Olye to vulu okwiinekela? — Ombiimbeli otayi ti ngiini?

Aantu ohaya kala ya yemata, uuna aantu mboka ye na okukala ya inekela oyo ishewe taya ningi iinima iiwinayi. Aantu oyendji oya kanitha einekelo . . .

• maawiliki yopapolotika mboka oyo owala haya iningile uuwanawa paumwene, pehala lyokukwathela oshigwana.

• maakundaneki mboka haya fundju nokupopya iinima kaayi li pauyuuki.

• maanongononi mboka haya ningi iinima mbyoka itaayi etele aantu uuwanawa washa.

• maawiliki yomalongelokalunga mboka ya pwila owala mokuyambidhidha aanapolotika, pehala lyokukala ya gama kuKalunga.

Oshili mondjila sho aantu haya kala ya takamitha kutya olye ye na okwiinekela. Ombiimbeli otayi tu londodha tayi ti:

• “Inamu inekela aanankondo yokombanda yevi; itaa vulu oku mu hupitha.” — Episalomi 146:3.

Ngoka to vulu okwiinekela

 Ombiimbeli oya popya kutya otatu vulu okwiinekela Jesus Kristus. Ka li owala omuntu omwaanawa ngoka a li ko omimvo omathele ogendji dha ka pita, ihe oku li wo omuntu ngoka Kalunga a hogolola a ka ‘pangele e li Omukwaniilwa . . . nUukwaniilwa we itawu ka hula po.’ (Lukas 1:32, 33) Jesus oye omukwaniilwa gUukwaniilwa waKalunga, epangelo ndyoka tali pangele nokuli nale ngashingeyi megulu. — Mateus 6:10.

• Opo wu ilonge kutya omolwashike to vulu okwiinekela Jesus, lesha iitopolwa: “Olye Omukwaniilwa gwUukwaniilwa waKalunga?” nosho wo “Uukwaniilwa waKalunga otawu ka gwanitha po shike?”