Цы равзардзынӕ, ууыл ахъуыды кодтай?
Ӕгас дунейы дӕр фылдӕрӕй-фылдӕр кӕны, ӕнӕ тугӕй операцитӕ чи кӕны, уыцы дохтырты нымӕц. Ӕнӕ тугӕй хос кӕныны мадзӕлттӕ цавӕртӕ сты, уый хорз зоныс? Уый зонын хъӕуы, цӕмӕй нӕ бон уа раст уынаффӕтӕ хӕссын, хос кӕнын ӕмӕ нын операци кӕнын куы бахъӕуа, уӕд. Бакӕс видеофильммӕ «Никакой крови. Медицина идет навстречу». Уый фӕстӕ скув, цӕмӕй дӕлдӕр амынд фарстатӕм гӕсгӕ раст уынаффӕтӕ рахӕссай. (Фиппаинаг: видеофильмы ӕвдисынц, операцитӕ куыд кӕнынц, уый, уымӕ гӕсгӕ ныййарджытӕ хъуамӕ ахъуыды кӕной, сӕ гыццыл сывӕллӕттимӕ йӕм кӕсдзысты ӕви нӕ.)
1) Йегъовӕйы Ӕвдисӕнтӕ туг уадзыныл сӕйраджыдӕр цӕуылнӕ разы кӕнынц? 2) Дохтыртӕй цавӕр ӕххуысмӕ ӕнхъӕлмӕ кӕсӕм? 3) Рынчынӕн йӕ сӕйраг бар цы у? 4) Ӕнӕ тугӕй хос кӕныны мадзӕлттӕ адӕймаг йӕхӕдӕг цӕмӕн хъуамӕ ӕвзара, ӕмӕ уый зондджын ми цӕмӕн у? 5) Рынчын бирӕ туг куы фесафа, уӕд дохтыртӕ ӕвӕстиатӕй цавӕр дыууӕ хъуыддагыл хъуамӕ батыхсой? 6) Цавӕр цыппар уагӕвӕрдыл арӕзт сты ӕнӕ тугӕй хос кӕныны мадзӕлттӕ? 7) Дохтыртӕн сӕ бон цы у саразын, цӕмӕй а) рынчын бирӕ туг ма фесафа, ӕ) эритроциттӕ бахъахъхъӕной, б) туг фӕфылдӕр кӕной, ӕмӕ в) цы туг фесӕфт, уый баххӕст кӕной? 8) Бамбарын кӕн, а) цы у гемодилюци ӕмӕ ӕ) реинфузи? 9) Туг уадзыны бӕсты цы мадзӕлттӕ ис, уыдонӕй дӕ алкӕцыйы тыххӕй дӕр дохтырты цы бафӕрсын хъӕуы? 10) Ӕнӕ тугӕй уӕззау операцитӕ кӕнӕн ис? 11) Дохтыртӕ цавӕр хъуыддаг райдыдтой хуыздӕр ӕмбарын?
Видеофильмы цы мадзӕлтты кой цӕуы, уыдонӕй адӕймаг кӕцыйыл сразы уыдзӕн, уый йӕхӕдӕг скъуыддзаг кӕны. Туг уадзыны бӕсты цы мадзӕлттӕ ис, уыдонӕй ды ӕмӕ дӕ сывӕллӕттӕ цавӕртӕй хос кӕндзыстут, уый, мыййаг, аскъуыддзаг кодтай ӕмӕ стӕй туджы документ «Волеизъявление», зӕгъгӕ, байдзаг кодтай? Уый фӕдыл фылдӕр ӕрмӕг ис «Хъахъхъӕнӕн мӕсыг»-ы «Кӕсджыты фарстатӕ»-йы 2004 азы 15 июны (уыр.) ӕмӕ 2000 азы 1 ноябры. Уый фӕстӕ ӕркӕс, 2006 азы ноябры «Нӕ хъусын кӕныны хъуыддаджы» уӕлӕмхасӕнмӕ «Цы цӕстӕй кӕсын туджы фракцитӕм ӕмӕ хи тугӕй хос кӕныны мадзӕлттӕм?», цӕмӕй равзарай, цӕуыл разы кӕныс ӕви нӕ разы кӕныс, уый. Стӕй дӕ туджы документы ныффысс, цы равзӕрстай, уый. Ӕвдисӕнтӕй кӕй равзӕрстай ӕмӕ дӕ бинонтӕй уырнӕг чи нӕу, уыдонӕн бамбарын кӕн, цы уынаффӕтӕ рахастай, уый.