Нӕ бон у 2000-ӕм азы апрелы мӕй ӕппӕты ӕнтыстджындӕр мӕй скӕнын?
1 19 апрель, ӕртыццӕг изӕр уыдзӕн нӕ лӕггаддзинады азы ахсджиаг цау. Уыцы бон хурныгуылды фӕстӕ Иегъовӕйы Ӕвдисӕнты ӕмбырдтӕ ӕмӕ къордтӕ ӕппӕт дунейыл ӕрӕмбырд уыдзысты Чырыстийы мӕлӕты Ӕрымысӕн Изӕрмӕ. Кӕмфӕнды ма цӕрӕм, уӕддӕр Йесо Чырыстийы нывонд ӕрхъуыды кӕныны тыххӕй фембӕлд ацы аз уыдзӕн ӕппӕты ахсджиагдӕр цау. «Иегъовӕйы Ӕвдисӕнты къӕлиндары 2000-ӕм азӕн» нысангонд у Ӕрымысӕн Изӕры датӕ, апрелы.
2 Апрелы нын уыдзӕн хорз фадат, цӕмӕй зӕрдӕбынӕй нӕ бузныгдзинад равдисӕм Иегъовӕйы хӕларзӕрдӕдзинады тыххӕй, кӕцы рабӕрӕг йӕ Фырты нывонды уылты. Куыд? Апостол Павел фыста: «Чырыстийы уарзондзинад йӕ хъӕбысы бакодта мах, афтӕ чи хъуыды кӕны: кӕд иунӕг се ’ппӕты тыххӕй амарди, уӕд иууылдӕр амардысты. Чырысти та се ’ппӕты сӕрвӕлтау амарди, ӕгӕстӕ цӕмӕй ӕрмӕст сӕхи тыххӕй ма цӕрой, фӕлӕ сӕ сӕрвӕлтау чи амард ӕмӕ чи райгас, — Уый тыххӕй» (2 Кор. 5:14, 15, НФ). Апрель ӕппӕты ӕнтыстджындӕр мӕй скӕныныл куы архайӕм, уӕд мах, куыд Паддзахады лӕггадгӕнджытӕ, афтӕ равдисдзыстӕм нӕхи тыххӕй кӕй нӕ цӕрӕм, фӕлӕ мах тыххӕй чи амард, уый тыххӕй.
3 Апрелы дӕхи ныффыс ӕххуысгӕнӕг пионерӕй. Апостол Павел нын ныууагъта хорз цӕвиттон, куы загъта: «Ӕз ницӕмӕуал кӕсын, мӕ цардыл дӕр нал ауӕрдын, ӕрмӕст ма райгӕйӕ фӕуон мӕ цардыцыд, ӕмӕ, Хицау Йесойӕ цы куыст ӕрбайстон,— уый: ома Хуыцауы хорзӕхы фарны уац, ӕргом айхъусын кӕнын [«Хуыцауы хӕларзӕрдӕдзинады тыххӕй цины хабар зӕрдиагӕй хъусын кӕнын», НД]» (Ап. к. 20:24, НФ). Махӕн дӕр хорз фадат ис Иегъовӕ Хуыцауы тыххӕй зӕрдиагӕй хъусын кӕнынӕн. Уымӕ тырнгӕйӕ нӕ фӕнды, цӕмӕй апрель суа ӕппӕты ӕнтыстджындӕр мӕй ӕххуысгӕнӕг пионерон лӕггаддзинады.
