Tau Feleveiaaga Fekafekau ma Oketopa
Fahi Tapu Kamata ia Oketopa 4
Lologo 147
10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu.
17 minu: “Kakano Lahi Kia Hau a Fakamatala Atu?” Tau tali mo e tau huhu. He taute e paratafa 2, fakaaoga ua e fakataiaga fakaku ke foaki atu tonu e fakaakoaga he Tohi Tapu. Fakamafana oti i loto he fakapotopotoaga ke fakaaoga e puhala nei.
18 minu: Kia Manamanatu e Tau Mekasini! Fakailoa kua fiha e numera he tau mekasini ne tufa he fakapotopotoaga he mahina kua mole. Tatai fefe e numera nai mo e haia ne moua mai he Sosaiete? Kaeke kua kehe lahi ha laua, heigoa e mena kua lata ke taute? Uiina ke talahau mai e tau manatu hagaao ke he mena na: (1) Lata he tau tagata fakailoa takitaha ke ota fakalata e tohi kua lata. (2) Amanaki ke taute e tau Aho Faiumu tumau Aho Mekasini. (3) Fakatoka hau a setulu fekafekauaga ke putoia ai e gahua mo e tau mekasini he tau mahina tumau. (4) Tauteute ke fakalaulahi atu e gahua fakamatala he magaaho noa he fakaaoga ai e tau mekasini ke kamata e tala. (5) Fifili ke uta e tau vala tala ne lauia lahi mo lautolu he tau pisinisi mo e tau tagata porofesinolo ne fa fiafia ki ai. (6) Fakamau hako hifo e tau mena ne tufa, mo e taute taha hala mekasini, ti liliu ai tumau mo e tau fufuta fou. (7) Fakaaoga fakamitaki ha lagaki tuai he tau mekasini ke ai fakaputu ai. Fakakite e tau mekasini fou, mo e tuhi ke he tau vala tala ne ligaliga ke fakalagalaga e fiafia. Fakaaoga e tagata lahi mo e tama fuata takitaha ke fakatata e fakataiaga fakaku ke he mekasini.—Kikite e uho he Aperila 1996 Our Kingdom Ministry.
Lologo 105 mo e liogi fakaoti.
Fahi Tapu Kamata ia Oketopa 11
Lologo 194
10 minu: Tau fakailoaaga he matakavi. Fakailoaaga he tupe.
15 minu: Tau mena kua lata ma e fakapotopotoaga.
20 minu: “Puhala ke Moua lahi e Olioli Mai he Tau Feleveiaaga.” Tau tali mo e tau huhu. Totoku e falu puhala kua maeke ia tautolu ke fakakite e totonu mo e fefakamafanaaki he tau feleveiaaga. Uiina atu ke talahau mai e falu manatu ni ha lautolu.
Lologo 152 mo e liogi fakaoti.
Fahi Tapu Kamata ia Oketopa 18
Lologo 196
10 minu: Tau fakailoaaga he matakavi mo e tau talahauaga mai he gahua he fekafekauaga.
13 minu: “Tauteute Kia a Koe ke Hiki?” Lauga fakamafana mai he tohikupu. Kaeke kua hiki e tau tagata fakailoa ke he taha fakapotopotoaga, kua aoga lahi ke fakatu e nofoaga he tau kakai fou ha lautolu ke nakai liutua fakaagaga. Peehi e kakano he fakailoa ke he tau motua he ha pulega pihia mo e ole e lagomatai ha lautolu ke fakamatutaki mo e fakapotopotoaga fou.
22 minu: “Ko e Heigoa Hau ka Talahau ke he Tagata Iutaia?” Tau huhu mo e tau tali. Fakamaama kua kehekehe fefe e Ofotoko, Reform, mo e Conservative Judaism. (Kikite e Mankind’s Search for God, lau 226-7.) Tuhituhi ke he tau vala ne maeke ke fakafelalo mo e tagata Iutaia. Fakatata e fakataiaga ne mautaute. Ma e ha fakailoaaga foki ke he lotu Iutaia, kikite e uho he Fepuari 1998 Ha Tautolu a Fekafekauaga he Kautu; tohi Reasoning, lau 22-3; mo e Mankind’s Search for God, veveheaga 9.
Lologo 142 mo e liogi fakaoti.
Fahi Tapu Kamata ia Oketopa 25
Lologo 179
15 minu: Tau fakailoaaga he matakavi. Lagomatai oti ke amaamanaki ke foaki e porosua Manako po ke tohi Iloilo ia Novema. Fakamaama e puhala ke fakatoka taha fakatai ne fakamahao ke he huhu, “Na tali nakai he Atua e tau liogi?” Fakaaoga e tau puhala mai he fakaakoaga 7 i loto he porosua po ke veveheaga 16, paratafa 12-14, i loto he tohi. Taute taha fakataiaga mukamuka ne lafi ai e kupu Tohi.
15 minu: Kumi e Tau Tali he Tau Huhu ke he Tohi Tapu. Kua finatu e tagata fakailoa ke he fekafekau lagomatai ha kua feleveia mo e tagata he fonua ne talahau e huhu he Tohi Tapu. Nakai foaki age e tali, ka e fakamaama he fekafekau lagomatai e puhala ke kumikumi aki. Fakamua aki, liu totou e ia e tau puhala ne moua he School Guidebook, fakaakoaga 7, paratafa 8-9. Ati, kumikumi tokoua e laua e huhu fa mahani logona mai he fonua ha lautolu. Kumikumi a laua ke he tau fakatonuaga hagaao ni ke he matapatuaga mo e moua e tau tali tonu ne fakamahino e kakano he tali mai he Tohi Tapu. Fakamafana a lautolu ne fanogonogo ke fakaaoga e puhala aoga lahi nei ke kumikumi e tau huhu ke he Tohi Tapu.
15 minu: Foliga ma Tautolu ke Fakatoka. Lauga mo e fakatutalaaga auloa. Liu matutaki e tau foliaga aoga ne fakatoka he puha 11 he Mati 15, 1997, Watchtower. Putoia foki e fakamafanaaga ke fakalataha he fekafekauaga paionia fakaku po ke tumau. Fakamaama kua maeke fefe e tau foliaga nei ke aoga ma tautolu. Uiina a lautolu ne fanogonogo ke talahau e tau olioli ha lautolu he maeke ke taute e tau foliaga ne fakatoka.
Lologo 151 mo e liogi fakaoti.