Ӕппӕты хуыздӕр ӕххуыс – цавӕр у?
«Ӕнӕ тугӕй операци кӕныныл цы рынчын сразы вӕййы, уый равзары ӕппӕты хуыздӕр ӕххуыс». Ацы ныхӕстӕ загъта дохтыр ӕмӕ анестезиолог Майкл Роуз. «Ӕнӕ тугӕй хос кӕныны» мадзӕлттӕм цы хауы? Уый зонын хъӕуы, цӕмӕй нӕ бон уа раст уынаффӕтӕ хӕсын, хос кӕнын ӕмӕ операци кӕнын куы бахъӕуы, уӕд. Бакӕс видеофильммӕ «Иу туджы ӕртах дӕр нӕ. Медицинӕ разы кӕны». Уый фӕстӕ фарстытӕм гӕсгӕ сбӕрӕг кӕн, куыд ӕй бамбӕрстай, уый. (Фиппаинаг: кинонывы ранӕй-рӕтты ӕвдисынц хирургты операци кӕнгӕйӕ, ӕмӕ уымӕ гӕсгӕ ныййарджытӕ хъуамӕ ахъуыды кӕной, сӕ гыццыл сывӕллӕттимӕ йӕм кӕсдзысты ӕви нӕ.)
1) Йегъовӕйы Ӕвдисӕнтӕ туг уадзыныл сӕйраджыдӕр цӕмӕ гӕсгӕ нӕ разы кӕнынц? 2) Дохтыртӕй цавӕр ӕххуысмӕ ӕнхъӕлмӕ кӕсӕм? 3) Рынчынӕн йӕ сӕйраг бар цы у? 4) Ӕнӕ тугӕй хос кӕнын зондджын ӕмӕ ӕмбаргӕ ми цӕмӕн у? 5) Рынчын бирӕ туг куы фесафы, уӕд дохтыртӕ ӕвӕстиатӕй цавӕр дыууӕ хъуыддагыл хъуамӕ батыхсой? 6) Цавӕр сӕйраг цыппар уагӕвӕрдыл арӕзт цӕуынц ӕнӕ тугӕй хос кӕныны мадзӕлттӕ? 7) Дохтыртӕн сӕ бон цы у саразын, цӕмӕй а) рынчын бирӕ туг ма фесафа, ӕ) эритроциттӕ бахъахъхъӕной, б) туг фӕфылдӕр кӕной, ӕмӕ в) цы туг фесӕфт, уый баххӕст кӕной? 8) Бамбарын кӕн, а) цы у гемоделюци ӕмӕ ӕ) туг бавӕрын? 9) Туг уадзыны бӕсты цы мадзӕлттӕ ис, уыдонӕй дӕ алкӕцыйы тыххӕй дӕр дохтырты цы бафӕрсын хъӕуы? 10) Ӕнӕ тугӕй уӕззау операцитӕ кӕнӕн ис? 11) Дохтыртӕ цавӕр хъуыддаг райдыдтой хуыздӕр ӕмбарын?
Кинонывы цы мадзӕлтты кой цӕуы, уыдонӕй кӕцыйыл сразы уыдзыстӕм, уый нӕ алчи йӕхӕдӕг скъуыддзаг кӕны, Библийӕ цы базыдтам, уымӕ гӕсгӕ. Туг уадзыны бӕсты цы мадзӕлттӕ ис, уыдонӕй ды ӕмӕ дӕ сывӕллӕттӕ цавӕртӕй хос кӕндзыстут, уый аскъуыддзаг кодтай? Кӕд дӕ бинонтӕй исчи Ӕвдисӕн нӕу, уӕд ын хорз бамбарын кӕнын хъӕуы, цы уынаффӕтӕ рахастай ӕмӕ цӕмӕн. (Кӕс «Кӕсджыты фарстытӕ» 2004 азы 15 июны [уыр.] ӕмӕ 2000 азы 1 ноябры «Хъахъхъӕнӕн мӕсыг»-ы.)