UMOYO WACIKHIRISTU
Tizikumbukila Kupemphelela Akhiristu Anzathu Amene Akuzunzidwa
Baibo inakambilatu kuti Satana adzatizunza pofuna kulepheletsa utumiki wathu. (Yoh. 15:20; Chiv. 12:17) Kodi tingawathandize bwanji Akhiristu anzathu amene akuzunziwa m’maiko ena? Tiziwapemphelela. “Pembedzelo la munthu wolungama limagwila nchito mwamphamvu kwambili.”—Yak. 5:16.
Kodi tingawapemphelele zinthu ziti? Tingapemphe Yehova kuti athandize abale na alongo athu kukhala olimba mtima ndi opanda mantha. (Yes. 41:10-13) Tingapemphelelenso olamulila kuti azitikomela mtima pa nchito yathu yolalikila, “kuti tikhale ndi moyo wabata ndi wamtendele.”—1 Tim. 2:1, 2.
Pamene Paulo na Petulo anali kuzunziwa, Akhiristu a m’nthawi yawo anali kuwapemphelela mocita kuwatomola maina. (Mac. 12:5; Aroma 15:30, 31) Ngakhale kuti sitingadziŵe maina onse a abale athu amene akuzunziwa, tingangotomola mpingo, dziko, kapena dela lakwawo.