«Диссаджы нывтӕ!»

Ӕвӕццӕгӕн, ног журнал куы райсыс, уӕд дӕхицӕн кӕнӕ иннӕтӕн ацы ныхӕстӕ арӕх фӕзӕгъыс. Нӕ журналты цы рӕсугъд нывтӕ ӕмӕ къамтӕ вӕййы, уыдоныл бирӕ бафыдӕбон кӕнынц ӕмӕ дзы алы нывӕн дӕр вӕййы йӕхи нысан. Нывты фӕрцы нын ӕнцондӕр вӕййы хъуыды кӕнын, стӕй, статьяйы кӕй кой цӕуы, нӕхи уыдоны бынаты сӕвӕрын дӕр. Уӕлдай стыр ӕххуыс та нын вӕййынц, нӕхи «Хъахъхъӕнӕн мӕсыджы» ахуырмӕ куы фӕцӕттӕ кӕнӕм ӕмӕ статья ӕмбырды куы февзарӕм, уӕд.

Зӕгъӕм, иу гыццыл-ма ахъуыды кӕн, алы ахуыргӕнӕн статьяйы дӕр райдианы цы ныв вӕййы, ууыл. Цӕуыл дзурӕг у? Куыд баст у статьяйы номимӕ ӕмӕ сӕйраг стихимӕ? Цы зӕгъӕн ис иннӕ нывтӕй та: куыд баст сты, статьяйы дзырд цӕуыл цӕуы, уыимӕ, стӕй дӕ цардимӕ дӕр?

«Хъахъхъӕнӕн мӕсыджы» ахуыр чи уадза, уый-иу ӕфсымӕртӕ ӕмӕ хотӕн фадат ратдзӕн, цӕмӕй-иу алы нывы тыххӕй дӕр сӕ хъуыды зӕгъой, бамбарын-иу кӕной, цы дзы ис зондӕн райсӕн кӕнӕ сыл куыд бандӕвта. Иуӕй-иу нывтӕн сӕ бынмӕ фыст вӕййы, кӕцы абзацмӕ хауынц, уый. Иннӕ нывты тыххӕй та, ахуыр чи уадза, уыцы ӕфсымӕр аскъуыддзаг кӕндзӕн, алкӕцыйыл дӕр дзы хуыздӕр кӕд уыдзӕн аныхас кӕнын. Уӕд алкӕмӕн дӕр ӕнцондӕр уыдзӕн, Хуыцауы Ныхасы цӕй кой цӕуы, уый йӕ цӕстытыл ауайын кӕнын ӕмӕ дзы йӕхицӕн зонд райсын.

Иу ӕфсымӕр нывты тыххӕй ахӕм ныхӕстӕ загъта: «Нӕ журналты цы диссаджы статьятӕ вӕййы, уыдон нывты фӕрцы рафидауынц, адджинаг кремӕй куыд рафидауы, афтӕ».