumele banike amaLevi amadolobho azahlala kuwo njalo bawanike lamadlelo aseduze kwamadolobho lawo.+ 3 AmaLevi azahlala emadolobheni lawo njalo amadlelo akhona azakuba ngawezifuyo zawo, lempahla yawo kanye lazo zonke ezinye izinyamazana zawo. 4 Amadlelo asemadolobheni elizawanika amaLevi azaqhela okomango ozingalo* ezingu-1 000 nxa usuka emdulini wedolobho kuwo wonke amacele alo. 5 Kumele lilinganise umango ozingalo ezingu-2 000 ngaphandle kwedolobho eceleni elisempumalanga, lomango ozingalo ezingu-2 000 eceleni eliseningizimu, lomango ozingalo ezingu-2 000 eceleni elisentshonalanga kanye lomango ozingalo ezingu-2 000 eceleni elisenyakatho, idolobho libe phakathi laphakathi. La yiwo okuzakuba ngamadlelo asemadolobheni awo.

6 “Phakathi kwamadolobho elizawanika amaLevi, ayisithupha azakuba ngamadolobho okuphephela+ ukuze umuntu obulele omunye abalekele khona+ njalo lizawanika lamanye amadolobho angu-42. 7 Esewonke amadolobho elizawanika amaLevi azakuba ngu-48 kanye lamadlelo awo.+ 8 Amadolobho elizawanika wona azavela elifeni elitholwe ngabantu bako-Israyeli.+ Eqenjini elikhulu lizathatha amanengi kuthi eqenjini elincane lithathe amalutshwana.+ Iqembu ngalinye lizanika amaLevi amanye amadolobho alo kusiya ngokuthi lithole ilifa elinganani.”

9 UJehova waqhubeka ekhuluma loMosi wathi: 10 “Khuluma labako-Israyeli uthi kubo, ‘Selichapha umfula uJodani ukuze liyengena elizweni leKhenani.+ 11 Kumele likhethe amadolobho okulula ukufika kuwo, abe ngamadolobho okuphephela ukuze umuntu obulele omunye* ngengozi abalekele khona.+ 12 Amadolobho la azakuba zindawo zenu zokuphephela ukuze livikelwe kulowo ophindiselayo,*+ ukuze umuntu obulele omunye angabulawa engazange athonisiswe phambi kwebandla.+ 13 Lo yiwo ozakuba ngumsebenzi wamadolobho ayisithupha elizawakhetha. 14 Kumele likhethe amadolobho amathathu kulelicele elisempumalanga komfula uJodani+ lamanye amathathu elizweni leKhenani+ ukuze abe ngamadolobho okuphephela. 15 Amadolobho la ayisithupha azakuba yisiphephelo kwabako-Israyeli, lasemuntwini wesinye isizwe+ kanye lalowo obuye wazohlala phakathi kwenu. Loba ngubani obulele umuntu* ngengozi kumele abalekele kuwo.+

16 “‘Kodwa nxa umuntu angatshaya omunye ngesikhali sensimbi afe, uyabe engumbulali. Umbulali kumele abulawe loba sekutheni.+ 17 Nxa angamtshaya ngelitshe elingabangela ukuthi afe abesesifa, ungumbulali. Umbulali kumele abulawe loba sekutheni. 18 Nxa angamtshaya ngogodo olungambulala njalo abesesifa, ungumbulali. Umbulali kumele abulawe loba sekutheni.

19 “‘Ophindiselayo* nguye ozabulala umbulali. Yena ngokwakhe uzambulala nxa angahlangana laye. 20 Nxa kuyikuthi umfuqile wafa ngenxa yokuthi ubemzonda kumbe umjikijele ngento ethile efuna ukumlimaza,*+ 21 kumbe nxa angamtshaya ngenqindi ngenxa yokuthi ubemzonda, abesesifa. Lowo ombuleleyo kumele abulawe loba sekutheni, ungumbulali. Ophindiselayo uzambulala nxa angahlangana laye.

22 “‘Kodwa nxa engakwenzanga ngabomo njalo engamfuqanga ngenxa yokuthi ubemzonda kumbe nxa ejikele into ethile kuye engahlosanga ukumlimaza,*+ 23 kumbe nxa ubengamboni wasefuqa ilitshe lawela phezu kwakhe kungayisikho ukuthi ubeyisitha sakhe futhi engahlosanga ukumlimaza kodwa umuntu wafa, 24 ibandla kumele lahlulele phakathi kwalowo obulele umuntu kanye lalowo ophindiselayo lilandela imithetho le yokwahlulela.+ 25 Ngemva kwalokho ibandla kumele limvikele umuntu obulele omunye ukuze angabulawa ngumuntu ophindiselayo njalo limbuyisele edolobheni lakhe lokuphephela abebalekele kulo futhi kufanele ahlale kulo kuze kufe umphristi omkhulu owagcotshwa ngamafutha angcwele.+

26 “‘Kodwa nxa umuntu owabulala umuntu angaphuma emngceleni wedolobho lesiphephelo ayabe ebalekele kulo, 27 ophindiselayo abesemthola ephandle komngcele wedolobho lakhe lokuphephela, abesembulala kasoze abe lecala legazi. 28 Phela kumele ahlale edolobheni lakhe lokuphephela umphristi omkhulu aze afe. Kodwa nxa umphristi omkhulu angafa lowo owabulala omunye usengabuyela emzini wakhe.+ 29 Izinto lezi zizakuba yimithetho yenu yokwahlulela kuzo zonke izizukulwane zenu ezindaweni zonke elihlala kuzo.

