Mareferentsiya ya Kabukhu ka Mitsonkhano ka Moyo Wathu na Utumiki
2-8 NOVEMBRO
CUMA CA M’FALA LA MULUNGU | KUFULUKA 39-40
“Mozeji Adateweza Bwino-bwino Malango Yomwe Adapasidwa”
(Kufuluka 39:32) Tenepo, basa lentse la mu tendi, lomwe ni tendi la mkonkhano, lidamalizidwa; ndipo Ajirayeri adacita bzentse bzomwe Yahova akhadapanganiza Mozeji. Iwo adacitadi ndendende.
(Kufuluka 39:43) Pomwe Mozeji adayenda kuti akawone basa lawolo, adakawona kuti iwo akhadacitadi ndendende ninga momwe Yahova akhadalewera; ndipo Mozeji adawasimba.
(Kufuluka 40:1, 2) Tenepo Yahova adauza Mozeji kuti: 2 “Pa ntsiku yakuyamba ya mwezi wakuyamba, un’funika kudzaimisa tendi, lomwe ni tendi la mkonkhano.
(Kufuluka 40:16) Mozeji adacita bzentse bzomwe Yahova akhadamuuza. Iye adacitadi bzimwebzo.
Kufufudza Cuma Cauzimu
(Kufuluka 39:34) iro likhadapswimphiridwa na makanda ya mabira yakupalangidwa mtoto ufuira, cakupswimphirira cace cinango cikhali ca makanda ya cirombo cakucemeredwa foka na cinguwo comwe cikhambagawa mbali za tendiro;
it-2 tsa. 884 ndi. 3
Khanda la cirombo cakucemeredwa foka
Kodi Ajirayeri adacigumana tani?. Penu fala la m’Bibliya lakuti taʹchash limbalewa bza mtundu wa cirombo cakucemeredwa foka, pinango pangabwere mbvunzo wakuti kodi Ajirayeri akhagumana tani khanda la foka? Napo kuti bzirombobzi bzimbafuna kukhala mu nyanza za madzi yakudjedjera na m’bzigawo bza ku Antártida, bzinango mwa ibzo bzimbafuna kukhala m’mbuto zakupsa. Ntsiku zino, bzinango mwa bzirombobzi bzimbakhala mu mbali za nyanza ya Mediterrâneo, kuphatanidzambo m’madzi yakupsa. Na kupita kwa magole, wanthu akhala akupha bzirombobzi acicitisa kuti bzicepe. Pinango mu nthawe za kale-kale bzirombobzi bzikhagumanika mu nyanza ya Mediterrâneo na mu Nyanza Ifuira. Mu 1832, Dicionário ya cingerezi ya Bíblia Sagrada yakunembedwa na Calmet (tsa. 139) idalewa kuti: “Bzirombo bzakucemeredwa foka bzimbagumanika m’tuntsuwa tuzinji twa nyanza ifuira mphepete mwa dambo la Sinai.”—Onani bukhu lakuti The Tabernacle’s Typical Teaching, lakunembedwa na A. J. Pollock, Londres, tsa. 47.
(Kufuluka 40:34) Mtambo udayamba kumpsinkha tendi la mkonkhano, ndipo umbiri bwa Yahova budadzala m’tendimo.
9-15 NOVEMBRO
CUMA CA M’FALA LA MULUNGU | MWAMBO 1-3
“Cakulinga ca Ntsembe”
(Mwambo 1:3) “‘Penu iye akupereka ntsembe yakutentha ya ng’ombe, in’funika kukhala ng’ombe imuna yakusaya kupunduka. Iye an’funika kuipereka na mtima wace wentse kwa Yahova pa msuwo wakupitira mu tendi la mkonkhano.
(Mwambo 2:1) “‘Tenepo penu munthu akufuna kupereka ntsembe ya mbeu kwa Yahova, ntsembeyo in’funika kukhala ya ufa bwakunyodoka, acibuikha mafuta ya azeite na ntsonono zakununcira.