4 2000-ӕм азы апрелы фондз сабат ӕмӕ фондз хуыцаубон кӕй ис, уымӕ гӕсгӕ бирӕтӕн сӕ бон суыдзӕн ӕххуысгӕнӕг пионертӕй балӕггад кӕнын. 1998 азы апрелы ӕххуысгӕнӕг пионерты ӕппӕты стырдӕр нымӕц уыд 9 877 адӕймаджы, уый хъусынгӕнджыты иумӕйаг нымӕцӕй уыд йӕ 10 проценты. Иу азӕй фылдӕры фӕстӕ, 1999 азы августы, хыгъд чи ратта, уыцы хъусынгӕнджыты нымӕц фӕфылдӕр 11 проценты. Уый ууыл дзурӕг у, ӕмӕ нын хорз фадат кӕй ис ӕххуысгӕнӕг пионерты раздӕры стырдӕр нымӕц фӕфылдӕр кӕнынӕн. Уымӕй уӕлдай ма, фӕкъаддӕр ӕххуысгӕнӕг пионерты сахатты нормӕ; уымӕ гӕсгӕ ӕмбырды фылдӕр хъусынгӕнджыты бон у ӕххуысгӕнӕг пионертӕй балӕггад кӕнын. Алы аргъуыд хъусынгӕнӕг дӕр хъуамӕ Хуыцаумӕ скува ӕмӕ ахъуыды кӕна, йӕ бон суыдзӕн апрелы ӕххуысгӕнӕг пионерӕй балӕггад кӕнын ӕви нӕ.
5 «Иегъовӕйы Ӕвдисӕнты къӕлиндарӕй 2000-ӕм азӕн» пайдагӕнгӕйӕ, дӕхицӕн график скӕн апрелы мӕйӕн. Уацамындмӕ цы бонты цӕудзынӕ, уыдон банысан кӕн, ӕмӕ уыцы мӕй цал сахаты суыдзӕн дӕ бон хъусын кӕнын, уый банымай. Банымай, цы рӕстӕг хардз кӕнай хӕдзарӕй-хӕдзармӕ, уынджы ӕмӕ ӕнӕнхъӕлӕджы искӕмӕн хъусынгӕнгӕйӕ, уый. Ӕдӕппӕтӕй дын 50 сахаты бӕрц уыдзысты, ӕххуысгӕнӕг пионеры сахаты нормӕ? Сахаттӕ дын куы нӕ фаг кӕна, уӕд дӕ бон нӕ уаид дӕ график афтӕ скӕнын, цӕмӕй ӕххуысгӕнӕг пионерӕй балӕггад кӕнай? Бон 1 сахат ӕмӕ 40 минуты куы хъусын кӕнай, уӕд дын мӕйы кӕрон уыдзысты 50 сахаты.
6 Ӕххӕстрӕстӕг пионерты нормӕ дӕр кӕй фӕкъаддӕр, уымӕ гӕсгӕ ӕххӕстрӕстӕг лӕггаддзинад райдайыныл нӕ хъуыды кодтай? Уӕдӕ ӕнӕмӕнгдӕр сӕрдмӕ хъӕуы ӕнхъӕлмӕ кӕсын? Зымӕг фӕци, ӕмӕ ӕххӕстрӕстӕг лӕггаддзинад райдайӕн ис апрелӕй! Ӕххӕстрӕстӕг пионеры нормӕ, 70 сахаты, саразыныл куы дызӕрдыг кӕнай, уӕд уал апрелы райдай ӕххуысгӕнӕг пионерӕй лӕггад кӕнын ӕмӕ дӕ разы сӕвӕр хӕс — 70 сахаты. Уый дын куы бантыса, уӕд дӕ чи зоны тагъддӕр бафӕнда бацӕуын ӕххӕстрӕстӕг пионерты рӕнхъытӕм. (Кӕс чиныг «Цӕттӕ стӕм нӕ лӕггаддзинадмӕ», 113, 114 фӕрстӕ, уырыссаг.)
