१२ अनि यही कुरा मैले यहुदाका राजा सिदकियाहलाई+ पनि सुनाएँ। मैले तिनलाई यसो भनेँ: “बेबिलोनका राजाको जुवा आफ्नो गर्दनमा बोक्नलाई निहुरिनुहोस्‌ अनि तिनको र तिनका मानिसहरूको सेवा गर्नुहोस्‌। त्यसो गर्नुभयो भने तपाईँ जीवितै रहन पाउनुहुनेछ।+ १३ बेबिलोनका राजाको सेवा नगर्ने देशलाई तरबार,+ अनिकाल+ र रुढीले+ नाश गर्नेछु भनी यहोवाले बताउनुभएको छ। तपाईँ र तपाईँका मानिसहरू किन बिनसित्ति नाश हुने?

२ “यहोवा यसो भन्‍नुहुन्छ, ‘जो यस सहरमा बसिरहन्छ, ऊ तरबार, अनिकाल र महामारीले* मर्नेछ।+ तर जसले कल्दियालीहरूसामु आत्मसमर्पण गर्छ, ऊ भने बाँच्नेछ र उसको ज्यान उसको निम्ति लुटको मालसरह हुनेछ।’*+

१७ यर्मियाले सिदकियाहलाई यसो भने: “सेनाहरूका परमेश्‍वर, इस्राएलका परमेश्‍वर यहोवा यसो भन्‍नुहुन्छ, ‘बेबिलोनका राजाका भारदारहरूसामु आत्मसमर्पण गऱ्‍यौ भने तिम्रो ज्यान जोगिनेछ अनि यो सहर आगोले नाश हुनेछैन। तिमीसँगसँगै तिम्रो घराना पनि बचाइनेछ।+