(Mwambo 2:12) “‘Imwepo mungazipereke kwa Yahova ninga ntsembe ya bzisapo bzakuyambirira, koma mun’funika lini kuzipereka pa guwa la ntsembe kuti zikhale bzakununcirisa bzakudjedjeresa mtima.
it-2 tsa. 525
Ntsembe
Ntsembe zakutentha. Ntsembe za zakutentha zikhaperekedwa kwa Mulungu zipulumira. Ndipo mtumiki wa Mulunguyo akhakhala lini na mbali iri-yentse ya nyamayo. (Ndendemezerani na Wayeruzi 11:30, 31, 39, 40.) Ntsembezi zikhalatiza kukumbira kuti Mulungu abvume, ayai kuti alatize kuti abvuma ntsembe ya pikado yomwe nthawe zinango ikhambaperekedwa pabodzi na ntsembezi. Jezu adabzipereka ninga ‘ntsembe yakutentha’ ipulumira.
it-2 tsa 528 ndi. 4
Ntsembe
Ntsembe za mbeu. Ntsembe za mbeu zikhambaperekedwa pabodzi na ntsembe zaa wentse, ntsembe zakutentha, ntsembe za pikado kuphanitadzambo bzisapo bzakuyambirira. Ndipo nthawe zinango ntsembezi ikhambaperekedwambo payokha. (Kuf 29:40-42; Mwam 23:10-13, 15-18; Mirew 15:8, 9, 22-24; 28:9, 10, 20, 26-28; kapitulo 29) Ntsembeyi ikhambaperekedwa pakulatiza kutenda Mulungu thangwe ra bzisimbo na bzinthu bzizinji bzomwe iye ambapereka. Ndipo nthawe zinango zikhaperekedwa pabodzi na mafuta ya azeite na bzakununcirisa. Ntsembe za mbeu zingadaperekedwambo ninga ufa bwakunyodoka bwa mbeu zakukazinga, pau zabololindo, pau zakuthathanyika, zakuwotcedwa pa cirata cakuwotcera ayai mu fijidera yakuzika. Mbali inango ya ntsembeyo ikhaikhidwa pa guwa la ntsembe zakutentha ndipo mbali inangoyo ikhadyedwa na antsembe. Pa ntsembe ya wentse, nyakupereka ntsembeyo akhadyambo. (Mwam 6:14-23; 7:11-13; Mirew 18:8-11) Palibe ntsembe iri-yentse ya mbeu ikhafunika kukhala na cakufufumisa ayai ‘uci’ (pinango akulewa bza xaropi ya figo ayai sumo ya bzisapo) bzomwe bzingadafufumisa ntsembeyo.—Mwam 2:1-16.
(Mwambo 3:1) “‘Penu munthu akupereka ntsembe ya wentse kwa Yahova, ndipo akapereka ng’ombe imuna ayai ikazi, ng’ombeyo in’funika kukhala yakusaya kupunduka.
it-2 tsa. 526 ndi. 1
Ntsembe
Ntsembe za wentse (ayai ntsembe za mtendere). Ntsembe za wentse zakubvumizika kwa Yahova, zikhalatiza kukhala naye pa mtendere. Munthu omwe aiprekeyo pabodzi na banja lace akhambadya ntsembezi (m’bwalo la tendi la mkonkhano; mwakubverana na mwambo, iwo akhamanga matsatsa mkati mwa bwalo la tendiro. Ku templo iwo akhambadyera bzipinda bzakudyera). Wantsembe omwe akhawatumikira akhatambira mbali inango ndipo wantsembe winango akhatambirambo mbali inango. Ndipo Yahova akhatambira mnunci wabwino wa mafuta yomwe yakhatenthedwa. Mulopa omwe ukhathandauza moyo ukhaperekdwa kwa Mulungu thangwe ukhali wace. Tenepo bzikhali ninga kuti antsembe, atumiki wa Mulungu pabodzi Yahova akhadya pabodzi, bzomwe bzikhalatiza kuti akhali pa mbverano. Munthu ali-wentse omwe akhadya uku adapswipa (kupswipa kuli-kwentse kwakufotokozedwa mu cakutonga) ayai omwe akhadya nyamayo pomwe nthawe yakuti aidye yapita kale (pa nthawe yakupsa ikhayamba kubvunda) akhafunika kuphedwa. Iye akhapsiwipiza cakudyaco thangwe rakuti adapswipa na thangwe rakuti akhadya cakudya cakusaya kuthemera pa maso pa Yahova, acilatiza kusaya kulemekeza bzinthu bzakupambulika.—Mwam 7:16-21; 19:5-8.