7 Куыд хорз уацхъуыдхъусынгӕнӕг, афтӕ дӕ бон цы у, уый араз. Хуыцауы ӕмӕ адӕмы сыгъдӕгзӕрдӕйӕ кӕй уарзӕм, уый нӕ — хъусынгӕнджыты дӕр ӕмӕ пионерты дӕр — разӕнгард кӕны, цӕмӕй нӕ уавӕртӕм гӕсгӕ Иегъовӕйӕн зӕрдӕбынӕй лӕггад кӕнӕм (Лук. 10:27). Афтӕмӕй мах ӕвдисӕм, «уый тыххӕй [кӕй] фыдӕбон кӕнӕм ӕмӕ фауындзинӕдтӕн [кӕй] фӕразӕм, ӕгас Хуыцауӕй ныфсджын кӕй стӕм, Кӕцы у ӕппӕт адӕймӕгты Ирвӕзынгӕнӕг, уӕлдайдӕр та рӕстыты» (1 Тим. 4:10). Уымӕ гӕсгӕ нӕ ныфс ис, апрелы хъусынгӕнджытӕ иууылдӕр лӕггаддзинады хайад кӕй райсдзысты ӕмӕ Паддзахады хъуыддаджы сӕ бон цы у, уый кӕй араздзысты.
8 Цӕй уӕдӕ нӕ зӕрдыл дарӕм Йесойы ныхӕстӕ: «Кӕрдинаг бирӕ, кусджытӕ та гыццыл; уӕдӕ лӕгъстӕ кӕнут хуымы Хицауӕн, цӕмӕй рарвита кусджытӕ Йӕ хуыммӕ». Йесо ацы ныхӕстӕ куы загъта, уӕд йӕ 12 апостолы арвыста хъусын кӕнынмӕ (Мтф. 9:37, 38; 10:1, 5, 7). Иу азы фӕстӕ, 12 апостолы базыдтой хъусын кӕнын ӕмӕ Йесо «сӕвзӕрста ӕндӕр ӕвдай ахуыргӕнинаджы, ӕмӕ арвыста уыдоны... Йӕхи разӕй» ӕмӕ та сӕ бафӕдзӕхста: «Хуымгӕрдӕнтӕ бирӕ... уӕдӕ курут хуымы Хицауӕй, цӕмӕй рарвита кусджытӕ Йӕ хуыммӕ» (Лук. 10:1, 2). Библийы чиныг Куыстыты дзырдӕуы, Иегъовӕ уыцы куывтытӕн дзуапп куыд ратта, ууыл. Н.э. 33 азы Фӕндзайӕм бонмӕ ахуыргӕнинӕгтӕ уыдысты иу-120. Уый фӕстӕ ахуыргӕнинӕгтӕ систы 3 000, стӕй та 5 000 (Ап. к. 1:15, 16а; 2:41; 4:4). Уый фӕстӕ «ахуыргӕнинӕгты нымӕц тынг бирӕ кодта» (Ап. к. 6:7). Абон дӕр хъӕуы Хицауӕй курын, цӕмӕй Паддзахады хъусынгӕнджытӕ фылдӕр уой. Уый тыххӕй кӕй кувӕм, уымӕ гӕсгӕ бацархайӕм, цӕмӕй алы мӕй дӕр уацамындмӕ цӕуӕм.
9 Дӕ хорзӕхӕй, иу хатт ма ӕркӕс «Къӕлиндармӕ 2 000 азӕн», апрелы мӕйы. Мӕйы фыццаг дыууӕ бон хауынц сабат ӕмӕ хуыцаубонмӕ. Уымӕ гӕсгӕ дӕ бон нӕ уаид уыцы сабат-хуыцаубон уацамындмӕ ацӕуын ӕмӕ афтӕмӕй апрелы мӕйы лӕггаддзинад райдайын? Дӕ бон нӕ уаид уӕ чиныгахуыркӕнынады къордимӕ ӕнӕхъӕн мӕйы дӕргъы «журналтимӕ хъусын кӕнын»? Ӕмӕ алы хуыцаубон дӕр сахат кӕнӕ сахатӕй фылдӕр хъусын кӕныны тыххӕй та цы зӕгъдзынӕ? Бон кӕй фӕдаргъдӕр, уымӕ гӕсгӕ тагъд нӕ баталынг вӕййы. Уӕдӕ цӕуылнӕ ис изӕрыгӕтты хъусынкӕнӕн? Уымӕ гӕсгӕ гӕнӕн уӕвгӕйӕ хъусын кӕн куысты, скъолайы ӕмӕ ма дӕ ӕрвылбоны куыстытӕ куы фӕкӕныс, уӕд дӕр. «Иегъовӕйы Ӕвдисӕнты къӕлиндары» банысан кӕн уацамындмӕ цы бонты ацӕудзынӕ, ӕмӕ ма уыцы мӕй уацамынды цы рӕстӕг уыдзынӕ, уый дӕр.
