Faarfannaa
Faarfannaa Daawit.
28 Qarsaa koo kan taate yaa Yihowaa, ani yeroo hundumaa sin waammadha;+
Gurra kee naaf bani.
2 Harka koo gara kutaa isa keessaa iddoo qulqulluu keetti argamuutti ol kaasee,
Gargaarsa argachuuf gara keetti yommuun iyyadhu kadhata koo dhagaʼi.+
3 Hamoota warra wanta nama miidhu raawwatanii wajjin na hin gatin;+
Isaan utuma garaa isaanii keessa hamminni jiruu, namootaa wajjin waaʼee nagaa dubbatu.+
4 Akkuma gocha hamminaa isaaniitti,
Wanta raawwatan isaanitti deebisi.+
Akkuma isaan godhanittis,
Hojii harka isaanii isaaniif deebisi.+
5 Sababiin isaas, isaan gochawwan Yihowaatiif,
Hojii harka isaatiifis xiyyeeffannaa hin kennine.+
Inni isaan ni diiga, isaan hin ijaarus.
6 Kadhata ani gargaarsa argachuuf dhiheesse waan dhagaʼeef,
Yihowaan haa jajamu.
Gargaarsa isaa argadheera, garaan koos gammadeera;
Kanaafuu, faarfannaa kootiin isa nan jajadha.
8 Yihowaan saba isaatiif jabina dha;
Inni isa dibe sanaaf dahoo fayyina guddaa fidu dha.+
9 Saba kee oolchi, dhaala kees eebbisi.+
Bara baraaf isaan tiksi, irree keettis isaan baadhu.+