38 Achiis Saadoq lubichi, Naataan raajichi, Benaayaan+ ilmi Yehoyaadaa, akkasumas Kereetonnii fi Pheleetonni+ gad buʼanii Solomooniin gaangee Daawit Mootichaa irra kaaʼanii+ gara Giyoonitti+ isa fidan.

40 Sana booda namoonni sun hundi ulullee afuufaa fi baayʼee gammadaa isa duukaa buʼanii ol baʼan; iyya isaanii irraan kan kaʼes lafti ni baqaqxe.+

7 Achiis ilmoo harree+ sana gara Yesuusitti fidanii uffata isaanii irra buusan; innis irra taaʼe.+ 8 Kana malees, namoonni hedduun uffata isaanii karaa irra afan; warri kaan immoo qarqara karichaatii damee baala qabu kutanii afan.+ 9 Namoonni isa duraa fi isa booda deemanis akkana jedhanii iyyu turan: “Akka isa oolchitu si kadhanna!+ Inni maqaa Yihowaatiin* dhufu eebbifamaa dha!+ 10 Mootummaan abbaa keenya Daawit+ inni dhufu eebbifamaa dha! Yaa isa samii irra jirtuu, akka isa oolchitu si kadhanna!” 11 Gara Yerusaalemitti yommuu seenus mana qulqullummaa seenee wanta naannoo isaa jiru hundumaa ilaale; haa taʼu malee, saʼaatiin sokkee waan tureef, warra Kudha Lamaanii wajjin gara Bitaaniyaa dhaqe.+

14 Yesuus ilmoo harree argatee irra taaʼe;+ kunis akkuma akkana jedhamee barreeffametti dha: 15 “Yaa intala Xiyoon, hin sodaatin. Kunoo, mootiin kee ilmoo harree irra taaʼee dhufa.”+