Faarfannaa

126 Yihowaan yeroo namoota Xiyoon warra boojiʼaman deebisee walitti qabetti+

Abjuu keessa kan jirru nutti fakkaate.

 2 Yeroo sanatti afaan keenya kolfaan

Arrabni keenyas ililchuudhaan guutame.+

Yeroo sanatti isaan saboota gidduutti,

“Yihowaan wantoota guguddaa isaaniif raawwate”+ jedhan.

 3 Yihowaan wantoota guguddaa nuuf raawwate,+

Nutis baayʼee gammanne.

 4 Yaa Yihowaa, akkuma burqaawwan Negeeb* keessa jiraniitti,

Boojiʼamtoota keenya deebisii walitti qabi.*

 5 Warri imimmaaniin sanyii facaasan

Ililchuudhaan ni haammatu.

 6 Namni korojoo sanyii isaa baatee baʼu,

Booʼaa kan gad baʼu taʼus,

Bissiiwwan midhaanii isaa baatee,+

Ililchaa akka deebiʼu beekamaa dha.+