Afeeruu Ni Dandeessaa?

Gumiiwwan hedduu keessa, babal’istoonni sababii fayyaatiin ykn dullumaan kan ka’e tajaajilarratti yeroo dheeraa dabarsuu hin dandeenye jiru. (2 Qor. 4:16) Babal’istoota haala akkasiirratti argaman qayyabannaa Macaafa Qulqulluu keessanirratti afeeruu ni dandeessuu? Babal’isaan sun manaa ba’uu hin danda’u taanaanimmoo, qayyabannaa keessan manasaatti geggeessuu ni dandeessu ta’a. Yeroo tokko tokko, qophii gochuudhaan babal’isaa dhibee fayyaa qabuu wajjin manaa gara manaa deemtanii namoota muraasa haasofsiisuu ykn nama tokko ykn lamaaf deddeebii gaaffii gochuu ni dandeessuu? Babal’istoonni umrii dheeraa jiraatan baay’een, tajaajilarratti muuxannoo hedduu qabu. Kanaaf, carraaqqiin isin gootan kan jajjabeessu isaaniin qofa miti. Isinis faayidaa argachuu ni dandeessu. (Rom. 1:12) Dabalataanis, carraaqqii isin karaa kanaan jaalala argisiisuuf gootan Yihowaan isiniif eebbisa.—Fak. 19:17; 1 Yoh. 3:17, 18.