• Faaruu Ermiyaas 2:15
    Kitaaba Qulqulluu Hiika Addunyaa Haaraa

    • 15 Warri karicha irra darban hundi qoosaadhaan harka isaanii si irratti walitti rurrukutu.+

      Isaan intala Yerusaalem irratti ajaaʼibsiifannaadhaan siiqsaa+ fi mataa isaanii raasaa,

      “Kun magaalaa isaan waaʼee ishii, ‘Ishiin bareedduu mudaa hin qabnee fi gammachuu guutummaa lafaa ti’+ jedhan sana mitii?” jedhu.

  • Anbaaqom 1:5-7
    Kitaaba Qulqulluu Hiika Addunyaa Haaraa

    •  5 “Saboota ilaalaa, xiyyeeffannaas isaaniif kennaa!

      Dinqisiifannaadhaan ilaalaa, ajaaʼibsiifadhaas;

      Sababiin isaas, wanti utuma isinitti himamee illee isin hin amanne tokko

      Bara keessanitti ni raawwatama.+

       6 Kunoo, ani Kaladoota,+

      Saba gara jabeessaa fi miiraan oofamu nan kaasa.

      Isaan mana kan isaanii hin taane fudhachuuf,

      Lafa balʼaa keessa ni fiigu.+

       7 Isaan sodaachisoo fi kan nama naasisani dha.

      Haqa ofii isaanii fi aangoo* ofii isaanii hundeessu.+