10 Апрель хорз мӕй у ӕнӕаргъуыд хъусынгӕнӕг суӕвын кӕй фӕнды ӕмӕ хистӕрты хъуыдымӕ гӕсгӕ ӕнӕаргъуыд хъусынгӕнӕджы домӕнтӕн чи дзуапп кӕны, уыдонӕн. Библи кӕимӕ ахуыр кӕныс уый кӕд хорз къахдзӕфтӕ аразы, уӕд ын цӕуылнӕ ис зӕгъӕн, цӕмӕй сӕрдариуӕггӕнӕг цӕстдарӕгмӕ бацӕуа ӕмӕ базона, йӕ бон хорз уацхъуыд хъусынгӕнӕг суӕвын у ӕви нӕ? Кӕд дын ӕнӕаргъуыд сывӕллӕттӕ ис, уӕд сын сӕ ӕнтыстыты тыххӕй хистӕр нӕлгоймӕгтимӕ аныхас кодтай? Чи зоны сын афон у лӕггаддзинад райдайын? (Кӕс «Цӕттӕ стӕм нӕ лӕггаддзинадмӕ», 97—101 фӕрстӕ, уырыссаг.)
11 Цӕй уӕдӕ бацархайӕм, цӕмӕй 2000-ӕм азы апрелы мӕй ӕппӕты ӕнтыстджындӕр мӕй уа: иууылдӕр лӕггаддзинады хайад райсӕм ӕмӕ мӕйы кӕрон ма ферох кӕнӕм хыгъд раттын. (Абар Маркы 6:30.) Ӕнӕаргъуыд хъусынгӕнджытӕй лӕггаддзинады фыццаг хатт чи уыд, уыдонӕн хъуамӕ бамбарын кӕнӕм хыгъд афойнадыл дӕттын кӕй хъӕуы, уый. Нӕ бон цы у, уый куы аразӕм, уӕд мах дӕр апрелы хыгъдмӕ нӕ хай бахӕсдзыстӕм ӕмӕ Иегъовӕйӕн нӕ лӕггаддзинады уылты цы бирӕ адӕм кад кӕндзӕн, уымӕ баиу уыдзыстӕм.
12 Ӕрымысӕн Изӕрмӕ иннӕты дӕр фӕхон. Чырыстийы мӕлӕты Ӕрымысӕн Изӕрмӕ 2000-ӕм азы ноджы фылдӕр адӕм куы ӕрбацӕуа, уӕд нӕ цин кӕндзыстӕм? Кӕй зӕгъын ӕй хъӕуы, о! Уый нысан кӕндзӕн, афтӕ бирӕ адӕм кӕй никуы ма ӕрбацыд, Иегъовӕ ӕмӕ Йесо Чырысти махмӕ, адӕммӕ, цы диссаджы уарзондзинад равдыстой, уый тыххӕй бузныгдзинад равдисынмӕ (Иоан. 3:16; 15:13). Рагацау бацархай, цӕмӕй дӕ дӕ бинонтимӕ Ӕрымысӕн Изӕрмӕ ацӕуынӕн мацы бахъыгдара.
