CHUMA CHOPEZEKA M’MAWU A MULUNGU | GENESIS 3-5

Mavuto Omwe Anabwera Chifukwa cha Bodza Loyamba

Chithunzi choyamba: Satana akulankhula ndi Hava pogwiritsa ntchito njoka. Chachiwiri: Adamu ndi Hava akalamba ndipo akuoneka ofooka. Chachitatu: Mzera wa anthu kuchokera pa Adamu ndi Hava kudzafika m’nthawi yathu, zomwe zikuimira nyengo zosiyanasiyana, mitundu komanso zikhalidwe.

Satana wakhala akusocheretsa anthu kungochokera pamene ananamiza Hava. (Chiv. 12:9) Kodi mabodza a Satana otsatirawa amalepheretsa bwanji anthu kukhala pa ubwenzi ndi Yehova?

Kunja kuno kulibe Mulungu
Pali milungu itatu mwa Mulungu mmodzi
Mulungu alibe dzina
Mulungu amawotcha anthu ku Gehena kwamuyaya
Chilichonse chimene chimachitika ndi chifuniro cha Mulungu
Mulungu alibe nafe ntchito

Kodi mumamva bwanji mukamva mabodza amenewa?

Nanga mungathandize bwanji kuyeretsa dzina la Mulungu?