Уацамындон фембӕлдтӕ дын стыр ӕххуыс фӕуӕнт
1. Уацамындон фембӕлдтӕ нын куыд ӕххуыс кӕнынц?
1 Уацамынды размӕ цы фембӕлд вӕййы, уый нӕ бауадзы ныфс ӕмӕ дзы фехъусӕм хорз уынаффӕтӕ. Уыцы фембӕлдты фӕрцы нӕ хотӕ ӕмӕ не ’фсымӕртимӕ хъусын кӕнынмӕ цӕуӕм, цӕмӕй кӕрӕдзийӕн ӕххуыс кӕнӕм ӕмӕ кӕрӕдзийӕ ахуыр кӕнӕм (Ӕмб. 27:17; Еккл. 4:9, 10). Цӕмӕй нын уацамындон фембӕлдтӕ стыр ӕххуыс фӕуой, уый тыххӕй нӕ цы хъӕуы аразын?
2. Уацамындон фембӕлд чи уадза, уымӕн йӕ бон цӕуыл у ӕрдзурын?
2 Чи йӕ уадзы. Ацы фембӕлдты дзурын цӕуыл хъӕудзӕн, уымӕн рагацау пълан ӕрвыст не ’рцӕуы. Уымӕ гӕсгӕ, уыцы фембӕлд ды куы уадзай, уӕд дӕ хъӕудзӕн хорз бацӕттӕ кӕнын. Ӕнӕмӕнг нӕу, цӕмӕй ӕрвылбоны стихыл аныхас кӕнай, фӕлӕ комкоммӕ хъусын кӕнынмӕ куы хауа, уӕд ӕй дӕ бон у равзарын. Ахъуыды кӕн, уыцы бон уацамынды чи цӕудзӕн, уыдонӕн тынгдӕр цы баххуыс кӕндзӕн, ууыл. Зӕгъӕм, дӕ бон у ӕрдзурын, адӕймагимӕ куыд ис ныхас райдайӕн, ууыл, кӕнӕ та йӕ равдисын. Чи зоны дӕ бафӕнда аныхас кӕнын брошюрӕйыл «Куыд райдайӕм ӕмӕ куыд адарддӕр кӕнӕм нӕ ныхас Библийыл» (уыр.), «Хъусынгӕнджыты скъола»-йы чиныгӕй истӕуыл йе та фӕстаг хатт хъусын кӕныны фембӕлды цы ӕрмӕг уыд, ууыл. Ӕндӕр хатт та ӕрдзур, уӕ территорийы арӕхдӕр цы зындзинӕдтыл сӕмбӕлут, уыдоныл, кӕнӕ та уыцы бон хъусынгӕнджытӕй бирӕтӕ адӕмы ногӕй куы бӕрӕг кӕной, уӕд цӕуыл ис аныхас кӕнӕн, цӕмӕй сӕ бафӕнда фылдӕр базонын ӕмӕ семӕ Библи ахуыр кӕнын райдайой. Цӕуылфӕнды ма дзурай – дзур зӕрдиагӕй ӕмӕ хъусынгӕнджытӕн сӕ ныфсыл ныфс ӕфтау.
3. Фембӕлд цас хъуамӕ цӕуа ӕмӕ уыцы рӕстӕджы цы хъӕуы саразын?
3 Фембӕлд-иу афоныл райдай, кӕд иуӕй-иутӕ байрӕджы кӕндзысты, уӕддӕр. Хъусынгӕнджыты-иу къордтыл раст адих кӕн ӕмӕ, кӕй хъӕуа, уымӕн-иу участок ратт. Фембӕлд хъуамӕ 10–15 минутӕй фылдӕр ма уа, ӕмбырды фӕстӕ куы уа, уӕд та – къаддӕр. Цалынмӕ фембӕлд нӕ фӕуа, уӕдмӕ хъуамӕ алчидӕр зона, кӕимӕ цӕудзӕн ӕмӕ кӕдӕм. Фӕстагмӕ хъӕуы акувын.
4. Уацамындон фембӕлдтӕ алкӕмӕн дӕр стыр ӕххуыс куыд фӕуыдзысты?
4 Дӕ бон у баххуыс кӕнын. Ӕмбырды фембӕлдтӕм афоныл кӕй цӕуӕм, уымӕй ӕвдисӕм, Иегъовӕйӕн кӕй кад кӕнӕм ӕмӕ иннӕтыл кӕй хъуыды кӕнӕм. Уӕдӕ ацы фембӕлдмӕ дӕр хъӕуы афоныл цӕуын. Ӕфсымӕр фарстытӕ куы дӕтта, уӕд-иу ды дӕр дӕ хъуыды зӕгъ. Уый дӕ, гӕнӕн ис, ӕмӕ уацамынды искӕимӕ арвита, кӕнӕ та дӕхи бон у рагацау искӕимӕ баныхас кӕнын. Кӕд ӕмбал арӕхдӕр дӕхӕдӕг фӕагурыс, уӕд хорз уаид, алы хатт ӕрмӕст де ’ввахс хӕлӕрттимӕ куы нӕ хъусын кӕнис, фӕлӕ «дӕ зӕрдӕ уӕрӕх [куы] байгом кӕнис» ӕмӕ-иу ӕндӕртимӕ дӕр куы ацӕуис (2 Кор. 6:11–13, НД). Фембӕлды фӕстӕ ӕмбӕлтты раив-баив кӕнын нал хъӕуы, фӕлӕ хъӕуы ӕнӕ ракӕ-бакӕйӕ хъусын кӕнынмӕ ацӕуын.
5. Уацамындон фембӕлдты нысан цы у?
5 Ӕмбырды фембӕлдты нысан цы у, уацамындон фембӕлдты нысан дӕр уый у. Уыдон уый тыххӕй сты, цӕмӕй уӕм «лӕмбынӕг кӕрӕдзимӕ, уарзондзинад ӕмӕ хорз хъуыддӕгтӕм разӕнгард кӕнгӕйӕ» (Дзут. 10:24, 25). Ууыл куы архайӕм, цӕмӕй нын уыцы фембӕлдтӕ ӕххуыс фӕуой, уӕд нын хъусын кӕныны хъуыддаджы фылдӕр ӕнтысдзӕн. Ӕмӕ уый та «хорз хъуыддаг» куыннӕ у!