Kufufudza Cuma Cauzimu
(Mwambo 2:13) “‘Ntsembe iri-yentse ya mbeu yomwe mupereke mun’funika kuisanganinza na munyu. Lekani kupereka ntsembe ya mbeu yakusaya munyu wa mpangano na Mulungu. Pakupereka ntsembe zanu zentse zikhale zakusanganinzidwa na munyu.
(Zakiyeri 43:24) Iwepo un’funika kubzibweresa kwa Yahova ndipo antsembe an’dzabziwaza munyu na kubzipereka ninga ntsembe yakutentha kwa Yahova.
(Mwambo 3:17) “‘Lekani kudya mafuta yali-yentse ne mulopa. Limweri ni lamulo ku mibadwo yanu yentse mpaka kale-kale, kuli-kwentse komwe mungakhale.’”
it-1 tsa. 813
Mafuta
Thangwe la lamulo limweri. Cakutonga ca Mozeji cikhalewa kuti mulopa na mafuta bzikhali bzinthu bzakuthemera Yahova yekha. Mu mulopa ndimo muna moyo omwe ni Yahova yekha omwe angakwanise kuupereka, ndipopa ngwace. (Mwam 17:11, 14) Mafuta yakhali cinthu cakufunika kwene-kwene pa nyama yentse yacifuwo. Bzikuwoneka kuti ntsembe ya mafuta, ikhalatiza kuti nyakuiperekayo akhazindikira kuti mbali zabwino kwene-kwene za nyamayo n’za Yahova, omwe ambapereka bzinthu bzizinji. Ndipo bzikhalatizambo kuti nyakuiperekayo akhafuna kupereka kwa Yahova mbali zabwino kwene-kwene. Pakuti mafutaya yakhalatiza kuti Ajirayeri akhapereka mbali yabwino kwene-kwene kwa Yahova, bzikhalewedwa kuti akhambayafuzika pa guwa la ntsembe ninga ‘cakudya’ na ‘mnunci wakudjedjeresa mtima wace.’ (Mwam 3:11, 16) Tenepo kudya mafuta kukhali kudya cinthu cakucenesedwa kwa Yahova, komwe ni kuphonyera ugo bwa Yahova. Munthu akadya mafuta akhafunika kuphedwa. Tsono mwakusiyana na mulopa, mafuta yangadaphatisidwa basa mwa njira zinango, kuphatanidzambo mafuta ya cifuwo comwe cafa cokha ayai cacita kuphedwa na cirombo.—Mwam 7:23-25.
16-22 NOVEMBRO
CUMA CA M’FALA LA MULUNGU | MWAMBO 4-5
“Perekani Bzentse bzomwe mungakwanise kwa Yahova”
(Mwambo 5:5, 6) “‘Munthu akakhala na mulandu wa kucita bzinthu bzimwebzi, an’funika kuzimbula pikado yaceyo. 6 Iye an’dzabweresa kwa Yahova ntsembe ya mulandu. Ambabwerese kabira kakazi ayai kambuzi kakazi kuti ikhale ntsembe ya pikado. Patsogolo pace mkulu wa antsembe an’dzampsinkha pikado yaceyo.
it-2 tsa. 527 ndi. 9
Ntsembe
Ntsembe ya Mulandu. Ntsembe ya mulandu ikhaperekedwa thangwe ra pikado pakuti kuphonya kuli-kwentse ni pikado. Ntsembeyi ikhaperekedwa thangwe ra pikado zomwe zikhacitisa munthuyo kukhala na mulandu. Zikhasiyana na ntsembe zinango za pikado thangwe bzikuwoneka kuti zikhaperekedwa kuti zikwanirise ayai zibwezerese ugo. Ugo bumwebu bungakhale bwa Yahova ayai bwa mtundu wace wakucena bomwe munthu akhaphonyesa. Ntsembe imweyi ikhacitisa kuti Yahova alekere mulandu omwe munthu akhadaphonya ayai kuti munthu omwe akungula akhale pomwe na ugo bomwe akhanabo na kuti aleke kulangidwa thangwe ra pikado yaceyo.—Ndendemezerani na Zaiya 53:10.
