Fekafekau ke he Atua ke he “Taha Ni e Loto mo e Manatu”
KUA agaagai viko e tau Iutaia mo lautolu ne liliuina he tau tutaki ha Iesu Keriso. Ko e Galue he Penetekoso, ti kua o mai e tau tagata ahiahi nei ki Ierusalema mai he tau motu mamao tuga a Roma ke he faahi lalo mo Paretia ke he faahi uta. Kehekehe e tau vagahau ne logona he toloaga nei. Ka ko e tau tutaki ha Iesu ne tutala ki a lautolu, ko e tau Kalilaia. Falu he tau tagata ahiahi fakagogoa ne hūhū: “Fefe foki a tautolu he takitaha mo e fanogonogo atu ke he hana ni a vagahau ne tupu mo ia?”—Gahua 2:8.
Ne tu hake e aposetolo ko Peteru mo e fakamaama e fakavēaga he mana ne kitia e lautolu. Ne talia agataha ai. Totou afe a lautolu ne foou kua papatiso! (Gahua 2:41) Pete he mafiti e tupu he fakapotopotoaga, ne fakatumau ni e kaufakalataha. “Taha ni e loto mo e manatu he tau tagata oti kana ne tua” he talahau he tagata tohia Tohi Tapu ko Luka.—Gahua 4:32.
Totou afe ne papatiso he aho Penetekoso 33 V.N. ne manako ke nonofo loa i Ierusalema ke maeke ke fakaako fakalahi hagaao ke he tua foou ha lautolu. Ka kua nakai o mai tauteute a lautolu ke nonofo loa. Ati kua ha ha i ai e fakaputuaga tupe fakakū. Ko e falu ia lautolu ne talitonu ne fakafua noa e tau koloa ti tamai e tau tupe ne moua ke he tau aposetolo ke tufatufa ki a lautolu ne nonofogati. (Gahua 2:42-47) Ko e aga mitaki ha ia he fakaalofa mo e fakamokoi!
Ko e tau Kerisiano mooli ne ha ha i ai tumau e aga fakaalofa mo e fakamokoi pihia. He vahā nei, kua matutaki e fakapotopotoaga Kerisiano ke fekafekau fakalataha ki a Iehova ke he “taha ni e loto mo e manatu.” Kua igatia e Kerisiano mo e foaki fakamokoi ha lautolu a tau magaaho, malolō, mo e tau tupe ke fakamatala e tala mitaki mo e fakalaulahi atu e tau mena he Kautu he Atua.—Kikite e puha “Tau Puhala kua Fifili e Falu ke Foaki.”
[Puha he lau 6]
TAU PUHALA KUA FIFILI E FAU KE FOAKI
TAU MENA FAKAALOFA KE HE GAHUA HE LALOLAGI KATOA
Tokologa ne tuku kehe, po ke fatifati e lahi he tupe ka tuku e lautolu he tau puha tuku mena fakaalofa ne leipolo “Tau Mena Fakaalofa ma e Gahua he Lalolagi Katoa—Mataio 24:14.”
He tau mahina takitaha, ne ta atu he tau fakapotopotoaga e tau tupe nei ke he la ofisa he Tau Fakamoli a Iehova ne leveki ke he tau motu ha lautolu. Ko e tau fakatokaaga tupe foaki noa kua maeke foki ke ta atu fakahako ke he Treasurer’s Office, Watchtower Bible and Tract Society of New Zealand, PO Box 75142, Manurewa, Manukau 2243, po ke la ofisa he Tau Fakamoli a Iehova ne leveki e motu ha mutolu. Ko e tau koloa fakamanaia (jewelry) po ke falu koloa uho kua maeke ke foaki foki. Ko e tohi kū kua talahau ko e mena fakaalofa katoa ia kua lata ke tuku fakalataha mo e tau foakiaga nei.
FAKAHOLOAGA FOAKI FAKAALOFA NOA
Maeke e tupe ke foaki i lalo he fakaholoaga pauaki, ka manako lagomatai e tagata ne foaki e tupe, to maeke ke manamanatu fakatupe ke lata mo e tuaga haana. Ma e falu vala tala foki, fakamolemole matutaki ke he Treasurer’s Office he tohi atu ke he kaina ne tū i luga.
PULEGA KE FOAKI
Lafi ke he tau mena fakaalofa katoa he tau tupe mo e tau tupe foaki fakaalofa noa (charitable), fai puhala foki ke foaki ke lagomatai aki e gahua he Kautu he lalolagi katoa. Putoia he tau mena nei:
Inisua: Maeke e Watchtower Society ke fakahigoa ko e beneficiary he fakatokaaga inisua he moui po ke fakatokatokaaga tupe fuakau.
Stocks mo e Bonds: Kua maeke e stocks mo e bonds ke foaki ke he Watchtower Society ko e mena fakaalofa katoa.
Real Estate: Maeke he vala kaina ne mukamuka ke fakafua ke foaki ke he puhala he tau mena fakaalofa katoa po ke, he kaina nofo, he fakamau e tau koloa he moui ke he tagata ne foaki, ke nofo i ai he moui katoa haana. Matutaki ke he la ofisa he motu haau ato taute ha maveheaga real estate.
Wills mo e Trusts: Maeke e fale po ke tupe ke foaki ko e maveheaga ke he Watchtower Society he tohia fakamatafakatufono ke he will, po ke tohi e Watchtower Society ko e beneficiary he fakamooliaga he trust.