सन्‌ २००२ का लागि ईश्‍वरतान्त्रिक सेवकाई स्कूलको तालिका

सन्‌ २००२ का लागि ईश्‍वरतान्त्रिक सेवकाई स्कूलको तालिका

निर्देशन

सन्‌ २००२ को दौडान ईश्‍वरतान्त्रिक सेवकाई स्कूल सञ्चालन निम्नानुसार हुनेछ।

पाठ्यपुस्तक: असाइनमेन्टहरूका लागि निम्न प्रकाशनहरूलाई आधार मानिनेछ: प्रहरीधरहरा [w-NP], ज्ञान जसले अनन्त जीवनतर्फ डोऱ्‍याउँछ [kl-NP], बाइबलका कथाहरू भएको मेरो पुस्तक [my-NP] र आजसम्म बाँचेकाहरू मध्ये सबैभन्दा महान पुरुष [gt-NP]।

गीत गाएर, प्रार्थना तथा स्वागत गरेर स्कूल समयमै सुरु गर्नुपर्छ। सभामा के के छलफल गरिन्छ त्यसबारे पहिल्यै बताइरहनु आवश्‍यक छैन। स्कूल निरीक्षकले अर्को वक्‍तालाई मञ्चमा बोलाउनुअघि तिनले दिने भाषणको विषय उल्लेख गर्नेछन्‌। यसप्रकार कार्यक्रम सञ्चालन गर्नुहोस्‌:

असाइनमेन्ट न. १: १५ मिनेट। प्रहरीधरहरा अथवा ज्ञान जसले अनन्त जीवनतर्फ डोऱ्‍याउँछ-मा आधारित यो भाषण प्राचीन वा सेवकाई सेवकले दिनुपर्छ। प्रहरीधरहरा-मा आधारित भाषण दिंदा पुनरावृत्ति नगरी यसलाई १५ मिनेट लामो निर्देशन भाषणको रूपमा प्रस्तुत गर्नुपर्छ। ज्ञान जसले अनन्त जीवनतर्फ डोऱ्‍याउँछ पुस्तकबाट दिंदा १० देखि १२ मिनेटसम्म भाषण दिएपछि पुस्तकका मुद्रित प्रश्‍नहरू चलाउँदै ३ देखि ५ मिनेटसम्म मौखिक पुनरावृत्ति गर्नुपर्छ। भाषणको उद्देश्‍य विषयवस्तुलाई सिध्याउनु मात्र नभई मण्डलीलाई मदतकारी हुने बुँदामा जोड दिंदै छलफल गरिने कुराहरूको व्यावहारिक मूल्यमाथि ध्यान केन्द्रित हुनुपर्छ। यस भाषणको लागि दिइएको शीर्षक नै चलाउनुपर्छ।

यो भाषण दिने भाइले निर्धारित समयभित्रै भाषण सिध्याउनुपर्छ। आवश्‍यक भए वा वक्‍ताले आग्रह गरेको खण्डमा व्यक्‍तिगत तवरमा सल्लाह दिन सकिन्छ।

बाइबल पढाइका विशेषताहरू: ६ मिनेट। स्थानीय आवश्‍यकताअनुसार विषयवस्तुलाई प्रभावकारी ढंगमा प्रस्तुत गर्नसक्ने कुनै प्राचीन वा सेवकाई सेवकले यो भाषण दिनुपर्छ। यो भाषणको लागि विषय आवश्‍यक छैन। यो भाषण निर्धारित पढाइको सारांश जस्तो हुनु हुँदैन। निर्धारित अध्यायहरूको पुनरावृत्ति गर्न ३० देखि ६० सेकेन्ड लिन सकिन्छ। तथापि, यस भाषणको मुख्य उद्देश्‍य बाइबलमा दिइएको जानकारी किन र कसरी लाभदायी छ भनेर श्रोतागणलाई बुझाउनु हो। त्यसपछि स्कूल निरीक्षकले विद्यार्थीहरूलाई विभिन्‍न कक्षा कोठामा पठाउनेछन्‌।