(Mwambo 5:7) “‘Tsono penu iye an’kwanisa lini kubweresa bira, angabwerese kwa Yahova njiwa ziwiri ayai wana awiri wa nkhangaiwa ninga ntsembe ya mulandu, thangwe ra pikado yomwe acita, ibodzi ikhale ntsembe ya pikado ndipo inangoyo ikhale ntsembe zakutentha.
(Mwambo 5:11) “‘Penu iye an’kwanisa lini kupereka njiwa ziwiri ayai wana awiri wa nkhangaiwa, iye abwerese ufa bwakunyodoka bwakukwana gawo libodzi la magawo khumi, ninga ntsembe ya pikado yace. Iye an’funika lini kuikha mafuta ne ntsonono, pakuti ni ntsembe ya pikado.
Kufufudza Cuma Cauzimu
(Mwambo 5:1) “‘Munthu akawona ayai akabva kuti mwanzace wacita pikado, iye ni mboni. Akabva cidziwiso ca padeca kuti akacitire umboni bza pikadoyo koma iye ne kuyenda kukalewa, iye waphonya. An’funika kukatawira mulandu wakuphonya kwaceko.
Bzomwe Tingapfunze Kucokera kwa Atumiki Wakukhulupirika wa Yahova
Kudeka mtima kungakuthandizeni kulimbana na mabvuto yakuyeza cikhulupiro canu. Mwa ciratizo, imwepo mungadziwe kuti nyakukhulupira mwanzanu wacita cakuphonyeka cikulu. Imwepo mungabzibve kuti ndimwe wakukhulupirika kwa mwanzanuyo, maka-maka penu iye ni xamwali wanu ayai wadzinza wanu. Tsono penu imwepo mun’dzabisa bzinthu bzakuipa bza mwanzanuyo, mun’dzakhala wakusaya kukhulupirika kwa Mulungu. Tenepo, kukhulupirika kwanu kwa Yahova kun’funika kukhala pa mbuto yakuyamba. Ninga Natani, khalani wakudeka mtima na wakukhwimika. Mulimbiseni xamwali wanu ayai wadzinza wanuyo kuti alinge thandizo la akulu. Penu iye an’cita lini bzimwebzo mkati mwa nthawe yomwe mwapangana, kukhulupirika kwanu kwa Mulungu kun’dzakucitisani kuwadziwisa akulu bza nkhaniyo. Mukacita bzimwebzi, mun’dzakhala wakukhulupirika kwa Yahova ndipo mun’dzakhala wakudeka mtima kwa xamwaliyo ayai wadzinzayo, ndipo akulu an’dzayeza kumuthandiza munthuyo mwa kudeka mtima—Werengani Mwambo 5:1; Wagalata 6:1.
(Mwambo 5:15, 16) “Munthu akacita bzinthu mwakusaya kukhulupirika aciphonyera bzinthu bzakupambulika bza Yahova mwakusaya kudziwa, iye an’funika kubweresa bira wacimuna wakusaya kupunduka kuti ikhale ntsembe ya mulandu, birayo an’funika kukhala wa pereso ya masiklo ya prata yakundendemerana na masiklo ya ku mbuto yakucena. 16 Ndipo thangwe rakuti aphonyera mbuto yakucena, iye an’funika kupagali kaxanu-kentse pereso yomwe idaikhidwayo. Iye an’dzapereka kwa antsembe, kuti antsembeyo ampsinkhe pikado yaceyo, mwa kupereka ntsembe bira kuti ikhale ntsembe ya mulandu; ndipo pikadoyo in’dzalekereredwa.
