Zimene Mungachite Kuti Muzisangalala Kwambiri mu Utumiki​—Muzifunsa Mafunso

Yehova, yemwe ndi “Mulungu wachimwemwe,” amafuna kuti tizisangalala tikakhala mu utumiki. (1Ti 1:11) Timasangalala kwambiri tikamayesetsa kuwonjezera luso lathu lophunzitsa. Kufunsa mafunso kumachititsa kuti munthu akhale ndi chidwi komanso ndi njira yabwino yoyambira kucheza. Mafunso amathandizanso anthu kuganiza. (Mt 22:41-45) Tikafunsa munthu funso, n’kumamumvetsera pamene akuyankha, timakhala tikumuuza kuti ‘Ndinu ofunika kwa ine.’ (Yak 1:19) Zimene munthuyo wayankha zingatithandize kudziwa zoyenera kulankhula.

ONERANI VIDIYO YAKUTI MUZIWONJEZERA LUSO LANU KUTI MUZISANGALALA NDI NTCHITO YOPHUNZITSA​—MUZIFUNSA MAFUNSO NDIPO KENAKO YANKHANI MAFUNSO OTSATIRAWA:

• 

  Kodi ndi makhalidwe abwino ati amene Jane anasonyeza?

• 

  Kodi Anita anagwiritsa ntchito bwanji mafunso posonyeza kuti akuchita chidwi ndi Jane?

• 

  Kodi Anita anagwiritsa ntchito bwanji mafunso pothandiza Jane kuti achite chidwi ndi uthenga wabwino?

• 

  Kodi Anita anagwiritsa ntchito bwanji mafunso pothandiza Jane kuganiza?