Уацамындон фембӕлдтӕ – стыр ӕххуыс нӕ лӕггадӕн
Фӕстаг азты хотӕ ӕмӕ ӕфсымӕртӕ ноджы зӕрдиагдӕрӕй архайынц хъусын кӕныны хъуыддаджы. Афтӕ уымӕн у, ӕмӕ Хуыцауы адӕм ӕмбырдты ноджы хуыздӕр ахуыр кӕнынц, хорз хабар арӕхстджындӕрӕй куыд хъусын кӕной, ууыл. Уыцы хъуыддаджы стыр ӕххуыс сты уацамындон фембӕлдтӕ.
Уыцы фембӕлдтӕ-иу хъуамӕ хотӕ ӕмӕ ӕфсымӕртӕн сӕ зонд ӕмӕ сӕ зӕрдӕтӕ бацӕттӕ кӕной, цы куыст кӕндзысты, уымӕ. Уацамынды чи вӕййы, уыдон фембӕлдтӕн стыр аргъ кӕнынц, уымӕн ӕмӕ уым фехъусынц, арӕхстджындӕрӕй хъусын кӕнынӕн сын чи ӕххуыс кӕны, ахӕм хорз хъуыдытӕ ӕмӕ уынаффӕтӕ.
Уацамындон фембӕлд стырдӕр пайда хӕсдзӕн, чи йӕ уадза, уыцы ӕфсымӕр-иу рагацау куы ахъуыды кӕна, цы йӕ хъӕуы саразын, цӕмӕй фембӕлд уа цымыдисаг дӕр ӕмӕ пайда дӕр. Хорз уаид, аныхас кӕнын искӕцы хъуыдытыл чиныгӕй «Рассуждение с помощью Писаний». Уацамындон фембӕлд хъуамӕ уа цыбыр, 15 минутӕй фылдӕр хъуамӕ ма уа.
Нӕ бон цы у саразын, цӕмӕй уацамындон фембӕлдтӕ фылдӕр пайда хӕссой? Ныхас цы ӕрмӕгыл цӕудзӕн, уымӕ-иу рагацау куы ӕркӕсӕм ӕмӕ-иу куы ахъуыды кӕнӕм, иннӕтӕн дзы пайда цы уыдзӕн, ууыл. Фембӕлды цы уынаффӕтӕ вӕййы, уыдонӕй кӕд ӕнтыстджынӕй фӕпайда кӕныс, уӕд сӕ дӕ бон у иннӕтӕн дӕр радзурын.
Ӕфсымӕр цалынмӕ фембӕлды кӕрон не скува, уӕдмӕ хъуамӕ базона, алкӕмӕн дӕр ӕмбал ӕмӕ кӕм хъусын кӕна, уый ис ӕви нӕ. Участоктӕ хъуамӕ алкӕй фаг дӕр уой, цӕмӕй алкӕмӕн дӕр йӕ бон уа фылдӕр рӕстӕг балӕггад кӕнын. Куывды фӕстӕ алчидӕр хъуамӕ уайтагъд ацӕуа йӕ участокмӕ, цӕмӕй рӕстӕгӕй, куыд хуыздӕр у, афтӕ спайда кӕной.
Уацамындон фембӕлдтӕ хорз куы пълан кӕнӕм, уӕд стыр ӕххуыс уыдзысты, цӕмӕй алцӕмӕйдӕр цӕттӕ уӕм ӕмӕ хорз хабар арӕхстджындӕрӕй хъусын кӕнӕм. Бирӕтӕ куыд зӕгъынц, афтӕмӕй, уацамындон фембӕлдты хорз уынаффӕтӕ кӕй фехъусынц, уый фӕрцы ноджы зӕрдиагдӕрӕй цӕуынц уацамынды ӕмӕ фылдӕр рӕстӕг хъусын кӕнынц.