it-1 tsa. 1130 ndi. 2
Kucena
Bzifuwo na bzinthu bza m’munda. Mwana wacimuna wakuyamba kubadwa wa bira na mbuzi bzikhali bzakucena kwa Yahova ndipo bzikhafunika lini kulomboledwa. Bzikhafunikira kuperekedwa ntsembe ndipo mbali ibodzi ikhali ya antsembe omwe akhatumikira. (Mirew 18:17-19) Bzisapo bzakuyambirira na cakhumi bzikhali bzakucena, kuphatanidzambo ntsembe zentse na bzakupereka bzomwe bzikhaperekedwa kuti bziphatisidwe basa pa tendi la mkonkhano. (Kuf 28:38) Bzinthu bzentse bzakucena bzikhali bzakupambulika kwa Yahova ndipo bzikhafunikira lini kupepusidwa ayai kuphatisidwa basa mwakusaya kuthemera. Ciratizo pa nkhani imweyi ni lamulo lakulewa bza cakhumi. Penu munthu angadakoya mbali inango ya bzinthu bzace kuti ikhale cakhumi, ingakhale ni tirigu yomwe abvuna, ndipo iye ayai munthu munango aiphatisa basa mwakusaya kudziwa, munthuyo akhakhala na mulandu wa kuphonyera lamulo lakulewa bza bzinthu bzakupambulika. Cakutonga cikhalewa kuti munthuyo abwerese ku tendi la mkonkhano bzinthu bzakubverana na bzomwe adzongabzo. Kuthimizira pa kupereka ntsembe bira wacimuna wakusaya kupunduka, iye akhafunikambo kuthimizira 20 por cento ya bzithu bzomwe adzonga. Bzimwebzi bzikhacitisa kuti wanthu ambalemekeze bzinthu bzakupambulika bza Yahova.—Mwam 5:14-16.
23-29 NOVEMBRO
CUMA CA M’FALA LA MULUNGU | MWAMBO 6-7
“Kulatiza Kutenda”
(Mwambo 7:11, 12) “‘Tsono lamulo la ntsembe zakutentha zomwe ali-wentse an’funika kuzipereka kwa Yahova ndiri: 12 Iye angaipereka ninga njira yakutenda nayo, an’funika kupereka pabodzi na pau zabololindo zakusanganinzidwa na mafuta ya azeite zakusaya cakufufumisa. Ndipo ambaperekembo pau zakuthathanyika zakupswingisiridwa mafuta, na pau zabololindo zakukonzedwa na ufa bwakunyodoka bwakusanganinzidwa na mafuta.
Bzomwe Tingapfunze na Bukhu la Mwambo
Pfunziro laciwiri: Timbatumikira Yahova thangwe ra kumutenda. Pfunziro limweri limbawonekera pa nsembe ya wense. Ndipo nsembe imweyi ikhacita mbali yakufunika kwene-kwene pa kunamata kwacadidi mu nthawe ya Ajirayeri. Bukhu la Mwambo, limbalewa kuti Mjirayeri alatize kutenda kwace akhafunika kupereka nsembe ya wense. (Mwam 7:11-13, 16-18) Ndipo iye akhapereka nsembeyo thangwe ra kufuna Yahova, sikuti mwakungingimizidwa. Cifuwo comwe cikhaperekedwa ninga nsembeyo, nyama yace ikhadyedwa na wanthu wa m’banja la munthu omwe akhapereka nsembeyo pabodzi na ansembe. Koma nyama inango ikhaperekedwa ninga nsembe kokha kwa Yahova. Kodi nyamayo njiponi?
(Mwambo 7:13-15) Pakuperekapo, an’funika kupereka pau za bololindo zomwe zina cakufufumisa, ndipo an’funika kupereka ntsembe ya wentse, yakuperekedwa kuti ikhale ntsembe yakutenda. 14 Pakupereka ntsembe imweyi, iye an’funika kupereka pau ya mtundu uli-wentse kuti ikhale mbali yakupambulika yakuperekedwa kwa Yahova. Mbali imweyi in’dzakhala ya wantsembe omwe an’dzawaza mulopa wa ntsembe ya wentse. 15 Nyama ya ntsembe yakutenda nayo ya wentseyo, in’funika kudyedwa pa ntsiku yomwe iniperekedwa. Palibe nthindi iri-yentse ya nyamayo yomwe in’funika kukoyedwa mpaka mangwana yace macibese.