30 “‘Loba ngubani obulala umuntu* kumele abulawe njengombulali+ nxa kulabantu abakufakazelayo lokho.+ Kakho umuntu okufanele abulawe ngobufakazi obulethwa ngumuntu oyedwa nje. 31 Akumelanga lamukele inhlawulo yokuhlenga impilo yomuntu ongumbulali okufanele abulawe ngoba kumele abulawe loba sekutheni.+ 32 Akumelanga lamukele inhlawulo yokuhlenga umuntu obaleke edolobheni lakhe lokuphephela, beselimvumela ukuthi aqhubeke ehlala emzini wakhe umphristi omkhulu engakafi.

33 “‘Akumelanga lingcolise ilizwe elihlala kulo ngoba igazi liyalingcolisa ilizwe+ njalo ayikho enye indlela okungahlawulelwa ngayo igazi elichithiweyo elizweni ngaphandle kokuthi kuchithwe igazi lalowo olichithileyo.+ 34 Akumelanga lilingcolise ilizwe elihlala kulo, ilizwe engihlala kulo ngoba mina Jehova ngihlezi phakathi kwabantu bako-Israyeli.’”+

36 Abakhokheli bezimuli zabosendo lukaGiliyadi indodana kaMakhiri+ indodana kaManase abezimuli zamadodana kaJosefa basondela bakhuluma phambi kukaMosi labakhokheli bako-Israyeli. 2 Bathi: “UJehova watshela inkosi yami ukuthi yabe ilizwe ngenkatho+ ukuze libe lilifa labantu bako-Israyeli njalo uJehova watshela inkosi yami ukuthi ilifa lomfowethu uZelofehadi ilinike amadodakazi akhe.+ 3 Nxa abesifazana laba bangatshada lamadoda esinye isizwana sako-Israyeli, ilifa labo lalo lizathathwa lisuke elifeni labobaba bethu lifakwe elifeni lesizwana abayabe bendele kuso, lokhu kuzabangela ukuthi ilifa lelo lithathwe elifeni lethu esalabelwa ngenkatho. 4 Kuzakuthi sekungumnyaka weJubhili+ ebantwini bako-Israyeli, ilifa labesifazana laba lithathwe lengezelelwe elifeni lesizwana abayabe bendele kuso. Ngakho ilifa labo lizakhitshwa elifeni lesizwana sabobaba bethu.”

5 UMosi wasenika abako-Israyeli umlayo elandela lokho uJehova ayekutshilo, wathi: “Okutshiwo ngabesizwana samadodana kaJosefa kuqondile. 6 Nanti ilizwi elikhulunywe nguJehova mayelana lamadodakazi kaZelofehadi: ‘Angazikhethela labo afuna ukutshada labo. Kodwa kumele atshade lamadoda azalwa emulini yabesizwana sikayise. 7 Alikho ilifa labantu bako-Israyeli okumele lisuke kwesinye isizwana liye kwesinye, ngoba abako-Israyeli kufanele bagcine ilifa lesizwana sabokhokho babo. 8 Wonke amadodakazi aphiwe ilifa phakathi kwezizwana zako-Israyeli kumele atshade labantu abazalwa esizwaneni saboyise+ ukuze abantu bako-Israyeli bagcine ilifa labokhokho babo. 9 Alikho ilifa okumele lisuke kwesinye isizwana liye kwesinye, ngoba isizwana ngasinye sako-Israyeli kumele sigcine ilifa laso.’”

10 Amadodakazi kaZelofehadi enza khona kanye uJehova ayekutshele uMosi.+ 11 Ngakho amadodakazi kaZelofehadi uMahila, loThiriza, loHogila, loMilikha kanye loNowa+ atshada lamadodana abafowabo bakayise. 12 Abesifazana laba baba ngamakhosikazi amadoda azalwa emulini zakoManase indodana kaJosefa ukuze ilifa labo liqhubeke lisesizwaneni sabemuli kayise.

13 Le yiyo imilayo kanye lemithetho yokwahlulela uJehova ayinika abantu bako-Israyeli esebenzisa uMosi, emagcekeni akoMowabi eduze komfula uJodani, eJerikho.+