13 Адӕмы Ӕрымысӕн Изӕрмӕ хоныны афон у. Кӕй фӕхондзӕ, уыдон ныффыс. Ныффыс Библи раздӕр чи ахуыр кодта, чи ахуыр кӕны ӕмӕ ма дыккаг хатт кӕмӕ бацӕудзынӕ, уыдоны дӕр. Хыгъдмӕ ма бахӕсс куысты ӕмӕ скъолайы зонгӕ кӕимӕ дӕ, афтӕ ма дӕ сыхӕгтӕ ӕмӕ де ’мкусджыты дӕр. Ма дӕ ферох уӕд дӕ иннӕ зонгӕтӕ ӕмӕ дӕ хӕстӕджытӕ дӕр. Кӕй хоныс, уыдоны иууылдӕр куы ныффыссай, уӕд сӕ алкӕйдӕр зӕрдӕбынӕй райдай хонын. Зӕгъ сын, Ӕрымысӕн Изӕр кӕд ӕмӕ кӕм уыдзӕн, уый. 19 апрелы размӕ ма сӕм бацу кӕнӕ та сӕм телефонӕй бадзур ӕмӕ сӕ фӕхон. Зӕгъ сын, дӕ бон сӕм кӕй у бацӕуын ӕмӕ Ӕрымысӕн Изӕрмӕ иумӕ ацӕуын.
14 Ӕхсӕнад раздӕр куыд хъусын кодта, уымӕ гӕсгӕ хистӕр нӕлгоймӕгты совет бацархайдзӕн, цӕмӕй ӕмбырды территорийы цы пассивон хъусынгӕнджытӕ цӕры, уыдон Ӕрымысӕн Изӕрмӕ ӕрбацӕуынмӕ сразӕнгард кӕной (Мтф. 18:12—14). Хорз уаид хистӕр нӕлгоймӕгтӕ ногӕй куы бакӕсиккой, Ӕхсӕнад 1999 азы 2 февралы цы фыстӕг арвыста, уый. Ӕмбырды секретарь скӕндзӕн пассивон хъусынгӕнджыты хыгъд, ӕмӕ службӕйон цӕстдарӕг та бацархайдзӕн, цӕмӕй сӕм хистӕр нӕлгоймаг бацӕуа ӕмӕ сӕ Ӕрымысӕн Изӕрмӕ фӕхона. Хистӕр нӕлгоймӕгтӕ пассивон хъусынгӕнджытӕм хӕдзармӕ куы бацӕуой, уӕд сын уый гӕнӕн ис баххуыс кӕна ногӕй, чи зоны апрелӕй дӕр, уацамынды цӕуынӕн. Фӕлтӕрдджын хъусынгӕнджытӕй сӕ исчи йемӕ уацамындмӕ куы фӕхона, уӕд сын уый тынг баххуыс кӕндзӕн.
15 Разӕнгард сӕ кӕнут, цӕмӕй апрелы фылдӕр хъусын кӕной! Цӕмӕй апрель ӕппӕты ӕнтыстджындӕр мӕй суа, уый тыххӕй хистӕр нӕлгоймӕгтӕ, службӕйон ӕххуысгӕнджытӕ ӕмӕ бинонты хистӕртӕ хъуамӕ хорз разамынд кӕной. Хистӕр нӕлгоймӕгтӕ зӕрдӕбынӕй архайдзысты, цӕмӕй алцыдӕр хорз спълан кӕной ӕмӕ «разамынд сӕхимӕ исой» (Дзут. 13:7, НД). Ахъуыды кӕнын хъӕуы, куыд ис уацамындон фембӕлдтӕ кусгӕ бонты ӕмӕ сабат-хуыцаубон афтӕ спълан кӕнын, цӕмӕй алкӕй бон дӕр уа ӕрбацӕуын. Фембӕлдтӕ ма уадзӕн ис изӕрырдӕм дӕр. Апрелы цы уацамындон фембӕлдтӕ уыдзӕн, уыдон расписани хъуамӕ ауыгъд уа хъусинӕгты фӕйнӕгыл. Алы фембӕлдӕн дӕр хъӕуы снысан кӕнын, чи йӕ уаддзӕн, ахӕм ӕфсымӕр ӕмӕ хъӕуы ӕрцӕттӕ кӕнын участоктӕ.
