• Hisqiʼel 25:15-17
    Kitaaba Qulqulluu Hiika Addunyaa Haaraa

    • 15 “Yihowaan Gooftaa Ol Aanaan akkana jedha: ‘Filisxeemonni diinummaa cimaadhaan kakaʼanii hamminaan* isaan irratti haaloo baʼuu fi isaan balleessuuf yaalii godhaniiru.+ 16 Kanaafuu, Yihowaan Gooftaa Ol Aanaan akkana jedha: “Kunoo, ani harka koo Filisxeemota irratti nan diriirsa;+ Kereetotas taʼe jiraattota qarqara galaanaa warra hafan nan balleessa.+ 17 Adaba cimaa taʼeen akka malee isaan irratti haaloo nan baʼa; yommuun isaan irratti haaloo baʼus ani Yihowaa taʼuu koo dhugumaan ni hubatu.”’”

  • Amoos 1:9, 10
    Kitaaba Qulqulluu Hiika Addunyaa Haaraa

    •  9 Yihowaan akkana jedha:

      ‘Fincila Xiiros siʼa sadii,+ eeyyee, siʼa afur raawwatteen kan kaʼe, ani wantan murteesse hin jijjiiru;

      Sababiin isaas, isaan guutummaa sabichaa boojiʼanii Edoomitti dabarsanii kennaniiru,

      Kakuu obbolummaas hin yaadanne.+

      10 Kanaafuu, ani dallaa Xiiros irratti ibidda nan erga,

      Innis masaraawwan ishii warra ciccimoo ni nyaata.’+

  • Zakkaariyaas 9:1, 2
    Kitaaba Qulqulluu Hiika Addunyaa Haaraa

    • 9 Murtii Waaqayyo dabarse:

      “Dubbiin Yihowaa biyya Hadraak irratti dhufeera,

      Damaasqoon akeeka* isaa taateetti,+

      Sababiin isaas, ijji Yihowaa ilmaan namootaa irra,+

      Gosoota Israaʼel hundumaa irra jira.

       2 Akkasumas Hamaat+ ishii ishii daangessitu,

      Xiirosii+ fi Siidooniinis+ akeeka isaa godhateera; sababiin isaas, isaan baayʼee ogeeyyii akka taʼanitti yaadu.+