(Mwambo 7:20) “‘Munthu ali-wentse omwe ngwakupswipa angadya nyama ya ntsembe ya wentse yomwe nja Yahova, an’funika kuphedwa acicosedwa pakati pa wanthu wace.
Kufufudza Cuma Cauzimu
(Mwambo 6:13) Motoyo un’funika kumbakhala udagaka nthawe zentse pa guwa la ntsembe. Ndipo un’funika lini kuthimiwa.
it-1 tsa. 833 ndi. 1
Moto
Kuphatisidwa basa pa tendi mkonkhano na mu templo. Moto ukhambaphatisidwa basa pakunamata mu tendi la mkonkhano ndipo ukhambadzaphatisidwambo basa mu templo. Macibese yali-yentse na kumaulo pambuyo pa kumira kwa dzuwa., mkulu wa antsembe akhambapereka ntsembe zakununtcirisa pa guwa la bzakununtcirisa. (Kuf 30:7, 8) Cakutonga ca Mulungu cikhalewa kuti moto wa pa guwa la ntsembe zakutentha ukhafunika kupitiriza kukhala udagaka. (Mwam 6:12, 13) Mwambo wa Adjuda umbalewa kuti moto wa pa guwa la ntsembe udagasidwa mwakudabwisa na Mulungu. Napo kuti wanthu azinji ambakulupira bzimwebzi, Bibliya limbalewa lini tenepo. Mwakubvera na malango yakuyambirira yomwe Yahova adapereka kwa Mozeji, wana wa Aroni akhafunikira ‘kugasa moto pa guwa la ntsembe na kulongedza nkhuni pa’ motopo, pomwe akanati kuikha ntsembe pa guwalo. (Mwam 1:7, 8) Moto wakucokera kwa Yahova udabwera kokha pomwe adamala kukhazikisa untsembe bwa Aroni na kupereka ntsembe ya kukhazikisidwa kwaceko. Ndipo bzikuwoneka kuti motoyo udacokera mu mtambo omwe ukhali padzaulu pa tendi la mkonkhano, ucitentha ntsembe yomwe ikhali pa guwa. Tenepo moto wakudabwisayo udawonekera sikuti udzatenthe nkhuni, koma kuti udzatenthe ntsembe yakutentha na nthindi za mafuta.
(Mwambo 6:25) “Uza Aroni na wana wace kuti: ‘Iri ndiro lamulo lakulewa bza ntsembe ya pikado: Pambuto pomwe mumbaphera ntsembe yakutentha ndipo pomwe mun’funika kumbapherambo ntsembe za pikado kwa Yahova. Cimweci ni cinthu cakucena kwene-kwene.
si tsa. 27 ndi. 15
Bukhu la Mirewengo 3—Mwambo
(3) Bzikhafunika kupereka ntsembe za pikado thangwe ra kuphonya mwakusaya kudziwa ayai mwakusaya kufuna. Mtundu wa cifuwo ukhatemba munthu omwe aphonyayo kuti ni mbani. Angakhale wantsembe, mbumba yentse, mkulu ayai munthu ali-wentse payekha. Mwakusiyana na ntsembe zakubzifunira zakutentha na ntsembe ya wentse, ntsembe za pikado zikhali lamulo.—4:1-35; 6:24-30.
30 NOVEMBRO–6 DEZEMBRO
CUMA CA M’FALA LA MULUNGU | MWAMBO 8-9
“Umboni bwa Bzisimbo bza Yahova”
(Mwambo 8:6-9) Tenepo Mozeji adauza Aroni na wana wace kuti afendere pafupi ndipo adawasambika na madzi. 7 Pambuyo pa bzimwebzi adabvazika Aroni cakubvala citali ndipo adamanga mceka m’ciuno mwace. Adamubvazikambo kamiza yakusaya manja, acimuikha Efodi ndipo adamumanga m’ciuno mwace na mceka wa Efodiyo. 8 Patsogolo pace adamuikha capacifuwa ndipo adaikha momwemo Urimu na Tumimu. 9 Adamubvazikambo duku mu msolo mwace, ndipo padukupo pakhana kacirata ka oro kakuyetima, komwe kakhali cizindikiro cakupambulika ca kubzipereka, ninga momwe Yahova akhadauzira Mozeji.