16 Апрелы парахат кӕндзыстӕм журналтӕ «Хъахъхъӕнӕг мӕсыг» ӕмӕ «Райхъал ут!». Цӕмӕй Библи искӕимӕ ахуыр кӕнын райдайай, уый тыххӕй чи бацымыдис кӕна, уыдонӕн раттӕн ис брошюрӕ «Цы домы». Уымӕ гӕсгӕ хъӕуы ӕрцӕттӕ кӕнын уыйбӕрц журналтӕ ӕмӕ брошюрӕтӕ, цӕмӕй сфаг уой.
17 Мӕйы кӕрон чиныгахуыркӕнынӕдты разамонджытӕ ӕмӕ се ’ххуысгӕнджытӕ сӕ чиныгахуыркӕнынӕндты алкӕйдӕр разӕнгард кӕндзысты, цӕмӕй мӕй куыддӕр фӕуа, афтӕ хыгъд раттой. Уый саразӕн ис хуыцаубоны дӕр, 30 апрелы. Фӕстӕдӕр секретарь ӕмбырды хыгъд куы араза ӕмӕ куы фена хъусынгӕнджытӕй чидӕр йӕ хыгъд кӕй нӕ ратта, уӕд ын зӕгъдзӕн, цӕмӕй йӕ 6-ӕм майы онг ратта, ома ӕмбырды хыгъд цалынмӕ Ӕхсӕнадмӕ нӕ арвитой, уӕдмӕ. Секретары бон у чиныгахуыркӕнынӕдты разамонджытӕн зӕгъын, цӕмӕй йын баххуыс кӕной хъусынгӕнджытӕй хыгъд ӕрӕмбырд кӕнынӕн.
18 Ӕрымысӕн Изӕр Хуыцауы адӕмӕн у ӕппӕты ахсджиагдӕр рӕстӕг. Уыцы рӕстӕг мах иууылдӕр хъуамӕ ӕппӕт тыхтӕй лӕггад кӕнӕм Иегъовӕйӕн. Уый къухы бафтдзӕн, алчидӕр нӕ, куыд хорз уацхъуыдхъусынгӕнӕг, афтӕ йӕ бон цы у, уый куы сараза, уӕд; йӕ бон кӕмӕн у, уый ӕххуысгӕнӕг пионерӕй куы балӕггад кӕна, уӕд; ӕмӕ Чырыстийы мӕлӕты Ӕрымысӕн Изӕрмӕ адӕмы куы хона, уӕд. Цӕй уӕдӕ зӕрдӕбынӕй кувӕм Иегъовӕмӕ ӕмӕ дзы курӕм, цӕмӕй нын раарфӕ кӕна, 2000-ӕм азы апрелы мӕй ӕппӕты ӕнтыстджындӕр мӕй аразыныл кӕй архайӕм, уымӕн. Афтӕмӕй Хуыцауӕн хӕсдзыстӕм ӕппӕлынад ӕмӕ кад! (Дзут. 13:15).
[Рамкӕ 3 фарсыл]
Ӕххуысгӕнӕг пионерты
нымӕц Уӕрӕсейы ӕппӕты стырдӕр уыд 9 877
(1998 азы апрель)
[Рамкӕ 4 фарсыл]
Хъусынгӕнджыты
нымӕц Уӕрӕсейы ӕппӕты стырдӕр уыд 107 111
(1999 азы август)
[Рамкӕ 5 фарсыл]
Ӕрымысӕн Изӕрмӕ ӕрбацӕуджыты
ӕппӕты стырдӕр нымӕц Уӕрӕсейы уыд 259 093
(1999 аз)