Faarfannaa
Faarfannaa. Faarfannaa Daawit.
108 Yaa Waaqayyo, garaan koo cimaa dha.
Guutummaa eenyummaa kootiin* nan faarfadha, muuziqaas nan qopheessa.+
2 Yaa meeshaa muuziqaa ribuu qabdu nana, dammaqi, yaa baganaa,+ atis dammaqi.
Ani barraaqaan nan kaʼa.
3 Yaa Yihowaa, namoota gidduutti sin jajadha,
Saboota gidduuttis faarfannaa galataa siif nan faarfadha.*
4 Sababiin isaas, jaalalli kee inni amanamaan guddaa dha, akka samiiwwaniittis ol kaʼaa dha,+
Amanamummaan kees duumessoota bira gaʼa.
5 Yaa Waaqayyo, samiiwwanii olitti ol kan qabamte taʼi;
Ulfinni kee guutummaa lafaa irra haa taʼu.+
6 Warri ati jaallattu ooluu akka dandaʼaniif,
Harka kee mirgaatiin nu baraari, deebiis naaf kenni.+
7 Waaqayyo qulqullummaa isaatiin* akkana jedhee dubbateera:
8 Akkuma Minaaseen kan koo taʼe, Giiliyaadis+ kan koo ti,
9 Moʼaab miʼa dhiqannaa koo ti.+
Edoom irratti kophee koo nan darbadha.+
Filisxeem irrattis miira injifannootiin nan iyya.”+
10 Gara magaalaa dallaa dhagaa qabdutti kan na geessu eenyu?
Hamma Edoomitti kan na geggeessu eenyu?+
11 Yaa Waaqayyo, ati isa nu gate sana,
Yaa Waaqa keenya, ati isa raayyaawwan waraanaa keenyaa wajjin baʼuu dhiise sana mitii?+