Faarfannaa

43 Yaa Waaqayyo, murtii naaf kenni;+

Dhimma seeraa koo irratti saba amanamaa hin taane naaf falmi.+

Nama nama gowwoomsuu fi jalʼaa taʼe irraa na oolchi.

2 Sababiin isaas, ati Waaqa koo fi dahoo koo ti.+

Maaliif na gatte?

Cunqursaa diina kootiin kan kaʼe gaddaan asii fi achi kanan jooru maaliifi?+

3 Ifa kee fi dhugaa kee ergi.+

Isaan na haa geggeessan;+

Gara gaara kee isa qulqulluutti, gara godoo qulqulluu kee isa guddaattis na haa qajeelchan.+

4 Sana booda gara iddoo aarsaa Waaqayyootti,+

Gara Waaqa isa gammachuu koo isa guddaa taʼetti nan dhufa.

Waaqa koo kan taate yaa Waaqayyo, ani baganaadhaan sin jajadha.+

5 Abdii kanan kutadhu maaliifi?

Keessi koo kan jeeqamu maaliifi?

Waaqayyoon nan eeggadha,+

Ani amma iyyuu akka Fayyisaa koo Isa Guddaatti, akka Waaqa koottis isa nan jajadha.+