Foormii Hordofaa Gargaaraa (S-43) Jedhamutti Kan Fayyadamnu Akkamitti?
Foormiin kun guutamuu kan qabu, nama fedha qabuufi naannookee hin jiraanne ykn nama afaan biyya alaa dubbatu yommuu argattudha. Kanaan dura fedhii qabaatanis qabaachuu baatanis namoota afaan biyya alaa dubbatan argannaan foormii kanatti ni fayyadamna turre; amma garuu foormii kanatti kan fayyadamnu yoo namichi fedhii qabaate qofadha. Kanaan alatti foormii kanatti kan fayyadamnu, namichi gurrisaa kan hin dhageenye yoo taʼe qofadha. Nama gurrisaa hin dhageenye tokko yoo arganne, fedhii qabaates qabaachuu baates foormii S-43 guutuu qabna.
Foormiin kana akka gaaritti erga guunnee booda maal gochuu qabna? Barreessaa gumiitti kennuu qabna. Inni foormiin kun gumii kamiif akka ergamu beeka taanaan, nama fedha qabu sana akka gargaaraniif jaarsolii gumii sanaatiif erguu qaba. Teessoo gumichaa hin beekuu taanaan garuu, foormicha waajjira dameetiif erguu qaba.
Tarii namni fedhii qabuufi afaan biyya alaa dubbatu kun naannoo keessan kan jiraatu yoo taʼe, babalʼisaa gumii biyya alaa afaansaa dandaʼu hamma argatutti deddeebitee isa gaafachuudhaan fedhiisaa guddisuu dandeessa.—Tajaajila Mootummaa Sadaasa 2009, fuula 4 ilaali.