असाइनमेन्ट न. २: ५ मिनेट। यो भाषण भाइले दिनेछन्‌ र तिनले बाइबलको निर्धारित अंश पढ्‌नेछन्‌। यो प्रबन्ध मुख्य स्कूलका साथै अन्य कोठामा सञ्चालित कक्षाहरूमा पनि लागू हुनेछ। पढ्‌नुपर्ने भाग प्रायजसो छोटो हुने हुँदा विद्यार्थीले भाषणको सुरु र अन्तमा संक्षिप्त टिप्पणीहरू दिनसक्छन्‌। त्यस्ता टिप्पणीहरूमा ऐतिहासिक पृष्ठभूमि, भविष्यसूचक वा धर्मसैद्धान्तिक महत्त्व र सिद्धान्तहरूको उपयोग समावेश गर्न सकिन्छ। दिइएका सबै पदहरू बीचमा कतै नरोकी पढ्‌नुपर्छ। तर पदहरू क्रमानुसार छैनन्‌ भने कहाँदेखि पढ्‌नुपर्ने हो, विद्यार्थीले अवश्‍य उल्लेख गर्नसक्छन्‌।

असाइनमेन्ट न. ३: ५ मिनेट। यो भाग बहिनीले प्रस्तुत गर्नेछिन्‌। यस प्रस्तुतिको विषयवस्तु बाइबलका कथाहरू भएको मेरो पुस्तक-मा आधारित हुनेछ। तपाईंको इलाकामा उपयुक्‍त हुने कुनै पनि किसिमको भूमिका प्रयोग गर्न सकिन्छ। विद्यार्थीले उभिएर वा बसेरै आफ्नो छलफल प्रस्तुत गर्नसक्छन्‌। स्कूल निरीक्षकले विशेष गरी विद्यार्थीले घरधनीसित कसरी तर्क गर्छन्‌, प्रस्तुत गरिएका विषयवस्तु बुझाउन र शास्त्रपदहरू चलाउन कस्तो तरिका अपनाउँछन्‌, त्यसमा ध्यान दिनेछन्‌। यो भाग पाउने विद्यार्थीले पढ्‌न जानेको हुनुपर्छ। स्कूल निरीक्षकले एक जना सहायक खटाउनेछन्‌ तर थप सहायक पनि राख्न सकिन्छ। विद्यार्थीले भूमिकाभन्दा बाइबललाई प्रभावकारी ढंगमा प्रयोग गर्न विशेष ध्यान दिनुपर्छ।

असाइनमेन्ट न. ४: ५ मिनेट। यस भाषणको विषय आजसम्म बाँचेकाहरू मध्ये सबैभन्दा महान पुरुष पुस्तकमा आधारित हुनेछ। यो असाइनमेन्ट न. ४ कुनै भाइ वा बहिनीले दिन सक्छन्‌। यो भाग कुनै भाइलाई दिंदा यसलाई सधैं भाषणको रूपमा प्रस्तुत गरिएको हुनुपर्छ। यो भाग कुनै बहिनीलाई दिइएको छ भने, तिनले यसलाई असाइनमेन्ट न. ३ का लागि दिइएको सल्लाहअनुरूप प्रस्तुत गर्नुपर्छ।

बाइबल पढाइका लागि तालिका: मण्डलीका सबै भाइबहिनीहरूलाई साप्ताहिक बाइबल पढाइको तालिकाअनुरूप पढ्‌न प्रोत्साहित गरिन्छ। यसअनुसार दिनको लगभग एक पृष्ठ बाइबल पढ्‌नु पर्नेहुन्छ।

सूचना: सल्लाह, समय, लिखित पुनरावृत्ति र आफूलाई दिइएको असाइनमेन्ट तयार गर्ने सन्दर्भमा थप जानकारी तथा निर्देशनका लागि कृपया, अक्टोबर १९९६ को हाम्रो राज्य सेवकाई-को पृष्ठ ३ हेर्नुहोस्‌।

तालिका

जन. ७ बाइबल पढाइ: उपदेशक १-६

गीत न. ४

न. १: तपाईंको भविष्य आनन्दमय हुनसक्छ! (kl-NP पृ. ६-११)

न. २: उपदेशक ४:१-१६

न. ३: सृष्टि–परमेश्‍वरको अद्‌भुत कार्य! (my-NP अध्याय १)

न. ४: एउटा जन्मोत्सवको भोजमा हत्या (gt-NP अध्याय ५१)

जन. १४ बाइबल पढाइ: उपदेशक ७-१२

गीत न. १८०

न. १: परमेश्‍वरको ज्ञान प्रकाश पार्ने पुस्तक-भाग १ (kl-NP पृ. १२-१७ अनु. १-१५)

न. २: उपदेशक ८:१-१७

न. ३: हाम्रो पृथ्वीको लागि परमेश्‍वरको सुरुको उद्देश्‍य के थियो? (my-NP अध्याय २)