(Mwambo 8:12) Pakumalizira pace adaikha pang’ono mafuta yakudzozera mu msolo mwa Aroni, acimudzoza kuti akhale wakucena.
it-1 tsa. 1207
Kukhazikisidwa
Mozeji adasambika Aroni na wana wace omwe ni Nadabe, Abihu, Eleyazari na Itamari (ayai, iye adawauza kuti akasambe okha) mu basiya la mkuwa lomwe likhali mu bwalo. Ndipo adabvazika Aroni bvakubvala bzauntsembe bzomwe bzikhali bzakulemekezeka. (Mirew 3:2, 3) Tenepo, mwa kubvala bzakubvala bzakudekabzi, Aroni adakhazikisidwa kuti akhale wantsembe. Ndipo akhana bvakubvala bzakulatiza makhalidwe na udindo bomwe akhanabo. Patsogolo pace Mozeji adadzoza tendi la mkonkhano, bzombo bzace bzentse, guwa la ntsembe zakutentha na bzombo bzinango bzentse bzomwe bzikhambaphatisidwa basa pabodzi na bzimwebzi. Kucita bzimwebzi kukhacenesa bzombodzi, bziciikhidwa pambali kuti bziphatisidwe kokha pakunamata Mulungu. Pa kumalizira, Mozeji adadzoza Aroni mwa kumuikha mafuta mu msolo mwace.—Mwam 8:6-12; Kuf 30:22-33; Psal 133:2.
(Mwambo 9:1-5) Pa ntsiku yaci 8, Mozeji adacemera Aroni na wana wace, pabodzi na akulu wa Jirayeri. 2 Iye adauza Aroni kuti: “Bzitengere mphulu kuti ikhale cakupereka thangwe ra pikado, na bira wakusaya kupunduka kuti ikhale ntsembe yakutentha, ubzipereke kwa Yahova. 3 Koma uuze Ajirayeri kuti: ‘Tengani tonde kuti akhale ntsembe ya pikado, mutengembo mphulu na mwana wa bira; bzentsebzo bzin’funika kukhala bza gole libodzi; ndipo bzin’funika kukhala bzakusaya kupunduka, kuti bzikhale ntsembe yakutentha. 4 Ng’ombe na birayo bzin’funika kuperekedwa ninga ntsembe ya wentse, bziperekedwe ntsembe kwa Yahova, na ntsembe za mbeu zakusanganinzidwa na mafuta ya azeite; thangwe rakuti lero Yahova aniwonekera kwa imwepo.’” 5 Tenepo wanthuwo adatenga bzomwe Mozeji akhadawauza kuti atenge, aciyenda nabzo ku tendi la mkonkhano. Ndipo thimu lentse lidabwera liciima pamaso pa Yahova.
it-1 tsa. 1208 ndi. 8
Kukhazikisidwa
Pa ntsiku yaci 8, wantsembe omwe akhadakhazikisidwa na kukonzekeresedwa, adaperekera (mwakusaya kuthandizidwa na Mozeji) ntsembe kakuyamba Ajirayeri, omwe akhafunikira kucenesedwa pikado. Ntsembeyo ikhafunikira lini kuperekedwa kokha thangwe ra pikado yomwe adabadwa nayo, koma na thangwe rakuti akhadaphonyera Yahova mwa kunamata cifanikiso ca kamphulu ka oro. (Mwam 9:1-7; Kuf 32:1-10) Pakumaliza basa lomwe untsembe bomwe bukhadakhazikisidwa tsapanopabu budacita, Yahova adalatiza kuti akhabvuma basa lawolo mwa kutumiza moto mwakudabwisa. Mwakusaya kupenukira, motoyu udacoka mu mtambo omwe ukhali padzaulu pa tendi la mkonkhano ndipo udatentha ntsembe yomwe ikhali pa guwa.—Mwam 9:23, 24.
