Faarfannaa
Geggeessaa muuziqaatiif, Nehiilootiin.* Faarfannaa Daawit.
5 Yaa Yihowaa, dubbii koo dhagaʼi,+
Aaduu kootiifis xiyyeeffannaa kenni.
2 Yaa Mootii koo, yaa Waaqa koo, kadhannaa koo gara keetti waanan dhiheessuuf,
Iyyan gargaarsa argachuuf dhageessisuuf xiyyeeffannaa kenni.
3 Yaa Yihowaa, ati ganama sagalee koo ni dhageessa;+
Ani ganama yaaddoo koo sitti nan himadha,+ abdiidhaanis nan eeggadha.
4 Sababiin isaas, ati Waaqa hamminatti gammadu miti;+
Namni hamaa taʼe kam iyyuu sii wajjin hin jiraatu.+
5 Namni of tuulu kam iyyuu si dura hin dhaabbatu.
Yihowaan namoota hammina raawwatanii fi warra kaan gowwoomsan* ni balfa.+
7 Ani garuu jaalala kee isa amanamaadhaan kan kaʼe+ gara mana keetti nan seena;+
Kabaja guddaadhaan si sodaadhee+ gara kallattii mana qulqullummaa* kee isa qulqulluu taʼeetti nan sagada.
8 Yaa Yihowaa, diinota koo irraa kan kaʼe qajeelummaa keetiin na geggeessi.
Daandii kee ifa naaf godhi.+
9 Wanti isaan jedhan kam iyyuu amanamuu hin dandaʼu,
Hammina malee homtuu isaan keessa hin jiru,
Qoonqoon isaanii awwaala baname dha,
10 Waaqayyo garuu yakkamtoota taʼuu isaanii ni labsa;
Haxxummaan ofii isaanii akka kufan isaan godha.+
Balleessaa hedduu raawwachuu isaaniitiin kan kaʼe haa ariʼaman;
Sababiin isaas, isaan si irratti fincilaniiru.
11 Warri sitti kooluu galan hundi garuu ni gammadu;+
Isaan yeroo hundumaa ni ililchu.
Ati isaan ni eegda,
Warri maqaa kee jaallatanis sitti ni gammadu.
12 Yaa Yihowaa, ati isa qajeelaa taʼe kam iyyuu ni eebbista;
Akkuma gaachana guddaattis gaarummaadhaan isaanitti ni marsita.+