Паддзахады тыххӕй ӕдзух хъусын кӕныс?
1 Не ’ппӕтӕн дӕр тынг ӕхсызгон уыд, куы фехъуыстам, Уӕрӕсейы 1999 азы ноябры хъусынгӕнджыты фылдӕр нымӕц кӕй схызт 107 324 хъусынгӕнӕгмӕ. Фӕстаг фылдӕр нымӕц 1999 азы августы уыд 107 111 адӕймаджы, афтӕмӕй йӕм бафтыд 213 адӕймаджы. Ӕцӕгдӕр, уый у нӕ иумӕйаг ӕмӕ нӕ зӕрдиаг куысты фӕстиуӕг! Куыд зыны, афтӕмӕй 1999 азы сентябры ӕмӕ октябры иуӕй-иу хъусынгӕнджытӕн зын уыд ӕдзух Паддзахады тыххӕй хъусын кӕнын, уымӕн ӕмӕ хъусынгӕнджыты рӕстӕмбис нымӕц уыд 104 395 адӕймаджы. Уый ууыл дзурӕг у, ӕмӕ хъусынгӕнджытӕй бирӕтӕ сӕ рӕстӕг раст нӕ адих кодтой ӕмӕ алы мӕй дӕр сӕ бон нӕ уыд лӕггад кӕнын. Ныфс нӕ ис, дӕлдӕр лӕвӕрд ӕрмӕг нын кӕй баххуыс кӕндзӕн уыцы проблемӕ аскъуыддзаг кӕнынӕн.
2 Дӕ бӕрны цы ис, уымӕн аргъ кӕн: Мах хъуамӕ аргъ кӕнӕм, нӕ бон кӕй у иннӕтӕн Паддзахады тыххӕй хорз уацхъуыд дзурын, уымӕн. Уыцы куыст райын кӕны Иегъовӕйы зӕрдӕ ӕмӕ ӕххуыс кӕны сыгъдӕгзӕрдӕ адӕмӕн цардмӕ кӕнӕг фӕндаг базонынӕн (Фӕс. н. 27:11; 1 Тим. 4:16). Уацамынды ӕдзухдӕр куы цӕуӕм, уӕд фӕлтӕрдджын лӕггадгӕнджытӕ суыдзыстӕм, ӕнкъардзыстӕм циндзинад ӕмӕ уыдзыстӕм райгонд нӕ куыстӕй.
3 Уацамынды хыгъд: Иуӕй-иутӕ сӕ уацамынды хыгъд афоныл нӕ фӕдӕттынц. Мах хъуамӕ макуы хъуыды кӕнӕм, зӕгъгӕ, афтӕ гыццыл бакуыстон, ӕмӕ хыгъд дӕттын дӕр нӕ хъӕуы. (Абар Мар. 12:41—44.) Цыфӕндыйӕ дӕр хъуамӕ нӕ куысты хыгъд дӕттӕм! Уацамынды цас рӕстӕг уыдтӕ, уымӕн дын хӕдзары график куы уа, зӕгъӕм къӕлиндарӕй куы пайда кӕнай, уӕд дын уый ӕдзухдӕр дӕ зӕрдыл лӕууын кӕндзӕн, алы мӕйы кӕрон дӕр дӕ хыгъд дӕттын кӕй хъӕуы, уый.
4 Искӕй ӕххуыс куы хъӕуа, уӕд ын баххуыс кӕн: Искӕмӕн уацамынды ӕдзух цӕуын йӕ бон куы нӕ уа ӕмӕ йӕ ӕххуыс куы хъӕуа, уӕд ӕрхъуыды кӕнын хъӕудзӕн исты мадзӕлттӕ. Ӕмбырды секретарь ӕмӕ чиныгахуыркӕнынӕдты разамонджытӕ фӕлтӕрдджын хъусынгӕнджытӕн хъуамӕ бабар кӕной, цӕмӕй уыдон иннӕтӕн ӕххуыс кӕной. Кӕд дӕ сывӕллӕттӕ кӕнӕ Библи кӕимӕ ахуыр кӕныс, уыдон ӕнӕаргъуыд хъусынгӕнджытӕ сты, уӕд сӕ сахуыр кӕн сӕ уацамынды хыгъд алы мӕй дӕр дӕттын.
5 Ӕрхъуыды ма кӕн, 1997 азы 1 октябры «Хъахъхъӕнӕг мӕсыджы» (уыр.) цы биографи уыд фыст,— «Долгая и радостная жизнь в служении Иегове». Норвегийӕ нӕ хо Оттилли Мидланд хорз уацхъуыд ӕдзух хъусын кӕнын райдыдта йӕ аргъуыды размӕ 1921 азы. Ӕвдай ӕхсӕз азы фӕстӕ, 99 азы йыл куы цыд, уӕд загъта: «Ныр дӕр ма мӕ бон кӕй у ӕдзух хъусын кӕнын, уый мын хӕссы стыр циндзинад». Иегъовӕйы лӕггадгӕнджытӕн се ’ппӕтӕн дӕр уый у диссаджы фӕзминаг цӕвиттон!