Mwambo 9:23, 24) Pakumalizira, Mozeji na Aroni adapita mu tendi la mkonkhano, ndipo adabula acisimba thimu la wanthulo. Patsogolo pace, umbiri bwa Yahova budawonekera kwa wanthu wentsewo, 24 ndipo moto wa Yahova udabwera, ucitentha ntsembe yakutenthayo na nthindi za mafuta pa guwa la ntsembe. Pomwe wanthu wentse adawona bzimwebzi, adakuwa, acigodama na kutsulimisa nkhope zawo pantsi.
Bzomwe Tingapfunze na Bukhu la Mwambo
Pfunziro lacinai: Yahova akusimba gulu lace la pa dziko la pansi. Kumbukirani bzomwe bzidacitika pomwe tendi la mkonkhano lidamangidwa pa Phiri la Sinai, mu gole la 1512 Kristu akanati kubwera. (Kuf 40:17) Mozeji adatsogolera msinda omwe Aroni na wana wace adasankhulidwa kuti akhale ansembe. Ajirayeri adatsonkhana kuti awone ansembe akupereka nsembe zakuyambirira za bzifuwo. (Mwam 9:1-5) Kodi Yahova adalatiza tani kuti adabvuma ansembe omwe adasankhulidwawo? Pomwe Aroni na Mozeji akhasimba wanthu, Yahova adatumiza moto omwe udapsereresa nsembe yomwe ikhali pa mphatso.—Werengani Mwambo 9:23, 24.
Kufufudza Cuma Cauzimu
(Mwambo 8:6) Tenepo Mozeji adauza Aroni na wana wace kuti afendere pafupi ndipo adawasambika na madzi.
(Mwambo 8:14-17) Pambuyo pace, adabweresa ng’ombe ing’ono kuti aipereke ninga ntsembe ya pikado, ndipo Aroni na wana wace adaikha manja yawo pa msolo wa ng’ombe yomwe ikhafuna kuperekedwa ntsembe ya pikadoyo. 15 Mozeji adaipha, ndipo adanyika cala cace m’mulopa wace aciupalangira pa nyanga zentse za guwa la ntsembe, acilicenesa ku pikado. Koma mulopa wakusalayo adauthululira m’nyantsi mwa guwalo, kuti alicenese kuti ambakwanise kumpsinkha pikado pa guwalo. 16 Patsogolo pace, Mozeji adatenga mafuta yentse yomwe yakhadampsika mautumbo, ciropa na impso ziwiri, acibzitentha pa guwa la ntsembe. 17 Ndipo mbali zakusala za ng’ombeyo zomwe ni khanda, nyama yace na ndowe zace adakabzitentha kunja kwa mbuto yomwe akhakhala, ninga momwe Yahova akhadauzira Mozeji.
it-2 tsa. 437 ndi. 3
Mozeji
Mulungu adasankhula Mozeji kuti akhale nyakuimikira mpangano wace na Ajirayeri. Palibe munthu omwe adakhala na udindo ninga bomwebu kupambula Jezu Kristu, omwe ni nyakuimikira wa mpangano upsa. Mozeji adapalangira bukhu la mpangano na mulopa wa bzifuwo. Ndipo iye akhaimira Yahova mbali inango na kuimirambo wanthuwo (mwakusaya kupenukira wakuimikiridwa na akulu wa wanthuwo) ku mbali inango. Iye adawerengera wanthuwo bukhu la mpangano ndipo iwo adatawira kuti: ‘Bzentse bzomwe Yahova alewa tin’dzabzicita ndipo tin’dzabzibvera.’ Pakuti akhali nyakuimikira, Mozeji adakhala na mwayi wa kunyang’anira basa la kumanga tendi la mkonkhano na kukonzedwa kwa bzombo, bzomwe kakonzedwe kace adauzidwa na Mulungu. Ndipo adakhalambo na mwayi wa kukhazikisa untsembe, kudzoza na mafuta yakupambulika tendi la mkonkhano na Aroni omwe akhali wantsembe. Patsogolo pace adanyang’anira mabasa ya antsembe omwe akhadayamba tsapanopa kutumikira.—Kuf makapitulo 25-29; Mwam makapitulo 8, 9.