११ तब मोसाले यहोवा परमेश्‍वरलाई भने: “तपाईँ आफ्नो सेवकलाई किन दुःख दिनुहुन्छ? तपाईँलाई अप्रसन्‍न तुल्याउन मैले त्यस्तो के गरेँ, जसले गर्दा तपाईँ मलाई यी मानिसहरूको बोझ बोक्न लगाउनुहुन्छ?+

१५ तपाईँले मसित यस्तै व्यवहार गर्ने हो भने बिन्ती छ बरु मलाई मार्नुहोस्‌।+ तर तपाईँको निगाह पाएको छु भने योभन्दा धेरै दुर्दशा देख्न नपरोस्‌।”

३ यो सुनेर एलिया डराए र आफ्नो ज्यान बचाउन भागे।+ तिनी यहुदाको इलाकामा पर्ने+ बेर्सेबा पुगे+ र आफ्नो सेवकलाई त्यहीँ छोडे। ४ तिनी निर्जनभूमिमा एक दिनको बाटो हिँडे र एउटा झाडीमुनि गएर बसे। त्यसपछि तिनले मर्न पाऊँ भनी परमेश्‍वरलाई बिन्ती गर्न थाले। तिनले भने: “हे यहोवा! अब म सहन सक्दिनँ। मेरो ज्यान लिनुहोस्‌+ किनकि म आफ्ना पितापुर्खाभन्दा असल छैनँ।”

१६ म आफ्नो जीवनदेखि वाक्क भइसकेँ,+ अब म बाँच्न चाहन्‍नँ।

मलाई एक्लै छोडिदिनुहोस्‌ किनकि मेरा दिनहरू क्षणभरका छन्‌।+

२ त्यसैले तिनले यहोवा परमेश्‍वरलाई यसो भन्दै प्रार्थना गरे: “हे यहोवा, यस्तै हुन्छ भनी मैले आफ्नो देशमा छँदै भनेको थिइनँ र? त्यसैले म सुरुमै तर्सिसतिर भाग्न खोजेको थिएँ+ किनकि मलाई थाह थियो, तपाईँ दयालु र कृपालु हुनुहुन्छ, हतपती रिसाउनुहुन्‍न अनि अटल प्रेमले भरिपूर्ण हुनुहुन्छ+ र कोही सङ्‌कटमा पर्दा तपाईँलाई दुःख लाग्छ। ३ त्यसैले हे यहोवा, बिन्ती छ, मेरो ज्यान लिनुहोस्‌ किनकि म बाँच्नुभन्दा त मर्नु नै बेस हो।”+